يا حلاوة بلادنا مصر .........

[houssin abo habaga]

يا حلاوة بلادنا مصر

كلها تفانيين

حكومه راكبه جمل

من عهد السقايين

ورئيسنا الله يكرمه

جامد ومتيين

ما تقلش عليه أزاز

قول عليه ملاميين

لو تقدر يوم تزحزحه

أدفعلك الملايين

وشعب مش شعبنا

حزب الكسلانيين

عايش كده فهلوه

حلمان يا كل تيين

تقوله فوق يا عم

يقولك أنت ميين

ولما تقوم تسأله

يشكى مرار الكون

عملت آييه فى دنيتى

أتعذب كل يوم

مش كفاية أخرتى

يعلمها رب الكون

غلوا علينا العيش

ورخصوا التليفون

وكلنا لحم حمير

وراح من عنيا النوم

يا حلاوة بلادنا مصر

كلها تفانيين

رقاصه هزه البلد

ومعجبينها كتير

تهز يوم وسطها

تلقى الفلوس بتطير

سطله السكارة بجسمها

وقعوا ليها كتير

مليونير طالب ودها

أصيل يا أبن النيل

ومن كتر رقص البلد

البلطجية كتير

بغل عامل دكر

بيحمى فنانه

صيتها مالى البلد

ومعجبينها كتير

ولما تتواعد غرام

تلايقه على الباب واقف

حارس وليه طراطير

يا حلاوة بلادنا مصر

كلها تفانيين

الست نازله البحر

جلابيةمبينه جسمها

والعقل ليها يطير

وجوزها قاعد يشيش

والباقى نازل طبخ

ممبار ومحشى كتير

شوية يعملوا شاى

وشوية يمصوا قصب

وشوية شرب عصير

يا عينى عليك يا بحر

ويا عينى عليك يا نيل

بقى هى دى بلادنا مصر

من قله مساكن البشر

سكنا مع الأموات

وراجل قليل العقل

محشور فى الباصات

لا عنده خشى ولا حيا

والفهم عنده مات

يا حلاوه بلادنا مصر

كلها تفانيين

ناس تقوم العصر

وبالليل سهرانيين

شوية مع الخمرة

وشوية محششين

وشباب روش بانجوا

وشباب سكرانيين

وشباب داير نواصى

وشباب عطلانيين

لو كان فيه حكومه أدب

كنا عرفنا الدين

أعتب عليك يا زمن

ولا على التفانيين

حكومه دايرة رقص

والعبرة بالتفانيين

---------------

كتابات / حسن عمران

rs: rs: