بخصوص السفر بالسيارة الى مصر

[atton]

انا كنت ناوى اسافر مصر عن طريق البر حتى اتمكن من عمل عمرة فى مكة لكننى فؤجئت ان الموضوع دة مستحيل خصوصا لمن يعملون بالقطاع الخاص زاى حالتى لانى لما روحت اطلع دفتر التربتك فؤجت انهم عازين 30000 الف درهم كاش او مانجر شيك(شيك ضمان بنكى) بنفس المبلغ علشان يعملو لى دفتر تربتك والمبلغ ودة طبعا كتامين لحين رجوع السيارة او انى اجيب مواطن يضمنى ويكتب لهم شيك ب30000 درهم والشيك دة يفضل عندهم لحد ما السيارة ترجع نسترد الشيك (بالذمة دة كلام) مع العلم ان الدولة الوحيدة التى يطبق عليها هذا القرار هى مصر طالما كان المسافر بيشتغل فى القطاع الخاص مهما كان راتبة

وانا فى راييى الشخصى ان دى شروط تعجزية بس هما هنا فى الامارات بيقولو ان دى شروط الجمارك المصرية عموما

انا حبيت اضيف المعلومة دى علشان الكل يعرفها ومحدش يصدم لما يروح يحاول يطلع دفتر تربتك

بصراحة الموضوع دة احبطنى جدا خصوصا انة بيطبق على المصريين بس

[Girl With Broken Smile]

انا مع حضرتك في اللي بتقوله ... خصوصا انى بسافر بي مع والدي ... ولسه بيجهز دفتر التربتك ... هوا فعلا ده اللي بيحصل ... بس الدولة بتبقى عاوزة تحفظ حقها من الجمارك ... يعني لو مثلا انا في قطر ... ونازلة مصر بالعربية ... قطر عاوزة تضمن حقها من انها تضمن حقها من الجمارك ... فعشان كده بيتاخد مبلغ 50000 او 30000 ... وقصة ان ده مع المصريين بس ... لا بصراحة انا شوفت كذا جنسية واللي اعرفهم او الكلام اللي عرفته من والدي ان ده نظام عشان الدولة اللي بتشتغل فيها تضمن حقها من الجمارك ... وتاني حاجة كل دولة ليها نظام معين ... وده نظام بعض الدول ... اتمنى اكون ماكونش تقلت عليك...تقبل مروري

[atton]

شكرا على الرد

ووالله الكلام اللى حضرتك قولتية دة جميل بس انا كمان عندى معلوماتى فدولة زاى سوريا او لبنان او الاردان مفيش فيها اى ضمانات مالية ودة عن تجربة شخصية

ثانيا ودة الاهم لية موظفين الحكومين ملهمش ضمان رغم ان الواحد ممكن يكون مستقر اكتر منهم وممكن كمان يكون راتبة اعلى

ثالثا السيارة اللى بتخالف فى مصر الحكومة المصرية مش بتسبها

فية طرق كتيرة ممكن الجمارك او نادى السيارات يضمنوا بيها حقهم زاى التاكد انك مازالت على راس عملك وكمان المدة اللى انت قضيتها وراتبك فى البلد و عدد سنوات العمل

ان الشغل يضمنك ويجيب شهادة انك لسة شغال او ان الضامن يكون مصرى ويسب جوازة عندهم لحين رجوع السيارة

او اتنين موظفين حكومة مصرين يضمنوك بصورة جوازهم

او مواطن يضمن بدون شرط الشيك اللى همضية

لازم يكون فية مرونة فى التعامل والشروط لان الموضوع دة بالشروط دى هيضيع فلوس كتيرة على البلدين

وبعدين كدة كدة العملية مش مستهلة انا بس كنت عاوز اعمل عمرة ف الطريق يالله لو الموضوع كبر ف دماغى هنفذ الشروط دى

وميرسى مرة تانية على الرد

[atton]

حبيت اضيف رد خاص بموضوع التربتك انا لما نويت خلاص اطلع دفتر تربتك لقيت ان الموضوع سهل جدا والامر لا يحتاج غير ضامن من اى جهة حكومية والناس فى نادى السياحة والسفر متعاونين جدا ومفيش تشدد وهناك قدر عالى من المرونة بس كنت عاوز اعرف تكاليف السفر الى مصر اية واى ميناء هو الافضل العقبة او ضبا

وشكرا

[om marawan]

معلش أنا مش فاهمة حاجة :closedeyes:

يعنى التأمين ده بيتدفع فى البلد اللى احنا فيها عشان ناخد الدفتر ؟؟؟؟

طب ومين اللى عاوز يضمن حقه فى الجمارك ؟ مش المفروض الجمرك ده بيتدفع فى مصر ؟؟

يعنى افهم من كده ان ماحدش بيسافر بالسيارات من القطاع الخاص غير اللى مستوفى شرط التامين ؟؟

طيب و الانتظار فى منفذ العقبة او سفاجا بياخد على أسوأ الاحوال كام ساعة ؟

معلش انا اسفة على الأسئلة الكتير دى ..... ..

بس أصل كان نفسى أعرف ظروف السفر بالسيارة

تقبلوا تحياتى

[أسد]

في السعودية ... لا يوجد مثل هذا أبداً ..

دفتر التربتك يصدر مقابل سداد رسوم في حدود 300 ريال فقط ..

وتاخده وانت واقف .. حيث يتم إصداره في خمس دقائق ..

[قديم]

اعتقد في بعض دول الخليــج ومنها دبــي وقطــر التي تشهد طفــره اقتصاديــه غير مسبوقـه و التي تعطي تسهيلات بنكيـه كبيـره وتسهيلات بالدفـع للاقراض والتمويل . او لما تكون العربيـه مشتراه اصلا بالقسط .. يتم اتباع ذلك الاجــراء . .

مثل ما قال الاستاذ اســد . السعوديه والكويت واعتقد البحريـن . ولا مش كدا يا سفيــره المحاورات بالبحرين الاستاذه ( بدريــه )

وايضا عمان

[enga]

كنت باستفسر هل يوجد عبارة من ينبع الي سفاجا وكم تتكلف لو موجودة ؟