مصر فى كأس العالم

[الحازم حسن]

مفيش فايدة :lol:

مفيش فايدة :)

[ابو محمود]

مالاوى 1-مصر صفر

الكونغو6-جيبوتى-صفر

مصر التالت بفارق الاهداف عن مالاوى والكونغو

الاحد بعد 8 ايام مصر ومالاوى بالقاهرة

عشان الاخوة اياهم يستعدوا ورا جون الحضرى

صباحك جميل يادكتور ...

مبلاش موضوع ورا الجون دة كفيانا بقى الموضوع ان هناك من يظن انة صاحب فضل وياريت نضع الأمور فى نصابها ونحاول نعرف المشكلة فيين رغم انى احب حسن شحاتة ورغمانى ايضآ زعلان منة ليس بسبب الحضرى ولكن بسبب انة متحامل على بعض اللاعبين ومن أمثالهم الماتادور جمال حمزة !!!عارف هتقول انت أهلاوى ووو

يا دكتور الموضوع مصر لا أهلى ولا ذمالك وياريت يتعلم من اللى حصل للجوهرى سابقآ عندما تفزلك وترك لاعبين أمثال طاهر ابوذيد على الدكة لانة هناك خلافات شخصية بينهم ياريت يادكتور ندعى لربنا يهدى عم حسن أفندى بتاع الأتصالات اللى خطة سقط فى ملاوى ههههههههههههههههههههههههههه

[حسام يوسف]

يوم 7-سبتمبر المباراة الهامة بين مصر والكونغو

فى حال =ويارب-مصر فازت يبقى عدينا الجزء الأول فى التصفيات

وفى حالة التعادل يبقى لسة فية كلام

وفى حالة الهزيمة لاقدر الله يبقى كل عام وانتم بخير

ادعوا لمصر

[حسام يوسف]

الماتش الساعة اربعة ونص بتوقيت القاهرة

محمد شوقى أبرز الغائبين عن مصر

واحتمال ميدو يلعب أو ميلعبش

أبرز -ويارب تبقى بجد -الغيابات عن الكونغو المرعب لوا لوا

على فكرة مالاوى فازت على مركز شباب جيبوتى المطور فى جيبوتى 3-صفر

وكدة كالمتوقع

الأمور اتلخبطت تماما

مالاوى ومصر و الكونغو 9 نقط

هيفضل لمالاوى ماتش الكونغو فى الكونغو

ومصر هتلاعب بعد كدة فى الجولة الاخيرة جيبوتى بالقاهرة وان شاء الله ادى 3 نقط

المشكلة لو اتغلبنا لا قدر الله لاقدر الله

الترتيب المباريات الأهداف النقاط

لعب فاز تعادل خسر له عليه الفرق النقط

1 منتخب National Team جمهورية الكونجو 4 3 0 1 13 3 10 9

2 منتخب National Team مالاوي 5 3 0 2 12 4 8 9

3 منتخب National Team مصر 4 3 0 1 8 2 6 9

4 منتخب National Team جيبوتي 5 0 0 5 2 26 -24 0

هذا هو الترتيب حتى قبل المباراة عم موقع www.koora.com

ادعوا لمصر بالفوز أو بالتعادل

Copyright © kooora.com 2002-2008. All rights reserved

[حسام يوسف]

جوووووووووووووووووووووووووووووووووووووووووووووووووووووووووول

الهدف الأول لمصر أحرزة ابوتريكة

يارب تكمل على خير

[حسام يوسف]

مصر 1-الكونغو صفر

فازت مصر خارج ملعبها

فازت واللاعيبة صايمة

الحمدلله

كان عمروزكى والحضرى وتريكة نجوم اللقاء

بكدة مصر 12 نقطة

وباذن الله تفوز ماتش جيبوتى

وتبقى 15 نقطة

وتأهلت مصر للتصفيات التالية لكأس العالم 2010

احب اقول لباشمهندس حازم حسن

باذن الله فية فايدة

الحمدلله

[Scorpion]

لأ يا حسام ...

ما فيش فايدة .......... wst::

فيه فايدة و نص ... مش فايدة واحدة ....

هيييييييييييييييييييييييييييييييهههههههههههههههههههههههه

:wub: :ninja: :wub:

[حسام يوسف]

لأ يا حسام ...

ما فيش فايدة .......... :wub:

فيه فايدة و نص ... مش فايدة واحدة ....

هيييييييييييييييييييييييييييييييهههههههههههههههههههههههه

:wub: :ninja: :wub:

عملتها فية يا سكوب

والله زعلت منك فى الاول

واتضايقت

وقلت دة سكوب دة مستودع التفاؤل

لية يتشائم

وكمان بعدمافزنا وبرة ارضنا كمان

وماشى صالحتنى بوردة

عموما انا احب اللعبة الحلوة

حتى لو علية

مبروك يا سكوب

لأ

مبروك ونص wst::

[الطيار المصرى]

أخيرا يا منتخبنا فرحتنا و خليتنا نشم نفسنا....

و ان شاء الله نعدي علي خير و تكون قرعة الدور القادم في جانبنا لنصعد باذن الله لكأس العالم...

مبروك لمصر

[حسام يوسف]

المرحلة الجاية اصعب بكتييييييييييييييييير

همة فى التصفيات الاولى اللى نعتبر اتاهلنا منها خلاص

12 مجموعة

هياخدوا الاتناشر أول

يبقى عندنا 12 فريق من أوائل المجموعات (يعنى مش اى كلام)

وبعدين هياخدوا من ال 12 مجموعة احسن 8 توانى فى الاتناشر مجموعة

هيبقى عندنا 20 بنت

قصدى 20 فريق من الأوائل والتوانى

ياخدوا بقى العشرين فريق الجامدين دول (أوائل وتوانى المجموعات)

يقسموهم فى 5 مجموعات

ومن كل مجموعة هياخدوا فريق واحد من كل مجموعة

الأول يعنى

يعنى هياخدوا فريق واحد من الاربع فرق اللى فى كل مجموعة

يعنى الموضوع مش سهل

لذا لزم التنوية

[الحازم حسن]

أنا كنت بتشائم من الكونغو لاننا كل ما بنلاعبها بتحصل لنا مصيبة سنة 2006 في الكونغو كانت كارثة العبارة والسنة دي انهيار الدويقة بس الحمد لله طلع انه فيه فايدة

[حسام يوسف]

أنا كنت بتشائم من الكونغو لاننا كل ما بنلاعبها بتحصل لنا مصيبة سنة 2006 في الكونغو كانت كارثة العبارة والسنة دي انهيار الدويقة بس الحمد لله طلع انه فيه فايدة

لا العبارة غرقت بسبب لعبنا م الكونغو

ولاالدويقة وقعت للسبب نفسة

لية الربط الغريب دة يا باشمهندس حازم؟

كل سنة وانت طيب

رمضان كريم :blink:

[الطيار المصرى]

طبعا من المتوقع ان القرعة هتوقعنا مع كوت ديفوار و السنغال و الكاميرون

مش عارف ازاي بس ده العادي...

علي رأي المثل قليل البخت يلاقي العضم في الكرشة

و عجبي

[حسام يوسف]

معتقدش

همة هيصنفوا الدول تبعا لشوية نقط

ممكن بكتيرة نقع مع واحدة م الجامدين دول

لكن كل دول

لأ

وبعدين ماعادش فية الفروق الفظيعة بين الدول وادينا شوفنا الكونغو ومالاوى عملوا فينا اية

ربنايستر

[Scorpion]

هدف أبو تريكة في مرمي الكونغو ( لزوم التوثيق للموضوع ده )

إضغط هنا

:ninja: :ninja: :blink:

:wub: wst:: :wub:

[حسام يوسف]

ألف شكر يا عم سكوب

تسلم الأيادى

[ozoozo]

تسلم الأيادى

[الطيار المصرى]

ده انا كنت بتريق يا دكتور حسام علي حظنا اللي دايما بيوقعنا في المنتخبات المرعبة دي...

غير اني مؤيد اراي حضرتك المتمثل في ان الفرق المتاهلة ستصنف طبقا لمستويات كالمستوي الاول و الثاني و الثالث و الرابع...

كقرعة كأس الامم الافريقية...

غير ان المشكلة مش في الفرق اللي بتقع قدامنا....المشكلة في منتخبنا اللي بيكون في اسوء حالاته في بداية التصفيات ثم يفتكر بقي انه المفروض يشد حيله في اخر تلات ماتشات لما فرصتنا تضيع...

و ده لا يمكن تكراره للمرة الخامسة...حيث ان المنافسة القوية و اللعب لتحقيق نتيجة ايجابية منذ المبارة الاولي مفتاح الوصول لكأس العالم ان شاء الله....قولوا امين

[se_ Elsyed]

مصر هاتبقى على راس مجموعة بعد النظام اللي عمله الاتحاد الافريقي في منح نقاط لكل الفرق حسب نتائجها في هذه التصفيات وحسب نتائجها في النهائيات الماضية

وبالتالي تقريباً الخمس مجموعات هايبقى على رأسهم

مصر

الكاميرون

ساحل العاج

غانا

نيجيريا

وممكن عيسى حياتو يدق الناقصة ويستف كل الدول العربية في مجموعة او مجموعتين واساسً ما بقاش فيهم الا تونس ومصر والجزائر والمغرب وليبيا ويخليهم يخلصوا على بعض عشان يضمن ان الغلطة التي حدثت غصبٍ عنه العام الماضي في بطولة دوري الابطال لما وصل 7 فرق عربية وفريق افريقي اسمر واحد فقط الي دور الثمانية

كذلك بقى لنا كذا سنة النهائيات بتبقى بين فرق عربية و3 مرات ورا بعض بيوصل اليابان فرقة عربية بعد تعديل نظامها

عشان كده لاحظوا الاية اتقلبت السنة دي ازاي في ثواني ومابقاش غير 3 فرق فقط وخمسة افارقة في دور الثمانية

الاهلي وخلوا معاه الزمالك في ظروفه الصعب دي عشان الاهلي يفترسه ,,, وقد كان

والهلال السوداني في مجموعة نارية وهو فريق قليل الخبرة وقوي فقط الى حد ما على ارضه فقط واهو طلع من دور الثمانية صفر اليدين

وبالتالي عيسى حياتو بيه مش لاقي حل للأهلي لحد دلوقت وهايموت ويتفقع له عين وفريق افريقي غير عربي يصل الى كأس العالم للأندية باليابان

وانا اهو وهاتقولوا الحاج س س قال ان ما خلى على الاقل 4 فرق سمراء تصل الى كأس العالم بجنوب افريقيا الي جانب جنوب افريقيا المستضيفة طبعاً وهو يعتمد على عاملين :

1- قرعة ظالمة تخلي العربي يخلصوا على بعض

2- حُكام نص لبه تحكم لنا ضد فرق افريقيا زي العرجون وزي الحكم العبيط اللي حكم للأهلي المباراة الاخيرة امام ديناموز هراري الكونجولي ولغى هدفين صحيحين تمام للأهلي ورغم ذلك فاز الاهلي على ديناموز هراري .... وزمان حياتو بيحلف بحياتو ويقول لبتوع زيمبابوي : اعمل لكم ايه يا غجر اكتر من كده ؟ حكم وجبت لكم اعبط حكم في افريقيا ... قرف وقرفنا الاهلي لحد ما كفرنا سيئاته واستدرجناه على ارض ترتان اللي اتغلت من العالم كله الا في افريقيا المتخلفة ؟

بالمناسبة لو حد يعرف عيسى حياتو يسأله عن فرح آدو رئيس لجنة الحكام السابق واللي طلع بفضيحة رشوى بجلاجل وعيسى حياتو طلع منها زي الشعر من العجينة وارجعوا كده للمباراة المسخرة بتاعت مصر وزيمبابوي في تصفيات كأس العالم 94

ومع ذلك لا الوم حياتو او فرح آدو ولكن الوم قراطيسنا العرب اللي ما فيش بينهم غير كل فراق وتباعد وتباغض لحد ما الاخرون علو عليهم واصبح لا يوجد لهم اي ثقل لا افريقي ولا عالمي في الكرة

معليش طولت عليكم

[Scorpion]

اوكيه يا شباب ... سي السيد عنده حتة استثناء ( و استخدمها خلاااااص ) انه يجيب سيرة نادي محلي مصري مرتين في مداخلة واحدة في الموضوع ده ... حتي ولو بطريقة غير مباشرة .. اي بني أدم تاني حيعملها حسيب عليه سلفادور دالي ... و بعدين حيتطبق عليه معاهدة جنيف ...