مصر فى كأس العالم

[Abu Reem]

أريد في هذا الموضوع أن نتابع فريقنا القومي حتى يصل لكأس العالم ونترك التعصب جانبا ، ونترك الأهلي والزمالك ، جانبا ، ونكتب كل ما يفيد فريقنا القومي من معلومة أو رأي بكل حيادية وذلك من أجل الوصول إلى كأس العالم ، عل وعسى أن يكون ما نكتبه يصل إلى من يهمهم أمر فريقنا وبلدنا .

وذلك من منطلق أن الرياضة توحد الشعب المصري وتغسل همومه وتنسيه أحزانه ، وتدفع الهمم ، وتعطي الامل بأنه لا مستحيل وان التفوق الرياضي إذا كان ممكناً فإن التفوق العلمي يكون أيضا ممكناً :blush2:

وسأبدأ هذا الموضوع بطرح التساؤلات الأتية : -

[color="#FF0000"]- من هم اللاعبين الذين تراهم يصلحوا الأن لتمثيل مصر في مشوار التصفيات ولم يأخذهم حسن شحاته؟

- من هم اللاعبين الذين لا يصلحوا في منتخب مصر وتريد أن يستبعدهم حسن شحاته وما هي الأسباب؟

أرجو التفاعل من الجميع وخصوصا من الناس إللي بتحب الكورة والرياضة بصفة عامة

[سهل جدا]

كيف تصل مصر لكأس العالم

خايف أقول رأيي في موضوع وصول مصر لكاس العالم ده أحسن الأخوة الأعضاء يسلخوني تريقة وشتيمة

بس أحب أقول حاجة مهمة جدا..

عشان مصر توصل لكأس العالم لازم تصرف مئات الملايين (إن لم يكن مليارات) في سبيل الاستعدادات وإقامة الماتشات الودية والغير ودية والذي منه و.....

ولو تحقق المنى ووصلت فعلا لكأس العالم, فأكيد هاتنفق ملايين أخرى (إن لم تكن مليارات) عشان يمثلوا مصر تمثيل مشرف :blush2:

ما سبق كان استهلالا ما لوش أي لازمة

فقط أضع بين يدي أحبابي أعضاء المحاورات هذا الخبر المبكي:

(( 14 مليون مصري يعيشون تحت خط الفقر، بينهم أربعة ملايين لا يجدون قوت يومهم))

ودمتم بود

رجاءا ما حدش يشتمني, وإن كان ولابد فخليها في سرك

[Virus]

كل خط الدفاع ضايع ..

[osmel33]

يا حلاوتك يا أبو ريم أيه الجمال ده أنت تصلح وأنا اشوط على طول

بس سؤال رخم شوية بس أنت عارف انت حبيبي وأنا باحب ارخم عليك

هو أحنا عندنا منتخب في مصر ؟ :)

أنا بسأل بجد مش باهزر المنتخبات فى العالم ليها كارايتيرية فى اختيار لاعبيتها

أحنا اللاعبية بتلعب عندنا فى المنتخب على ما تفرج

[Abu Reem]

كل خط الدفاع ضايع ..

كويس بدأنا بخط الدفاع ،،،

ياريت نحللهم واحد واحد ،،، مبدئياً ،، وائل جمعة أحسن الوحشين ،،، ولكن سمعت أن ( الجهبذ ) عبد الظاهر السقا بيفكروا يضموه للمنتخب ( شفتم المصيبة )

يعني لازم دفاعنا يأخذ باله من الخصوم ومن ( السقا) كمان ،ن فاكرين ماتش الكاميرون في أمم أفريقيا اللي كانت بتونس ( 3 فرص ضايعة ) على مرمى فريقنا

[Abu Reem]

لا تنسى ياعم اسامة أننا أخذنا كأس الأمم 2006 ، 2008 من غير (( البتاعة دي .. الككككرررر ات يييه )) حرام عيك أنا قعدت نصف ساعة علشان أعرف إيه الكلمة الغريبة إللي ما أخدنهاش خالص دي ،،،

المهم فريقنا فاز ب 3 أشياء مهمة وخصوصا بطولة 2008 (( أولاً ، إخلاص نية الجهاز الفني ،، 2- إخلاص نية اللاعبين وعدم وجود نوايا سيئة بينهم -3- الإيمان والالتزام الشديد قبل وأثناء البطولة )) لذلك كنت تشوف احمد فتحي يقول حححيييي ويشوط تقوم الكورة خابط وداخلة بطريقة غريبة

ولا الهدف الأخير في مرمى الكاميرون ، حد يصدق واحد زي العصفور ( زيدان ) يبقى زي الأسد ويقوم وقع ويقع ويقوم ويتشد من الشورت وبعدين وهو بيقع يمررها ، والحاج ابو تريكة كان في نصف الملعب فجأة بقى أمام التمانتاشر ، وجوووون، كل ده من غير (( الككررركاااتيتترر))

- وللأسف الإلتزام الأخلاقي قل شوية بعد البطولة ، ولذلك نجد عدم التوفيق لعديد من النجوم مثل زيدان وعمرو زكي ، وغيرهم

على العموم ياريت تقولي رأيك في قلبي الدفاع ( هاني بيه سعيد ، ومحمود فتح الله )

تم تعديل 8 مارس 2009 بواسطة Abu Reem

[Virus]

هاني بيه سعيد خلاص من ساعة ما خدناه في الزمالك نسي واجبات مركزه وبقى شيء طبيعي إن المهاجمين يعدو منه..خلاص خد على كده

أما محمود بيه فتح الله فبلاش نغلط ..وما يقال عليه يقال عليى شادي محمد وأحمد السيد

أما وائل جمعة فهو صحيح مقاتل وكل حاجة بس السن له حكم..يادوبك يقعد احتياطي في مشوار التصفيات الطويل..

المفروض حسن شحاتة يبص للفرق التانية أكتر من كده..الأهلي والزمالك بيشطبوا خلاص..

تم تعديل 8 مارس 2009 بواسطة Virus

[osmel33]

المهم فريقنا فاز ب 3 أشياء مهمة وخصوصا بطولة 2008 (( أولاً ، إخلاص نية الجهاز الفني ،، 2- إخلاص نية اللاعبين وعدم وجود نوايا سيئة بينهم -3- الإيمان والالتزام الشديد قبل وأثناء البطولة )) لذلك كنت تشوف احمد فتحي يقول حححيييي ويشوط تقوم الكورة خابط وداخلة بطريقة غريبة

ولا الهدف الأخير في مرمى الكاميرون ، حد يصدق واحد زي العصفور ( زيدان ) يبقى زي الأسد ويقوم وقع ويقع ويقوم ويتشد من الشورت وبعدين وهو بيقع يمررها ، والحاج ابو تريكة كان في نصف الملعب فجأة بقى أمام التمانتاشر ، وجوووون، كل ده من غير (( الككررركاااتيتترر))

- وللأسف الإلتزام الأخلاقي قل شوية بعد البطولة ، ولذلك نجد عدم التوفيق لعديد من النجوم مثل زيدان وعمرو زكي ، وغيرهم

على العموم ياريت تقولي رأيك في قلبي الدفاع ( هاني بيه سعيد ، ومحمود فتح الله )

يا نهارك أبيض يا بو ريم هانكسب باخلاص النية ؟ يعنى نديها واحد اخلاص نية

وهنبقى تمام التمام يبقى مافيش داعي بقى لدفاع ولا هجوم ولا حتى حارس مرمي

ألا هو مين محمود فتح الله ده ؟

اخلاص النية يا بوريم يجي مع التمرين مش يقعدوا اللعيبة تتسرمح وبعدين يدخلوا يلعبوا الماتش

ويقولوا هايخلصوا النية يا راجل

بص انا مش مقتنع بالفرقة دى خالص وبصراحة ومعلش الناس ممكن تزعل ولا حتى أبوتريكة على

الرغم من أنه شخص محترم ولا حتى محترفي الخارج ميدو وأتباعه لأنهم حتى فى ماتشات أوروبا

الفرقة هى اللى بتساعدهم على احراز الإجوان لكن الفرقة بتاعتنا دي كبيرها تلعب فى بطولة كفر البطيخ

اتفرج يا بو ريم على بطولات أوروبا حاجة بصراحة تشرح القلب لعيبة مالهاش حل وبصراحة كل واحد

فيهم لوحده فرقه والله يا اخي انا باتفرج على المنتخب بس علشان هو منتخب مصر مش علشان

هاتفرج على لعيبة بحق وحقيقى

واحد يابنى اخلاص نية للمعلم الكبير ابو ريم :)

[Abu Reem]

لا طبعا يازعيم ( النية وحدها لاتكفي ) أنا أفترض أن التدريب الجيد ودراسة الخصم والإختيار الجيد للاعبين هذا موجود وكان بيبقى موجود في أوقات كثيرة ، أيام الخطيب وحسن شحاته وأيام أبراهيم يوسف وحسام حسن ، ومع ذلك لم نشاهد فريقنا يفوز في بطولتين متتاليتين ،

وانا أختلف معاك أن فريقنا مستواه يلعب مع كفر البطيخ ،، فلا تنسى أن فريق ساحل العاج ( يعتبر منتخب أوربا ) ودروجبا وكالو وغيرهم بيدوخوا فرق العالم ( دروجبا لوحده أحسن لاعب في الدوري الإنجليزي وهدافه ) وفريق الكاميرون ، من أقوى الفرق في العالم بلا مبالغة ( قبل ما نكسبه في كاس الامم الأخيرة )

فلم أعرف أن هناك فريق واحد في العالم فاز على ( كوت ديفوار في بطولة رسمية بكامل نجومها بنتيجة 4 أهداف ) وأيضا الكاميرون كذلك ( هل تتوقع لو الأرجنتين لاعبت كوت ديفوار ، ثم الكاميرون في نفس الأسبوع ستفوز عليهم بأربعة أهداف )

إذن فريقنا جيد جدا عندما يكون اللاعبين في فورمتهم وعندما يكونوا ملتزمين أخلاقيا ونيتهم سليمة ، وعلى فكرة إحنا في حرب أكتوبر لم نكن الأقوي عسكريا ولا على مستوى التسليح ولكن

( اجتهدنا ما استطعنا ، وكان الأيمان في بالله في ذروته )) وحققنا في 73 معجزات ( فما تفسيرك ألم يكن الإيمان الشديد والنية الحسنة والعزيمة الصادقة هي السبب الأهم )) يعني أشياء كلها ليست فنية

( يعني باختصار قد تكون علميا ونظريا أنت قوي ومع ذلك لا تحقق النجاح ) وهذا ما كان يحدث مع منتحب مصر أيام ما كانت معظم منتخبات افريقيا بتغلبها 5 صفر ومع ذلك لم نذهب لكأس العالم إلا مرة واحدة !!!!!

وعندما تفوقت جدا منتخبات أفريقبا علينا وأصبحت منتخبات زامبيا وانجولا والسنغال بتخوفنا ، ومع ذلك تفوقنا عليها وعلى الأكبر منها مثل الكاميرون وساحل العاج ، إذن فهناك عامل إضافي غير النواحي الفنية ،،،

وياريت يازعيم لا تبخل علينا بأراءك وتوقعات حول ماتش الجزائر وتأثير التوتر بينا وبينهم على هذه المباراة

[osmel33]

والله يا ابو ريم أنا متشائم لعدة أسباب أولاً أن منتخب مصر مش من المنتخبات المتزنة اللى

اللعيبة بتاعتها عارفة هى بتعمل أيه .. يعنى تلاقي ماتش اللعيبة فيه جامدين وعشرة على

عشرة وتلاقي ماتش تانى اللعيبة مش قادرة تجرى شوفت انت لعيبة كورة بتقع لوحدها :rolleyes:

والمشكلة الأكبر أن أول ما نبتدى ندخل فى الجد تلاقي بقى صباح التلاكيك ده اللعيب ده

تعبان واللعيب ده ركبه وجعاه ومانخلصش وعدم وجود بدائل واضحة فى الفريق هو ده اللى

بيخلى تركيزنا على لعيب واحد ولو اللعيب ده منصاب شيل يا عم الحاج وتلاقي الفرقة كأنها

ماعندهاش غيره طيب أنا هابتدى كلامي عن واحد أنا باعتبره أهم واحد فى الفريق وهو

حارس المرمى شوفت أنت آخر الأخبار عن عصام الحضري أهو عصام ده لما بيلعب ماتش

بارتاح نفسياً ليه لأنه حارس مرمى فاهم هو بيعمل وأهو أحنا بنعتبره الحارس الأوحد فيه

بزمتك منتخب مايكونش عنده حارس مرمى بديل محترم فين أيام ماكان فيه أكرامي وكان

فى نفس الوقت فيه ثابت البطل طب دلوقت فين البديل

"لو مؤاخذة يا ميرو أنت وعبد الواحد وعبد المنصف" مافيش بديل ينفع

ولنا لقاء آخر مع بقية أعضاء الفريق وتحليل مباراة الخناقات مع الجزائر الشقيق...

تم تعديل 9 مارس 2009 بواسطة osmel33

[osmel33]

( اجتهدنا ما استطعنا ، وكان الأيمان في بالله في ذروته )) وحققنا في 73 معجزات ( فما تفسيرك ألم يكن الإيمان الشديد والنية الحسنة والعزيمة الصادقة هي السبب الأهم )) يعني أشياء كلها ليست فنية

( يعني باختصار قد تكون علميا ونظريا أنت قوي ومع ذلك لا تحقق النجاح ) وهذا ما كان يحدث مع منتحب مصر أيام ما كانت معظم منتخبات افريقيا بتغلبها 5 صفر ومع ذلك لم نذهب لكأس العالم إلا مرة واحدة !!!!!

تعقيب لابد منه معلش يا أبو ريم أنت عارف ماعزتك عندي "من المعزة مش من المعيز"

موضوع المعجزات ده مش عارف ليه بيضرسنى wst:: هو ليه أحنا الشعب الوحيد اللى فى

العالم اللى بيعتمد على المعجزات ودايما نشوف فى حاجات كتيرة من حياتنا ومنها

ماتشات الكورة واحد بيصرخ ويقول "وحصلت المعجزة يا ولاد" :rolleyes: هو أيه الشعب ده

مايعرفش يعمل حاجة بدون معجزة

وبصراحة اللى حصل فى 73 ده مش معجزة ده بدايةً تخطيط وعمل رجالة بصحيح وبعدين

ربنا أضاف فضله عليها يعنى كان جهد الرجالة هو السبب وبعدين توفيق من الله عز وجل

تم تعديل 9 مارس 2009 بواسطة osmel33

[Abu Reem]

يعني بجد الجزائر دول عالم ( رخمة ) بعد ما قرفونا بقصة تحديد الملعب ، امس قرروا تأخير المباراة يوم لتكون 7 يونيو بدلا من 6 علشان همه عارفين إننا هنلعب مع رواندا يوم 10 وبكده نتزنق في 3 أيام فقط بين المباراتين

( يارب يتاخدوا أربعة زي بتاعت ساحل العاج علشان يتربوا )

[osmel33]

( يارب يتاخدوا أربعة زي بتاعت ساحل العاج علشان يتربوا )

يا رب يا أبو ريم :giveup:

[محمود الاسكندرانى]

"]الاخ ابو ريم : ان شاء الله حنوصل كأس العالم على يد المعلم حسن شحاته وباقى افراد الجهاز ومجموعة الاعبين الممتازين اصحاب انجاز 2006, 2008 ولكن لكى نصل هناك بعض الاشياء التى يجب ان نفعلها وهى :

التفاف جماهير مصر بمختلف ميولها حول المنتخب والتشجيع بدون النظر لألوان وانتماءات ( زمالك , اهلى , اسماعيلى ........... ألخ

المسانده الايجابيه من كل وسائل الاعلام المسموعه والمقروءه والمرئيه بعيدا عن المصلحه والسبق الصحفى أو الاعلامى حتى ولو ضد المصلحه العامه للمنتخب ويسبهم من خدت الاعب ده ليه أو ما خدش الاعب ده ليه زى اخونا ( علاء كاذب ) مقدم برنامج القاهرة اليوم

عدم تدخل اى فرد من اعضاء مجلس ادارة اتحاد الكره فى الامور الفنيه للمنتخب واختصار دورهم فى المسانده وتذليل العقبات وتقديم كل الدعم للكابتن حسن ورفاقه

تجنب وضع العراقيل من الانديه فى طريق المنتخب الوطنى وخصوصا الانديه الكبيره ( زمالك , اهلى , اسماعيلى ) من نوعية ارهاق الاعبين واحتياجهم للراحه وانا مش عارف ليه الانديه بتفتكرالحاجات دى وقت انضمام الاعبين للمنتخب فقط .

ارجو ان لا يستغرب احد لأنى لم اذكر الاعبين مع انهم هم الاساس قبل كل ما ذكرته لأنى متأكد انهم سيبذلون كل ما عندهم من جهد وعرق لينالوا شرف اللعب فى المونديال ليكتب فى تاريخهم ان مثلوا منتخب مصر فى اكبر محفل كروى ولعبوا مع ارقى المستويات واكيد لا يوجد بطولة اقوى من كأس العالم

بالتوفيق ان شاء الله وليكن الفوز على زامبيا يوم 29 اولى خطواتنا الى جنوب افريقيا

[حسام يوسف]

اليوم أول خطوة فى المشوار الأخير للوصل لكأس العالم 2010

يارب النصر لمصر

[سهيلة]

حسام يوسف مشاركة بتاريخ اليوم, 02:53 PM

اليوم أول خطوة فى المشوار الأخير للوصل لكأس العالم 2010

يارب النصر لمصر

اللهم ااااااااااااااااااااااااااااااميييييييييييييين

[Scorpion]

مصر VS زامبيا

جووووووووووووووووووووووووووووول

:blink:

مصر 1

زامبيا صفر

انتهي الشوط الأول بتقدم مصر لهدف للاشيء أحرزه عمرو زكي

يا مهون يا رب ....

اتمني ان مصر تعمل حاجة في اول الشوط التاني و الا المهمة حتبقي صعبة شوية .. لأن زامبيا بتصل بسهولة فعلآ لمرمي الحضري ...

تم تعديل 29 مارس 2009 بواسطة Scorpion

[Abu Reem]

ما الذي كان ينقصنا اليوم لنفوز على ملعبنا

هل اللاعبين ليس هم أفضل الوجودين ؟؟ ( اعتقد أن الفريق كان يعاني من كثرة توفر البدائل الجاهزة )

هل الخطة كانت غلط بخصوص مراكز اللاعبين ؟؟

هل اللياقة البدنية ( اعتقد انها كات موجودة )

هل سنقول الحجج المعروفة ( عماد متعب كان يجب استبداله ؟ ) يمكن انا كنت اتمنى ان يخرج مع بداية الشوط الثاني ، ولكن

ابو تريكة نزل ، وميدو نزل ؟ وايضا كنى نرى كرة عشوائية ؟؟

- هل زامبيا كانت أقوى منا ؟

- بصراحة أكبر عيب وجدته في فريقنا 1-( خط الوسط سيء جداً ) لا يرتد في الهجوم ليساند الفريق وكنا نجد ( زكي ) بينزل لوسط الملعب ليستخلص الكرات ولا يرتد جيدا في الدفاع.

2- كل الكرات التي تم تطفيشها من دفاع زامبيا كانت ترتد لنصف ملعبنا وكانت دائما تجد من ينقض عليها ويستخلصها من لاعبي مصر

3- ولا رفعه من الجانبين كانت صحيحة .

منتظر أراءكم !!!

[الحر الأشقر]

يا عالم المنتخب بتعنا جراله إيه و الله العظيم مش مصدق المستوى دا زامبيا بتخطف نقطةو الجمهور المسكين خرج حزين و منكسر

الاعيبه ـ الكوتش ـ الاتحاد المصري ـ و الله العظيم المنتخب دا عايزلوه تبديل جلد

الواحد هنا في الغربه مهموم و مكبوت و عايز خبريه تفرحه من بلده يتصدم بمستوى هزيل و لاعيبه بيلعبوا بدون روح ( حسبنا الله و نعم الوكيل )

اتمنى من أعظاء الموقع بتعنا ده يثرونا بالأفكار المميزة الممكنة علشان يستفيد الكل منتخب و شعب

تم تعديل 29 مارس 2009 بواسطة الحر الأشقر

[الحازم حسن]

معنويا بداية غير موفقة

لكن عمليا لسه المشوار طويل