مصر فى كأس العالم

[alsaher]

اعتقد إنه بعد الهدف الأول للمنتخب

ومع بداية الشوط الثاني ، كان في نوع من الإرتياح والثقة الزائده عن اللزوم

وده كان واضح من صدمة التعادل واللخبطة اللي حصلت

يعني لحظة ما حصل التعادل ، كانت صدمة غير متوقعة بالنسبة للعيبه ، وطبعا كانت الحلول عصبية أكتر من كونها عملية

يعني في لحظات كانت تحس الهدف ممكن يحصل بسهولة

لكن العصبية أفقدت اللعيبة تركيزهم

أعتقد أن الماتش ده ح يتعلم منه المنتخب كتير ، وأعتقد إن المتشات الجاية حتكون أفضل بكتير

[MoTo]

مش عايزين نضلمها برضه يا رجالة رغم إنه ماتش مثير للأعصاب .

فاضلنا خمس ماتشات هم علي الترتيب :

الجزائر في الجزائر

رواندا في القاهرة

رواندا في رواندا

زامبيا في زامبيا

الجزائر في القاهرة

و التصفيات هتخلص في نوفمبر و عليكم خير يعني المشوار لسة طويل و فيه وقت كبير لتدارك الأخطاء الكتير اللي كانت إنهاردة .

أهم الأشياء اللي بنعاني منها في الوقت الحالي :

1) نحاول نفك السحر اللي عامله متعب لشحاتة ! يا جماعة متعب لعيب كبير بس مستواه بقاله سنة و أكتر سئ للغاية لا يصلح حتي للعب في الأهلي أو الزمالك .. و هو صحيح محترف بس في الدوري السعودي يعني! بصراحة انا مش عارف هو ليه في المنتخب و في التشكيلة الأساسية كمان !

2) المنتخب مفيهوش ظهير أيسر! دي مصيبة يا جماعة .. و طبعاَ مينفعش نموت لاعب زي بركات في المكان ده .. لا إستفدنا من مهاراته في اليمين ولا أخدنا لعب ظهير أيسر كويس !

3) التغييرات تبقي بحساب .. إحنا أخر عشر دقائق كان عندنا إتنين مصابين و مفيش تغييرات .

4) البدء بأقوي تشكيلة من الأول و بلاش نحوش اللعيبة !

رغم الماتش الكئيب .. كان فيه نقتطين إيجابيتيين :

1) عمرو زكي طالع من الماتش متشلفط .. متعور في وشه و مصاب في رجله .. و أول ما الماتش خلص قام واقع عالأرض و خرج من الملعب و لحد الأوتوبيس متشال لأن مش قادر يمشي و يبدو إنه إصابته شديدة .. مقاتل حقيقي خالفه التوفيق .

2) أحمد حسن غالباَ جاله مزق في الأربطة و كان بيعرج بس كمل الماتش عشان منكملش ناقصين لاعب ، لو كان شحاتة ساب هاني سعيد في الملعب و خلا التغيير ده و احمد حسن إتصاب قام منزل حسني عبد ربه مكانه .. كنا إستفدنا بالتغيير و بمجهود حسني في نفس الوقت و شكل الملعب إتغير .. بس عامة اللي حصل حصل، و أحمد حسن إصابته جامدة علي فكرة .

و بالمناسبة مش مصر بس اللي في موقف صعب .

الكاميرون في موقف صعب بعد ما خسرت من توجو .

المغرب في موقف صعب بعد ما خسرت من الجابون و في المغرب كمان.

نيجيريا في موقف صعب بعد ما إتعادلت مع موزمبيق و بعد ما تونس فازت في نفس المجموعة .

الجزائر أيضاَ في موقف صعب ! لأنها إتعادلت مع أسهل فريق في المجموعة .. و هتستضيف أصعب فريق في المجموعة في الماتش الجي.

ملاحظين طبعاَ إن كلها فرق كبيرة و مرشحة لتصدر مجموعاتها، زي مجموعة الكاميرون و المغرب الناس قاعدة تقول مين يصعد الكاميرون ولا المغرب .. و في الجولة الأولي فرقتين كانوا بيعتبروهم حصالات (توجو و الجابون) فازوا علي الكاميرون و الجابون فازت علي المغرب في أرضها و في وسط جماهيرها .

و لسة مشوار كأس العالم طويل .. ده ماتش من 6 .

[حسام يوسف]

خسرنا نقطتين بدون أى داعى وعلى أرضنا وجمهورنا

ومن فريق انا مش شايف انة لا قوى ولا يحزنون

والسبب الرئيسي فى دة النهاردة حسن شحاتة

يلعب عماد تعبان

وسايب ميدو برة

يلعب زيدان اللى بيتحنجل وسايب ابو تريكة برة

بركات اللى عمرة مالعب شمال كان تايه لأنها مش حتتة

ميس باس بالجملة

كلة أوفرات أوفرات

الحضري بيلعب وهوة مش فى حالتة

طيب ما يلعب عبد الواحد بدل الجون الزلبؤة اللى دخل فينا من غير لازمة دة

منك لله يا حسن شحاتة

قابل بقى الجزاير فى الجزاير يوم 7يونيو

انا اية اللى خلاني اتفرج اصلا ياربي

[الترجمـان]

انا مع استاذ حسام أن التشكيله كانت وحشه ومفيش ولا واحد من الفرقه عمل اسبرنت واحد بثبت بيه إن اللياقة البدنية على مايرام .. وإذا كان عذرنا إن الفرقة ما اتجمعتش بقالها فتره ...

فالأداء الجماعي لم يكن موجودا من الأصل واللي بيلعب كوره فاهم إن التمريرات الخاطئة اللي حصلت في الماتش النهاردة كان سببها الأنانية في الأداء والتفكير الفردي والذي سبق التفكير الجماعي واللي كان طاغي على أداء السوبر-ستارز بتوعنى طول الشوط الثاني ...

أما بالنسبة لخط الدفاع .... فلا تعليــق

[محمد افندى]

يا جماعه هى دى المشكلة فى منتخبنا فى اول مشوار التصفيات بيضيع النقط ونيجى فى نهاية المشوار نفضل نحسب ونحرق فى اعصابنا لو مش عارف اتعادل مين مع مين لو خدنا نقطة فين ولو فزنا ممكن نوصل وحاجات زى دى حرام كد منتخب واخد بطولة افريقيا يظهر بالمستوى دة لو كان ظهر بمستوى كويس واتعادل كنا هنقول مفيش مشاكل بس كدة حرام

ميدو كان لازم يلعب من اول الماتش وكمان ابو تريكة واحمد حسن مكنش فى الفرمة بتاعته امس كان لازم يتغير

المهم ربنا يستر فى ماتش الجزائر فى الجزائر

[د هشام ابراهيم]

يا جماعه هى دى المشكلة فى منتخبنا فى اول مشوار التصفيات بيضيع النقط ونيجى فى نهاية المشوار نفضل نحسب ونحرق فى اعصابنا لو مش عارف اتعادل مين مع مين لو خدنا نقطة فين ولو فزنا ممكن نوصل وحاجات زى دى ..........

حرقة الدم ديه مكتوبة علينا :blink: .... مفيش فايدة ....بس لو ما وصلش المنتخب لكاس العالم مع مجموعة زاي ديه حيوصل امتي

[محمد افندى]

مش عارف لو موصلناش فى المجموعه دى هنوصل امتى فعلا يا دكتور هشام الفرق المنافسة فى المجموعه تعتبر اسهل من فرق كثير جدا امال لو كنا مع الكاميرون ولا كوت ديفوار ولا نيجريا ولا غانا مش عارف كنا هنعمل اية وبعدين بالمستوى دة هنقابل الفرق الكبيرة فى كأي القارات ازاى مش عارف

[د هشام ابراهيم]

مش عارف لو موصلناش فى المجموعه دى هنوصل امتى فعلا يا دكتور هشام الفرق المنافسة فى المجموعه تعتبر اسهل من فرق كثير جدا امال لو كنا مع الكاميرون ولا كوت ديفوار ولا نيجريا ولا غانا مش عارف كنا هنعمل اية وبعدين بالمستوى دة هنقابل الفرق الكبيرة فى كأي القارات ازاى مش عارف

المشكلة حضرتك إن الناس بتعاند .... يعني الفريق واضح إنه فيه عيوب كتير .... التشكيل و المراكز و التجانس و الخطة !!

بدل ما نصلح العيوب لا نعاند و نكابر ...... و التصريح الرسمي اياه جاهز : كله تماما و ليس في الامكان أبدع مما كان و كفاية تاريخنا المشرف :unsure:

[MoTo]

مش عارف لو موصلناش فى المجموعه دى هنوصل امتى فعلا يا دكتور هشام الفرق المنافسة فى المجموعه تعتبر اسهل من فرق كثير جدا امال لو كنا مع الكاميرون ولا كوت ديفوار ولا نيجريا ولا غانا مش عارف كنا هنعمل اية وبعدين بالمستوى دة هنقابل الفرق الكبيرة فى كأي القارات ازاى مش عارف

يااااه فكرتني .. امال اما تبقي المجموعة البرازيل و ايطاليا و أمريكا :lol:

[حسام يوسف]

مش عارف لو موصلناش فى المجموعه دى هنوصل امتى فعلا يا دكتور هشام الفرق المنافسة فى المجموعه تعتبر اسهل من فرق كثير جدا امال لو كنا مع الكاميرون ولا كوت ديفوار ولا نيجريا ولا غانا مش عارف كنا هنعمل اية وبعدين بالمستوى دة هنقابل الفرق الكبيرة فى كأي القارات ازاى مش عارف

يااااه فكرتني .. امال اما تبقي المجموعة البرازيل و ايطاليا و أمريكا :lol:

دي فى الأوكية

الجواب بيبان من عنوانة

وش محمود عبدالعزيز مخاطبا فؤاد خليل فى فيلم الكيف

[se_ Elsyed]

عشان كده أحب كرة القدم

ما فيش كبير بيفضل كبير على طول ..

وكل يوم لازم تطلع لك فرق من تحت الأرض ترعب اللي قدامها .. خصوصاً في أفريقيا ...

طبعاً لو كان الكلام ده إتقال لأي واحد عاقل كان قاله له : بس يا مجنون ... وهو إن بوليفيا تمسك منتخب الأرجنيتين بكامل عتاده وبيدربه مارادونا وعامل مباريات هايلة وفريق تقيل قوي قوي قوي يا جماعة .. بوليفيا تمسكهم إمبارح تغلبهم 6-1 ........... ليييييييييييييه ؟ دول لو بيلعبوا كرة خماسية مش هايصحل كده

الناس بتقول إمبارح إن بوليفيا مرتفعه عن سطح البحر حوالي 4500 متر ... ( يـــــــــــاه فكروني بالجوهري وايامه - السودا - اللي لو كان راح لعب مع منتخب الزقازيق وأتغلب .. بعد المباراة يقولك أصل منيا القمح مرتفعة عن سطح البحر ربع إنش وعشان كده أتغلبنا من بني سويف ) ..

طب وهي بوليفيا لسه بنت أمبارح ؟ ما هي جنب الأرجنتين ولعبوا مع بعض مليون مره ..

إذاً لا كبير في الكرة

وكل مباراة المفروض تبقى حالة لوحدها ..

زامبيا كانت أفضل مننا 100 مرة ..

سرعة

صغر سن

حماس

عدم الرهبة .. خصوصاً بعد الشوط الأولاني ما خلص وإحنا مستوانا زفت فقالك ما هي ناس حلوه أهي اما نشتغلهم ..

تفكك وعدم ربط بين الخطوط

كل واحد لسه لابس جلابية فوز 2008 وفاكر نفسه إبن بارم ديله ..

لعيبه عامله زي الفيروس أو العضو الفاسد الذي يجب بتره وأولهم هذا الشيء المُسمى ميدو العنجهي المغرور اللي بيتكلم من ورا اللحمية اللي في مناخيرة ولم يقدم حتى الأن لمنتخب مصر كرة بثمن الشراب اللي لابسه وسُمعته زي الزفت في أوروبا لإنه مثير للمشاكل ومغرور .

مدرب .. لم يرى فريق زامبيا قبل المباراة بيومين وهو بيظبط جنوب أفريقيا على أرضها 6-0 .. ولا شافهم من كام إسبوع وهما طايحين في الفرق اللي اشتركت في كأس الأمم الأفريقية للمحليين ..

ولا شاف مدربهم الفرنسي عمل إيه لما أستبعد كل واحد شايف نفسه في الفريق وفاكر نفسه كوتش وواد محترف في أوروبا وبيلعب بالشوكة والسكينة .. وجاب بدلهم عيال صغيره عندها مهارة وحماس وممكن تدي كرة ..

إفتكاسات دروجسلافية ( نسبة إلى دروجوسلاف مدرب الزمالك من سنتين تلاتة ) من حسن شحاته لما يلاعب راس الحربة وينج ليفت وحارس المرمى ثيرد باك والهافات يسقعوا قلل .. والناس اللي ممكن يرجحوا المباراة يركنهم جنبوا وينزلهم لما المباراة تخرب والدنيا تبوظ ..

هناك لعيبه شطبت والمفروض تلعب مباريات التكريم فقط وأولهم ابو تريكه وبركات ووائل لا مؤخذه جُمعه وهاني سعيد والواد اللي بيفقع مرارتي محمد شوقي ولا ننسى النجم أحمد حسن وفوق ده كله احمد السيد طبعاً ... آه على عيننا وراسنا الناس دي فرحونا وبسطونا 2006 و 2008 ... بس ما هو الخطيب فرحنا برضوا إبان الحرب العالمية الثانية .. اقوم أخليه إلى ما لا نهاية في المنتخب اللي محتاج مجهود وحركة ولعب ؟ ومالهم العيال اللي في الدوري بتوع بتروجيت وحرس الحدود وطقم الناشئين اللي في الإسماعيلي - عدلي القيعي سافر الإسماعيلية يخلص فيهم دلوقت - وكذلك الناشيءن اللي لمعوا في الزمالك في الفترة الأخيرة ؟

أيوه أقول بالفُم المليان .. إن الدفع بالناشئين مرة واحده او الإحلال والتبديل المفاجيء هو من سمات الفرق الصُغرى اللي بنقول إنها مش مطلوب منها تنافس على بطولة ..

زامبيا مش نجم في أفريقيا ولا صاحب بطولات .. وبالتالي غلب أو أتغلب ما حدش بيقول لهم إنتوا بتعملوا إيه ..

وهايبقى من الغباء إننا نستغني عن الناس اللي قلتهم دول مرة واحده .. وبالتالي إيه المانع وأنا بطل أعمل عملية تطعيم وأحلال وتبديل وأبني فريق قوي يجمع ما بين الخبرة وصغر السن والمهارة .؟

الحمد لله إن ده حصل في الأول ..

الجميع متساوي في المجموعة الأن ..

الجزائر مش هاتعمل ماتشين حلوين إلا قدام مصر رايح جاي .. غير كده هايتحلق لها رايح جاي من رواندا وزامبيا .. ياريت تفتكروا الكلام ده ..

رواندا .. فريق ناشيء حلو .. بس يتغلب بسهولة وبخطة كويسة ومثله زامبيا ..

لو ما صعدناش المره دي ... أقسم بالله نفضها سيرة وننغلق على نفسنا قد 10 سنين ونوفر فلوسنا ومجهودنا بقى ونلعب في مناخيرنا أو نلعب أي لعبة تاني زي الحوكشة مثلاً .. لإن لو كنا وقعنا في مجموعة فيها ساحل العاج أو تونس أو غانا .. كان زمان إتحاد الكورة مع حسن شحاته لابسين إسود وقاعدين يلطموا في الجبلاية ..

[الترجمـان]

في إضافه اخرى لمبارة زامبيا مع منتخبنا

اعتقد اننا نستطيع ان نتجاوز تلك السقطة سريعا .. وذلك بإيماني الشديد بالكابتن حسن شحاته وقدرته على الحزم والربط في المواقف الصعبة كما اعتقد أننا سنرى عناصر جديدة تعالج بعض المشاكل الفنية التي حدثت مثل عامل اللياقة وعدم التركيز والإلتزام باللعب الجماعي طول المباراة والمحافظة على المكسب ...

الشغل مالوش في المجاملات وحسن شحاته يدرك ذلك جيدا

[se_ Elsyed]

في إضافه اخرى لمبارة زامبيا مع منتخبنا

اعتقد اننا نستطيع ان نتجاوز تلك السقطة سريعا .. وذلك بإيماني الشديد بالكابتن حسن شحاته وقدرته على الحزم والربط في المواقف الصعبة كما اعتقد أننا سنرى عناصر جديدة تعالج بعض المشاكل الفنية التي حدثت مثل عامل اللياقة وعدم التركيز والإلتزام باللعب الجماعي طول المباراة والمحافظة على المكسب ...

الشغل مالوش في المجاملات وحسن شحاته يدرك ذلك جيدا

للأسف .. حسن شحاته شخصيته ضعيفة ويتأثر بالاعلام والدوشة اللي حواليه بسرعة .. عكس الجوهري الجبار اللي بيفرض ارادته وشخصيته على من حوله

وأؤكد ان هناك ضغوطات تُمارس على حسن شحاته لاختيار لعيبه بعينهم

وطبعاً كلنا شاهدنا ميدو عمل في ايه في ماتش السنغال 2006 وكان ناقص يديله بالشلوت .. ولما ودنه اتقرصت اخده تاني في المنتخب بالرغم من انه انسان غير مُنتج ولا ينتمي لبلده اساساً ويكفي انه في احد البرامج الاجنبية من كام سنة .. قريب يعني .. كانوا جايبينه في برنامج حواري في قناة اجنبيه وبيسألوه : ايه الحاجات اللي بتعملها لما بتنزل بلدك ؟

قالهم : اخذ عربيتي وانطلق بأقصى سرعة في شوارعها - طبعاً لو قال كده بره يسحلوه - وبأقف في بلكونة بيتنا احدف الناس اللي ماشيه بالبيض الفاسد واضحك - آه والله - وجابوا حوار باللغة العربية مع احد اصدقاءه وهو في مصر .. طبعاً مليء بالبذاءات اللي بنسمعها من الشوراعية .. وعشان المصورين كانوا اجانب ما عرفوش ايه الكلام ده ولا يقصد به ايه وعدت من المونتاج .. لكن احنا سمعنا واتأذينا

ولو تفتكروا كان في مباراة حاسمه للتأهل لكأس العالم 2006 .. وراح البيه لامم اصحابه الفاسدين ومنهم حسام غالي وابراهيم سعيد وهربوا بره المعسكر وقعدوا يشدوا انفاس طول الليل على قهوة من القهاوي .. فواحد شافهم واستغرب وقرب منهم وقال لهم : يا كابتن ميدو هاتعلموا ايه في ماتس بكره ؟

فبكل ثقة قال : هانفوز طبعاً

اعتقد كانت مباراة ساحل العاج في الاسكندرية اللي اتظبطنا فيها وكانت سبب في خروجنا من التصفيات

وطبعاً ما فوزناش واتحكرتنا وخرجنا نجر اذيال الخيبة

هذا هو ميدو اللي عايزين يحققوا معاه للي عمله قبل المباراة واثناءها وعشان كده كنا على وشك هزيمة مذلة من زامبيا

وحسن شحاته واقف وشايف كل تلك المهازل زي خيبتها ومش اقدر يعمل حاجه والتحقيق هايخلص ومش هايحصل حاجه

ولو استمر على تلك المجاملات خصوصاً للاعبي الاهلي اللي خلصوا وذكرتهم بالأسم ... يبقى هانشوف ايام سودا ..

تخيل ان الوقت بيسرقنا وفاضل شهرين بالظبط على كأس القارات ؟

وعيش مع ايطاليا والبرازيل وهاتها من الشبكة يابو كريم

[الترجمـان]

في إضافه اخرى لمبارة زامبيا مع منتخبنا

اعتقد اننا نستطيع ان نتجاوز تلك السقطة سريعا .. وذلك بإيماني الشديد بالكابتن حسن شحاته وقدرته على الحزم والربط في المواقف الصعبة كما اعتقد أننا سنرى عناصر جديدة تعالج بعض المشاكل الفنية التي حدثت مثل عامل اللياقة وعدم التركيز والإلتزام باللعب الجماعي طول المباراة والمحافظة على المكسب ...

الشغل مالوش في المجاملات وحسن شحاته يدرك ذلك جيدا

للأسف .. حسن شحاته شخصيته ضعيفة ويتأثر بالاعلام والدوشة اللي حواليه بسرعة .. عكس الجوهري الجبار اللي بيفرض ارادته وشخصيته على من حوله

وأؤكد ان هناك ضغوطات تُمارس على حسن شحاته لاختيار لعيبه بعينهم

وطبعاً كلنا شاهدنا ميدو عمل في ايه في ماتش السنغال 2006 وكان ناقص يديله بالشلوت .. ولما ودنه اتقرصت اخده تاني في المنتخب بالرغم من انه انسان غير مُنتج ولا ينتمي لبلده اساساً ويكفي انه في احد البرامج الاجنبية من كام سنة .. قريب يعني .. كانوا جايبينه في برنامج حواري في قناة اجنبيه وبيسألوه : ايه الحاجات اللي بتعملها لما بتنزل بلدك ؟

قالهم : اخذ عربيتي وانطلق بأقصى سرعة في شوارعها - طبعاً لو قال كده بره يسحلوه - وبأقف في بلكونة بيتنا احدف الناس اللي ماشيه بالبيض الفاسد واضحك - آه والله - وجابوا حوار باللغة العربية مع احد اصدقاءه وهو في مصر .. طبعاً مليء بالبذاءات اللي بنسمعها من الشوراعية .. وعشان المصورين كانوا اجانب ما عرفوش ايه الكلام ده ولا يقصد به ايه وعدت من المونتاج .. لكن احنا سمعنا واتأذينا

ولو تفتكروا كان في مباراة حاسمه للتأهل لكأس العالم 2006 .. وراح البيه لامم اصحابه الفاسدين ومنهم حسام غالي وابراهيم سعيد وهربوا بره المعسكر وقعدوا يشدوا انفاس طول الليل على قهوة من القهاوي .. فواحد شافهم واستغرب وقرب منهم وقال لهم : يا كابتن ميدو هاتعلموا ايه في ماتس بكره ؟

فبكل ثقة قال : هانفوز طبعاً

اعتقد كانت مباراة ساحل العاج في الاسكندرية اللي اتظبطنا فيها وكانت سبب في خروجنا من التصفيات

وطبعاً ما فوزناش واتحكرتنا وخرجنا نجر اذيال الخيبة

هذا هو ميدو اللي عايزين يحققوا معاه للي عمله قبل المباراة واثناءها وعشان كده كنا على وشك هزيمة مذلة من زامبيا

وحسن شحاته واقف وشايف كل تلك المهازل زي خيبتها ومش اقدر يعمل حاجه والتحقيق هايخلص ومش هايحصل حاجه

ولو استمر على تلك المجاملات خصوصاً للاعبي الاهلي اللي خلصوا وذكرتهم بالأسم ... يبقى هانشوف ايام سودا ..

تخيل ان الوقت بيسرقنا وفاضل شهرين بالظبط على كأس القارات ؟

وعيش مع ايطاليا والبرازيل وهاتها من الشبكة يابو كريم

مش بقولك دا راجل صعب انه يجامل حد

شحاتة يستبعد ميدو من قائمة المنتخب

وادي التشكيل يا بوب

وضمت القائمة فى حراسة المرمى : عصام الحضرى (سيون السويسرى) - عبد الواحد السيد (الزمالك) - محمد صبحى (الإسماعيلى ) - الهانى سليمان (الاتحاد السكندرى)، وفى قلب الدفاع : هانى سعيد (الزمالك) وائل جمعه (الأهلى) أحمد سعيد "أوكا" (حرس الحدود) - شريف عبد الفضيل (الإسماعيلى) محمود فتح الله (الزمالك) أحمد فتحى (الأهلى).

وضمت القائمة فى مركز ظهيرى الجنب : أحمد سمير فرج (الإسماعيلى) سيد معوض (الأهلى) - أحمد المحمدى (إنبى) - حازم إمام الصغير (الزمالك) ، وفى مركز الوسط المدافع : محمد شوقى (ميدلزبره الإنجليزى) - حسنى عبد ربه (أهلى دبى الإماراتى) أحمد خيرى (الإسماعيلى) - عبد العزيز توفيق (إنبى) - محمد سليمان "حمص "(الإسماعيلى) .

وضمت القائمة فى مركز الوسط المهاجم : محمد أبو تريكة (الأهلى) أحمد عيد عبد الملك (حرس الحدود) أحمد حسن (الأهلى) ، وفى خط الهجوم : محمد زيدان (بروسيا دورتموند الألمانى) محمد محسن أبو جريشة (الإسماعيلى) - أحمد رؤوف (إنبى) - أحمد عبد الغنى (حرس الحدود) -إيهاب المصرى (المقاولون العرب) عمرو ذكى (ويجان الإنجليزى).

وبإذن الله منتخب شحاته في كآس العالم

[الطيار المصرى]

عزيزي التجرمان الاخ العزيز...

اسجل اعتراضا بسيطا علي كلمة منتخب شحاتة...فهو منتخب مصر و لاعبيه هم من حققوا الانجازات الفائتة بتوفيق كبير من الله عز و جل...

لأن رأيي المتواضع جدا ان حسن شحاتة ليس من المدربين القمة في كفائتهم...

الي جانب عيبه الرهيب الذي يغطي علي باقي عيوبه....هو سوء ادارته للمبارايات....

معسكر عمان القادم يسخلق ازمة شديدة بين المنتخب و اتحاد الكرة و الاندية الافريقية الثلاثة الاهلي و انبي و الحرس

نتيجة انشغالهم بمباريات العودة لدور ال16 لكاس الكونفيدرالية....

و هي مباريات مهمة خاصة للحرس و انبي...و ليست بالقوة الكافية للأهلي

و ده كان تصريح طارق العشري و أول تعليق ليه بعد ماتش الذهاب...

و كل عمله سي زاهر انه طلع قال ان المنتخ فوق كل شئ...

شحاتة بيه كده هيحرم انبي و الحرس و معاهم الاهلي من الاعمدة الاساسية للفريق...

و التالتة بيلعبوا باسم مصر في افريقيا مش رايحين ماتش ودي....

غير اعتراضي علي ضم حازم امام للمنتخب...و هو لم يكتسب خبرات الاحتكاك خصوصا مع مبارة قوية كمبارة الجزائر...و افتقاره للناحية الدفاعية..

و اسف علي الاطالة..

[Abu Reem]

استغرب ان مازال هناك ناس تقارن بين بطولة الكونفدرالية أو حتي دوري الابطال وبين كأس العالم

بطولات فزنا بها عشرات المرات ولن يذكر التاريخ كثيرا ان الأهلي فاز بالكونفدرالية أو أحرس الحدود ،

أقول لن يذكر التاريخ هذا كثيرا خصوصا وان الاهلي فاز بما هو أهم من هذه البطولة ولن يؤثر عدم فوزنا بهذه البطولات الخاصة بالأندية سنة من السنوات ،

ولكن سيذكر التاريخ والنس كثيرا أن مصر دخلت أخيرا كأس العالم بعد طول انتظار ، كأس العالم التي يهتم بها العالم كله بالمليارات ، ليشاهدوا مصر واسم مصر ومنتخب مصر بطل افريقيا.

أما الكونفدرالية ، فمن في العالم سيهتم ببطولة فاز بها حرس الحدود او الاهلي،،

ياناس كفاية كلام فاض وتحجج بان هذه الفرق بتلعب باسم مصر- طيب أهي مصر بنفسها هتلعب يبقى الزاي نفضل نادي بيلعب باسم مصر على مصر نفسها .

وبعدين اسمحوا لي الكونفدرالية أو حتى بطولة الأندية الأبطال موجودة عندنا كل سنة إيه المشكلة نضحي بها سنة ،

الاهلي فاز ببطولة الاندية 6 مرات ودخل كاس العالم للأندية فما الذي سيحدث لو سنة لم يفز بها ، هل الأفضل ننتظر سنة طالما البطولات بتقام كل سنة .

ام نتظر 5 أو 6 سنين أو يمكن أكثر علشان نشوف فريقنا بيلعب بكأس العالم.

ياريت مرة ننسى الأهلي والزمالك ، حسن شحاته خذ لاعبين من الأهلي أو من الزمالك ، ونبطل الكلام الخايب ده ، ونفتكر أنه عمل انجاز لم يحققه أحد من المعاصرين ، ونفتكر شكلنا واحنا قاعدين بنشجع البرازيل أو حتى الجزائر بدل ما نشجع منتخبنا

[الطيار المصرى]

أخي الفاضل ابو ريم...

رغم طبعا التجاوزات التي بحديثك...

غير ان مصر ستلعب يوم 30 مع عمان...

دون اي اتجاه او مساس بمبارة تصفيات كأس العالم مع الجزائر...

هي مبارة ودية...نعم استعدادية...لكن ليست بالقوة الكافية او ليست بالقوة اساسا لتقارن بالمباريات الافريقي للاندية الثلاث...

فدون تحجج او كلام فاض حتي لا تغضب....فان المباريات الافريقية افضل كثيرا من ناحية الاستعداد الفني و البدني لللاعبين عن مبارة عمان....

و خاصة ان لاعبي الحرس و انبي لن يشاركوا في المبارة كعادة حسن شحاتة...

فأرجو التفكر في الكلام و فم معناه و الغرض منه قبل هذا الهجوم غير المبرر...

و لك مني اخي العزيز ارق التحيات...

[Abu Reem]

أخي الطيار المصري : دعني أحلل كلامك

(رغم طبعا التجاوزات التي بحديثك...)

لا أعرف ما المقصود بكلمة تجاوزات التي ذكرتها ، على أي حال لو تقصد بها معلومات خاطئة أقولها فياريت توضح ما هي المعلومات الخاطئة أو التجاوزات التي قلتها ، فلا يمكن مبدئيا أن أتفهم من يفضل مصلحة نادي قد يكون مشجعيه بالآلاف أو بالملايين عن مصلحة منتخب بلد بأكمله ...

(هي مباراة ودية...نعم استعدادية...لكن ليست بالقوة الكافية او ليست بالقوة اساسا لتقارن بالمباريات الافريقي للاندية الثلاث)

يا عزيزي مسألة إنها مباراة ودية هذا معروف وأستغرب من الذين يقولون أن المباراة الودية مع عمان هي غير مهمة او ضعيفة

فمن أين نعرف أن المباراة ستكون ضعيفة ... مع العلم أن أي منتخب ( وخصوصاً المنتخبات العربية ) بتلعب بكامل قوتها واهتمامها علشان تثبت أنها أقوى من مصر.

هذا غير أن منتخب عمان بطل كأس الخليج يعني تفوق على منتخبات كبيرة سبق وأن هزمتنا.

الشيء الأخر المهم أن الفكرة الرئيسية من هذه المباراة هو تجمع اللاعبين لأطول فترة ممكنة مع بعض لأنه دائما وأبدا أن نتائج منتخبانا لما بيتجمع لفترات طويلة بتكون أفضل لأن اللاعبين بيتعودا على بعض وتذوب بينهم الخلافات هذا غير أن وجود المدرب مع لاعبيه لهذه الفترة الطويلة بيكون مفيد لأنه بيستطيع أنه يوصل لهم أسلويه من ناحية ومن ناحية أخرى يستطيع أن يعلمهم ويعودهم على أفكاره ، ولا تنسى أنه لا يجتمع بهم طوال السنة مثل باقي مدربين الأندية.

(فان المباريات الافريقية افضل كثيرا من ناحية الاستعداد الفني و البدني لللاعبين عن مبارة عمان....

و خاصة ان لاعبي الحرس و انبي لن يشاركوا في المبارة كعادة حسن شحاتة )

من قال أن كل المباريات الأفريقية أفضل من ناحية الاستعداد البدني ، أتفق معك أن هناك مباريات تكون أفضل ولكن لو تلاحظ أن هذه المبارايات الأفضل تكون دائما مع الفرق الأفريقية العربية ، مثل تونس والمغرب ، ولكن اسمح لي أن معظم مبارياتنا مع الفرق الأفريقية ( السوداء ) تكون ضعيفة جدا ، باستثناء قلة من المباريات مع بعض فرق الكاميرون وكوت ديفوار.

والمسألة بصرف النظر الآن عن قوة المبارايات أو عدم قوتها فكما ذكرت لك أن التجمع قبل مباراة الجزائر بفترة طويلة في منتهى الأهمية الأن ... لماذا ؟؟؟ لأن هناك مصائب متتالية حدثت منذ مباراة زامبيا ،، مثل الضغائن والحقد بين اللاعبين ، الإصابات الكثيرة لمعظم اللاعبين الأساسيين ، وهبوط مستوى البعض الأخر ، فبالتالي لجأ حسن شحاته إلى ضم وجوه كثيرة جديدة لم تكن منسجمة من قبل مع الفريق ،مثل لاعبي حرس الحدود وأنبي إللي بتقول عليهم كمالة عدد ( طيب يعمل إيه ) وبعدين كمالة العدد ( أقصد الاحتياطين ) بيكونوا أحيانا في أوقات كثيرة مهمين علشان لو حدثت إصابة لأي مهاجم أخر فلن يكون امامنا سوى كمالة العدد لكي نستعين بهم. فماذا فعل الكباتن ( الأرنات ) ميدو وبركات ، وماذا فعل متعب رغم أن مهاجم خطير ، لكنه غير موفق ، وأين أبوتريكة منذ فترة ، وأين زيدان ( يتألق مرة ويختفي عشرة ) فلا يوجد غير عمرو زكي ( وهو أيضا مازال مصاب )

يعني الخلاصة أنه هناك مباراة مصيرية لو خسرناه ( يعني بصراحة نقول باي باي كأس العالم ) فما الذي يمنع أن ننسى الأندية التي ستلعب في البطولة الرهيبة إللي اسمها الكونفدرالية في سبيل أتاحة الفرصة لأن يلعب هذا الفريق الذي أصبح أكثر من نصفه لاعبين لم يتواجدوا أو يلعبوا مع بعض من قبل فما التجاوز في أن يلعبوا مباراة ودية حتى ولو متوسطة حتى يتأقلموا مع بعض وتتاح الفرصة لمدربهم أن يكتشف فيها العناصر الجديدة التي اختارها ويعرف بواسطتها مدى انسجام اللاعبين مع بعضهم ،

أم تريد أن يأخذهم من بعد يوم 31 ويروح بهم الجزائر دون أن تتاح لهم الفرصة للعب على الأقل مرة واحدة مع بعضهم.

(فأرجو التفكر في الكلام و فم معناه و الغرض منه قبل هذا الهجوم غير المبرر...)

أرجو أن تفكر أنت في أسلوبك قليلا في الرد قبل أن تتهم الأخرين بعدم الفهم ، فأنا لم أهاجم بطريقة شخصية لأحد بعينه ولم أتهم الأخرين بعدم الفهم ، ولكن هاجمت عدم ترتيب الأولويات بدون منطق وخصوصا أنك تقول أن حسن شحاته ليس من المدربين القمة في كفاءاتهم وطبعا هذا رأيك ومن حقك أن تقوله ولكن أنا أيضا أرى أن كلامك هذا هو عين عدم المنطقية ( فمدرب صعد بقريق من الدرجة الثانية ( المقاولين ) وهزم به الأهلى وهزم الزمالك بمدربينهم الأفذاذ ، وبعد ذلك هزم جميع المدربين العرب والأجانب في 2006 وهزم جميع المدربين في 2008 وهزم الكاميرون مرتين وساحل العاج مرتين في 2006 و2008 وهذا ما لم يحققه أي مدرب أخر في تاريخ مصر ( مع الأخذ في الاعتبار ان الجوهري لما فاز في 98 لم يلاقي فريق قوي سوى ساحل العاج وفاز عليها بصربات الجزاء ) لذلك فبالحقائق والأرقام والنتائج والمستوى الهجومي المتميز أعتقد أن حسن شحاته أفضل مدرب لمنتخب مصر على مر تاريخها ( ولو رأيك غير كده ياريت تذكر أنجازات مشابهه لأي مدرب حقق مثل هذه النتائج مع منتخب مصر) بصرف النظر عن نوعيه اللاعبين إللي معاه لان على مر العصور كان بيبقى عندنا لاعبين ممتازين ومع ذلك لم نحسن استغلالهم.

اسف للإطالة وشكرا على إثراء الحوار ( بس ياريت بلاش الإتهامات القوية دي )

[حسام يوسف]

الماتش مذاع ولا كالعادة

ART

?

[سكر]

هو يعنى مفيش غير اليوم المهبب بتاع النكسة ويلعبوا فية ماتش الجزائر

هى المشرحة ناقصة قتله