هزار ولا قلة قيمة

[حسام يوسف]

السلام عليكم

بداية ليس المقصود بهذا الموضوع الاساءة لأحد

لسبب بسيط

اننى أحد من هذا البلد

استغرب كتير لما واحد يسأل واحد

انت منين ؟

وبعدهايهاجمة بكلام مش لطيف

وبقت حاجات محفوظة

استامبات يعنى

كل اللى ع المنتدى مصريين

أو أعلبية

وعارفين كل واحد ممكن يقول على بلدة اية؟

(كل واحد عارف كويس اية اللى بيتقالة)

واتهامات باية؟

الشرقية

اسكندرية

المنايفة

الدمايطة

النوبيين

الصعايدة-وكترالف الف الف الف خيرهم ان مستقلوش عن البلد بعد النكت البشعة

المصاروة

السواحلية

لية؟

لية كل دة؟

هزار ومداعبات حتى لو كان تقيل شويتين تلاتة تسعين كدة؟

قلة أدب وعدم احترام لنفسنا؟

محاولة لاثبات ان الشاتم احسن من المشتوم

اللى مهتم بالموضوع

علل

افطن كما قال محمد سعد

تم تعديل 3 يونيو 2008 بواسطة حسام يوسف

[النجم الثاقب]

و عليكم السلام و رحمة الله و بركاته

الفاضل د / حسام .. فى رأيى المتواضع ان الموضوع ده بيكون هزار تقيل شويه ، لكن فى أحيان كثيره بيكون القصد منها زى ما حضرتك تفضلت و قولت إن الشاتم عايز يثبت إنه أفضل من المشتوم .

انا عن نفسى ليا زمايل فى الشغل من جميع أنحاء مصر و كل فتره كده بننكش بعض و نفضل نتريق على كل واحد بالحاجه السلبيه المشهوره عن بلده .. بس فى الآخر كله هزار .

تقبل تقديرى

[حسام يوسف]

السلام عليكم

اخى النجم الثاقب

الف شكر لردك

لكن خد عندك مثلا الدمايطة

هارينهم اتهامات وتركيز على البخل

حتى لو كان دة حقيقى

طيب همة اشطرناس فى مصر

صنايعية

تجار

البان

نابوليا md2:

[galaxy]

تعظيم سلام يا حسام ........... md2:

انا اخترت اننا مش بنحترم نفسناولا بلدنا.....وكمان محاوله لتفوق الشاتم ع المشتوم ...يعني اخترت اتنين... :D

عموما انا بشوف ان كل مكان فيه الحلو والوحش فعلا..وكل مكان بيتميز بحاجه مش بنشوفها للاسف بس بنشوف السلبيات بس..

بعترف للاسف ان ممكن يكون فيه صفه غالبه...بس مش من الضروري نقدها بالصور الغير لائقه اللي بنشوفها بصراحه.....لان الامثله بقت صعبه اوي بجد...وكأن كل واحد بيثبت تفوقه علي التاني مش بتفوقه عليه غي شيئ ملموس.. لأ بنقده بس من غير ما يسمح لنفسه بالحكم الصحيح.... :D

تحياتي حسام للموضوع الرائع :blink:

[فــيــروز]

انتمائى العائلى يتبع صعيد مصر ..

و الصراحه عمرى ما شعرت بأى ضيق أو خجل من التعبير عن هذا الانتماء ولا تزعجنى بتاتا أى نكات تقال عن الصعايده أو أى حديث ينعتهم بالغباء أو ضيق الأفق md2:

"ابراهيم عيسى" أشار مرّه فى برنامجه القديم "من أوّل السطر" أن إطلاق صفات سلبيه على سكّان محافظات بأكملها يعود -فى رأيه- بسبب اتّصاف أهل هذه المناطق بصفات إيجابيه يرغب البعض فى حرمانهم منها بالسخريه و المبالغه التى تحوّل الصفه الحميده إلى صفه كريهه .. مثل تحويّل صفة تقدير المال المتعوب فيه لدى الدمايطه إلى بخل .. أو تحويل صفة العصبيه و الحميّه التى يتّصف بها الصعايده إلى ضيق أفق و هلم جرا ..

[أشرف حسين]

السلام عليكم يا أ/ حسام

مع اني افضل الشخصيه المرحه و احب روح الدعابه لكن هذا لا يمنع ان للمزاح

"حدود يجب ان نلتزم بها "

فـ الفرق بسيط جداً بين الدعابه و الاستهزاء

فـ الاكثار من السخريه من الغير حتي و لو كانت على سبيل المزاج

مع مرور الوقت سـ تولد مشاعر سلبيه نحن اكيد في غنى عنها كـ العداوه و البغضاء

و لأني لاحظت هذا الظاهر فى بلدان عديده

فـ اعتقد ان ذلك يندرج تحت باب (هزار ولوتقيل حبتين) و ليس عدم احترام لا سمح الله

فـ نحن في نهاية المطاف ابناء بلد واحده

عموماً السخريه شئ غير محبب الى نفسي اطلاقاً

قال تعالى : { يا أيها الذين آمنوا لا يسخر قوم من قوم عسا أن يكونوا خيراً منهم

و لا نساء من نساء عسى أن يكن خيراً منهن }

مودتي..

[حسام يوسف]

السلام عليكم

كل التقدير لوجهات نظر الزملاء جالاكسى وفيروز والنجم الثاقب وأشرف حسين

لكنى أرى الموضوع تعدى الهزار

ووصل للسب والكراهية

مش مصدقينى؟

طيب لوحد قال منوفى

أول حاجة هتيجى فى ذهنك اية؟

طبعا الكلام معروف

شرقاوى مع الاعتذار لكل الشراقوة عمرو وتامر

؟

دمياطى؟

اسكندرانى؟

نوبى؟

الصعايدة؟الوقت مش هيكفى

المشكلة ان نظرية التعميم دى غلط فى غلط

افرض انك قابلت واحد من بلد كذا

وكان فعلا شخص سيئ

خلاص

؟

خربت مالطة؟

كل البلد ولاد لاذينة؟

اناشايف ان الموضوع فية بذور كراهية وعنصرية

وتعدى الهزار التقيل

تم تعديل 4 يونيو 2008 بواسطة حسام يوسف

[ابو محمود]

انا أخترت مابنحترمش بعض يعنى يادكترة الموضوع دة مش خفيف ولا حاجة دة موضوع جامد وياريت نقدر نلخص لية العداء الأقليمى دة على فكرة داخل الجيش الموضوع دة منتشر وخارج مصر (الغربة ) لية ماعرفش

بس انا شايف اننا بنفذ تعاليم وتقاليد غريبة عنا لأننا نعملها بجهل بمعنى اننا نحكم على مدينة كاملة مع ان اصابعنا مش زى بعضها وياريت كمان نسأل نفسنا سؤال آمتى نتخلص من المهاترات والتريقة البايخة دى على العموم موضوع مهم لانة يمس دواخل المصريين على فكرةدواخل دى كلمة ممكن حد يفهمها غلط

ههههههههههههههههههههههههههههه دكتور حسام أحسنت اختيار الموضوع والتوقيت فنحن نبتعد عن بعضنا كنسيج مصرى واحد

[حسام يوسف]

ربنايكرمك يا عم محمود

المشكلة ان الموضوع بقى عنصرية بجد

انامش عارف تتحل ازاى؟

[محمد عبدالعزيز]

تعظيم سلام يا حسام ........... md2:

انا اخترت اننا مش بنحترم نفسناولا بلدنا.....وكمان محاوله لتفوق الشاتم ع المشتوم ...يعني اخترت اتنين... wst::

عموما انا بشوف ان كل مكان فيه الحلو والوحش فعلا..وكل مكان بيتميز بحاجه مش بنشوفها للاسف بس بنشوف السلبيات بس.. md2:

بعترف للاسف ان ممكن يكون فيه صفه غالبه...بس مش من الضروري نقدها بالصور الغير لائقه اللي بنشوفها بصراحه.....لان الامثله بقت صعبه اوي بجد...وكأن كل واحد بيثبت تفوقه علي التاني مش بتفوقه عليه غي شيئ ملموس.. لأ بنقده بس من غير ما يسمح لنفسه بالحكم الصحيح.... :P

تحياتي حسام للموضوع الرائع md2: md2:

أنا متفق مع هذا الرأى تماماً

وبالمناسبة كان حصل معايا موقف فى فترة التجنيد بس طريف جداً

كان الظابط بتاعى فى الجيش شرقاوى, ولما عرف إنى من اسكندرية كل لما يشوف وشى يقول لى أنا أول واحد ضحك على وسرقنى كان اسكندرانى, هو يقول لى كده وأنا أضحك وأقول -فى سرى طبعاً- طب هو لقاك عبيط ويتضحك عليك أنا ذنبى إيه.

[حسام يوسف]

وطبعا سهل نتنبأ ان فترة الجيش كانت جميلة يا باشمهندس محمد

لية؟

عشان التعميم

[حلواني]

طيب لوحد قال منوفى

أول حاجة هتيجى فى ذهنك اية؟

طبعا الكلام معروف

شرقاوى مع الاعتذار لكل الشراقوة عمرو وتامر

الاخ حسام ليه ماقولتش مع الاعتذار للمنايفه ولا هما مايستهلوش الاعتذار

ايه رايك في المدخل دا علشان تقوم بينا مشاده عنصريه

يا جماعه الحكايه دي بين الناس المتعلمين المحترمين ليست اكتر من هزار مقبول طالما في حدود الادب وعدم التطاول

وعلي فكره دا موجود في كل الدنيا حتي في سوريا مثلا بدل مايقولو واحد صعيدي بيقولو حمصي او حلبي وهكذا

وفي الكويت بيقولو بدوي او حضري او نسب لقبيله معينه والناس كلها بتقبل الهزار

والخطا في من يستخدم ذلك للاستهزاء من شخص معين علي انه من بلد معين

وعل فكره انا من مواليد القاهره واصل العائله منوفي وعايش الحمد لله ومتالف مع البشر

واخر حاجه اتقالت علي المنموفيين ان 048 دا مفتاح جهنم

تقبلو تحياتي

تم تعديل 5 يونيو 2008 بواسطة حلواني

[مصطفى عبد الوهاب]

طيب لوحد قال منوفى

أول حاجة هتيجى فى ذهنك اية؟

طبعا الكلام معروف

شرقاوى مع الاعتذار لكل الشراقوة عمرو وتامر

الاخ حسام ليه ماقولتش مع الاعتذار للمنايفه ولا هما مايستهلوش الاعتذار

ايه رايك في المدخل دا علشان تقوم بينا مشاده عنصريه

يا جماعه الحكايه دي بين الناس المتعلمين المحترمين ليست اكتر من هزار مقبول طالما في حدود الادب وعدم التطاول

وعلي فكره دا موجود في كل الدنيا حتي في سوريا مثلا بدل مايقولو واحد صعيدي بيقولو حمصي او حلبي وهكذا

وفي الكويت بيقولو بدوي او حضري او نسب لقبيله معينه والناس كلها بتقبل الهزار

والخطا في من يستخدم ذلك للاستهزاء من شخص معين علي انه من بلد معين

وعل فكره انا من مواليد القاهره واصل العائله منوفي وعايش الحمد لله ومتالف مع البشر

واخر حاجه اتقالت علي المنموفيين ان 048 دا مفتاح جهنم

تقبلو تحياتي

ههههههه فكرتني بأيام الدراسة

[النسر المصري]

اييييييييييييييييييييييه دونياااااااااااااااا

طب مين يعرف العرايشيه بيتقال عليهم ايه؟!!!

عموما انا كنت عامل موضوع من سنتين تلاته كده ايام لما كنت نسر مصري غير مسجل وورورور كدة قبل مافقد عضويتي الاولانيه الاصليه

وهتلاقو فيه ردود عجبببببببب عجب

خشوا واتهنوا

افعص هناا

[kokomen]

معلش يا دكتور حسام

أنا بعتبر ده هزار يعني دعابة وروح مرحة

لا يجب أن نأخذها بحساسية ... وخصوصا إن الشعب المصري الجميل

مولود وفي دمه الدعابة ... والنكته على لسانه حتى في أحلك الظروف كما تعلم

وليست قلة أدب أو سخرية من أحد ... على ما أعتقد وخصوصا بين فئات المثقفين والمتعلمين

فليس هناك محافظة من محافظات مصر المحروسة إلا ووصفت بدعابة تصف بعض أهلها وليس كلهم بطبيعة الحال

أعطيك مثال يقال على الإسكندرانية زي حلاتي يقولون ... ميه مالحة ووجوه كالحه .... أيه رأيك رغم إن

غالبية المصريين بيحبوا أسكندرية وبيصيفوا فيها .... وبيحبوا أهل أسكندرية .... يعني المفروض أن لا يأخذ الموضوع بحساسية مفرطة

تقبل تحيات واحد إسكندراني

بيمسي على الشراقوه والدمايطه والبورسعيديه والنوبية والأسوانية ,اخيرا حبيبنا في المنوفية :rolleyes: :wub:

[om marawan]

موضوع جميل يادكتور وفعلا لاحظت كمان ان حتى جوه كل محافظة او بلد هتلاقى كل منطقة او مركز او مدينة مثلا مشهور عنها حاجة

وانا الحقيقة مادخلتش فى الاقتراع ... ليه ؟

أصل بصراحة لقيت كل سبب يصلح حسب كل شخص وجهة نظره ايه أو هدفه من الهزار

ممكن يكون بيهزر "بذكااااء " حبتين او..... عنده مشكلة احساس بالتدنى فكده كده هيدور على اى حاجة ويسخر منها حتى لو كان بلدياته

او مابيحترمش نفسه أولا ولا اى حد بما فيها بلده

بس لو قلنا الصفات العامة لكل بلد هناقى الموضوع عالمى يعنى حضرتك مثلا معروف عن أهل فرنسا حبهم للجمال والموضة والعطور

أهل اليابان ادبهم وحبهم للعمل وهكذا ........طبعا ده مش نفس موضوع السخرية او الهزار لأنها هنا مميزات مش عيوب

لكن انا مع حضرتك انه لا يصح ان الصفات والمميزات تتاخد وسيلة للسخرية على بعض أبدا أبدا

[قائد المدفعيه الهولنديه]

كل مكان فيه الكويس و فيه الوحش لكن احنا بطبعنا كمصريين شعب ساخر دايما نحب نضحك شويه هتى لو بالهزار التقيل واحد يقولى يا صعيدى و انا اقوله يا منوفى و كده يعنى بس فى الاخر الموضوع لا يتعدى الهزار لاننا فى الاخر زمايل فى الشغل او فى اى مكان تانى

[حسام يوسف]

الف شكر يا ام مروان

بس تقدرى تقولى رأيك لأن التصويت متعدد الاختيارات

ان شالله تقولى الاربع اختيارات

تحياتى

[كوابرية]

السلام عليكم ورحمه الله وبركاته

من رأيى ان السبب وراء الموضوع دة ان الناس ما بتحترمش نفسها دة فى المقام الاول وبعدين يجى بقى انهم ما بيحترموش بعض والبلد ... لان اية اللى اكد ليك انك مثلا لما تشتم غيرك من اى بلد اية اللى ياكد لن انه مش احسن منك بالعكس دة ممكن يكون احسن وافضل منك فى حاجات كتيرة ....وبعدين اللى بيشتم دة بكرة يجيلوه يوم ويتشتم مادام بقى اهل المحافظات نازلين شتايم فى بعض .مش معنى ان مثلا 5 فى المية من ناس محافظة معينة بخلاء يبقى خلاص كل الناس فى المافظة دى بخلاء.

وممكن اللى انتا بتشتمه دة يكون احسن منك فى القدرات العقلية ويكون حسن الخلق وعلاقته بالله كويسة فحيكون رأيك فايدته اية ؟ ... لا حيقدم ولا حياخر .وياريت الناس اللى بتشتم دى لو فكر الواحد قبل ما يشتم هو فى نظر اللى قدامه اية أكيد حيسحب الشتيمة قبل ما يقولها .

[امانى]

الصراحة يا دكتور حسام انا شايفة الموضوع بمنظورين

الاول ممكن تكون هزار ودعابة خصوصا اننا بنتمتع بسخرية كبيرة ودى طبيعة فى الشعب المصرى بس لو زادت هذه الدعابة التقيلة عن حدها وخرجت عن نطاق الهزار خصوصا بين المتعلمين والمثقفين أصبحت خروج عن

الادب وعدم احترام الغير والبلد. احنا فى النهاية رغم تعدد المحافظات الااننا ابناء بلد واحدة هى مصر يعنى مفيش فرق بين اسكندرانى ولا صعيدى ولا دمياطى او شرقاوى او باقى المحافظات

هذه الظاهرة اصبحت من العادات الموروثة تتوارثها الاجيال الى جانب انها تنتقل بسرعة الى كل مكان وليس فى

مصر وحدها بل الغريب انك ممكن تسمعها فى اى بلد عربى اخر

كنت فى العمرة وماشية مع سيدات معانا من المنوفية والاسكندرية وكنا بنشترى اقمشة فكانت سيدة تحب

الفصال فى المشتريات تفاصل مع سعودى بالمحل واذا به يقولها انت من المنوفية فردت واحدة كانت بالمحل

ضاحكة بتفاصل هى الاخرى الحمد لله انا اسكندرانية فما كان منه الا ان ضحك بسخرية وقال لها اه مياه مالحة

ووشوش كالحة بنفس اللفظ والله .

الغريبة اننا بنروج الكلمات القبيحة والصفات الكريهة على اى بلد وعمرنا ما فكرنا فى ترويج الكلمات الحسنة

والصفات الطيبة المشهورة بها كل محافظة بمعنى مثلا لما يكلمك دمياطى بدال ما تقله الدمايطة بخله نقول

الدمايطة ايديهم تتلف فى حرير صنايعية درجة اولى وبدال من نقول على الاسكندرانية مياه مالحة ووجوه كالحة

نقول الاسكندرانية دول ناس جدعان بلد الحضارة والمنارة .....وبدال من نتريق ع الصعايدة نقول عليهم ناس

احرار دمهم حامى ويتحملو ويفوتو فى الحديد من اجل الوصول الى امانيهم........الخ

يا ريت نحترم بلدنا بكل محافظتها ونحترم بعض وندور على الكلام الحسن المحترم ونبعد عن الكلمات البذيئة

حتى نرتقى ببلدنا وتكون وجهتنا حضارية فى كل مكان داخل مصر او خارجها