القرعة الخامسة اراضي التعمير

[الأقصرى]

لو حسبنا الارقام التي ذكرتها الاخت الفاضلة بالنسبة لسعر المتر في التجمع و قسمنا علي نسبة 2.5 % تقريبا يزيد او يقل قليلا هايطلع لنا المقدم اللي قالت عليه سواء1800 او2200 او الشروق

و نفس الطريقة لو طبقناها علي بدر هاتطلع نفس النسبة

و علي فرضية صحة معلومة الاخت الفاضلة اتوقع ان بدر سعر المتر حوالي من 380 الي 400 و قد اكون مخطئ و هو احتمال كبير!!!

و ياخبر بكرا يبقي

اعتقد انه لن يكون هناك اى متر فى مدن القاهرة الكبرى اقل من 600 جنيه حبث لاحظت ان جميع الاراضى القديمة ارتفعت فى اليومين دول ويعضهم ضاعف الاسعار حنى تصل لسعر القرعة و عندهم كل الحق حيث لن تنتظر حظك فى القرعة وايضا تقسيط على 7 سنوات وهنختار قطعتك بنفسك

غالبا أنا فهمت كلامك غلط بس لو صح يبقي لازم تجاوبني

فين ده يا باشا الارض اللي علي 7 سنين ديه تقسيط

أنا مستعد أنزل مصر الاسبوع الجاي أشتري

نورني يا باشا

السلام عليكم

اهدى شويه يا باشا

ما فيش حاجه حتغلى مهما كان سعر القرعه ومع مرور الوقت الاسعار حتنزل

العام الماضى عندما تم طرح ارض فى مشروع المستثمر تقدم لمدينة لبدر شخص واحد فقط

وترقيبا 50% من اللى قدمو فى الشروق ضحوا بخطاب الزمان وخلعوا ومكلوش البناء

قدم فى القرعه او انتظر سنه افضل

[raouf]

غالبا أنا فهمت كلامك غلط بس لو صح يبقي لازم تجاوبني

فين ده يا باشا الارض اللي علي 7 سنين ديه تقسيط

أنا مستعد أنزل مصر الاسبوع الجاي أشتري

نورني يا باشا

افهم حضرتك و ادبك بعض الامقلة ولتكن بدر كمثال :

1- ارض عائلى ودى 300-315 م كانت بتتباع خالصة الاقساط ب 100 الف بعنى المتر 300 جنيه خالصة تماما

2- ارض قرعة فيلات ( 600 - 1200 متر ) كان اوفر 120-250 الف وعليها اقساط 120-250 الف للجهاز على 7 سنوات وتبدأ الاقساط من 2011 كمان يعنى المتر ب 400 جم

يعنى 200 جم مقدم و 200 على 7 سنوات .

يبقى من وجهة نظرك ايهم افضل ادخل القرعة غير مضمون المكسب وانا وحظى لو كسبت ولا اشترى واعاين واختار كمان ؟

ملحوظة ايضا سمعت ان متر الارض فى هذه القرعة فى يدر ب 600 جم واعتقد ان المتر سيرتفع اكثر هناك ولهذا كان التجار اكثر من استخوذ على اراضى فى بدر فى العام الماضى

[misry]

غالبا أنا فهمت كلامك غلط بس لو صح يبقي لازم تجاوبني

فين ده يا باشا الارض اللي علي 7 سنين ديه تقسيط

أنا مستعد أنزل مصر الاسبوع الجاي أشتري

نورني يا باشا

افهم حضرتك و ادبك بعض الامقلة ولتكن بدر كمثال :

1- ارض عائلى ودى 300-315 م كانت بتتباع خالصة الاقساط ب 100 الف بعنى المتر 300 جنيه خالصة تماما

2- ارض قرعة فيلات ( 600 - 1200 متر ) كان اوفر 120-250 الف وعليها اقساط 120-250 الف للجهاز على 7 سنوات وتبدأ الاقساط من 2011 كمان يعنى المتر ب 400 جم

يعنى 200 جم مقدم و 200 على 7 سنوات .

يبقى من وجهة نظرك ايهم افضل ادخل القرعة غير مضمون المكسب وانا وحظى لو كسبت ولا اشترى واعاين واختار كمان ؟

ملحوظة ايضا سمعت ان متر الارض فى هذه القرعة فى يدر ب 600 جم واعتقد ان المتر سيرتفع اكثر هناك ولهذا كان التجار اكثر من استخوذ على اراضى فى بدر فى العام الماضى

حرتك متاكد من اسعار بدر دي سواء الجديدة اوالقديمة ؟

يعني اللي زي كده الافضل ليه الشراء من السوق و لا ينتظر القرعة?? يمكن المتر زي العام الماضي

يعني لو 600م في بدر يعلي سعرها بعد القرعة و لا دي توقعاتك لاسعار ما بعد القرعة ?????

تقبل تحياتي

[raouf]

حضرتك متاكد من اسعار بدر دي سواء الجديدة اوالقديمة ؟

يعني اللي زي كده الافضل ليه الشراء من السوق و لا ينتظر القرعة?? يمكن المتر زي العام الماضي

يعني لو 600م في بدر يعلي سعرها بعد القرعة و لا دي توقعاتك لاسعار ما بعد القرعة ?????

تقبل تحياتي

طبعا متأكد ان شاء الله و اليوم عرفت بعدم وجود ارض فيلات فى بدر فى القرعة وسعر متر العمارات 380 جم وكده يبقى سعر القطعة العائلى 315 م 120000 بدون ترخبص و يعنى اشتريها من السوق ب 100 او 110 ارخص و افضل .

ده كان تفكيرى وانا باشترى قطعتى من شهر واحد فقط و اعتقد ان الله الهمنى الصواب لانى كنت متوقع هذا ولو حضرتك محتاج اى مساعدة انا فى السعودية ممكن تكلمنى لو تحب

[ssamir]

عندى شقة بالياسمين للبيع

الاستفسار على الخاص

[MinaAziz]

هل يوجد أخبار عن اعمال المرافق بالقرعة الرابعة اكتوبر - منطقة ب.

ما هو الموعد المتوقع للتسليم.

شكرآ

[عطر الجنة]

وهم اسمه القرعة

[metwallly]

أجمد تعليق سمعته عن وزارة الإسكان ومشارعها

كان كاريكتير في الطبعة الآولى أمس

الكاريكتير بيتكلم عن نقل حديقة الحيوان ل6 أكتوبر

حمار وحشى واقف مع حمار تانى بيقول له خايف لينقلوا الحديقة وبدل مايبنوا حديقة جديدة

يدوا لكل واحد فينا قطعة ارض ويقلولوا ( إبنى زريبتك )

تم تعديل 26 يوليو 2009 بواسطة metwallly

[afadly]

مافيش حد ممكن يا جماعة يعرض صورة كراسة الشروط للأراضى المطروحة

[عاشق]

هذا ما كتب بالمصري اليوم

الاحد 26/7/2009م

وهذا نص المقال

قرعة الأراضى الجديدة.. للأغنياء فقط ومتوسطو الدخل يمتنعون

كتب وفاء بكرى ٢٦/ ٧/ ٢٠٠٩

فاجأت وزارة الإسكان المواطنين بشروطها الجديدة، للتقدم لقرعة الأراضى التى ينتظرها «متوسطو الدخل»، بعد تأخر قرابة عامين عن آخر قرعة علنية للإسكان العائلى، وسط استياء عدد كبير من العائلات بسبب ضياع حلم الإقامة، بمدينة القاهرة الجديدة.

وفى الوقت الذى طرحت فيه الوزارة ٣٥٥١ قطعة فى القرعة الخامسة، التى سيفتح باب الحجز فيها اليوم بفروع بنك التعمير والإسكان، لم يجد متوسطو الدخل «ضالتهم» المنشودة فى أى من هذه الأراضى، فالوزارة لم تطرح أراضى فى الشيخ زايد أو ٦ أكتوبر، رغم أن الأسعار بهما لم تكن لتقل عن ١٠٠٠ جنيه، فيما جاء سعر المتر فى القاهرة الجديدة بمثابة «الصدمة» لهم بعد وصوله لـ١٨٠٠ جنيه.

وفى مدينتى الشروق والعبور وصل سعر المتر إلى ٨٠٠ جنيه، أما مدن الصعيد الجديدة فبالرغم من أنها الأقل سعرا بين المدن فإنها لا تزال تحتاج الكثير من التنمية ولا يقبل عليها الكثيرون من أبناء محافظات الصعيد.

ولم يتوقف الأمر عند حد الأسعار فحسب وإنما تعداه إلى الشروط الأخرى التى اعتبرها البعض «مجحفة»، ومنها عدم امتلاك وحدة سكنية فى أى من المدن الجديدة، بالرغم من أن المهندس أحمد المغربى، وزير الإسكان، أكد أكثر من مرة أنه لا يرفض انتقال المواطن من مسكن صغير إلى آخر أكبر عن طريق الوزارة، فيما اعتبر عدد من خبراء العقارات أن الوزارة أصبحت بمثابة «التاجر» وتحاول منافسة المستثمرين،

مشيرين إلى أن الأسعار التى طرحتها الوزارة تستهدف فئات معينة أغلبهم «مليونيرات» ممن يستطيعون البناء والسداد فى مدة لا تتجاوز ٤ سنوات، وهى ما تعد سياسة ضارة اقتصاديًا واجتماعيًا، وطالبوا الوزارة بتحديد فترة سماح سواء للبناء أو سداد قيمة الأراضى، خاصة أن المدة المحددة من شأنها رفع أسعار مواد البناء.. «٤ حيطان» يستطلع آراء الخبراء فى القرعة الجديدة خلال السطور القادمة.

فمن جانبه، استنكر يسرى على عبدالواحد، رئيس إحدى شركات الاستثمار العقارى، مدة التوقيت التى حددتها الوزارة للبناء وسداد قيمة الأرض، مؤكدا أن السداد على ٤ سنوات مناسب أكثر للشركات الاستثمارية التى لديها ملاءة مالية وليس مناسبا للأفراد، خاصة أنهم سيلتزمون بالبناء خلال ٣ سنوات.

وأوضح عبدالواحد: «توقيت البناء مناسب جدا، ولكن بشرط مد فترة السماح فى السداد كما كان فى القرعات السابقة، حيث كان يسمح للأفراد بالبناء مع وجود فترة سماح ٣سنوات وبعدها يسدد القيمة المتبقية على ٧ سنوات».

وأضاف: «مبررات شرط السداد غير مفهومة»، خاصة أن الأراضى التى تم طرحها فى هذه القرعة كاملة المرافق وبعضها مسحوبة من أفراد سبق لهم التخصيص. وحول أسعار الأراضى فى مدن القاهرة الكبرى اعتبر عبدالواحد أن سعر ١٨٠٠ جنيه للمتر فى القاهرة الجديدة مناسب للغاية،

خاصة أن من يرد السكن فى هذه المدينة عليه سداد القيمة المناسبة للأرض، فضلا عن أن الوزارة لا تريد ذهاب معظم المواطنين إلى هناك على اعتبار أنها «زمالك زمان»، مشيرا إلى أن سعر المتر فى مدينتى الشروق والعبور الذى وصل إلى ٨٠٠ جنيه، يعد مبالغا فيه معلقا بقوله: «كأن الوزارة أصبحت منافسة للتجار».

واتهم الدكتور خالد خاطر، أستاذ الهندسة بجامعة الفيوم، وزارة الإسكان بلعب دور «التاجر» بسبب تحديد فترة السداد بـ٤ سنوات فقط مع رفض المالكين لوحدات سكنية التقدم للقرعة، مؤكدا أن الأسعار التى طرحتها الوزارة ستجعلها «رابحة» بشكل كبير، فضلا عن أن صاحب أى وحدة سكنية حتى ولو كانت فى المدن الجديدة من حقه السكن فى بيت «مستقل» له ولأولاده.

واعتبر خاطر شروط الوزارة غير واضحة المعالم، ويجب إعادة النظر فيها، خاصة أن بعضها مجحف إلى حد كبير- حسب تعبيره- مقترحا منع من يمتلكون أكثر من وحدة سكنية وليس واحدة فقط، مع مد فترة السماح إما للسداد أو البناء.

وأوضح أحمد الزينى، نائب رئيس شعبة مواد البناء بالغرفة التجارية، أن الأسعار التى حددتها الوزارة مرتفعة للغاية خاصة لمتوسطى الدخل، مؤكدا أن من سينافس فى القرعة هم «فئات» معينة ومعظمهم «مليونيرات».

وقال الزينى: «من يرد الاشتراك فى القرعة لابد أن يكون مليونيرا، وحتى لو معه مليون جنيه فقط لن يستطيع الاشتراك، خاصة فى ظل الظروف الاقتصادية الحالية، وبالتالى ستفقد القرعة هدفها الأساسى وهو توفير مساكن لمتوسطى الدخل»، محذرا من دخول السماسرة بقوة فى هذه القرعة على عكس القرعات السابقة.

وأضاف: الأسعار مرتفعة للغاية، والفترة الزمنية التى حددتها الوزارة، بل الميزة الإضافية التى منحتها للمواطنين بالإسراع فى بناء الأدوار الثلاثة كاملة خلال ٢٤ شهرا للإعفاء من دفع ٢٠% من قيمة الأرض- ستؤدى لارتفاع أسعار مواد البناء خلال المرحلة المقبلة، وهو ما فعلته الوزارة أيضا فى مشروع «ابنى بيتك»، وهو ما يجعلنا على مشارف استيراد كميات ضخمة من الأسمنت، مختتما كلامه بقوله: «ربنا يسامحهم».

واختلف معهم فى الرأى الدكتور حسنين أبوزيد، أستاذ الهندسة بجامعة الأزهر، مؤكدا أن الوزارة طرحت الأراضى بالسعر والشروط المناسبة للأفراد، على اعتبار أن دور الوزارة ضبط السوق وهو ما فعلته فى هذه القرعة، بعد ارتفاع أسعار الأراضى فى معظم المدن الجديدة.

واعترض أبوزيد على اتهام البعض بأنها تنافس الشركات العقارية والمستثمرين، موضحا أن السوق العقارية حاليا غير متوازنة بسبب الأسعار المرتفعة، وبالتالى قامت الوزارة بطرح الأراضى فى الوقت المناسب مع وجود مميزات أخرى أهمها الإعفاء من ٢٠% من قيمة الأرض حال الانتهاء من البناء، وهو ما سينهى عمليات تسقيع الأراضى.

وبرر أبوزيد ارتفاع أسعار الأراضى التى طرحتها الوزارة بأن هناك ندرة بالأراضى فى المدن الجديدة بالقاهرة الكبرى، موضحا فى الوقت نفسه أن السوق يحكمها العرض والطلب.

ورفض طه السيد عبداللطيف، عضو شعبة الاستثمار العقارى باتحاد الغرف الصناعية، شرط الوزارة بشأن عدم امتلاك المتقدم وحدة سكنية، معتبرا إياه مجحفا، خاصة أن من يمتلك وحدة سكنية- حتى ولو كانت بمساحة كبيرة نوعا ما- من حقه السكن فى بيت يمتلكه، مشيرا إلى أن طرح الأراضى لن يؤثر على سوق مواد البناء، على أساس أن هناك توازنا فى عدد الأراضى، سواء القرعة أو «ابنى بيتك» مع كميات مواد البناء فى السوق.

من جانبه قال الدكتور عبدالخالق فاروق، الخبير الاقتصادى: إن محاور الوزارة سواء المزايدات أو القرعة ستؤدى إلى «فرز» لصالح القادرين ماليا على حساب المحتاجين ومحدودى الدخل، مؤكدا أن الأسعار الجديدة التى طرحتها الوزارة مبالغ فيها، وتعد سياسة ضارة بالطبقة المتوسطة التى تبحث عن بيوت مستقلة.

وأضاف فاروق: «الأسعار الجديدة تؤكد أن القرعة للأغنياء فقط والفقراء يمتنعون، وهى سياسة اقتصاديا واجتماعيا ضارة، حتى إن الشرط الخاص بخصم ٢٠% لن يقلل من الأسعار كما تعتقد الوزارة، خاصة أنها اشترطت التشطيبات الكاملة وبالتالى لن يحوزها سوى القادرين ماديا».

----------------------

تعليق عاشق

انا لحد الان مش قادر افهم ازاي ان حكومة تبيع ارض البلد لمواطنيها ..

مش برده احنا الملاك الاصليين ولا ليه سمونا مصريين

يمكن الحكومة شيفانا اننا ضيوف ولا حاجة

((مع الاسف الشديد كل يوم بحس انا الحكومة مش اقل جشعا من التجار والمنتفعين ولو كانت ايام البشوات سلطة ونفوذ واستعباد زي ما فهمونا في افلام زمان .. يبقى ايه الي بيحصل الان))

الوزير يبيع الاراضي بقرعة ويحدد اسعارها حسب مزاجه وحسب ماهو عاوز يضخ للبلد فلوس يعنى الحكومة تكسب زي التاجر وتشعل السوق لحساب سماسرة ليزدادو ثراءا وتخمهً على تخمتهم .... واهو البحر بيحب الزيادة

ورجال الاعمال يشغلو مصانعهم من اسمنت وحديد وسيراميك وخلافة ويكسبو برده فلوس طائلة ((ويقولو لنا اهم بيشغلو برده عماله))

وطبعا والاكيد الي بيدفع لكل هولاء المنتفعين والاثرياء هو شخص واحد بيسمي بعرفهم (المواطن المصري )

بس كنت حابب اسأل سؤال صغير جدا

يعنى ايه مواطنة .. ويعني أيه وطن .. بدون حتة ارض او شقة صغيرة او اربع حطان تعيش فيهم انت وعيالك

مش هو ده الحد الادني لكلمة وطن ............!

بجد بحبك يا مصر

وعاشق لترابك ونيلك

مع ان ترابك بشترية بالقرعة

وميتك بشربها بفاتورة

حتى لو انقطعت وجت شوية كل جمعة

brth)

[metwallly]

السلام عليكم ورحمة الله وبركاته

مافيش حد عنده أخبار عن كراسات الشروط

الرجاء من الآخوة اللى يجيب كراسة شروط يسحبها إسكانر ويرفعها

علشان الناس المغتربيين وخاصة أنا محتاج كراسة شروط برج العرب والعبور

وجزاكم الله خيرا

تم تعديل 26 يوليو 2009 بواسطة metwallly

[الأقصرى]

هل يوجد أخبار عن اعمال المرافق بالقرعة الرابعة اكتوبر - منطقة ب.

ما هو الموعد المتوقع للتسليم.

شكرآ

بسؤال جهاز مدينة 6 اكتوبر عن ارض القرعه الرابعه ب فى المنطقة المحصورة بين طريقى الفيوم والواحات الاسبوع الماضى افادوا بالاتى:-

مش قبل سنه من دلوقتى وتعالى واسأل برضه يعنى التاريخ المتوقع للاستلام مش قبل اول 2011 لو لينا عمر ان شاء الله

كل سنه وانتم طيبين

[MinaAziz]

هل يوجد أخبار عن اعمال المرافق بالقرعة الرابعة اكتوبر - منطقة ب.

ما هو الموعد المتوقع للتسليم.

شكرآ

بسؤال جهاز مدينة 6 اكتوبر عن ارض القرعه الرابعه ب فى المنطقة المحصورة بين طريقى الفيوم والواحات الاسبوع الماضى افادوا بالاتى:-

مش قبل سنه من دلوقتى وتعالى واسأل برضه يعنى التاريخ المتوقع للاستلام مش قبل اول 2011 لو لينا عمر ان شاء الله

كل سنه وانتم طيبين

شكرا للرد يا استاذ أقصري و كل سنه وانت طيب

[isa]

طرح أراض بمساحات صغيرة فى ٤ مدن جديدة عقب عيد الفطر

كتب وفاء بكرى ١٦/ ٩/ ٢٠٠٩

علمت « المصرى اليوم» أن المهندس أحمد المغربى، وزير الإسكان والمرافق والتنمية العمرانية، قرر طرح عدد كبير من أراضى العمارات بمساحات صغيرة تبدأ من ٢٥٠ وحتى ٣٥٠ مترا، بعد إجازة عيد الفطر المبارك مباشرة فى ٤ مدن جديدة بنظام القرعة العلنية.

وطلب المغربى من مسؤوليه سرعة حصر الأراضى فى مدن برج العرب والسادات وبدر والعاشر من رمضان، والتى تم الانتهاء من توصيل المرافق إليها، وشهدت إقبالا كبيرا من المواطنين فى القرعة العلنية الخامسة، التى تم إغلاق باب التقديم فيها منذ نحو ٣ أسابيع، وذلك لطرحها مباشرة.

وقرر المغربى طرح الأراضى بالسعر نفسه لأراضى العمارات بالمدن والتى تم طرحها فى القرعة الخامسة ، والتى تم تحديدها بـ ٥٥٠ جنيها للمتر الواحد لمدينة العاشر من رمضان، و٣٨٠ جنيها للمتر فى مدينة بدر، و٣٣٠ إلى ٣٦٠ جنيها فى مدينة برج العرب، و٣٣٠ جنيها للمتر فى مدينة السادات.

وسيتم طرح الأراضى بالشروط نفسها لأراضى القرعة العلنية، منها عدم امتلاك المتقدم أى أراض أو عمارات أو وحدة سكنية فى أى من المدن الجديدة، ولا يجوز للأسرة الواحدة التقدم لحجز أكثر من قطعة واحدة فى المدن المطروحة، ويتم سداد ١٠% من قيمة الأرض على أن يتم السداد على ٤ سنوات والبناء خلال ٣ سنوات.

[romy]

هوامش على دفتر القرعة

يا وزير الاسكان يا ابوقرعة*** ياالي انت وحكومتك بدعة

لو عندكو ذرة احساس ***كنا خلصنا منكو بسرعة

كان يركبكم اكبر هم ***وتموتو بزيادة الجرعة

والى مافيش احساس بالمرة*** كان يرمي نفسه في الترعة

لكن انتوا ولا لوح التلج ***لا بيشغلكم صيت ولا سمعة

ايه في بلدنا ما جبتوش اجله ***دا احنا بلدنا في عهدكو شنعة

****

ياوزير القرعة يا ابشع وزير*** يا الى قننت الفساد وانت خبير

امتى ها نلاقي سكن ذي البشر*** للمهندس والمدرس والغفير

امتى ها يعيش البشر زي البشر*** امتى يوصل صوتنا للقصر الكبير

هي دي مصر الى ها نسيبها لولادنا*** لا كرامة ولا عدالة ولا ضمير

شعب من ظلمه نسي انه بشر*** واعتبر نفسه مطارد أو اسير

حاسس انه غريب ف بلده وموطنه*** عايش ايامه في ظلمة أو هجير

واللصوص هما الى حاكمين البلد*** المقاول والحرامي والمدير

****

يعني شيخنا الله يعينه ع الزهايمر*** لا بقى قادر يفكر او يدبر

كبر الطاسة وقالك تنحرق***سايب الضيعة يديرها ابنه الصغير

وابنه جامع شلته الفاسدة بتاعته*** يطحنوا في مجتمع قاتله التدهور

الى ف الاسكان يجرب خطته*** والى في الصحة يقول عندي تصور

والى ف التعليم يخرب مخنا*** وان سألته يقول يا ابني دا تطور

والي يطرح نظرته في علاج همومنا*** شعب هايف طول حياته ف تأخر

رغم ان حكومته عاوزة ترفعه ***ما تلاقيش منه الا شكوى او تذمر

يعني اصبح شعبنا فئران تجارب*** هي دي مصر الحضارة والتحضر

****

ارض الشعب وحق الشعب***و بيتجاروبها ولاد الكلب

وتدور دايرتها المحدودة ***وترسى في جيب احباب القلب

الحرامية والاغنيا ***والخونة وتجار الكدب

تاجروا ف اراضينا يا طواغيتنا*** واحنا بنتفرج م الغلب

بيعوا الارض وبيعوا العرض*** وتاجروا كمان في منام الشعب

****

يانظام عايش عشان السمسرة*** في الاراضي والكرامة والمصير

لسا فيه حاجة عارضها في المزاد*** وياترى مين هو دلالنا الحقير

الى صنعه الشعب من عرقه وشقاه*** بتبيعوه وتقسموه من غير رقيب

كل بيعة وسمسرتها مع العمولة*** كل لص وله من الكعكة نصيب

لكن الشعب الى داير في السواقي ***حظه متنيل وعايش في البلد منبوذ غريب

****

كل وزير بينافس الزملا*** ف جمع فلوس من جيب الفقرا

خلى عجوزنا يعيش متمتع ***ويصرف ع البهوات الكبرا

اما الشعب فحاله سيء*** قبل ما ييجي ولاد الغفرا1

ودلوقتي ساء اكتر واكتر*** ومافيش امل انه يشوف بكرة

****

فيه كام واحد ف المحروسة*** نفسه يعيش ذي البني آدم

يبقى له شقة ووظيفة ***وحياته يبقى لها معالم

لكن حكومتكو المعتوهة ***بتفكر تضحك ع العالم

الشعب في عرفها حشرات*** وحياته منحة من الظالم

****

أفسد خلق الله يامبارك***لعنة وحلت ع المحروسة

عمري ما شفت بلدنا في عهدك*** الا بلد خايبة وموكوسة

كم شاب في عهدك ضايعين*** بين امراض وبطالة وعنوسة

حتى النومة في عهدك الاسود**** محتاجة رشوة او كوسة

****

مصر بقت فيها الاحلام*** اصعب من لبن العصفور

حتى الحلم في نومة مريحة*** بقى حلم اعرج او مبتور

يعني الشعب ينام ف الشارع ***والبهوات ف فلل وقصور

والى الشارع مش على كيفه*** نشوف له دويقة وفيها صخور

****

ابني قبرك يا مواطن*** هو دا شعار النظام

وكل ما تعجل بسكنه*** يبقى لك منه السلام

دا انت عبء تقيل عليه*** شايله من غير انسجام

الفقير مالهوش مكان*** الا في كومة ركام

ابقى عيش ف الاخرة افضل***انت مش غاوي آلام

في الدويقة او في غيرها*** المهم انك تنام

خلي اراضينا الجميلة*** حكر لاولاد الحرام

****

يا وزير الاسكان يا ابو قرعة *** يا الى واكلها وناسك والعة

بكرة الشعب يفوق من نومه*** ويكسرلك راسك الصلعة

سايب الشعب ينام ف قبوره*** والاوغاد يرمحوا ف الضيعة

بكرة الشعب يثور ع الجهلة*** ويسحل كل كلاب القلعة

****

ارسل لي الاصدقاء في القاهرة قرعة وزارة الاسكان الاخيرة. وتتعجب كيف يقبل الشعب المصري حكاية السكن بالقرعة وهي من مهازل النظام الاخيرة. وهم غاضبون للغاية من انهم حتى نجحوا في جمع اربعة افراد ولكن اليأس اصابهم من شروطها ويقولون ان القرعة السابقة كانت افضل من الناحية المالية. ويشكو هؤلاء من ان وزارة اللاسكان وبنك الافساد والتدمير المسمى سابقا ببنك الاسكان والتعمير خربا البلد تماما من اجل جمع اموال لمجاملة النظام. ويبدو ان التدهور في مصر وصل حالا لايمكن تصوره حتى ان النظام قد يقرر في وقت قريب ان يعالج الناس بالقرعة وربما يفرض عليهم ايضا ان يتناولوا طعامهم بالقرعة.

1 الضباط اللااحرار.

من مجــلة الإعصـار

[wansawansa]

يا رجالة القرعة ان شاء الله مواعيدها في الفترة من 8/10/2009 حتى 19/10 حسب الجدول الموضح بجريدة الاهرام عدد الجمعة بتاريخ 2/10

ربنا يوفق الجميع

[newshare]

يا رجالة القرعة ان شاء الله مواعيدها في الفترة من 8/10/2009 حتى 19/10 حسب الجدول الموضح بجريدة الاهرام عدد الجمعة بتاريخ 2/10

ربنا يوفق الجميع

جزاك الله تعالى خيرا يا wansawansa

بس ممكن كتابة الجدول لأنى شوفت الجريدة ( الطبعة العربية ) و لم أجد فيها الخبر

و لك وافر الشكر

[wansawansa]

أخي newshare اليك الجدول الكامل وبالتوفيق و لا تنسانا من دعائك أخي الكريم

http://www.egyptiantalks.org/invb/?showtopic=87170

[newshare]

أخي newshare اليك الجدول الكامل وبالتوفيق و لا تنسانا من دعائك أخي الكريم

http://www.egyptiantalks.org/invb/?showtopic=87170

أخى الحبيب 'wansawansa'

أسال الله العظيم أن يبارك لك و يجزيك خير الجزاء

[عطر الجنة]

ايه يا جماعة محدش فاز فى القرعة دى ولا ايه

عوزين نهنى و نبارك و نعرف خطوات الاستلام ايه