تكلم و انت غاضب!!!!

[~Heba~]

السلام عليكم و رحمة الله و بركاته

احبائى اعضاء المحاورات

لا تستغربوا من عنوان الموضوع

هو مش كامل

هو فى الحقيقة كالتالى

تكلم و انت غاضب...فسوف تقول اكثر شئ تندم عليه فى حياتك

حكمة جميلة جدا.....مش كده

طب يا ترى ايه ذكرياتك مع الغضب؟

انا عن نفسى..

يا ترى غضبت؟؟؟ اى نعم

يا ترى ندمت ؟؟؟ اى نعمين

هل كان الموقف يستاهل؟؟ لا

طب ليه دا كله يحصل؟؟ شعور لحظى مقدرش اتحكم فيه

و السبب فيه ايه؟؟ طبيعة بشرية

والحل فى نظرك؟؟اكون كده هوه :D و ابقى قابلنى انى قدرت

دلوقتى نسمع رأيكم

حد عنده اجابة للاسئلة اعلاه :Exclam:

[Salwa]

فى الحقيقة ياهبة هى ....

لاتتكلم وانت غاضب... فسوف تسمع مايزيدك غضبا.

والمشكلة هنا ...ان واحد غاضب بيتكلم ...وواحد اكثر غضبا ..بيرد..

والنار تزيد اشتعالا..

مسألة الندم مسألة نسبية من شخص لآخر ...مش كل الناس بتندم لما بتغلط...وزى ما بنقول دايما (( كل واحد بيعتقد انه صح على طول الخط )) ...محدش بيعترف انه غلطان..

الانفعال او الغضب يجعل الانسان يفقد ..(( بعض الوقت )) اتزانه...!!!

ولا يحكم ولا يتحكم فى اقواله وافعاله فى هذه اللحظة ...

فيه ناس بترتاح لو عبرت (( فى لحظة الغضب )) عن كل اللى بيضايقها ....!! فيه ناس كدة ...

ومش فى كل الاوقات بيكون بقصد اذية الطرف الآخر ....!!! مش شرط..

وزى ما سبق وقلت فى اول كلامى ....الطرف المتلقى ...بيرد بنفس الانفعال (( وهو ايضا يعتقد انه هادئ ))..

يعنى عملية كيدية من الطرفين ...والنتيجة فى رأيى المتواضع ؟؟

خسارة ...

زى اى حرب...

مفيش حد بيكسب ...(( اوعى تصدقى ان فيه حد بيكسب )) ..

خسارة على الجانبين ...

مفيش منتصر....

وداعا للغضب...

لاى غضب....

وافضل شئ وقت الغضب.............الصمت.....يليه الانسحاب من امام (( من نعتقد انه غريم ))..

كل تحياتى ...

[مهاجرة]

شكرا ياهبة على الموضوع الحلو

انا جربت الغضب وتسرعت بامور وندمت فعلا لكن اخذت درس لما اغضب اسكت عن اي كلام ولا ارد او اذا احتاج الامر ارد ببرود وبحكمة وبتفكير عميق بالموضوع وشفت الطريقة هاي ليها فوايد كتيرة بحيث اللي ماقدرت احصله وانا غاضبة حصلت عليه بالطريقة هاي . ولاحظت كمان انه الطريقة هاي تخلي اللي مقابيلي يندم وهو كمان يهدأ .

[~Heba~]

الغالية مدام سلوى

حقيقة بعد كلماتك الرائعة لا يسعنى سوى wst::

كلامك اجمل واوجز كل مفهوم الغضب

فيه ناس بترتاح لو عبرت (( فى لحظة الغضب )) عن كل اللى بيضايقها ....!! فيه ناس كدة ...

ومش فى كل الاوقات بيكون بقصد اذية الطرف الآخر ....!!! مش شرط..

متهيألى هو دا النوع اللى بيندم

برأيك يا مدام سلوى كم من المواقف التى يجب ان تمر على الانسان حتى يتعلم كيفية التعامل الصحيحة مع حالة الغضب

الاخت الغالية مهاجرة

سعدت بسرد تجربتك مع الغضب لكن المشكلة فعلا هى المقدرة عن السكوت عن اى كلام

تقبلوا خالص تحياتى

وصباحكمفل وورد :rolleyes:

[nash]

على طول الحياة نقابل ناس ونرتاح وياناس عن ناس .....ده مطلع اغنية لكنه حقيقة ...فيه ناس بنعاملها وتعاملنا على اساس حبيبك يمضغ لك الظلط وعدوك يتمنى لك الغلط ....حاجات كتير بتحصل فى حياتنا ....زى مثلا الحكاية اللى كانوا بيقولها لنا زمان ان ولد كان بيهزر ويقول بغرق بغرق والناس تجرى تحاول تلحقه ويطلع كذاب وفى الآخر غرق ومحدش لحقه...بتحصل عملية غضب غضب فظيع وقتها ....اللى بيحصل بقى و بالصدفة واحد ....صدح بالغناء ..حتى ...وهو فى نصف البحر ..الناس حاتفتكر انه بيعمل زى صاحبنا ...الكذاب....الناس حاتصرخ بس المرة دى مش علشان تنقذه لأ ...لكن علشان يسكت ...بتيجى فيه...ايوة بتيجى فيه...زى ما واحد يحدف طوبة وهو ما يقصدش ينشنها على حد ملهوش ذنب..لكن؟؟ لو عرف اللى بيعوم ...فى البحر....انه بغنائه هذا ...عكر صفو جو متعكر اصلا ...مكانش حاول يغنى ...فى بحر بيغرق فيه ناس تانية....ربنا يسامحنا جميعا

[قائد المدفعيه الهولنديه]

السلام عليكم و رحمه الله و بركاته

الاخت الفاضله هبه تحياتى على اسلوبك الرائع فى عرض الموضوع, ردا على كلامك انا بتعرض فعلا للموقف ده كتييييير و ده لانى عصبى جدا جدا بس الحمد لله من نعم ربنا عليا انى لما بغضب مش بتكلم نهائيا و سبحان من اعطانى هذه الهبه لانى لو تكلمت هغلط كتييييييييييير و هخسر كتتتتتتتير و هندم كتير كتير كتير و ده مش موجود عند ناس كتير جدا .......

اما بالنسبه للاخت الفاضله مدام سلوى لفتت نظرنا لحاجه مهمه جدا ان كل واحد دايما شايف نفسه هو اللى صح على طول الطريق و اعتقد ان الانسان حتى لو اكتشف انه غلط لا يعتذر , الشىء المهم بقى ان فعلا مفيش حد من الناس اللى حوالينا بيغلط و يعتذر و دى حاجه مؤسفه جدا ......

اتمنى انى اكون مبعدتش عن الوضوع..... و شكرا

[~Heba~]

و عليكم السلام

يا قاااااائد المدفعيةالهولندية....والله اسمك طويل

انت مبعدتش عن الموضوع ولا حاجة

بس انا مفهمتش ازاى انت عصبى و ازاى بتقدر تسكت لما حد يوجه لك كلام يغضبك

حقيقى نعمه من ربنا ان الانسان يبقى عنده حُلم و صبر على الاذية

يمكن من كتر ما تعاملت مع مواقف مغضبه عرفت ازاى تتصرف صح

[om marawan]

هو أصل الناس نوعين

نوع باحس ان الواحد لو غضبتى منه لازم تتكلمى ومش هتندمى اوى يعنى :rolleyes: لأنك اصلا مش عاوزة تكسبيهم ويمكن تكونى عاوزة توقفيهم عند حد معين

النوع التانى لو اتكلمتى وانتى غضبانة هتلاقى نفسك وصلتى لنقطة او كسرتى حاجز كان غلط جدا تكسريه

ساعات لما اتضايق جدا من حد الاقى سبحان الله طول منا متنرفزة وممكن أتكلم واغلط ما الاقيهوش قدامى أبدا

واول ما اهدا ربنا يبعته او يبعتها قدامى

وباحمد ربنا كتيرررر جدا لأن بجد الكلام ساعتها لو قلتيه خلاص ماينفعش يرجع تانى

بشكل عام دولم ودوكهم اكيد لو اتكلمتى هتغلطى نفسك كتييييييييير ومش هتكسبى حاجة

الجميل فى موضوعك بأه ان امبارح بس كنت باشوف برنامج وكان الشيخ عادل عبده عوض بيتكلم عن الغضب

وقال مامعناه ان مافيش حاجة اسمها شخص عصبى او لا يملك نفسه لأنه لو تحلى بالايمان الحقيقى هيستعين بالله وربنا قادر على شرح صدره

ليييييه ؟؟؟ لأن الرسول صلى الله عليه وعلى اله وسلم قال

الايمان هو الصبر والمسامحة ....... وقال انه عند الغضب علينا بكلمة اعوذ بالله من الشيطان الرجيم كما فى حديث رسول الله ( صلى الله عليه وسلم )

وذكر دعاء جميل ممكن نستعين بيه عند الغضب

ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب

طبعا مرتبة عالية وجمييييييلة جدا من الايمان ادعو الله لى ولكى ياهبة ولكم اخوة المحاورات ان يرزقنا ربنا اياها

[المنصوراوى]

قال رسول الله صلى الله عليه وسلم فى معنى الحديث

(اتدرون ما الصرعة فيكم قال الصحابة رضوان الله عليهم الذى لا تصرعة الرجال قال الرسول بل

الذى يملك نفسة عتد الغضب )

و معنى السرعة القوة

و معنى الذى لا تصرعة الرجال اى لاتسطيع هزيمته الرجال فى القتال

كما ان الشيطان يتلاعب بالانسان الغاضب كما يتلاعب الطفل بالكرة

و ايضا الانسان عندما يغضب يزيد من سرعة الدورة الدموية و بالتالى له

الاثار الضارة بالقلب

بالاضافة الى ان الانسان الغاضب لا يستطيع التحكم فى تصرفاته

يارب يعطينى عدم الغضب اصل الموضوع دا وراثة ولا اية

[~Heba~]

هو أصل الناس نوعين

نوع باحس ان الواحد لو غضبتى منه لازم تتكلمى ومش هتندمى اوى يعنى لأنك اصلا مش عاوزة تكسبيهم ويمكن تكونى عاوزة توقفيهم عند حد معين

النوع التانى لو اتكلمتى وانتى غضبانة هتلاقى نفسك وصلتى لنقطة او كسرتى حاجز كان غلط جدا تكسريه

ساعات لما اتضايق جدا من حد الاقى سبحان الله طول منا متنرفزة وممكن أتكلم واغلط ما الاقيهوش قدامى أبدا

ام مروان يارب يحفظلك مروان يارب

و الله انت بنت حلال مصفى

كلامك هو ده اللى اقصده

انا تعرضت لمواقف اغضبتنى كتير بعضها شعرت بعده بندم انى غلطت فى حق ناس ميستاهلوش

وبعضها حسيت انى غضبى مشكفاية و كان لازم اغضب بزيادة مين مرة

لكن فى كل الاحوال السكوت هوالافضل

فى حالة النوع الاول السكوت ميخليش الواحد يغلط عشان ميضطرش يعتذر

فى النوع التانى السكوت و التجاهل بيبقى كما قال الله تعالى "و اذا خاطبهم الجاهلون قالوا سلاما"

وذكر دعاء جميل ممكن نستعين بيه عند الغضب

ربنا لا تزغ قلوبنا بعد اذ هديتنا وهب لنا من لدنك رحمة انك انت الوهاب

طبعا مرتبة عالية وجمييييييلة جدا من الايمان ادعو الله لى ولكى ياهبة ولكم اخوة المحاورات ان يرزقنا ربنا اياها

آآآآآآآآآآآمين

وشكرا على رأيك الجميل يا ام مروان

و لا تحرمينى من طلتك فى مواضيعى :rolleyes:

[خالد عيزوقي]

السلام عليكم جميعا ً

أعتقد ان لما تتكلم وانت غاضب شوف نفسك بالمرآة ,, عندها لن تستمر بغضبك ... وحتضحك اذا كان موضوع الغضب تافها ً .... والا إيه!

[جويرية]

يا ريت يكون فيه زي لما بنيجي نكتب موضوع نلاقي مربع ( تحرير )

ممكن نمسح بيها أي كلمة قلناها ساعة غضب

وكمان يكون فيها أختيارين : تعديل سريع و تعديل الرد بالكامل

ماكنش حد غلب

لكن المشكلة الكلمة اللي بتطلع مش بترجع تاني لغاية يوم القيامة

هوه احسن حل للغضب

أول حاجة نستعيذ بالله من الشيطان الرجيم و لو الواحد واقف يقعد و لو قاعد يضطجع ، وممكن يتوضي أو يغتسل

بكدة أن شاء الله مش حيقول اي كلام يندم عليه

وكمان نختار الناس اللي نقعد معاهم ، عشان فيه ناس مثيرين للغضب لأنهم بيحبوا أغتياب الناس

عن النبي ‏ ‏صلى الله عليه وسلم ‏ ‏قال ‏ ‏إنما مثل الجليس الصالح والجليس السوء كحامل المسك ونافخ الكير فحامل المسك إما أن ‏ ‏يحذيك ‏ ‏وإما أن ‏ ‏تبتاع ‏ ‏منه وإما أن تجد منه ريحا طيبة ونافخ الكير إما أن يحرق ثيابك وإما أن تجد ريحا خبيثة ‏ ( صحيح مسلم )

[~Heba~]

يا ريت يكون فيه زي لما بنيجي نكتب موضوع نلاقي مربع ( تحرير )

ممكن نمسح بيها أي كلمة قلناها ساعة غضب

وكمان يكون فيها أختيارين : تعديل سريع و تعديل الرد بالكامل

ماكنش حد غلب

اى و الله يا جويرية صدقتى ياريت فيه كمان عمليه تراجع undo :D

لكن المشكلة الكلمة اللي بتطلع مش بترجع تاني لغاية يوم القيامة

"يمحو الله ما يشاء ويثبت وعنده ام الكتاب "

هوه احسن حل للغضب

أول حاجة نستعيذ بالله من الشيطان الرجيم و لو الواحد واقف يقعد و لو قاعد يضطجع ، وممكن يتوضي أو يغتسل

بكدة أن شاء الله مش حيقول اي كلام يندم عليه

وكمان نختار الناس اللي نقعد معاهم ، عشان فيه ناس مثيرين للغضب لأنهم بيحبوا أغتياب الناس

الله ينور عليكى...كلامك مضبوط......الواحد يجتهد على قد ما يقدر لكن ضرورى الشيطان يغلبه فى موقف او اتنين :)

[كارمن]

الخت العزيزة هبة \\ الصمت احيانا يكون ابلغ من اى كلام خصوصا مع اللى ميستهلش بعكس لو اتكلمتى هتريحية

اعمالا بالمثل اللى يقول اية عقاب الندل تركة

1. 
   

لكن لو غضبتى من حد قريب دة اكيد هيكون عتاب والعتب على قد المحبة

1. 
   

وهيقبل كلامك بصدر رحب ومش بعيد يقوم يبوس راسك كمان :closedeyes:

بالنسبة لى لا اغضب وان حصل بكون عارفة كويس انا بقول اية وبالتالى لا اندم

اقولك حل لما تلاقى الغضب هيشتغل عدى من 1 الى 500 هيكون اللى اودامك زهق ومشى ويادار ما دخلك شر

[iloveegypt]

بصراحة يا اخت هبة انت جيتى على الجرح

انا بعترف بانى سريع الغضب بس مبعرفش امسك نفسى زى حبيب قلبى قائد المدفعية والطيران والمطافى الهولندية

وغالبا بعد اى انفعال باندم wst::

بس يمكن علشان ان نص صعيدى (مصر الوسطى) يعنى الصعايدة بيقولوا علينا مش صعايدة وبحرى يقولوا علينا صعايدة بصراحة انا مش عارف احنا اايه :closedeyes:

بس ادعولى ربنا يتوب على من هذه الكارثة

[iloveegypt]

بالمناسبة دى كانت اخر مداخلى لى لانى اعلنت الانسحاب مع الاخوة فى موضوع شكرا

وذلك بسبب كثرة التطاول على الدين الاسلامى وعدم تدخل الادارة

ولكم منى كل التحية وخصوصا الاخ قائد لمفعية والاخت جويريرة والاخت هبة والاخت جلاكسى واخى س س واخى اسد والاخت لولا والاخ المصرى وكل الاخوة الافاضل

وسلام خاص للاخ عادل ابو زيد على هذه الاستضافةالجميلة

[somayasaleh]

موضوع جميل قوي يا هبه

وحشتيني قوي قوي معلش كنت مشغولة شوية اليومين اللي فاتوا

اختلاف طباع البشر ده شئ اساسي يعني فيه ناس يارده جدا مهما حصل لا يمكن يفقد اعصابه ويغلط ده طبعه(النوع ده سهل وفي التعامل معه)

وفيه انسان عصبي جدا وعلي طول مش طايق نفسه وغيره طبعا(والنوع ده خطر القرب منه)

النوع التالت وهو الاكتر انتشار وهو المعتدل ويستطيع ان يمسك اعصابه ساعة الغضب ولا يقول كلام يندم عليه بعدين .........

انا عن نفسي الحمد لله من النوع التالت ولكن برضه جت عليا اوقات قليلة فقدت اعصابي فيها في سااعة غضب وقلت كلام ضايق ناس عزيزة علي قلبي

وطبعا خسرتهم wst:: ومن وقتها بسكت خالص لما اغضب واحاول امشي من المكان كله

:closedeyes: :roseop:

ياريت كان فيه زرار دليت او ريستور للموقف كله بس خلاص .......