هل نتكلم العاميه ؟؟؟

[dr khaled]

صباح الخير علي اظرف اعضاء

تعالوا نشوف بعض الكلمات اللي بنقولها كل يوم اصلها ايه :

جاك خيبه بالويبه

الويبه هي وعاء للكيل وهي من اصل مصري قديم (ابت) وقد اخذتها عنها القبطيه (ويبه) ومعناها وعاء

للكيل او مكيال للحبوب

يضمد جراحه

اصل كلمه يضمد من (ضمد) وهي الكلمه المصريه القديمه وتعني (يوحد ؛ يجمع) ومن الكلمه جاءت ضماده

اطبخي ياجاريه كلف ياسيدي

هذا المثل من امثله التخلي عن المسئوليهاما لفظ يطبخ من اصل مصري قديم وهو( دبخ) ومنها اشتقت

الفاظ اخري مثل مطبوخ . مطبخ . طبيخ

اضحك كركر وانسي الدنيا

ليت التفاؤل يكون مبدئنا فيمتاز الشعب المصري بخفه الدم ويقولون عنه ابن نكته وهكذا ايضا لفظه ( كركر)

ففنجد الكلمه المصريه القديمه ( قرقر) بمعني يضحك

فلان مش عارف كوعه من بوعه

السحنه دي مش غريبه عليه

مالاجيش حداك كيله فول ياعم جناوي

اباه يا اخي ........ايه اللي بيحصل ده

اباي عاد ايه ...اللي عتجوله ده

بكره نقعد علي الحيطه ونسمع الزيطه

"أمبو" والتى تعنى ماء أى أريد أن أشرب ماء

تاتا - خطى العتبة"

واوا : إذا جرح الطفل أو شعر بالألم فيشير إلى الموضع

"بخ" : وعندما تلاعب الأم أبنها تقول له "بخ" أى عفريت أو شيطان أما إذا أرادت الأم تخويف طفلها فتقول له فى الظلام يوجد "بعبع" وهو شيطان كان يستعمله القدماء فى أعمال السحر أسمه "بوب

حتتك بتتك :

الذى أكل الطعام كله نقول 'حتتك بتتك' أي أنه لم يفرق بين اللحم والعظم

د تقول الفتاة لصديقتها علي سبيل المداعبة 'جاتك أوا'، وهو الوجع

وصباح الفل

[se_ Elsyed]

حقيقيةً ... استمتع بمعلوماتك التاريخية الغزيرة يا دكتور خالد ...

وحاسس إنك بتكتبها بمزاج

يعني ما قرأتش كلمتين في ورقة ولا كتاب ...

لكن دي هواية بتحبها

بالنسبة لموضوع المفردات الهيروغليفيه أو لاقبطية ... فبأشعر إن أهل الريف عندنا هما أقرب للفراعنة من أهل المُدن في عاداتهم ولغتهم ومفرداتهم حتى .. حتى إنهم مازالوا يستخدمون اسماء الشهور القبطية في الزراعة مثل أمشير وبرمهات وطوبه وتوت .... إلخ .... ويعرفونها عن ظهر قلب وكل موسم بيرتبط بزراعة معينة لا يزودوا ولا ينقصوا فيه ..

-----------

وأسمح لي أشاركك في بعض المفردات ... أصل اخوك غاوي فرعوني برضوا .. وافتخر إن دول اجدادي .. وساعة لما بأزور مكان تاريخي وخصوصاً المتحف المصري - كنت زمان بأروحه عشان اعاكس السُياح .. قصدي اتكلم معاهم لغات يعني -

مأأ عينه ................ الولد س س يا عين امه مأ أ عينه من المذاكرة طول الليل ... وهو أساساً كان حاطط مجلد ميكي جوه الكتاب وعامل بيذاكر .. مأأ بالفرعوني يعني امعن النظر إلى شيء .

هاتقعد بقى تقولي " كاني وماني " ............. كاني = سمنه - مش عارف سمنه بلدي ولا هولندي - .. ماني = عسل ... وبرضوا فرعوني

.

الكلمة القُنبلة بقى واللي ما حدش هايصدقها

" عبيط " ............... هي كلمة فرعونية تتكون من مقطعين .. عــا = حمار ... بيت = شخصية ... يعني شخص حمار

الولد ده .. ولد تالف ............. تالف دي كلمة قبطية قديمة = فاسد

فلان ده بيتكلع .. او لُكعي ...... بالقبطية يعني بطيء ...

ممكن أسكعك حتة قلم ......... يسكع باللغة القطبية القديمة يعني يلتصق بالأرض ... يعني من قوة القلم ممكن يلزقه في الأرض

هُس إسكُت ...... هُس بالقبطية يعني أقفل فمك .

فلان ده شاب طايش .... طايش بالقبطية يعني ضال .. ضايع يعني

أنا بأحب الفول المدمس ........ متمس = بالفرعوني يعني الفول

خلاص بح ........... بح = كفايه

إحكي لي الموضوع تاته تاته = خطوة خطوة

عايز اكل مم = مم فرعوني يعني أكل

كفايه بقى يا س س أحسن النهار شأ شأ = ظهر ولاح

يا مطره رُخي رُخي على قرعة بنت اختي .. بنت اختي قرعه قرعه ما فيهاش ولا شعره = فاكرين الاغنية دي لما كنا بنغنيها وإحنا اطفال وعندنا 27 سنة ؟ .. أهي رُخي كلمة فرعونية يعني نزول المطر

الله يرحمك يا جدو ويبشبش الطوبة اللي تحت راسك ...... = الطوب زمان كان معظمه من الطين .... فكانوا بيصبوا الماء على الطوب عشان يبقى سهل التكسير .. بشبش = صب الماء على الطوب لكك يكون سهل التكسير

وصباحكو عسل وشكراً يا ودك

[ريمون]

الاقوى من الكلمات و التعابير المقتبسه هو قواعد تركيب الجمل.

فمثلا المصريين بيحطوا الفاعل قبل الفعل. يعنى بنقول " سعيد راح الشغل" مش " ذهب سعيد الى العمل" و ده تركيب الجمله الفعليه عند المصريين القدماء.

اما فى صيغة الاستفهام, فبنحط اداة الاستفهام فى اخر الجمله. مثلا " هو سعيد راخ فين؟" فين حائت اخر الجملة مش اولها مثل الفصحى " اين ذهب سعيد".

حتى اداه الامر " ما" عند المصريين القدماء لسه بنستخدمها. فمثلا بنقول " ما تيجى نروح النادى!" " ماتناولنى الريموت!". رغم ان الفصحى مفهاش اداه امر و بيستخدم الفعل فى المصدر على طول. و حتى "ما" تفيد النفى فى الفصحى مش الامر.

و اللسته كبييييرة :]

[dr khaled]

شكرا يا استاذ س س علي مشاركتك والرد

فبالفعل انا اعشق التاريخ الفرعوني ....فهو هوايه منذ الصغر

ومن الجميل ان اجد احدا مهتم بالتاريخ الفرعوني ......الذي يكاد ينسي ويحاول البعض تحريفه او نسبه الي نفسه

تحياتي

[أبو محمد]

شكرا يا دكتور خالد على فتح هذا الموضوع الشيق .. واسمح لى ببعض الإضافات .. على ما أوسوم .. (ما قُسِم)

بعض الكلمات العامية أصلها تركى أو فارسى

من الكلمات ذات الأصل التركى :

كوبجة .. أصلها بتعطيش الجيم ومعناها مقبض ... ومثلها كوبشة بمعنى "حفنة"

كُشك .. أصلها كوجوك (بتعطيش الجيم)

دوغرى .. أصلها دوغرو

كلمة بنزهير .. أصلها فارسى (فان تزيهير) وتنطق الفاء مثل حرف ال (V) الانجليزى .. ومعناها قاتل السم

[dr khaled]

شكرا يا دكتور خالد على فتح هذا الموضوع الشيق .. واسمح لى ببعض الإضافات .. على ما أوسوم .. (ما قُسِم)

بعض الكلمات العامية أصلها تركى أو فارسى

من الكلمات ذات الأصل التركى :

كوبجة .. أصلها بتعطيش الجيم ومعناها مقبض ... ومثلها كوبشة بمعنى "حفنة"

كُشك .. أصلها كوجوك (بتعطيش الجيم)

دوغرى .. أصلها دوغرو

كلمة بنزهير .. أصلها فارسى (فان تزيهير) وتنطق الفاء مثل حرف ال (V) الانجليزى .. ومعناها قاتل السم

شكرا لمرورك ......واحب ان اضيف انه مازال العديد من عادات الفراعنه مثل احتفالاتهم واعيادهم وحتي احزانهم باقيه للان

ولكن في هذا موضوع اخر

تحياتي

[محب مصر]

موضوع فعلا جميل وغنى بالمعلومات المفيده

[مصرى لم يندثر أثره]

سلام عليكم

عندى كلمه ياخوانا هيه ام وابو العاميه اللى مصر

كلمه شب عليها الصغير وهرم عليها الكبير

كلمه لو كل واحد فينا عمل احصائيه كام من المرات ينطق بها لتعدى ذلك فى اليوم ال؟؟؟؟؟؟؟؟؟؟؟؟؟؟؟؟؟؟؟؟مره

دعونا نحارب هذه الكلمه

انها كلمة

باشا

كم مره بالله عليك تتفوه بهذه الكلمه هل يوما من الايام فكرت فى معناها

عندما كنت فى الثانويه دخل علينا مدرس احدى الحصص الاحتياطيه

وفى اثناء الدردشه والنوادر

طرح على الفصل هذا السؤال

مامعنى كلمة باشا لم يعرف احدنا

قال لنا معناها حذاء السلطان

نعم ماذا تقول

نعم ياخوانا بالاتكيت يعنى شوز السلطان

وهى كلمه فارسية الاصل ولكن اختلف مضمونها السحرى اليوم عن زمااااااااااااااان

زمان الباشا كان باشا

الان

الباشا من اول ابو زقلط ال؟؟؟؟؟؟؟؟؟؟؟؟؟؟ الى الباشا الكبير بتاعنا كلوا بشوات

ياترى الان لو حد قالك ياباشا وانت عرفت معناها الان هاتقولوا ايه

انا خايف لا تقوله انت اللى باشا وابن باشا كمان

وسمعت برده ياخوانا انها كلمه تركية الاصل معناها رئيس

زى باشمهندس باش كاتب رئيس المهندسين او رئيس الكتبه

لكن ليه مش عارف انا حابب انى احمل هذه الكلمه على المحمل الاول يمكن عشان نبطلها

و كفايه كدا

تحياتى

مصرى لم يندثر أثره

تم تعديل 2 أغسطس 2008 بواسطة مصرى لم يندثر أثره

[مهيب]

مصرى لم يندثر أثره .. :lol: مقبولة منك يا سيدى ..

بالطبع ما ذكرته عن كلمة باشا هو من الخلط الشائع ووجدته فى كثير من المنتديات الا أنه ليس صحيحا ..

كلمة باشا هى كلمة تركية .. و ليست فارسية و تعنى (الصدر) و هى مرتبة فى الدولة العثمانية تعنى (الوزير أو صاحب المقام العالى) ..

لكن ذات النطق بالفارسية تعنى الحذاء .. و ليس حذاء السلطان .. كما أن كلمة (بندر) مثلا فى المصرية تعنى المدينة (عكس ريف) .. لكن ذات النطق فى الأردو أو الأردية تعنى القرد .. و ذات النطق فى الفارسية تعنى الميناء .

اذن فكلمة باشا التى نلقب بها بعضنا فى مصر هى كلمة تركية تعنى (صاحب المقام الرفيع).

الرجاء تحرى الدقة فيما ننقل من معلومات .

بالمناسبة .. كلمة (أوضة) تعنى غرفة بالتركية .. و هى تنطق مثلما ننطقها بالضبط .

مهيب

[بقشيش]

اشتاق للعامية بشدة لاني برة مصر. لا اسمعها الا من المسلسلات والافلام ، زملائي وأصدقائي من محافظات متفرقة وكل واحد فيهم بيتكلم بلهجة ليست اللهجة اللتي اشتاق اليها.

اشتاق الي لهجة منطقتي واصحابي.

[مصرى لم يندثر أثره]

استاذ مهيب

تحياتى لحضرتك

واود ان اقول ان هذه معلومه كانت مطويه فى ظلمات ذاكرتى وما ان قرأت الموضوع حتى همست لى نفسى بإخراجها :lol:

بدون ان امررها على على عقلى جيدا

ولكن عرفت الان لماذا لم بفلترها عقلى جيدا ؟؟؟؟؟؟؟؟؟

الاجابه

من اجل ان يمر اخ ويصحح هذه المعلومه الدفونه فى العقل منذ ايام الثانويه ويلبثها ثوب جديد صحيح

شاكر على التوضيح

مصرى لم يندثر

[لولا]

اللهجه المصريه هى لهجتى الحبيبه..

اعشقها بكل تفاصيلها، وحروفها..

بكل مفرداتها فعلا..

تعجبنى خفتها..

تعجبنى الموسيقى المنبعثه منها..

تعجبنى الروح المصريه فى تعابيرها..

[ابتسامة رضا]

السلام علينا وعلي عباد الله الصالحين

شكرا جزيلا يا دكتور خالد علي فتح الموضوع ده

فأنا من أشد محبي اللهجة العامية وأعتز بها جدا مع احترامي للفصحي

اللهجة العامية أول ما تسمعها بتكون واثق ان الشخص اللي بيتكلمها مصري بمعني انه لاتشابه بين العامية المصرية وبين أي لهجة أخري مثلا لما نسمع حوار خليجي منقدرش نفرق بين كويتي وبحرين وسعودي ولو سمعنا حوار مغربي كمان منقدرش نفرق بين جزائري ومغربي وتونسي أما العامية المصرية ملهاش مثيل محدش يتلخبط في تصنيفها

ده رأيي فما رأيكم أدام الله فضلكم

[مهيب]

- من الأشياء التى تميز اللهجة المصرية هو تنوعها الشديد .. و تنوع قواعدها و من أبرز الأشياء هنا هو نطق حرفى الجيم و القاف ..

فمثلا نجد أن وجه بحرى (مصر السفلى) ينطقون الجيم المعطشة جيما مخففة تسمى (الجيم القاهرية) و ينطقون القاف (همزة) يشاركهم فى هذه الأخيرة أهل الشام الذين ينطقون القاف همزة .. لكنهم ينطقون الجيم معطشة .

أما أهل الوجه القبلى (مصر العليا) فانهم ينطقون الجيم معطشة و ينطقون القاف (جيم قاهرية) .

- و هناك اعتقاد خاطىء شائع بأن الجيم القاهرية لا أصل لها فى الفصحى .. وهذا ليس صحيحا ففى بعض قبائل اليمن -و هى أصل العرب - الى الآن تتنطق الجيم القاهرية محل الجيم المعطشة .. و الأغرب أن لهجتهم قريبة للغاية من لهجة وجه بحرى و القاهريين فى مصر .. و الأرجح أن من تمركز فى الوجه البحرى كان يمتد نسبهم الى هذه القبائل ..

هناك الكثير من قارئي القرآن قد سمحوا و أجازوا قراءة القرآن بنطق الجيم القاهرية .. لأنه أحد ألسنة العرب .. و هو لسان فصيح مبين .. لكنه تقلص الآن فى شبه الجزيرة فلم يعد مشهورا .. على أن يلتزم فى قراءته بها و لا ينوع بين لسان عربى و آخر.

- من الأشياء الطريفة أن العامية المصرية لا تعتمد الأحرف العربية التى يخرج اللسان فيها كالثاء و الذال و الظاء فينطقوا بالعامية سين و زاى .. فمثلا كلمة (مثال) تنطق بالعامية (مسال) .. و كلمة (ذلك) ننطقها بالعامية (زالك) .. و هذا من الأشياء التى تتفرد بها العامية المصرية عن سائر اللهجات العربية الأخرى .. مم يؤثر حتى على نطق المصريين للانجليزية .. فالمصريون يصرون على عدم اخراج ألسنتهم فى الحديث .. و لعل هذا أيضا يرجع الى أن اللغة القبطية و من قبلها الديموطيقية لم تكن تحوى حروفا صوتية بها اخراج للسان .. و بالتالى فالحديث باخراج اللسان من الأشياء التى استصعبها المصريون و استثقلوها .

- اللهجة المصرية غاية فى الثراء بشكل ملحوظ .. ربما لاقتباسها تعبيرات و ألفاظ من لغات لحضارات أقدم فتم نحتها و اذابتها داخل اللهجة المصرية .. و اللهجة المصرية من أقدر اللهجات على تطويع و اذابة أى تصريف جديد حتى لو من لغة أخرى .. فنلحظ أن المصريين هم الوحيدون فى العرب الذين ينطقون حتى المصطلحات الانجليزية بشكل مصرى كأن يقال (يدلَت) أى يقوم بعمل (DELETE) أو (نصطَّب) أى يعمل (Setup) و ستجدون مماثلا لهذا فى معظم المجالات العلمية .

مهيب