سؤال للاخوه

[midozz]

السلام عليكم ورحمه الله وبركاته

انا مهندس مصري عمري 33 سنه وعندي 7 سنين خبره في مصر وعن طريق احد الاصدقاء في السعوديه عملت انتر فيو مع مدير مصنع في جده للعمل كمهندس صيانه بالمواصفات التاليه

1- الراتب الاساسي 6000 ريال

2- بدل الانتقال 500 ريال

3- بدل السكن 20000 ريال سنويا

4- التأشيره كمهندس وليس مهنه اخري( كانت موش مهندس وانا رفضت وتم البحث والحصول علي فيزه مهندس)من قبل الشركه

5- تامين طبي لي ولزوجتي ول 2 من اطفالي

6- تذاكر طيران لي فقط مره في السنه واجازه شهر

7- العمل 48 ساعه اسبوعيا ونظرا لطبيعه عملي كمهندس صيانه لو يوجد صيانه يوم الجمعه تكون الساعه بساعه ونصف كأضافي

8- الكفاله علي الشركه وليست علي شخص

9- لو منزلتش في الشهر الاجازه يصرفولي الشهر ده بالاضافه لقيمه تذاكر السفر حسبما قال لي المدير

انا خاطب حاليا وحتجوز كمان سنه

انا طالب منكم رايكم في العقد ده لانه جاري حاليا توثيقه في الغرفه التجاريه بجده وبعدين حيتبعتلي علشان امضيه واكمل اجراءات السفر

وكمان عاوز اعرف مصاريفي وانا لوحدي حتكون في حدود كام كمعيشه جيده في اول سنه

وكمان انا ومراتي بعد سنه حتزيد كام

وشكرا

ملحوظه: اصحابي اللي في السعوديه قالولي ان المهندسين اللي بييجو من الفلبين ودول شرق اسيا بييجو علي 3000 ريال وده خلي سعر المهندسين المصريين ينزل ويعتبر عقدي كده حلو جدا

انتو رايكو ايه؟؟

والسلام عليكم ورحمه الله وبركاته

[MZohairy]

و الله ده يعتمد على وضعك الحالي في مصر عشان المقارنه تكون سليمه

متهيألي خبرتك تستاهل اكتر في ظل البومينج اللي في السعوديه و الخليج

انما العرض ليس سيئ

[midozz]

و الله ده يعتمد على وضعك الحالي في مصر عشان المقارنه تكون سليمه

متهيألي خبرتك تستاهل اكتر في ظل البومينج اللي في السعوديه و الخليج

انما العرض ليس سيئ

شكرا علي الرد

بالنسبه لوضعي في مصر

انا الاساسي بتاعي 3500 واجازتي جمعه وسبت

لو اشتغلتهم كاضافي يصبح الراتب حوالي 4700

ارجو الرد علي باقي تساؤلاتي وهل صحيح موضوع العماله الاسيويه؟

وما هو البومينج؟؟

ارجو من باقي الاخوه ايضا الرد

ولكم جزيل الشكر

والسلام عليكم ورحمه الله وبركاته

[daktara]

العقد ده كان ممكن يبقى كويس من كام سنه بس ارتفاع الاسعار الرهيب فى الخليج يتطلب زياده العقد والا مش هتبقى فارقه كتير عن مصر

[midozz]

مازلت في انتظار ردود الاخوه المصريين

الموضوع شافه اكتر من 50 و2 بس علقو عليه

ارجو الردود من كل من يمر ويقدر يفيد

لان رايكم يهمني جدا جدا

والسلام عليكم ورحمه وبركاته

[se_ Elsyed]

مميزات العقد جيده .. ولكن حاول تضغط علهيم ويعطوك على الأقل 4 تذاكر أخرى ( للزوجة وللطفلين )

[أسد]

أرى أن العقد في المتوسط ...

ليس عقداً ممتازاً ... وليس سيئاً ..

هناك الكثير من الشركات تدفع أقل من ذلك .. أقصد أغلب الشركات ..

وقليل منهم يدفع أعلى من هذا العرض ..

لا أعتقد أنه ينبغي عليك رفض العقد .. إذا كانت خطتك السفر ..

[حلواني]

السلام عليكم

هو العقد معقول وانت لواحدك هايكون في مردود عالي لكن مع وجود الزوجه هيقل المردود كتير الا اذا كان فيه زياده سنويه متفق عليها

تمنياتي بالتوفيق

[midozz]

شكرا للاخوه اللي ردو ربنا يكرمهم

موضوع الزياده اثناء فتره العقد اتكلمنا فيها وهي مرتبطه بتحقيق نظام معين في العمل مطلوب وانا ان شاء الله قادر علي تحقيقه

بس موش رسمي في العقد وربنا يسهل

بس هل فعلا معلومه المهندسين بتوع اسيا دي صحيحه؟؟؟

فعلا بييجو علي رواتب متدنيه؟؟؟

[midozz]

فين الردود يا جماعه؟؟؟؟؟؟