عفواً ممنوع دخول الرجال بالشورت ......مع تحيات الادارة العامة بالمرور .!!!

[badroora]

امبارح روحت الادارة العامة للمرور ,اثار حادث سيارة المهم

وانا هناك فى صالة الانتظار لغاية ما يجي دورى .

لاقيت كل راجل ما يدخل لابس شورت يقوم عسكرى المرور

يطلعه خارج صالة الانتظار , والرجالة بقي مش لابسين

شورتات ماركة اديداس لاء ايشي كستور على دمور على

شورتات ترنجات المهم يعنى المنظر مكنش كويس . لما جه

الدور بتاعى لتحرير محضر الحادث وانا بارفع عينى لفوق

لاقيت لافته مكتوب عليها عفوا ممنوع دخول الرجال ببنطلون

قصير او ما يُسمى بالشورت وبين قوسين (Half) طبعا انا بقي ضابط المرور

بيسألنى ازاى تم الحادث وانا جاتلى هيسترية ضحك على

الكلام اللى مكتوب والراجل فى الاول اتغاظ منى وقبل ما

يشخط في , لاقانى باحاول اجمع نفسي وضرب بعنيه لاقانى

باضحك على اليافتة المكتوبة ....استظرفنى وضحك هو كمان

وسألته ايه سبب اللافته دي قال يا اوختى عيب الراجل يدش

هنا وهو لابس شورت وواحدة فاضلة زيك ولا اى واحدة

تشوفه , وهو بيتكلم ولاقيت اتنين اجانب واحدة بشرط

والتانية بميكروجيب

قولت استنى هيطلعوهم برا هما كمان المهم لاقيت الوضع عادي

والرجالة مرتدي الشورت واقفين خارج الصالة والنساء

بالداخل .....سبت موضوع المحضر وقعدت اناقش معاه ماذا

لو واحد عمل حادثة وهو لابس شورت ؟

واقترحت عليه يجيبوا عبايات او جيب زي بتاعة الرجالة

الهنود اللى بيلبسوها بالليل دى ويعلقوها قدام باب المرور

اللى جاي لابش شورت يتلف بملاية او يلبس الجيبة الهندي

بصراحة موقف كان جميل ونسانى الحادث ودا يعتبر اظرف

حادث سيارة حصلي فى حياتى الحوادثية والاهم انى انا اللى

مكنتش متسببه فى الحادث يعنى كنت البريئة

نصيحة لاخوة الرجال .....عدم الذهاب لقسم المرور بالشورت

[م.سامح المصرى]

طبعا عيب

أل شورت أل

وفي ليدز كدة فى المنطقة

ناقص بقى يدخلو على الزبوطة بالشورت وفانلة بحمالات وسابوه

ويقولوة هاى مان

طب هوا لو دخل عليهم ببرمودة يا استاذة بدرية يحصل اية

اهو دا تحت الركبة ... محتشم يعنى :unsure:

[badroora]

والله يا سامح اقترحت عليه انهم وقفوا واحد بمازورة على باب القسم واللى بنطلونه مرفواع اكثر

من 8 سم عن سطح الشوز يُحرم من الدخول

ويعاقب بقانون الاخلال بالاداب العام ........ :closedeyes:

[الأفوكاتو]

هل حدث هذا فى مصر؟

[badroora]

هل حدث هذا فى مصر؟

لا فى البحرين .!!

[م.سامح المصرى]

والله يا سامح اقترحت عليه انهم وقفوا واحد بمازورة على باب القسم واللى بنطلونه مرفواع اكثر

من 8 سم عن سطح الشوز يُحرم من الدخول

ويعاقب بقانون الاخلال بالاداب العام ........ :rolleyes:

طبعا طبعا يا بدرية

لازم يعاقب بقانون الاخلال بالاداب العام

مهوا شعر الرجل عورة عيب تنكشف :closedeyes:

[هشام عباس]

بصراحه انا الي استوقفني انك بتقولي ان الستات دخلو بالشورت عااااااااااااااااادي ................... يعني عيب الراجل يدخل بشورت ومش عيب الست تدخل بشورت!!!!!!!!! ده كلام جميل جدا!!!!!!! قلتيلي لنتي في البحرين؟ طيب كويس المسافه بين سلطنة عمان والبحرين مش كبيره اخطف رجلي واشوف ايه الموضوع ده؟؟؟؟؟؟ مع ان هنا برضه فيه ستات كتير بيلبسو شرط بس بصراحه مفيش يافطه في المرور بتقول ممنوع الدخول بالشرط للرجال

[هشام عباس]

معلش كان قصدي اقول شورت ومش شرط

[قائد المدفعيه الهولنديه]

اول ما قرأت عنون الموضوع جالى احساس يكاد يكون مؤكد ان الموضوع ده ليكى انتى ..... بس عموما بالنسبه لموضوع الشورت الرجل و الست يلبسو اللى هما عايزينه فى البيت لكن بره البيت بوجه عام لازم يكوم اللبس محترم لا يجرح شعور الاخرين....... المهم اسيبكم انا بقى علشان اجيب الشورت من عند المكوجى علشان خارج