الطلاق ليس ابغض الحلال

[جويرية]

السلام عليكم و رحمة الله وبركاته

الطلاق ليس ابغض الحلال

( الطلاق ابغض الحلال ) حديث ضعيف

ما يبغضه الله عز وجل لا يمكن أن يكون حلالا

الطلاق هو العلاج الأخير في حالة فشل الحياة الزوجية

بعد استنفاذ جميع وسائل الأصلاح

1-

وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي المَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِياًّ كَبِيراً ..... 34 النساء

2-

وَإِنْ خِفْتُمْ شِقَاقَ بَيْنِهِمَا فَابْعَثُوا حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاحاً يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيماً خَبِيراً .... 35 النساء

يقول الله تعالي

وَإِن يَتَفَرَّقَا يُغْنِ اللَّهُ كُلاًّ مِّن سَعَتِهِ وَكَانَ اللَّهُ وَاسِعاً حَكِيماً ..... 130 النساء

الطَّلاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ .......... 229 البقرة

أسأل الله العظيم ان يوفق بين الأزواج و يديم المودة و الرحمة في كل بيوت المسلمين

تم تعديل 7 يونيو 2008 بواسطة se_ Elsyed

[~Heba~]

ما رأيك لو زوج نكث بوعد قد وعد به الزوجه و اهلها قبل العقد و نتيجة لحسن النوايا و الاحترام المتبادل لم يتم كتابة ذلك الوعد كشرط من الشرط فى وثيقة الزواج

مثلا لو كان الشرط ده بيت خاص بها

او انها تكمل تعليمها اذا كانت تزوجت صغيرة

تفتكرى نكثه بالوعد يستحق الطلاق

و ان مكنش يستحق ازاى واحدة تعيش مع واحد لا يحترم كلمته

تم تعديل 7 يونيو 2008 بواسطة ~Heba~

[الحاج فوزى]

ممكن نبذه عن الرسالة .. ؟

[سليمان بك]

هل حضرتك تقصدي تقديم خدمات شخصية خاصىة ام من خلال المنتدى

وهل هناك اتعاب

وهل من خلال مركز

ام عمل تطوعي

[جويرية]

هل حضرتك تقصدي تقديم خدمات شخصية خاصىة ام من خلال المنتدى

وهل هناك اتعاب

وهل من خلال مركز

ام عمل تطوعي

أنا أسفة الموضوع كله عشان أنا مطلقة

[سليمان بك]

هل حضرتك تقصدي تقديم خدمات شخصية خاصىة ام من خلال المنتدى

وهل هناك اتعاب

وهل من خلال مركز

ام عمل تطوعي

أنا أسفة الموضوع كله عشان أنا مطلقة

هل افهم من كلام حضرتك ان تجربة الطلاق هي اللي خلتك عملتي ماجستير عن الطلاق

[جويرية]

هل افهم من كلام حضرتك ان تجربة الطلاق هي اللي خلتك عملتي ماجستير عن الطلاق

تم تعديل الموضوع

[se_ Elsyed]

يا جماعة

عِدنا وكررنا كثيراً ونبهنا على إن الأيات القرانية مهما كنا حفظين لكتاب الله .. فبرضوا لا يجب أن نكتبها من دماغنا .. تجنباً للاخطاء الإملائية والتي في بعض الاحيان تُغير المعنى ..

فلو سمحتوا .. يُمع منعاً باتاً كتابة الأيات القرآنية بدون تشيكل ... لذا يجب إقتباسها من موقع من مواقع القرآن الموثوق بها ...

ومنها موقع الإيمان اللي ممكن تقتبس منه أيات قرأنية على هيئة نصوص ... وذلك بعد البحث عنها ..

الإيمان

[جويرية]

رأيك لو زوج نكث بوعد قد وعد به الزوجه و اهلها قبل العقد و نتيجة لحسن النوايا و الاحترام المتبادل لم يتم كتابة ذلك الوعد كشرط من الشرط فى وثيقة الزواج

مثلا لو كان الشرط ده بيت خاص بها

او انها تكمل تعليمها اذا كانت تزوجت صغيرة

تفتكرى نكثه بالوعد يستحق الطلاق

و ان مكنش يستحق ازاى واحدة تعيش مع واحد لا يحترم كلمته

ممكن المرأة تطلب شروط خاصة بس بشرط ان الشروط دي مش تكون حرام

و الزوج المفروض يلتزم بالشروط دي

في حالة اذا الزوج لم يلتزم بالشروط دي فمن حق الزوجة ان هيا تطلب فسخ عقد الزواج ده في حالة لو الشرط موثق

الفسخ ده بقي غير الطلاق و غير الخلع

طيب الشرط مش موثق

يبقي الزوجة تطلب من الزوج أنه يطلقها طيب هوه مش حيوافق علي الطلاق

يبقي الحل

اما انها تقبل هذا الوضع او تطلب الطلاق

وعشان اجراءات الطلاق طويلة و أثبات الضرر صعب ممكن تطلب الخلع بس حتتنازل عن كافة حقوقها

[الحاج فوزى]

ممكن نبذه عن الرسالة .. ؟

سيدتى .. عفواً ..

أول ما دخلت موضوعك .. كان يتحدث عن رسالة أكاديمية حول الطلاق ..

وعليه .. كانت مداخلتى .. التى إستفسرت فيها عن الرسالة ..

الأن حضرتك قمت بتغيير المداخلة الأولى . . أصل الموضوع ..

والأغرب أن المداخلة الثانية أيضاً تغيرت لتناسب الموضوع الجديد ..

الأن لست أدرى ما المفترض على فعله .. هل أغير ردى أيضاً بدورى ليتناسب مع تعديلاتك ؟!

[Alshiekh]

أسمحوا لى ببعض الأسئلة

الظلاق من الموضوعات الشائكة التى يترتب عليها اشياء كثيرة مهمة وخطيرة ، أهمها الحلال والحرام ، وهدم اسر ، وانساب ، ولذلك فهو يحظى باهتمام دينى وقضائى دقيق .

ولذلك اتسائل

هل تم فتح الموضوع لمناقشته كدردشة عن حالة خاصة تخص الفاضلة كاتبة الموضوع؟

أم لمناقشة الموضوع من ناحية انسانية ، الطلاق ... ... أنواعه ... كيف نتجنبه ... العوامل المسببة له ... مقدماته ... نهايته ..........

أم لمناقشة القوانين الخاصة بالطلاق

أم مناقشة الطلاق دينيا

وعن رسالة الماجستير فى الطلاق ، هل كانت مكملة لدراسات قانونية ، أو شرعية ؟ وهل هى تمهيد للدكتوراة فى نفس المجال؟ وهل انت مؤهلة للرد على تساؤلات القراء واعطاءهم الرأى القانونى أو الشرعى فى مسائل الطلاق؟ ، والتى كما نعلم يلجأ فيها الناس الى دار الإفتاء ، والقضاء للفصل فيها.

موضوع الطلاق من المواضيع الخطيرة ، واعتقد انه لو جاز لنا مناقشته الا يخرج عن مناقشته من نواحى انسانية فقط لاتتعارض مع الشرع ، قد نجد مذاهب مختلفة فى أمور أخرى ، ولكن فى الطلاق فالامر مختلف ولا يجب ان يتصدر له الا من هو أهل لها.

بارك الله لكم جميعا.

[جويرية]

الأستاذ huss

الأستاذ محمد

بعتذر عن اللبس اللي حصل في الموضوع انا مش دارسة موضوع الطلاق ده كل الموضوع اني مطلقة

الموضوع بتاع الماجيستير ده كنت كاتباه و جنبه وجه تعبيري ضاحك بس ده اكيد مش كفاية عشان يوضح كلامي

انا عدلت الموضوع

وممكن نتكلم عن موضوع الطلاق عموما

تم تعديل 8 يونيو 2008 بواسطة جويرية

[جويرية]

تفتكرى نكثه بالوعد يستحق الطلاق

و ان مكنش يستحق ازاى واحدة تعيش مع واحد لا يحترم كلمته

بخصوص وعده ده يا هوبة

اي واحد بيتقدم لواحدة يقولها حنتجوز عند اهلي يا أما بترفضوا أو بيشترطوا عليه يجيب شقة بعدين

فهوه زي ما تقولي مكره علي الوعد ده

ده كمان فيه بنات بتبقي ساكنة في شقة أوضة واحدة و فيها 10 افراد و بعدين يتقدملها واحد تقولوه لأ مسكنش مع أمك

كمان الوعد ده حصل امتي طبعا في نهاية فترة الخطوبة و لما ابتدوا يحددوا معاد الجواز

وزي ما انتي عارفة الخطوبة عندنا مش خطوبة زي الشرع ما بيقول

[salemhegazy]

ومن السموم الناقعات دواء

[جويرية]

ومن السموم الناقعات دواء

المشكلة بقي ان الناس بتستبعد الحل ده تماما

فالمشاكل بتزيد

وهوه الطلاق جاي جاي

لأن بيت مفيهوش مودة و لا رحمة هوه كدة خلاص منتهي

فبدل ما الطلاق حيحصل بعد سنة واحدة حيحصل بعد 20 سنة

و بدل ما يحصل بعد طفل واحد حيحصل بعد 3 أطفال

[جويرية]

وعن رسالة الماجستير فى الطلاق ، هل كانت مكملة لدراسات قانونية ، أو شرعية ؟ وهل هى تمهيد للدكتوراة فى نفس المجال؟ وهل انت مؤهلة للرد على تساؤلات القراء واعطاءهم الرأى القانونى أو الشرعى فى مسائل الطلاق؟ ، والتى كما نعلم يلجأ فيها الناس الى دار الإفتاء ، والقضاء للفصل فيها.

ممكن واحدة عاملة دراسات في موضوع الطلاق ده و متعرفش تحل المشاكل بين الناس

لسبب بسيط ان الدراسات دي حتبقي يا اما شرعية أو قانونية

و الناس اذا الطلاق موصلش للقضاء لا بياخدوا بالشرع ولا بالقانون

بياخدوا بالعرف و العادات

و العرف ده فيه حاجات غلط كتير و محتاجة الناس تغيرها و ترجع لشرع ربنا عشان محدش من الزوجين يتظلم او هما الأتنين يتظلموا

[~Heba~]

وعن رسالة الماجستير فى الطلاق ، هل كانت مكملة لدراسات قانونية ، أو شرعية ؟ وهل هى تمهيد للدكتوراة فى نفس المجال؟ وهل انت مؤهلة للرد على تساؤلات القراء واعطاءهم الرأى القانونى أو الشرعى فى مسائل الطلاق؟ ، والتى كما نعلم يلجأ فيها الناس الى دار الإفتاء ، والقضاء للفصل فيها.

ممكن واحدة عاملة دراسات في موضوع الطلاق ده و متعرفش تحل المشاكل بين الناس

لسبب بسيط ان الدراسات دي حتبقي يا اما شرعية أو قانونية

و الناس اذا الطلاق موصلش للقضاء لا بياخدوا بالشرع ولا بالقانون

بياخدوا بالعرف و العادات

و العرف ده فيه حاجات غلط كتير و محتاجة الناس تغيرها و ترجع لشرع ربنا عشان محدش من الزوجين يتظلم او هما الأتنين يتظلموا

وجهه نظر جيده تستحق التوقف عندها.........احييكى عليها يا جويرية

[جويرية]

وجهه نظر جيده تستحق التوقف عندها.........احييكى عليها يا جويرية

اسأل مجرب و لا تسألش طبيب