محتاج نصيحتكم وجزاكم الله خيرا

[mahmoudy]

انا طبيب مسافر السعودية

ممارس عام خبره سنه

مستشفي الملك فهد جيزان عن طريق شركة تشغيل سمامة

أخبار الشركة ايه كويسه ولا ايه

المرتب 3500 ريال

محتاج رد ضروري لا تبخل بالنصيحه وشكرا

[MZohairy]

و الله معرفش الشركه دي

بس جيزان من اصعب المدن السعوديه في المعيشه

شديدة الحراره و الرطوبه بدرجه عنيفه طول الوقت

و معرفش 3500 ريال بالنسبه لك مبلغ كويس و لا وحش

و بالتوفيق

[mahmoudy]

جزاك الله خيرا

هو انا مش عارف اسافر ولا لا

انا المفروض ارد انهارده

تم تعديل 6 يونيو 2008 بواسطة mahmoudy

[MZohairy]

ده يعتمد على ظروفك الماديه بصفه عامه و مقدرتك على العيش في مدينه مثل جيزان (و التي تعتبر حلم لبعض الناس و جحيم للبعض الآخر)

كما ان ال 3500 ريال ايضا مبلغ خرافي بعض الناس و زهيد للبعض الآخر

و انا لا اعتقد انك ممكن تصرف في جيزان اكتر من 1000 ريال في الشهر في حال توفيهم السكن لك

وممكن واحد تاني يصرفهم كلهم في التليفونات من صعوبة التأقلم

استخير ربنا و شوف

و ربنا يقسملك الخير حيث كان

[mahmoudy]

الحمد لله انا بعرف اوفر و السكن في المستشفي بس انا مش عارف النظام

هي مستشفي جكومي بس انا تبع لشركة سمامه (المرتب والكفاله)

النظام ده معمول به ولا الموضوع نصب

الله المستعان

تم تعديل 6 يونيو 2008 بواسطة mahmoudy

[الكفيل و أنا]

السلام عليكم ورحمه الله وبركاته

ده وصف الشركه والموقع الرسمى ليها على الانترنت

مجموعة شركات سمامه

رابط الموقع http://www.samama.com/

الوصف واحدة من كبرى التكتلات في السعودية، تقدم خدمات في مجالات الإنشاء، الاتصالات، إدارة المستشفيات، صناعة الأسمنت، تصنيع منتجات الألبان، التأمين، خدمات التنظيف، خدمات التوظيف وغيرها

[somayasaleh]

انا طبيب مسافر السعودية

ممارس عام خبره سنه

مستشفي الملك فهد جيزان عن طريق شركة تشغيل سمامة

أخبار الشركة ايه كويسه ولا ايه

المرتب 3500 ريال

محتاج رد ضروري لا تبخل بالنصيحه وشكرا

الاخ الفاضل

لو لوحدك ...... يعني بدون الولاد واسرة..... اتكل علي الله واطلع

علي الاقل افضل من مصر بكتييييييييييييييير

الحاجة التانيه..... وانت هناك ممكن تدور علي مستشفي افضل من حيث المميزات واقصد بها..... بدل سكن....بدل انتقال....تذاكر سنوية....تامين صحي

اما اذا كنت متزوج وعندك اولاد..... فهذا المرتب لا يصلح

علي فكرة الرتب ده كويس جدا بالنسبه لخبرة سنه واحده

وكمان شركه سمامة شركه محترمة مش زي المستوصفات الخاصة.....

رأي الخاص صلي استخارة وتوكل عل الله wst::

[mahmoudy]

شكرا للاخوه

mzohairy

الكفيل و أنا

somayasaleh

علي الردود الجميله وانا الحمد لله قررت السفر

[Dr.mmfriend]

دكتورنا العزيز

السلام عليكم

اولا : ازاى هتشتغل في السعوديه وانت خبره سنه؟؟؟

انا اللى اعرفه ان علشان تدخل امتحان الهيئه السعودي من اصله لازم خبره سنتين

ثانيا : المرتب بتاعك تعبان

اى كلام بصراحه

وفين بدل السكن ؟؟

وبدل الانتقالات؟؟

وبدل التاثيث؟؟

والتذاكر على مين؟؟

واجازتك كام يوم فى السنه وامتى؟؟

سيدي الفاضل انا طبيب زيك وفى نفس ظروفك بس انا اكبر منك بسنه وطالع على وزارة الصحه على 4400 وبدل سكن 3 شهور وبدل انتقال 400

الموضوع ده بيعتمد عليك وعلى ظروفك فى مصر

نصيجه ليك من اخ دكتور زيك استنى السنه دى اعمل فيرست الماجستير وبعدين شوف عقد انضف

ياراجل تتغرب على 3500

حرام عليك بجد

هتحوش كام اخرك؟؟

3000 ريال يعني 4500 مصري بالعافيه!!!

واسمك في السعوديه!!

وتجيب هدايا وانت جاى بالشىء الفولانى!!

ده انت لو شفت فندق فى الغردقه هتشتغل ب 3000 جنيه شهريا واكلك واقامتك على الفندق

ولو شفت شركه بترول هتلعب في نفس القيمه تقريبا

متستعجلش على السفر

والقرار ليك اولا واخيرا

وفقنا الله واياكم

والسلام عليكم ورحمه الله