طلب الزيارة

[sayed metwally]

السلام عليكم

عاوز أعمل زيارة لوالدتى وحمايا وحماتى فهل اكتبهم كلهم فى طلب واحد ؟

واكتب ايه فى المكان المخصص لسبب الزيارة ؟

لأن فى ناس قالولى ان لازم تكتب فى سبب الزيارة ( مرض الزوجة ) وانهم هيجوا لزيارتها ومراعاتها

مع العلم ان السبب الحقيقى للزيارة هو انهم يجوا يعملوا عمرة

والمفروض اكتب ايه فى المكان المخصص لعدد ايام الزيارة ؟

وهل تكلفة الزيارة ألف ريال (1000 ريال ) ولا ببلاش ؟

أرجوا إفادتى ........

لأن كل واحد أسأله يقولى كلام شكل

علشان كده قلت أسألكوا وأجيب منكوا الإفادة

وكنت قريت فى موضوع عن اجراءات الزيارة فى المنتدى وعرفت ان فيه كتير اوى هنا عملوا زيارة فقلت أستفيد بخبراتكم بقى

مع الشكر .........[وسط][/وسط] :D

[أسد]

يمكنك التقديم عن طريق وزارة الخارجية ..

تدخل إلى هذا الموقع

http://visa.mofa.gov.sa/

تعبئ النموذج المطلوب ..

ثم تطبعه .. وبعد ذلك توقعه من الشركة التي تعمل بها .. وتصدقه من الغرفة التجارية ..

تحمل باقي الأورواق المطلوبة .. وصورة الإقامة .. أحياناً بيطلبوا إثبات الإشتراك في التأمينات الإجتماعية ..

تقدم الأوراق إلى الوزارة .. في الغالب بيوافقوا ..

خلال يوم واحد تصدر التأشيرة ..

تطبعها من الموقع .. ثثم بعد ذلك ترسلا لهم

لا تكلفك شئ .. طالما أنت مستوفي للشروط المطلوبة ..

[se_ Elsyed]

لا تكلفك شئ .. طالما أنت مستوفي للشروط المطلوبة ..

بتكلفك في مصر 200 ريال ( 320 ج ) رسوم ختم التأشيرة ..

بالإضافة إلى رسوم المكتب اللي بيخلص لك التأشيرة ...

[sayed metwally]

جزاك لله ألف خير ياأخ أسد وياأخ سى السيد

بس محدش فادنى أكتب ايه فى المكان المخصص لسبب الزيارة ؟

والمفروض الحد الأقصى لمدة الزيارة أد إيه ؟

وهل ممكن اكتبهم كلهم فى طلب واحد ؟

أرجوا إفادتى ..............

شكرااااااااا لكم

[capitshino]

جزاك لله ألف خير ياأخ أسد وياأخ سى السيد

بس محدش فادنى أكتب ايه فى المكان المخصص لسبب الزيارة ؟

بص. فى ناس بتكتب ان الزوجة حامل او مريضة وبيجيبو جواب يفيد بكدا من اى مستشفى ليهم فيها معارف ولو اننى لا احبذ هذه الطريقة ولا اعلم ان كانت حرام ام لا

والمفروض الحد الأقصى لمدة الزيارة أد إيه ؟

الحد الاقصى للزيارة 3 شهور وتجدد - طبعا الموضوع ماشى بالمزاج ونصيب طبعا يعنى ممكن يكتبو لك الاقامة شهرين .

وهل ممكن اكتبهم كلهم فى طلب واحد ؟

اعتقد انك ممكن تكتبهم فى طلب واحد

الفيزا هتكلفك فى مصر حوالى 500 (جندى مجهول)

ايضا استمع لاراء الاخوة الاعضاء فستفيدك كثيرا

[أسد]

جزاك لله ألف خير ياأخ أسد وياأخ سى السيد

بس محدش فادنى أكتب ايه فى المكان المخصص لسبب الزيارة ؟

والمفروض الحد الأقصى لمدة الزيارة أد إيه ؟

وهل ممكن اكتبهم كلهم فى طلب واحد ؟

أرجوا إفادتى ..............

شكرااااااااا لكم

إكتب في مبررات الزيارة .. زيارة عائلية ..

مفيش أكثر من كده ..

ممكن تسجلهم في طلب واحد ..

سجل مدة الزيارة المطلوبة 3 شهور .. وممكن تمدد لهم من الجوازات في السعودية لمدة أول ممكن أن تصل لسنة .. لكن حتضطر تجدد لهم شهر بشهر

[sayed metwally]

انا شاكر جدا على المعلومات دي

وان شاء الله هعمل زيارة واكيد الفضل ان شاء الله هيكون بعد ربنا ليكوا انتوا كمان

علي فكرة انا شغال مهندس كمبيوتر في شركة عبد اللطيف جميل وكمان مدير التسويق هناك يعني لو اي مصري عايز اي خدمه انا تحت امره وامر زوار الموقع

[sayed metwally]

شكرا ليك يا اخ كابيتشينو علي المعلومات

وان شاء الله يكتب في ميزان حساناتك

[sayed metwally]

أشكرك ياأخ أسد على إفادتى

جزاك الله ألف خير

[se_ Elsyed]

انا شغال مهندس كمبيوتر في شركة عبد اللطيف جميل وكمان مدير التسويق هناك يعني لو اي مصري عايز اي خدمه انا تحت امره وامر زوار الموقع

طب نقدر نستغلك وتكلمنا شوية بإستفاضة عن مزايا وعيوب السيارة الـ " تيريوس " الجديدة ذات السبع مقاعد ..

شوفت الإعلان بتاع مودرن سبورت اللي السواق بيقول فيه " لأ يا أسطى .. بس انا ناوي " عمال أهرش في دماغي وبأفكر أدوس وأشتريها .. خصوصاً إنها 1500 سي سي ... يعني نسجلها في السفارة وننزلها مصر بسهولة ...

بس ياريت يبقى في موضوع منفصل في باب الخدمات العامة

ده

باب الخدمات العامة

[sayed metwally]

أخ سى السيد

أنا كتبتلك موضوع مخصوص للرد على تساؤلك عن التيريوس ال7 مقاعد فى باب الخدامات العامة

ولو ليك أى استفسار أخر أنا تحت أمرك