عملية تغيير الباسبور و الكفيل السعودى

[mohamedta]

السلام عليكم و رحمة الله و بركاته

ازيكم يا جماعة الخير انا لسه داخل السايت ده جديد لانج و عايز استفسر عن حاجة فأرجو المساعدة

انا اشتغلت فى الرياض لمدة سنة و نصف و جالى عرض احسن من شركة اجنبية مع العلم ان مهنتى محاسب عام و لكن كفيلى القديم كان مشهور بغالسته الجامدة قوى مع العلم انها شركة كبيرة بردو بس العرض الحمد لله احسن

المهم انا كانت اقامتى فاضلها شهر و تنتهى فعملت خروج و عودة و غيرة باسبورى ببسبور جديد و جيت هنا الرياض بعد انتهاء الاقامة القديمة و طلعت اقامة جديدة خالص

بس المشكلة انى مش عايز اغير سكنى لانى بحب اهل البيت بصراحة و مش عايز انقل

فهل ده فيه خطر انى مغيرش سكنى و لو اى حد من زمايلى القدامى شافنى فيها مشكلة عليا؟

ارجو الافادة و شكرا

[mohamedta]

ايه يا جماعة هو الوضع سيىء اوى كده حد يرد عليا يا جماعة و النبى

[الكفيل و أنا]

السلام عليكم ورحمه الله وبركاته

شوف يا عم محمد موضوع انك تكسر تاشيره الذهاب والعوده متعب شويه لان قانونا المفروض ما تدخلش المملكه لمده عامين من تاريخ انتهاء تاشيره الذهاب والعوده وليا واحد صحبى عمل زى ما انت عملت والكفيل القديم عرف بوجوده فى المملكه لانه من ذكاءه اشتغل فى نفس المدينه الفيها الشركه القديمه وطبعا الكفيل القديم راح على طووووووووووول اشتكى صاحبى واتحبس واتعملتله قضيه ولغايه دلوقتى مش عارف ينزل مصر والحل الوحيد ان كفيله يتنازل او انه يخرج نهائى ....انصحك اسكن فى اى حته تانيه بعيده عن اصدقاء العمل القديم

[mohamedta]

تفتكر كده ؟ حتى لو انتى معاك باسبور جديد و اقامة جديدة انت عارف ان موضوع النقل ده صعب جدا كمان انا فى نفس المدينة يعنى ممكن اقابل اى حد صدفة و كنت بفكر ازى قبلت حد اقولهم انا جاى عمرة مسلن لو حد سالنى

بس مش عارف؟؟

[الكفيل و أنا]

انا قلتلك الخلاصه وتجربه واقعيه لاحد اصدقائى المقربين وبالفعل اتبهدلنا معاه عشان نطلعه من التوقيف و فى الاخر بعد ما جبنا وسايط وعملنا البدع معاه اتحولت قضيته لمكتب العمل عشان ما يتحطش فى البلاك ليست (يعنى ممنوع يدخل المملكه تانى )

نصيحه ما تخاطرش باكل عيشك عشان موضوع السكن ..ان شاء الله تلاقى احسن منه المهم الشغل وياخى حتى لو تعبت فى سكنك ممكن تغيره بس شغلك هل ممكن تستغنى عنه وتحط نفسك فى مشاكل و توقيف ؟؟؟؟

[mohamedta]

بصراحة انا مش عارف اعمل ايه الموقف صعب بالنسبة ليا جدا عشان انا بقالى اكتر من سنة مع صحاب البيت و لو نقلت مش هلاقى بيت تانى بالمميزات ديه و بالسعر ده

كمان انا بقالى اكتر من شهرين جوه السعودية و كفيلى الاول اقامته سقطت بالها 3 شهور فا فعلن مش عارف اتصرف ازاى

[الكفيل و أنا]

شوف اهم شئ ان يكون سكنك بعيد عن مقر شغلك القديم .....وكذلك مقر شغلك الجديد وما تنساش تصلى استخاره وربنا يوفقك

[mohamedta]

بصراحة انا مفهم صاحب البيت انو لو اتسال عليا يقول انى مشيت وان الى ساكن واحد تانى

2هو مكان البيت مش بعيد اوى ممكن اعرف صاحبك ده اتمسك ازاى مع العلم ان اقامتى الاولى انتهت و الخروج و العودة انتهت و انا معايا اقامة جديدة و باسبور جديد و فيزا جديدة خالص

شكرا