المحروسة من 150 سنة

[se_ Elsyed]

بصراحو لو خيروني .... كنت افضل أعيش في الوقت ده زمان

رووووقان ودممممممماغ عاليه ..... لا تكنولوجيا حديثة ولا لابتوبات ولا ثلاجة بدورين ولا رسيفر ... بس ياريت كان في موبيلات زمان عشان بأتعب قوي من غير موبيل

أسيبكوا مع الساحرة اللي مغلبانا ... مصر من 150 سنة ....

( يــــــــــــاه يعني موديست ساعتها كان عنده حوالي 6 سنين .... )

إتمعننوا في الصور ... وبلغوني أجدع صور عجبتكو إيه ..

بالنسبة لي :

1- صورة المؤذن اللي بيأذن في الخلا ده والمفروض الناس كلها سمعاه ... ودي أنا مصدقها ... لإني سمعت من ناس كبيرة في السن إن مدفع الإفطار اللي كان بيضرب زمان في قلعة محمد علي كان يُسمع من على بُعد عشرات الكيلومترات أيام ما كان أعلى عمارة في مر تلاقيها دورين .

2- صور النيل اللي جنب الهرم .... هي دي ترعة ولا كان النيل النيل اللي بنمشي على كورنيشة وناكل دُره وترمس وحلبسة ؟ وإذا كان النيل ... يبقى إيه اللي سيبوه الهرم وجابوا عند ماسبيرو ؟

3- صورة ميدان التحرير أيام ما كان قد أوضة وصاله ... مش ممكن الروعة والحلاوة دي

4- طبعاً صورة الحلاق اللي الزبون بيفرفر في إيده وفي واحد تاني عمال يطري القعدة ويرش ميه على نافوخه اللي سخن .. ومتخيل إن في جزء من الصورة ما أتذاعش .. أل اوهو إن الراجل اللي بيحلق ده كان متكتف من إيده ورجله عشان ما يهربش ...

[النجم الثاقب]

الله يا س س .. تسلم ايدك بجد .. الصور دى ريحيتها جميله جدا .. و فعلا زمن جميل و الواحد يتمنى يعيش فى شويه بس اعتقد إننا هنزهق لأننا عشنا فى الزمن الى احنا فيه و أكيد هنحنله برغم مشاكله و وجع الدماغ اللى فيه .. إنما لو كنا اتولدنا و عشنا فى الزمن الجميل ده اكيد مكناش هنحب نغيره .. مع إن مفيش حد عاجبه حاله و محدش مستريح فى زمنه ..و كل واحد نفسه يعيش فى الزمن اللى قبل الزمن اللى هو عايش فيه .. ده رأيى انا .

بالنسبه لى فى صورتين عجبونى .. صورة قصر البارون و الفرااااااااغ اللى حواليه ، و صورة ميدان التحرير و هو فاااااضى .

تشكر يا زعيم على الموضوع الجميل :closedeyes:

[أسد]

أنا شخصياً مليش نفس أحلق كده ...

[أسد]

ولا كان نفسي أقعد على القهوة دي ..

بصراحة يعني ..

[se_ Elsyed]

ولا كان نفسي أقعد على القهوة دي ..

بصراحة يعني ..

عايز تفهمني إنك عمرك ما قعدت على غُرزة ؟

وبعدين تفرق إيه دي عن كوفي شوب " جافا " اللي بنقعد عليه أنا وإنت ؟

ولا هي عُقدة الخواجة وخلاص ...

[se_ Elsyed]

إبداع ما وراءه إبداع ..

انا مش هاتكلم

العتبة الخضرا ... بتقول مين ؟

[se_ Elsyed]

ده كتير

كتير قوي

بص وأتفرج على شارع الهرم

الشاطر يقولي فين كازينو الليل هنا ؟ wst::

الأرض كرويتون تدور حول نفسيها

يعني زمان كان الكورنيش بيبص على الهرم ..

مش بعيد بعد 30 سنة ألاقي الكورنيش بيبص على عباس العقاد

أبو الهول وهو مدفوس في الرمل

لا إله إلا الله ... ما حدش يحوشني .. ما حدش يمسكني

فندق مينا لا مؤخذه هاوس

مينا هاوس تاني وقدامه الليموزينات اللي الناس بيركبوا فيها

[أسد]

روكسي - مصر الجديدة - 1935

[أسد]

دار الأوبرا - القاهرة

[somayasaleh]

ايه العظمة ديه كلها يا سي السيد..... wst::

صراحة صور تحفة......

وخاصة صورة شارع الهرم.......

لاني للاسف اسكن هناك..... :sad:

وطبعا هو غير كده خالص cr((: cr((: cr((:

يارتني كنت هناك في الوقت ده cr((: cr((:

كفاية كفاية كفاية حرام عليكم ........

معقول الروقان ده كله؟ :lol: