إعرب ما تحته خط ... طب هو فين الخط ؟

[se_ Elsyed]

بالرغم من إن ربنا رحمنا من الثانوية العامية وقرفها من زمان ...

إلا إن عندي مزاج أقعد أقرأ تصريحات السادة المسئولين بعد كل إمتحان ..

ولو إنت قاعد في مدرجات الدرجة الأولى هاتلاقي إمتحانات الثانوية العامة والدبلومات بدأت إمبارح

فأتحدى أي مسئول في مصر إن ما كانت تصريحاتهم دي عبارة عن أكلشيهات تستخدم بعد كل إمتحان

- الإختبارات جاءت في مستوى الطالب المتوسط

- الأسئلة كلها جت من كتاب المدرسة الحلو اللي عم صميده بيلف في طعميه طول السنة لإن الطلبة بتقرف من شكله - ده الكتاب مش عم صميده -

- لا شكوى من إمتحانات الجبر ... بالرغم من وجود ييجي 50 حالة إنتحارة وبالرغم من حالات النحيب والعويل واللطم عالخدود اللي بشوفها في التي في ..

أجدع حاجه قرأت النهاردة في جرنان الأهرام الحكومي إن الدبلومات كان عندهم إمتحان لغة عربية إمبارح ... وجه سؤال في النحو بيقول

ومن طرائف امتحانات الدبلومات الفنية‏,‏ التي بدأت باللغة العربية‏,‏ أن هناك سؤالا في النحو يطلب إعراب ما تحته خط‏,‏ والغريب أنه لا توجد كلمة واحدة تحتها خط‏

مش قادر امسك نفسي من الضوحك

لِم التعابين يالا بدل ما أجيب لك الظابط

هي فين التعابين ؟

طب هو فين الظابط ؟

[الحازم حسن]

يمكن الخط كان بنفس لون الصفحة (باللون الأبيض يعني) عشان يختبروا مدى ذكاء الطالب وقدرة توقعه للكلمة المطلوب إعرابها

إيش فهمكم انتم في الحاجت دي :lol:

في امتحان اللغة العربية في الثانوية العامة لدفعتي كان في اتنين شعراء واحد اسمه جبران خليل جبران والتاني اسمه مطران

كانت أبيات الشعر لاخينا جبران وبعدين لقينا السؤال بيقول ماذا يقصد الشاعر مطران :sad:

إييييييييييييييه .... ده كان يوم مطران على دماغنا من اوله لآخره wst::