هو فيه حاجة اسمها عنوسة!!!!!!

[~Heba~]

السلام عليكم

السؤال اللى مجننى دايما

هو فيه حاجة اسمها عنوسة......فى عالم الرجال يعنى

اشمعنى الرجالة معندهمشى عنوسة wst::

الواحد فيهم لو عدى الاربعين و قال يا جواز ينقى و يتجوز بنت صغيرة و يكون هو اول بختها

ومحدش يقوله انت كبير.......و الا انت تعانى من(((((((العنوسة)))))))))

و لو حد قال يلاقى الرد جاهز.........انا راجل

ازدواجية معايير وكيل بمكيالين و الرجل ميعيبوش سنه

و مهما كبر فى السن بدون زواج بتظل الفرصة فى الاختيار هى نفسها

بالله مش حاجة تفقع المرارة :sad:

تم تعديل 8 يونيو 2008 بواسطة ~Heba~

[aimen]

,والله يا اخت هبة

انا الحمد لله واحد وثلاثون عاما وعانس واحمد الله على ذلك

اعرف ناس اتجوزت ومن فترة كانت بتحسسنى انى اهبل وعبيط لأنى لم ارتبط

واعرف ناس بتقولى انى ملك الزمان لأنى مش مرتبط

ولما بشوف الرجالة وهم مكسورين من الحمل ( بكسر الحاء) أو مكسورين من كلمات أو حركات ستاتهم بأحس بالراحة أنى مازلت عانس

لكن والحق يقال بأنكسر انا دايما قدام ضحكة طفل لكن بتعدى الأمور ( على فكرة انا عانس بمزاجى )

وكمان مش كل الستات مضريين بالصحة منهم من يستاهلوا ان ننحنى امامهم وندعى لهم بالصحة والفوز بالجنة

تم تعديل 8 يونيو 2008 بواسطة aimen

[حلواني]

لا لا الفرص لا تظل كما هي ابدا

لازم يتنازل عن بعض الشروط وكلما تقدم به العمر يترك شروط اخري

لكن في النهايه عندك حق هو فرصته قائمه طول العمر تقريبا

بس دا ليه اسبابه البيلوجيه ايضا والتي لا يغفل دورها

كمان اه هي ازدواجيه معايير لانه ماينفعش نوحد المعايير بين نوعين مختلفين

تحياتي

تم تعديل 8 يونيو 2008 بواسطة حلواني

[~Heba~]

,والله يا اخت هبة

انا الحمد لله واحد وثلاثون عاما وعانس واحمد الله على ذلك

اعرف ناس اتجوزت ومن فترة كانت بتحسسنى انى اهبل وعبيط لأنى لم ارتبط

واعرف ناس بتقولى انى ملك الزمان لأنى مش مرتبط

لكن والحق يقال بأنكسر انا دايما قدام ضحكة طفل لكن بتعدى الأمور ( على فكرة انا عانس بمزاجى )

طب انت اعترفت انك عانس بس المجتمع مش معترف بكده........لو رحت لبنت 18 سنة حتقبلك و مش حتقولك انت كبير

ولما بشوف الرجالة وهم مكسورين من الحمل ( بكسر الحاء) أو مكسورين من كلمات أو حركات ستاتهم بأحس بالراحة

wst:: :sad: :lol:

بقولك ايه.......كن جميلا ترى الوجود جميلا.....و الستات كمان

و بص لنص الكوب المليان الفاضى لأ

[المنصوراوى]

الاخت هبة حياكى الله

المشكلة دى يا هبة السبب الرئسى فيها النساء انفسهن

حتقوللى ليه اقولك ليه

اول حاجة فى ظل الازمات الاقتصادية الطاحنة اللى بيمر بيها الشاب

حاله على القد و لسع بيبتدى حياته يروح يتقدم لاى بنت للزواج تقوم السنيورة

هات يا طلبات طبعا الرجل الغلبان على قد حاله و مش قادر على الطلبات اللى مفروضة عليه

يقوم بقى صاحبنا يعزف على الجيتار قصدى الزواج و بعد البنت ما ترجع فى العرسان اللى ذى الورد

و يكبر سنها و بعد كده تقبل اللى يتقدم ليها رغمنا عن انفها

اما الاسم اللى عاوزة على الرجال دا من طلبات حقوق المراة؟؟

حددى السؤال علشان نعرف نجاوب لو من ضمن حقوق المراة من بكرة حنسمى الرجل العنوس wst::

[~Heba~]

كمان اه هي ازدواجيه معايير لانه ماينفعش نوحد المعايير بين نوعين مختلفين

تحياتي

لألألألأ انا متفقش معاك wst:: :sad: :lol:

هو عشان المرأة و الرجل نوعين مختلفين يبقى تبقى المعايير اكتر لنوع عن التانى........و الا تبقى مختلفة من نوع للتانى

يعنى للذكر مثل حظ الانثيين.......حتى فى المعايير cr((:

[~Heba~]

الاخت هبة حياكى الله

المشكلة دى يا هبة السبب الرئسى فيها النساء انفسهن

حتقوللى ليه اقولك ليه

اول حاجة فى ظل الازمات الاقتصادية الطاحنة اللى بيمر بيها الشاب

حاله على القد و لسع بيبتدى حياته يروح يتقدم لاى بنت للزواج تقوم السنيورة

هات يا طلبات طبعا الرجل الغلبان على قد حاله و مش قادر على الطلبات اللى مفروضة عليه

يقوم بقى صاحبنا يعزف على الجيتار قصدى الزواج و بعد البنت ما ترجع فى العرسان اللى ذى الورد

و يكبر سنها و بعد كده تقبل اللى يتقدم ليها رغمنا عن انفها

اما الاسم اللى عاوزة على الرجال دا من طلبات حقوق المراة؟؟

حددى السؤال علشان نعرف نجاوب لو من ضمن حقوق المراة من بكرة حنسمى الرجل العنوس cr((:

يا منصوراوى انت مشفتش ايمن قال ايه........قال انه عانس بمزاجه wst::

و كفاية دلع بقى :lol: .......يعنى عايز البنت تتجوز من غير مهر

دى حتى لو اتنازلت عن المهر و الشبكة حيفضل سكن الزوجية و فرشه ودا حكاية

يا منصوراوى يا بلدياتى الازمة الاقتصادية اثرت اجتماعيا على الكل الشباب والبنات.......و كلنا فى الهوى سوا و كلنا لها

و حلوة حكاية الرجل العنوس دى :sad: .......انا مخدتش بالى ان كلمة عانس مؤنثة cr((:

[aimen]

ويستمر الجدال من السبب فى العنوسة هند ولا الدكتور نعمان ؟

[جويرية]

كلمة عانس دي ممكن تطلق علي الرجل او المرأة

بس مفروض يغيروها

عشان زمان كانت اللي بتبقي عانس بمزاجها فبيدوها الوصف الوحش ده

دلوقتي اامتأخرات في الزواج مش بمزاجهم فمفروض يلغوا كلمة عانس دي

[~Heba~]

كلمة عانس دي ممكن تطلق علي الرجل او المرأة

بس مفروض يغيروها

عشان زمان كانت اللي بتبقي عانس بمزاجها فبيدوها الوصف الوحش ده

دلوقتي اامتأخرات في الزواج مش بمزاجهم فمفروض يلغوا كلمة عانس دي

طيب يسموهم ايه يا جويرية :ع.ر.أ يعنى عانس رغم انفى :waving:

و الرجالة العوانس اذا كانت فيه حاجة اسمها عنوسه عندهم يسموهم ايه:برضو ع.ر.أ

طب كده حيبقى فيه كونفلكت

[محمد ابوعوف]

السلام عليكم ورحمة اللة وبركاتة هو فية حاجة اسمها النصيب فمثلا انا عندى الان 35 سنة ولسة متجوزتش بالرغم من انى والحمد للة مقتدر ولكن السؤال الدى اطرحة على نفسى دائما انا عاوز اتجوز لية فانا مبسوط بعشتى كدة ولو تعرفت على واحدة فانا مبخونشى زوجتى ولكن الان انا مضطر ابحث عن زوجة ليس لسبب العنوسة لانة لا يوجد عنوسة عند الرجال ولكن كى ارزق باطفال وليس حبا فى الزواج نفسة/فانا معكى يا استادة هبة بان مجتمعنا ظلم البنت فالبنت التى تجلس فى بيت ابيها معززة مكرمة خيرا من ان تتجوز من اجل الزواج او هربا من العنوسة وتجد نفسها مع رجل مجرد بدلة او قميص كويس واسف للاطالة

[جويرية]

طيب يسموهم ايه يا جويرية :ع.ر.أ يعنى عانس رغم انفى

و الرجالة العوانس اذا كانت فيه حاجة اسمها عنوسه عندهم يسموهم ايه:برضو ع.ر.أ

طب كده حيبقى فيه كونفلكت

:lol:

لأ يطلق عليها فتاة او أنسة حتي لو وصلت لأي سن بدون زواج

عشان زي ما سبق و قلت لفظ عانس كلمة مش حلوة

بدليل أن مفيش واحدة ممكن تروح مكان و تعرف نفسها تقول انا عانس

عشان فيه الفاظ في اللغة للحاجات المستنكرة زي

( عسق : أشتدت حماقته ، عربد : ساء خلقه ، عشي : ساء بص

[جويرية]

طيب يسموهم ايه يا جويرية :ع.ر.أ يعنى عانس رغم انفى

و الرجالة العوانس اذا كانت فيه حاجة اسمها عنوسه عندهم يسموهم ايه:برضو ع.ر.أ

طب كده حيبقى فيه كونفلكت

لأ يطلق عليها فتاة او أنسة حتي لو وصلت لأي سن بدون زواج

عشان زي ما سبق و قلت لفظ عانس كلمة مش حلوة

بدليل أن مفيش واحدة ممكن تروح مكان و تعرف نفسها تقول انا عانس

عشان فيه الفاظ في اللغة للحاجات المستنكرة زي

( عسق : أشتدت حماقته ، عربد : ساء خلقه ، عشي : ساء بصره )

زي ما أنتي ملاحظة كلهم بحرف العين بيقولوا ان حرف العين ده اصعب حرف في اللغة في نطقه

طيب ليه كانوا بيطلقوا اللفظ ده علي اللي مش تتجوز

عشان العانس كانت بتبقي عانس بمزاجها دلوقتي الوضع اختلف

فهمتيني و لا لسة

[النيل حبيبي]

حتقروا علينا ولا اييييييه

يعني عشان ربنا خلقكم انثويات

طب معندك الوالد والاخوان والاعمام والخلان محدش عنده عنوسه

الراجل يفضل يتجوز لحد أجله

حظكم كده ربنا عاوز كده

[somayasaleh]

هو يعني ايه عنوسة الاول؟؟؟؟؟

اه تقصدي اللي ما بتجوزش؟؟؟؟ بنت يعني

والا اللي ما بيجوزش؟؟؟؟؟ راجل يعني

شوفي يا ست هوبة.... العنوسة ده مفهوم مرتبط بالبنات للاسف الشديد......

بس خدي بالك.... السن كل جيل بيختلف....

يعني ايامي جدة جدتي كانت اللي تعدي 12 سنة تبقي عانس.. واسمع انها تزوجت 11 سنة ....من ابن عمها طبعا

وبعدين .. ايام جدتي اتجوزت 14 سنة....

والدتي انا تزوجت بعد حاجة كدة اسمها..... الثقافة النسوية..... وده كان عمرها 18 سنة

اختك سومة بقي :) بعد هندسة...يعني 5 سنين كلية..يعني 24 سنة.... كده يعني

دلوقتي ياختي البنات طالعين في حاجة كده اسمها دبلومة... وبعدين ماجستير ....وبعدين دكتوراة.... وابحاث..... وهلم جرة

انا بنتي في تانية ثانوي تعليم انجليش(IGCSE)..... وناوية يا حبيبتي علي دراسات عليا وحاجات غريبة توجع الراس....

بالنسبة للشباب طبعا مفيش موضوع العنوسة ده..... بس هو كل لما سنه يكبر شوية.....يبدأ يتنازل عن شوية طلبات في العروسة...

يعني شاب في العشرينات........عايز عروسة في جمال ناسي عجرم......وست بيت زي امه......وسيدة اعمال جذابة.... ومخها وذكائها زي مدام كوري... وفي المطبخ ابلة

نظيرة....وفي النقاش والمحاورات مني الشاذلي.......وطبعا اخلاق جدة جدته.........

ودمها خفيف غير مفتعل زي عبلة كامل....وانيقة جدا زي يسرا......وبحكمة وعقل سميرة احمد..(في المسلسلات طبعا).........الخ

يعني بصراحة كده عايز واحدة عشر ستات في واحدة

بس كل تلات سنين يشطب علي شرط منهم....... لحد ما يوصل لاوائل الاربعينات.....يبقي عايز ونس وخلاص ان شالله حتي تبقي اسماعيل يس.....

وده طبعا اذا كان عنده امكانيات الزواج اصلا

وسلميلي علي المترو :cry1: :wub: :cry: wst::

[salemhegazy]

هو يعني ايه عنوسة الاول؟؟؟؟؟

اه تقصدي اللي ما بتجوزش؟؟؟؟ بنت يعني

والا اللي ما بيجوزش؟؟؟؟؟ راجل يعني

شوفي يا ست هوبة.... العنوسة ده مفهوم مرتبط بالبنات للاسف الشديد......

بس خدي بالك.... السن كل جيل بيختلف....

يعني ايامي جدة جدتي كانت اللي تعدي 12 سنة تبقي عانس.. واسمع انها تزوجت 11 سنة ....من ابن عمها طبعا

وبعدين .. ايام جدتي اتجوزت 14 سنة....

والدتي انا تزوجت بعد حاجة كدة اسمها..... الثقافة النسوية..... وده كان عمرها 18 سنة

اختك سومة بقي :) بعد هندسة...يعني 5 سنين كلية..يعني 24 سنة.... كده يعني

دلوقتي ياختي البنات طالعين في حاجة كده اسمها دبلومة... وبعدين ماجستير ....وبعدين دكتوراة.... وابحاث..... وهلم جرة

انا بنتي في تانية ثانوي تعليم انجليش(IGCSE)..... وناوية يا حبيبتي علي دراسات عليا وحاجات غريبة توجع الراس....

بالنسبة للشباب طبعا مفيش موضوع العنوسة ده..... بس هو كل لما سنه يكبر شوية.....يبدأ يتنازل عن شوية طلبات في العروسة...

يعني شاب في العشرينات........عايز عروسة في جمال ناسي عجرم......وست بيت زي امه......وسيدة اعمال جذابة.... ومخها وذكائها زي مدام كوري... وفي المطبخ ابلة

نظيرة....وفي النقاش والمحاورات مني الشاذلي.......وطبعا اخلاق جدة جدته.........

ودمها خفيف غير مفتعل زي عبلة كامل....وانيقة جدا زي يسرا......وبحكمة وعقل سميرة احمد..(في المسلسلات طبعا).........الخ

يعني بصراحة كده عايز واحدة عشر ستات في واحدة

بس كل تلات سنين يشطب علي شرط منهم....... لحد ما يوصل لاوائل الاربعينات.....يبقي عايز ونس وخلاص ان شالله حتي تبقي اسماعيل يس.....

وده طبعا اذا كان عنده امكانيات الزواج اصلا

وسلميلي علي المترو :cry1: :wub: :cry: wst::

حياكم الله جميعا

ما كنتى ماشيه كويس اخت سومية ليه حكاية المترو دي

تصنيف جميل لمزاج الاختيار حلوة عشر ستات فى واحدة

لكن تعرفى ان المرأة لو عندها شىء و احد ممكن بسهولة تبقى كل دول عارفين ايه هو ([ العقل)

ما تفهمونيش غلط/

)

[se_ Elsyed]

من غير فلسفه ولا لف ولا دوران ..

في مجتمعاتنا الشرقية ..

لا يوجد مُصطلح راجل عانس .. ولا رجُل مُطلق ولا أرمل حتى ( والله أنا في حياتي ما سمعت كلمة رجل عانس .. بالرغم من إني شوفت اصدقاء وزملاء لي تزوجوا وهما في اواخر الأربعينات من عمرهم وأرتبطوا بفيتيات من فوق القفص ... يعني اوائل العشرينات و لسه ما دخلتش دُنيا وتلاقي زوجها ضعف عمرها وهي مبسوطة وأهلها فرحانين إنهم - ستروا البنت - )

ولكن على العكس توجد فتاة عانس ... لإن مجتمعاتنا بتنظر للزواج على إنه بداية لتكوين أُسرة . عيال بقى وحركات وكلام من ده ... وبالتالي وبشكل عام وبدون الدخول في تفاصيل عادات كل إقليم مصري ... نقدر نقول إن البنت لو عدت الـ 35 سنة ... يبقى كده تضمن اللقب للأسف ... لإن حظوظها بتقل في الإنجاب وبالتالي عليها تقديم تنازلات عشان تتزوج إذا أردات ... تتزوج بقى واحد أرمل ... مُطلق ومش عايز إنجاب ... ارمل أو مُطلق ومعاه عيال عايز لهم مُربيه وهكذا ...

أنا مش هاتكلم عن الأرياف الفلاحين والصعيد والمجتمعات البدوية القبلية اللي لو البنت عدت الـ 25 من غير زواج يبقى عليه العوض ومنه العوض ومش هاتلاقي اللي يتقدم لها وهاتبقى عِبرة ومثال في الجتمع الصغير ...

وليه ما بتُطلقش هذه المسميات على الرجال ؟

لإن لفظ الرجولة في مجتماعاتنا مرتبط بالتكوين الفسيولوجي للراجل ... يعني زي ما بنقول بالبلدي .. إن الرجل اللي عنده 90 سنة ممكن يتجوز ويُنجب - مالناش دعوة بالآلية ... لكن هي كده ومالناش إلا بالنتايج - ... وبالتالي لا مجال إننا نُطلق عليه لفظ عانس طالما حلو أهو وشغال ...

والست لو مُطلقة في مجتمعنا بتلاقي حياتها تنقلب رأساً على عقب والمجتمع ينظر لها بحذر وريبه ، وحركاتها وتحركاتها بتبقى محسوبه عليها عشان ما حدش يفهمها غلط ... وأول إنطباع يتبادر إلى ذهن المجتمع - الضيق التفكير - هو إن سبب الطلاق منها هي .... ويا ترى جوزها طلقها ليه ولقى فيها إيه عشان يطلقها ؟

وأسباب العنوسة كثيراً ما تكون مُبهمة وغير معروفة وترجع أولاً وأخيراً إلى النصيب والقدر ... فتلاقي البنت بصراحة مال وجمال ومركز إجتماعي مُحترم وأدب وأخلاق ... لكن نصيبها للأسف ما جاش وبالتالي سنها يكبر وتحصل على اللقب ..

أما بقى البنت اللي تُفضل الحياة العلمية والعملية على الزواج وتكوين الأسرة وتنسى نفسها في تحضير الماجستير والدكتوراة وتحضير العفاريت ... فاللي حضر العفريت ... يبقى لازم يعرف يصرفه .. وما ترجعش تلوم المجتمع والزمن لإن هي اللي عملت في نفسها كده ..

كذلك الأهل اللي بيتعنتوا ويغالوا في طلباتهم عند تقدم شخص مناسب لبنتهم والشقة اللي لازم تبقى أربع أوض وصالة وتكون في أرقى منططقة بمنشية ناصر .. والعفش يبقى من عند سعد محمد سعد .. والشبكة تكون كرادن بُندقي 24 قيراط والفرح يبى في الشيراتون وكل واحد من المعازيم لازم ياخد علبه فيها حتة جاتوه وساندوتش جبنه والتاني لانشون .... يبقى كده بيظلموا البنت ... وهايشربوها في الأخر لما سنها يكبر وتقولهم أنا دمي في رقبتكم ....

[جويرية]

يوجد مُصطلح راجل عانس .. ولا رجُل مُطلق ولا أرمل حتى ( والله أنا في حياتي ما سمعت كلمة رجل عانس .. بالرغم من إني شوفت اصدقاء وزملاء لي تزوجوا وهما في اواخر الأربعينات من عمرهم وأرتبطوا بفيتيات من فوق القفص ... يعني اوائل العشرينات و لسه ما دخلتش دُنيا وتلاقي زوجها ضعف عمرها وهي مبسوطة وأهلها فرحانين إنهم - ستروا البنت - )

لأ هوه اسمه عانس في اللغة كلفظ بس

يعني كلمة عانس دي ممكن تطلق علي الشاب او الفتاة

لكن الحقيقة ان لفظ عانس دلوقتي للفتيات بس

وأسباب العنوسة كثيراً ما تكون مُبهمة وغير معروفة وترجع أولاً وأخيراً إلى النصيب والقدر ... فتلاقي البنت بصراحة مال وجمال ومركز إجتماعي مُحترم وأدب وأخلاق ... لكن نصيبها للأسف ما جاش وبالتالي سنها يكبر وتحصل على اللقب ..

نصيبها مش بييجي عشان الولد محدش بيحاسبه

محدش بيقولوه انت رحت فين جيت منين كلمت مين

فهوه مش مستعجل علي الجواز فيكون نفسه علي اقل من مهله

[se_ Elsyed]

يا جويريه أان لا أتكلم عن تعريفات لغويه .. انا أقصد هنا مصطلحات واقعية حسب عادات وتقاليد المجتمع ..

والدليل على كلامي إن المصطلحات دي مش موجودة ولا احد يهتم بها في المجتمعات الغربية ...

بس الله يخليكي وضحي إنتي تقصدي إيه بـــ

نصيبها مش بييجي عشان الولد محدش بيحاسبه

محدش بيقولوه انت رحت فين جيت منين كلمت مين

فهوه مش مستعجل علي الجواز فيكون نفسه علي اقل من مهله

إيه دخل الولد لنصيب البنت اللي تعتبر كامله من مجاميعه - والكمال لله وحده - ولكن ماحدش إتقدم لها .. وبصراحة أعرف منهم كتير لدرجة بتخلي اهلها يلجأوا للسحر والشعوذة وزيارات الدجالين عشان البنت معمول لها عمل وما فيش جوازها بتكمل لها او مافيش حد بيتقدم من أساسه ..

[جويرية]

إقتباس

نصيبها مش بييجي عشان الولد محدش بيحاسبه

محدش بيقولوه انت رحت فين جيت منين كلمت مين

فهوه مش مستعجل علي الجواز فيكون نفسه علي اقل من مهله

إيه دخل الولد لنصيب البنت اللي تعتبر كامله من مجاميعه - والكمال لله وحده - ولكن ماحدش إتقدم لها .. وبصراحة أعرف منهم كتير لدرجة بتخلي اهلها يلجأوا للسحر والشعوذة وزيارات الدجالين عشان البنت معمول لها عمل وما فيش جوازها بتكمل لها او مافيش حد بيتقدم من أساسه ..

ما هوه لما سن الزواج يرتفع عند الشباب أكيد حيرتفع سن الجواز عند البنات

الولد في البيت هل حد بيحاسبه زي ما بتتحاسب البنت

لو أتجوز عرفي او أتجوز أجنبية حد بيقولوه حاجة

يعني ممكن تبقي ام عندها ولد و بنت تقعد تقول بنتي عاملين لها سحر عشان متتجوزش ، في نفس الوقت ابنها قاعد في البيت لغاية سن 30 سنة مش بيهمها ان هيا تجوزوه ، طيب ما هيا لو كل أم جوزت ابنها بدري اكيد بنتها برده حتتجوز بدري