هو فيه حاجة اسمها عنوسة!!!!!!

[justtrying]

اعتقد والله اعلم أن الموضوع اقتصادي بالدرجة الأولى

وفي النفس الوقت أيضاً أمور أخرى تتداخل من حيث طاعة الله والرسول فقلة الدين بين أفراد المجتمع هي ما أدت إلى ابتلاء هذا المجتمع بنقص من الثمرات والرزق ومن ثم الفقر والجهل والجوع ومن سوء توزيع الدخل بين أفراد المجتمع وبتالي عزوف الكثير من الشباب عن الزواج ومن ثم انحدار اجتماعي واضح ولا حول ولا قوة إلا بالله

اما بالنسبة للراجل أنه يتقال عليه عانس فانا عمري ما شوفتها الصراحة .. لكن البنت تكون عانس .. ما اكثرهن !!!! ملايين .. ولا حول ولا قوة إلا بالله

تم تعديل 11 يونيو 2008 بواسطة justtrying

[قائد المدفعيه الهولنديه]

الاخوات الفاضلات و الاخوه المحترمين .... تعالو فى كلمتين و بس على رأى فؤاد المهندس رحمه الله نشوف الموضوع بطريقه بسيطه

انثى + رجل = زواج

انثى + صفر = صفر

رجل+ صفر = صفر

اذن نستنتج ان الطرفين بيكملو بعض يعنى انا صادفت ناس كتير رجاله و ستات كان اول بختهم بعد الاربعين ( ربنا عايز كده ) و شوفت ستات كتير و رجاله كتير بتتزوج للمره التانيه و الثالثه بعد الاربعين و اكبر ...... يعنى مفيش حاجه اسمها عنوسه اساسا

[~Heba~]

بس كل تلات سنين يشطب علي شرط منهم....... لحد ما يوصل لاوائل الاربعينات.....يبقي عايز ونس وخلاص ان شالله حتي تبقي اسماعيل يس.....

مبيحصلش يا سمية

و آديكى شوفتى رأى سين سين

لا يوجد مُصطلح راجل عانس .. ولا رجُل مُطلق ولا أرمل حتى ( والله أنا في حياتي ما سمعت كلمة رجل عانس .. بالرغم من إني شوفت اصدقاء وزملاء لي تزوجوا وهما في اواخر الأربعينات من عمرهم وأرتبطوا بفيتيات من فوق القفص ... يعني اوائل العشرينات و لسه ما دخلتش دُنيا وتلاقي زوجها ضعف عمرها وهي مبسوطة وأهلها فرحانين إنهم - ستروا البنت - )

و هو دا اللى انا اقصده

ليه المجتمع بيعامل المرأة بهذه الطريقة

اذا قلنا من الناحية البيولوجية آه اللى اكبر من 35 فرص الانجاب بتقل شوية لكن مش اوى و لا بتنعدم

و اذا قلنا كمان ان الجمال نفسه بيقل و المرأة بتظهر عليها علامات السن بسرعه

يبقى ده شئ منطقى فى حق المرأة انها بكبر سنها تقل فرص الزواج

لكن ليه مش بيحصل بالمثل بالنسبة للرجل

هل رجل فوق الاربعين مثل رجل فى اوائل الثلاثينات من حيث الصحة و الشباب

و الا هو التركيز مازال زىزمان على جيبه و بس و الرجل كل ما كبر كل ما تحويشة عمره زادت

و ارجع و اقول ان السبب قد يكون اقتصداى زى ما قال الاخ justtrying

يعنى مفيش حاجه اسمها عنوسه اساسا

لا ازاى....العنوسة معناها تأخر سن الزواج و ده شئ واقع محدش يقدر ينكر و ظاهره بتتضح معالمها اكتر و اكتر فى الايام الغبرة اللى احنا عايشينها

[justtrying]

انا احب اقول حاجه للأخوات

البنت أو الاخت الي تحط في دماغها المقارنة بينها وبين الراجل هتتعب قوي .. لأنها في الأول والآخر ما راح توصل لنتيجة تغير بها الواقع من أصله هذه من ناحية .. ومن ناحية أخرى القضية محسومة بنص القرآن "وليس الذكر كالأنثى" وقد أطلقت على العموم دون تحديد .. فالرجل مختلف عن المرأة في امور كثيرة جدا جدا وكل له دوره في الحياه وكلاهما يحتاج الاخر بالطبع

وسلامو عليكو

[جويرية]

هو دا اللى انا اقصده

ليه المجتمع بيعامل المرأة بهذه الطريقة

عشان الراجل هوه اللي بيختار مش الست ، هوه اللي بيتقدم للجواز يعني

يعني ناس جايلهم عريس كويس لبنتهم مهما كان سنه حيقولوله لأ مفروض تتقدم لواحدة سنها اكبر من بنتنا

وبعدين يا هوبة احتمالات الأنجاب بتقل للمرأة بعد سن 30

[~Heba~]

وبعدين يا هوبة احتمالات الأنجاب بتقل للمرأة بعد سن 30

هو انا قلت حاجة

بعد ال35 مش ال 30 و ده الاصح انا كنت علمى علوم يا جويرية :lol:

[somebody]

انا متفقة تماما معاكي يا بشمهندسة

المجتمع بيظلم البنت في الحكاية دي وبيعتبرها هي السبب

وممكن زي ما الاستاذ س س بيقول أهلها يلجاوا للسحر والكلام الفارغ ده

الموضوع فعلا مهم وبيمس العقيدة

لكن احنا عملنا مقاييس دنيوية بعقولنا البشرية للموضوع احنا عايشين ف الدنيا لكن مش يمكن الموضوع ده يكون درجات ليها في الجنة!!!!!!!!!!! إن شاء الله .

__________________________________________________________________________

عجبا لحال المؤمن حاله كله خير إن أصابه خير شكر فكان خيرا له وإن أصابه شر صبر فكان خيرا له

_________________________________________________________________________

تم تعديل 13 يونيو 2008 بواسطة somebody

[somebody]

:happy: :lol: wst:: wst::

تم تعديل 12 يونيو 2008 بواسطة somebody

[حلواني]

ما قولت من الاول ماينفعش نحط الراجل والست في كفتي الميزان

والموضوع نهايته في كلمتين

الراجل ليه مش بيعنس لان الراجل اللي عايزيتجوز وباي امكانات يملكها بيروح يتقدم للي

شايفها مناسبه من وجهه نظره محصلش

نصيب يروح للثانيه والثالثه ................................. والسبعين لحد ماواحده توافق

عليه مهما كان مستواه المادي والاجتماعي والاخلاقي مهما كان سنه لانه هو من يكررالمحاولات

اما البنت لا بتنتظر من يطرق بابها وعلشان كدا الفرص مش متساويه

لو كان المجتمع بيسمح للبنت انها تطلب الزواج من الرجل وتتقدم له وتعرض عليه الزواج

(( ودا شرعي علي ما اعتقد )) عن طريق ولي الامر طبعا كانت الفرص ها تكون

متساويه الي حد كبير

لكن للاسف كبرياء البنت وولي امرها ونظرة المجتمع لا تسمح بذلك وعلشان كدا تظهر

العنوسه عند المرأه فقط

تحياتي للجميع

تم تعديل 12 يونيو 2008 بواسطة حلواني

[قائد المدفعيه الهولنديه]

"وليس الذكر كالأنثى"

الاخ الفاضل انهى النقاش بالأيه الكريمه

[قائد المدفعيه الهولنديه]

اشاره الى جمله الاخت الفاضله ( عشان الراجل هوه اللي بيختار مش الست ، هوه اللي بيتقدم للجواز ) ده فى تكريم لمكانه المرأه من وجهه نظرى ان الراجل بيروح لحد عندها و هى ترفض او تقبل

[جويرية]

اشاره الى جمله الاخت الفاضله ( عشان الراجل هوه اللي بيختار مش الست ، هوه اللي بيتقدم للجواز ) ده فى تكريم لمكانه المرأه من وجهه نظرى ان الراجل بيروح لحد عندها و هى ترفض او تقبل

ما هوه صح كدة أنا مش معترضة علي الكلام ده

[لولا]

انا معاك يا هبه ان فى مكيالين فى الموضوع ده وان البنت بتتظلم

كتير. وده طبعا نتيجة أفكار ومعتقدات الواحد نشأ وكبر عليها

بتشوف الراجل ديما بعين غير اللى بتشوف بيها البنت.

لكن برضة ياهبه يا حببتى منقدرش ننكر ان المجتمع حاليا

مبقتش نظرته للبنت اللى دخلت التلاتين من غير جواز

زى زمان بقى فى تفهم اكتر من المجتمع لظروف الحياه

اللى بتأخر الطرفين فى الإرتباط. طبعا التغير فى النظره دى مش

كلى لكن انا بقول جزئي.

الحاجة التانيه اللى بتساعد فى النظره السلبيه للبنت اللى اتأخرت

فى الجواز هو العمر البيولجى للست فى موضوع الخلفة .. يعنى البنت

بتكون فى أكتر سنوات خصوبتها للحمل فى العشرينات وبعدين يبدأ العد

العكسي ببطء فى التلاتين لحد ما يضعف ويبقى خطر فى الأربعين.

وده طبعا مبيحصلش مع الراجل عشان كده بياخد علامات أكتر

فى تقييم التقديم لطلب الزواج :lol:

وهو نفس السبب اللى يخلى الراجل مهما اتأخر فى الجواز يقرر

فى الأخر يتجوز وحده صغيره عنه بكتير تلحق تجبله 3 او 4 عيال.

واهو بالمره يجدد شبابه :lol:

[~Heba~]

انا معاك يا هبه ان فى مكيالين فى الموضوع ده وان البنت بتتظلم

كتير. وده طبعا نتيجة أفكار ومعتقدات الواحد نشأ وكبر عليها

بتشوف الراجل ديما بعين غير اللى بتشوف بيها البنت.

لكن برضة ياهبه يا حببتى منقدرش ننكر ان المجتمع حاليا

مبقتش نظرته للبنت اللى دخلت التلاتين من غير جواز

زى زمان بقى فى تفهم اكتر من المجتمع لظروف الحياه

اللى بتأخر الطرفين فى الإرتباط. طبعا التغير فى النظره دى مش

كلى لكن انا بقول جزئي.

الحاجة التانيه اللى بتساعد فى النظره السلبيه للبنت اللى اتأخرت

فى الجواز هو العمر البيولجى للست فى موضوع الخلفة .. يعنى البنت

بتكون فى أكتر سنوات خصوبتها للحمل فى العشرينات وبعدين يبدأ العد

العكسي ببطء فى التلاتين لحد ما يضعف ويبقى خطر فى الأربعين.

وده طبعا مبيحصلش مع الراجل عشان كده بياخد علامات أكتر

فى تقييم التقديم لطلب الزواج :closedeyes:

وهو نفس السبب اللى يخلى الراجل مهما اتأخر فى الجواز يقرر

فى الأخر يتجوز وحده صغيره عنه بكتير تلحق تجبله 3 او 4 عيال.

واهو بالمره يجدد شبابه smk:

العزيزة لولا كلام صحيح جدا

وده مش بس بيحصل عندنا فى بلادنا العربية و فى الغرب كمان الستات يصيبهم القلق ده

قال ايه انا بكبر فى السن و بعد الـ 35 مش هقدر اخلف

عشان كدة الطب اكتشف لهم طرق جديدة لتجميد البويضات عشان لما تحب تتجوز و تخلف (او من غير جواز اصلا :rolleyes: ) و لو حتى كان عمرها خمسين سنة

تم تعديل 5 مايو 2009 بواسطة ~Heba~

[لولا]

انا معاك يا هبه ان فى مكيالين فى الموضوع ده وان البنت بتتظلم

كتير. وده طبعا نتيجة أفكار ومعتقدات الواحد نشأ وكبر عليها

بتشوف الراجل ديما بعين غير اللى بتشوف بيها البنت.

لكن برضة ياهبه يا حببتى منقدرش ننكر ان المجتمع حاليا

مبقتش نظرته للبنت اللى دخلت التلاتين من غير جواز

زى زمان بقى فى تفهم اكتر من المجتمع لظروف الحياه

اللى بتأخر الطرفين فى الإرتباط. طبعا التغير فى النظره دى مش

كلى لكن انا بقول جزئي.

الحاجة التانيه اللى بتساعد فى النظره السلبيه للبنت اللى اتأخرت

فى الجواز هو العمر البيولجى للست فى موضوع الخلفة .. يعنى البنت

بتكون فى أكتر سنوات خصوبتها للحمل فى العشرينات وبعدين يبدأ العد

العكسي ببطء فى التلاتين لحد ما يضعف ويبقى خطر فى الأربعين.

وده طبعا مبيحصلش مع الراجل عشان كده بياخد علامات أكتر

فى تقييم التقديم لطلب الزواج :closedeyes:

وهو نفس السبب اللى يخلى الراجل مهما اتأخر فى الجواز يقرر

فى الأخر يتجوز وحده صغيره عنه بكتير تلحق تجبله 3 او 4 عيال.

واهو بالمره يجدد شبابه smk:

العزيزة لولا كلام صحيح جدا

وده مش بس بيحصل عندنا فى بلادنا العربية و فى الغرب كمان الستات يصيبهم القلق ده

قال ايه انا بكبر فى السن و بعد الـ 35 مش هقدر اخلف

عشان كدة الطب اكتشف لهم طرق جديدة لتجميد البويضات عشان لما تحب تتجوز و تخلف (او من غير جواز اصلا :rolleyes: ) و لو حتى كان عمرها خمسين سنة

تعرفى يا هبه بقالى حوالى سنه متابعه موضوعه الخلفه اللى ظهرت فجأة كده فى الغرب على سن الأربعين من نيكول كيدمان وهالى بارى وسلمى حايك

اللى مكنش عندهم وقت للخلفه قبل كده وكنت بفكر ينفع احنا نعمل زيهم ؟؟ سواء بمزاجنا او بظروف قهريه ..

لقيت حاجه تانيه نطت لدماغى طب التربيه ؟؟!!

المسأله مش مجرد خلفه لكن فرق الأجيال بيسبب فجوه مستقبليه فى التعامل بين الطفل والوالدين يمكن خصوصا فى مجتمعاتنا العربيه .

عموما كنت قريت موضوعك عن الجواز المبكر الحقيقه بشجع الجواز عموما لأى طرفين يكون عندهم نضج نفسي وفكرى يؤهل لتحمل المسؤوليه .

وشايفه ان سن الجواز المناسب للبنت فى الزمن ده فى مجتمع مدنى متحضر تتعلم فيه المرأة وقد يكون مطلوب منها حتى العمل لتساعد فى ظروف الحياه يبدأ من واحد وعشرين سنه يمكن والظروف بتختلف فى المناطق الريفيه طبعا وممكن السن يكون من 18 سنه ..

تعرفى كنت بتفرج على حلقه قديمه من مسلسل "فريندز " لقيت الحلقه اللى كان فيها عيد ميلاد "ريتشيل " التلاتين وكانت بتقول انها خلاص

فى خلال الخمس السنين الجايه لازم تلحق تتجوز وتخلف ..

يعنى البنت بتفضل مشغوله بالحاجه دى مهما كانت البيئه والمجتمع شرقى او غربى ..

الإحساس بالإستقرار والأمومه هو حاجه انثويه غريزيه وهى فعلا غالبا ليها سن معين يفضل انها تكون فى حدوده وبعدها بيكون الوقت متأخر .

لولا

[doudy]

السلام عليكم

فعلايا هبه البنت فى مجنمعنا مظلومة بس دى طبيعتها اللى ربنا خلقها عليها ان ليها وقت معين

للانجاب زى ما تفضلوا و قالوا س س و لولا فى الردود السابقة

بس افرحك شوية ان فعلا الراجل مش بيتقال عليه عانس بس بيتقال عليه يا عينى :rolleyes:

انه فاته قطر الجواز يعنى اتاخر فى الجواز او العمر فات بيه و ما تجوزش خالص

اهه شوية انتصار :closedeyes: للمراة حلوين مش و حشين

دودى

[eng ahmed]

اولا السلام عليكم

بصراحة موضوع ان البنت مظلومة ده كلام غلط وموضوع غلط جداااااااااااااااااااااا

جدااااااااا

البنت دلوقتى بتاخد حقها اكتر ما بنات اوربا والعرب بتاخد حقها واوعا الصوت العالى والتحكم وعشان هى بنت وبالذات كانت مديرة تطلع عقادها على الناس وتجى تقولها جواز والموضوع مهم تقواليك طبعا ده بعيد عن جواها (انا مش بفكر فى الجواز انا المهم ستقبلى )ههههههههههه مش فاهم مستقبل ايه الذكيه ده يعنى مثلا اوربا الراجل ومراته يروحوا مطعم كل واحد يدفع لنفسه وكذاليك تكاليف البيت والمعيشة والحياة وكاه يعنى لكن فى مصر عيب عليك لو طلعت اى وسيلة موصلات ولقيت جارة ليك ومدفعتيش الموضوع بسيط مش موضوع ماديات بس الست واخده حقها جدا فى مجتمعا المصرى جدا وقليل ويكاد يكون انقرض موضوع ان هى بقيت غلابنة وهفيه

لكن الا من رحم ربى

وموضوع العنوسة طتير لان احنا عندنا فى مصر فقر+جهل +مرض فعلا لكن تلاحظ اغلب العنوسة فى القاهرة وضواحيها لكن الارياف الجواز سريع

اى حاجة ونتجوز والواد تلاقيه عندها 20 سنة وعندها عيال والزوجة عندها يجى 18 سنة

لكن القاهرة هات لينا

وجيب ولازم يدفع ده قلبه امال هى رخيصة ولازم ولازم ولازم والحياة تبقا سودة فالشباب كارها الحوار من قبل ما يبدا

اساسا

[عبير يونس]

يا جماعة اسمحوا لي أشارك معاكم في التوبيك المهم ده

و لو اني مش متابعاه من أوله

لكن اسمحو لي اقوللكم ان الجواز اولا و أخيرا قسمة و نصيب

و الخلفة كمان قسمة و نصيب

و ياما ناس اتجوزوا بدري و قعدوا سنين طويلة لحد ما ربنا رزقهم بأولاد

و في كتير اتجوزوا بدري و لم يرزقوا بأولاد من أصله

و في ناس اتجوزوا كبار و ربنا رزقهم بتلاتة اربعة ورا بعض

يعني الحكاية ان كله بأمره عز و جل

و كل شيء بأوان

و نظرة المجتمع دايما محبطة

يعني من أول م البنت تكبر شوية يبتدوا يسألوا ماجالهاش خطاب؟؟

و اذا اتجوزت ... يسألوا : لسه مفيش حاجة جاية في السكة؟؟

و اذا خلفت بنت... يقولوا يا عيني يا ختي ربنا يرزقك بالولد

و اذا خلفت ولد ... يقولوا ربنا يديك بنت تفرحي بيها و تساعدك لما تكبري

و اذا خلفت الاتنين... يقولوا لها كفاية كده

و اذا حملت تاني يقعدوا يأنبوها

و اذا ما حملتش يقعدوا يزنوا عليها تحمل

و بعدين يبدأو يسألوا عن الدراسة و الشطارة و الخيابة

و بعدين يبتدوا الولاد يكبروا

و يرجع السؤال تاني

ها لسه ما جاش خطاب؟؟

يعني اذا البنت اتجوزت تخش في دوامة ما تطلعش منها

و اذا لا قدر الله اتطلقت يشنعوا عليها انها ما تنطاقش و نكدية و ما تنفعش في المعايش

و اذا ترملت يطلعوا عليها انها وش نحس

يعني مفيش فايدة

الناس ما بتسكتش في أي حال

ده بالنسبة لنظرة المجتمع اللي المفروض انها بتقتل البنت اللي اتأخرت في الجواز

الدنيا كلها تعب و الحمد لله

لا اللي اتجوزت مرتاحة و لا اللي ما تجوزتش مرتاحة

و كل حاجة لها سلبياتها و ايجابياتها

المهم الواحد يكون مع ربنا و يرضى بالنصيب المكتوب من رب العالمين

تم تعديل 14 مايو 2009 بواسطة مصرية متغربة

[سهل جدا]

ازدواجية معايير وكيل بمكيالين و الرجل ميعيبوش سنه

و مهما كبر فى السن بدون زواج بتظل الفرصة فى الاختيار هى نفسها

بالله مش حاجة تفقع المرارة

في العصور الماضية ما كانش في حاجة اسمها عنوسة

دا أصلا ما كانش في بنت بتعدي العشرين إلا وهي متجوزة ومخلفة كمان ..

ولو امرأة طٌلِّقت أو ترملت , بمجرد انتهاء العدة يتوافد عليها العرسان ثم تتزوج

عارفين ليه ؟؟!!

لأنه كان متأصل في ثقافة المجتمع إن الطبيعي إن الراجل يتزوج أكثر من زوجة

فالبتالي كان الطلب على النساء كثيرا

وبالتالي مش هايبقى في حاجة اسمها عنوسة

وبالتالي كل النساء سينعمن بزوج

وعشان كده أنا دائما بقول: إن انتشار التعدد بيكون في صالح المرأة أكثر بكثيييييييييير من الرجل

((يووووووووووووووه .. أنت تاني يا عم سهل)) :blink:

[~Heba~]

الإحساس بالإستقرار والأمومه هو حاجه انثويه غريزيه وهى فعلا غالبا ليها سن معين يفضل انها تكون فى حدوده وبعدها بيكون الوقت متأخر .

هو كدة بالضبط يا لولا

يعنى هى حاجة غريزية ليس لان الرجل حيطة و بدونه المرأة مش لاقية سند....هذا الرجل المغرور يعتقد ان كل شئ فى حياة المراةيتمحور حوله :blink:

بس افرحك شوية ان فعلا الراجل مش بيتقال عليه عانس بس بيتقال عليه يا عينى :D

انه فاته قطر الجواز يعنى اتاخر فى الجواز او العمر فات بيه و ما تجوزش خالص

اهه شوية انتصار :blink: للمراة حلوين مش و حشين

و الله دودى هيقولوا هو اتأخر فى الجواز لانه كان بيكون نفسه و الأحوال الأقتصادية مش مساعداه

او لانه كان بيصرف على عائلته و اخوته و لم يفكر فى نفسه كثيرا

الى آخر الأعذار التى يمكن يلتمسها له المجتمع

وممكن هو يقطع عليهم الطريق و يقول انا اتأخرت فى الزواج بمزاجى :P

برضوا هيعذروه