حاكم ومحكوم..

[بنت شعنونة]

شاهدت اليوم حلقة عن عقوق الوالدين في برنامج قبل ان تحاسبوا

والصراحا كانت حلقه غم من الدرجة الأولى يعني :(

كلنا طبعا بنحب اهالينا ونوقرهم ونحترمهم

بس العلاقة من جيل لجيل اتغيرت

يعني الجيل القديم ما يقدرش يناقش ولا ختى يتكلم مع الاباء

جيلنا احنا ممكن توصل لدرجة قفل الباب في وشهم او حتى زقهم باليد وغيره وغيره

ماهي حدود التعامل مع الأهل؟ وماهي حدود التعامل مع الأبناء؟

يعني فرضا

اب بيشتغل في الخليج لمدة 15 سنة شاف اولاده منهم بمعدل اسبوعين كل سنة

هل هذا الاب يطلب الولاء من اولاده كمان لو كان عايش معاهم طول السنين دي لكن حالتهم المادية اقل؟؟

اب بيتعامل مع اولاده ببخل او بشده هل يطلب نفس ولاء الأب المتفاهم؟

وماهوا موقف الأبناء في كل الحالات دي

بين ما هوا مفروض "دينيا" و "اجتماعيا"؟؟

اسئلة دوشة؟ :? :? :roll: :roll:

[بنت شعنونة]

[Salwa]

شانا حبيبتى.

اخيرا ....أنا هنا تانى.

شوفى ياشانا ده موضوع..معقد...وبسيط.

ازاى؟

أولا .....لو اتكلمنا عن العلاقه بين ألآباء وألأبناء...عموما.

نقول انه لازم لازم يكون فيه....مودة واحترام.

الأب يرشد ابنه ويوجهه....مش يحكمه ويذله ويتحكم فيه كأنه متاع ورثه لألألألأ.

أنا طبعا مشفتش،،ولابشوف،،البرامج اللى بتقولى عليها ...بس بقول

رأيى فقط.

حكاية أن زمان كان الأبناء يحترموا آبائهم أكتر...فيها جزء من الصح.

لأن حتى الآن الأبناء تحترم الآباء....لكن الآن فيه حرية أكثر تجعل الأب

يصاحب ابنه....وان كبر ابنك خاويه...

لو الأب متدين وبالتالى الأبن متدين حاتبقى العلاقه قائمة على المودة

والرحمة والاحترام والتبجيل....الأب حايبقى قدوة...والأبن لن يبحث عن

الحنان والاهتمام خارج المنزل.

الوضوح والثقة بالنفس....لو الأبن واضح مع اهله...ممكن يعرفوا هو

مصاحب مين؟ ولو صديق سوء...يحذروه منه ...قصدى مش كل واحد

عايش فى عالم منفصل عن التانى.

ثم ميكونش الأب بيشرب مكيفات.......ويقول لأبنه ابعد عن المكيفات

طيب ازاى؟

نفس الشئ لو الأب بيكذب أو ينصب....ويقول لولاده متعملوش كدة؟

حكاية الأب المسافر ويشوف ولاده شهر فى السنة؟

دى من أكبر مصائب مصر.

دى كارثة بمعنى الكلمة....

دى ألعن من الزلزال.....أنا مش عارفة اقول ايه؟

فيه مركب تمشى فى البحر بلا ربان؟

النتيجة مرعبة...........حتى لو الأولاد سلموا...ولم ينحرفوا.

بيبقوا مرضى نفسيا.

شوفى...رأيى الشخصى...أن الزوجة يجب أن تصاحب زوجها فى سفره ...ولو كان عندهم اولاد يتربوا بينهما...ابن يتربى بعيد عن ابوه

اما يكون مدلل أو معقد أو انانى...الأب يعوض البعاد...يغرق ابنه بالمال

الأبن ينحرف....ولو الأب بخيل..الأبن يكره حتى نفسه.

الأم وحدها......صعب تربى ....الا فى حالات شاذة.

لابد من وجود الأب ..أو ولى الأمر الصارم بعض الشئ....هذا صحى.

وعلى فكرة لما تلاقى ابن منحرف....يقولك منهم لله اهلى محدش

كان فاضى لى.

كفايه كدة.

سلامى.

[crossfield]

شوفى يا شعنونة :المفروض دينياً أو اجتماعياً مش هتفرق ؛

رضا الوالدين من رضا ربنا علينا مهما كانوا يبقى الأب بخيل يبقى مش متفاهم يبقىحتى خامورجى المفروض ان ليهم علينا الطاعة فيما لا بغضب ربنا طبعاً . أحياناً بيبقى صعب شوية حكاية ان الواحد يفضل طول الوقت مطيع و مؤدب لكن لما العكس يحصل لازم يكون فى حدود الأدب برضو. مثلاً الواحد ياخد جنب ؛ يمتنع عن التصويت و طبعاً همه بيفهموا ان دى طريقة احتجاج :cry: