daktara بتاريخ: 18 أبريل 2003 تقديم بلاغ مشاركة بتاريخ: 18 أبريل 2003 الطبيعى : كل واحد له دماغ شايلُه قفا والغريبه يبقى واحد له قفا بس وكفى م النهايه .... القفا المصرى حكايه عندنا هوّ البديل .. للدماغ اللى اختفى ***** فى بلادنا علّمونا ... إن فى ضرب القفا التسامح والمرونه .. والقناعه والشفا البدايه: نكته طلعت ع الصعايده جت بفايده والنهايه: كلُّه ماشى موطّى من غير فلسفه ******* القفا درجات وأنواع تختلف بيها المكانه فيه قفا شامخ ما يخضعش لمذله أو اهانه برضو فيه منه المحدب والمقعر والجرودى فيه وموجود المشعّر فيه مطيول فيه مربع .. والمسلطح ده قفانا ****** فيه قفا لو تلزقه .. صاحبه يستحمل شويه وبمرور الوقت ييجى يبتسم عاوز التحيه واما يبقى لوحده يهرى.. واما ييجى الصبح يجرى يبرزه ويجهزه للسلامات اللى جايّه ****** والقفا الشامخ ساعات هادى وساعات صاحبه يستهبل وييجى من سكات يلزقك واحد بإيده المفتريه تلعن الدنيا وتتمنى الممات ****** والقفا الواطى المِطاطى صاحبه يبدو إنضباطى بس لو جت فرصه يركب ريّسُه ويبقى انحطاطى ******* وفيه مناصب قفائيه بتبقى منحه من السلطان أصحابها كتاكيت حكوميه وأسود على الشعب الغلبان بتتلزق تشحن وتخر كلام حِكم يِفرِح ويسُر وتصريحاتها اليوميه بتوجيهات عين الأعيان ***** صدّام قفا .. وفلان قفا وعلاّن قفا لكن قفا من نوع فريد ملهوش شفا جاب اليهود والانجليز والامريكان وعمل معاهم عقد بيع ثم اختفى ****** أوعى لقفاك يا مصرى من إيد ده وده صلّح يا مصرى كل حاجه إلاّ ده إتحمّل الجوع والغلا واصبر على كل البلا خلّى كرامتك فى السما والدم مالى الأورده إنّ القلوب إذا هوت أوراقها فالمال لا يحيى ربيعاً ذهبا رابط هذا التعليق شارك المزيد من خيارات المشاركة
achnaton بتاريخ: 19 أبريل 2003 تقديم بلاغ مشاركة بتاريخ: 19 أبريل 2003 ياحلاوتك يا دكتره فى اول الطابور واحنا ورا بارك لك الله مدرسةوالله اخناتون المنيا كلمات حق وصيحة فى واد .. إن ذهبت اليوم مع الريح ، فقد تذهب غدا بالأوتاد .. ليس كل من مسك المزمار زمار .. وليس كل من يستمع لتصريحات الحكومة الوردية ..حمار ويا خسارة يامصر .. بأحبك حب يعصر القلب عصر رابط هذا التعليق شارك المزيد من خيارات المشاركة
ragab2 بتاريخ: 19 أبريل 2003 تقديم بلاغ مشاركة بتاريخ: 19 أبريل 2003 حلوة يادكترة وعلى رأيك ظلمنا القفا والكل غنا للعيون والشعر الحرير ماعدا القفا الله ينور مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
crossfield بتاريخ: 19 أبريل 2003 تقديم بلاغ مشاركة بتاريخ: 19 أبريل 2003 حلوةيادكترة وعلى رأيك ظلمنا القفا والكل غنا للعيون والشعر الحرير ماعدا القفا الله ينور كانت على لسانى و الله يا دكتور رجب؛عمرك أطول من عمرى :cry: هايييييلة يا دكترة ؛ استمر. أنا كنت شىء وصبحت شىء ثم شىء شوف ربنا .. قادر على كل شىء هز الشجر شواشيه ووشوشنى قال : لابد ما يموت شىء عشان يحيا شىء عجبى !! رابط هذا التعليق شارك المزيد من خيارات المشاركة
elbana بتاريخ: 19 أبريل 2003 تقديم بلاغ مشاركة بتاريخ: 19 أبريل 2003 الله يا دكترة ع الكلام الموزون وله معنى بس التحذير متأخر قوي يا دكترة ، أظن قفانا أستبيح من زمان رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان