انت ممكن ترجع مصر تانى؟

[ايهاب سالم]

الحمد لله ولادى معايا وقاعدين فى قطر وطبعاً احب أمسى على الأخ ايهاب سالم اللى كان فى قطر

مساء الفل و النبي تبوس لي قطر من هنا و من هنا

كانت أيام حلوه و عيشه جميله و صحبه أجمل

اشتغلت فيها فترة وكان فى أماكن اكثر من محترمة حتى الناس فى مصر كانوا بيلومونى عايز تمشى وتسيب مصر ليه ما انت عايش كويس وفى وظيفة محترمة كمان فى مصر

نفس اللي حصل معايا

كنت شغال كويس و مرتب محترم لكن أنا كنت مش طايق العيشه نفسها

عشان تعمل أبسط حاجه لازم تعاني

فى الإمارات وقطر عايشين بس وخدينلى بالكوم من بس دى يعنى هنا هاتعيش حياة كريمة وتدخل ولادك مدارس محترمة أشى بريطاني على أمريكاني وادفع يا معلم وطبعاً شغل كروت الإئتمان والقروض شغالة على ودنه هاتيجى تقول ايه اللى جابرك اسأل نفس السؤؤال لكل اللى فى قطر وكل اللى الإمارات هايقولولك احنا هنا عايشين عيشة مشم ممكن نعيشها فى مصر يعنى أنا رأى الشخصى أنا هنا عايش عيشة حلوة وباكل كويس ولادى بيتعلموا كويس (ومسألة بيتعلموا كويس هبقى اقولكم على قصتها بعدين) وبنتعامل بأدمية ومش بنحوش فلوس وفى مصر مش هانعيش عيشة حلوة ممكن ناكل كويس وممكن ولادى يتعلموا كويس لكن الأكيد المعاملة مش هاتكون أدمية وبرضه مش هانحوش فلوس

مظبوط

أنا أعرف ناس بعد غلاء الأسعار بصوره كبيره في قطر في أخر ثلاث سنوات بيصرفوا من مدخراتهم القديمه لكن برضوا مش عايزين يرجعوا مصر لأنهم مش هيعرفوا يعيشوا فيها مستريحين زي عيشتهم حاليا

على فكرة انا ولادى لسه نازلين من يوم الثلاث اللى فات وتصدقوا فى مصر حاسين بزهق وعاوزين يرجعوا

طبيعي جدا

تم تعديل 13 يونيو 2008 بواسطة ايهاب سالم

[osmel33]

الاخ اسامة

انا ايضا محلل نظم وكنت شغال فى مصر فى مكان كويس الحمد الله

والان شغال فى السعودية

وفى حوار اخر كان ليا رد على الاخ ايهاب سالم

http://www.egyptiantalks.org/invb/index.ph...mp;#entry367562

اعتقد انه ايضا ممكن يكون رد عليك فى موضوع الهجرة

============================================

ممكن نطبق المبدا دة فى فترة من حياة الانسان وليس كل الحياة بمعنى ان ممكن تطبق هذا لبعض السنوات وليس كل السنوات

وانا مع السفر والاختلاط بالعالم والحضارات المختلفة

لان لو كل واحد فكر بنفس الطريقة يبقى كلنا ننسى البلد ونشوف بلد تانى

مش عايزك تاخد الكلام بصفة شخصية بس واجب على كل واحد الاصلاح فى البلد( بما يقدر)

انا معاك انك مش ممكن تقدر وانت فى مقتبل حياتك لكن بعد كدة انت تقدر يعنى ممكن تفتح بيوت ناس بمشروع صغير

يا جماعة فى ناس ماتت فى حروب عشان بس نعيش فى البلد مش لازم تكون الشوارع مرصوفة بس الناس ماتت عشان تعيش على الاقل فى ارض بسلام وعليك انت ترصف الشارع

طبعا بدون لا ضرر ولا ضرار

طيب بلاش هو يا جماعة لو حصل فى مصر حرب والبلد طلبت الشباب عشان الحرب هل هنقول الحكومة وحشة واحنا مش هنحارب معاة

ولا نبعت شوية فلوس ونقول عملنا الى علينا

اصلح نفسك وابنى نفسك بس متنساش حق البلد عليك فى اصلاحها

اخوناالجميل ataamer مش عارف أقولك ايه بس الكلام ده انا ظبط نفسى بقوله من حوالى عشر سنين وبنفس الحماسة دى بس للأسف لقيت الكلام ده مردود عليه بص يا سيدي

أولاً مسألة الهجرة والعيشة فى بلد تانى هو انت تفتكر اللى بيفكر فى هجرة يبقى عايز يرجع تاني بعد ما تجيله الفرصة ويهاجر؟؟؟ أولاً بمناسبة الهجرة السعيدة دى انا سافرت أمريكا من حوالي 10 سنين واشتغلت فترة بس رجعت علشان ولادى وبعدين لما سافرت الخليج ابتديت دلوقت ارجع تانى ادور على حلم الهجرة ومقدم على اليانصيب الأمريكى أنا وزوجتى وولادى تقدر تقولى انت ليه ؟ يبقى كلامك على مسألة نشوف بلد تانى بيحصل أهوه يبقى الناس لما بتفكر فى هجرة يبقى بتدور على بلد تانى

ثانياً مسألة الإصلاح فى البلد أنا قدرى الجميل انى لما اشتغلت فى المعونة الأمريكية فى مصر خلتنى اشوف البلد بمنظور تانى يعنى كان سهل على اقابل اى مسئول بخصوص أحد المشاريع اللى تخص وزارته أو هيئته والتى نعمل على تطويرها وشوفت بقه يا سيدى خير اللهم اجعله خير التهليب والسرقة على أصولها ولما حاولت اتدخل يا جميل اتوقفلى راتبى اللى مش باخده من الحكومة اتوقف من المعونة لمدة شهرين شوفت جبروت أكتر من كده حتى الأماكن اللى المفروض مش تبع الحكومة الكبار بيعرفوا يوصلوا فيها

ثالثاً مسألة الموت والحروب أنا شايف أنك قلبتها دراما قوى بس بص مسألة الحروب دى فيها تفصيل تقصد حرب علشان بلد وكلام سياسى عبيط من نوع حدود ومشاكل من دى أكاد أجزم أنها منتهية للناس اللى هاجرت لأنها خلاص سابت البلد فمش هايهمها كتير انها ترجع علشانا تدافع عن أرض ودا طبعاً يتأكد لو ماكنش ليهم أسرة قريبة فى مصر أقصد أب وأم وأخوات يعنى الموضوع مش موضوع حكومة وحشة الموضوع مش هايرجعوا حكومة وحشة حكومة حلوة (صعبة قوى مسألة حكومة حلوة دى) أما لو كنت بتتكلم عن حرب للدفاع عن دين فممكن أقولك أن برضه ناس كتير مش هاترجع "إلا من رحم ربي" وللأسف الحروب علشان الدين موجودة بس فى صور غير الحروب الحقيقية زى حرب الدفاع عن حبيبنا محمد عليه أفضل الصلات والسلام واهو بنحاول نعمل على قد ما بنقدر

تعلالى بقى يا جميل فى حكاية مشروع صغير خد المفاجأة دى أنا كنت فتحت فعلاً مشروع فى مصر ومش مشروع صغير مشروع معقول وكنت مدعم من جمعية البرمجيات فى مصر ومافيش داعي أحكيلك طبعاً انا كنت فى نفس الوقت باشتغل فى المعونة وكانت أول ما بتديت أنخرب فتحوا كل العيون علينا فى مشاريعنا الخاصة ومش هاقولك على الحصل

الخلاصة يا عزيزى وعلى فكرة كلمة جميل وعزيزى دى فعلاً طالعة من القلب لأنى فعلاً باحترم كل شخص يكون عنده اقتناع زيك كده ويدافع عنه، الخلاصة ان للأسف الشديد بلدنا بقت صعبة وكنت بس عايز أقولك وأنت أكيد عارف فى السعودية ان حتى قعادنا فى دول الخليج مش بأيدينا لأن ممكن وبمنتهى البساطة يفنشونا وساعتها يمكن نرجع مصر بس كل اللى فى دول الخليج أو الأغلبية منهم بالذات المصريين بيدوروا على سكة هجرة أو جنسية تانية زى ما أخونا إيهاب عمل لأن هنا الناس اللى بيقدروا يتحكموا هما أصحاب الجنسيات اللى مش عربية أمريكان كندين من بلاد الواق واق مش مهم أهم حاجة مش جنسية عربية وفيه ناس بتسافر تاخد جنسية وبترجع تانى الخليج واتفرج ساعتها على الرواتب والإمتيازات وأخيراً لله الأمر من قبل ومن بعد

[iloveegypt]

انا مع اخ متولى ياجماعة من الاخر اكتر من 90% من المغتربين مسافر ين علشان الفلوس سيبك من حكاية البلد وحشة والكلام ده لان هنا مثلا فى السعودية متقدرش ترفع صوتك على واحد سعودى والتعليم هنا فاشل والمستشفيات دكاترة فرز تالت لانه معروف هنا فى السعودية الدكتور الشاطر والميكانيكى الشاطر ميسبش بلده طبعا بنسبة 90% علشان الدكاترة ما يزعلوش هنا فى السعودية لو ممعكش سيار ة هيتخرب بيتك فى المواصلات حياة لافيها اجتماعيات ولافسح ولا غير ه الكفيل سيدك وانت العبد ولافيه حرية رأى ولا تقدر تكلم فى السياسة مصر اكثر تقدما بكتير ولو هاجرت بة مصر انسى تربية الاولاد تربية اسلامية ياجماعة من غير حلافان كلنا مغتربين علشان الفلوس وبس مش علشان العيشة الكريمة اوغيره يقدرحد فى الكويت يتخانق وع واحد كويتى واخير انت عارفين السعوديين والكويتيين نقول معظمهم بيبصوا للمصريين والاجانب ازاىوبلاش اكتر من كدة علشان محدش يزعل راجع مصر يعنى راجع ان شاء الله

[osmel33]

الأخوة الأفاضل اللى عايشين فى السعودية والكويت تحديداً جربوا تشوفوا شغل فى الإمارات ولا قطر وشوفوا مسألة الحياة الكريمة هاتفرق ولا مش هاتفرق ممكن اقولك انه فيه كفيل بس لو ربنا يسر لك الحال واشتغلت فى جهة حكومية أو شبه حكومية مش هاتحس بموضوع الكفيل تقريباً فى أغلب معاملاتك اللى كلها دلوقت بتم الكترونياً من غير مشاكل ، أما مسألة انك مسافر وان كلنا مسافرين علشان الفلوس طب هاقولوكم على حاجة احنا عايشين هنا فى قطر ورواتبنا كويسة وفى حكومة وبالكاد بنكمل الشهر (مصاريف مدارس، لوازم بيت، اقساط) يبقى ايه اللى جابرنا وخاصة ان واحد زى حالاتى واحمد الله على نعمه الكثيرة على كنت فى عمل مرموق فى مصر وجهة اجنبية تقدر بقى تقنعنى انا سبت البلد ازاى علشان الفلوس، معلش الجماعة فى السعودية وممكن الكويت انا عارف انهم بيعانوا بس حاولوا تشوفوا بلاد تانية خليجية وفى وظائف أفضل ، وأخيرا ربنا ييسر لنا ولكم الحال

[ELSHAMY]

انا مع اخ متولى ياجماعة من الاخر اكتر من 90% من المغتربين مسافر ين علشان الفلوس سيبك من حكاية البلد وحشة والكلام ده لان هنا مثلا فى السعودية متقدرش ترفع صوتك على واحد سعودى والتعليم هنا فاشل والمستشفيات دكاترة فرز تالت لانه معروف هنا فى السعودية الدكتور الشاطر والميكانيكى الشاطر ميسبش بلده طبعا بنسبة 90% علشان الدكاترة ما يزعلوش هنا فى السعودية لو ممعكش سيار ة هيتخرب بيتك فى المواصلات حياة لافيها اجتماعيات ولافسح ولا غير ه الكفيل سيدك وانت العبد ولافيه حرية رأى ولا تقدر تكلم فى السياسة مصر اكثر تقدما بكتير ولو هاجرت بة مصر انسى تربية الاولاد تربية اسلامية ياجماعة من غير حلافان كلنا مغتربين علشان الفلوس وبس مش علشان العيشة الكريمة اوغيره يقدرحد فى الكويت يتخانق وع واحد كويتى واخير انت عارفين السعوديين والكويتيين نقول معظمهم بيبصوا للمصريين والاجانب ازاىوبلاش اكتر من كدة علشان محدش يزعل راجع مصر يعنى راجع ان شاء الله

الأخ المحترم

بالاصالة عن نفسى و بالنيابة عن أطباء مصر المغتربين اللى حضرتك و صفتهم بالفرز الثالث و قرنتهم بالميكانيكية الشاطرين (مع احترامى لكل المهن)......أنت مدين باعتذار للجميع....و أرجو من سيادتك أن ترتقى بلغة حوارك...

[iloveegypt]

طبعا ان اسف للجميع وللاطباء بس انا قلت 90 % وبردة يمكن خانتنى العبار ة واسف للجميع بس انا اقصد ان الرعاية الطبية هنا سيئة جدا ولم اخص الاطباء المصريين فهم من اكفأ الاطباء فى الخليج بس هناك اطباء من جنسيات اخرى وانت ادرى منى بمستواهم واكرر اسفى للجميع

[iloveegypt]

طبعا ان اسف للجميع وللاطباء بس انا قلت 90 % وبردة يمكن خانتنى العبار ة واسف للجميع بس انا اقصد ان الرعاية الطبية هنا سيئة جدا ولم اخص الاطباء المصريين فهم من اكفأ الاطباء فى الخليج بس هناك اطباء من جنسيات اخرى وانت ادرى منى بمستواهم واكرر اسفى للجميع

وبالمناسبة انا اختى وجوزها اطباء وفى السعودية بس هما وكل الاطباء المصريين على راسى

[م.سامح المصرى]

بصراحة انا قرفان من مصر طحن ومش طايق اشوف حاجه فيها .. بس اهلي ووالدي وولدتي واخويا واصحابي .. لكن الناس والحياه .. نيفر إيفر فوريفر :huh:

أستأذن حضرتك يا ريت من غير غلط فى البلد لان فى بنى أدمين عيين فيها وفى ناس بتحبها

لو حد مضايقك ما ينفعش حتى تشتمة

شىء مؤسف جدا انى اشوف ردود بالمنظر ده انا اترفع عن الرد على اى شىء منها .... أريد ان اقول مصر كبلد ربنا كرمنا بحاجات كتير مش عند اى حد فى الدنيا لا فى الكويت ولا قطر و السعوديه و لا اى مكان فى الدنيا موقع جميل على الخريطه بحرين اجمل من بعض نهر النيل العظيم التربه الخصبه هى دى بلدنا لكن احنا بقى عملنا ايه للارض دى( شوهناها و سرقناها و بهدلناها )اذن العيب فينا مش فى مصر .... احنا شعب نصفنا سلبى و الباقى حراميه .... اللى ملوش خير فى اصله يبقى معندوش اصل.... قوم اقف قدام المرايه و حاسب نفسك و شوف انت نفعت البلد دى بأيه؟

أرفع لك القبعة يا قائد المدفعية

وربنا يكتر من امثالك فعلا مصر فى الوقت الحالى دا محتاجة لرجالة زيك

وما تتعبش نفسك ادا كانت حصلت هوجة ابل كدة من الناس الى حضرتك مش قادر ترد عليهم

وكانت اية فأنت ما ترهقش نفسك خالص لانك هاتطلع من الموضوع عادى جدا لان مفيش حد هايقتنع برأيك

تعرف هما بيفكرونى بأية بواحد اعد فى بيت اهلة وصرفو عليه وكبر معاهم ولما كبر واهله حصل عندهم ظرف

وتعبوا شوية ما بقاش معاهم فلوس

سابوهم ورااحو بيت ناس تانية ولما راحو للناس التانية بقوا يقولو دول اهلنا معفنين وشحاتين وولاد ..........

فأنتا ريح نفسك .............. لانك هاتتعب جدا

دا اسمة حب النفس يكبر ويعيش فى مصر ويعيش من خيرها وفى الاخر بالشلوت

سيبك انتا صورة جريج ديفيد الى انتا حاطتها دى حلوة

الاستاذ الفاضل متولي

لكن لو نفس الموقف حصل معاك في مصر وضرب ابنك ابن ظابط شرطه

او ابن واحد مجرم بايع نفسة ومن بتوع البلطجه وانت راجل محترم

ها تعمل ايه يا بطل هاتعرف تاخد حقق من غير واسطه او ظهر يحميك ؟؟؟؟؟؟؟؟؟؟؟؟؟

يا استاذى الفاضل حلوانى

حضرتك الى بتجبر الى قدامك يحترمك او لاء

مثلا فى الغردقة وكل عارف شررطة الغردقة لما بتصطاد واحد بتعمل فية اية

ظابط مسكنى وحب يفردها عليا والله انا الى ظبتطةبالكلام

وزعقت مع الى كان معاه دا واحد كدة واهنته كمان

لدرجة انة قال لصاحب الشغل قول للدكتور ما يتخلقش علينا بعد كدة

لية لانى عارف حدودى اية وحدودة اية

ولازم الواحد يجبر الى قدامة على انهم يحترموة

[قائد المدفعيه الهولنديه]

الاخ متولى المحترم ...... فعلا يا ريت كل الناس زيك اللى انتى بتحكيه ده فى مكان فى الدنيا غير مصر حتى لو انجرحت فى مصر مش هتحس بمقدار الالم لما تنجرح نفس الجرح فى الغربه

فى سؤال بيطرح نفسه بشده لبعض الناس التى لم تعجبنى ردودهم لو حد سألك انت منين هترد تقول ايه ؟

و فرجنى بقى هتول ايه

[مونتى]

هاجر كندا

هاجر و عيشلك يومين و انت مبسوط بس صدقنى هيجى عليك يوم هتحس انك عايش فى بلد من غير روح ... الله يعينك

هنتكلم بصراحه و الا هنضحك على نفسنا و نقضيها شعارات

... يا راجل ده أنا لم أعرف طعم الحياه الحقيقيه التي يستحق أن يعيشها البشر إلا خارج مصر

و هو ما أفتقده عند كل زياره لمصر

اسف اخى العزيز

هذة مغالطه كبيرة فى حق مصر اى حياة حقيقيه تتكلم عنها خارج مصر

اهلك ... اصحابك .... مكان ميلادك وذكريات طفولتك وشبابك

مصر ذى مافيها الوحش فيها كذلك الحاجات الكويسه

وحد الله

مصر ام الدنيا بلد التناقضات

دعونا ندعو لها بالفرج وفك عنها كرب حكامها

عـــــــ :huh: ــــــــــاشق بلدى

[مونتى]

اخى قائد المدفعيه الهولنديه

تحياتى ،،،،،،،،،،،،،،،،،،، طبعا حقول انا مصرى وافتخر لاننا يجب ان نرفع من شأن مصر وبالتالى من شأننا

عــــــــــ :huh: ــــــــــاشق مصر( بلدى)ام الدنيا

[قائد المدفعيه الهولنديه]

الاخ المحترم م.سامح المصرى

الف شكر لزوقك بس انا اتصدمت صدمه كبيره ..... كنت فاكر كل الناس زيك و زى و زى كل الاخوه اللى ردوا ردود تستحق الحترام و التقدير بس للاسف كله اتكسر كله اتدمر على رأى هانى شاكر ... طلع فى ناس تقريبا مش مصريين فى وسطينا :huh:

[قائد المدفعيه الهولنديه]

الاخ الفاضل مونتى حاسس انى ما ينفعش اكتبلك و انا قاعد مكانى على الكرسى لازم اقف احتراما لكلامك انت مصرى بحق و حقيقى

[مونتى]

اخى قائد الدفعيه

شكرا على هذا الاطراء

ولكن هذا شعور طبيعى لكل بن ادم يحب بلده الى هى السبب فى كل ماهو فيه من نعمه التعليم

وانا هنا فى السعوديه وارى مانفذ مدارس ولكن اين الطلبه

والله لو كل مدارس مصر ذى اللى انا بنفذها هنا لكل الشعب المصرى اصبح زويل ونجيب والعقاد وخرج اكثر من شعراوى وحسان ويعقوب بس الحمد لله على كل حال

عـــــــــ :huh: ــــــــــاشق تراب بلدى

[iloveegypt]

:huh: باجماعة مع احترامى للجميع محدش يفهم كلام اى حد من اللى فضلو العيشة فى الغربة انهم ما بيحيوش مصر كل اللى فى المنتدى وكل المصريين بيحبو مصر هذا لا خلاف عليه بس الفرق فى واحد بيحب يعيش برة وواحد بيحي يعيش جوة مش اكتر

ومع احترامى للجميع انا بعد الايام علشان ارجع بلدى وبموت فى مصر وتراب مصر والله مش شعارات ولا حاجة الكلمة دى بتضايقنى او مش كل اللى بيحب يعيش فى مصر نقول عليه كلام شعارات وسلامى للاخ قائد المدفعية والطيران الهولندية والمصرية :lol:

[قائد المدفعيه الهولنديه]

الاخ الفاضل iloveegyptشعورك طيب ورسالتك وصلت و ان شاء الله ربنا :angry: يدينا جميعا طول العمر لحد اما نرجع مصر و نعيش فيها حياه جميله :angry:

[أسد]

الحال العام في مصر بتسم بالسلبية .. بشكل عام ..

هذا أمر لا يختلف عليه ..

ولكن إذا كلنا قررنا نسيب البلد ونطفش .. هل هذا معقول ..

حنقول معقول ..

مفيش مشكلة ..

كلنا حنقرر ده .. ونسيبها للحاكم ورفاقه ..

حنهاجر فين .. وحنقعد فين ..

هو احنا شايفين الدنيا قوي واسعة قدامنا .. والاختيارات متاحة في كل مكان .. أختار استراليا ولا كندا ولا امريكا .. ولا حتى السعودية ..

ده كلام غير صحيح وغير منطقي ..

يستحيل تحقيقه ..

هناك بعض الأخوة قرروا أنهم يهاجروا إلى كندا أو أي دولة غربية .. واتوفقوا في الحصول على الهجرة ..

ولكن تلك نسبة بسيطة جداً .. ولا يمكن أن يبني الباقي أحلامهم ومستقبلهم بناء على حلم تحقق لآخرين ..

منا كثيرون يعملون في دول الخليج ..

الكل يعلم ومتيقن أنه إن عاجلاً أو آجلاً سيعودون إلى مصر ..

مخيرين أو مجبرين ..

عبثية النقاش في أن أبقى خارج البلد .. في بلد آخر .. وأصلاً الأمر ليس إختيارياً لي .. ولست أنا صاحب القرار ..

يجب أن نتوقف عن التفكير بتلك المنهجية ..

فنحن نرى كثيرون يضطرون للعودة لمصر لإلحاق أبناؤهم بالجامعات .. هؤلاء الذين يعملون في الخليج .. لأنه غير مسموح لهم بإلحاق أبناؤهم بالجامعات الحكومية هناك .. والخاص منها مكلف جداً .. صعب أن يتحمله الغالبية منهم ..

ونرى كثيرون أيضاً .. يريدون الحفاظ على قيم وعادات وتقاليد .. وتعاليم الدين .. وتجعلهم الحياة فيالغرب يضطرون للعودة إلى مصر .. لإكمال تربية أبناؤهم .. مثلاً ..

ومن هذا الفريق أو ذاك .. نرى عائلات تنقسم .. الأم والأبناء في مصر للتعليم والتربية ..

والأب هناك في السعودية أو قطر أو أي مكان آخر .. لجمع المال ... أو للعمل لأنه لم يعد قادراً على العمل في مصر ..

مناقشة مثل تلك الأمور في الأصل عبثية ..

إجابة السؤال ..

نعم .. لازم أغلب الناس ترجع مصر تاني ..

مفيش كلام ...

تلك طبيعة الأمور ..

والسؤال ..

إذا لم نرجع .. أين سنذهب ..

هل هناك مكان في العالم مستعد لاستقبال وتسكين وتوطين وتهجير .. مليون مصري فقط ..

بالتأكيد هذا غير موضوعي وغير حقيقي..

الفكر الإيجابي .. أن يخطط كل منا ماذ سيفعل عندما يضطر للعودة أو عندما يقرر أن يعود إلى مصر ..

يجب أن يعمل كل منا على أن يحسن ويطور فيمن حوله من ناس . ويساهم ولو حتى بسلوكه الفردي .. في التحسين ..

حتى ولو لم يستطيع أن يحسن إلا حوله فقط

[iloveegypt]

بصراحة انت وفيت وكفيت يا حبيب قلبى يا اسد ونفسى بصراحة اتعرف عليك انت وسى السيد وكل الاخوة فى هذا المنتدى الرائع عن قرب وخصوصا انا مقيم بالرياض ومفتقد الصحبة الحلوة التى لا تربطهم اى مصالح غير الحب فى الله

[ايهاب سالم]

الأخوه الأفاضل الذين ينادون بعودة المصرين في الخارج لمساعدة مصر

لا يخفى عليكم أنه من مصلحة مصر أن يهاجر منها أكبر عدد ممكن من سكانها سواء للدول العربيه أو الغرب

لهجرتهم هذه فائدتين :

- يرفعون عبئهم و عبء أسرهم عنها من فرص عمل و سكن و تعليم و غذاء و زحام شوارع مواصلات ..... الخ

- يحولون مدخراتهم الى مصر و يساهمون بعمله صعبه تعد مصدر أساسي مثل قناة السويس و البترول

مصر دوله طارده للسكان .. بمعنى أن سكانها عبء عليها و ليسوا مصدر إنتاج و هي في ذلك عكس كندا التي تستقبل ربع مليون مهاجر سنويا و ترفع العدد كل سنه و تشجع الناس على كثرة الإنجاب لانها تستطيع توظيفهم في إقتصادها ليصبحوا منتجين

كندا تتمنى ليس عدد شعب مصر و لكن تركيبته السكانيه .. حيث النسبه الاكبر من السكان شباب في سن الإنتاج و لكنهم يضيعون عمرهم في البطاله و الأعمال البسيطه و لو كان عند كندا مثلهم لعرفت كيف تستفيد منهم

حتى نصبح دوله منتجه و تستطيع الإستفاده من قدراتها البشريه فلأفضل أن يظل المصريون في الخارج و أن يزداد عددهم أكثر و أكثر

و بلاش شعارات و "مصر محتاجه لنا يا رجاله .. ياللا بينا "

لو عايز تفيد مصر خليك بره

تجيب فلوس و تحولها لمصر

و تبعد همك عنها

تم تعديل 15 يونيو 2008 بواسطة ايهاب سالم

[justtrying]

هنتكلم بصراحه و الا هنضحك على نفسنا و نقضيها شعارات

... يا راجل ده أنا لم أعرف طعم الحياه الحقيقيه التي يستحق أن يعيشها البشر إلا خارج مصر

و هو ما أفتقده عند كل زياره لمصر

كلام ممتاز موافق 100%