انت ممكن ترجع مصر تانى؟

[قائد المدفعيه الهولنديه]

استاذنا القدير اسد

فعلا انت اديت دروس كتير فى اسلوب التفكير و اسلوب الحوار و الرد و اسلوب النقاش و الكتابه...... فعلا الف شكر لك يا ريت كل الناس تتعلم منك

[حلواني]

الحقيقه الاختلاف في الراي يثري هذا الحوار

والحقيقه الثانيه ان كلنا بنحب مصر

ولو فيه هجوم احيانا مش علي مصر بقدر ما هو علي حكومات مصر التي فشلت في ادارتها

الاخ اسد كفا ووفي في رده وكل منا يجب ان يقوم بدوره لتحسين احوال مصر وتحسين صورتها

اما العالم سواء كان جوه مصر او بره مصر

تحياتي للجميع

[justtrying]

يعني أنا ارجو من الجميع ان يكفوا عن التحدث عن الشعارات والعواطف والمشاعر يجب أن نكون واقعيين .. أين مصر الآن .. وأين شباب مصر .. وإلى اين هي تتجه الحياه في مصر ؟!

مصر هي ارض مقدسة قد ذكرها الله في القرآن الكريم وكرمها .. ولا أنا ولا أي شخص من يكون هو يستطيع التقليل أو حتى المساس بقدسية هذه الارض المباركة

لكن حديثنا دائما موجه إلى النظام والحياه والناس وأسلوب المعيشة، صراحة لا استطيع القول إلا أنها حرب من الله ورسوله .. نعم هي حرب من الله ورسوله في شتى المجالات وابتلاء وفقر وجهل وقدح وانهيار هذه هي الحقيقة شئنا أم أبينا .. هذا هو الواقع وأعتذر للجميع أن اقول بأن المزيد قادم وأن المستقبل أسود وأسود مما نحن نراه الآن أنا شخصيا اتوقع انهيارا اقتصاديا بكل ما تحمله الكلمة من معنى ولا حول ولا قوة إلا بالله لكن لا اعلم ما هيه توابعه ونتائجه فالعلم عند الله .. في النهاية أسأل الله العفو والعافية والستر وأن لا يجعل هذه الدنيا اكبر همنا .. اللهم لا تؤاخذنا بما فعل السفهاء منا ..وأن يرزقنا الخير والعفاف وأن يطهر قلوبنا من الكفر والضلال والفسوق والرجس والنفاق والفساد ... اللهم آمين اللهم آمين اللهم آمين

[adrianocrespo]

السلام عليكم ورحمة الله و بركاته

مفيش شك كلنا بنحب مصر................و في نغمة مش كويسة في محاورات المغتربين المصريين وهي ان اللي قاعدين في مصر في بعض الاحيان بيزايدوا علي اللي قاعدين بره....اللي قاعدين بره دول بيدخلوا سنويا 2 مليار دولار

انا ملاحظ ان كلام الناس اللي بره بيختلف باختلاف البلد

..........يعني اللي في السعودية طبعا بيشتكي من نقص وسائل الترفيه او رتابة العيشة و الملل و يشتكي من نقطة المعاملة و الكفيل و اعتقد الكويت نفس الكلام و الشكوي

..........اللي في الامارات او قطر بيشتكي من الغلاء و لكن المعاملة افضل

.........اللي في الدول الاوروبيه او امريكا او كندا او استراليا بيتكلم عن الحرية و التعليم الجيد و نظام العيشة

اشكرالاخ قائد المدفعية الهولندية علي فتح الموضوع بس براحه علينا شوية (مش كفاية طايحين في الخلق في كاس الامم الاوروبية) معجبتنيش حته ان طلع في وسطنا ناس مش مصريين

في قصص مشرفة تحسس الواحد انه فخور بمصريته حقيقي.......و في لحظات بيحس انه بيكرهها بس ده احساس خادع لانك و انت بره بتابع اخبارها...........و ساعات الواحد بيحس بالمهانة من جنسيته(قبل محد يعترض اتفرجوا علي جلسات الكونجرس الامريكي المخصصة لتوزيع المعونه الامريكيه علي دول العالم ومنها طبعا مصر و شوفوا الكلام الحقيقي بدون دبلوماسية او تجميل علي غرار تفعيل العلاقات الثنائية بين البلدين..و امريكا تعتبر مصر حليفا لها في المنطقة وشريكا في عملية السلام......و شوفوا نواب الكونجرس وهما بيقولوا دول معملوش حاجة السنة اللي فاتت ياخدوا المعونة ليه واللي يقولك بقللهم شويةلحد ميصلحوا الموضوع الفلاني)

اتفق مع اراء الاستاذ ايهاب سالم(الخوف من دول الغرب هو في تربية الاولاد بالنسبه لي...يا ريت اسمع راي حضرتك في الموضوع ده)

مع ان التربية في مصر بقت الي الزبالة هي اقرب

امييين يا استاذ justtrying

تم تعديل 15 يونيو 2008 بواسطة adrianocrespo

[أبو عمر المصري]

تعرف هما بيفكرونى بأية بواحد اعد فى بيت اهلة وصرفو عليه وكبر معاهم ولما كبر واهله حصل عندهم ظرف

وتعبوا شوية ما بقاش معاهم فلوس

سابوهم ورااحو بيت ناس تانية ولما راحو للناس التانية بقوا يقولو دول اهلنا معفنين وشحاتين وولاد ..........

مع إحترامي لوجهة نظرك يا أخ سامح

فيه فرق كبير او عدم تطابق بين المثل اللى انت طرحته و الواقع ، طبعا مش معقول حد يطلع بره البلد في الغربه ويقول على أهله وناسه أنهم معفنين أو شحاتين أو غيره بالعكس الواحد بيحاول يصور مصر وناسها للغريب بأحسن صوره وبيحاول إنه يكون مثل جيد للمصريين ،

إذا لقيت حد من أخواتنا المصريين هنا إنفعل شويه وفضفض باللي في قلبه ماتزعلش منه واعتبره أخ بيفضفض لأخوه وكمان مشاكل بيتنا المصري مش المفروض حد يتناقش فيها غير المصريين وهو ده اللى حاصل في محاورات المصريين فاتحين قلوبنا لبعض بنشكي همنا لبعض لأن كلنا عارفين أيه هي مشاكلنا واحنا أدرى بيها

انت شبهت بلدنا وشعبها كأسره عايشه في بيت واحد وحصلت لهم ظروف وتعب ومامعاهمش فلوس

لو كان هو ده الواقع انا متأكد ان كل واحد من أفراد هذه الأسره ما كان هايقصر أبدا مع أسرته ومع والده ووالدته بالمال أو الجهد أو حتى النفس إن شئت

ومثال على ذلك حرب أكتوبر وما سبقها من تحضير وبسالة وتلاحم الشعب المصري في ذلك الوقت

ولكن للأسف واقع هذه الأسره مش زي ما حضرتك صورته

لما الأقي فيه فلوس عندنا في البيت واخويا الكبير واخويا اللى بعده واخدينها ليهم وممتعين نفسهم بيها وحاطينها بأسمهم في البنك وشايفيينا انا واخواتى الصغيرين تعبانين وعندنا مشاكل كتير وعمالين نقول لهم يا أخواتي ساعدوني ومالاقيش مساعده ؟ عايزنى هنا اعمل ايه ؟

لما الاقي الحنفيه اللى في البيت بتنزل ميه فيها طين واخويا بيقول لي إشرب وهو عارف إنها بتجيب فشل كلوى وهو بيشرب ميه معدنيه ؟ عايزنى هنا اعمل ايه

لما الاقي اخواتي الكبار بيجيبولنا الأكل بايظ وفيه سرطان وبيقول لي كل، هاعمل أيه ؟ هآكل من الأكل ده ؟ ولا هاروح بره أدور على لقمه نظيفه

وعلى هذا القياس الأمثله كتير صعب حصرها

الأخ سامح العزيز

أنا متأكد اننا المصريين سواء مغتربين أو غير مغتربين ماعندناش مانع نشد الحزام

ومعندناش مانع نقلل مستوى حياتنا وحياة أولادنا

ومعندناش مانع نستغنى عن الرفاهيه اللى اتعود عليها كتير من شرائح الشعب في سبيل الأصلاااااااح

عشان تمر البلد من أزمتها بسلام بس بشرط يكون فيه هدف واضح وكبير متفقه عليه الحكومه قبل الشعب ، مجتمع عليه الكبير قبل الصغير وهو الأصلاح الحقيقي الصادق المخلص للبلد يكون فيه تخطيط لهذا الأصلاح وتطبيقه بمنتهى الجديه والضرب بيد من حديد بقوة القانون على الفساد بكل أنواعه وعلى كل من يحاول إفساد هذا المخطط الأصلاحي ليأخذ بيد هذه الأسره الى بر الأمان

[م.سامح المصرى]

تعرف هما بيفكرونى بأية بواحد اعد فى بيت اهلة وصرفو عليه وكبر معاهم ولما كبر واهله حصل عندهم ظرف

وتعبوا شوية ما بقاش معاهم فلوس

سابوهم ورااحو بيت ناس تانية ولما راحو للناس التانية بقوا يقولو دول اهلنا معفنين وشحاتين وولاد ..........

مع إحترامي لوجهة نظرك يا أخ سامح

فيه فرق كبير او عدم تطابق بين المثل اللى انت طرحته و الواقع ، طبعا مش معقول حد يطلع بره البلد في الغربه ويقول على أهله وناسه أنهم معفنين أو شحاتين أو غيره بالعكس الواحد بيحاول يصور مصر وناسها للغريب بأحسن صوره وبيحاول إنه يكون مثل جيد للمصريين ،

إذا لقيت حد من أخواتنا المصريين هنا إنفعل شويه وفضفض باللي في قلبه ماتزعلش منه واعتبره أخ بيفضفض لأخوه وكمان مشاكل بيتنا المصري مش المفروض حد يتناقش فيها غير المصريين وهو ده اللى حاصل في محاورات المصريين فاتحين قلوبنا لبعض بنشكي همنا لبعض لأن كلنا عارفين أيه هي مشاكلنا واحنا أدرى بيها

انت شبهت بلدنا وشعبها كأسره عايشه في بيت واحد وحصلت لهم ظروف وتعب ومامعاهمش فلوس

لو كان هو ده الواقع انا متأكد ان كل واحد من أفراد هذه الأسره ما كان هايقصر أبدا مع أسرته ومع والده ووالدته بالمال أو الجهد أو حتى النفس إن شئت

ومثال على ذلك حرب أكتوبر وما سبقها من تحضير وبسالة وتلاحم الشعب المصري في ذلك الوقت

استاذى العزيز

أبو عمر

هوا وجهه النظر دى مش بعيدة ولا حاجة

كان فى فترة مش بعيدة حصل مشاحنات بينا يمكن حضرتك ما عاصرتهاش

بس هيا بأختصار ناس ممن يعشقون دول الغرب داخلين وعمالين يسئو فى مصر

ووصلت بيهم الحال لدرجة الشتيمة منها اساءه لبنات البلد ولشباب البلد

ولو حضرتك ركزت هاتلاقى ان المثل الى انا زكرتة موجود وفى الموضوع دا كمان

لما حضرتك تلاقى واحد بيقول دا انا قرفت منها وواحد تانى يقول دا انا اتخنقت

وغيرها من تعبيرات تشمأز لسماعك لها

دا مش اسمة نقاش خالص

وياريت احنا زى رجالة حرب اكتوبر يا أبو عمر

رجالة حرب اكتوبر ساعتها كان الوضع سئ للغاية كانت بلد بتحارب يعنى فى حاجات كتيرة تعتبر ناقصة الشعب من تعليم جيد

واقتصاد ممكن ينهار وعمل وخلافة

ساعتها هما ما فكروش للهجرة لبلاد الغرب لية

علشان رجالة يهمهم امر بلدهم ما

ولكن للأسف واقع هذه الأسره مش زي ما حضرتك صورته

لما الأقي فيه فلوس عندنا في البيت واخويا الكبير واخويا اللى بعده واخدينها ليهم وممتعين نفسهم بيها وحاطينها بأسمهم في البنك وشايفيينا انا واخواتى الصغيرين تعبانين وعندنا مشاكل كتير وعمالين نقول لهم يا أخواتي ساعدوني ومالاقيش مساعده ؟ عايزنى هنا اعمل ايه ؟

لما الاقي الحنفيه اللى في البيت بتنزل ميه فيها طين واخويا بيقول لي إشرب وهو عارف إنها بتجيب فشل كلوى وهو بيشرب ميه معدنيه ؟ عايزنى هنا اعمل ايه

لما الاقي اخواتي الكبار بيجيبولنا الأكل بايظ وفيه سرطان وبيقول لي كل، هاعمل أيه ؟ هآكل من الأكل ده ؟ ولا هاروح بره أدور على لقمه نظيفه

نقف كدة كلنا مرة واحد كأننا فى حرب واحنا يعتبر فى حرب

نقف زى رجاله حرب اكتوبر الى استشهدنا بيهم فى الموضوع

لو كلنا عملنا كدة هانغير اى زعيم اساسا ونعدل حال البلد .... انما احنا بنريح نفسينا ونهج

وتعرف حضرتك لما تنعدل حالها ان شاء الله هاتلاقيهم رجعوا انا مش بقول شعارات بس دى حاجة حاسسها .... دى بعيدة كل البعد عن الشعارات

اتمنى ما اكونش ضايقت حضرتك لانى سعدت بالحوار معك :lol: :)

[ايهاب سالم]

للأسف واقع هذه الأسره مش زي ما حضرتك صورته

لما الأقي فيه فلوس عندنا في البيت واخويا الكبير واخويا اللى بعده واخدينها ليهم وممتعين نفسهم بيها وحاطينها بأسمهم في البنك وشايفيينا انا واخواتى الصغيرين تعبانين وعندنا مشاكل كتير وعمالين نقول لهم يا أخواتي ساعدوني ومالاقيش مساعده ؟ عايزنى هنا اعمل ايه ؟

لما الاقي الحنفيه اللى في البيت بتنزل ميه فيها طين واخويا بيقول لي إشرب وهو عارف إنها بتجيب فشل كلوى وهو بيشرب ميه معدنيه ؟ عايزنى هنا اعمل ايه

لما الاقي اخواتي الكبار بيجيبولنا الأكل بايظ وفيه سرطان وبيقول لي كل، هاعمل أيه ؟ هآكل من الأكل ده ؟ ولا هاروح بره أدور على لقمه نظيفه

وعلى هذا القياس الأمثله كتير صعب حصرها

أنا عندي مثال بسيط

أختي توفاها الله من مضاعفات فشل كلوي أصيبت به بعد نزيف حاد نتيجة غلطة و إهمال طبيب ومستشفى أثناء ولادتها طفلها الثاني

عندما حدث النزيف فزع الطبيب و تركها للممرضات و لم يكن في المستشفى دم لتعويضها و حضرت عربة إسعاف لنقلها الى مستشفى أخر ووصلت متأخره طبعا نتيجة زحمة و هرجلة الشوارع و المرور

و لم يكن في المستشفى الأخر دم أيضا و أنقذ الموقف متبرعين من أقاربنا

عاشت أختي و لكن كان الوقت متأخر و تلفت الكليتين نتيجة النقص الحاد في الدم فتره طويله

و أستمرت بعد ذلك سنوات في عذاب غسيل الكليه الصناعي حتى توفاها الله منذ ثلاث سنوات تاركه وراءها طفلين في عمر الزهور و جرح لن يندمل في نفوسنا جميعا

كل ما سبق حدث في مستشفيات خاصه المفروض أن ندفع فيها دم قلبنا لنحصل على خدمه صحيه لا تقدمها لنا ( بلدنا )

قدمنا شكوى في المستشفى و الطبيب و لكن لم يحدث شئ لتواطئ كل الجهات مع بعضها البعض

المفروض أكون وطني و أقول مصر حلوه وتمام و المشكله في الحكومه

و بالأمل و العمل و الأوهام الكاذبه بلدنا هتتحسن

من يوم ما وعيت ع الدنيا ومصر في عنق الزجاجه و سبتها و هي ما زالت في عنق الزجاجه

و الزجاجه بتضيق أكتر و لسه فيه ناس بتصبر نفسها بشعارات

اللي عايز يرجع مصر يتفعص في عنق الزجاجه عشان أهله أو برا بوالديه .... أنا أرفع له القبعه و أنحني و أقول له إنت جدع و ثوابك كبير عند ربنا

لكن اللي عايز يرجع عشان منظر النيل وحشه أو كباية الشاي في البلكونه ساعة العصاري عنده بالدنيا

أقول له إصحى و شوف مصلحتك و مصلحة أولادك

تم تعديل 16 يونيو 2008 بواسطة ايهاب سالم

[أبو عمر المصري]

ساعتها هما ما فكروش للهجرة لبلاد الغرب لية

علشان رجالة يهمهم امر بلدهم ما

طبعا كان يهمهم أمر بلدهم لأن حكومه وشعب في خندق واحد وهدف واحد هو تحرير سيناء واستعادة الكرامه المذبوحه

أمر يهم الشعب والحكومه عشان كده كان النجاح بتفوق في تحقيق الهدف

عارف انا باشبه الموقف ده زي عربات القطار والقاطره متركبه صح في مقدمة القطار فتحرك القطار في الأتجاه السليم

نقف كدة كلنا مرة واحد كأننا فى حرب واحنا يعتبر فى حرب

نقف زى رجاله حرب اكتوبر الى استشهدنا بيهم فى الموضوع

لو كلنا عملنا كدة هانغير اى زعيم اساسا ونعدل حال البلد .... انما احنا بنريح نفسينا ونهج

هنا الوضع أختلف عن وضع اكتوبر .. مابآش الخندق واحد يا أخ سامح أصبح الشعب و الحكومه كل منهم في خندق يعني القاطره مش راكبه على القطار أساسا

وبعدين اللى دخل وقال لك قرفان وطهآن والتاني اللى قال اتخنقت طب ماحنا كتير بنقولها لبعض مع لمة أصحاب او مجموعه من الشباب بيفضفضوا سوا هل معنى كده انه مش وطني وانه هايهرب لما يسمع أي أذي بيمس مصر ؟؟ مش ممكن

كان ممكن كل واحد مش عجباه مصر مايدخلش هنا ويتكلم ويشكي اللى مضايقه من مصر

وهو مادخلش إلا لأن جواه حب لبلده ولذكريات طفولته وأهله وأصحابه

وهنا هاقتبس كلمة أخونا حلواني

ولو فيه هجوم احيانا مش علي مصر بقدر ما هو علي حكومات مصر التي فشلت في ادارتها

الأخ سامح انا كمان سعدت بحوارك وسعدت بوطنيتك حقيقي :D :)

وللأخ أيهاب سالم أقول

قصه محزنه طبعا ومؤلمه .. البقاء لله والهمكم الله الصبر

تم تعديل 17 يونيو 2008 بواسطة أبو عمر المصري

[م.سامح المصرى]

أولا البقاء لله يا / ايهاب سالم

وانا بتأسفلك جدا لو كنت انا الى زكرتك بالحكاية دى من غير قصد منى

طبعا كان يهمهم أمر بلدهم لأن حكومه وشعب في خندق واحد وهدف واحد هو تحرير سيناء واستعادة الكرامه المذبوحه

أمر يهم الشعب والحكومه عشان كده كان النجاح بتفوق في تحقيق الهدف

عارف انا باشبه الموقف ده زي عربات القطار والقاطره متركبه صح في مقدمة القطار فتحرك القطار في الأتجاه السليم

بالزبط كانوا ما بيرضوش بالظلم المتناهى

يعنى انا سمعت ان لما السادات حب يشيل الدعم من على بعض المنتجات الى بتتوزع فى التموين

فى ناس قلبت قطر احتجاج على القرار دا

انا سمعت لو حد واثق يا ريت يفيدنى

لية احنا ما نعملش كدة لاننا بقينا سلبيين جداً فى الدفاع عن حقوقنا

هنا الوضع أختلف عن وضع اكتوبر .. مابآش الخندق واحد يا أخ سامح أصبح الشعب و الحكومه كل منهم في خندق يعني القاطره مش راكبه على القطار أساسا

وبعدين اللى دخل وقال لك قرفان وطهآن والتاني اللى قال اتخنقت طب ماحنا كتير بنقولها لبعض مع لمة أصحاب او مجموعه من الشباب بيفضفضوا سوا هل معنى كده انه مش وطني وانه هايهرب لما يسمع أي أذي بيمس مصر ؟؟ مش ممكن

كان ممكن كل واحد مش عجباه مصر مايدخلش هنا ويتكلم ويشكي اللى مضايقه من مصر

وهو مادخلش إلا لأن جواه حب لبلده ولذكريات طفولته وأهله وأصحابه

وهنا هاقتبس كلمة أخونا حلواني

ولو فيه هجوم احيانا مش علي مصر بقدر ما هو علي حكومات مصر التي فشلت في ادارتها

الأخ سامح انا كمان سعدت بحوارك وسعدت بوطنيتك حقيقي

الى دخل وبخ جدا لدرجة أشمأز منها

كلنا عارفين ان فى فساد فى البلد بس ابل ما نعيب فى البلد نشوف نفسينا الاول

نشوف احنا هل قدمنا حاجة للبلد ............ نشوف سلبياتنا الى خلت مصر كدة

وانا اكاد اجزم ان فى ناس هنا بتدخل علشان تستفزنا مش اكتر لو كنت حضرتك عاصرت فترة

كانت اشد من الفترة دى جداً فى الكلام على مصر وتسفيهها

لما الأقي فيه فلوس عندنا في البيت واخويا الكبير واخويا اللى بعده واخدينها ليهم وممتعين نفسهم بيها وحاطينها بأسمهم في البنك وشايفيينا انا واخواتى الصغيرين تعبانين وعندنا مشاكل كتير وعمالين نقول لهم يا أخواتي ساعدوني ومالاقيش مساعده ؟ عايزنى هنا اعمل ايه ؟

لما الاقي الحنفيه اللى في البيت بتنزل ميه فيها طين واخويا بيقول لي إشرب وهو عارف إنها بتجيب فشل كلوى وهو بيشرب ميه معدنيه ؟ عايزنى هنا اعمل ايه

لما الاقي اخواتي الكبار بيجيبولنا الأكل بايظ وفيه سرطان وبيقول لي كل، هاعمل أيه ؟ هآكل من الأكل ده ؟ ولا هاروح بره أدور على لقمه نظيفه

الى خلى اخونا الكبير يعمل كدة

انا لما سكت ....... وما اعترضتش

وحضرتك لما سيبتلة البيت ....... من غير ما تطلب حقك

هل هوا هايدور على حقوقنا ........ طبعا لا

اخواتى ساكتين يبقي اديهم فوق راسهم

انما لو اتجمعوا الاخوة فى البيت وقيدوة مش هايقدر يعمل حاجة غير انه يدي كل واحد حقة

لازم نغير من نفسينا علشان البلد الى بنكرهها تتغير

كلنا بنقول ان البلد حالتها لا تسر عدوا ولا حبيب

طب هل احنا ملايكة علشان كدة بلدنا لا تسر عدوا ولا حبيب

هل احنا وقفنا مع بعض وحبينا نعدلها وما اتعدلتش

لا ابداً .............. احنا الاسهل نقول ما اخدناش فيها حقنا واحنا مش طايقنها دى بلد .....

فهمتنى انا قصدى اية يا استاذى العزيز

:wub: :roseop:

[أبو عمر المصري]

وانا اكاد اجزم ان فى ناس هنا بتدخل علشان تستفزنا مش اكتر لو كنت حضرتك عاصرت فترة

كانت اشد من الفترة دى جداً فى الكلام على مصر وتسفيهها

أكيد هتلاقي خبثاء غرضهم الوقيعه بين المصريين وده شئ معروف في حوارات النت بس بتقدر تكشفهم من أسلوب كلامهم وسهل انك تفوت عليهم الفرصه

يمكن انا فعلا ما حضرتش مثل هذا النقاش هنا بس عاصرت حاجات مشابهه في منتديات أخرى

الى خلى اخونا الكبير يعمل كدة

انا لما سكت ....... وما اعترضتش

طيب واللى أعترضوا كان مصيرهم أيه ؟ كمل انت بأه

على فكره ماتفهمنيش غلط ، ان مش ضد الأعتراض لأن من رأى منكم منكرا فليغيره بس اللى بيضايقني أسلوب تعامل الحكومه مع الأعتراض

هل احنا وقفنا مع بعض وحبينا نعدلها وما اتعدلتش

مواقف كتير وأحداث كتير ومشاكل كتير يا أخ سامح وقفوا فيها الناس يد واحده ولكن لا حياة لمن تنادي

ومع ذلك أنا مش متشائم وعندي أمل وأمل كبير ان مصر هاترجع تاني لأزهي عصورها لأن عمر الظلم والفساد ما يستمر الى الأبد

واختم حديثي بدعائي لمصر بأن تمر من هذه المحنه بخير وسلام

[محمد عبد الرحمن]

سلام عليكم يا جماعة

أشوف إن الواحد لما يرجع مصر و معاه 500,000 جنيه أو 5,000,000 جنيه يشتغل في الحاجه إللي يفهم فيها علشان النصابين كتيير ربنا يكفينا شرهم :blush2

(ومن يتق الله يجعل له مخرجا ويرزقه من حيث لا يحتسب)

[قائد المدفعيه الهولنديه]

الشىء الغريب ان انا كنت فاكر ان اللى بيطلع بره مصر بس هو اللى بيعرف يشتغل و يتجوز و يجيب عربيه بنمره صفره و( جمرك يعنى ) ..... لكن اكتشفت ان فى ناس كتيييير بتجوز و تشتغل و تعيش و تموت فى مصر من غير ما تسافر مع العلم ان ظروفهم المعيشيه مختلفه ..... هما ازاى عملو كده ؟

[moheltohamy]

اللي بيطلع بره البلد هوه اللي بيكتشف إن فيه ستايل تاني م الحياة ، غير اللي اتربينا عليه ، واتعودنا عليه ... وبيبقى صعب عليه جداً إنه يرجع ويندمج في حياته السابقة كما كان يعيشها!

تم تعديل 20 يونيو 2008 بواسطة moheltohamy