الاضراب أم أمريكا أم الجيش أم الظواهري؟ الأختيار لك!

[الطفشان]

عايزين بقى كلمة حق؟

اللي حصل في العراق دة كان بسبب وجود صدام

على الاقل كان وجوده، و اسلوبه و تاريخه الاسود هو المبرر

و في مصر لا يجب ان يتكرر ذلك بسبب مبارك او غيره من الديكتاتورات

لا نريد ان تأتي امريكا "لتحررنا" من ديكتاتوراتنا!

علينا تحرير انفسنا و قطع الحجة و التلكيكية على التدخل الخارجي

حتى لا "يحررنا" أحد رغم انفنا

و اديكوا شفتوا الديكتاتور بيبيع القضية و يسيب البلد و الشعب

و العساكر اللي مش مقتنعة بقضية ما بتحاربش (العبد لا يجيد الكر و الفر، و لكن الحلب و الصر)

يعني لقمة سائغة للاحتلال

الناس لازم تطلع الشوارع لغاية الحكومة ما تسقط

تعمل زي شرق اوروبا

اضرابات توقف البلد عن العمل لغاية ما يحصل تغيير

دة الحل الوحيد

الحلول التانية في قمة السوء، سيناريو اسود من الليل في الصحراء

لو الجيش عمل انقلاب حتتكرر الخمسين سنة اللي فاتوا

مافيش شرعية مستمدة من الشعب

و ديكتاتورية مطلقة

لو انقلاب من بتوع جماعة ايمن الظواهري حيبقى سيناريو انيل

لان مافيش و لا انتخابات و لا يحزنون من اصله

لو امريكا "حررتنا" حنشوف المتاحف تتنهب و دار الكتب تتحرق و تراثنا يختفي او يتدشدش

و بعدين حنرهن قناة السويس و مية النيل كمان

و في الاخر قرضاي او شلبي مصري

مافيش غير الشعب نفسه يطلع

لو قال خايف على ولاده يبقى يستنى القصف الامريكي يموتهم!

عايزين انهي حل من دول؟

[masry]

صدقنى يا أستاذ طفشان الموضوع مش موضوع حكومة وبس. الفساد علشان يستمر محتاج قاعده بشرية. قبل ما تفكر فى إنك تتخلص من رموز الفساد لازم تتخلص من جسمه. جسم الفساد هو كتير من المصريين اللى بيدعمهم عدد أكبر بطريقة غير مباشرة عن طريق السلبية و الإهمال و التقصير.

لو اتصلح شعبنا...حيقع الفساد لوحده لإن مش ممكن شجرة تعيش من غير جذور. اللى لازم نركز عليه اصلاح شعبنا ونفسنا قبل كل شئ.

فى تصورى إن لو الناس قبلت دعوتك دى حيكون التمن غالى جدا من أمننا واستقرارنا. و المبرر حيكون اكبر للتدخل الخارجى. موقف الشعب المصرى الآن هو موقف بيعكس حكمة حضارته العتيقة. وإن كنا لا زلنا فى حاجه لمزيد من النشاط الاصلاحى للفكر و الأخلاق

[الطفشان]

انا معاك

الشعب جزء كبير من المشكلة

بس هي حلقة مفرغة بندور فيها

لازم تتكسر في أي نقطة عشان نخرج منها

و النقطة الملحة دلوقت فوق

لان بقى لنا فيها 22 سنة

و المتغيرات الدولية و اخرها حرب العراق بتتسارع

البداية بان الشعب تعود له السلطة و تستمد منها سلطة الحاكم

بدل الوضع المقلوب اللي احنا فيه اللي خرب الاقتصاد و التعليم و السياسة و الحريات

[linux]

استعنا على الشقى بالله ...

الحل بالطبع هو التغير من الداخل ... من الشعب المطحون و ساكت.

من المهم جدا أن التغير يكون نابع من منطلق ان لازم يحصل تفوير لكل شيئ مش مظبوط و غلط ... ليس للتغير لحد ذاته، أو ان المارد الأمريكى على الأبواب، أو لأى أسباب آخرى ... التغير لازم يحصل لأن المستقبل مظلم، لأن الأوضاع كلها بقت غلط، لأن عمرنا ما وصلنا لمستوى ادنى من الحالى، لأن فعلا "كفايه بقى!". لقد طفح الكيل.

التغير لازم يحصل لأننا بنتكلم على أجيال جايه ...

التغير لازم يحصل لأننا بنتكلم على أمه عربية همشت نتيجه لتهميش مصـــــــر ...

التغير لازم يحصل لأننا بنتكلم على اننا شعب عريق و ليس متاع يورث من ضمن تركة الوالد لأبنه!

النظام الحالى مراهن على عدة "ثوابت":

- الكل عايز يعيش و يربى ولاده

- التقليل من عنصر الأنتماء ... سواء كان قومى (جيش مصـــــــر لحماية مصـــــــر و أى معارض يبقى مزايد) أو دينى (حرب أمريكا ليست ضد الأســـلام)

- أشغل الناس بأعلام تافه، الدورى، فضايح الشخصيات العامة

- البطش و السجن و التعذيب يخلى أى واحد يفكر أكتر من مره

و السؤال ... ولغاية أمتى؟ لغاية أمتى ها نفضل نتقهقر للخلف فى جميع المجالات؟

مش عارف!

بس اللى أعرفه أن الله لن يغير مابقوم حتى يغيروا ما بأنفسهم ...

وطبعا أنت عارف احنا عاملين أزاى حاليا !! محتاجين نكون صرحاء مع نفسنا اكتر و فى أشد الحاجه اننا نحترم نفسنا و بعضنا و آدميتنا اكتر!

[masry]

بس هي حلقة مفرغة بندور فيها

لازم تتكسر في أي نقطة عشان نخرج منها

و النقطة الملحة دلوقت فوق

هل هى فعلا حلقة مفرغة؟طب تعالى نفتكر إيه اللى حصل من وقت قيام الثورة. هل أى حاكم حتى الآن وصل لوحده ولا كان دايما وراه عناصر بتسانده بطريقة مباشرة أو غير مباشرة من الجيش و الشعب.

طب تعالى نتخيل ان احنا فعلا غيرنا الحكومه . إيه الضمان ان ما فيش حد تانى يكرر الحكاية القديمه؟ حتقول الشعب؟ يبقى قبل ما نغير من فوق نبدأ بيه. علشان أى بذرة فساد متلاقيش مكان تضرب فيه بجذورها.

[الطفشان]

الموضوع دة ناقشنا قبل كدة كذا مرة

مش هي دي النقطة اللي بنناقشها هنا

احنا بنناقش

- ما هي الخيارات الموجودة لحكم مصر من قبل انقلاب او ثورة

- وجود ديكتاتورية سيفتح ذريعة للغزو

- التغيير الان ملح اكثر من أي وقت مضى

- ما يمكن ان يفعله الشعب

يمكنك فتح موضوع جديد عن مسئولية من الشعب ام الحاكم؟

و ياريت باقي الاعضاء اللي يفتكروا مواضيع قديمة ناقشنا فيها هل الشعب المسئول ام الحاكم، يضيفوا الوصلة هنا عشان نناقشها في مكانها الصح

[masry]

الموضوع دة ناقشنا قبل كدة كذا مرة

مش هي دي النقطة اللي بنناقشها هنا

احنا بنناقش

- ما هي الخيارات الموجودة لحكم مصر من قبل انقلاب او ثورة

- وجود ديكتاتورية سيفتح ذريعة للغزو

- التغيير الان ملح اكثر من أي وقت مضى

- ما يمكن ان يفعله الشعب

هذا ما أريد قوله. أريد أن أقول أن الاختيارات الثلاثة لا تصلح. أتفق أننا نحتاج إلى التغيير. و لكن كلمة السر هى الناس. لا يجب أن ننسى أن هناك خيار آخر غير الثلاثة المذكورين و الذى يمكن أن نسميه بالسبب الذى جعل كثيرمن الناس يزهدون فيه ...التغيير البطئ. وهذا تحديدا ما يجب أن يفعله كل الشعب.

و وجود دكتاتوريه ليس أقوى من "فوضى" أو "خوف من وصول الارهابيين للحكم" بعد ثورة كسبب للتدخل.

كلمه أخيرة. ما أفسد فى سنين يتعذر إصلاحه فى أيام.

[ragab2]

موضوع

جميل وأحيى أخى الطفشان

ولابد

من الإصلاح والتغيير

ولابد من .. بيدى لا بيد عمرو

[mizo1957]

الاخوه الاعزاء

بعض النقاط السريعه.

الديكتاتوريه مهما بلغت لن تؤدي الي اي تدخل اجنبي ولا صدقتم ان امريكاضحت باولادها من اجل اعطاء الديمقراطيه لشعب العراق.

فالديمقراطيه الحقيقيه في اي دوله عربيه

هي الخطر الحقيقي علي امريكا.

طالما الحاكم بعيد عن اسرائيل وماشي في ضل

امريكا فهو في السليم.

لا تنتظرو الكثير من الشعب فانتم هنا تحللون

الاحداث و تفكرون في حال الامه اما الغالبيه

سبعين في الميه جاهل بيصقف لكل كلمه والباقي

بيشاور عقله او مستفيد من الوضع الحالي.

نحتاج لمعجزه لحدوث تغير في زمن قلت فيه لمعجزات .

نعم الاسلام بمعناه الشمولي هو الحل واللي شايف

غير كده ياريت يوضح لي.

[mizo1957]

أعلنت السفارة الأميركية في القاهرة أن الولايات المتحدة منحت الحكومة المصرية مبلغ 96.4 مليون دولار مخصصة لدعم إنعاش الاقتصاد وتحسين نظام الرعاية الصحية. وأفاد بيان للسفارة أن المساعدات التي منحت للحكومة المصرية الأسبوع الماضي تشمل قطاع التجارة بمبلغ 80.9 مليون دولار "لتفعيل الإصلاحات الاقتصادية المتعلقة بمحاولات الحكومة الوفاء بمتطلبات منظمة التجارة العالمية".

http://www.aljazeera.net/economics/2003/4/4-18-1.htm

حقنه كورامين لدعم النظام.

للذين يعتقدون ان امريكا تريد تغيره .

[mnman]

والله يا استاذ طفشان انا معاك قلبا وقالبا في الضغط علي الحكومة بموضوع الاضراب دة... زي احداث فنزويلا ...... وسبق و سألت في موضوع بعنوان أضراب لكن للاسف محدش اجاب اجابة شافية... بمعني ينفع و لا مينفعش ... ولو ينفع يبقي أزاي و لو مينفعش يبقي لية..... :?: :?: :?: :?:

http://www.egyptiantalks.org/phpBB2Plus/vi...opic.php?t=4294

[White heart]

والله يا استاذ طفشان انا معاك قلبا وقالبا في الضغط علي الحكومة بموضوع الاضراب دة... زي احداث فنزويلا ...... وسبق و سألت في موضوع بعنوان أضراب لكن للاسف محدش اجاب اجابة شافية... بمعني ينفع و لا مينفعش ... ولو ينفع يبقي أزاي و لو مينفعش يبقي لية..... :?:  :?:  :?:  :?:  

http://www.egyptiantalks.org/phpBB2Plus/vi...opic.php?t=4294

أعتقد ان أى "أضراب" ممكن حدوثة فى أى دولة لا تطبق قانون "الطوارئ"....و حتى لو أمكن حدوثة فى بلدنا....فليس أسهل عند الحكومة من احضار "عمالة أو أيدى عاملة أجنبية" لتحلها محل "الضاربين" عن العمل!!! بل و ستقول "خير و بركة" الحمد لله انها جت منهم!!!" بل من الممكن جمع هؤلاء "المضربين" و محاكمتهم، خاصة و ان من سيقوم بمثل هذا العمل لن يكونوا على ما أعتقد "غالبية"، لأنة ببساطة شديدة لا يوجد شئ "يجمع" بحق ابناء بلدنا!!! بل بالعكس ما يوجد من عوامل "مفرقة" تفوق كثيرا عن مثيلتها "الجامعة"، لا أريد ان أظهر بصورة "المحبط" و لكنى أفضل ان اكون "واقعى"....

و شكرا

[White heart]

الاضراب أم أمريكا أم الجيش أم الظواهري؟ الأختيار لك!

كم كنت أتمنى أن تطرح على "جميع المصريين" أختيار رابع، أختيار قد "يحصر" المشكلة فعلا بين جهتين: "حكومة" و "شعب"!!

و ليس بين كثير من الأطراف!؟!

يا عزيزى "الحلقة المفرغة" فعلا هى "وجود" أكثر من طرف فى هذة القضية و انا أعتقد بأنة "واهم" من يعتقد انة هناك طرفين فقط فى هذة القضية...او ثلاث....او أربع !!!! لن يكون هناك حل الا كان "طرحك" موجة "لجميع المصريين" ....

عفوا انا ك"مصرى" بالطبع أفضل ان أكون "Laïque" أى "علمانى"!!!

احدى و أهم محاسن "الثورة الفرنسية"، و بالطبع لأن من أنتسب لهم من "المصريين" الذين يؤمنون بهذا الفكر حتى و لو كانوا "قلة"، سوف يهاجموا و يتهموا بشئ أو بأخر، "الكفر" على سبيل المثال :(

فسأضطر "أسفا" اختار خيارك "الثانى" اى "أمريكا"!!!

فمع الأضراب انا خاسر 100% لأن المعطيات الحالية تقول انة حتى لو ان الأضراب نجح فسنتائجة ستصبح على شاكلة: "شالوا زيد و حطوا عبيد"!!! لا أثق فى حيادية المقبل طالما هناك "فكر" او "قالب" واحد هو الغالب....و هو بالطبع ما ترفضة الحكومة القائمة حاليا و لو شكليا!!! فأذن هى الأفضل لمن هم "مصابين فى عقلهم" من أمثالى!! أما الأختيار الثالث ربما يكون على هوى أو حلم الكثيرين، و لكن ليس جميعم وهذا أمر هام للغاية ان نأخذة فى الأعتبار...

فأنا لست من المؤمنين بمقولة: " انا لو صباعى وجعنى أقطعة، معالجوش!!" فهناك أجزاء من أجسامنا لا يمكننا استئصالها هكذا ببساطة، و فى أحيانا كثيرة يكون "جزئ" صغير جدا سبب فى وفاة الجسم كاملا!! فيجب معالجتة و على الفور ....

و لهذا يا عزيزى حتى لا ندور فى حلقة مفرغة ، علينا أولا "حصر" اطراف النزاع .... حتى تستطيع حينها أن تطرح خياراتك تلك التى أشك بأن أسباب طرحها سوف تظل قائمة ساعتها....

و شكرا

[wa7d]

لقد سمعت الأخبار اليوم عن العراق ... لقد بدأ العراق أول خطوات الديمقراطية بثبات وعظمة . وثبت كذب كل من إدعى أن العراق بدون صدام هى صراع دموى بين الطوائف المختلفه . فلم يذكر أحد من شعب العراق الحكام العرب الذين يجتمعون اليوم فى الرياض لطلب الولايات المتحدة باختيار صدام حسين آخر .... وبسرعة قبل ماينفضحوا . والجوامع فى العراق كانت عظيمة وتقوم بالدور المفروض لها .. دور عباده وإصلاح والدعوة للديمقراطية .

ورأيت المظاهرات فى مصر وداخل الجامع الأزهر وكانت وكأنها تشد من أزر الحكام العرب فى الرياض وتطالب بالسماح للمجاهدين بالتطوع لطرد الإحتلال الأمريكى من العراق . وأنا أقول لهم أن العراق سوف تتمتع بالديمقراطية ولن تلتفت لهم ، الأفضل بأه أنهم يشوفوا بلدهم أو هم لم يسمعوا أن الذى يحتاجه البيت يحرم على الجامع ، ومصر بيتنا تحتاج للمجاهدين للتطوع لإنقاذ مصر من الدكتاتورية .

بوركت ياعراق...... آسف يا أستاذ طفشان أنا عارف إن الموضوع عن مصر وليس العراق .

[Faro]

طبقا لتقديراتي الشخصية ... الشعب المصري يتمتع بقدر كبير من الديمقراطية لايتمتع بها العديد من الدول العربية ولذا من الخطأ أن نصف الحاكم بالديكتاتورية لأن الديكتاتورية تتواجد وتتررع فى كل مكان فى مصر من الأسرة و إلى الحاكم. لقد تقبل الشعب الفساد وشارك فيه- صيدلي يروج الأدوية الفاسدة ويبيع المخدرات, أطباءو محامين, قضاه, مهندسين, تجار, رجال أعمال, دافع وقابل الرشوة....إلخ - لقد كان ومايزال للشعب يدا فى زيادة الفقر وبعد ذلك نصف الحاكم بالديكتاتورية ونطالب بإلغاء قانون الطوارئ وهناك من يريد تدمير أبو الهول والتراث لإنهما من أعمال الكفرة ولا يصح تواجدهم على أرض دولة إسلامية.

يحب أن نعلم إذا أرادت أميركا إسقاط الحكم فى مصر فإنها ستلجأ لأصدقاء بن لادن و الظواهري فى مصر وبعد ذلك تتدخل لإرساء الديمقراطية وحماية الأقليات ....

[ابو حلاوه]

طبقا لتقديراتي الشخصية ... الشعب المصري يتمتع بقدر كبير من الديمقراطية لايتمتع بها العديد من الدول العربية ولذا من الخطأ أن نصف الحاكم بالديكتاتورية لأن الديكتاتورية تتواجد وتتررع فى كل مكان فى مصر من الأسرة و إلى الحاكم. لقد تقبل الشعب الفساد وشارك فيه- صيدلي يروج الأدوية الفاسدة ويبيع المخدرات, أطباءو محامين, قضاه, مهندسين, تجار, رجال أعمال, دافع وقابل الرشوة....إلخ - لقد كان ومايزال للشعب يدا فى زيادة الفقر وبعد ذلك نصف الحاكم بالديكتاتورية ونطالب بإلغاء قانون الطوارئ وهناك من يريد تدمير أبو الهول والتراث لإنهما من أعمال الكفرة ولا يصح تواجدهم على أرض دولة إسلامية.

يحب أن نعلم إذا أرادت أميركا إسقاط الحكم فى مصر فإنها ستلجأ لأصدقاء بن لادن و الظواهري فى مصر وبعد ذلك تتدخل لإرساء الديمقراطية وحماية الأقليات ....

عزيزي فارو

هل يا تري من عشرين عاما مضت كان هؤلاء بتلك القوة التي هم عليها الان ؟؟ المناخ السياسي السائد في مصر ساعد هؤلاء علي الانتشار كالسرطان .....

و النظام المصري يتعامل بشعرة معاوية و الشعرة تطول سعد الدين ابراهيم كما تطول الاخوان المسلمين و كل واحد عليه الدور

الفساد ليس سلوك طبيعي و لكنه سلوك ازمة ... بيفكرني بالهمج اللي نهبوا بغداد

اسرق و اجري وده معناه انه لا قانون و لا يوجد من يتعامل به فلا تتعجب ان تصل الامور لذلك السؤ

المشكلة لو استمر الامر كما هو الان ... و يصبح سند النظام انه البديل الوحيد لنظام طاليباني مستعد للانقضاض و السيطرة علي مصر

انا اري ان ذلك الادعاء اكبر دليل علي فشل النظام و ليس مبرر اطلاقا للابقاء عليه

[الطفشان]

الموضوع ببساطة هو:

ما مستقبل مصر سياسيا و اقتصاديا؟

اما استمرار مبارك و توريث ابنه

او انقلاب جيش (و عارفين ايه اللي حصل من 50 سنة و بندفع ثمنه للان)

او الجماعات المسلحة (مستبعد لكن وارد و عارفين حيبقى ايه المصير)

او احتلال امريكا

او ان الشعب يفوق و يضرب

عندكم خيارات تانية؟ (مافيش استعانة بصديق!)

في أي احتمال تاني؟

يعني اللي بيحكموا مصر يفوقوا مرة واحدة و يصلحوا الحال يعني زي قصص الاطفال؟

مش شايف أي احتمال تاني

الاصلاح ليس لمنع امريكا من غزونا فقط

التغيير و الاصلاح مطلوب من زمان

و اتكلمنا فيه هنا قبل كدة كثير

ايام حملة التوريث، و قبل كدة ميت مرة

الاصلاح الان اصبح ملح جدا

ليس فقط لان مبارك قد يورث ابنه

و ليس فقط لان البلد مليانة فساد

و ليس فقط لان البلد كلها كبت و قمع

و ليس فقط لان فيها ديكتاتورية

و ليس فقط لان فيها ظلم و رشوة و محسوبية

و ليس فقط لان فيها كساد و فقر و اقتصاد منهار

الان انضاف سبب خطير

و هو ان القوى الخارجية قد تجتاح و تدمر و تحتل بسبب ما نحن عليه من ديكتاتورية

الاخ واحد

معاك حق في اننا كنا من افضل الدول - عندنا مشاكلنا بس عايشين

و الشباب اللي عمره 25 كما قلت لم يعرفوا غير العهد الاسود الذي نحن فيه من 22 سنة

و الشباب ايضا الذي لم يعيش الحروب - كما عشناها نحن - هو المتحمس و يقول نحارب امريكا

لانه لا يدري الويل و الدمار و لم يعشه

لا أرى ان هناك حل سوى انتفاضة شعبية و اضراب و مظاهرات

لان الحلول التانية كلها مؤلمة

هل نرضى ان تأتي امريكا و ينهب المتحف المصري و المتحف الاسلامي؟

و تحترق دار الكتب

و تسرق الاثار

و يموت الناس

و تهدم ابنية التحتية

ثم تضع لنا حكومة شلبي المصري او قرضاي المصري؟

لا ارضى بهذا ابدا

حتى لو نجح في اليابان

لان الثمن فادح، و الاصلاح غير مضمون

و حيكون على شروط خارجية و ليس لصالحنا

زي ايام عرابي و الخديوي و غزو بريطانيا لمصر

يبقى بيدي لا بيد عمرو

لاني ماعرفش عمرو حيعمل ايه و ينيل ايه في و في ولادي و في بلدي

[shakoosh]

الأخ فارو

مصر ليس بها ديمقراطية أفضل من العراق أو سوريا.. فحكم بلد مثل العراق ملئ بالمذاهب و الأقليات غير حكم مصر الذى به مسلمون سنة و أقباط ,,, فلو كان مبارك يحكم العلااق أو سوريا لفعل بهم مثل صدام أو الأسد.....

ما ذكره الأخ الطفشان واضح وصريح و مباشر ...نظام ديكتاتورى فاسد يدمر مصر..فما هو الحل ؟...بمنتهى البساطة إزالته و تغيير النظام بالكامل...و كل ما يعنيه الأخ الطفشان هو مبدأ ""بيدى و ليس بيد عمرو""... لكن الواضح أننا كمصريين نفضل دائما يدى عمرو !!!.. فنحن لا نتعلم من التاريخ و لا من الأحداث الجارية...و ننتظر دائما قضاء الله..و هو غالبا عقابا لنا لقبولنا الهوان و الذل!!

مبارك لن يتنازل عن الحكم إلا لإبنه جمال ثم نعيش 30 سنة أخرى تحت نظام ديكتاتورى جديد أو يقفز الجيش على الحكم و يأتى لنا ديكتاتور من نوع جديد ...أو نترك الأمريكان يدمرون تاريخ الحضارة المصرية.....أو تحدث معجزة تاريخية و يتحرك الشعب !!

الحل واضح و صريح و لا يحتاج لنقاش أو مقالات..و سيد درويش قالها من 100 عام""قوم يامصر""..

تحياتى لك يا أخى الطفشان..............

[wa7d]

يا أخ طفشان هو فيه أى أمل ولو طفيف أن الشعب يتحرك . لو فيه أمل حتى واحد فى المليون نعتمد عليه . النظام الحاكم فى الدول العربية يصور الشعب عالميا على إنه مجموعة من الإرهابيين ، أما إذا قام المثقفون فى الشعب المصرى بحملة شعبية عالمية نعلن أن مطلب الشعب هو الديمقراطية وأننا نرفض النظام الدكتاتورى الذى يفرخ من تحت لتحت العداء للولايات المتحدة بين الشعب . عموما الأحسن ننتظر ماذا سيحدث فى العراق . إذا مشيت التجربة صح أو غلط ونحدد موقفنا من مستر عمرو . وطبعا الحل الأمثل هو أن يتحرك الشعب ياريت .

[freefreer]

عندما يختفى التشنج .. يظهر الفكر السليم ..

فالعملة الردئية .. تطرد العملة الجيدة من الأسواق ..

المشاعر الزائفة اكثر رواجا من المشاعر الصادقة ..

من يخشى مواجهة الديكتاتور .. يواجه ما هو اسوأ منه ..

مقارنة بسيطة بين مواضيع توريث الحكم و السلبية التى واجهتها .. و مواضيع حرب العراق و الحماس المتشنج الذى فيها .. سنجد بها معضلة اللغز كله ..

لقد تحكموا فينا للأعناق .. و اصبحوا يعرفون بسهولة تامة متى يسكتونا .. و متى يحركونا .. و الى أين اتجاه يدفعون بنا ..

لقد اصبحنا دمية .. بلا عقل يميز .. فى يد كل من حكامنا و المسيطرون على مقاديرنا ..