" جايلك يا مونتريااااال ، يا مدينة الخيااااال !!! "

[Einstein]

الف مليون حمدالله على السلامة لوصولك لمدينة الخيال وربنا يوفقك وتلاقي شغل بسرعة ولاتنسانا من دعواتك

الاخت مهاجرة

الله يسلم حالك و يكرمك

ويا رب يوفقك لكل ما فيه الخير يا رب

حمد الله على السلامة يا اينشتين

ومونتريال نورت اكتر مهي منورة طبعاااا

وربنا بسمعنا عنك كل خير

ويخليك ياااارب للرابطة يا حبيب ألبي :blink:

حبيب البي دكتور ماجد :wub:

ان شاء الله مونريال مش هيكمل نورها الا لما تيجي

يلا بقي شد حيلك

الرابطة كلها مستنياك

[Einstein]

السلام عليكم،

الف مبروك يا دكتور اينشتين و حمدالله على السلامة، ربنا يجعلها خطوة مباركة و ييسر لك امرك.

الله يبارك لك و يكرمك يا كوين يا رب :wub:

وان شاء الله تحققي احلامك و تسعدي بيها

مبروك عليك تمتع براحتك قبل دخولك لمعركة الحياة و العمل ارجوا ان تفسرلي مامعنا (و بمناسبة ان بكرة اجازة ( يوم كيبك) ) لاني انا مقدمه علي كيبك ودعاء لك بتوفيق

الغالية ام ريهام :blink:

ان شاء الله ربنا يكرمك و تيجي مونريال في اقرب وقت

كنت اقصد ان يوم 24-6 من كل سنة هو عيد رسمي لولاية كيبك

وبيكون اجازة كل المصالح الحكومية

وبعدية باسبوع ، يوم 1-7 من كل عام

هو عيد كندا الوطني

وبرضة اجازة لكل المؤسسات الحكومية

[Einstein]

حمد لله علي السلامه ونورت كندا يا دكتور

انا هنا في موريال من حوالي 3 شهور لو في اي حاجه اقدر افيدك بيها انا تحت امرك

عرفت مكان فرن العيش البلدي ولا لسه ؟ :wub:

يا اهلا يا اهلا يا مرحبا :blink: :waf: wst::

مش قادر اوصف فرحتي بيك قد ايه

بقي تبقي موجود و سايبني دايخ علي العيش :bro:

جربت انواع كتير

ومستقر دلوقتي علي عيش لبناني ابيض كبير

كنت بشتري الكيس ( 6 رغيف ) ب 2.5 دولار

واكتشفت محل تاني بيبيعه ب 2 دولار بس

بس معرفش الفرن ده فين

نورني الله يخليك

انا بعتلك رسالة علي الخاص

[Einstein]

الف حمدلله على السلامه ربنا يتمملك المعادله على خير ويسهلك كل صعب

زميلي الغالي دكتور فارما

الله يسلمك و يبارك لك

وان شاء الله تحصلنا عن قريب

ومكانك محجوز في الرابطة

=====

ودلوقتي بقي استراحة مع شوية صور و نبدأ الحلقة الاولي

[Einstein]

جامعة ميجيل ، جايلك ان شاء الله

[Einstein]

ده شكل اغلب البوت اللي شفتها في مونريال

وبتكون من جوه الحيطان خشب

والارضية برضة خشب باركيه

ومفيش عموايد

[Einstein]

دي صور لحديقة محيطو ببحيرة صغيرة اسمها بيفر ليك

وراها بقي اكبر منتزه في مونريال اسمه بارك دي مونريال

لما مشيت فيه فكرني بالغابات و االافلام الامريكاني بتاعة الرعب في الغابة

[Einstein]

ودي بقي عمارة صغيرة كده في الدون تون

من المباني اللي تعتبر عالية هنا

الاخوة اللي في تورنتو او نيو يروك ( امنعو الضحك )

تم تعديل 28 يونيو 2008 بواسطة Einstein

[Einstein]

ودي بقي صور من متحف الفنون الجميلة في شارع شيربروك في الدون تاون

والجزأ الفروعوني اللي كلمتكم عنه

تمثال حورس

[Einstein]

نبتدي الرحلة من البداية

الحلقة الاولي

من اول ما قلت اني حضر الشنط من الابرة للصاروخ

كان عندي انطباع خاطيء اني هدوخ هنا علي اي حاجة اعوزها

وممكن يكون سعرها غالي جدا

واللي اكتشفته هنا و بعد اسبوع واحد

اني هنا ممكن اشتري من الابرة للمكوك :lol:

المكوك الفضائي طبعا

في اول يومين اتضخضيت شوية من الاسعار اللي في المولات الكبيرة :wub:

بس بعد شوية لاقيت ان كل حاجة موجودة

الغالي موجود والرخيص موجود

زي ما فيه في مصر عربيات اي حاجة بجنية و ربع

هنا بقي محلات كل حاجة بدولار وربع

هههههههه

بس بصراحة انا شفت في المولات الكبيرة اللي عمري ما شفته :bro:

المهم نرجع اني حضرت الشنط

وانا عارف ان ليه 64 كيلو + عشرة كيلو شنطة يد للطيارة

ومع اني سافرت للخليج اكتر من اربع مرات طيران

محصلش اني شفت حد اتكلم علي عدد الشنط

المهم دايما كان الوزن الكلي هوه المهم

علشان كده حضرت الحاجة في شنطة متوسطة و خمس شنط صغيرة

قلت لسهولة التنقل و كده

فؤجت بقي بالصدمة في المطار

انهم بيحسبوا كمان بالقطعة

يعني انا ليه 2 شنطة بس للشحن

والباقي هيتحسب قطع زائدة

ومع ان الشنط دي صغيرة اخرها 15-20 كيلو

بس هتتحسب منفردة

القطعة = 250 دولار :waf: :sad: :blink:

او 980 جنيه مصري

( اسوأ استغلال للي مش معاه عملة مصري )

دي كانت اول حاجة قابلتها في السفر

وعكننتني شوية wst::

بس قولتها علشان احذر الناس اللي هتسافر بعدي

يا جماعة كل فرد له عدد 2 شنطة بس للشحن

ولا يزيد وزن الشنطة الواحدة عن 32 كيلو

وشنطة يد للطائرة عشرة كيلو

استراحة وبعدها نكمل الرحلة داخل الطائرة

في اللقاء القادم

[moheltohamy]

يا جماعة كل فرد له عدد 2 شنطة بس للشحن

ولا يزيد وزن الشنطة الواحدة عن 32 كيلو

وشنطة يد للطائرة عشرة كيلو

يا باشا الموضوع كله بيعتمد على حسب خطوط الطيران اللي انتا مسافر عليها ، وف المعتاد شنطتين لكل راكب وزن الشنطة 23 كجم ، ولو زادت (من 23 إلى 32 بتدفع 50 دولار ع الشنطة الزيادة) ، ومعاك هاند باج بحد أقصى 8 كجم.

أحياناً ، بيكون فيه عرض بزيادة الوزن المسموح من 23 إلى 32 كجم ، والهاند باج 12 كجم.

وعلى فكرة ، الشنط كمان ليها أبعاد ، وممكن جداً يدققوا فيها (طول وعرض وارتفاع) ، والهاند باج ليها برضه حجم معين بأبعاد معينة برضه وفيه موديل للأماكن اللي فوق اللي بتحط فيها الشنط موجود ف المطار.

يبقى يستحسن تاخد معاك مازورة تقيس بيها أبعاد الشنط قبل ما تشتريها ، عشان ما تسيبش نفسك تحت رحمة حد!

وكل التفاصيل دي بتلاقيها موجودة على موقع خطوط الطيران دي ع النت! بس مين يقرا !!

المهم نرجع اني حضرت الشنط

وانا عارف ان ليه 64 كيلو + عشرة كيلو شنطة يد للطيارة

ومع اني سافرت للخليج اكتر من اربع مرات طيران

محصلش اني شفت حد اتكلم علي عدد الشنط

المهم دايما كان الوزن الكلي هوه المهم

يا ريس إيش جاب لجاب؟! الطيران بتاعنا ده (اللي ف الميديل إيست يعني) ، ياما شفت منه البدع!

مرة كانت واحدة (سعودية) ، ست كبيرة رايحة تزور بناتها ، من مطار الدمام ، لمدينة تانية برضه داخل السعودية ، و واخدالهم زيارة سمك!

الراجل اللي ع الكاونتر ، غلب يا عيني يفهم فيها إنو ما ينفعش السمك يطلع الطيارة! هيطلع ريحة! مش مهم ، ده متجمد! يا ستي السمك هيسيح وهيبهدل حاجة المسافرين غيرك ، ومنهم واحدة معاها فساتين فوء الــ 20 ألف ريال (ده هوه اللي بيقول) السمك بتاعك هيبهدل لها الهدوم ، برضه مفيش فايدة!

وعموماً يا باشا حمداً لله على السلامة ، ومنتظرين باقي أخبار الرحلة ، وأيامك الأولي في العالم الأول :wub:

[KINANE]

انا وصلت امبارح تورونتو ودي تعليمات الشنط في AIR CANADA

http://www.aircanada.com/en/travelinfo/air.../checked_n.html

Checked Baggage

IMPORTANT:

Following baggage allowance applies to customers:

With a reservation made before May 15, 2008

Who are traveling before July 15, 2008

If you are traveling on or after July 15, 2008 and have booked on or after May 15, 2008, please see the new Baggage Allowance.

Customers are allowed to check the following amounts of luggage free of charge:

Maximum number of bags

(per person) Maximum weight per bag* Maximum linear dimensions per bag**

(length + width + height)

Economy Service 2 bags 23kg (50lb) 158cm (62in)

Executive Class,

Executive First and Star Alliance Gold

(Executive Class) 3 bags 32kg (70lb)

Total weight of all 3 bags not to exceed 69kg (150lb). 158cm (62in)

Star Alliance Gold (Economy Class) 3 bags 23kg (50lb) 158cm (62in)

Air Canada Elite and Super Elite

(in any class of service) 4 bags 32kg (70lb)

Total weight of all 4 bags not to exceed 92kg (200lb). 158cm (62in)

* No piece may exceed a weight of 32 kg (70lb) or linear dimensions (length + width + height) of 292 cm (115 in) or a length of 203 cm (80 in). For baggage exceeding these limits, please refer to Excess Baggage Fees.

** Garment bags may exceed these linear dimensions, though the maximum number and weight restrictions still apply.

Important information for passengers flying on code share flight(s).

[moheltohamy]

توضيح لا بد منه ... فاتني معلش!

أساس التعليمات بتاعة خطوط الطيران اللي بتعمل تشيك إن عليها. بمعني ، لو انتا طالع من مصر تبع إير فرانس ، وبدلت في باريس واخدت إير كندا (مفيش إير كندا من مصر ، أو ع الأقل ، ما سمعتش) ، تبقى الإير فرانس هيه الأساس ، وتشوف همه شروطهم إيه ، ولو قبلو الشنط في مطار القاهرة ، حتى ولو بزيادة ، يبقى الموضوع انتهى!

مثال ، كانت البريتيش إير وايز عامله أوفر في الصيف الماضي (32 كجم للشنطة) ، حتى نهاية سبتمبر. وبعدها رجعت الأوزان (على أديمُه). بدلنا صحيح في لندن (مطار هيثرو) ، وأخدنا إير كندا ، بس خلاص ، انتهى موضوع الشنط!

وبس يا سيدي :P

[Queen]

السلام عليكم،

يا ترى يا دكتور اينشتين سافرت على اي طيران؟ و ايه اخبار الاسعار؟

استاذ تهامي، ايه الشهور اللي بتعتبر هاي سيزون و ايه اللي بتعتبر لو سيزون للسفر لكندا؟

[Queen]

السلام عليكم ،

حمدالله على السلامة Kinane، تورنتو نورت.

[moheltohamy]

السلام عليكم،

يا ترى يا دكتور اينشتين سافرت على اي طيران؟ و ايه اخبار الاسعار؟

استاذ تهامي، ايه الشهور اللي بتعتبر هاي سيزون و ايه اللي بتعتبر لو سيزون للسفر لكندا؟

مدام كوين...

الشهور الهاي سيزون للي خارجين من كندا هيه اليومين اللي احنا فيهم دول.

والهاي سيزون للرجوع لكندا هتلاقيها أغسطس وسبتمبر ، موسم بداية العام الدراسي (طلبة كتير بتدرس في كندا)!

وهتلاحظي ارتفاع الأسعار في الإتجاه اللي عليه ضغط ، وممكن تعملي تشيك على www.expedia.com ، ولو هتحجزي من عليه ، أنصحك ما تروحيش ع الموقع الكندي www.expedia.ca هتلاقي نفس الرحلة بكل التفاصيل أغلى! وهيه هياها!

وممكن تختاري أي خطوط تحبيها ، عندك البريتيش إير وايز كويسة ، أو أليتاليا ، وإير فرانس (ولو إن تجربتي معاهم مش حلوة)! طبعاً تبعدي عن نورث ويست أو دلتا أو يونايتد ، عشان دول هتلاقي ترانزيتهم في نيو يورك أو ممفيس أو ديترويت وغيرها ، ودي هتحتاج فيزا ترانزيت من سفارة أمريكا... إشتري دماغك!! وهتلاقي فيه خطوط غالية زي لوفتهانزا وغيرها ، ومش هتفرق كتير!

وبااس يا ستي. :P

تم تعديل 28 يونيو 2008 بواسطة moheltohamy

[drpharma]

الشنطه 980 جنيه يعني دفعوك فالشنط اكتر بكتير من تمن التذكره طيب حاااضر انا وانا جاي مش اخد ولا شنطه يبقو يوروني هيدفعوني على ايه ياخوفي النافيجاتور الي فجيبي يبان

[drpharma]

الشنطه 980 جنيه يعني دفعوك فالشنط اكتر بكتير من تمن التذكره طيب حاااضر انا وانا جاي مش اخد ولا شنطه يبقو يوروني هيدفعوني على ايه ياخوفي النافيجاتور الي فجيبي يبان

مع خالص تحياتي ليك يا اينشتين

[om reham]

اخي اينشتين وجدة لك مطعم كل حتي تشبع وخذ يوم راحه من العيش و كل البفتاك هذا العنوانQuebec :

4250 1e Avenue, Suite 126

Galeries Charlesbourg

Québec, Québec

G1H 2S5

418-621-9999(tel)

418-621-9994(fax)

ولا تنسي تحكي ماذا شفت وكم الواحد اتمني ان يكون المطعم في حسن الضن

[batota]

السلام عليكم

حمدا لله على توفيقه وعقبال كل الزملاء

مونتريال نورت

فيه فرن عيش بلدى اسمه ( بلدى) لا اعرف الطريق اليه ممكن تسال اضحاب المحال العربى

وهذا المخبز بيعمل بالطلب وعنده بسبوسة مصرية وفطير ساحاول اسال على عنوانه وبنزوحه ازاى :rolleyes: