واثق الخطوة بتاريخ: 14 يونيو 2008 تقديم بلاغ مشاركة بتاريخ: 14 يونيو 2008 (معدل) يوميات حسن ومحاسن ومحسن .... حسن موظف بسيط محب للسياسة ومتابع للأخبار محاسن زوجته .. ربة منزل .. جامعية ... ولكن تراكم سنوات جلوسها في البيت .. وادمانها للمسلسلات جعلتها "مغيبة " تماما عما يدور خارج البيت ... محسن : ابنهم طفل عصري بكل المقاييس فيما يلي بعض من يومياتهم الواقعية مع أقل القليل من الخيال ! تم تعديل 16 يونيو 2008 بواسطة واثق الخطوة مدونتي http://abokalil.blogspot.com/ رابط هذا التعليق شارك المزيد من خيارات المشاركة
واثق الخطوة بتاريخ: 14 يونيو 2008 كاتب الموضوع تقديم بلاغ مشاركة بتاريخ: 14 يونيو 2008 الحريري ورفيقه ! حسن جالس على الأريكة باسترخاء رأسه غارقة بين صفحات الجريدة ... بينما يتابع بشيء من الاهتمام نشرة الأخبار في التلفاز .. محاسن جالسة بجواره .. ... تشغل نفسها بتنقيه الرز.. وتتمتم بينما وبين نفسها"مش هانخلص بقي" ... تنظر له بين الفينة والفينة... تتأفف في ملل ... بينما تحاول أن تكبح نفسها عن الكلام بأي شكل .. حتى وصلت لمرحلة لا يمكن السكوت فيها .. صرخت : وأخرتها يا سي حسن ! . مش كفاية أخبار بقي ؟عايزين نشوف المسلسل العربي يا خويا . حسن ينظر إليها بتأفف : يا وليه استني لما نشوف الأخبار .. النهاردة هيطلع التقرير بتاع لجنة تقصي الحقائق في اغتيال الحريري؟ تضرب على صدرها بدهشة : يا لهوي .. هما قتلوا "عمر الحريري" يا خويا ؟ ينظر إليها حسن بتعالي بل بقرف .. ويصرخ في وجهها : يا وليه يا جاهلة : عمر الحريري مين .. والله المسلسلات التافهة بتاعتك دي هتلحس دماغك .. بقولك : اغتيال رفيق الحريري ؟ تضرب على صدرها مرة أخرى : يا خرابي يا خويا معرفوش يقتلوا عمر الحريري قتلوا رفيقه؟ - يا وليه يا لي الجهل عامل في دماغك اشتراك مدى الحياة ... دا واحد اسمه رفيق الحريري ..كان شغال رئيس وزراء ! - وده يا خويا يبقي اخو عمر الحريري ؟ -لا يا ستي رفيق الحريري لبناني مش مصري .. -ومسكوا اللي قتلوه يا خويا - لا القضية غامضة جدا ... ناس بيقولوا سوريا قتلته .. وناس بيقولوا اسرائيل وناس بيقولوا حزب الله ومحدش عارف الحقيقة فين ؟ - يا خويا ولا سوريا ولا اسرائيل تلاقي مراته عرفت انه بيلعب بديله قامت مأجرة كام بلطجي من منشية ناصر و شرحوه ..زي ما حصل في مسلسل (توحه المفضوحة)؟ -ممكن برضة .. كل شيء وارد ..سيبيني بقي علشان عايز اشوف النشرة .. أحست محاسن أن الأمور وصلت لحد لا يمكن السكوت عليه .. لذا كان لزاما عليها أن تبدأ في شن حرب كلامية واسعة المجال فصرخت بعزم ما فيها : -لا يا خويا الساعة عشرة تمام .... التمثيلية بدأت من خمس دقايق ودي الحلقة الأخيرة .. بلا حريري لا بتاع ... سلمني الريموت وانزل انت شوف لنا التموين بتاع الشهر اتأخر أيه .. احنا خدنا أيه من السياسة ووجع القلب ...خلاص يا خويا الحريري مات ... والله يرحمه ... و اللي قتل الحريري منه لله وحسابه عند الله ... هوه الحريري ده كان من بقية أهلك ... أيقن حسن أن زوجته خلاص قفلت معاها .. في مثل هذه المواقف .. وعندما يصبح التلفاز عندها أمر حياة أو موت .. لا يمكنه أن يوقف طوفان الكلام المتفجر من فمها .. فأثر أن يطوي صحيفته ويسلمها صاغرا الريموت ويغادر الغرفة ثم الشقة كلها كي يصرف التموين ! مدونتي http://abokalil.blogspot.com/ رابط هذا التعليق شارك المزيد من خيارات المشاركة
shahd بتاريخ: 14 يونيو 2008 تقديم بلاغ مشاركة بتاريخ: 14 يونيو 2008 اسلوب متميز.. ويوميات مشوقة.. في انتظار البقية .. خالص تقديري واحترامي طـــــــفولــــة شــــــهـــد رابط هذا التعليق شارك المزيد من خيارات المشاركة
واثق الخطوة بتاريخ: 15 يونيو 2008 كاتب الموضوع تقديم بلاغ مشاركة بتاريخ: 15 يونيو 2008 2- الاقتصاد وارم ! حسن اليوم ليس في حالة طبيعية .. ساكت وحامل الهم على رأسه . (مكبوس) يعني ! ... محاسن طبعا عشرة عمر ... ترصد راداراتها أي تغيير في طبيعة زوجها ... عرفت ان ثمة مكروه كدر عليه يومه ... أكيد السياسة اللي واجعه دماغه وتاعبه أعصابه .. ,وجبت له الضغط وهو لسه شباب - مالك يا خويا مش عوايدك يعني ؟ -معرفتيش اللي حصل يا محاسن .. ما شفتيش نشرة الأخبار النهاردة ؟ -خير يا ابومحسن -التضخم الاقتصادي يا محاسن وصل 21 % وده اول مرة يوصل للحد ده في تاريخ مصر -طيب يا خويا بركة ونعمة ... الحمد لله ان شاء الله يتضخم ويكبر كمان وكمان .. -يا وليه بقولك الاقتصاد اتضخم -ايوة يا خويا يعني كبر و زاد .. الله عليك يا أبو محسن .. انت تزعل لو اقتصادنا زاد وبقي ضخم .. ,ولا يكونش قصدك انه خبر كذب .. طبعا كدب .. ما انت شايف حالنا يا خويا لا يسر عدو ولا حبيب والناس مش لاقيه تاكل أصلا .. ايوة بيقي الاقتصاد لا اتضخم ولا حاجة ... هما الناس بتوع برنامج (حالة حمار) وبرنامج ( البيت بيتي ) هما اللي بيطلعوا الاشاعات دي .. يا خويا ياما نصحتك ما تتفرجش على الحاجات دي . احمرت عيون حسن : -يا وليه افهمك ازاي بس ... التضخم الاقتصادي زيادة بس مش زيادة حلوة ... انت مثلا يا محاسن .. لما اتجوزنا كان وزنك حلو ورشيقة .. دلوقتي بعد الولادة والراحة في البيت وزنك زاد قوي ... الزيادة في الوزن مثلا زيادة سيئة ... تغيرت ملامح محاسن .. وخلعت الوجه البرئ ولبست لزوجها في ثواني الوجه الجبس وصرخت : -حسن ما تلخبطش في الكلام .. وفيها ايه لما ازيد واربرب .. امال عايزيني ابقي زي عصاية المقشة دي البنات اللي بيطلعوا في التليفزيون .. اسم الله على كرشك .. احس حسن أن الحوار انحدر لمستوى سيء .. فمسح عرقه وهو يحاول أن يصلح ما قاله : - مش قصدي يا حب عمري ... انا قصدي مش كل زيادة تبقي حلوة الزيادة الوحشة اسمها تضخم .. فهمتي .. - والله يا خويا ما انا فاهمه حاجة منك ....-صحيح افتكرت يا حسن ... قفل على السيرة دي بقي وما تنساش تكشف على ابنك أصل ضرسه وارم من امبارح ...ووشه منفوخ يا حبه عين امه ... ومعرفش ينام من الوجع من امبارح يبتسم حسن : -بس يا محاسن اديكي فهمتي دلوقتي : الاقتصاد بتاعنا تضخم يعني زاد زيادة سيئة زي ضرس ابنك لما ورم ... أومأت محاسن وهزت راسها وقالت : -اه فهمت يا خويا يعني الاقتصاد وارم ! -ايوةمضبوط الاقتصاد وارم - طيب يا خويا ما تقول كده من الصبح ... خلصنا وروح اكشف على الولد علشان عنده تضخم في ضرسه مدونتي http://abokalil.blogspot.com/ رابط هذا التعليق شارك المزيد من خيارات المشاركة
somebody بتاريخ: 15 يونيو 2008 تقديم بلاغ مشاركة بتاريخ: 15 يونيو 2008 (معدل) ما شاء الله ولا قوة إلا بالله __________________________________ أسلوب بسيط وكوميديا سوداء مستمدة من الواقع ___________________________________ في انتظار باقي اليوميات مع تمنياتي بالتوفيق تم تعديل 15 يونيو 2008 بواسطة somebody &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& ( إِنَّ بَطْشَ رَبِّكَ لَشَدِيدٌ (12) إِنَّهُ هُوَ يُبْدِئُ وَيُعِيدُ (13) وَهُوَ الْغَفُورُ الْوَدُودُ (14) ذُو الْعَرْشِ الْمَجِيدُ (15) فَعَّالٌ لِّمَا يُرِيدُ (16) ) سورة البروج *********************************************************************** http://audio.islamweb.net/audio/index.php?...d=527&rid=1 _______________________________________________________________________ http://www.55a.net &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& رابط هذا التعليق شارك المزيد من خيارات المشاركة
somebody بتاريخ: 15 يونيو 2008 تقديم بلاغ مشاركة بتاريخ: 15 يونيو 2008 (معدل) :) :) :blink: :roseop تم تعديل 16 يونيو 2008 بواسطة somebody &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& ( إِنَّ بَطْشَ رَبِّكَ لَشَدِيدٌ (12) إِنَّهُ هُوَ يُبْدِئُ وَيُعِيدُ (13) وَهُوَ الْغَفُورُ الْوَدُودُ (14) ذُو الْعَرْشِ الْمَجِيدُ (15) فَعَّالٌ لِّمَا يُرِيدُ (16) ) سورة البروج *********************************************************************** http://audio.islamweb.net/audio/index.php?...d=527&rid=1 _______________________________________________________________________ http://www.55a.net &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& رابط هذا التعليق شارك المزيد من خيارات المشاركة
واثق الخطوة بتاريخ: 16 يونيو 2008 كاتب الموضوع تقديم بلاغ مشاركة بتاريخ: 16 يونيو 2008 (معدل) شكرا شهد .. شكرا somebody .. شكرا somebody أقولها لك مرتين لانك اكدت رسالتك مرتين !!! 3- استدعاء ولي أمر الطالب محسن حسن بهدوء وأدب وسكينة ... جلس محسن بجوار والده .. الصفات السابقة كلها ليست الطباع المعروفة لدي محسن ... لذا شم حسن رائحة لم تعجبه... واحس أن محسن فيه حاجة غلط .. وبدأ الاستجواب وانتهي بمعرفة سبب طيبة محسن غير المعهودة : "عايزينك في المدرسة بكرة " وبرغم أن محاسن كانت هناك في أخر المطبخ إلا أنهما اكتشفا أنها كانت ترصد كل همساتهم عندما صرخت صرخة هزت البيت : " عملت أيه يا منيل؟" والحق أن المنيل - محسن- ارتعد لصوت أمه فتعثرت كلماته " والله ما عملت حاجة دول قالوالي ما تجيش إلا وولي أمرك في أيدك .. بس" تنهد حسن وقال بحكمة جدوده : "يا خبر النهاردة بفلوس ...بكرة يبقي في الأوكازيون " ضحك الجميع بشفاههم فقط فالقلوب بقيت مرتجفة متوجسة ... وتوجها سويا للمدرسة في اليوم التالي حسن كان يضرب أخماس في أسداس .. "يكونش الواد ابو لسان زالف قال في المدرسة الكلام اللي أنا بقوله في السياسة في البيت ... ؟" بس ده عنده عشر سنين مش معقول عقله يستوعب الكلام ده أصلا ... دخل من باب المدرسة وبيده سبب المصايب : محسن يتضاهر كمثل هذا المواقف بالبراءة والطيبة ! ابتسم لهما حارس المدرسة وصافح حسن وقال له : ربنا يخلي لك المحروس ابنك ده كنز قومي لاحظ حسن أن باقي العاملين بالمدرسة يشيرون إليهما ويهمسون فيما بينهم ... ازداد قلق حسن ! سأل عن غرفة المدير ... وسار إليها يقدم رجل ويؤخر الثانية ... وفي غرفة المدير ... استشاط المدير غضبا بمجرد أن شاهدهما وكأنه شاهد عقرب .. انت ابن المجرم ده! اختبا محسن مذغوراً خلف أبيه .. الذي ربت عليه ليهدأ من روعه ... " ما الجريمة التي يمكن أن يقوم بها طفل في الصف الرابع الابتدائي؟" ايوة يا سيدي أنا ابو محسن ... ممكن اعرف عمل ايه -هاحكي لي ايه ولا أيه يا استاذ ... في الأول جاني استاذ الدين وقال لي ان ابنك سأله : استاذ هوا حسني مبارك صاحب ربنا ؟ ... ساعتها قلت : معلهش عيل صغير ومبيفهمش .. بعدها بيومين جالي استاذ العريب وقال لي أنه عمل موضوع تعبير عن أمنيات كل واحد في السنة الجديدة : تعرف أول امنية لإبنك كانت أيه ؟ إن حسني مبارك يموت السنة الجاية ... ساعتها قلت معلهش عيل أهبل وبيخرف .. إنما اللي ما ينسكتش عليه اللي ابنك عمله امبارح مع استاذ التاريخ : الأستاذ واقف في الفصل باحترام و يسأل كل واحد في الفصل : نفسك تبقي ايه لما تكبر ... اللي قول نفس ابقي ضابط واللي يقول نفسي ابقي طيار .. واللي يقول نفسي ابقي دكتور .... يقوم ابنك المحروس يقول له بكل وقاحة : نفس ابقي رئيس جمهورية !! أهو ده اللي ما يتسكتش عليه ولا نسمحش بيه ابداً يا استاذ !!! وفي المرة القادمة سنعرف رؤية العائلة للأوضاع الحزبية داخل مصر ! تم تعديل 16 يونيو 2008 بواسطة واثق الخطوة مدونتي http://abokalil.blogspot.com/ رابط هذا التعليق شارك المزيد من خيارات المشاركة
مصري أصيل بتاريخ: 16 يونيو 2008 تقديم بلاغ مشاركة بتاريخ: 16 يونيو 2008 الأخ واثق الخطوة يوميات جميلة و أسلوب رائع و لكن أعتراضي الوحيد علي أن تكون الشخصية الأنثويه في اليوميات ( محاسن) جامعية و هذا من وصفك لها. تقبل تحياتي ومنتظرين باقي اليوميات من أقوال الشيخ الشعراوي رحمه الله الثائر الحق من يثور ليهدم الفساد ثم يهدأ ليبني الأمجاد رابط هذا التعليق شارك المزيد من خيارات المشاركة
النجم الثاقب بتاريخ: 16 يونيو 2008 تقديم بلاغ مشاركة بتاريخ: 16 يونيو 2008 (معدل) كوميديا جميله و الله و أفيهات جامده جدا .. لكنى اشارك اخى مصرى أصيل اعتراضه فى كون محاسن جامعيه . متتأخرش علينا بقى تم تعديل 16 يونيو 2008 بواسطة النجم الثاقب كيف اصطباري وما في العمر متسع...!! رابط هذا التعليق شارك المزيد من خيارات المشاركة
واثق الخطوة بتاريخ: 16 يونيو 2008 كاتب الموضوع تقديم بلاغ مشاركة بتاريخ: 16 يونيو 2008 يوميات حسن ومحاسن ومحسن ....حسن موظف بسيط محب للسياسة ومتابع للأخبار محاسن زوجته .. ربة منزل .. جامعية ... لكن اهتماماتها تنصب على المسلسلات وأحاديث التليفون محسن : ابنهم طفل عصري بكل المقاييس فيما يلي بعض من يومياتهم الواقعية مع أقل القليل من الخيال ! غريب اعتراضكم لأن محاسن فعلا جامعية وهذه هي الحقيقة ! ولكن تراكم سنوات جلوسها في البيت .. وادمانها للمسلسلات جعلتها "مغيبة " تماما عما يدور خارج البيت ... وهل كل جامعي مثقف !!! شكرا لمروركم ! مدونتي http://abokalil.blogspot.com/ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان