الزوجة الملكة

[se_ Elsyed]

بالنسبة إلى إن التعدد بيمنع الزنا ومقدماته ... فهذا غير صحيح ولم يثبُت .... والراجل الفلاتي اللي ما بيراعيش ربنا ... لن يردعه زواجه بأربعة في نفس واحد في إنه يرتكب هذه الجريمة .. وكذلك السيدة اللي ماعندهاش لا أخلاق ولا دي لو كانت متزوجة برجل ومن قبلة بعدة رجال وعايز تعمل كده فلن يردعها زواجها أيضاً ...

اما إنه هايغلق باب السحر والخرافة وباب التبرج ... فنريد مزيداً من الشرح من الإخت somebody ... مش فاهم والله إزاي

[ELSHAMY]

وَإِنْ خِفْتُمْ أَلاَّ تُقْسِطُوا فِي اليَتَامَى فَانكِحُوا مَا طَابَ لَكُم مِّنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلاَّ تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُوا "

واضح من الأية ان الأساس التعدد و الأستثناء هوه الزوجة الواحدة ( يعني ربنا بيأمر الرجال ان هما يتجوزوا 2 او 3 او 4 و اذا خاف انه مش حيعدل يتجوز واحدة )

إلا تفسير القرآن يا جويريه ... إلا التفسير !!!!

بالله عليكي ده أمر من ربنا ولا تشريع وتحليل ؟ وهل هذا يتساوى مع أمر تأدية الصلاة وإيتاء الزكاة مثلاً ؟

والأية لا يُفهم منها على الإطلاق إن التعدد هو الأساس والزوجة الواحدة هي الإستثناء .... واتحدى إن جيبتي لي رأي او تفسير لأحد العلماء من أيام الرسول الكريم لحد دلوقت بيقول إن اللي ما يتجوزش أكثر من واحدة يبقى لا يتبع سأنة الرسول أو يبقى بيخالف أمر ربنا ( إنتي اللي قولتي إن ده أمر خلي بالك )

----------------

أخويا وحبيبي د / شامي

عزيزى س س ...تعرف تقول لى على زوجة مش حتكون ممتعضة و غير راضية و تقلب حياتك دراما لما تيشرها انك عاوز تتجوز عليها مهما كان السبب فى الزواج التانى

.....معنى ذلك انك قفلت الباب بالضبة و المفتاح....

مش فاهم كلامك يا دكتور ... وضح لي الله يكرمك .

بس اللي أقدر أقوله لك .. إن الزوجة الاولى ستقبل بكل ترحيب إذا كان عندها ظروف خاصة كعدم الإنجاب مثلاً او ظروف صحية إياً كانت ... وبالتالي بدل ما تطلب الطلاق فالأفضل إن زوجها يتزوج باخرى في حالة رغبته في ذلك .. ده بالإضافة إلى سيدات ليس لديها أي حساسيات أو مانع من إن زوجها يتزوج باخرى زي اختنا جويرية اللي الموضوع مش فارق معاها ... فبكده يبقى بها ونعمه ... وهو حد يكره ؟

ولا أعتقد إن التشريع ده موجود ونزل من سابع سما عشان الرجالة تتجوز عمال على بطال ...

كده كلامك صح...انت فهمت قصدى...ياريت كل الستات يكون عندهم رؤية و فهم أختنا جويرية فى هذه النقطة بالذات....

طبعا يا س س احنا جايين نهدى النفوس... بس مين نعمه دى ؟

[جويرية]

التعدد هيغلق ابوا ب وليس باب من الفتنة وهي

1- باب السحر والخرافة

فعلا دي مشكلة كمان

عشان من غير تعدد حتبقي فيه حرب شاملة بين الزوجة و بين الأيم

الأيامي دول مش حيسبوا الزوجة انها تعيش و تتفسح و يكون عندها أولاد و هما يقعدوا يتفرجوا عليها كدة و هما ساكتين

لأ و بعد ده كله بيبقوا هما مواطنين من الدرجة التانية و الزوجة مواطنة من الدرجة الأولي

المهم بعض الأيامي دول بقي بيبقوا فريسة سهلة للشيطان و ممكن تلجأ بقي للسحر

وممكن بقي يبقي السحر أصلي من بتاع السحرة بتوع فرعون و الزوج يسيب الزوجة الأولي خالص و متحصلش حتي انه يعدل بينها و بين الزوجة التانية

تم تعديل 16 يونيو 2008 بواسطة جويرية

[جويرية]

ممكن يفتح باب اطفال مش بيشوفوا ابوهم و لا يعرفوه لانها مشغول كل يوم عند زوجة

التبرج موجود مهما عملنا

الستات مش بيتبرجوا لمجرد الزواج بأمارة انه فيه كتير متزوجات و الزينة و التبرج فيهن اكثر من غيرهن

يا اختي فيه أباء دلوقتي بتشتغل شغلتين في اليوم و البيت ده استراحة بالنسبة ليهم

و بعدين الكيف اهم من الكم

يعني معاملة اب حنون لأولاده أن شاء الله 5 دقايق في اليوم احسن من أب قاعد طول اليوم و كاتم علي نفس أولاده بأوامره و نواهيه

لأ بختلف معاكي يا هوبة اللي مش متجوزين أكتر تبرجا

[جويرية]

إلا تفسير القرآن يا جويريه ... إلا التفسير !!!!

بالله عليكي ده أمر من ربنا ولا تشريع وتحليل ؟ وهل هذا يتساوى مع أمر تأدية الصلاة وإيتاء الزكاة مثلاً ؟

والأية لا يُفهم منها على الإطلاق إن التعدد هو الأساس والزوجة الواحدة هي الإستثناء .... واتحدى إن جيبتي لي رأي او تفسير لأحد العلماء من أيام الرسول الكريم لحد دلوقت بيقول إن اللي ما يتجوزش أكثر من واحدة يبقى لا يتبع سأنة الرسول أو يبقى بيخالف أمر ربنا ( إنتي اللي قولتي إن ده أمر خلي بالك )

مقلتش أمر لكل فرد علي وجه التحديد

أمر للمسلمين جميعا

أن مبيقاش في المجتمع المسلم أمرأة بلا زوج مهما كانت ظروفها

لكن مين اللي ينفذ الكلام ده

كل واحد حسب ظروفه و استطاعته

يقول دكتور عبد الفتاح إدريس أستاذ الشريعة والقانون بجامعة الأزهر " التعدد في الزواج هو الأصل لمشروعية النكاح لقوله تعالى ( وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ، وآتوا النساء صدقاتهن نحلة فإن طبن لكم عن شيء منه نفساً فكلوه هنيئاً مريئاً ) ، وعدم التعدد هو الاستثناء وذلك إذا انعدمت شروط التعدد التي منها :

1-الخوف من عدم العدل مع الزوجات اللاتي يدخلن في عصمته .

2-الخوف من عدم القدرة على الإنفاق سواء للزوجات أو الذرية

د. عبد الفتاح إدريس

والخوف من عدم العدل في قوله " وإن خفتم ألاتعدلوا فواحدة أو ما ملكت أيمانكم" المقصود به هو عدم العدل المادي أي في النفقة .

هل الأصل في الزواج التعدد ؟ وهل الزواج بأخرى ينبغي أن يكون بعذر.

الجواب

الحمد لله وحده، والصلاة والسلام على من لا نبي بعده، وبعد:

فإن الأصل في الزواج التعدد؛ لقوله تعالى: "وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا" [النساء:3]، فدلت الآية على أن الأصل هو التعدد، وهذه القضية ثابتة شرعاً وعقلاً، فإن عدد النساء أكثر من عدد الرجال، سيما إذا حدثت حروب وغيرها، وليس شرطاً أنه لا يعدد إلا من كان له عذر في ذلك؛ لأن التعدد أبيح بدون شروط إلا شرط العدل، والعدل المقصود في الآية هو في الأمور الظاهرة المقدور عليها كالقسم في المبيت، والعدل في النفقة والتعامل، وأما الميل القلبي فلا يشترط فيه ذلك لقول النبي – صلى الله عليه وسلم – "اللهم هذا قسمي فيما أملك فلا تلمني فيما تملك ولا أملك". رواه أبو داود (2134)، والترمذي (1140)، والنسائي (3943)، وابن ماجة (1971) من حديث عائشة –رضي الله عنها-.

أما إذا كان الإنسان متيقناً أنه سيظلم إحدى زوجاته ويضر بها ولا يعطيها حقوقها؛ فإن التعدد يكون في حقه حراماً؛ لقوله تعالى: " فَإِنْ خِفْتُمْ أَلَّا تَعْدِلُوا فَوَاحِدَةً" [النساء: 3].

وأما إذا كان الإنسان يخشى على نفسه الوقوع في الفاحشة لمرض زوجته الأولى، أو عدم قيامها بحقه، أو كبرها أو غير ذلك؛ فإن التعدد يكون في حقه فرضاً واجباً والله أعلم.

تم تعديل 16 يونيو 2008 بواسطة جويرية

[somebody]

1- باب السحر يعني البنات ال اتاخرت ف الجواز مثلا انتي ليه متجوزتيش لحد دلوقت أكيد معموللك عمل نفس الامر بالنسبة للمطلقات

هنا بتحصل الفتنة في الدين

ولا حول ولا قوة إلا بالله

__________________________________________________________________

تم تعديل 21 يونيو 2008 بواسطة somebody

[جويرية]

التعدد سُنة .... لا يوجد في الدين ما يُثبت ذلك ... قرآناً وسُنةً

التعدد هو الأصل ... وهذا أيضاً لا في القرآن ولا في السُنة

إن هذا هو فعل الرسول صلى الله عليه وسلم والله تعالى لا يختار لرسوله صلى الله عليه وسلم إلا الأفضل ، وقد أختار له التعدد بين النساء ، وأيضاً ما من أحد من أصحابه رضوان الله عليهم إلا وقد عدد بين النساء .

إن الإنسان إذا أمر بشيء له أن يأتي منه ما استطاع ، فالاستطاعة ممكن أن تكون أولية أو ثانوية ، قال الرسول صلى ألله عليه وسلم : { ذروني ما تركتكم، فإنما هلك من كان قبلكم بكثرة سؤالهم واختلافهم على أنبيائهم. فإذا أمرتكم بشيء فأتوا منه ما استطعتم، وإذا نهيتكم عن شيء فدعوه } رواه مسلم

3

[MZohairy]

اشغلي انتي نفسك يا جويريه بدفع الرجال على التعدد في الزواج و نصرتهم في هذه القضيه الخطيره

و الناس في مصر مبقوش لاقيين ياكلوا و لا يتعالجوا و لا يتعلموا

و كتير من الشباب الصغير بيشم كله و بيبرشم و بيتعاطى المخدرات

و مجتمعنا به اكتر من 48% منه جهله و أميين لا يقرأون و لا يكتبون في سنة 2008

كل ده مش مهم

المهم الراجل يتجوز اربعه

زيدينا الله يزيدك من نعيمه بهذه المواضيع النافعه و المهمه و المناسبه لظروف المصريين

[جويرية]

اشغلي انتي نفسك يا جويريه بدفع الرجال على التعدد في الزواج و نصرتهم في هذه القضيه الخطيره

و الناس في مصر مبقوش لاقيين ياكلوا و لا يتعالجوا و لا يتعلموا

و كتير من الشباب الصغير بيشم كله و بيبرشم و بيتعاطى المخدرات

و مجتمعنا به اكتر من 48% منه جهله و أميين لا يقرأون و لا يكتبون في سنة 2008

كل ده مش مهم

المهم الراجل يتجوز اربعه

زيدينا الله يزيدك من نعيمه بهذه المواضيع النافعه و المهمه و المناسبه لظروف المصريين

جايز حضرتك قريت الموضوع بدون التعليقات و الردود ، أتمني انك تقرا الموضوع مرة أخري

و يا ريت أسمع تعليق حضرتك مرة تانية جايز يكون مختلف عن التعليق ده

[جويرية]

كده كلامك صح...انت فهمت قصدى...ياريت كل الستات يكون عندهم رؤية و فهم أختنا جويرية فى هذه النقطة بالذات....

لأ الزوجات معندهمش قبول لهذا الموضوع بأي حال من الأحوال

و ساعات و الله بعذرهم

عشان المسلسلات اللي لازم تطلع أن لو الزوج تزوج بأخري يبقي لازم الزوجة الأولي فيها عيب ،

فأي زوجة بتحس ان ده جرح لكرامتها و الحقيقة مش كدة

[جويرية]

بالنسبة إلى إن التعدد بيمنع الزنا ومقدماته ... فهذا غير صحيح ولم يثبُت .... والراجل الفلاتي اللي ما بيراعيش ربنا ... لن يردعه زواجه بأربعة في نفس واحد في إنه يرتكب هذه الجريمة .. وكذلك السيدة اللي ماعندهاش لا أخلاق ولا دي لو كانت متزوجة برجل ومن قبلة بعدة رجال وعايز تعمل كده فلن يردعها زواجها أيضاً ...

ما هوه المسلم مش مسئول عن مراته وولاده بس

المسلم مسئول عن المجتمع اللي حواليه

وزي ما أكدت ان فيه فئات من النساء مش حتصلح تكون ألا زوجة تانية غالبا

قضية تعدد الزوجات بأعين الأمم المعاصرة

تم تعديل 17 يونيو 2008 بواسطة جويرية

[جويرية]

دلوقتي علي طول بقرا ان المطلقة دي بيتجوزوها عشان ياخدوا ثواب

أولا الستر و السكن ده من مقاصد الزواج للجميع مش للمطلقات و الأرامل بس

دورت في التفاسير عن أيه ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا )

تفسير القرطبي

تفسير ابن كثير

تفسير الطبري

في التلات تفاسير دي مشفتش أن الأية دي نازلة عشان المطلقات و الأرامل دول بيتجوزوهم ثواب و صدقة

اللي حاصل ان التعدد كان موجود من قبل الأسلام و الأيات دي نزلت لتحديد عدد النساء بأربعة ، ساعة ما نزلت الأية كان فيها ناس عندها 10 زوجات و الرسول صلي الله عليه و سلم امرهم بطلاق الزوجات اللي اكتر من 4

و بعدين كلمة ( ما طاب لكم ) يعني اللي يعجبكم من النساء ، مش زي ما بيقولوه دلوقتي عشان تاخد ثواب في المطلقة

لكن ايه اللي خل الناس يقولوا الكلام ده دلوقتي

لأن الناس قلبت الأية و بقي الأصل الزوجة الواحدة

فالعلماء في العصر الحالي يستعطفوا الناس و يقولولهم طيب عشان تكسبوا ثواب في الناس دي

و بعدين كون الزوجة بتبقي زوجة وحيدة ده أحيانا بيضر الزوجة الي حد كبير - يعني الزواج الثاني بيبقي ثواب للزوجة الأولي كمان

وبعدين ما هيا المطلقة هيا نفسها البنأدمة اللي كانت من كام شهر و لا من كام سنة كانت مش متجوزة ،

اذا كان في الجاهلية ماكنش فيه النظرة دي ان المطلقة بيتجوزوها ثواب و لا في عهد الأسلام لغاية قريب

أمال فين حقوق الأنسان في القرن 21

( الكلام ده مش تعليق علي رد الأخوة المشاركين في الموضوع ، الكلام ده انا بقراه كتير لما بقرا عن تعدد الزوجات )

تم تعديل 17 يونيو 2008 بواسطة جويرية

[MZohairy]

اشغلي انتي نفسك يا جويريه بدفع الرجال على التعدد في الزواج و نصرتهم في هذه القضيه الخطيره

و الناس في مصر مبقوش لاقيين ياكلوا و لا يتعالجوا و لا يتعلموا

و كتير من الشباب الصغير بيشم كله و بيبرشم و بيتعاطى المخدرات

و مجتمعنا به اكتر من 48% منه جهله و أميين لا يقرأون و لا يكتبون في سنة 2008

كل ده مش مهم

المهم الراجل يتجوز اربعه

زيدينا الله يزيدك من نعيمه بهذه المواضيع النافعه و المهمه و المناسبه لظروف المصريين

جايز حضرتك قريت الموضوع بدون التعليقات و الردود ، أتمني انك تقرا الموضوع مرة أخري

و يا ريت أسمع تعليق حضرتك مرة تانية جايز يكون مختلف عن التعليق ده

لا والله

قريته و اكثر من مره

و في كل مره استفيد استفاده جديده اعظم من ما سبقها

زيدينا يا جويريه أكثر و خصوصا في هذه الظروف.. فما اعظم المواضيع التي تسلط الضوء على المشاكل الحقيقيه في المجتمع

تحياتي

[جويرية]

تعدد الزوجات و الأعلام

دي صورة تعدد الزوجات في الأعلام

من المؤسف أن الغالبية العظمى من ”الأمثلة“ التي نسمعها عن التعدد تندرج في أحد هذين الإطارين: إما إطار الظلم الواقع من الرجل على زوجته الأولى المخلصة الصابرة المغبونة التي أفنت حياتها وعمرها وزهرة شبابها وتحملت الصعاب في بدء الحياة الزوجية ، ثم بعد أن ارتاح الزوج ماديا عقد قرانه على شابة صغيرة بعمر بناته ، وفضلها على زوجته الأولى تفضيلا !

أما الإطار الآخر فهو العزوف تماما عن الزواج الثاني والنظر بعين الريبة وسوء الظن لكل من تجرأ و”عملها“ ، على قاعدة أن الأصل فيمن يمارس التعدد هو الظلم والمراهقة المتأخرة !

أما الإطار الطبيعي للمسألة والذي هو الوسط فقد ضاع بين هذين النموذجين ، ولم يعد له ذكرٌ إلا نادرا . فمتى سمعتم أو قرأتم أو شاهدتم عملا فنيا يُذكر فيه الزواج الثاني على شكله الطبيعي الأصلي الذي أمر به الإسلام ؟ ومتى شاهدتم في أي عمل تلفزيوني ممارسة مقبولة و”إسلامية“ لتعدد الزوجات ؟

للأسف هيا دي الصورة السيئة اللي بيجبوها عن الزواج الثاني

لازم الزوجة الأولي أهملت في شكلها و لازم الزوج خاين و ضحي بزوجته بعد ما وقفت معاه - مش عارفة وقفت معاه أزاي مين اللي كان بيصرف علي مين - ولازم الزوجة التانية دي انسانه معندهاش اخلاق و لا مبادئ و خطفت الراجل من مراته و اولاده

و بسمع الكلام ده بقي مين مين من أكبر المفكريين و الأعلاميين

و احد زي عبد الوهاب مطاوع مثلا

واحدة زي صفية المهندس واحدة بتستشيرها في موضوع زي ده قالتلتها ( يا بنتي متبنيش عشك علي هدم عش غيرك ) و هل في ديننا الكلام ده ؟ هل عندنا البيت التاني بيتبني علي انقاض البيت الأول

اعداء الأسلام مسابوش حاجة ألا و دخلوا نفسهم فيها حتي بيوت المسلمين ، زعلانين ان المسلم ممكن يتجوز اكتر من واحدة و مفيش عندنا زنا ولا أولاد غير شرعيين ، مضايقهم أن تعدد الزوجات ده بيكتر النسل و هما تاعبين نفسهم و بيجيبولنا و سائل منع الحمل مجانا في المستشفيات عشان مش عايزين عدد المسلمين يزيد

رغم أن هما بيقولوه أن الأعمال الفنية دي ابداع للكتاب لكن مفيش حد يجرؤ أن يطلع تعدد الزوجات غير بالشكل ده

مسلسل الحاج متولي

وكانت الغلطة الوحيدة هيا مسلسل الحاج متولي لكن هما استدركوها و أدبوا نور الشريف لغاية ما أعتذر عن الغلطة الشنيعة دي

قصة المسلسل ده بقي

أنه المسلسل الوحيد اللي يطلع تعدد الزوجات بصورة حلوة ال 4 زوجات علاقتهم حلوة ببعض ، الزوجة الأولي اللي هيا ماجدة زكي زي أختهم الكبيرة ، و أولادهم بيحبوا بعض و كمان الزوجات جوزوا ةوولادهم من أزواج سابقين جوزوهم لبعض

وكمان نور الشريف الأول لما بقي يسألةه عن المسلسل لأن هوه عنده برده بنتين و أب و شايف جواز البنات بقي صعب أزاي

فلما كان يسألوه في الأول عن الموضوع ده كان بيقول و أيه فيها ما هوه الحاج متولي غني و قادر يعدل بين الزوجات و مفيش حد متضرر من الوضع ده

المهم الظاهر أنه هددوه أن حيمنعوا اعماله من العرض و لا أيه أو ممكن كمان يمنعوه من التمثيل

أتغير رأي نور الشريف 180 درجة

و اتعدلت نهاية المسلسل

جابوا نور الشريف بينصح أبنه يقولوه متكررش غلطتي و تتجوز اكتر من مرة ، وكمان جابوا في مشهد فرح حد في القلم ال 4 زوجات لبسوا فساتين بيضة و قعدوا يرقصوا كأن المسلسل ده شئ فانتازي يعني مش حقيقي

و نور الشريف لما بقي يسألوه عن الموضوع ده بقي يقول لأ الحاج متولي ده شئ مش حقيقي ده حاجة بس للضحك و خلاص و الله الكلام ده انا سمعته برغم أن هما الممثلين بيحبوا يقولوه أن الفن رسالة و أن احنا بنحب ننصح الناس بالحاجة الصح

المهم

نشوف ان الناس دي صعب عليهم أن عمل فني واحد يتعمل ضد مصالحهم

يا رب نحذر من الناس اللي بتكيد لينا و احنا مش واخدين بالنا

تم تعديل 17 يونيو 2008 بواسطة جويرية

[جويرية]

والله

قريته و اكثر من مره

و في كل مره استفيد استفاده جديده اعظم من ما سبقها

زيدينا يا جويريه أكثر و خصوصا في هذه الظروف.. فما اعظم المواضيع التي تسلط الضوء على المشاكل الحقيقيه في المجتمع

تحياتي

طيب ما هي المشكلة دي من المشاكل الحقيقية اللي في المجتمع

و هيا مشابهة لمشكلة العنوسة اللي علي طول بنشوفها بتتناقش في الأعلام و في النت و كمان الأخت هبة عاملة موضوع عن المشكلة دي

المشكلة دي هيا مشكلة 3 فئات دي من المجتمع

1- اخواتنا اللي عندهم اعاقة

2- المرأة الغير مشتهاه

و دي ممكن تكون دميمة أو عصبية او ضعيفة العقل

3- المطلقات و الأرامل

جزء من النساء دول ممكن يكونوا عوانس و فيه منهم مشاكلهم أكبر من مشاكل العنوسة خاصة المطلقات و الأرامل لما بيكون معاهم أطفال و بيبقوا معرضين للأنحراف لعدم و جود الأب و او لعدم أهتمام أهل الأم بيهم

و دول أكيد في تعدد الزوجات حل لمشاكلهم خاصة ان غالبا الأعزب مش حيقبل الزواج بهؤلاء النساء

و عشان كدة انا ناقشت الموضوع دي

و أفتكر ان عدد النساء دي مش قليل ده عددهم ملايين خاصة لما نسمع ان في الوقت الحالي أن نسبة حالات الطلاق تعدت 40 %

لو عرفنا أن زاد موت الفجأة في عصرنا الحالي بسبب أحيانا المخدرات أو حوادث الطرق فحنلاقي أن عدد الأرامل صغار السن بيزيد

[MZohairy]

انا مش فاهم ليه الإغفال الرهيب لبعض النقاط الواضحه و البدهيه!!!

ان امام الست الدميمه في راجل دميم

و امام الست المعاقه فيه راجل معاق

و أمام الأرمله و المطلقه فيه رجاله ارامل و مطلقين

بمعنى ان الحالات دي ستجد اشخاص مناسبه للزواج منها (مش لازم خراب البيوت و تزويجهم براجل متجوز من ست صالحه و صايناله بيته و شرفه و اولاده) و كل فوله مسوسه و ليها كيال اعور

يعني الله يخليكوا حاولوا تكونوا منطقيين و تحترموا عقول الناس اللي بتقرأ لكم في الإتيان بأسباب منطقيه تبرر لكم تشجيع زواج الرجل على زوجته الغير مقصره في حقه و حق بيته و حق اولاده

[مصري أصيل]

السلام عليكم

أريد من الأخت جويريه بكل أمانه أن تغلق عينيها لدقائق و تتخيل نفسها زوجة سعيده لرجل ولها منه الأبناء والبنات و لم تقصر في حق زوجها يوماً من الأيام و لم تكن عبئاً عليه في يوم من الأيام سواء نفسياً أو مادياً .

ثم فجأه تجده يدخل عليها و يخبرها أنه سيتزوج من أمرأه أخري غداً و تتخيل لحظة زفاف زوجها علي هذه المرأه.

أريد وصف منك لأحساسك في هذه اللحظة. و لو أنك مهما وصفتي لن تستطيعي وصف المرارة التي تحس بها الزوجة عند زواج زوجها من أخري.

[somebody]

:lol: :blink: :sad: :D

اتقي الله يا اختي mzohairy

تم تعديل 17 يونيو 2008 بواسطة somebody

[MZohairy]

:lol: :blink: :sad: :D

اتقي الله يا اختي mzohairy

:D اولا انا اخ مش اخت

ثانيا حاولي تكون ردودك على المواضيع لا على الأشخاص فهذا افيد للقارئ و خصوصا القارئ اللي بيفكر مش اللي بيحفظ بس

ثالثا اتقي الله و حسبي الله و نعم الوكيل و مشكووووور و تسلم على الرد ....كلها اجابات خاصه بالدعاء و الحسبنه و ما شابه و لن تكون ردود مقنعه لأي قارئ محايد

رابعا :الأخت جويريه اخت طيبه و محترمه و لكنها شديدة التشدد و هي حره تماما في اتجاهاتها الفكريه

و ايضا لها مطلق الحريه في ان تقبل ان يتزوج زوجها عليها ثلاثة نساء

أما ان تحاول اقناع الأخريات بذلك فهنا يجب تفعيل النقاش و الرأي و الرأي الآخر

و أصر على ان لي الحق في مكافحة نشر الأفكار المتشدده و الوقوف امام افكارها بكل قوه حتى لا يرجع مجتمعنا عشرات القرون الى الوراء

تحياتي

تم تعديل 17 يونيو 2008 بواسطة mzohairy

[~Heba~]

انا مش فاهم ليه الإغفال الرهيب لبعض النقاط الواضحه و البدهيه!!!

ان امام الست الدميمه في راجل دميم

و امام الست المعاقه فيه راجل معاق

و أمام الأرمله و المطلقه فيه رجاله ارامل و مطلقين

و كل فوله مسوسه و ليها كيال اعور

:lol: حلوة و الله يا عمو زوهيرى

ربنا يرزق كل الفولات المسوسات بالكيالين العور..........عشان محدش يقولها ياخدك نص كيال :blink: