الزوجة الملكة

[somebody]

يجب تفعيل النقاش و الرأي و الرأي الآخر

________________________________________

راي ايه وراي اخر ايه

_______________________________________

برجاء حذف هذا الموضوع لانه يحتاج الى فتوى من العلماء والفقهاء المتخصصين وذلك منعا لتفشي الفتن

وشكراً

تم تعديل 21 يونيو 2008 بواسطة somebody

[MZohairy]

يجب تفعيل النقاش و الرأي و الرأي الآخر

________________________________________

راي ايه وراي اخر ايه

_______________________________________

برجاء حذف هذا الموضوع لانه يحتاج الى فتوى من العلماء والفقهاء المتخصصين وذلك منعا لتفشي الفتن

وشكراً

و اضم صوتي لصوت الأخت في ضرورة اغلاق باقي المواضيع التي تتحدث في السياسه لعدم وجود سياسيين

و اغلاق المواضيع التي تتكلم في الصحه لعدم وجود اطباء

و اغلاق المواضيع التي تتحدث في السيارات و المباني لعدم وجود مهندسين

و اغلاق المواضيع التي تتكلم في الكوره لعدم وجود لاعبين

واغلاق كل المواضيع حتى لا نتكلم في اي شيئ ابدا

فقد خلقنا الله لنصمت و لا نتكلم و لا نفكر و لا نعبر

ولكن فقط خلقنا سبحانه لكي نحمل اسفارا

تحياتي

[om marawan]

التعدد هيغلق ابوا ب وليس باب من الفتنة وهي

1- باب السحر والخرافة

فعلا دي مشكلة كمان

عشان من غير تعدد حتبقي فيه حرب شاملة بين الزوجة و بين الأيم

الأيامي دول مش حيسبوا الزوجة انها تعيش و تتفسح و يكون عندها أولاد و هما يقعدوا يتفرجوا عليها كدة و هما ساكتين

لأ و بعد ده كله بيبقوا هما مواطنين من الدرجة التانية و الزوجة مواطنة من الدرجة الأولي

المهم بعض الأيامي دول بقي بيبقوا فريسة سهلة للشيطان و ممكن تلجأ بقي للسحر

وممكن بقي يبقي السحر أصلي من بتاع السحرة بتوع فرعون و الزوج يسيب الزوجة الأولي خالص :lol: و متحصلش حتي انه يعدل بينها و بين الزوجة التانية

يعنى هو انا يا اما اجوزها جوزى يا اما تستعين بالسحر علينا ؟؟؟؟؟ ومين قال انها مواطنة درجة تانية !!!!؟؟؟؟؟ ماهو فيه متزوجات بيعاااانوا دول بقا درجة كام ؟؟

طيب ماهو النفوس الضعيفة او المريضة اللى بتلجأ للسحر واللى مش هنتكلم عن ذنبه هتلجأ كده كده للسحر خااااااصة لو بقت زوجة تانية لأننا قلنا ان الغيرة أمر طبيعى

ولما هى مش راضية باختيارها أو بقضاء الله كمطلقة او كأرملة يبقا مش هترضى تكون زوجة تانية

أنا بس عاوزة أوضح حاجة مافيش أى حد هنا هيقول ان الزواج التانى حرام لكن مش معقول نوصله انه"" فرض"" لدرجة اننا نستنكر على الزوج انه يحتفظ بزوجة واحدة !!!!

يعنى التعدد حلال مش هنناقش ده ...لكن كمان الزواج بواحدة مش خروج عن الشرع والسنة لأن اكيد جميعنا يعلم ان الرسول صلى الله عليه وعلى اله وسلم

رفض زواج سيدنا على ابن ابى طالب على ابنته السيدة فاطمة رضى الله عنهما

وبعدين انا مش عاوزة أقول الكلام المكرر بتاع ان الراجل اللى بيدور على زوجة تانية من باب الاقتداء بالسنة مش بيسعى جاهدا فى كل امور السنة بنفس الدرجة

الزوجة التانية حاجة من تلاتة

1- يا اما لم يسبق لها الزواج و مش هنتكلم هنا بقا ان التعدد يمنع " العنوسة " اذا جاز اطلاق الكلمة دى أصلا

لأن معرووووف جدا ان عدد الشباب اللى بدون زواج أكتر من البنات وحل مشكلة العنوسة هو فى ان كل شاب يتقى الله فى اللى عاوز يتجوزها وكل أسرة تقلل من مطالبها بقدر الامكان لتيسير الزواج على الشباب

2 -انها تكون أرملة ودى أتذكر فيها حديث المرأة التى يراها رسول الله صلى الله عليه وسلم تسبقه الى فتح باب الجنة ولما سألها علم انها أرمل ربت أيتام واتقت الله فيهم وفى نفسها

3- انها تكون مطلقة و ذكرتم ان الزوجة المفروض لو زوجها عاوز يتجوز وهى مش موافقة يبقا تصبر وتحتسب واجرها على الله بدل ماتخرب على نفسها .... لا حول ولا قوة الا بالله طب هى المطلقة ليه لم تصبر وتحتسب على زوجها أو طليقها وأجرها على الله برضه باذن الله

يعنى قضية ان لا يجب ان تظل امرأة بدون زواج مش الحل الوحيد لها التعدد لأ كل حالة منها لها حل

واعتقد انها ولا هى قضية طلاق او عنوسة او ترمل

مازلت أؤكد انى مش ضد الزواج التانى أبداا ده شرع الله وحكمته لكن انا باتكلم على اننا نوصله لدرجة الفرض وان مخالفته خروج عن السنة ...يعنى اللى ابويا مثلا ربنا هيحاسبه فى انه رغب عن سنة الرسول صلى الله عليه واله وسلم لأنه اتجوز بأمى بس وحتى الان ربنا يبارك فى عمره لم يتزوج بغيرها

[Alshiekh]

السلام عليكم

فى الماضى ... لما كان الماضى .. ماضى ، ولما كانت قبائل " س س " تغير ليلا على قبائل " ص ص " كانت دائما ماتنتهى الغارة باحتمالين

الاول أن تكسب قبائل " س س " الغارة وينتج عنها الآتى:

1- موت بعضا من رجال " س س " وينتج عنه خلل فى نسبة الذكور للاناث فى قبائل " س س " لصالح الاناث يعنى النساء يزداد عددهن.

2- موت الكثيرين او معظم رجال " ص ص " وينتج عنه وفرة فى السبايا من النساء والذين سينضمون الى نساء قبائل " س س " .

3- الكثير من الاطفال والذين سينضمون بالطبع الى العبيد والاماء ، وغالبا البنات فى ذلك الوقت تكون جاهزة للارتباط الجنسى فى سن التاسعة او قبلها.

الثانى ، أن تنعكس الآية وتتبدل النتائج بعاليه

مما سبق يتضح ان النسوة ( من نون النسوة ) ازدادت اعدادهن وطغت وكان لابد للرجال من الزواج من واحدة واثنتان وخمسة عشر ، بالاضافة لكل من وقعت ملك اليمين.

أنا لا أتحدث عن الممالك والامبراطوريات ، بل اتكلم عن حياة القبائل .

اذن ففكرة تعدد الزوجات بين تلك القبائل لم تكن امرا مستغربا لانه كان يلائم طبيعة حياتهم ، وحتى لانربط ذلك بالاسلام ، فيجب علينا ان نعرف ان اليهود مارسوا تعدد الزوجات ، والانبياء كذلك ، ولكن لايجب ان يفوتنا انهم عاشوا حياة القبائل أيضا .

وفى هذه الايام عندما يكثر كلام الناس عن تعدد الزوجات ، وان الشرع قد اقره ، وارى ان البعض ينادى بوجوب ممارسة تعدد الزوجات ، يطيب لى أن أسأل ، ايه المناسبة؟ هل لدينا ازمة فى الرجال ووفرة فى النساء؟

بالطبع ليس هذا هو السبب ، بل السبب الحقيقى - قى رأيى المتواضع - هو افلاسنا فى مناقشة القضايا الحقيقية والالتفاف عليها بحلول قد نظنها سهلة ، ولكنه فى الحقيقة هى من أعقد الأمور.

مؤشرات التعداد تقول:

عدد الذكور يزيد على عدد الاناث فى سن من يوم واحد حتى 64 عاما ، مما يعنى انه لايجب ان تكون هناك عنوسة نسائية ، بل على العكس الارقام تقول ان هناك عنوسة ذكورية.

الذكور فى سن 15 الى 64 عاما = 26,257,440 تعداد متوقع لـ 2008

الاناث فى سن 15 الى 64 عاما = 25,627,390 تعداد متوقع لـ 2008

اذن فالمشكلة ليست فى التعد او عدمه ، بل فى تبسيط تعقيدات الزواج، بمعنى ، لماذا تصر الاسر على شبكة غالية ، ومهر كبير ، أو عفش لايستخدم؟ ليه 3 حجرات وصالة لعريس وعروسة ، وليه مش حجرة وصالة؟

الناس اللى عاشت فى الجيل اللى قبلى كانوا بيسكنوا فى شقة حجرة وصالة ، وقبل ماييجى اول طفل او حتى بعد مجيئه ، يبحثوا شقة اكبر وهكذا ، كان فيه بساطة ، ليه مانرجعش نفكر بالطريقة دى ، وبدل مانخرب بيوت عمرانة بزوجة ثانية وثالثة ورابعة زى البعض مابيتمنى ، تخلى الكل يتجوز ويتمتع ويعيش حياته.

وصدقونى الحلول فى ايدينا مش عند الساحر ولا الدجال وبرضه بالاسلام " إذا جائكم من ترضون دينه وخلقه فزوجوه "

[MZohairy]

يا محمد

واحد بيحب مراته و مبيحبش غيرها

و هي بتحبه و مخلصاله و قايمه بدورها كما يجب

نقوله حرام عليك و لازم تروح تتجوز عليها عشان في واحده معاقه او عانس أو ارمله مش لاقيه تتجوز؟

فكرتوني بدعوى احد الشيوخ في السعوديه للزواج من اخواتنا الشيشانيات المسلمات اللي مش لاقيين جواز

و نسي او تناسى فضيلة الشيخ اخواتنا الصوماليات و الدارفوريات اللي مش لاقيين جواز برضه!!!

بس طبعا الفرق واضح و يستاهل

عرفت ليه الموضوع شهواني غريزي دنيوي بحت و ليس له علاقه بأي تكافل و قيم و دين ؟

هدانا الله و اياكم

[Alshiekh]

يا محمد

واحد بيحب مراته و مبيحبش غيرها

و هي بتحبه و مخلصاله و قايمه بدورها كما يجب

نقوله حرام عليك و لازم تروح تتجوز عليها عشان في واحده معاقه او عانس أو ارمله مش لاقيه تتجوز؟

فكرتوني بدعوى احد الشيوخ في السعوديه للزواج من اخواتنا الشيشانيات المسلمات اللي مش لاقيين جواز

و نسي او تناسى فضيلة الشيخ اخواتنا الصوماليات و الدارفوريات اللي مش لاقيين جواز برضه!!!

بس طبعا الفرق واضح و يستاهل

عرفت ليه الموضوع شهواني غريزي دنيوي بحت و ليس له علاقه بأي تكافل و قيم و دين ؟

هدانا الله و اياكم

ماهو ده اللى مجننى

ليه المطلقة مصرة انها تدور على واحد مبسوط فى جوازته ومتهنى مع مراته وتنمر عليه؟ طيب ماتشوف لها واحد خالى ( فاضى يعنى ) وما أكثرهم أكثر من الهم على القلب

يقول لك ايه التعدد مباح والقرآن اباحه ، طيب مالقرآن اباح للمضطر انه يأكل ما أُهل لغير الله به ، ممكن تأكلوه يقول لك لا ، طيب ماهو الجواز المتعدد شروطه اكثر من اكل الميتة ، ده مطلوب فيه العدل بكل مايعنيه العدل وبكل ماتعنيه الكلمة ، بوسة او حضن او حتى كلمة حلوة ، فى راجل يعرف يعمل كده؟؟؟؟؟؟؟؟؟؟؟؟؟

[somebody]

و اضم صوتي لصوت الأخت في ضرورة اغلاق باقي المواضيع التي تتحدث في السياسه لعدم وجود سياسيين

فقد خلقنا الله لنصمت و لا نتكلم و لانفكر و لا نعبر

اذا كان الامر بالاراء الشخصية خلاص يبقى الصلاة 3 ركعات مثلا يا سيدي الفاضل في حاجات ف الدين ناخدها كما هي بدون نقاش

**************************************************************

ارجو من الادارة حذف الموضوع لانه يحتاج لفتوى من علماءنا الافاضل وليس مجرد اراء شخصية

ان الفتوى مسئولية كبيرة

*******************************************************************

تم تعديل 18 يونيو 2008 بواسطة somebody

[جويرية]

اذا كان الامر بالاراء الشخصية خلاص يبقى الصلاة 3 ركعات مثلا يا سيدي الفاضل في حاجات ف الدين ناخدها كما هي بدون نقاش

ارجو من الادارة حذف الموضوع لانه يحتاج لفتوى من علماءنا الافاضل وليس مجرد اراء شخصية

ان الفتوى مسئولية كبيرة

يا اختي دي رابع مرة عايزة تحذفي موضوعي

ده موضوعي أنا و أنا اللي كاتباه هوه مزعلك في أيه :lol:

و بعدين ما هيا أرائنا الشخصية دي ما هيا مش متعارضة مع الشرع

و لو خدتي بالك انا ضايفة كذا رابط لكلام علماء في الموضوع ده

[MZohairy]

و اضم صوتي لصوت الأخت في ضرورة اغلاق باقي المواضيع التي تتحدث في السياسه لعدم وجود سياسيين

فقد خلقنا الله لنصمت و لا نتكلم و لانفكر و لا نعبر

اذا كان الامر بالاراء الشخصية خلاص يبقى الصلاة 3 ركعات مثلا يا سيدي الفاضل في حاجات ف الدين ناخدها كما هي بدون نقاش

الأوامر الإلهيه التعبديه زي الصلاه و الصوم و ما الى ذلك لا منطق في النقاش فيها لأنها بين العبد و ربه و حتى مش لازم نفهم مغزاها

أما الأوامر التعامليه بين الإنسان و اخيه الإنسان فلاااازم نكون فاهمينها و فاهمينها كويس

عشان نطبقها صح

و الا لو طبقناها بدون فهم نبقى ...........أكيد فهمتي طبعا

و عشان تفهمي يبقى لازم تناقشي

و عشان تناقشي يبقى لازم متخافيش

الدين له علماؤه لا شك

و لكن لا تحتقري عقلك لدرجة عدم الإستعمال النهائي و الخوف من الولوج في اي نقاش ديني حى و لو كان محترم

تحياتي

[somebody]

عشان تفهمي يبقى لازم تناقشي

و عشان تناقشي يبقى لازم متخافيش

الدين له علماؤه لا شك

و الخوف من الولوج في اي نقاش ديني حى و لو كان محترم

تحياتي

_____________________________________________________________

الخوف من الله امر طبيعي

تم تعديل 18 يونيو 2008 بواسطة somebody

[om marawan]

و بعدين ما هيا أرائنا الشخصية دي ما هيا مش متعارضة مع الشرع

أيوااااااااااااا

الله يفتح عليكى يا جويرية والله ده اللى انا قصدته لما قعدت أقول ان مافيش خلاف على شرع الله سبحانه وتعالى وان ده نقاش لا يفسد للود قضية

ومافيش اى حد وخاصة حتى المعارض انى يتجوز مرة تانية بيقول ان الزواج التانى مش مباح

وبالمناسبة انا قريت تفسير ابن كثير اللى أوردتيه واللى فهمته ان الاية نزلت فى اللى تزوجوا من أيتام تحت رعايتهم وخافوا انهم لا يعطوهن حقوقهن كاملة فالله سبحانه وتعالى أراد اما ان يعطوا اليتامى حقهم فى مهر المثل أو الزواج من سواهن

[جويرية]

انا مش فاهم ليه الإغفال الرهيب لبعض النقاط الواضحه و البدهيه!!!

ان امام الست الدميمه في راجل دميم

الدميم لو معاه فلوس مش حيتجوز الدميمة حيتجوز ملكة جمال و لو مش معاه يبقي مش حيتجوز خالص

و امام الست المعاقه فيه راجل معاق

نفس الحكاية مع المعاق ، و بعدين واحدة مفيش لم يتقدم ليها واحد معاق تدور عليه ازاي ده

و أمام الأرمله و المطلقه فيه رجاله ارامل و مطلقين

عدد الأرامل الرجال أقل جدا من عدد الأرامل النساء

و بعدين المطلقين الرجال ، كتير بتبقي الزوجة هيا اللي مظلومة ، فالمطلقين دول كتير بيبقوا أزواج مش مناسبين لأي واحدة

و مع ذلك كمان

المطلق أو الأرمل غالبا بيدور علي واحدة لم يسبق لها الزواج

بمعنى ان الحالات دي ستجد اشخاص مناسبه للزواج منها (مش لازم خراب البيوت و تزويجهم براجل متجوز من ست صالحه و صايناله بيته و شرفه و اولاده)

مش خراب بيوت ولا حاجة

الست عارفة كويس و ضعها حيبقي أزاي لو اطلقت

فبتهدد الزوج علي قد ما تقدر

و بعدين بتقبل بالأمر الواقع

و بعدين مش واجب علي الواحد أنه يتجوز واحدة تانية

حكم الزواج عموما : ممكن يكون 1- واجب 2- مندوب 3- محرم 4- مكروه 5- مباح

والذي أميل إليه وتعضده قواعد الشريعة ونصوصها العامة هو أن التعدد يختلف حكمه ويتفاوت بحسب أحوال كل رجل والقرائن المحيطة بذاته وصفاته؛ فالأصل في التعدد والإباحة مطلقا،( مباح )* بشرط العدل بمقتضى الأمر في قوله تعالى:{وإن خفتم ألا تقسطوا في اليتامى) فانكحوا ما طاب لكم من النساء مثنى) وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا (3)} [النساء] ،

وقد ينتقل هذا الأمر إلى الندب في حق المحسن القادر على العدل، فإنه بتزوجه أكثر من واحدة يزيد في إعفاف نفسه وإعفاف غيره من النساء، ويكون بمنأى من فضول النظر والوقوع في الخطر،

واجب

وأما من كان موسرا ولا تكفيه الواحدة، وعنده من القدرة المالية والجنسية ما يستطيع بهما النفقة والإحسان، ويخشى عليه عند الاكتفاء بالواحدة من الوقوع في الزنا لشدة الداعي، وكثرة المغريات، ولا يعصمه من ذلك بعد الله إلا التعدد فإنه يكاد يتوجب عليه ذلك حتى ينقله عن الوقوع في الفحشاء أو قربانها، وهو قادر على العدل والإحسان، فيكون بتعدده محسنا لنفسه أولا ناقلا لها من الإثم الراجح إلى ما يثاب عليه، ثم إنه يحسن إلى غيره من النساء ممن هن ينتظرن أمثاله من المحسنين فهن محل الإحسان المالي والغريزي، ويكثر بذلك سواد الأمة المسلمة•

مكروه

ومن الرجال من لا يحسن سياسة الأمور، ويقع منه الظلم على زوجته، أو أولاده ويظهر عليه التقتير، فالظن به أنه إذا عدد وقع فيما يؤاخذ عليه؛ فمثل هذا قد يقال إنه يكره في حقه التعدد؛ لأنه سيوقعه فيما يؤاخذ عليه ويأثم بسببه؛

محرم

بل قد يحرم عليه إذا نوى بذلك المضارة والمكايدة لزوجته أو إحدى زوجاته، وترتب عليه حقوق مالية أو مظالم وقعت بسبب هذا التعدد؛ وهكذا صار التعدد يدور في فلك الأحكام الفقهية الخمسة بحسب أحوال كل رجل في ذاته وصفاته والقرائن التي تحفه وتلابسه

• تم تعديل 17 يونيو 2008 بواسطة جويرية

[جويرية]

و كل فوله مسوسه و ليها كيال اعور

هيا ممكن تكون عند الناس مسوسة لكن عند ربنا مقامها كبير

{ وَلَقَدْ كَرَّمْنَا بَنِى آدَمَ وَحَمَلْنَاهُمْ فِى البَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلًا } [ الإسراء :70 ] .

{رب أشعث أغبر ذي طمرين، لو أقسم على الله لأبره } صحيح مسلم

ذي طمرين : يعني اثوابه بالية

يعني الله يخليكوا حاولوا تكونوا منطقيين و تحترموا عقول الناس اللي بتقرأ لكم في الإتيان بأسباب منطقيه تبرر لكم تشجيع زواج الرجل على زوجته الغير مقصره في حقه و حق بيته و حق اولاده

لأ واحد مش عايز يتجوز واحدة تانية حد حيقولوه اتجوز بالعافية

لكن واحد عشان ميزعلش مراته أو خايف منها يبقي سلوكه مش كويس ، و الزوجة طبعا بتبقي أول من يعلم لكن عاملة نفسها مش عارفة و هوه فاهم نفسه بيضحك عليها و هيا اللي بتضحك عليا ، عشان لو واجهته باللي هيا عارفاه حيقول خلاص ما اللي انا خايف منه حصل ما اتجوز احسن ،

[مصري أصيل]

الأخت جويريه المحترمه

أنا أنتظر رد علي مداخلتي رقم 39 و التي تجاهلتيها تماماً

[جويرية]

الأخت جويريه المحترمه

أنا أنتظر رد علي مداخلتي رقم 39 و التي تجاهلتيها تماماً

لأ مش ممكن أتجاهل مداخلة سيادتك

بس اخر رد اعلاه هوه الرد علي المشاركة 38

أنا دايما برد علي المشاركات بالترتيب عشان الذاكرة بتاعتي يا دوب علي قدي

[السويفي]

السلام عليكم

اعتقد مع فرق التشبيه .......ان لو واحد عنده عربيه اوشقه مريحاه هل ممكن يروح يجيب غيرها ...لو طبيعي مش هيعمل كده...

فمابالك بزوجه تكون مقدمالك كل اسباب السعاده اعتقد انك هتخسر كل حاجه لو فكرت في غيرها

الانسان لو لقى السعاده في مكان مش ممكن يدور عليها في مكان تاني

واذا ملقهاش ومقدرش يتعايش مع الوضع يحقله الزاوج بأخري بشرط حفظ كرامه الزوجه الاولي

[جويرية]

السلام عليكم

أريد من الأخت جويريه بكل أمانه أن تغلق عينيها لدقائق و تتخيل نفسها زوجة سعيده لرجل ولها منه الأبناء والبنات و لم تقصر في حق زوجها يوماً من الأيام و لم تكن عبئاً عليه في يوم من الأيام سواء نفسياً أو مادياً .

ثم فجأه تجده يدخل عليها و يخبرها أنه سيتزوج من أمرأه أخري غداً و تتخيل لحظة زفاف زوجها علي هذه المرأه.

أريد وصف منك لأحساسك في هذه اللحظة. و لو أنك مهما وصفتي لن تستطيعي وصف المرارة التي تحس بها الزوجة عند زواج زوجها من أخري.

أولا الزوجة مش حتقصر في حق زوجها و كويسة معاه ده عشان نفسها ، مش عشان الزوج ولا عشان ترضي ربنا عز وجل

بدليل انها بترفض الزوجة الثانية رغم ان ده خير كبير لزوجها في اخرته و في دنيته كمان

المرارة اللي بتحسها الزوجة عشان هيا طماعة و أنانية

روى البخاري في صحيحه ج 7 ص 175 عن ( ابن عباس رضي اللّه عنهما يقول سمعت النبي صلى اللّه عليه وسلم يقول لو كان لابن آدم واديان من مال لابتغى ثالثا , ولا يملا جوف ابن آدم الا التراب , ويـتوب اللّه على من تاب )

عَنْ أَنَسٍ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ). صحيح البخاري و مسلم

يعني اللي مش بيحب الخير لأخوه المسلم ده مش مؤمن ، طيب هيا الزوجة مش بتحب الخير لمسلمة زيها ليه

أريد وصف منك لأحساسك في هذه اللحظة

حزعل شوية بس اكيد حعرف أن ده حقه و حق 3 نساء غيري أن هما يشاركوني في جوزي

و لو أنك مهما وصفتي لن تستطيعي وصف المرارة التي تحس بها الزوجة عند زواج زوجها من أخري.

أيه هيا بقي المرارة اللي بتحس بيها الزوجة أيه اللي حينقص من حقوقها كزوجة هل مش حيصرف عليها ؟ هل حيسئ معاملتها ؟

(لا تحسبوه شرا لكم بل هو خير لكم) 11 النور

مش عارفة لما نغير طبيعة البشر و نخلي موضوع الزوجة الواحدة ده هوه الأصل ، أنا بشوف ان الموضوع ده كتير بيبقي مضر للزوجة نفسها ، بشوف أرامل كتير مش بيكملوا سنة بعد وفاة الزوج و بيموتوا

[MZohairy]

لو قعدتي 100 سنه تكتبي و تكافحي يا جويريه في محاولة اقناع ناس عاقلين بأن الراجل شرعا مفروض و واجب عليه يتجوز على مراته الغير مقصره.......محدش حيصدقك غير اخواننا المتشددين فقط و هم احرار في معتقداتهم

انما باقي البشر فسيروا في هذا الزواج الغير مبرر ..فراغة عين و سلوك جنسي همجي اهتياجي و قلة اصل من الراجل اللي مراته بتديله كل حياتها و يكون جزاءها هو هذا السلوك البربري البصباصي

و الذي سيثمر فيما بعد عن اتنين كمان ليصل العدد الى 4 بالتمام و الكمال

و يخلف من كل واحده 3 عشان يبقوا 12 عيل

و طبعا نسبة او احتمالية انحراف هذا الجيل كبيره لأن كل عائله اصبح لها ربع أب بدلا من اب كامل بدوره التربوي و التعليمي الطبيعي

و هنيئا لنا بشمام جديد و منحرف جديد و لص جديد و عاهره جديده

اتقوا الله يا اخواني و خلوا معتقداتكم لأنفسكم

التعدد ربنا معملوش عشان الرجل البصباص ابو عين زايغه (فمثل هذا الرجل لن يكفيه 20 امرأه معا) و لكنه تم تشريعه لظروف معينه رحمة من العزيز الحكيم

[جويرية]

أختي أم مروان

حبتدي بالرد علي الجزء ده في مشاركتك

رفض زواج سيدنا على ابن ابى طالب على ابنته السيدة فاطمة رضى الله عنهما

هل صح أن النبي صلى الله عليه وسلم ، منع علياً أن يتزوج على فاطمة ، وهل في ذلك نهي عن تعدد الزوجات ؟

الجواب : القصة المشار إليها صحيحة ثابة في الصحيحين . فعن المسور بن مخرمة أنه سمع النبي صلى الله عليه وسلم ، وهو علىالمنبر وهو يقول : {إن بني هشام بن المغيرة استأذنوني أن ينكحوا ابنتهم علي بن أبي طالب فلا آذن لهم ، ثم لا آذن لهم ثم لاآذن لهم ، إلا أن يحب ابن أبي طالب أن يطلق ابنتي وينكح ابنتهم . فإنما ابنتي بضعة مني ، يريبني ما أرابها ، ويؤذيني ما آذاها} وفي رواية : {واني لست أحرم حلالاُ، ولكن والله لا تجتمع بنت رسول الله صلى الله عليه وسلم ، وبنت عدو الله مكاناُ واحد أبداً}

التعليق

1- ليس في هذا الحديث إشارة إلى أن تعداد الزوجات ممنوع . فتعدد الزوجات مسموح بل مرغّب فيه . كيف لا وربنا يقول : {فانكحوا ما طاب لكم من النساء مثنى وثلاث ورباع}. ولو قال ربنا : {فانكحوا من النساء مثنى وثلاث ورباع}لكان التعداد فرضاً لكن قال : {فانكحوا ما طاب} فقد تطيب الثانية وقد لا تطيب

2- الرسول لن ينهي عن فعل ثم يقوم به لكن دي حالة خاصة بالسيدة فاطمة رضي الله عنها - لأن احنا مش حيكمل ايماننا الا بحب ال بيت النبي صلي الله عليه و سلم و و بنصلي عليهم و نسلم في الصلاة مرتين عند قول التحيات في نهاية الصلاة

فاكيد اذا تزوج سيدنا علي حيبقي بين نسائه ما يحدث بين الضرائر و لو من غيرة بسيطة و هذا قد يؤثرب علي ايمان الزوجة الأخري

3- الرسول صلي الله عليه و سلم لم يمنعه و لكن قال له لا تجتمع هذه المرأة مع أبنتي يعني لو عايز تتجوزها طلق بنتي

4 - حديث الرسول صلي الله عليه و سلم ليس بصفته مشرع و لكن بصفته و لي امر لسيدنا علي و للسيدة فاطمة

و بعدين افرض حما قال لجوز بنته مش عايزك تتجوز علي بنتي هوه حر و الزوج من حقه يقبل ده أو يرفض

5- كلام النبي صلي الله عليه و سلم وحي من الله عز وجل

و بعدين السيدة فاطمة رضي الله عنها توفيت بعد الرسول صلي اله عليه و سلم ب 6 شهور فقط و تزوج سيدنا علي رضي الله عنه اكثر من أمرأة

[جويرية]

لو قعدتي 100 سنه تكتبي و تكافحي يا جويريه في محاولة اقناع ناس عاقلين بأن الراجل شرعا مفروض و واجب عليه يتجوز على مراته الغير مقصره.......محدش حيصدقك غير اخواننا المتشددين فقط و هم احرار في معتقداتهم

يا استاذ زهيري أنا مش متبنية موضوع تعدد الزوجات و لا بكافح عشان انشره

كل الحكاية اني برد علي المداخلات

و لا اعمل موضوع و بعدين مردش علي حد

بأن الراجل شرعا مفروض و واجب عليه يتجوز على مراته الغير مقصره..

أدي ردي السابق اللي اكيد حضرتك مقرتهوش

حكم الزواج عموما : ممكن يكون 1- واجب 2- مندوب 3- محرم 4- مكروه 5- مباح

والذي أميل إليه وتعضده قواعد الشريعة ونصوصها العامة هو أن التعدد يختلف حكمه ويتفاوت بحسب أحوال كل رجل والقرائن المحيطة بذاته وصفاته؛ فالأصل في التعدد والإباحة مطلقا،( مباح )* بشرط العدل بمقتضى الأمر في قوله تعالى:{وإن خفتم ألا تقسطوا في اليتامى) فانكحوا ما طاب لكم من النساء مثنى) وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا (3)} [النساء] ،

وقد ينتقل هذا الأمر إلى الندب في حق المحسن القادر على العدل، فإنه بتزوجه أكثر من واحدة يزيد في إعفاف نفسه وإعفاف غيره من النساء، ويكون بمنأى من فضول النظر والوقوع في الخطر،

واجب

وأما من كان موسرا ولا تكفيه الواحدة، وعنده من القدرة المالية والجنسية ما يستطيع بهما النفقة والإحسان، ويخشى عليه عند الاكتفاء بالواحدة من الوقوع في الزنا لشدة الداعي، وكثرة المغريات، ولا يعصمه من ذلك بعد الله إلا التعدد فإنه يكاد يتوجب عليه ذلك حتى ينقله عن الوقوع في الفحشاء أو قربانها، وهو قادر على العدل والإحسان، فيكون بتعدده محسنا لنفسه أولا ناقلا لها من الإثم الراجح إلى ما يثاب عليه، ثم إنه يحسن إلى غيره من النساء ممن هن ينتظرن أمثاله من المحسنين فهن محل الإحسان المالي والغريزي، ويكثر بذلك سواد الأمة المسلمة•

مكروه

ومن الرجال من لا يحسن سياسة الأمور، ويقع منه الظلم على زوجته، أو أولاده ويظهر عليه التقتير، فالظن به أنه إذا عدد وقع فيما يؤاخذ عليه؛ فمثل هذا قد يقال إنه يكره في حقه التعدد؛ لأنه سيوقعه فيما يؤاخذ عليه ويأثم بسببه؛

محرم

بل قد يحرم عليه إذا نوى بذلك المضارة والمكايدة لزوجته أو إحدى زوجاته، وترتب عليه حقوق مالية أو مظالم وقعت بسبب هذا التعدد؛ وهكذا صار التعدد يدور في فلك الأحكام الفقهية الخمسة بحسب أحوال كل رجل في ذاته وصفاته والقرائن التي تحفه وتلابسه