الزوجة الملكة

[MZohairy]

اذن متفقين يا جويريه

و ربنا يهدينا جميعا

[ايهاب سالم]

والله اذا كان هناك فتيات لم يتزوجن فهناك شباب كتير عزاب ممكن يتزوجوهم

واذا كان هناك مطلقات وارامل فالرجال المطلقين و الارامل موجودين

لماذا يجب أن يأتي الحل من خراب بيوت نساء أخريات وتعاسة أطفال أبرياء

أنا أرفض أن أغدر بزوجتي و شريكة حياتي لحل مشكله إمرأه أخرى

وبلاش تمسح في الدين لتحقيق أغراض شخصيه

[مصري أصيل]

الأخت جويريه قالت

أولا الزوجة مش حتقصر في حق زوجها و كويسة معاه ده عشان نفسها ، مش عشان الزوج ولا عشان ترضي ربنا عز وجل

بدليل انها بترفض الزوجة الثانية رغم ان ده خير كبير لزوجها في اخرته و في دنيته كمان

يعني أنتي عايزه تقولي أن جميع الستات اللي مش مقصرين في حق أزواجهم و كويسين معاهم ده بس عشان نفسهم مش عشان الزوج اللي أحيانا بيشوف المر عشان يأمن ليها و لأولاده حياه كريمه و كمان مش عشان ترضي ربنا و كل ده عشان بترفض الزوجه التانيه أيه المنطق ده مش فاهم؟

المرارة اللي بتحسها الزوجة عشان هيا طماعة و أنانية

روى البخاري في صحيحه ج 7 ص 175 عن ( ابن عباس رضي اللّه عنهما يقول سمعت النبي صلى اللّه عليه وسلم يقول لو كان لابن آدم واديان من مال لابتغى ثالثا , ولا يملا جوف ابن آدم الا التراب , ويـتوب اللّه على من تاب )

طماعه و أنانيه أيه عشان بتحافظ علي جوزها . و طبعاً الزوجه الجديده هيه اللي مش بتبقي طماعه و أنانيه لا دي هيه الحمل الوديع اللي في الموضوع كله طبعاً ده كل اللي عملته انها جايه تحطم أسره ما تبقاش حمل وديع ليه؟

و بعدين الحديث اللي بتستشهدي بيه بطمع الزوجه في زوجها هو حديث لطمع ابن أدم في المال يا أختي علاقة الزوج بزوجته مش علاقه ماديه و بس و الست هتخاف أن الفلوس و الخير اللي عند جوزها هيتوزع علي أتنين أو تلاته أو حتي أربعة عشان تستشهدي بالحديث ده أنا أقسملك بالله أن فيه زوجات لو أتحط مال الدنيا في كفه و زوجها في كفه لهتختار زوجها ( دوري بس أنتي و هتلاقي ستات كده) و ده طالما هوه بيعاملها معاملة ترضي الله ورسولة .

عَنْ أَنَسٍ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ). صحيح البخاري و مسلم

يعني اللي مش بيحب الخير لأخوه المسلم ده مش مؤمن ، طيب هيا الزوجة مش بتحب الخير لمسلمة زيها ليه

هيه جمعيه يا أخت جويريه ده جواز مبني علي السكينه و الرحمه زي ما ربنا قال مش أن الراجل مشروع تجاري هيتشاركوا فيه و لو رفضت الأولي تبقي أنانيه .

أريد وصف منك لأحساسك في هذه اللحظة

حزعل شوية بس اكيد حعرف أن ده حقه و حق 3 نساء غيري أن هما يشاركوني في جوزي

شويه أد أيه يعني نص كيلو مثلاً؟؟؟

أيه هيا بقي المرارة اللي بتحس بيها الزوجة أيه اللي حينقص من حقوقها كزوجة هل مش حيصرف عليها ؟ هل حيسئ معاملتها ؟

مش هيصرف عليها ؟؟؟؟؟؟؟

هيه كل المشكله عندك أنه يصرف عليها و كأن الراجل ده عباره عن زكيبة فلوس و بس . فيه حاجه جديده في الجواز أسمها حب يا أختي يمكن ده مش موجود عند الكثير من الزوجات أو يمكن تجربة زواج واحده مش كفيله بأظهاره . بس بالتأكيد الشيء ده موجود في الكثير من الزيجات الناجحه. اللي أشك أن لو واحده جربته مش هيكون رأيها زي رأي حضرتك كده أنها هتزعل شويه و خلاص و كأن الراجل ده قرطاس لب ووقع منها في الشارع. و هتعرف و قتها طعم المراره اللي أنا بتكلم عنها . أما لو كانت متجوزاه علي أنه ضل راجل ولا ضل حيط و الا أهوه ده اللي لقيناه في السوق يعني كنا لقينا أحسن منه وما أتجوزناهوش و لا أهو جوزك الأعور يغنيك عن سؤال اللئيم . و أهو واحد يصرف عليها وخلاص . بالتأكيد لو أتجوز عليها مش هتزعل عليه حتي لو ربع كيلو .

(لا تحسبوه شرا لكم بل هو خير لكم) 11 النور

بسم الله الرحمن الرحيم

إِنَّ الَّذِينَ جَاءُوا بِالإِفْكِ عُصْبَةٌ مِنْكُمْ لا تَحْسَبُوهُ شَرَّاً لَكُمْ بَلْ هُوَ خَيْرٌ لَكُمْ لِكُلِّ امْرِئٍ مِنْهُمْ مَا اكْتَسَبَ مِنَ الإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ *

صدق الله العظيم

زي ما حضرتك شوفتي كده الجزء من الأيه اللي حضرتك أستشهدتي بيه نزل في حادثة الأفك يعني لا ينبغي أن نستشهد به لأثبات شيء معين لأنه جاء في سياق أخر و الا سنكون كمن يتبع مبدأ ولا تقربوا الصلاه . و هذا نوع من أنواع خلط الأمور .

مش عارفة لما نغير طبيعة البشر و نخلي موضوع الزوجة الواحدة ده هوه الأصل ، أنا بشوف ان الموضوع ده كتير بيبقي مضر للزوجة نفسها ، بشوف أرامل كتير مش بيكملوا سنة بعد وفاة الزوج و بيموتوا

لكن بالتأكيد لو الراجل متجوز أكتر من واحده هيتوزع حبه بين زوجاته و طبعاً مافيش واحده هتزعل عليه لدرجة الموت بعد سنه من وفاة الزوج و هيروحوا كلهم يدفنوه و هيقولوا يلا كلب و راح . لا حول ولا قوة الا بالله..........

ده كان فيه قبائل في الهند و لا في أفريقيا مش عارف كانوا بيدفنوا الست مع زوجها لما يموت و طبعاً ده مش صح بس أنا عايز أقولك شوفتي وصلت معاهم لأيه و أنتي مستكتره أن الواحده تزعل علي جوزها لما يموت و عايزه فرقة ستات يتجمعوا عشان الزعل يتوزع . الله!!!!

يا أخت جويريه حاشي لله أن نحرم حلالً أو نحلل حرامً أنا كتبت في موضوع سابق أن من حق الرجل أن يتزوج من أربعة و هذا هو شرع الله و لا نستطيع أن نعترض علي شرع الله و لكن أن نستدل علي ما فعله الرسول صلي الله عليه وسلم و نحن أعلم الناس بظروف زواجه من كل زوجاته و يكفي أنه لم يتزوج علي السيده خديجة طوال حياتها اكراما لها . و يكون هذا هو الدافع الوحيد لأستعمال هذا الحق الألهي الذي أعطاه الله للرجل فهذا هو المبدأ المرفوض . و لنترك لكل أنسان الحريه في تقدير ظروفه و حاجته لأن يكون له زوجة ثانيه أو حتي رابعه و لكن أن نفعل ذلك و ندعوا له بدعوي أنه سنه أو بدعوي أنه حق مطلق للرجل وخلاص و مش مهم هوه مرتاح في بيته ولا لأ ومش مهم ممكن بيته يتخرب بالجوازه التانيه ولا لأ ومش مهم هيكسر قلب مراته ولا لأ فهذا هو المرفوض من و جهة نظري جملة وتفصيلاً.

تم تعديل 18 يونيو 2008 بواسطة مصري أصيل

[MZohairy]

تخيل كده يا مصري اسره محترمه من اب محترم و زوجه محترمه و عندهم عيلين بيبذلوا كل جهدهم و وقتهم و اموالهم عشان يربوهم و يعلموهم و يراقبوهم في تصرفاتهم و يعالجوهم اذا اصابهم مكروه و يقوموهم في حالة الخطأ يعني رعايه تربويه نفسيه صحيه تعليميه دينيه

و على الجانب الآخر راجل متجوز اربعه و مخلف من كل واحده اتنين او تلاته و يروح يبات عند كل واحده يوم آه و تلاته لأ

تفتكر مين حينوبه نصيب اكبر من التربيه السليمه بكل جوانبها.... طفلين الأسره الأولى ولا الإتناشر طفل بتوع الأسره التانيه؟

[مصري أصيل]

تخيل كده يا مصري اسره محترمه من اب محترم و زوجه محترمه و عندهم عيلين بيبذلوا كل جهدهم و وقتهم و اموالهم عشان يربوهم و يعلموهم و يراقبوهم في تصرفاتهم و يعالجوهم اذا اصابهم مكروه و يقوموهم في حالة الخطأ يعني رعايه تربويه نفسيه صحيه تعليميه دينيه

و على الجانب الآخر راجل متجوز اربعه و مخلف من كل واحده اتنين او تلاته و يروح يبات عند كل واحده يوم آه و تلاته لأ

تفتكر مين حينوبه نصيب اكبر من التربيه السليمه بكل جوانبها.... طفلين الأسره الأولى ولا الإتناشر طفل بتوع الأسره التانيه؟

يا عم مش مهم العيال تتربي كويس و تتعلم كويس ومش مهم يطلعوا يترحموا علي أبوهم لما يكبروا و يتوفي المهم أنه يتجوز و يمتع نفسه و يخلف عيال يرميهم في الشارع لكلاب السكك تربيهم و بدل ما يقولوا الله يرحمك يا أبونا علمتنا كويس و ربتنا كويس يقولوا الله يكحمك ماترح ما رحت .

الناس بتدور دلوقتي علي أحسن مدرسة يعلموا فيها ولادهم و أحسن لبس و أحسن أكل و أن ما يحرمش ولاده من حاجه حتي لو كان هوه شخصياً أتحرم منها وما يبهدلهمش حتي لو كان هوه أتبهدل . و ناس تانيه بتفكر في أن الراجل يتجوز علي مراته. حاجه تجنن

[جويرية]

الأستاذ / أيهاب سالم

وبلاش تمسح في الدين لتحقيق أغراض شخصيه

من الأول كدة و عشان منزعلش من بعض يا استاذ أيهاب

تعليق سيادتك يكون علي الموضوع مش علي صاحبة الموضوع

يعني أنا مش في الموضوع خالص

يعني لو حبيت تعترض علي الموضوع من اول سطر لأخر سطر أنا مع حضرتك و حرد علي كل كلمة ، بس يا ريت حياتي الشخصية دي لنفسي مش من حق اي حد يتكلم فيها

أنا سكت مرة علي طريقة ردك في موضوع التترس اللي كانت بنفس الطريقة دي

بس متهيألي دلوقتي مفروض ألفت نظر سيادتك للموضوع ده ،،،،،

[nash]

مش هيصرف عليها ؟؟؟؟؟؟؟

هيه كل المشكله عندك أنه يصرف عليها و كأن الراجل ده عباره عن زكيبة فلوس و بس . فيه حاجه جديده في الجواز أسمها حب يا أختي يمكن ده مش موجود عند الكثير من الزوجات أو يمكن تجربة زواج واحده مش كفيله بأظهاره . بس بالتأكيد الشيء ده موجود في الكثير من الزيجات الناجحه. اللي أشك أن لو واحده جربته مش هيكون رأيها زي رأي حضرتك كده أنها هتزعل شويه و خلاص و كأن الراجل ده قرطاس لب ووقع منها في الشارع. و هتعرف و قتها طعم المراره اللي أنا بتكلم عنها . أما لو كانت متجوزاه علي أنه ضل راجل ولا ضل حيط و الا أهوه ده اللي لقيناه في السوق يعني كنا لقينا أحسن منه وما أتجوزناهوش و لا أهو جوزك الأعور يغنيك عن سؤال اللئيم . و أهو واحد يصرف عليها وخلاص . بالتأكيد لو أتجوز عليها مش هتزعل عليه حتي لو ربع كيلو .

أخي الكريم مصري اصيل...قلت ما اريد قوله....

شخصيا ..من تقترب من بيتي واسرتي بمسافه كيلوا لا تلوم إلا نفسها..انانيه مني؟؟ ...نعم أنا أنانيه..

فما بنيته في سنوات بسهر الليالي لن تضيعه واحده في لحظه..والحمدلله اثق في ابو ياسر واضعه علي راسي...

وهو الأخر اثق أن كل الكلام الذي يكتب عن محاسن تعدد الزوجات لا يدخل دماغه اصلا....ولا يحترم الرجل الذي يتزوج من أخري بدون مبرر ..فقط لتحقيق مآرب شخصيه بغض النظر عن الإنسانه التي تقوم بخدمته...

تخيل كده يا مصري اسره محترمه من اب محترم و زوجه محترمه و عندهم عيلين بيبذلوا كل جهدهم و وقتهم و اموالهم عشان يربوهم و يعلموهم و يراقبوهم في تصرفاتهم و يعالجوهم اذا اصابهم مكروه و يقوموهم في حالة الخطأ يعني رعايه تربويه نفسيه صحيه تعليميه دينيه

و على الجانب الآخر راجل متجوز اربعه و مخلف من كل واحده اتنين او تلاته و يروح يبات عند كل واحده يوم آه و تلاته لأ

تفتكر مين حينوبه نصيب اكبر من التربيه السليمه بكل جوانبها.... طفلين الأسره الأولى ولا الإتناشر طفل بتوع الأسره التانيه؟

يا زوهيري رايتها مع صديقه وكانت هي الزوجه الثانيه...وصدقني لو قلت لك ان الزوج نادم ندم غير عادي علي انه قام بالزواج الثاني...

وهي ...في حاله من الكرب لا يعلمها غير الله..يكفي كم الغيرة ..والمؤامرات التي تقوم بها لجذب زوجها ليس حبا فيه..ولكن كيدا في الزوجه الأولي...تخيل؟؟

وعلي العموم من تري ان زواج زوجها من اخري شيء عادي...فلتهلل وتسعد ولتختار له هي الزوجه بنفسها لتكسب ثواب...

ومن يري ان زواجه من اربعه حقه الشرعي وضامن تماما لصمت زوجته التي لن تستطيع ان تنبث ببنت شفه..قهرا وخوفا من فقدان ضل الحيطه...فليتزوج...

لكن ياتي أحدهم ليقول ان الاصل في التعدد..وأن الإكتفاء بواحده غير جائز او غير مقبول شرعا...فولله لو قال من هنا إلي العام التالي فلن يلتفت إليهم أحد..طالما الحياة الأسريه مستقرة والازواج في حاله إنسجام في كل شيء ويقوموا بمسئوليتهم تجاة اسرتهم..

[جويرية]

لكن ياتي أحدهم ليقول ان الاصل في التعدد..وأن الإكتفاء بواحده غير جائز او غير مقبول شرعا...فولله لو قال من هنا إلي العام التالي فلن يلتفت إليهم أحد..طالما الحياة الأسريه مستقرة والازواج في حاله إنسجام في كل شيء ويقوموا بمسئوليتهم تجاة اسرتهم..

يا استاذة ناش

أنا من يوم ما جيت المنتدي ده و أنتي مش بتدخلي اي موضوع ليا الا اذا كنتي معترضة عليه ، ليا مواضيع أقدر اقول معقولة و مفيهاش خلاف مبلاقيش سيادتك تدخلي و تعلقي

الموضوع اللي أنتي معترضة عليه ألاقي سيادتك دخلتي و مش بتكلميني انا صاحبة الموضوع ، بتوجهي الكلام لأي حد من الأخوة المشاركين

زي أخر موضوع ليه دخلتي و مكلفتيش نفسك و ألقيتي السلام علي صاحبة الموضوع و بدأتي كلامك بالسطر التالي ( دي أسئلة موجهه لأهل العلم هنا ) يعني بما أني اكيد مش من اهل العلم فأنتي موجهه الكلام لأي حد

فولله لو قال من هنا إلي العام التالي فلن يلتفت إليهم أحد

التعليق ده موجهه ليا و يا ريت حضرتك كنت توجييه ليا مباشرة

اتمني ان يبقي العلاقة بينا فيها ود اكتر من كدة و فيها القاء السلام ده أبسط شئ ، و فيها ان زي ما بندخل المواضيع اللي مش عاجبانا ندخل برده المواضيع اللي بتعجبنا ، و لا انا مش باكتب مواضيع كويسة خلاص

[nash]

السلام عليكم ورحمه الله وبركاته...للجميع ..ألقي التحيه..ولك انتي بوجه خاص يا اختي العزيزة جويريه...

صدقيني..لم اقصد ابدا ان اتجاهلك...ولم اقصد ابدا ان أعني شخصك...بأحدهم...صدقيني والله العظيم...وما قصدته باحدهم..اصحاب الأراء المناصرة للتعدد من أصحاب الفضيله الشيوخ أو التابعين لهم في المنتديات الأخري...

صدقيني يا جويريه...حينما يكون الموضوع متوافق مع رايي لا استحسن ان أدخل لاقول بارك الله..اشكرك..او غيرة من التعليقات السريعه التي لا تسمن ولا تغني من جوع...

شيء اخير..اريد توضيحه....لا يفترض ان نتفق في كل الأمور ...وإلا ماجدوي النقاش وفتح مواضيع جديده...انا شخصيا إذا وضعت موضوع ووجدت الجميع يتفق معي..ويشكرني في كل كلمه..ساصاب بالملل بعد فترة ...

تقبلي اعتذاري يا اختي العزيزة...وصدقيني لم اقصد ان اضايقك بشكل ما...

دمتي في رعايه الله وحفظه

[somebody]

اختي جويرية

ما تفسيرقوله (ذلك أدنى ألا تعولوا)

الروابط جايبه التفسير بس للاسف الكتابة مش واضحة قدامي لان الخط صغير

************************************************

صدقيني يا اختي انا اتلخبطت دلوقتي ومبقيتش عارفة

تم تعديل 18 يونيو 2008 بواسطة somebody

[جويرية]

الأستاذ / مصري اصيل

أظن ان حضرتك زوج الأخت زهرة الجبل

بعتذر اني مش حقدر أرد علي مداخلة حضرتك عشان مزعلش الأخت زهرة

انا عارفة موضوع التعدد ده من المواضيع اللي بتضايق اي زوجة

و بصراحة مش بيعجبني لما الاقي زوج مش ناوي يتجوز اصلا بس بيحب يضايق مراته بالكلام ده وخلاص

برغم ان حضرتك معارض للموضوع لكن محبش اضايق الأخت زهرة بردودي

[om marawan]

عزيزتى الأخت جويرية أولا أشكرك على انك اوردتى الحديث بنصه فى ردك عما قاله رسول الله صلى الله عليه وال وسلم فى موضوع زواج على من زوجة غير ابنته فاطمة رضى الله عنهما

هل صح أن النبي صلى الله عليه وسلم ، منع علياً أن يتزوج على فاطمة ، وهل في ذلك نهي عن تعدد الزوجات ؟

ماهو انا ماكانش قصدى انه فيه " نهى للتعدد " انا قلت انه مباح وشرع الله سبحانه وتعالى لكن يجوز انى او غيرى كزوجة نرفض الزوجة التانية

1- ليس في هذا الحديث إشارة إلى أن تعداد الزوجات ممنوع . فتعدد الزوجات مسموح بل مرغّب فيه . كيف لا وربنا يقول : {فانكحوا ما طاب لكم من النساء مثنى وثلاث ورباع}. ولو قال ربنا : {فانكحوا من النساء مثنى وثلاث ورباع}لكان التعداد فرضاً لكن قال : {فانكحوا ما طاب} فقد تطيب الثانية وقد لا تطيب

ماهى دى الاية اللى انا قريت تفسيرها وذكرت انه مقصود بيه الرد على الزواج من الايتام بدون اعطاءهم حقوقهم كاملة

2-

فاكيد اذا تزوج سيدنا علي حيبقي بين نسائه ما يحدث بين الضرائر و لو من غيرة بسيطة و هذا قد يؤثرب علي ايمان الزوجة الأخري

طب ليه بقا ياجوجو بتقولى ان الواحدة تبقا انانية وطماعة لو زعلت ماهو الرسول صلى الله عليه وسلم خاف على زعل ابنته وهى من خير سيدات أهل الجنة

4 - حديث الرسول صلي الله عليه و سلم ليس بصفته مشرع و لكن بصفته و لي امر لسيدنا علي و للسيدة فاطمة

و بعدين افرض حما قال لجوز بنته مش عايزك تتجوز علي بنتي هوه حر و الزوج من حقه يقبل ده أو يرفضه

طب ماهو الحما ده بحسب كلامك بيخالف "الاصل فى التشريع وهو التعدد "

و بعدين السيدة فاطمة رضي الله عنها توفيت بعد الرسول صلي اله عليه و سلم ب 6 شهور فقط و تزوج سيدنا علي رضي الله عنه اكثر من أمرأة

كويس ماختلفناش يعنى برضه ماتجوزش عليها فى حياتها يعنى مافيهاش حاجة لما يتزوج بعد وفاتها

فيه حاجة أخيرة هأعلق عليها ..... تفتكرى الزوجة الأرملة اللى بتموت بعد زوجها بسنة هتقدر ببساطة تستعيض عنه بزوج تانى

على فكرة انا اعرف حالات سيدات أرامل اتقدم لهم رجالة كويسين جدا وأرامل برضه بالمناسبة لكنهم رفضوا مع ان أولادهم ماعارضوش الزواج ده أبدا لكن السيدات دول كانوا حاسين انه لا شىء يعوض رفيق العمر

فما عتقدش ابدا ان السيدات دول عندهم مشكلة ولو كانت موجودة مش هيحلها انها تكون زوجة تانية تشارك واحدة تانية فى رفيق عمرها برضه

[Tafshan]

نبدأ بالسلام على صاحبة الموضوع بدل ما نتبهدل احنا كمان ..

الاخت العزيزه .. لا اعتراض على ما "حلل" الله ... اما الاصل ان كان تعدد او الزواج من واحده .. فلن افتى فيه .. الافتاء لاهل الافتاء..

طيب ..

الايه صريحه في جزء معين : فمن لم يستطع فواحده .. ايه المشكله بقى ؟؟ الاغلبيه في وقتنا الحالى "لا يستطع" .. لأن العدل بين الزوجات شئ مرهق جداً .. و بالتالى "الجور " اسهل .. و من ثمه ضرر الزواج الثانى على نفسي و بيتى و دينى اكبر من حيث قدراتى الشخصيه .. لايكلف الله نفساً الا وسعها ... و بعدين احنا جايين في مجتمع انتشر فيه الغش و الفساد و الكذب بسبب عدم قدرة رجاله على الزواج من واحده .. كمان عايزه اللى عرفوا يتجوزوا "يقطعوا " على الى مش قادرين ؟؟ ثم ليه احنا بنحكم على الرجل على انه "زكيبة" يجب تقسيمها .. الرجل اللى بيشتغل من الساعه 6 صباحاً و بيرجع البيت الساعه 8 او 9 مساءً معندهوش وقت انه يعدل مع الزوجه اللى حيلته .. و يدوب بيأكل و ينام .. ح يجيب وقت منين لواحده تانيه و ثالثه و رابعه .. ما فيش اعتراض على حكم الله بس ربنا ما حرمش الزواج من واحده .. و بعدين احنا مطالبين بحاجات كثيييييير جداً تجاه بيتنا و اولادنا و زوجاتنا و غالباً بنقصر فيها .. بالذمه مش اللى يعوزه البيت يحرم ع الجامع ؟؟

يا عزيزتى .. لا يوجد شخص في زمنا هذا قرر ان يتزوج من ثانيه تقل في الجمال او تزيد في العمر او ذات عاهه .. يمكن مطلقه "اموره " يمشى حالها .. و لو سألتيهم ح يجيبوا لك مصادر قد اللى انتِ جبتيهم الف مره .. لانهم مستفيدين من التعدد لاشباع وقت فراغهم في المقام الاول بتلبية غرائزهم .. اما عمل الخير فمجاله الجمعيات الخيريه و الاهليه ..يعنى الرجل المقتدر بدل ما يتجوز ممكن يساهم في زواج عازب فقير .. او ممكن يصرف على ارمله عن طريق الجمعيات الخيريه .. مش لازم يعنى يتجوز و يبوظ حياته .. لاحظى عزيزتى ان سيدنا محمد كان نبي .. قدرته على العدل و الانفاق (مشاعر) غير سائر البشر ...و بعدين سيدنا محمد جمع بين اكثر من اربعه على زمته في وقت واحد ... و رُخص له ذلك من الله .. فكيف يكون التعدد سنه و انا لا استطيع ان اجمع نفس العدد تحت عصمتى ؟؟؟ المصدر

الاصل في الزواج الان هو الطلاق عزيزتى للاسف .. هذه هى المشكله .. الامساك على زوجه واحده اصبح صعب .. ربما موضوع يعلم رجالنا و نسائنا الموده و الرحمه التى هى عماد الزواج هو اجدى و افيد لمنع المشكله من الاساس بدلاً من ايجاد حلول بعد ان تقع الفأس في الرأس و تشرد الاطفال او يتعرضوا لزوج ام يدمر حياتهم ...

في النهايه انتِ حره .. اتجوزى راجل و بعدين يتززوج عليكِ او تتزوجى رجل متزوج و حياته قبلك تبوظ "لسبب ما " قد تبرريه لنفسك كى لا تقنعى نفسك انك السبب في خراب هذا البيت ... في النهايه الحساب على الخالق .. و لن يأتى معنا كل هذه المشايخ يوم القيامه للدفاع عنا .. و لا يوجد تعدد في الحساب .. كلنا نحاسب فرادا .. فانتبهى عزيزتى .. فان ما نكتب امانه .. فان كان خيراً فلنا الاجر و اجر من قرأ .. و ان كان شراً فعلينا الوزر و وزر من قرأ .. با عزيزتى ما ادراكِ .. لربما قرأ هذ الموضوع شخص له عائله مستقره الان و شجعه هذا الموضوع على زعزعة هذا الاستقرار .. هل تتحملى ان تحاسبي بهذا الذنب ان كان ذنباً ؟؟

قديماً كان علماء الدين يخافوا الفتوى خوفاً من حساب الله ... الان ... الفتوى سهله ننقلها بالقص و اللصق من على الانترنت .. فقدت الفتوى قيمتها لسهولة الحصول عليها و نسى الناس الحساب بينما استباحوا النقل ..

تحياتى ..

[جويرية]

الأخت / أم مروان

يعنى هو انا يا اما اجوزها جوزى يا اما تستعين بالسحر علينا ؟؟؟؟؟ ومين قال انها مواطنة درجة تانية !!!!؟؟؟؟؟ ماهو فيه متزوجات بيعاااانوا دول بقا درجة كام ؟؟

أيوة مواطنة درجة عاشرة كمان يا أختي ، المتجوزة مهما كانت مشاكلها مع جوزها طول ما هيا قاعدة في بيتها و ضعها بيختلف ،

ولما هى مش راضية باختيارها أو بقضاء الله كمطلقة او كأرملة يبقا مش هترضى تكون زوجة تانية

وضعها كزوجة تانية افضل من و ضعها كمطلقة او أرملة

أنا بس عاوزة أوضح حاجة مافيش أى حد هنا هيقول ان الزواج التانى حرام لكن مش معقول نوصله انه"" فرض"" لدرجة اننا نستنكر على الزوج انه يحتفظ بزوجة واحدة !!!!

لأ مقلتش فرض وو ووضحت الكلام ده في احد الردود

وبعدين انا مش عاوزة أقول الكلام المكرر بتاع ان الراجل اللى بيدور على زوجة تانية من باب الاقتداء بالسنة مش بيسعى جاهدا فى كل امور السنة بنفس الدرجة

الزوجة التانية حاجة من تلاتة

1

- يا اما لم يسبق لها الزواج و مش هنتكلم هنا بقا ان التعدد يمنع " العنوسة " اذا جاز اطلاق الكلمة دى أصلا

اكيد برده بيقلل نسبة العنوسة

2 -انها تكون أرملة ودى أتذكر فيها حديث المرأة التى يراها رسول الله صلى الله عليه وسلم تسبقه الى فتح باب الجنة ولما سألها علم انها أرمل ربت أيتام واتقت الله فيهم وفى نفسها

دي لما هيا تكون مش عايزة تتجوز برغبتها لكن اقول لأرملة عندها 25 سنة متتجوزيش عشان فيه واحدة غيرك بتغير علي جوزها

3

- انها تكون مطلقة و ذكرتم ان الزوجة المفروض لو زوجها عاوز يتجوز وهى مش موافقة يبقا تصبر وتحتسب واجرها على الله بدل ماتخرب على نفسها .... لا حول ولا قوة الا بالله طب هى المطلقة ليه لم تصبر وتحتسب على زوجها أو طليقها وأجرها على الله برضه باذن الله

يا اختي الطلاق بأيد الراجل يعني لو الواحدة صبرت وكانت عايزة تعيش في ادني مستوي مادي و معنوي و مع ذلك طلقها ، هيا بايدها ايه

[زهرة الجبل]

الأستاذ / مصري اصيل

أظن ان حضرتك زوج الأخت زهرة الجبل

بعتذر اني مش حقدر أرد علي مداخلة حضرتك عشان مزعلش الأخت زهرة

انا عارفة موضوع التعدد ده من المواضيع اللي بتضايق اي زوجة

و بصراحة مش بيعجبني لما الاقي زوج مش ناوي يتجوز اصلا بس بيحب يضايق مراته بالكلام ده وخلاص

برغم ان حضرتك معارض للموضوع لكن محبش اضايق الأخت زهرة بردودي

السلام عليكم و رحمة الله و بركاته

يا هلا بجويريه

أنا بقرء كلام أبو كريم من البدايه و مش شايفه فيه حاجه تضايقك

و لما قرءت ردك الأخير ( السابق ) أعدت القراءه (( رغم إني قرأتها قبل كده )) و مش فاهمه إيه اللي ممكن تقوليه يضايقني

عموماً كمقدمه ... أنا فعلاً نموزج للزوجه الملكه

و على رأي بدريه ... زي الفريك محبش شريك

و كل كلام زوجي ربنا يخليه ليا يا رب أنا موافقه عليه جداً و شايفاه عين العقل

و مع ذلك و من باب الخلاف في الرأي لا يفسد للود قضيه فأنا عاوزاكي تكوني براحتك خاااالص

الراجل ماقالش حاجه غلط علشان يبقى ردك عليه يزعلني

و عنده كيبورد يرد منه و عندك كيبورد تعرضي رأيك

و أنا كمان كذلك

و بصراحة مش بيعجبني لما الاقي زوج مش ناوي يتجوز اصلا بس بيحب يضايق مراته بالكلام ده وخلاص

مش فاهمه قصدك إيه بالعباره دي ... يمكن مش فاهمه لإن كلام أبو كريم مافيهوش أي إشاره للأسلوب اللي بتتكلمي عنه

يعني مافيهوش شئ يدل على انه مش ناوي يتجوز بس بيضايقني

بس أحب أءكد لك إنه الحمد لله و ربنا يكمله بعقله ... كلامه اللي كتبه هو مقتنع بيه تماماً ..

علشان كده أنا واثقه في زوجي و في تفكيره و في عقله زي ما أنا واثقه في نفسي و أكثر

و الخلاف بالرأي مادام في إطار إحترام الآخرين فلن يفسد للود قضيه إن شاء الله

و إن كان رأيك بالنسبه لي مستفز جداً... بس إن شاء الله لي عوده لأسجل رأيي الخاص و أمري لله

أنا مكنتش عاوزه أدخل الحوار ده لأنه بالنسبه لي موضوع مستفز جداً

إنما سبق السيف العزل بقى و إستعننا عالشقا بالله

على الله بس أنا رأيي الخاص ميضايقكيش

إنتظريني

تحياتي

تم تعديل 18 يونيو 2008 بواسطة زهرة الجبل

[جويرية]

الأستاذ / محمد

السلام عليكم

فى الماضى ... لما كان الماضى .. ماضى ، ولما كانت قبائل " س س " تغير ليلا على قبائل " ص ص " كانت دائما ماتنتهى الغارة باحتمالين

الاول أن تكسب قبائل " س س " الغارة وينتج عنها الآتى:

1- موت بعضا من رجال " س س " وينتج عنه خلل فى نسبة الذكور للاناث فى قبائل " س س " لصالح الاناث يعنى النساء يزداد عددهن.

2- موت الكثيرين او معظم رجال " ص ص " وينتج عنه وفرة فى السبايا من النساء والذين سينضمون الى نساء قبائل " س س " .

3- الكثير من الاطفال والذين سينضمون بالطبع الى العبيد والاماء ، وغالبا البنات فى ذلك الوقت تكون جاهزة للارتباط الجنسى فى سن التاسعة او قبلها.

الثانى ، أن تنعكس الآية وتتبدل النتائج بعاليه

مما سبق يتضح ان النسوة ( من نون النسوة ) ازدادت اعدادهن وطغت وكان لابد للرجال من الزواج من واحدة واثنتان وخمسة عشر ، بالاضافة لكل من وقعت ملك اليمين.

أنا لا أتحدث عن الممالك والامبراطوريات ، بل اتكلم عن حياة القبائل .

اذن ففكرة تعدد الزوجات بين تلك القبائل لم تكن امرا مستغربا لانه كان يلائم طبيعة حياتهم ، وحتى لانربط ذلك بالاسلام ، فيجب علينا ان نعرف ان اليهود مارسوا تعدد الزوجات ، والانبياء كذلك ، ولكن لايجب ان يفوتنا انهم عاشوا حياة القبائل أيضا .

و عليكم السلام و رحمة الله و بركاته

أري ان الوضع حاليا لا يختلف عن الوضع في الماضي بدليل وجود 10 مليون عانس في مصر

والرسول عليه الصلاة والسلام قال: (من أشراط الساعة أن يرفع العلم، وأن يكثر الجهل، ويكون للقيم الواحد خمسون امرأة).

وفى هذه الايام عندما يكثر كلام الناس عن تعدد الزوجات ، وان الشرع قد اقره ، وارى ان البعض ينادى بوجوب ممارسة تعدد الزوجات ، يطيب لى أن أسأل ، ايه المناسبة؟ هل لدينا ازمة فى الرجال ووفرة فى النساء؟

بالطبع ليس هذا هو السبب ، بل السبب الحقيقى - قى رأيى المتواضع - هو افلاسنا فى مناقشة القضايا الحقيقية والالتفاف عليها بحلول قد نظنها سهلة ، ولكنه فى الحقيقة هى من أعقد الأمور.

ماعتقدش أن ده أفلاس و المشكلة دي موجودة و بتتناقش كتير

مؤشرات التعداد تقول:

عدد الذكور يزيد على عدد الاناث فى سن من يوم واحد حتى 64 عاما ، مما يعنى انه لايجب ان تكون هناك عنوسة نسائية ، بل على العكس الارقام تقول ان هناك عنوسة ذكورية.

الذكور فى سن 15 الى 64 عاما = 26,257,440 تعداد متوقع لـ 2008

الاناث فى سن 15 الى 64 عاما = 25,627,390 تعداد متوقع لـ 2008

مش واثقة في الأحصائيات دي

كمان نضيف ان فيه رجالة كتير بيتجوزوا جواز مش رسمي ، ده غير اللي بيتجوزوا أجانب عشان الجنسية

اذن فالمشكلة ليست فى التعد او عدمه ، بل فى تبسيط تعقيدات الزواج، بمعنى ، لماذا تصر الاسر على شبكة غالية ، ومهر كبير ، أو عفش لايستخدم؟ ليه 3 حجرات وصالة لعريس وعروسة ، وليه مش حجرة وصالة؟

ده حل كويس بس ده لحل مشكلة العنوسة

لكن الناس اللي بتكلم عنهم لو احد أعزب حتي لو ظروفه كويسة ما يقبلش يتجوز منهم

الناس اللى عاشت فى الجيل اللى قبلى كانوا بيسكنوا فى شقة حجرة وصالة ، وقبل ماييجى اول طفل او حتى بعد مجيئه ، يبحثوا شقة اكبر وهكذا ، كان فيه بساطة ، ليه مانرجعش نفكر بالطريقة دى ، وبدل مانخرب بيوت عمرانة بزوجة ثانية وثالثة ورابعة زى البعض مابيتمنى ، تخلى الكل يتجوز ويتمتع ويعيش حياته.

لكن المجتمع اللي حضرتك عايش فيه ، فيه تعدد زوجات بس مش رسمي تعدد صديقات يعني

طيب حضرتك مش شايف أن ده ظلم للصديقة و ان وضع الزوجة بيبقي أفضل منها برغم ان ممكن الواحد تبقي علاقته بصديقته افضل

و كمان مشكلة انها مش ضامنه ان صديقها ده ممكن يستغني عنها في أي و قت و كمان مش بترثه لو مات

يا تري مش من حقها يبقي ليها حقوق زي الزوجة

[somebody]

الاخت العزيزه .. لا اعتراض على ما "حلل" الله ... اما الاصل ان كان تعدد او الزواج من واحده .. فلن افتى فيه .. الافتاء لاهل الافتاء..

طيب ..

العدل مرهق

الرجل الميسور بدل ما يتجوز ممكن يساهم في زواج عازب فقير ..

الاصل في الزواج الان هو الطلاق عزيزتى للاسف .. هذه هى المشكله .. الامساك على زوجه واحده اصبح صعب ..

.. فان ما نكتب امانه .. فان كان خيراً فلنا الاجر و اجر من قرأ .. و ان كان شراً فعلينا الوزر و وزر من قرأ .. قديماً كان علماء الدين يخافوا الفتوى خوفاً من حساب الله ... ... تحياتى ..

انا متفقة معاك في النقاط(السابقة) جميعها__________________ لكن ليه بتعتبر العدل بين الزوجات أمر مرهق جدا مش يمكن ده بيختلف من شخص لآخر وفي نفس الوقت انا شايفة ان

( العدل-الشرط الاساسي الذي يجب تحقيقه )

*********************************************

وبالنسبة للنقطة الاخيرة الخاصة بالفتوى فانا اتفق معك في هذا

لان الفتوى أمر خطير ومسؤولية كبيرة

تم تعديل 20 يونيو 2008 بواسطة somebody

[Alshiekh]

أستاذة / جويرية

الحقيقة انا مش عارف انتى جبتى رقم 10 مليون عانس ده منين

أولا يعنى لما يكون عدد الاناث فى سن من 15 - 64 بيساوى 26 مليون ، لو شيلنا منهم الـ 10 مليون اللى بتقولى عليهم ، يتبقى 16 مليون ، لو شيلنا منهم 10 مليون اللى لسه فى التعليم الاعدادى لحد الجامعة ، يتبقى 6 مليون ، تفتكرى مصر مافيهاش غير 6 مليون اسرة؟ ياريت تراجعى ارقامك.

ثانيا العشرة مليون اللى بتقولى عليهم عوانس ، أكيد حايقابلهم 10 مليون شاب عانس برضه ، يبقى مافيش مشكلة ، يتجوزوا بعض ياستى ، ويسيبوا الاسر السعيدة فى حالها.

ثالثا وهو الاهم ، مين قال ان فيه فى مصر مشكلة ارامل ومطلقات لازم يتجوزوا رجالة متجوزة ، انا عن نفسى مش شايف ان فيه مشكلة زى دى ، الا بعض الحالات الشاذة التى لايهمها الا خراب البيوت.

نيجى بقى للتعدد اللى حضرتك بتتكلمى عليه فى امريكا على صورة تعدد صديقات

الحقيقة احنا اللى فاهمين غلط .

مافيش واحدة بتقبل ان جوزها او البوى فريند بتاعها يكون له علاقة نسائية ثانية. ولو الزوجة عرفت ان زوجها لها علاقة نسائية ، بتثبتها وبتحصل على الطلاق بسهولة.

والواحدة اللى عندها بوى فريند ، تقدرى تقولى انه جواز عرفى ، جواز صحيح مش زى العرفى بتاعنا ، لأنه بيكون فى العلن ، بعلم الاسرتين والاصدقاء والمقربين ، والاطفال ينسبوا للأب والأم ، وفى الغالب فهم يتزوجون رسميا بعد فترة قصيرة ، وان كان البعض منهم بالذات النساء تفضل عدم الزواج الرسمى حتى تتمتع بالاعفاءات الضريبية كأم وتعول طفل او اطفال.

أما موضوع الميراث ، فده موضوع شرحه يطول ، لان نظام المواريث بتاعهم غير نظام المواريث عندنا ، فمثلا ممكن الواحد او الواحدة يكتب ممتلكاته لاحد احفاده متخطيا ابناؤه ، او حتى يهب مايملك لقطته او لكلبه او لأى مؤسسة خيرية ، وأظن منذ فترة ليس بالقصيرة ، قام جد باريس هيلتون بالتبرع بما يقرب من 4ز6 مليار دولار للجمعيات الخيرية . فماتشغليش بالك بمين حيورث مين.

فى النهاية واعذرونى ، عايز اقول ان الموضوع الطويل ده بيتكلم عن حاجة لاتعتبر ظاهرة وعلى الرغم من ان المناقشة كانت شيقة ، فعفوا لو قلت انها لاتستحق المناقشة أصلا.

[جويرية]

الأستاذ / محمد

ليه المطلقة مصرة انها تدور على واحد مبسوط فى جوازته ومتهنى مع مراته وتنمر عليه؟ طيب ماتشوف لها واحد خالى ( فاضى يعنى ) وما أكثرهم أكثر من الهم على القلب

الأفضل زي ما نصح الرسول صلي الله عليه و سلم سيدنا جابر رضي الله عنه ، الأصل ان الأعزب يتزوج امرأة لم يسبق لها الزواج ألا في حالات معينة مثل حالة سيدنا جابر

حدثنا إسحاق بن إبراهيم أخبرنا جرير عن المغيرة عن الشعبي عن جابر بن عبد الله رضي الله عنهما قال : (غزوت مع رسول الله صلى الله عليه وسلم قال فتلاحق بي النبي صلى الله عليه وسلم وأنا على ناضح لنا قد أعيا فلا يكاد يسير فقال لي ما لبعيرك قال قلت عيي قال فتخلف رسول الله صلى الله عليه وسلم فزجره ودعا له فما زال بين يدي الإبل قدامها يسير فقال لي كيف ترى بعيرك قال قلت بخير قد أصابته بركتك قال أفتبيعنيه قال فاستحييت ولم يكن لنا ناضح غيره قال فقلت نعم قال فبعنيه فبعته إياه على أن لي فقار ظهره حتى أبلغ المدينة قال فقلت يا رسول الله إني عروس فاستأذنته فأذن لي فتقدمت الناس إلى المدينة فلقيني خالي فسألني عن البعير فأخبرته بما صنعت فيه فلامني قال وقد كان رسول الله صلى الله عليه وسلم قال لي حين استأذنته هل تزوجت بكرا أم ثيبا فقلت تزوجت ثيبا فقال هلا تزوجت بكرا تلاعبها وتلاعبك قلت يا رسول الله توفي والدي أو استشهد ولي أخوات صغار فكرهت أن أتزوج مثلهن فلا تؤدبهن ولا تقوم عليهن فتزوجت ثيبا لتقوم عليهن وتؤدبهن قال فلما قدم رسول الله صلى الله عليه وسلم المدينة غدوت عليه بالبعير فأعطاني ثمنه ورده علي قال المغيرة هذا في قضائنا حسن لا نرى به بأسا).

رواه البخاري

المشكلة بقي أن الناس و الأمهات خاصة بتتمسك بالحديث ده و بترفض زواج ابنها من مطلقة ،

مع ان ابنها ممكن يكون سلوكه مش كويس و بتسكت أشمعني في دي مش متمسكة بالشرع

و لو اتجوز اجنبية الله اعلم اتجوزت كام مرة الأم بترحب او علي الأقل بتكست ،

يقول لك ايه التعدد مباح والقرآن اباحه ، طيب مالقرآن اباح للمضطر انه يأكل ما أُهل لغير الله به ، ممكن تأكلوه يقول لك لا ، طيب ماهو الجواز المتعدد شروطه اكثر من اكل الميتة ، ده مطلوب فيه العدل بكل مايعنيه العدل وبكل ماتعنيه الكلمة ،

يقول الإمام القرطبي: "أخبر الله تعالى بعدم استطاعة تحقيق العدل بين النساء في ميل الطبع في المحبة والجماع والحظ من القلب، فوصف الله تعالى حالة البشر وأنهم بحكم الخلقة لا يملكون ميل قلوبهم إلى بعض دون بعض، ولهذا كان صلى الله عليه وسلم يقسم بين زوجاته [في النفقات]، فيعدل ثم يقول: "اللهم إن هذه قسمتي فيما أملك فلا تلمني فيما تملك ولا أملك".. ثم نهى الله تعالى عن المبالغة في الميل فقال: {فَلاَ تَمِيلُواْ كُلَّ الْمَيْلِ} أي لا تتعمدوا الإساءة ـ كما قال مجاهد ـ الزموا التسوية في القسم والنفقة لأن هذا مما يستطاع".

وروى قتادة عن النضر بن أنس عن بشير بن نهيك عن أبي هريرة قال: قال رسول الله صلى الله عليه وسلم: "من كانت له امرأتان فلم يعدل بينهما جاء يوم القيامة وشقه مائل". والمقصود هنا الذي لا يعدل في النفقة والمبيت وليس في الحب وهوى القلب، فلا أحد يملك القلوب سوى رب القلوب". وقال ابن عباس وابن جرير والحسن البصري: {كالمُـعَـلقة} أي تتركونها لا هي مطلقة [فتبتغي زوجا آخر] ولا هي ذات زوج [يرعاها ويقوم على شئونها ويعطيها حقوقها]، وقال قتادة {كالمعلقة} أي كالمسجونة.. وكان أبي بن كعب ـ رضي الله عنه ـ يقرأ الآية هكذا: {فتذروها كالمسجونة}..

وقرأ ابن مسعود ـ رضي الله عنه ـ {فتذروها كأنها معلقة} وهي قراءات لتوضيح المعنى فحسب، وليست تغييرا في نصوص المصحف الشريف أو ألفاظه ـ حاشا لله..

يقول الشيخ السيد سابق: "فإن العدل المطلوب هو العدل الظاهر المقدور عليه، وليس هو العدل في المحبة والمودة والجماع".

قال محمد بن سيرين – رضي الله عنه – "سألت عبيدة عن هذه الآية فقال: العدل المنفي في الحب والجماع". وقال أبو بكر بن العربي [عن الحب]: ذلك لا يملكه أحد إذ قلبه بين إصبعين من أصابع الرحمن يصرفه كيف يشاء، وكذلك الجماع فقد ينشط للواحدة ما لا ينشط للأخرى.. فإن لم يكن ذلك بقصد منه فلا حرج عليه فيه، فإنه لا يستطيعه فلا يتعلق به تكليف".

وقال الإمام الخطابي: "يجب القسم بين الحرائر الضرائر، وإنما المكروه في الميل هو ميل العشرة الذي يترتب عليه بخس الحقوق [المادية] دون ميل القلوب"، ويقول الشيخ سيد قطب رحمة الله عليه: "المطلوب هو العدل في المعاملة والنفقة والمعاشرة والمباشرة.. أما العدل في مشاعر القلوب وأحاسيس النفوس فلا يطالب به أحد من بني الإنسان، لأنه خارج عن إرادة الإنسان، وهو العدل الذي قال الله عنه {وَلَن تَسْتَطِيعُواْ أَن تَعْدِلُواْ بَيْنَ النِّسَاء} هذه الآية التي يحاول بعض الناس أن يتخذ منها دليلا على تحريم التعدد، والأمر ليس كذلك.. وشريعة الله ليست هازلة حتى تشرع الأمر في آية وتحرمه في آية أخرى.. ولأن الشريعة لا تعطي باليمين وتسلب بالشمال!!

فالعدل المطلوب في الآية هو العدل في النفقة والمعاملة والمعاشرة والمباشرة، وبدونه يتعين عدم التعدد، فهو يشمل سائر الأوضاع الظاهرة بحيث لا ينقص زوجة شيئا منها، وبحيث لا تؤثر إحدى الزوجات على الأخريات بشيء من نفقة أو معاشرة أو مباشرة، وذلك على النحو الذي كان الرسول صلى الله عليه وسلم – وهو أرفع إنسان عرفته البشرية – يفعله ويقوم به، في الوقت الذي كان الجميع لا يجهلون أنه عليه السلام كان يحب عائشة لكن هذا لم يجعله يفضلها على غيرها في القسم أو النفقة.

والخلاصة أن الميل القلبي أو الحب لزوجة أكثر من غيرها – فيما نرى – يجب أن يظل في مكانه داخل الصدر، ولا يترجم إلى تصرفات أو من أفعال من شأنها أن تجرح أحاسيس باقي الزوجات أو تضر بمصالحهن ومصالح أولادهن لحساب الزوجة المحظية وأولادها..

ونحن أولا وأخيرا بشر ولسنا ملائكة، ولهذا يجب أن يقنع الجميع بالعدالة فيما يستطاع، فالعدل المطلق لا مكان له إلا في الآخرة عند الله تعالى الذي لا يظلم عنده أحد.. ولا سبيل إلى إجبار أحد من البشر على العدل في المشاعر والأحاسيس..

والله تعالى بعدله ورحمته سوف يعوض تلك التي لا تحظى بقدر كبير من الحب أو الجاذبية أو محبة زوجها، سوف يعوضها إن صبرت واتقت كل الخير في الدنيا والآخرة.. ولعل هذا الوضع يكون اختبارا لها وابتلاء من الله تؤجر عليه إن صبرت وامتثلت لأمر الله، ونذكر هنا مثل هذه الزوجة بأن بقاءها مع زوجها وتمتعها بقدر منقوص من حبه، مع كل حقوقها الأخرى وحقوق أولادها، خير لها ألف مرة من الطلاق البغيض والحرمان التام من كل ذلك.. فالدنيا ليست دار بقاء ومتاعها ناقص وزائل في النهاية، والنعيم المقيم والسعادة التامة مكانها الجنة وليست الأرض..

وأخيرا فإنه لو كان صحيحا أن الآية 129 من سورة النساء تحظر التعدد [لأنها كما زعموا: قطعت بأن العدل بين النساء مستحيل] نقول لو كان هذا صحيحا لكان واجبا أن يطلق الرسول عليه السلام وأصحابه زوجاتهم فور نزول الآية ويكتفي كل منهم بواحدة، لكنهم لم يفعلوا، وحاشا لله أن يخالف النبي صلى الله عليه وسلم وصحابته أمر الله في مثل هذه الحالة أو غيرها..

ولهذا فالصحيح أن التعدد مسموح به ومباح إلى قيام الساعة.. خاصة وأن من علامات الساعة أن "تبقى النساء ويذهب الرجال حتى يكون لخمسين امرأة قيم [رجل] واحد" حديث شريف.

__________________

تم تعديل 19 يونيو 2008 بواسطة جويرية

[جويرية]

السلام عليكم

اعتقد مع فرق التشبيه .......ان لو واحد عنده عربيه اوشقه مريحاه هل ممكن يروح يجيب غيرها ...لو طبيعي مش هيعمل كده...

فمابالك بزوجه تكون مقدمالك كل اسباب السعاده اعتقد انك هتخسر كل حاجه لو فكرت في غيرها

الانسان لو لقى السعاده في مكان مش ممكن يدور عليها في مكان تاني

واذا ملقهاش ومقدرش يتعايش مع الوضع يحقله الزاوج بأخري بشرط حفظ كرامه الزوجه الاولي

الأستاذ / السويفي

و عليكم السلام و رحمة الله و بركاته

من اسباب التعدد برضه أن الراجل خروجه من البيت اكتر و اختلاطه بالنساء اكتر فعشان كدة ربنا أدي الحق للراجل ان هوه يتزوج 4 و مش ادي الحق ده للنساء

فبيحصل احيانا ان تعجبه امراة اخري غير زوجته برغم ان سعيد مع زوجته و مفيش مشاكل

فالحل في هذه الحالة هوه الزواج الثاني

لكن الناس دلوقتي مش بتعمل كدة ، بيخليها علاقة مؤقته و ينهيها في الوقت المناسب ، و العلاقة دي بتاخد مسميات كتيرة ممكن صداقة ممكن زواج عرفي ممكن مسيار و في جميع الحالات ده ظلم للمرأة الثانية

تم تعديل 19 يونيو 2008 بواسطة جويرية