الزوجة الملكة

[MZohairy]

بسم الله الرحمن الرحيم

ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة وان تصلحوا وتتقوا فان الله كان غفورا رحيما

صدق الله العظيم

استنادا على الآيه الكريمة اعلاه 129 من سورة النساء قام التشريع التونسي بمنع التعدد في الزواج تماما

و أتاح للرجل او للمرأة حق الإنفصال عن بعضهما (الطلاق) بعد الدخول في 3 جلسات صلحيه امام محكمة الأسره لمحاولة لم الشمل... بين كل جلسه و جلسه اسبوعين من الزمن حرصا على بقاء الأسره و عدم التشتيت و اتخاذ قرار غير مدروس و بحكمة

و اوضح المشرع التونسي ما تفضلتم بتوضيحه اعلاه من ان أمام الأرمله أرمل.. و أمام المطلقة مطلق .. و أمام المعوقة معوق.. وهكذا

كما ان مشكلة اعانة الأسره الفقيره التي ليس لها اب ....لها طرق عديده غير التعدد

بالطبع لا يخلوا مجتمع من المشاكل

و لكن فتح الباب على مصراعيه امام شهوة الرجل ليتزوج من يشاء و متى يشاء و بدون اسباب الا الغريزه الجنسيه فقط لا غير ...سيصبح المجتمع وقتها مجتمعا داعرا بكل ما تحتويه الكلمة من معاني

تحياتي و لا انسى الاشاده بأدب الأخت جويريه الحواري حتى الآن و اشكرها عليه

تم تعديل 19 يونيو 2008 بواسطة mzohairy

[زهرة الجبل]

السلام عليكم

أختلف معك في رأيك تماماً يا جويريه

و لي إتجاه آخر و هو أن المجتمع عندما تخرج فيه إمرأه من إطار المتزوجه لإطار المطلقه .. يخرج معها في نفس الوقت رجل من إطار المتزوج لإطار المطلق

و كما أن هناك أرامل من النساء ... فأكيد هناك نسبه من وفيات النساء تجعل بالمقابل أنه هناك نسبه من الرجال الأرامل تقابل أرامل النساء

و كما أنه هناك بنات تجاوز بهن السن قليلاً أو كثيراً سن الزواج

فهناك أيضاً آلاف الشباب لا يملكون من الإمكانيات الماديه ما يحقق لهم حلم الزواج

يعني بالمختصر المفيد ... المشكله ليس حلها الأوحد و لا حتى الأهم هو التعدد

التعدد قد يكون له نسبه ... لكن ليست العظمى و ليست الحل و لا يصح النظر إليه من هذا المنظور

إذا تزوج الأرمل ببنت لم يسبق لها الزواج لا نلومه ... مهو عفها برضه ... إنما نلوم الزوج اللي متجوزش على مراته أرمله

إذا تزوج المطلق ببنت لم يسبق لها الزواج لا نلومه .. مهو عفها برضه .. إنما نلوم الزوج اللي متجوزش على مراته مطلقه

إذا ربنا كرم الشاب الكبير في السن و تزوج بواحده جميله .. لا نلومه ... مهو عفها برضه .. إنما نلوم الزوج الذي لا يتخذ الدميمه زوجه على زوجته

كلام غير منطقي بالمره

المطلق يتزوج إن أراد و إستطاع بمن يريد إن وافقت عليه

و الأرمل يتزوج إن أراد و إستطاع بمن يريد إن وافقت عليه

و الشاب كبيراً أو صغيراً يتزوج إن أراد و إستطاع بمن يريد إن وافقت عليه

أما المتزوج .. فهو يتخذ على زوجته زوجه أخرى إن أراد و إستطاع و إستشعر من نفسه القدره على العدل بمن يريد إن وافقت عليه و وافقت زوجته الأولى

هل رأيتي الفرق؟

هل لاحظتي أن في كل الحالات تجدين أن كل الأطراف لها الحق في إتخاذ القرار ؟

انا بستغرب ازاي الشيخ عمر خالد متجوز زوجة واحدة و يقعد يكلمنالنا عن التضحية و ان نفسه يموت شهيد في نفس الوقت مش بيعمل بسنة ةالنبي صلي الله عليه و سلم و مش بيفكر انه يتجوز أرملة و يرعي اولادها علي الأقل عشان الناس تقتدي بيه

يا ستي الراجل الله يبارك له مرتاح في حياته و معندوش رغبه في التعدد

و بعدين إيش أعلمك ؟ مش يمكن هو بيرعى أولاد أرمله بدون ما يتجوزها؟

هو يعني لازم الجواز؟

راحت فين كفالة اليتيم؟

و بعدين خليتي التعدد سنة الرسول خلاص؟

زواج الرسول صلى الله عليه و سلم كان بتكليف و كان بأسباب و لم يكن متقيد بعدد اربعه

لا يصح التكلم عنه كسنه يجب إتباعها و الإقتداء بها

واحد ربنا مديلله يقدر يفتح أربع بيوت و مع ذلك هوه قاصر خيره ده وماله ده كله لزوجة واحدة و بعدين بعد كدة بيتكلم

ان المطلقات دول خطر علي المجتمع و المفروض اللي عنده واحدة مطلقة يحبسها في البيت

مش فاهماكي

يمكن لو قلتي واحد ربنا مديه القدره على العدل و مش بيعف مطلقه مثلا كان بقى في مجال

إنما واحد معاه فلوس بيصرفها على زوجه واحده؟

عيب يعني و لا حرام مش فاهمه

و هو التعدد الغرض منه الدفع ؟

و بعدين مش كل الكلام اللي يتبني عليه كلام

يعني كون أحد الناس يقول المطلقات خطر على المجتمع ... ليه ؟ عندهم شئ مـُعدي مثلاً؟

ده كلام لا يؤخذ بعين الجديه لدرجة أقول مثلاً :

إلحق يا عم انت و هو ... سيطروا على الخطر بسرعه... إتجوزوه قبل ما يقضي عليكم

مش هينفع خالص

ستات قاعدين بيتكلموا و يقولوه قال الله و قال رسول الله و بعد ما خلصوا كلامهم في الدين بيتكلموا برده علي واحدة مطلقة ليه هيا لابسة قصير

ليه ؟ هو مبيلبسش قصير غير المطلقه؟

طيب فرضاً ماشي ... طيب و دي حلها تتجوز واحد على مراته؟ هيشتريلها قماش مثلاً؟

طيب و ما الضامن إنها لم تـُـطـَـلَق أصلاً لهذا السبب؟ بتلبس قصير

يا أختي ما أريد قوله هو أن المرأه لا تلبس القصير لأنها مطلقه أو عانس أو دميمه

بدليل إن في زوجات و العياذ بالله بيلبسوا قصير و في بنات صغيره بتلبس قصير و في واحده مش عاوزه تتجوز خالص و بتلبس قصير

دول علاجهم إن ربنا يهديهم ... مش نجوزهم لراجل نبليه بيهم و نبلي مراته ببلوى لا ذنب لها فيها

المطلقه المحترمه كالمتزوجه المحترمه و كالبنت المحترمه

و المطلقه عديمة الإحترام و العياذ بالله كالزوجه عديمة الإحترام و البنت عديمة الإحترام و العياذ بالله

كان نفسي اسألهم اقولهم طيب يا أختي زمان دي كانت قبل ما تخلص عدتها كان بييجي اي راجل متاجوز و يتجوزها , هل أنتي تقبلي ان تكون شريكتك ؟

مش فاهماكي بجد

قبل ما تخلص عدتها يجي واحد متجوز بسرعه و ينتشلها من الترمل و يتزوجها ؟

ليه؟...اللي مات ده ملوش إي إعتبار؟

طب إستنوا لما عضم التربه ينشف حتى

أنا بس عاوزه افهم ..... ليه متجوز؟

ليه مش أرمل ؟

ليه مش مطلق؟

ليه مش شاب عاوز يتجوز لسه و يدخل دنيا؟

ليه ؟ هه؟ ليـــــــــــــــه؟

و الله انا بيصعب عليا شفت واحدة عشان فيها عين مش سليمة متجوزتش و قاعدة بتخدم مرات أخوها

و اخوها طبعا حيبقي السجان بتاعها

الرسول صلي الله عليه و سلم ( كلكم راع و كلكم مسئول عن رعيته )

مقالش خليك السجان بتاع أختك و عد عليها أنفاسها

لو هوه أتجوز واحدة في ظروف احته مع مراته أكيد حييجي واحد يتجوز أخته

لكن حيعمل ايه في ضرورة طاعة الزوجة

سبحان الله !!!

طلع أخوها هو السبب

لو كان إتقى الله في واحده غيرها و اتجوزها على مراته كانت أخته إتجوزت

و يمكن كانت عينها خفت كمان

لا منه لله

ربنا يسعدك يا جويريه زي ما ضحكتيني بجد و الله

[Tafshan]

انا متفقة معاك في هذه النقاط جميعها__________________ لكن ليه بتعتبر العدل بين الزوجات أمر مرهق جدا مش يمكن ده بيختلف من شخص لآخر وفي نفس الوقت انا شايفة ان

( العدل-الشرط الاساسي الذي يجب تحقيقه )

الكلام اللى بالاحمر هو اللى احنا كللللللللنا بنقوله من الصبح :happy:

الاسلام حلل التعدد بغض النظر على ما اختلف فيه العلماء ان كان الاصل هو التعدد او الاصل هو الزواج من واحده .. الاصل هو في اعتقادى من الزواج بشكل عام هو الموده و الرحمه .. و هى اشياء حسيه لا تقبل القسمه على اثنين او ثلاثه او اربعه .. اما من يشعر انه يستطيع فلم يمانع الاسلام ان يترك له المجال للزواج من اخرى كى لا تتفشى الرذيله على يد مثل هؤلاء "الطفسين " ..

الانسان له تاريخ من العنت و الغرور و افتراض قدرات ليست فيه كقوله تعالى : "انا عرضنا الامانة على السماوات والارض والجبال فابين ان يحملنها واشفقن منها وحملها الانسان انه كان ظلوما جهولا " الاحزاب 33

فمن يرى انه قادر على العدل فلينكح مثنى و ثلاث و رباع .. في النهايه لن يحاسبه الا الله .. العدل يجب ان يكون مع الزوجات و الابناء من جميع الزوجات .. نعم انه شئ مرهق .. و العقاب كما تفضلتى ليس سهل .. فليتقى الله من يريد التعدد لانه ليس بشئ سهل ..

تحياتى

تم تعديل 21 يونيو 2008 بواسطة Tafshan

[جويرية]

الأستاذ / زهيري

انما باقي البشر فسيروا في هذا الزواج الغير مبرر ..فراغة عين و سلوك جنسي همجي اهتياجي و قلة اصل من الراجل اللي مراته بتديله كل حياتها و يكون جزاءها هو هذا السلوك البربري البصباصي

انا بشوف ناس كانت محترمة جدا قبل ما تتجوز

و بعدين بعد الجواز بسنين بيبقي عايز يتجوز زوجة تانية و طبعا الزوجة مش سامحة ليه بالزواج التاني

فبيتحول المسكين الي النموذج اللي حضرتك بتقول عليه

و

الذي سيثمر فيما بعد عن اتنين كمان ليصل العدد الى 4 بالتمام و الكمال

و يخلف من كل واحده 3 عشان يبقوا 12 عيل

و طبعا نسبة او احتمالية انحراف هذا الجيل كبيره لأن كل عائله اصبح لها ربع أب بدلا من اب كامل بدوره التربوي و التعليمي الطبيعي

و هنيئا لنا بشمام جديد و منحرف جديد و لص جديد و عاهره جديده

هوه فعلا الزمن ده الأولاد مش بيتجوزوا بدري ، عشان كدة بيحتاجوا اهتمام أكبر من الوالدين

بس ما هوه الأنحراف موجود دلوقتي كتير برغم ان التعدد بقي نادر جدا دلوقتي

اتقوا الله يا اخواني و خلوا معتقداتكم لأنفسكم

التعدد ربنا معملوش عشان الرجل البصباص ابو عين زايغه (فمثل هذا الرجل لن يكفيه 20 امرأه معا) و لكنه تم تشريعه لظروف معينه رحمة من العزيز الحكيم

ربنا خلق العاطفة دي عشان الواحد يكفل أكبر عدد من النساء ، المشكلة عندنا احنا اللي جرمنا شئ ربنا خلقه عشان الدنيا تمشي صح

تم تعديل 19 يونيو 2008 بواسطة جويرية

[جويرية]

السلام عليكم ورحمه الله وبركاته...للجميع ..ألقي التحيه..ولك انتي بوجه خاص يا اختي العزيزة جويريه...

صدقيني..لم اقصد ابدا ان اتجاهلك...ولم اقصد ابدا ان أعني شخصك...بأحدهم...صدقيني والله العظيم...وما قصدته باحدهم..اصحاب الأراء المناصرة للتعدد من أصحاب الفضيله الشيوخ أو التابعين لهم في المنتديات الأخري...

صدقيني يا جويريه...حينما يكون الموضوع متوافق مع رايي لا استحسن ان أدخل لاقول بارك الله..اشكرك..او غيرة من التعليقات السريعه التي لا تسمن ولا تغني من جوع...

شيء اخير..اريد توضيحه....لا يفترض ان نتفق في كل الأمور ...وإلا ماجدوي النقاش وفتح مواضيع جديده...انا شخصيا إذا وضعت موضوع ووجدت الجميع يتفق معي..ويشكرني في كل كلمه..ساصاب بالملل بعد فترة ...

تقبلي اعتذاري يا اختي العزيزة...وصدقيني لم اقصد ان اضايقك بشكل ما...

دمتي في رعايه الله وحفظه

و عليكي السلام و رحمة الله و بركاته

أهلا يا اختي ناش

لا و الله يا أختي مش بزعل من الأختلاف ، مش ممكن أراء كل الناس حتبقي واحدة

أنا بس كنت بعاتبك عشان احنا أخوات

و بيقولوا العتاب علي قد المحبة :happy:

جزاكي الله كل الخير

[جويرية]

اختي جويرية

ما تفسيرقوله (ذلك أدنى ألا تعولوا)

الروابط جايبه التفسير بس للاسف الكتابة مش واضحة قدامي لان الخط صغير

************************************************

صدقيني يا اختي انا اتلخبطت دلوقتي ومبقيتش عارفة

( ذلك أدنى ألا تعولوا ) أي لا تجوروا يقال عال في الحكم إذا قسط وظلم وجار

يريد تعالى وإن خاف المؤمن ألا يعدل بين زوجاته لضعفه فليكتف بواحدة ولا يزد عليه غيرها أو يتسرّى بمملوكته إن كان له مملوكة فإن هذا أقرب الى أن لا يجوز المؤمن ويظلم نساءه.

[جويرية]

فيه حاجة أخيرة هأعلق عليها ..... تفتكرى الزوجة الأرملة اللى بتموت بعد زوجها بسنة هتقدر ببساطة تستعيض عنه بزوج تانى

على فكرة انا اعرف حالات سيدات أرامل اتقدم لهم رجالة كويسين جدا وأرامل برضه بالمناسبة لكنهم رفضوا مع ان أولادهم ماعارضوش الزواج ده أبدا لكن السيدات دول كانوا حاسين انه لا شىء يعوض رفيق العمر

فما عتقدش ابدا ان السيدات دول عندهم مشكلة ولو كانت موجودة مش هيحلها انها تكون زوجة تانية تشارك واحدة تانية فى رفيق عمرها برضه

ليه مستعيضش عن جوزها علي الأقل يروح يجبلها الطلبات و يقف في طابور العيش بدل ما تقف هيا :happy:

معتقدش ان جالهم حد مناسب و رفضوا ،

أنتي عارفة فيه ناس بتتقدم للأرامل عشان بتسترخص يعني جوازة مش حتكلفه حاجة وممكن يكون طمعان في مالها

[جويرية]

نبدأ بالسلام على صاحبة الموضوع بدل ما نتبهدل احنا كمان ..

الاخت العزيزه .. لا اعتراض على ما "حلل" الله ... اما الاصل ان كان تعدد او الزواج من واحده .. فلن افتى فيه .. الافتاء لاهل الافتاء..

طيب ..

و عليكم السلام و رحمة الله و بركاته

موضوع أن الأصل هوه التعدد ده انا راده عليه في مشاركة سابقة

الايه صريحه في جزء معين : فمن لم يستطع فواحده .. ايه المشكله بقى ؟؟ الاغلبيه في وقتنا الحالى "لا يستطع" .. لأن العدل بين الزوجات شئ مرهق جداً .. و بالتالى "الجور " اسهل .. و من ثمه ضرر الزواج الثانى على نفسي و بيتى و دينى اكبر من حيث قدراتى الشخصيه .. لايكلف الله نفساً الا وسعها ...

برده موضوع العدل ده انا راده عليه في مشاركة تانية بس عندي أضافة

ممكن الواحد يقول لأحدي زوجتيه انا مش حقدر اعدل و عشان كدة حاظلمك و مضطر اطلقك

هيا فيه الحالة دي ممكن تقبل الصلح

و الصلح ده ان هيا تتنازل عن جزء من حقوقها في مقابل ان هيا تستمر مع زوجها

يعني مثلا ممكن الواحد يتجوز واحدة و يقولها انا حابقي موجود مع زوجتي الأولي و أولادي معظم الوقت و هيا ممكن تقبل الكلام ده و مش حرام

فيه علماء قالوا مش لازم النفقة بالظبط ذي بعض ، لأن ممكن زوجة تكون غنية مثلا و التانية فقيرة فأكيد المصاريف اللي اعتاوا عليها بتختلف ، يعني الموضوع عايز تنسيق و فيه كلام كتير في الموضوع ده

المطلوب أصلا عدم الميل مش العدل الكامل

و بعدين احنا جايين في مجتمع انتشر فيه الغش و الفساد و الكذب بسبب عدم قدرة رجاله على الزواج من واحده .. كمان عايزه اللى عرفوا يتجوزوا "يقطعوا " على الى مش قادرين ؟؟

مش حيقطعوا و لا حاجة لن فيه نساء مش حيقبل الأعزب الزواج منهم

ثم ليه احنا بنحكم على الرجل على انه "زكيبة" يجب تقسيمها .. الرجل اللى بيشتغل من الساعه 6 صباحاً و بيرجع البيت الساعه 8 او 9 مساءً معندهوش وقت انه يعدل مع الزوجه اللى حيلته .. و يدوب بيأكل و ينام .. ح يجيب وقت منين لواحده تانيه و ثالثه و رابعه .. ما فيش اعتراض على حكم الله بس ربنا ما حرمش الزواج من واحده .. و بعدين احنا مطالبين بحاجات كثيييييير جداً تجاه بيتنا و اولادنا و زوجاتنا و غالباً بنقصر فيها .. بالذمه مش اللى يعوزه البيت يحرم ع الجامع ؟؟

فعلا الوقت الحالي ظروفه اتغيرت و الضغوط و المسئوليات اكتر

و صعب مش التعدد ده صعب مسئولية بيت و احد في الزمن ده

لكن لو حد ظروفه مناسبة متهيألي ده شئ كويس للطرفين ، خاصة مع انتشار الزواج الوقتي زي العرفي و المسيار

يا عزيزتى .. لا يوجد شخص في زمنا هذا قرر ان يتزوج من ثانيه تقل في الجمال او تزيد في العمر او ذات عاهه .. يمكن مطلقه "اموره " يمشى حالها .. و لو سألتيهم ح يجيبوا لك مصادر قد اللى انتِ جبتيهم الف مره .. لانهم مستفيدين من التعدد لاشباع وقت فراغهم في المقام الاول بتلبية غرائزهم ..

مش مطلوب من كل الناس ان هيا تاخد ثواب و يتجوز اي واحدة

ممكن يتجوز اللي هوه عايزها و تكون جميلة و صغيرة و لم يسبق لها الزواج مفيش مشكلة ، ما هوه ده بشكل أو بأخر بيقلل عدد النساء اللي مش متجوزين

اما عمل الخير فمجاله الجمعيات الخيريه و الاهليه ..يعنى الرجل المقتدر بدل ما يتجوز ممكن يساهم في زواج عازب فقير .. او ممكن يصرف على ارمله عن طريق الجمعيات الخيريه .. مش لازم يعنى يتجوز و يبوظ حياته .. لاحظى عزيزتى ان سيدنا محمد كان نبي .. قدرته على العدل و الانفاق (مشاعر) غير سائر البشر ...و بعدين سيدنا محمد جمع بين اكثر من اربعه على زمته في وقت واحد ... و رُخص له ذلك من الله .. فكيف يكون التعدد سنه و انا لا استطيع ان اجمع نفس العدد تحت عصمتى ؟؟؟

مش الرسول صلي الله عليه و سلم بس اللي عدد ده كان الوضع السائد لغاية من ثلاتين اربعين سنة فاتوا

انا بستغرب من اللي بيقول انا مقدرش اعدل و ممكن يكون مدير شركة و بيمشي 100 واحد تحت أمره و عند الجواز يقولك لأ انا معرفش اعدل - زي ما قلت قبل كدة العدل مش في المشاعر العدل ان يشتري لواحدة فستان يبقي يشتري للتانية فستان زيها

الاصل في الزواج الان هو الطلاق عزيزتى للاسف .. هذه هى المشكله .. الامساك على زوجه واحده اصبح صعب .. ربما موضوع يعلم رجالنا و نسائنا الموده و الرحمه التى هى عماد الزواج هو اجدى و افيد لمنع المشكله من الاساس بدلاً من ايجاد حلول بعد ان تقع الفأس في الرأس و تشرد الاطفال او يتعرضوا لزوج ام يدمر حياتهم ...

الزوجة اللي تطلب الطلاق عشان جوزها حيتجوز يبقي غلطانة لأن هوه مغلطش ، و بعدين فيه زوجات بتسكت علي ان زوجها مش بيصلي و تارك الصلاة كافر و مفروض متعيشش معاه ، مع ذلك لما يعمل حاجة حلال تزعل

في النهايه انتِ حره .. اتجوزى راجل و بعدين يتززوج عليكِ او تتزوجى رجل متزوج و حياته قبلك تبوظ "لسبب ما " قد تبرريه لنفسك كى لا تقنعى نفسك انك السبب في خراب هذا البيت ... في النهايه الحساب على الخالق .. و لن يأتى معنا كل هذه المشايخ يوم القيامه للدفاع عنا .. و لا يوجد تعدد في الحساب .. كلنا نحاسب فرادا .. فانتبهى عزيزتى .. فان ما نكتب امانه .. فان كان خيراً فلنا الاجر و اجر من قرأ .. و ان كان شراً فعلينا الوزر و وزر من قرأ .. با عزيزتى ما ادراكِ .. لربما قرأ هذ الموضوع شخص له عائله مستقره الان و شجعه هذا الموضوع على زعزعة هذا الاستقرار .. هل تتحملى ان تحاسبي بهذا الذنب ان كان ذنباً ؟؟

و هوه الزواج التاني حيزعزع استقرار الأسرة في أيه ألا اذا كانت الزوجة متسلطة و حتعرف تنكد علي زوجها كويس ، فلو هوه مش حيقدر علي زوجة بالشكل ده فالأفضل ليه فعلا انه ميتجوزش تاني

قديماً كان علماء الدين يخافوا الفتوى خوفاً من حساب الله ... الان ... الفتوى سهله ننقلها بالقص و اللصق من على الانترنت .. فقدت الفتوى قيمتها لسهولة الحصول عليها و نسى الناس الحساب بينما استباحوا النقل ..

يا سيدي ايه التعدد اللي في سورة النساء كانت نازلة عشان تقلل عدد الزوجات عشان الناس كانوا بيتجوزوا اكتر من عشرة زوجات و نزلت الأية دي عشان تحدد العدد

الكلام ده من المصدر اللي حضرتك أدرجته

وقد تزوَّج النبي ـ صلَّى الله عليه وسلم ـ هذا العدد على عادة العرب وغيرهم من تعدُّد الزوْجات، ولم تنزل الآية التي حدَّدت التعدُّد بأربع إلا بعد أن تزوَّجهن جميعًا، وقد نهاه الله عن الزيادة عليهن وأمره بإمساكهن جزاءً على اختيارِهِنَّ له مع رقَّة عيْشِهِ وزهده، قال تعالى ( لا يَحِلُّ لك النساء من بعد ولا أن تبدَّل بهن من أزواج ولو أعجبك حسنهن ) ( سورة الأحزاب : 52 ) كما حرَّم على أحد أن يتزوج واحدةً منهنَّ بعد النبي ـ صلى الله عليه وسلم ـ فقال ( وَمَا كَانَ لَكُم أنْ تُؤْذُوا رَسُول الله ولا أنْ تَنْكِحُوا أزْوَاجَه مِنْ بَعْدِهِ أَبَدًا ) ( سورة الأحزاب : 53 )، ولهذا لم يطلِّق واحدة منْهنَّ حتى تَظَل في كَنَفِه، ويَكُنَّ أزواجه في الجنة.

وما كان زواجه بهنَّ عن شهْوة جنسيَّة طاغية، بل كان لمعانٍ إنسانية كريمة يَطُول بيانها، ولو كان لشهوة لاختارهنَّ أبْكاًرا، لكنهنَّ كنَّ جميعًا ثيِّبات ما عدا عائشة، ولو كان لشهوة ما رفض كثيراتٍ عرضْن أنفسهنَّ عليه هبةً دون مُقابل، وكان زواج كل واحدة بإذن ربه، فقد روى " ما تزوجْت شيئًا من نسائي، ولا زوَّجت شيئًا من بناتي إلا بوحْي جاء لي به جبريل عن ربي عز وجل " ولا يَقدح في ذلك قوله " حُبب إليَّ من دنياكم الطِّيب والنساء، وجُعلت قرَّة عيني في الصلاة " فهو حبُّ رحْمة، جعلتْه ـ صلى الله عليه وسلم ـ يُوصِى بِهِنَّ كثيرًا حتَّى في آخر أيَّامه، وتوضيح كلِّ ذلك في الجزء السادس من " الأسرة تحت رعاية الإسلام .

تم تعديل 19 يونيو 2008 بواسطة جويرية

[جويرية]

السلام عليكم و رحمة الله و بركاته

يا هلا بجويريه

أنا بقرء كلام أبو كريم من البدايه و مش شايفه فيه حاجه تضايقك

و لما قرءت ردك الأخير ( السابق ) أعدت القراءه (( رغم إني قرأتها قبل كده )) و مش فاهمه إيه اللي ممكن تقوليه يضايقني

عموماً كمقدمه ... أنا فعلاً نموزج للزوجه الملكه

و على رأي بدريه ... زي الفريك محبش شريك

أختي زهرة الجبل

لأ الأساذ مصري أصيل مقالش حاجة تضايقني ، بس انا عارفة أن أكيد أرائي مش حتعجبك فمش عايزة أضايقك

لأني شايفة أن موضوع التعدد ده بيضايق أي زوجة و مفيش داعي للكلام فيه بدون مناسبة

لكن بما أنك مرحبة بالمناقشة فخلاص حكمل كلام معاكي عن مشاركتك اللي جاية

[جويرية]

أستاذة / جويرية

الحقيقة انا مش عارف انتى جبتى رقم 10 مليون عانس ده منين

دي الأحصائيات بتاعت الحكومة اللي بتقول كدة مش عارفة صح و لا غلط ، بس من اللي شايفياه قدامي متهيألي ده صح

ثالثا وهو الاهم ، مين قال ان فيه فى مصر مشكلة ارامل ومطلقات لازم يتجوزوا رجالة متجوزة ، انا عن نفسى مش شايف ان فيه مشكلة زى دى ، الا بعض الحالات الشاذة التى لايهمها الا خراب البيوت.

كل الناس بتقول كلمة ( خراب البيوت ) للدرجة دي الستات مسيطرة علي أزواجها

نيجى بقى للتعدد اللى حضرتك بتتكلمى عليه فى امريكا على صورة تعدد صديقات

الحقيقة احنا اللى فاهمين غلط .

مافيش واحدة بتقبل ان جوزها او البوى فريند بتاعها يكون له علاقة نسائية ثانية. ولو الزوجة عرفت ان زوجها لها علاقة نسائية ، بتثبتها وبتحصل على الطلاق بسهولة.

يعني هما مخلصين ، معقولة ؟ و لا هوه مش بيخليها تعرف

والواحدة اللى عندها بوى فريند ، تقدرى تقولى انه جواز عرفى ، جواز صحيح مش زى العرفى بتاعنا ، لأنه بيكون فى العلن ، بعلم الاسرتين والاصدقاء والمقربين ، والاطفال ينسبوا للأب والأم ، وفى الغالب فهم يتزوجون رسميا بعد فترة قصيرة ، وان كان البعض منهم بالذات النساء تفضل عدم الزواج الرسمى حتى تتمتع بالاعفاءات الضريبية كأم وتعول طفل او اطفال.

مع أن شفت في التلفيزيون مرة في برنامج مشكلة واحدة نفسها صديقها يتجوزها و بتتحايل عليها و المذيعة تتحايل عليه و الجمهور و في الأخر اتعطف عليها ووافق و قعدت الناس تهيص بقي و مش ممصدقين و كان ناقص بس يزغرتوا

أما موضوع الميراث ، فده موضوع شرحه يطول ، لان نظام المواريث بتاعهم غير نظام المواريث عندنا ، فمثلا ممكن الواحد او الواحدة يكتب ممتلكاته لاحد احفاده متخطيا ابناؤه ، او حتى يهب مايملك لقطته او لكلبه او لأى مؤسسة خيرية ، وأظن منذ فترة ليس بالقصيرة ، قام جد باريس هيلتون بالتبرع بما يقرب من 4ز6 مليار دولار للجمعيات الخيرية . فماتشغليش بالك بمين حيورث مين.

ياه يكتوبا أملاكهم للكلاب ، يا مثبت العقل يا رب ، دول اللي احنا نفسنا نبقي متقدمين زيهم

فى النهاية واعذرونى ، عايز اقول ان الموضوع الطويل ده بيتكلم عن حاجة لاتعتبر ظاهرة وعلى الرغم من ان المناقشة كانت شيقة ، فعفوا لو قلت انها لاتستحق المناقشة أصلا.

طيب الحمد لله ان حضرتك قلت شيقة ، مش مشكلة ( لا تستحق المناقشة اصلا )

[جويرية]

الأستاذ / زهيري

ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة وان تصلحوا وتتقوا فان الله كان غفورا رحيما

صدق الله العظيم

استنادا على الآيه الكريمة اعلاه 129 من سورة النساء قام التشريع التونسي بمنع التعدد في الزواج تماما

طيب لو الأستناد ده صح كان الرسول صلي الله عليه و سلم كان منع التعدد و كان بدأ بنفسه

يبقي أكيد الأستناد ده غلط

و بعدين ليه تاعبين نفسهم وجايبين فتوي ما هما مانعين الحجاب في بعض الأماكن ما يقولوا مش عايزين الشريعة الأسلامية و خلاص

و أتاح للرجل او للمرأة حق الإنفصال عن بعضهما (الطلاق) بعد الدخول في 3 جلسات صلحيه امام محكمة الأسره لمحاولة لم الشمل... بين كل جلسه و جلسه اسبوعين من الزمن حرصا على بقاء الأسره و عدم التشتيت و اتخاذ قرار غير مدروس و بحكمة

التشريع ده ظلم للمرأة مش للراجل

لأن ممكن الواحد يكون عنده زوجه بيكرهها او مريضة او في مشاكل بينهم فممكن ميطلقهاش و يتجوز واحدة تانية ، لكن كدة لازم يطلقها

مش عارفة ازاي هما ساكتين علي كلام زي ده مفروض انه في دولة مسلمة

و اوضح المشرع التونسي ما تفضلتم بتوضيحه اعلاه من ان أمام الأرمله أرمل.. و أمام المطلقة مطلق .. و أمام المعوقة معوق.. وهكذا

سبق ووضحت لحضرتك رأيي في الموضوع ده و من الواضح انه مخالف لرأي حضرتك و اللي شايفاه قدامي ان نسبة الزواج عند الفئات دي بسيطة جدا و كتير منهم مش بيتجوزوا اصلا

و لكن فتح الباب على مصراعيه امام شهوة الرجل ليتزوج من يشاء و متى يشاء و بدون اسباب الا الغريزه الجنسيه فقط لا غير ...سيصبح المجتمع وقتها مجتمعا داعرا بكل ما تحتويه الكلمة من معاني

يبقي المجتمع داعر لما يقل فيه الزواج الرسمي و تكتر فيه الأبواب الخلفية

تحياتي و لا انسى الاشاده بأدب الأخت جويريه الحواري حتى الآن و اشكرها عليه

شكرا جزيلا

[MZohairy]

حجاوب على مداخلتك يا جويريه بين سطورك باللون الأحمر

الأستاذ / زهيري

ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة وان تصلحوا وتتقوا فان الله كان غفورا رحيما

صدق الله العظيم

استنادا على الآيه الكريمة اعلاه 129 من سورة النساء قام التشريع التونسي بمنع التعدد في الزواج تماما

طيب لو الأستناد ده صح كان الرسول صلي الله عليه و سلم كان منع التعدد و كان بدأ بنفسه

يبقي أكيد الأستناد ده غلط

لأ تبريرك هو اللي غلط

لأن افعال الرسول لا يقاس عليها كلها بدليل عدد زوجاته تخطى الأربعه يعني ده مش دليل اطلاقا... ده غير ان عدل رسول الله لا يمكن تطبيقه او سحبه على باقي البشر

بمعنى اذا كان رسول الله عادل مع زوجاته فمش معنى كده اني انا أو غيري حنقدر نكون عادلين معهن و ده كلام القرآن مش كلامي

و بعدين ليه تاعبين نفسهم وجايبين فتوي ما هما مانعين الحجاب في بعض الأماكن ما يقولوا مش عايزين الشريعة الأسلامية و خلاص

ما تدخليش زيد في عبيد و تفرعي المواضيع خلينا نركز في موضوع واحد عشان نوصل لنتيجه تفيد القارئ

و أتاح للرجل او للمرأة حق الإنفصال عن بعضهما (الطلاق) بعد الدخول في 3 جلسات صلحيه امام محكمة الأسره لمحاولة لم الشمل... بين كل جلسه و جلسه اسبوعين من الزمن حرصا على بقاء الأسره و عدم التشتيت و اتخاذ قرار غير مدروس و بحكمة

التشريع ده ظلم للمرأة مش للراجل

لأن ممكن الواحد يكون عنده زوجه بيكرهها او مريضة او في مشاكل بينهم فممكن ميطلقهاش و يتجوز واحدة تانية ، لكن كدة لازم يطلقها

مش عارفة ازاي هما ساكتين علي كلام زي ده مفروض انه في دولة مسلمة

الستات هناك يا جويريه ستات ناضجات متعلمات و فاعلات في المجتمع يعني مش حريم قاعدين ورا المشربيه و مستنيين سي السيد

لأ بيشتغلوا و بيقبضوا و بيصرفوا زيهم زي الرجاله

واذا كان عنده زوجه بيكرهها او مريضه و عايز يطلقها فهو ملزم بنفقه عليها الى ان تتزوج من رجل آخر

انما بذمتك ايه معنى حياة راجل و مراته بيكرهوا بعض و عايشين مع بعض ....اي عقل يسمح بإستمرار حياتهم؟

و اوضح المشرع التونسي ما تفضلتم بتوضيحه اعلاه من ان أمام الأرمله أرمل.. و أمام المطلقة مطلق .. و أمام المعوقة معوق.. وهكذا

سبق ووضحت لحضرتك رأيي في الموضوع ده و من الواضح انه مخالف لرأي حضرتك و اللي شايفاه قدامي ان نسبة الزواج عند الفئات دي بسيطة جدا و كتير منهم مش بيتجوزوا اصلا

اشكرك و لن نصل لنقطة التقاء في هذه الجزئيه ابدا

و لكن فتح الباب على مصراعيه امام شهوة الرجل ليتزوج من يشاء و متى يشاء و بدون اسباب الا الغريزه الجنسيه فقط لا غير ...سيصبح المجتمع وقتها مجتمعا داعرا بكل ما تحتويه الكلمة من معاني

يبقي المجتمع داعر لما يقل فيه الزواج الرسمي و تكتر فيه الأبواب الخلفية

و حيفضل داعر لو طبقنا طرق الزواج بالشكل الجنسي المهتاج ايضا

[~Heba~]

كل الناس بتقول كلمة ( خراب البيوت ) للدرجة دي الستات مسيطرة علي أزواجها

لأ...مش كلهم

فيه اللى مش قادرة على جوزها :happy:

فيه اللى تعبت مع جوزها و طلقها :blush2:

و بهدلها هى و الاولاد و منهم انسانة عزيزة عليا

ليه بقى هنحقد على الزوج المحب لزوجته و مكتفى بيها wst::

[ايهاب سالم]

كل الناس بتقول كلمة ( خراب البيوت ) للدرجة دي الستات مسيطرة علي أزواجها

أيوه يا ستي

أنا مراتي مسيطره عليا ولا فخر

مسيطره عليا بجمالها و رقتها ... بحبها و حنانها ... بتفانيها في خدمتي و خدمة أولادها

أنا زوجتي ملكه و ميملاش عيني ست غيرها

تم تعديل 19 يونيو 2008 بواسطة ايهاب سالم

[MZohairy]

هو سؤالي دلوقتي يا جويريه

لو انا متجوز و انا و مراتي مبسوطين و متهنيين و فرحانين ببعض و فرحانين بولادنا

هل انا كده مذنب و حرام عليا اني مبتجوزش واحده تانيه؟

ياريت اجابه واضحه و صريحه يا آه يا لأ

شكرا

[ايهاب سالم]

ياه يكتوبا أملاكهم للكلاب ، يا مثبت العقل يا رب ، دول اللي احنا نفسنا نبقي متقدمين زيهم

نحب نبقى متقدمين زيهم من غير ما نورث كلاب

مش ينفع برضه

[زهرة الجبل]

كل الناس بتقول كلمة ( خراب البيوت ) للدرجة دي الستات مسيطرة علي أزواجها

أيوه يا ستي

أنا مراتي مسيطره عليا ولا فخر

مسيطره عليا بجمالها و رقتها ... بحبها و حنانها ... بتفانيها في خدمتي و خدمة أولادها

أنا زوجتي ملكه و ميملاش عيني ست غيرها

ماشاء الله تبارك الله ...

أسعدني جداً ردك يا أخي الفاضل

ربنا يبارك لك في زوجتك و في بيتك و أولادك

ربنا يحفظك لزوجتك و يحفظها لك و يسعدكم ببعض و يحفظ لكم أولادكم

و يذيدكم سعاده و توفيق و يحميكم من الشر

اللهم آمين

ما شاء الله تبارك الله

[ايهاب سالم]

ماشاء الله تبارك الله ...

أسعدني جداً ردك يا أخي الفاضل

ربنا يبارك لك في زوجتك و في بيتك و أولادك

ربنا يحفظك لزوجتك و يحفظها لك و يسعدكم ببعض و يحفظ لكم أولادكم

و يذيدكم سعاده و توفيق و يحميكم من الشر

اللهم آمين

ما شاء الله تبارك الله </div>

شكرا يا أخت زهره الجبل

أحب أهدي كل الزوجات الملكات رائعة أحمد منيب

مين اللى يسهر جنبى الليل !!

مين اللى باله معايا طويل

مين لما أتعب يساعدنى

ومعايا حمل الهم يشيل

مين هيا غير ست الستات

وياها بتصبح وأبات

واجيب لمين غيرها وأهادى

أم العيال العشرية

ياعم يا بتاع الطيب ..

المسك ريحه ما يتعيب

ادينى من العطر أطيب ..

وأخد لمحبوبتى هدية

لأم العيال العشرية

ياعم يا بتاع المخمل ..

ادينى نوع توب المحمل

علشان حبيبتى تتجمل ..

أبيض بلون الصباحية

أبيض يا قلب العشرية

جايب معايا اللى في يدى ..

وقدرت أجيبه من كدي

ولا تقوليش بس انا عندى

وكفاية بتهلى عليا

اصلك اصيلة يا عشرية

ما يغلى يا ست الستات ..

عليكى لولى ولا غويشات

واجيب لمين غيرك أهادى ..

ام العيال العشرية

مين اللى يسهر جنبى الليل

مين اللى باله معايا طويل

أم العيال العشرية

أم العيال العشرية

أم العيال العشرية

http://www.6rbtop.com/download.php?song_id...ype=au&q=hi

[somebody]

اعتقد ان طبيعة العدل بين الزوجات- ونقطة الصلح(تنازل المراة عن بعض حقوقها لزوجها)- قد اوضحتها لنا الأخت جويرية

ولكن هناك سؤال آخر

عن أبي هريرة رضي الله عنه أن النبي صلى الله عليه وسلم قال

" من كانت له امرأتان فمال إلى إحداهما جاء يوم القيامة وشقه مائل"

رواه أبوداوود , والترمذي , والنسائي,وابن ماجه .

اختي جويرية ما مدى صحة الحديث

(صحيح , ضعيف ,حسن.............)

لان الكتاب (فقهي) مش موضح النقطة دي بس الكتاب جاب الحديث ده عند شرح المؤلف للعدل بطريقة مشابههة للشرح ال قولتيه لينا -ما عدا النقطة الخاصة بالصلح مذكرهاش -

فما مدى صحته؟؟

________________________________________________

جزاكي الله خيراً

تم تعديل 21 يونيو 2008 بواسطة somebody

[جويرية]

كل الناس بتقول كلمة ( خراب البيوت ) للدرجة دي الستات مسيطرة علي أزواجها

أيوه يا ستي

أنا مراتي مسيطره عليا ولا فخر

مسيطره عليا بجمالها و رقتها ... بحبها و حنانها ... بتفانيها في خدمتي و خدمة أولادها

أنا زوجتي ملكه و ميملاش عيني ست غيرها

من الأول كدة و عشان منزعلش من بعض يا استاذ أيهاب

تعليق سيادتك يكون علي الموضوع مش علي صاحبة الموضوع

يعني أنا مش في الموضوع خالص

يعني لو حبيت تعترض علي الموضوع من اول سطر لأخر سطر أنا مع حضرتك و حرد علي كل كلمة ، بس يا ريت حياتي الشخصية دي لنفسي مش من حق اي حد يتكلم فيها

أنا سكت مرة علي طريقة ردك في موضوع التترس اللي كانت بنفس الطريقة دي

بس متهيألي دلوقتي مفروض ألفت نظر سيادتك للموضوع ده ،،،،،