الزوجة الملكة

[هشام عباس]

شكرا يا مصري على هذه الأحصائات التي اوردتها في مداخلتك وبجد انا كنت قربت افتكر ان عدد النساء في مصر اضعاف عدد الرجال!!!!!!!!!!!!!!!!!!!!!!!

وكنت مستغرب جدا ان اخواتي الرجال الثلاثه مش لاقيين عرايس وبقالهم سنتين وشغلتهم الوحيده هي البحث عن عروسه مناسبه !!!!!!!!!................. بس بجد انا كده عرفت ليه مش لاقيين ...... لأنه بمنتهى البساطه البنات مش مرطرطين في البلد زي ما كنت فاكر بل والرجال اكثر عددا منهن!!!!!!!!!!!!! شكرا ليك اخ مصري

[MZohairy]

نفسي مره جويريه تسيب مواضيع التترس و التعدد و الكلام الشديد ده و تجيبلنا كده وصفة الفته باللحمه الضاني أو الملوخيه بالأرانب مع الرز بشعريه

حاجه حريمي كده نخلي المادام تعملهلنا الله يخليكي يا جويريه عشان انا لا حعرف اتترس ولا ناوي اعدد

[زهرة الجبل]

عارف يا أخت جويريه انا اتمنى من الله انك تتزوجي زوج غير متزوج وتحبيه من كل قلبك حب حقيقي كما الحال بين كثير من المتزوجين وساعتها هبقى نفسي اسألك لو طلبت واحده منك ان تتزوج بزوجك فهل ستحاولين ان تقنعي زوجك بالزواج منها ان كانت مطلقه جميله؟؟؟؟؟؟....... او ارمله جميله؟؟؟؟؟؟؟؟؟................ ارجوكي مترديش عليا دلوقت لأني تقريبا عارف ردك هيكون ازاي.......... وانا تقريبا متأكد من طريقة تعاملك مع هذا الموقف بس حاولي كده تغمضي عنيكي وتتخيلي انك زوجه ملكه وبتحبي زوجك....( بتموتي فيه)...... بالمصطلح الدارج ............. وتفتكري هيكون ايه شعورك؟؟؟؟؟؟ ......... مع اني اظن اني عارف لو حدث هذا في واقع الحياة ماذا سيكون تصرفك.................................. ولك تحياتي بجد اتمنى ان تقفي هذا الموقف في الحياة

و الله يا أستاذ هشام حضرتك قربت من اللي عاوزه أقوله

أنا بقى عاوزه أقول شئ مختلف إختلاف بسيط لكنه مهم و فرق وقعه على الأخت جويريه سيكون كبير جداً

أختي جويريه

أتمنى لكِ من كل قلبي أن يرزقك ربي بزوج مناسب غير متزوج ... حتى و لو سبق له الزواج ... المهم تكوني ملكه في حياته لا زوجه له حين تزوجك سواك و يكون سلطان في حياتك

تحبيه و يحبك و تهبيه عمرك كله و تعيشوا في تبات و نبات و يهبكم ربي الأولاد صبيان و بنات

و تحبيه بجد يعني تحبيه ..

دي أهم نقطه ... تحبيه كزوج و إنسان و تكوني على إستعداد لتضحي بعمرك و حياتك علشانه

مش تنظري إليه على إنه عائل و ممول و ستر و غطى و واجهه إجتماعيه و مانح لقب الزوجه و بس

تحبيه بعقلك و بقلبك و بروحك وتصبحي غير قادره على الإستغناء عنه

و يصبح هو الحبيب حتى لو في غيره ألف ممول و ألف عائل للأسره و ألف ستر و غطى وآلاف الواجهات الإجتماعيه

هذا ما أتمناه لكِ حقاً

بس ما لا أتمناه لعدو ولا لحبيب هو ما أريد منك تخيله الآن

تخيلي بقى نفسك كده في ذات يوم من الأيام تعرفي من مصدر غير زوجك هذا ... إنه تزوج عليكي بأخرى و لم يخبرك

تزوجها في السر حتى لا يعطيكِ فرصه للرفض ولا القبول و لا التشاور و حرمك حق النقاش من أصله

تزوج عليكي و لم يخبرك وجعلك مهمشه كأنك لست ذات أهميه في حياته ليخبرك بشئ مهم في حياته كزواجه بأخرى

تزوج عليكي وبدء يكذب كمان كنتيجه متوقعه طبعاً

لأنه أكيد مالم يخبرك بزواجه - إضطر مره يقول لك أنا عندي سفرية شغل .. علشان يسيبك و يروح يبات معاها (( مثلاً يعني ))وحقها...مش مراته بقى؟

و إضطر مره يقول لك إنه مش هيقدر يخرج معاكي انهرضه علشان عنده واحد صاحبه أمه ماتت رايح يعزيه .. وهو رايح يخرج معاها ((مثلاً يعني برضه )) و حقهابرضه ... مش مراته؟

و عددي من الأمثله التي أتركها لخيالك و لا حرج

و انتي ياعيني نايمه على ودانك و غرقانه في الوهم و مش حاسه بحاجه

أيه رأيك كده؟

[م.سامح المصرى]

السلام عليكم ورحمة الله وبركاتة

صلى الله على محمد صلى الله علية وسلم

صلى الله على محمد صلى الله علية وسلم

صلى الله على محمد صلى الله علية وسلم

صلى الله على محمد صلى الله علية وسلم

صلى الله على محمد صلى الله علية وسلم

اولا ازيك يا اخت جويرية

ان شاء الله تكون بخير

بصي يا ستى

الرسول صلى الله عليه وسلم كانت لابد انه يتزوج اكتر من زوجة علشان

يحمى مصالحة السياسية اغلب زواجة كان للغرض دا

انما لو رجل عادى لو لقى واحدة ربنا كارمة بيها بتحافظ علية ومخلياه ملك فى بيته

فهل جزاءها انه يتجوز واحدة غيرها لا

بس انا متفق معاكى عن قصص الجاهلية يمكن لو كنتى ضرحتى الموضوع دا زمان كانوا وافقوقى علية

طب انا هاقولك حاجة فى الجاهلية كانت بتحصل

مش فاكر مين بس بس هوا كان من الصحابة

زوجتة كل يوم تنتظرة على الباب كانت تقولة اتقى الله فينا

نحن نحتمل الجوع ولا نحتمل نار جهنم

تخيلي كان بيعمل اية ...... كان بيبصلها ويبتسم

تعالى بقى دلوقتى هاتى واحدة تقول لزوجها كدة

مش هاتلاقى

ولو لاقيتي ...... هاتلاقى الراجل اول ما يسمع كدة

تلاقيها زغرلها بعينة طلع حاجب ورما التانى تحت

وقالها لية هوا انا حرامى يا ولية طب روحى وانتى .......

بس يا ستى مش معنى كدة ان انا بسخر من حد او ذلك لا حاش لله

انما انا اتعتقد يا جويرية فعلا ان لو ربنا كرمنى بواحدة كويسة طبعا عاكون كويس جدا جدا ليها

اكتر مهى هاتكون كويسة ليا بكتييييييييييير لانها زى ما احترمتنى وقدرتنى

الشيخ محمد حسين يعقوب على فكرة متزوج 4

وكلهم فى بيت واحد ........

مش ممكن اعمل حاجة تزعلها واجازيها بأنى اتجوز عليها

وربنا يهدينا جميعا ويسعد كل زوجين سعداء

بس يا ستى وما تبقيش حساسة ولا حاجة

مفيش حد بيدخل علشان يهزقك او يشتمك

ولو حصل دا بيدل على المكان الى ترعرع فيه

انما انتى خدى من الموضوع الناس الحلوة

وسيبي الى داخل يغنى دا :happy:

ما تحطيش فى بالك

اسيبك انا بقى ابل ما واحد يقولى

po:: هوا انتا حاطت ميم ابل اسمك لية ياااااااااااااااااااااااااااااض

بس ما تزعليش من اراء الناس كلهم طبعا بيحترموكى وبيقدروكى

وانهم دخلو وشاركوكى الاراء دا يدل على انهم بيعزوكى فعلا حتى لو كانت وجهة نظرهم مختلفة معاكى شوية

وتقبلى فائق احترامى md2: :waf: :lol:

[هشام عباس]

سؤال اخير استاذه جويريه

لماذا لم يتزوج رسولنا الكريم صلى الله عليه وسلم على السيده خديجه رضي الله عنها وارضاها؟؟؟؟؟؟؟؟؟؟؟ ............ بالرغم من انه كان يدير لها تجارتها وهي تجارة كبيره وكان مستطيع ماديا وجسمانيا الزواج بأخرى............................... فلماذا لم يتزوج عليها؟؟؟؟؟؟؟؟ تفتكري مثلا علشان كان بيحبها ولا يستطيع أيذائها وتكديرها بالزواج عليها؟؟؟؟؟؟؟؟ مثلا مثلا يعني؟؟؟؟؟؟؟......................

وقد ظل زواجه بها عدد كبير من السنين؟؟؟؟؟؟؟؟؟ وكانت تكبره سنا وهو لاذال في ريعان شبابه؟؟؟؟؟؟؟؟؟ وعنده جميع مقومات الزوج الذي يمكن ان يتزوج على زوجته....... (الملكه) .......... اتمنى اعرف رأيك في هذا

............................ لك تحياتي

[جويرية]

أختي زهرة الجبل

انا استأنفت كتابة في الموضوع عشان خاطرك ، بعد ما طلبت من الأدارة اغلاقه

بس رجعنا للتريقة تاني

أنا اسفة يا جماعة

مش حقدر أكمل ردود

و أنا متابعة معاكم

و أتمني أن يتفضل أحد الأخوة أو الأخوات في اكمال هذا الحوار

[زهرة الجبل]

أختي زهرة الجبل

انا استأنفت كتابة في الموضوع عشان خاطرك ، بعد ما طلبت من الأدارة اغلاقه

بس رجعنا للتريقة تاني

أنا اسفة يا جماعة

مش حقدر أكمل ردود

و أنا متابعة معاكم

و أتمني أن يتفضل أحد الأخوة أو الأخوات في اكمال هذا الحوار

لا يا أخت جويريه متزعليش

أنا شايفه إنه دلوقت محدش غلط في شخصك الكريم و الحمد لله

دي كلها تعليقات على الموضوع نفسه بصيغه فكاهيه شويه بس مش أكتر

دي نقطه

النقطه الثانيه : ...

إنتي من حقك على نفسك قبل ما يكون حقنا عليكي إنك تكملي الحوار

و زي ما قلتلك قبل كده يا تنقنعينا يا نقنعك يا نحترم كل منا كطرفين - رأي الآخر بدون فرض نفسه عليه

دلوقت النقاش اصبح فيه نقاط جوهريه للرد عليها

و نقاط محدده و أصبح مباشر أكثر من ذي قبل

و مش معنى إن الأغلبيه على عكس رأيك إنك تنسحبي من الحوار

ده يعتبر حل إنهزامي جداً الآن خصوصاً بعد أن أصبح هناك - كما قلت لكِ من قبل- نقاط محدده وحقائق ثابته و أسئله تستحق الرد عليها من ذي إقتناع بالفكره

إنسحابك لن يجد في نفوسنا معنى غير إنك عجزتي عن إثبات صحة وجهة نظرك

و من حقك على نفسك إثبات العكس و من حقنا عليكي مجاراة الحوار

وسعي صدرك شويه يا أخت جويريه و تابعي بشكل عادي

ده رأيي و طبعاً القرار الأخير لكِ في النهايه

و في حال إصرارك على الإنسحاب فبصراحه أنا أول الناس اللذين سيعتبرونك ببساطه إقتنعتي بآرائنا لكنك عجزتي عن التعبير عن ذلك بصدق !!!

تحياتي

تم تعديل 23 يونيو 2008 بواسطة زهرة الجبل

[somebody]

درء المفاسد مقدم على جلب المصالح

-------------------------------------------------

تم تعديل 25 يونيو 2008 بواسطة somebody

[زهرة الجبل]

درء المفاسد مقدم على جلب المصالح

وشكرا

-------------------------------------------------

العفو

و الله من فضلك وضحي كلامك علشان بس نكون فاهمين

مفاسد إيه بالظبط اللي حضرتك تقصديها يا أخت ؟

أعتقد إن من الحكمه تسمية الأمور بمسمياتها منعاً للـ لغط و الغلط و القيل و القال

و إذا كنتي شايفه إن الموضوع فيه مفاسد فأعتقد من الأوجه إنك من باب تقديرك لذاتك إنك تمتنعي عن دخوله مره أخرى

خصوصاً و أنا شايفه إن حضرتك معندكيش حاجه مهمه تقوليها

معندكيش شئ يخص الموضوع يعني

فده أفضل من إنك كل كم مشاركه كده تدخلي ترمي كلمتين و تختميهم بشكراً

على كل حال... العفو

تم تعديل 23 يونيو 2008 بواسطة زهرة الجبل

[ايهاب سالم]

يا سااااتر و الله ده انا كنت هزعل قوي بجد

الحمد لله ... ربنا يكرمكم و يخلي لكم زوجاتكم و يفضلوا ملكات على عرش حياتكم الزوجيه يا رب

تحياتي

أم كريم

جلالة الملكه أم كريم

ربنا يزيد سعادتك إنت و أبو كريم

قادر يا كريم

أبو كريم

[somebody]

درء المفاسد مقدم على جلب المصالح

وشكرا

-------------------------------------------------

و إذا كنتي شايفه إن الموضوع فيه مفاسد فأعتقد من الأوجه إنك من باب تقديرك لذاتك إنك تمتنعي عن دخوله مره أخرى

شكرا على الشتيمة وان شاء الله هقتص يوم القيامة

[زهرة الجبل]

درء المفاسد مقدم على جلب المصالح

وشكرا

-------------------------------------------------

و إذا كنتي شايفه إن الموضوع فيه مفاسد فأعتقد من الأوجه إنك من باب تقديرك لذاتك إنك تمتنعي عن دخوله مره أخرى

شكرا على الشتيمة وان شاء الله هقتص يوم القيامة

شتيمة إيه حضرتك؟

أنا مشتمتش حد و الحمد لله ... متعودتش أصلي أغلط و لا حتى أرد على الغلط بغلط

و بعدين حضرتك مره تطلعينا بنثير الفتن و مره تطلعينا فسده و شويه شويه معرفش الموضوع هيتطور معاكي لفين كمان

و بعدين تقولي شكراً عالشتيمه؟

أي شتيمه؟

حضرتك داخله خارجه رايحه جايه تقولي إقفلوا الموضوع

و بتقولي ان الموضوع فيه فتن و مفاسد

فأنا نصحتك تتراقي بنفسك عنه ... آدي الحكايه كلها

و على كل حال ... ولا يهمك ...

برضه العفو

[زهرة الجبل]

يا سااااتر و الله ده انا كنت هزعل قوي بجد

الحمد لله ... ربنا يكرمكم و يخلي لكم زوجاتكم و يفضلوا ملكات على عرش حياتكم الزوجيه يا رب

تحياتي

أم كريم

جلالة الملكه أم كريم

ربنا يزيد سعادتك إنت و أبو كريم

قادر يا كريم

أبو كريم

أخي الكريم أبو كريم ((برضه))

ألف شكر و ربنا يكرمك و يحفظ لك ملكة مملكتك منفرده متوجه على عرش مملكتكم

و يبارك لكم في كريم نمبر تو

علشان كريم بتاعنا هو الكبير يبقى هو نمبر ون :happy:

تحياتي ودمت بخير

أم كريم

[MZohairy]

درء المفاسد مقدم على جلب المصالح

وشكرا

-------------------------------------------------

الأخت الفاضله

احب اوضحلك معلومه هامه جدا و اتعجب كيف تفوتك!

عالم النت عالم كبير و ضخم جدا و مليئ بكل ما لا تتخيليه

و ما سوف تمنعيه هنا سيتم عرضه في مكان آخر و آخر و آخر و يقرأه ناس آخرين و آخرين و آخرين

فما تغمضين عينك عنه ليس معناه انه اصبح غير مرئي للبشر أجمعين

و دفن الرأس في الرمال لا يعني زوال الخطر ابدا بل بالعكس يجعلك فريسه سهله جاهزه للأكل الفوري

حاولي مواجهة الرأي بالرأي و الحجه بالحجه و اقنعي خصمك بدلا من هروبك منه

وحتى اولادك.... تأكدي ان استعمال اسلوب المنع و الزجر و المصادره هو اسلوب يؤدي الى رد فعل عكسي و سيجعل من الممنوع مرغوب

لا بديل عن الإقناع و لا فائده ابدا من الهروووووب

تحياتي

[somebody]

الاخت زهرة الجبل

اعتقد انك فهمتي وجهة نظري من الخاص

وانا كمان عرفت وجهة نظرك

وخلاص مفيش حاجة

تم تعديل 24 يونيو 2008 بواسطة somebody

[زهرة الجبل]

الأخت somebody

نعم لقد تلقيت رسائلك على الخاص

و علقت على وجهة نظرك أيضاً على الخاص و ذلك إحتراماً مني لرغبتك في النفاش على الخاص فقط

وما كنت لأتكلم عن حوار دار بيننا على الخاص هنا بالموضوع أيضاً إحتراماً لرغبتك التي أعربتي لي عنها في رسائلك

و إحتراماً لرفضك طرح وجهة نظرك بالموضوع و تعليقي عليها بالموضوع

لولا أنك أنت بنفسك فعلتي ذلك بوضعك لمشاركتك السابقه في الموضوع هنا

على كل حال سعدت بتفهمك لوجهة نظري التي كانت مختلفه معك ... وهذا هو هدف النقاش الهادئ أخيتي

هذا هو الهدف الذي أسعدني تحقيقه معك

و من ناحيتي فمن البدايه و الحمد لله مفيش حاجه

تحياتي

تم تعديل 24 يونيو 2008 بواسطة زهرة الجبل

[somebody]

:lol:

جزاكي الله خيرا يا أختي

:happy: :sad: :hi:

تم تعديل 28 يونيو 2008 بواسطة somebody

[MZohairy]

لا اله الا انت سبحانك اني كنت من الظالمين !!!!!!!

اقفلولها الموضوع يا جماعه

و ياريت كل المواضيع الفتانه في المنتدى

احنا كبرنا في السن و الضغط مش مستحمل

[زهرة الجبل]

تاااااااااااااني يا أخت somebody ؟؟؟ !!! ؟؟؟

أنتِ كنتي فسرتي لي قصدك من هذه الجمله على الخاص .. و أنا بالتالي قمت بالرد عليكي على الخاص

و كنت أعتقد أن الموضوع إنتهى على كده

لكن بما أنك قمتي بطرح تفسيرك لجملتك نفسها مره أخرى بالموضوع

درء المفاسد التي قد يجلبها الموضوع مقدم على جلب المصالح التي يقدمها للمجتمع وبالأخص الفئات الثلاثة التي ذكرتهم الأخت جويرية وقد طلبت الحذف أكثر من مرة لهذا السبب

فإسمحي لي بوضع الرد مره أخرى بالموضوع

و سأضعه تماماً كما قلته لكِ في الرسائل ... سأقتبس الرساله هنا ( رسالتي أنا و التي جاء بها الرد عليكي )

الرساله :

المفاسد (إن الموضوع يحمل في طياته فكرة فالتها جويرية (ان الزوجة التانية ممكن تلجا للسحر عشان تستاثر بجوزها

المفاسد انه بيحمل فكرة يا بنات يا متبرجين انتو معذورين عشان لسه متجوزتوش

)

دي مش مفاسد؟

المصالح بالنسبة للمجتمع

يا ناس عددوا عشان الفئات الثلاثة الضعفا دول اللي لا حول لهم ولا قوة إلا بالله

أختي الكريمه

عاوزه ألفت إنتباهك إن أسلوب ردك بكلمتين بعيد عن محتوى الموضوع هو أسلوب يضرك أنتي أكثر من أي شخص غيرك

لأن أولاً بتثيري غضب الآخرين ضدك و ثانياً بتفقدي فرصة إن غيرك يفهمك و يناقشك بأسلوب طبيعي و طريقه مثمره للطرفين

يعني حضرتك عندك وجهة نظر قولتيها لي هنا في الرساله

هل كان من الممكن أن أفهمها عن طريق مداخلتك الأخيره في الموضوع؟ بدون هذه الرساله؟

طيب ... أنا هناقشك في فكرتك برساله خاصه بيني و بينك إحتراماً مني لكونك عرضتيها عليا برساله خاصه

و لو إني كنت أفضل يكون النقاش بشكل علني أولاً علشان الناس تفهمك

ثانياً علشان يقدروا يردوا عليكي كلهم

على كل حال بالنسبه للمفاسد اللي حضرتك تقصديها قلتي:

الزوجة التانية ممكن تلجا للسحر عشان تستاثر بجوزها

و

انه بيحمل فكرة با ينات يا متبرجين انتو معذورين عشان لسه متجوزتوش

بالنسبه للنقطه الأولى ففكرة السحر-و العياذ بالله وارده لكنها خارجه عن فكرة نقاش الموضوع

إحنا بنناقش (1)أحقية الزوج في الزواج بأخرى في السر بدون إعلام زوجته الأولى و بدون إعطاءها حق القبول أو الرفض

و(2) أحقية الزوجه شرعاً في رفض زواج زوجها بأخرى ما لم تكن هي مقصره في حقه أو تنقصه حق من حقوقه سواء بإرادتها أو لسبب خارج عن إرادتها

أما فكرة السحر فهي فكره وارده لكنها ليست محور النقاش

يعني هي فكره وارده من الزوجه الأولى لو كانت ناقصه عقل ودين

و وارده من الزوجه التانيه كمان و برضه لو كانت ناقصه عقل و دين

و وارده من عم حسين بياع الطماطم علشان يسحر لصاحب السوبر ماركت علشان يستأثر بالزبائن .. برضه لو كان ناقص عقل و دين

فهمتي قصدي؟... إنها موضوع ملوش علاقه بمحور نقاشنا خالص

و لو كانت له علاقه فكان يكفي إن الكل هيتفقوا على حرمانية ذلك لأنه شئ لا يختلف عليه إثنان و كفى الله المؤمنين شر القتال.

و بالنسبه للنقطه الثانيه فأيضاً فكرة التبرج بعيد عن النقطتين محور نقاشنا و اللي ذكرتهم لك من كم سطر فاتوا (1)&(2)

يعني الفتاه التي لم تتزوج بعد ليس شرط أن تكون متبرجه

هناك فتيات لم يتزوجن و هن متبرجات و هناك فتيات لم يتزوجن و هن محجبات و هناك للأسف سيدات متزوجات متبرجات و هناك أيضاً سيدات متزوجات محجبات

صح و لا إيه؟

إللي عاوزه أقولهولك إن المتبرجه تتبرج لأنها لا تعرف قيمة الحجاب و أحياناً كثيره يكون تبرج الفتاه سبباً في عزوف الشباب المقبل على الزواج عنها ... دي حقيقه لا تجهلها الكثيرات منهن(من المتبرجات يعني) ومع ذلك متمسكه بتبرجها ... هداهن الله و إيانا و إياكي و نساء المسلمين

و بالنسبه للمصالح من وجهة نظرك فحضرتك قلتي :

يا ناس عددوا عشان الفئات الثلاثة الضعفا دول اللي لا حول لهم ولا قوة إلا بالله

و هو ده الكلام اللي ردينا عليه كلنا بشكل عقلاني و بأدله و براهين و إحصائيات و لم يأت الرد من معارض بشكل عقلاني يمكن الرد عليه بوضوح

في هذا الصدد أطلب منك قراءة ردودنا بالموضوع سواء أنا أو اقي الأعضاء لتدركي ما أشير إليه و أقصده

يا أختي الكريمه هو ده تعليقي الهادئ على رأيك الذي كان قبل رسالتك مبهماً و غير واضح لي

و الذي - للأسف - مازال كذلك بالنسبه لباقي الأعضاء حتى الآن

و أتمنى أن تكوني فهمتي رأيي و ردي على وجهة نظرك و إقتنعتي به

و أستأذنك لو لم يكن عندك مانع أن تطرحي رأيك بوضوح في الموضوع حتى أتمكن من الرد عليه و يفهم باقي الأعضاء رأيك

و أخيراً أتمنى لك كل الخير

تحياتي

أم كريم

هذه هي الطريقه التي شرحت لك بها أن مسألة المفاسد و المصالح تلك لا تخص الموضوع

أتمنى أن يكون وضعك للمشاركه السابقه هو فقط بغرض إظهار وجهة نظرك القديمه لبقية الأعضاء

و ليس إصرار منكِ على نفس وجهة النظر القديمه

أتمنى ذلك حقاً

خاصة و قد ناقشناها من قبل و كنت قد إعتقدت أنك تفهمتي الفرق

و السلام عليكم و رحمة الله و بركاته

[/color]

تم تعديل 25 يونيو 2008 بواسطة زهرة الجبل

[م.سامح المصرى]

السلام عليكم ورحمة الله وبركاتة

لية يا جماعة ما بقاش عندنا حتت احترام الاخرين

انا لما قريت الموضوع دا لقيت اقوال للفاضلة جويرية اغلبها مستفزة

وتحولت إلى شتيمة .... لا حول ولا قوة إلا بالله العلى العظيم

انا مش شايف انها غلطت يا جماعة ممكن تكون مش مقتنعة بكلام الى يحاوروها

فهل الاستفزاز والستيمة هايخلوها تقتنع

اتمنى ان كل واحد يرد رد يفكر فية ابل ما يكتبة لو كان الى قدامة هايقولهولة هايبقي شكلة هوا اية

راعوا شعور بعض ....... مش نمشى بمقولة مش معايا يبقى عدوى

حرام يا جماعة استهدوا بالله

الفاضلة جويرية اكتفت بأنها ما تعلقش على اهانة حد او تعليقة وانسحبت من الموضوع الى هيا عاملاه

ربنا يهدينى ويهدينا جميعاً ان شاء الله