أخبار متنوعة .... تحرق الدم

[se_ Elsyed]

طب العمل إيه يارب ؟

يعني اعيش حمار وأغلق وداني وإن شالله تولع ؟

ولا الواحد ينقي الأخبار .. واديها في الهايفه وأنا احبك يا فننس .. يعني أكتفي بأخبار فضايح الفنانين والكورة والملاعب وأين تذهب هذا المساء ؟

أسف والله العظيم ما قصدي أحرق دمكم ... بس اعمل إيه

لأ وده كله من جريدة واحده النهاردة هي أخبار اليوم

منع دخول شحنة إسرائيلية

مشعة من مواد البناء

تم منع شاحنة اسرآئيلية من تفريغ حمولتها من شحنة 'قرميد' 32 طنا واردة من اسرائيل نظرا لاحتوائها علي نسبة كبيرة من الاشعاع. وكانت الشحنة الاسرائيلية قد وصلت الي منفذ العوجة البري بوسط سيناء علي شاحنة اسرائيلية بهدف افراغها في الجانب المصري الا ان جهاز الاشعاع داخل المنفذ انذر بوجود نسبة اشعاع عالية بها فتم رفض ادخالها.

قرايمد ؟!!! من إسرائيل ؟

وليه أساساً ؟ ومين إبن الـــ ... اللي بيستورد منهم ده ؟

وبعدين إحنا ما حرمناش من اللي عملوا فينا المجرم يوسف والي وذيوله وسرطننونا لعشرات السنين ؟

بس مش عارف ليه مش داخله دماغي فكرة جهاز الكشف بالأوشاعه اللي موجود في المنفذ ده واللي بنعدي البوضاعة من تحيته يروح مزمر لو كان في شوعاعات

السمك حرام لنا.. حلال للأتراك!

كتب صابرشوكت:

تقوم اجهزة رقابية حاليا باجراء تحريات واسعة حول واقعة السماح لثماني سفن تركية كبيرة بالصيد امام سواحل مصر بالبحر المتوسط رغم حظر الصيد علي المصريين طوال شهري ابريل ومايو الماضيين بحجة الحفاظ علي الثروة السمكية خلال موسم التكاثر. وقد احال اللواء عادل لبيب محافظ الاسكندرية القضية الي امين اباظة وزير الزراعة لبحث ملابساتها.

إوعى القراميط اللي بتلعب ... وكل سمك حظرتكم وعلي نسبة الفوسفور عندك ... أما المصري الفلاحلار فياكل من تحت رجليه ... مش مهم

دراسة خفض جمارك السيارات

كتب أحمد هاشم:

تدرس وزارة المالية حاليا تخفيض الجمارك علي السيارات المستوردة من اوروبا بنسب سنوية تبلغ 10 % علي ان يسري هذا التخفيض بداية من عام 2010 تمهيدا للاعفاء الجمركي بالكامل بحلول عام .2019 وصرح احمد فرج سعودي رئيس مصلحة الجمارك بان الدراسة تتم في اطار الاتفاقية الجمركية الموقعة بين مصر والاتحاد الاوروبي والتي نصت علي قيام الجانبين بازالة جميع الحواجز الجمركية. واضاف ان مصر بدأت بالفعل في تطبيق بعض بنود الاتفاقية بينما ستبدأ تطبيق البنود الخاصة بالسيارات بعد سنتين ليتم تخفيض نسبة 10 % علي جمارك السيارات.

موت يا دونكي

هل يعدلها البرلمان؟!

بقلم: تهاني إبراهيم

مشروع قانون الضريبة العقارية وصل البرلمان.. وأصبحت الكرة في ملعب نوابه.. فهل يهتمون بتعديل ثغراته.. واصلاح العوار الدستوري في أغلب مواده؟!

السادة نواب البرلمان مطالبون بالتوقف امام تلك الثغرات.. وبحثها ودراستها ومناقشتها قبل اقرار هذا القانون وتمريره من مجلسهم.

اولا: هناك اكثر من 25 مليون وحدة سكنية ستخضع للقانون الجديد.. وعلي مستوي العالم فإنه لا يتم فرض اي ضريبة الا علي دخل.. وايراد واستثمار ويسمي ذلك طبقا لمصطلحات الضرائب 'بالواقعة المنشئة للضريبة' والمشروع المقترح لا يعفي السكن الخاص للمواطن رغم انه لا يعطيه ايرادا.. ولا يمثل له استثمارا.. وبالتأكيد سيتم الطعن عليه بعدم الدستورية اذا ما أقر بتلك الصيغة المقترحة.!

ثانيا: مشروع القانون يفرض الضريبة علي قيمة العقار 'السوقية' بعد تقدير لجانه الحكومية.. وليس علي الدخل الوارد منه.. وهو ما يخالف تعريف ودستورية الضريبة بأنه لا ضريبة إلا علي دخل.. خاصة وان 'القيمة السوقية' يؤخذ بها فقط عند التعامل بيعا وشراء كربح رأسمالي.!

ثالثا: وزير المالية امام مجلس الشوري خفض الضريبة الي 12 % فقط.. ورفع حد الاعفاء الي 400 ألف جنيه.. واستطاع تمرير مشروعه..

هذه التنازلات او التخفيضات وهمية.. لان سعر الضريبة العقارية لا يتعدي 5 % في أغني دول العالم.. كما ان لجان الوزير التي ستقوم بالتقدير الجزافي وفقا لسعر السوق ستقدر العقار بأعلي من حد الإعفاء وعلي المتضرر من تقديرها اللجوء الي القضاء وكلنا نعلم حجم القضايا المرفوعة من الممولين صغارا وكبارا ضد التقدير الجزافي للجان الضرائب أمام المحاكم!

رابعا: العقار الذي ستقدر قيمته بأقل من 500 ألف جنيه.. وسيحصل علي الاعفاء.. سيتم بعد خمس سنوات.. وطبقا لهذا القانون إعادة تقدير قيمته بزيادة سعر السوق.. وبالتالي ترتفع قيمته عن حد الإعفاء ويدفع الضريبة!

خامسا: طبقا لإعاده التقدير كل خمس سنوات فإن جميع عقارات مصر ستخضع لضريبة تصاعدية تصل نسبتها وفقا لاسعار السوق ولتقديرات خبراء الضرائب الي حوالي 35 %

سادسا: المادة (28) من القانون غير دستورية لأن الدكتور غالي عاقب المواطن المتظلم من تقديرات لجانه أمام القضاء بفرض رسوم تأخير 2 % علي اجمالي المبالغ المستحقة عليه.. وهذا يتعارض مع حق المواطن دستوريا في اللجوء الي المحاكم لإنصفه من تعسف الجهة الادارية!السادة نواب البرلمان هذا القانون الخطير يحتاج الي وقفة ومراجعة ودراسة وتعديل.

مطلوب تطبيقه علي العقارات غير المسجلة حاليا ولا تسدد ضريبة عقارية.. اما التي تسدد الضريبة منذ سنوات طويلة فيتم زيادتها بنسب كالمعمول بها في اغلب دول العالم.

ان يتم فرض الضريبة علي دخل وايراد العقار وفقا لمستنداته وليس علي قيمته السوقية.. منعا للتقاض.. واغلاقا لباب الفساد المحتمل من لجان التقدير الجزافي.. اما الاراضي الفضاء والعقارات المغلقة فيفرض عليها رسم 'تنمية' فقط.

السادة نواب البرلمان من الممكن تدبير المبلغ المستهدف من هذا القانون بإعادة جزء من نظام الشرائح الي قانون ضرائب الدخل الحالي.. ولتكن 30 % بدلا من 20 % علي الدخل الذي يتعدي المليون.. وهذا يكفي لتحقيق الحصيلة المطلوبة للوزير!

وأقول هل من العدالة مساواة الموظف بصاحب الدخل الذي يبلغ ملايين في ضريبة موحدة هي 20 % رغم ان أغلب دول العالم تتبع نظام الضرائب التصاعدية علي الدخل تحقيقا لمبدأ العدالة الضريبية بين الفقراء والاثرياء.؟

!

كفايه ... وعن إذنكم أورح أخد دوا اللمباجو

[aimen]

والله يا سى السيد انا برضه مش عارف ليه أول ما قريت موضوع الشحنة والإشعاعات دماغى هنجت ؟ يا خبر يا ولاد دا منتقدمين اهوه وعندنا اجهزة بتكشف اللى داخله واللى خارجه ....يا ترى كانوا مصورينها باستخدام google earth مثلا ؟؟؟؟

[tahereyad]

يا سلام عليك يا سي السيد لما شوية أخبار خفيفه تسخنك و تخليك تعمل مالحبه أوبّه,,,, طيب قوللي ايه فالأخبار دي اللي زعلك و حرق دمك؟؟

خلينا من الأول كده,,, الخبر بتاع القرميد..... يعني اللي زعلك ان القرميد ده جايبينه من اسرائيل ولا أنه ملوث بالأشعاع؟؟؟ أنا بصراحه مش عارف يطلع ايه القرميد ده اللي جايبين منه 32 طن يعني ده خميره ولا ايه؟؟ أكيد اللي بيستورد قلب الدنيا عليه ومالقاهوش الا في اسرائيل ولاد ال....... العم سام,,, وأهو الراجل تلاقيه من عيلة حسين سالم ولا حاجه و نفسه يعمل بسبس هو كمان,,,, و بالنسبه لموضوع الأشعاع ده,, فقليل من الماء يطهرها....... :huh:

بالنوسبه بأه لموضوع الأتراك,,, فدي بجد مالكش حق فيها يا سي السيد بيه باشا,,, انت ناسي ان الأتراك دول قعدوا يحكموا مصر زوربيح من الدهر,, وواخدين انهم ياكلوا من قوت المصريين,,, عادي يعني مش جديده.و يمكن اللي سمحلهم بكده يكون ليه أصول تركيه برضه... مش كده ولا ايه؟؟

جمارك السيارات هاتنزل,,كويس,,, هانت,, عشان أنزّل الحته اللانسر بتاعتي و اتفشخر بيها في مصر,,, بس مش عارف التخفيض ده هايسري عاللانسر ولا لأ,,, باعتبار انها ياباني في غير ملكك,, و مش أوروبي؟؟ لو ليك حد فالجمارك اسألهولي و ليك الأجر و الثواب

الراجل وزير الماليه ده بيستخدم وسائل متقدمه جدا فالرياضيات الحديثه لحساب الضرايب و سمعت كده و العهده عالراوي انه بيحسبها باللوغاريتمات,,,, انت ليك فاللوغاريتمات يا باشا؟؟؟

ويجعله عامر,,,, إمضاء... أخوك الصغير حلاوه,

[حلواني]

الله يفتح نفسك ياشيخ

ايه اللي خلاك تقرأ الجرايد انت مابتحرمش

كل مره تقرأ فيها الاخبار يرتفع عندك الومباجو كدا

طيب انت قرأت وخدت جزاءك احنا عملنالك ايه

اكتر من ميكي وسمير ماتقراش التلفزيون اتفرج علي اسبيس تون بالاش برامج الاطفال المصريه

ربنا ينجين جميع (( يا خفي الالطاف نجنا ممانخاف ))

[se_ Elsyed]

القراميد ده نوع من الاحجار بيتسخدم في ديكورات أسطح الفيلات

شكله اهو

[tahereyad]

جزاك الله كل خير يا س س عالمعلومه,,, و لو انك خليتني اتكسف من نفسي,,, لأني أعرف ان الأحجار دي اسمها BRICKS من زمان,,, بس ماكنتش اعرف الاسم العربي....

بس كده الموضوع بأه واضح وضوح الشمس,, هايدخلوا القراميد المشعه و يحطوها علي أسطح الفلل في مناطق متفرقه,, و بعدين يطلع في مجلس الأمن الكابتن رامسفيلد بالفرق اللي عامله فشعره و يطلع شوية صور من عالجوجل ايرث و يبين ان الفلل دي عباره عن منشآت نوويه,,, وان مصر فيها اسلحة -والعياذ بالله- دمار شامل,,, و الباقي انتوا عارفينه ......

الحمد لله ان ربنا نجانا و تحيه خاصه لرجال الجمارك و المواني و المعابر.