اذهب إلى المحتوى
محاورات المصريين

حاتدى إيه لمصــــر؟

Alshiekh

بواسطة Alshiekh
في موضوعات جادة

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:
هي مصر عاوزة تاخد منا حاجه تاني

امال المواطن الامريكي يعمل ايه لبلده والمواطن السويدي والياباني والخليجي

مش فاهم ؟

وهي اخدت منك إيه وعشان كده إنت زعلان ؟

أما إستشهادك يا عزيزي بالمواطن الياباني وأضيف عليه الألماني ..

أقولك هما إيدوا إيه لبلدهم بدون مقابل وعشان كده وصلوا للي هما فيه

بالتأكيد إنت عارف إن الإتنين خرجوا من الحرب العالمية الثانية وتقريباً ييجي نص سكان البلد ماتوا في الحرب واليابان بالذات اللي ما ماتش إتشوه من جراء القنبلة الذرية الأمريكية ...

يعني إذا كانت اي بلد بتبدأ من الصفر .. فدول بداوا من تحت الصفر

يعني لا موارد بشرية ولا موارد طبيعية ... لا بترول ... لا زراعة ...بنية اساسية إتدمرت ورجعتهم إلى ما قبل العصور البدائية ..

لكن لإن الناس دي مزروع فيها حب العمل الجماعي والفناء من اجل الجماعة يعني مبدأ ( الفرد * الجماعة ) فقدروا يوصلوا ويتسيدوا العالم كله

طب بص بالله عليك على منظرنا كده وشوف الأنانية المفرطة اللي مزروعة فينا ؟

حتى في امثالنا بنقول

" أنا ومن بعدي الطوفان "

" إن خرب بيت أبوك ...- مش عمره ولا ابنيه لا سمح الله - خد لك منه قالب "

" إن جالك الطوفان .. حط إبنك تحت رجليك "

" أنا بأشتغل على قد فولسهم يابا "

" يا روح ما بعدك روح "

" الباب اللي يجيلك منه الريح - ما تصلحوش - لكن سده وأستريح "

ومثل أخر زي العسل وفي منتهى اللذاذة اللذيذة " صباح الخير يا جاري إنت في حالك وأنا في حالي "

وتلاقي الواحد شقته بتبرق وزي الفُل .. لكنه قاعد في بيت سلالمة معفنة والشارع يقرف الكلب الجربان ... ويقولك وانا مالي ؟ أنا قافل عليه شقتي وبس وإن شالله الدنيا تولع بره .. بالمناسبة ما فيش مانع ينضف شقته ويقوم ماسك كييس الزبالة ممطوحه في الشارع أو تخرج الست المتعلمة المحترمة على سلم العمارة تنفض السجاجيد وتزبل السلالم أو تمسك كيس الزبالة ترميه في المنور أو البلكونة ... اهم حاجه أبقى من جوه نضيف .. أما بره فالبركة في الدولة والبركة في اللي بينضفوا ...

سيبك بقى من الحكومة والضغوط الإقتصادية والكلام ده ... لإنها ساريه على الجميع ... وخلينا نعمل اللي علينا وبعدين نلعن ابو خاش الحكومة

لكن للأسف نحن في غاية السلبية ونماذج العمل والعطاء الجماعي تكاد تكون معدودة ...

حتى كلنا كنا مستغربين من موقف الدمايطة الرجالة اللي تكاتفوا كلهم ووقفوا ضد الحكومة الحرامية المرتشية اللي كانت عايزة تسهل لكندا إنشاء مصنع اسمدة يقضي على الأخضر واليابس هناك ويصرف مياهه الملوثة في البحر اللي معظم الدمايطة بيسترزقوا منه

يعني ناس متحضرة ومحترمة وبتخاف على مواطنيها من الهوا الطاير .. سايبين بلدهم اللي في اخر العالم واللي مساختها أكبر من قارة أوروبا تقريباً ... سايبنها نضيفة وجايين يستقفوا - جايه من الضرب على القفا يعني - العبط اللي زيينا ويرموا لنا قرشين ويعملوا السُخام ده عندنا .. وعيش يا معلم

لكن لإن ما فيش حد في دمياط قال يالله نفسي ... وطالما انا بعيد عن المصنع يا عم يبقى إن شالله تولع ... فقدروا يقفوا قدام جبروت حكومة متسلطة وبالفعل أنتصروا عليها ..

بالمناسبة هذا ليس جديداً على أهل الدمياط الشطار اللي أنا شخصياً معجب بتجربتهم المفيدة من زمان .. فهم يكادوا يكونوا مجتمع مغلق لا يحتاجون إلى دعم الحكومة ولا إلى تفضلها عليهم ولا ينتظروا منها الكثير ومعظم البنية الأساسية والخدمات معمولة عندهم بجهود ذاتية منهم ..

وسبق أن حكيت عن قرية صغيرة لا يتعدى تعداد سكانها الكام ألف وموجودة في مدينة طنطا بمحافظة الغربية وهي قرية يقيم فيها أحد اصدقائي وتحدثت عن تجربتهم الغير مسبوقة واللي فكرتها بسيطة جداً .. وهي إنهم نشئوا لقوا الأجيال اللي اكبر منهم عاملين صندوق تكافل في القرية وكل أُسرة ملزمة تددفع إشتراك شهري قدرة ... 3 ج ... أي والله 3 جنيهات فقط لا غير أقل من ثمن علبة سجاير وبالمبلغ ده بيساعدوا بعض في أي زنقة أو حاجه .. وبيعملوا مشروعات تنموية ومرافق ووحدات صحية على قدهم وقال لي إن والحمد لله رصيد هذا الصندوق الان بلغ مليون جنيه ... وإن كبار السن اللي على المعاش عندهم أعمارهم طالت وصحتهم إتحسنت - والاعمار بيد الله طبعاً - لإنهم بيخرجوا على المعاش يتطوعوا للعمل بهذا الصندوق وفي خدمة أهل قريتهم بكل حماس ... مش يقعد على السرير ينتظر الموت .... وبالتالي الصغار بيتعلموا منهم ويكبروا يستلموا الراية منهم

شوفت 3 ج عملوا نقلة حضارية لقرية صغيرة وعملوا سيولة مالية ليست بالقليلة ... وكذلك فعل الألمان واليابانيين

فين إحنا وفين دول ؟

يا راجل ده الواحد ممكن يبقى ساكن في عمارة وما يعرفش جاره اللي في الشقة اللي جنبه .. ولو حد قال للتاني وهو طالع على السلم صباح الخير ... يفتكر إنه عايز منه حاجه أو إنه لو رد عليه فبكره هايقول له السلام عليكم وبعد بكره هايطلب منه خدمة ... وبالتالي ما اردش يا عم من أولها وخليني اتقوقع وأبقى في حالي .. بس ما فيش مانع أرجع وألعن الظروف والبلد واللي فيها لإنها مش متقدمة ولإنه ما أخدش حقه منها ... يعني بنشتغل ون واي ... أدور على حقوقي فين وأصرخ وأطالب بها .. لكن واجباتي ما أفكرش فيها ولا أجي ناحيتها .... يعني شغالين إستقبال بس وما بنرسلش حاجه ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
  • الردود 54
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

أسد
أسد

تعلمت في مصر .. من الإبتدائية وحتى أنهيت الدراسة الجامعية .. مجاناً .. درس لي مدرسين مصريين أشراف .. محترمين .. لم أستعين بالدروس الخصوصية إلى في الثانوية العامة فقط .. وفي بعض المواد فقط .. تعلم

أسد
أسد

معليش يا أسد ... لو انا عملت كده يبقى ده مُنتهى الانانية أبقى إنسان صالح ومحترم ورايح الجامع وجاي من الجامع .. لكنني معزول تماماً عن مجتمعي ... !!! هل هذه إيجابية يابو أدهم ؟ الإيجابية هي ان تكون ف

امانى عضو جديد

امانى

بتاريخ:
بتاريخ:

انا من تمتعوا بالتعليم المجانى حتى مرحلة الجامعة وبعترف ان اغلبنا مقصرين فى رد الجميل لمصر واذا كان الاخ محمد اقترح مساعدة الجامعات كرد للجميل فده جزء من ابواب كتيرة ممكن عن طريقها رد الجميل للبلد . المهم الاول يكون عندنا انتماء لبلدنا

ومنقلش هى ادتنا ايه بل نقول هندى ايه لبلدنا المتمثلة فى خدمات ممكن يتمتع بها ناس فقراء ولكن يخدموك فى مجالات اخرى

مش شرط ان تكون الخدمة فلوس ممكن تكون عمل تطوعى نقوم به مثل محو الامية مثلا لبعض الجيران او الشارع اللى بنقيم فيه

او الحى . ممكن اوى مجموعة من المتعلمين بالاتفاق مع بعض يعملو مجموعة لمحو الامية . احنا هنا بالاسكندرية قمنا بتجربة

جميلة . فى الحى اللى اسكن فيه يوجد مدرسة خاصة ابتدائية تقوم بعمل مجموعات تقوية للتلاميذ بعد الظهر . اتفقنا مع صاحب

المدرسة كمساعدة منه للفقراء بفتح فصل اضافى فى المدرسة يقوم هو بتحمل نصف المصاريف والنصف الاخر يتحمله اهل الخير من المنطقة وبالفعل تفهم الرجل ووافق على الفكرة وتم فتح الفصل هذا العام . بخصوص مجموعات التقوية ايضا تحملت مجموعة من اهل الخير الى جانب من المدرسين مصاريف فصل بالكامل للتقوية . انا بحكى القصة دى علشان اقول ان ممكن ندى لمصر كتير

كل واحد باللى يقدر عليه وميقلش انا مالى هى جت عليا . يعنى انا اللى هصلح الكون . ايوة انا وانت وهو وهى والكل ممكن نصلح

حاجات كتيرة بس نفكر ونبدا بفكرة ونقوم بتنفيزها .

شكرا اخى الفاضل محمد على موضوعك الرائع الزى اتاح لى ان اعبر عما يجول بخاطرى تجاه مصر بلدى وامى

39078574.gif

الصداقة كنز لا يفنى لازم نحافظ عليه

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
على فكره ..

هناك آليه لعمل الفكره موجوده في كل العالم و كانت موجوده قبل الثوره .. الا و هى الجامعات الاهليه .. جامعة القاهره كانت واحده منهم .. لكن مع الاسف العمل الاهلى في مصر مقصور على عمل الجمعيات الخيريه ..

الحقيقه انه بالرغم من وجود حقيقي للسلوكيات التى طرحها س س لكن ايضاً هناك حاله من التعجيز يفرضها قصر نظر القانون المصري و التى تمنع انشاء الكثير من الهيئات الاهليه الضروريه لتفعيل مثل هذه الافكار الخلاقه .. اما الارتكان الى الدوله .. فاولاً كيف سأعطى اموال للدوله لتصرف على المدارس او الجامعات .. تحت اي بند ؟؟ حتى لو عملت مكاتب و حاولت ادخلها مدرسه حكوميه سيمنعنى الناظر لأنه لو بدل المكاتب القديمه ح يبقى بيبدد ال"عهد" و بالتالى ح يروح في س و ج .. و الحقيقه انه عنده حق .. حتى لو كانت المكاتب الجديده افضل .. بامكان المفتش سجنه اذا بدد المكاتب القديمه المتهالكه !!

لو حاولنا دفع الفكره للخطوه التاليه سنجد الكثييييير من العراقيل .. ليس احباط .. لكن لعمل اي شئ يجب ان يكون هناك آليه .. و للاسف لم تترك لنا الدوله اي آليه حتى للعمل الخيري .. يعنى لا بيرحموا و لا بيخلوا رحمة ربنا تنزل ..

الاسهل هو ان نتبرع للهيئات الموجوده بالفعل كالملاجئ و دير الايتام و مستشفى سرطان الاطفال و معهد الاورام .. مره اخرى اكرر ليس رداً للجميل .. و لكن عن شعور بالمسئوليه الاجتماعيه تجاه مجتمعنا و الذى هو اصلنا و بلدنا و عائلتنا .. الفرق بين الحالتين هو الشعور بالملكيه ... يجب ان نشعر ان مصر "بتاعتنا " و بالتالى لا تتفضل علينا بشئ لأننا نملكها بكل مقدراتها .. ممكن اشعر تجاها بالمسئوليه .. لكن الجميل يكون لشخص يعطف على شخص آخر .. و لن اقبل ان تكون هذه هى حالتى تجاه بلدى ...

تحياتى ...

على فكرة

موضوع التبرع العينى للمدارس ليس فيه أى مشكلة ، لو عايز تتبرع بالاثاث ، مافيش مشكلة على الإطلاق ، ولو عايز تتبرع بالمال ، برضه مافيش مشكلة ، ممكن تعطيهم شيك باسم المدرسة ، شخصى أو بنكى مقبول الدفع ، ومافيش مدير مدرسة حايتسجن او يتحول للتحقيق ، انا باقول الكلام ده عن تجربة ، وكان دائما باتأكد من فعلا كله مثبت فى الدفاتر ، مش بطلب منى ولكن من ادارة المدرسة علشان تطمئننى وتطمئن الآخرين ان كل شيئ تمام.

كذلك ممكن بعد مرور اسبوعين من بدأ الدراسة ممكن تقابل مدير المدرسة والاخصائية الاجتماعية وتشوفوا الطلبة الغير قادرين ، وممكن تتولى دفع مصاريف اى عدد من اولئك التلاميذ ، وممكن لو ربنا كارمك تعمل حسابهم فى كسوة على الاعياد ، الحقيقة حاجات كثيرة ممكن تتم من خلال الاتصال المباشر بالمدارس والحقيقة انهم ناس فاضلين ودائما بيكونوا متعاونين ، أقول ذلك عن تجربة.

ده طبعا بالاضافة لما ذكرته حضرتك من التبرع للهيئات الموجوده بالفعل كالملاجئ و دير الايتام و مستشفى سرطان الاطفال و معهد الاورام .. وأوافقك أنه ليس رداً للجميل .. و لكن عن شعور بالمسئوليه الاجتماعيه تجاه مجتمعنا و الذى هو اصلنا و بلدنا و عائلتنا ، وهكذا خلقنا الله نتكافل ونتعاون.

شكرا على إثراءك للموضوع

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:

الأخ الفاضل / أبو جيداء

رأيت إناس أفاضل فعلا قاموا بما تفضلت واشرت اليه ونحسب ان يكون مافعلوه فى ميزان حسناتهم.

==========================================================

الأخ الفاضل / Automatic

لم يخطر ببالى هذا الموضوع الذى ذكرته ، وشكرا على فكرتك ، وقمت بالحديث مع أبنى اليوم وحادثته فى هذا الامر ، وابدى ترحيبه بأن يقوم بذلك فى هندسة اسكندرية ، وعلى فكرة احد اقتراحاته كانت القيام بالتبرع بساعتين الى اربع ساعات كمعيد منتدب بدون أجر أو التبرع بالأجر الرمزى الذى يتم منحه لهم.

==========================================================

الأخت / مغتربة

أعتقد أن موضوع الامتحانات ممكن يجرنا لموضوع آخر ، وعلى فكرة الشكوى من الامتحانات هى شكوى سنوية.

خلينا فى موضوعنا اللى هوه حاتدى ايه لمصر ، علاقة الانسان بوطنه مش مجرد جنسية مكتوبة على الورق ، دى حاجات كتير ، فى النهاية بتحسى انها بتجرى فى دمك ، بيحضرنى فى ذلك اغنية عفاف راضى اللى ماعرفش مين اللى كتب كلماتها ،

مصر هى أمى ، نيلها هو دمى ، شمسها فى سمارى ، شكلها فى ملامحى ، يعنى فى النهاية احنا مصريين ، والناس اللى عايشين على الارض دى مصريين ، سواء الحكومة عملت كتير او شوية فلازم نعرف ان علينا واجب تجاه الناس اللى عايشين معانا على الارض دى ، حاجة كده زى زكاة الفطر ، واجب على الكل ان يقدمها ، لكن الفرق هنا ان الواجب اللى نقدمه للبلد متمثلا فى مساعدة الحتاج او مساعدة المدرسة التى تقدم الخدمة للمحتاج بيكون اداءه اختيارى وكل يئديه على حسب مقدرته وسعته ، وربنا يبارك لكل من قدم شيئا .

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
وأود أن أُحيي فكرة أخونا محمد عن فكرة تقديم يد العون لغير القادرين في التعليم

الأستاذ / س س

فينك من زمان

فعلا المساعدة مش لازم تكون كبيرة ، وكل حسب سعته ومقدرته ، واكيد ربنا بيبارك فى العمل الجماعى

========================================================

الأستاذ / أسد

مصر مش عاوزة حاجة ..

ياعم أسد مصر محتاجة حاجات كتير ، دى ساعات بتبات من غير عشاء

على فكرة فى مفهوم ان المواطن الصالح هو المواطن الذى لايخالف القانون ومن ضمنها طبعا الا يدفع رشوة ، لكن ده مش كفاية ، فالكفالة شيئ اساسى للارتقاء بالمجتمع ليصبح مجتمع يسوده السلم الاجتماعى.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
هي مصر عاوزة تاخد منا حاجه تاني

امال المواطن الامريكي يعمل ايه لبلده والمواطن السويدي والياباني والخليجي

المواطن الامريكى بيدفع الضرائب ، الفقير والغنى بيدفع الضرائب

أول حاجة بيدفعها حاجة اسمها ضريبة مبيعات حوالى 10% لو اشتريت كيس عيش ثمنه 3 دولار بتدفع 3.3 دولار ، زجاجة المياه لدولار وضريبة المبيعات 10 سنت ، وبعض المقاطعات تفرض 1 أو 2% ضريبة مبيعات لصالح التعليم فى المقاطعة

ثانى حاجة ، بيدفع الضريبة العامة على الدخل التى تبدأ بـ 15.5% + بيدفع للتأمين الصحى لما بعد سن المعاش + اشتراك المعاش

ثالث حاجة بيدفع تكاليف تعليمه اللى بعد الثانوى ، يعنى التعليم المجانى من ابتدائى لحد ثانوى بس.

رابع حاجة بيدفع حق علاجه ، ولو عايز تأمين صحى بيدفعه من جيبه ، وحاليا فى اتجاه ان التأمين الصحى يبقى اجبارى.

أيه رأيك؟ بتدفع كده فى مصر؟

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
انا من تمتعوا بالتعليم المجانى حتى مرحلة الجامعة وبعترف ان اغلبنا مقصرين فى رد الجميل لمصر واذا كان الاخ محمد اقترح مساعدة الجامعات كرد للجميل فده جزء من ابواب كتيرة ممكن عن طريقها رد الجميل للبلد . المهم الاول يكون عندنا انتماء لبلدنا

ومنقلش هى ادتنا ايه بل نقول هندى ايه لبلدنا المتمثلة فى خدمات ممكن يتمتع بها ناس فقراء ولكن يخدموك فى مجالات اخرى

مش شرط ان تكون الخدمة فلوس ممكن تكون عمل تطوعى نقوم به مثل محو الامية مثلا لبعض الجيران او الشارع اللى بنقيم فيه

او الحى . ممكن اوى مجموعة من المتعلمين بالاتفاق مع بعض يعملو مجموعة لمحو الامية . احنا هنا بالاسكندرية قمنا بتجربة

جميلة . فى الحى اللى اسكن فيه يوجد مدرسة خاصة ابتدائية تقوم بعمل مجموعات تقوية للتلاميذ بعد الظهر . اتفقنا مع صاحب

المدرسة كمساعدة منه للفقراء بفتح فصل اضافى فى المدرسة يقوم هو بتحمل نصف المصاريف والنصف الاخر يتحمله اهل الخير من المنطقة وبالفعل تفهم الرجل ووافق على الفكرة وتم فتح الفصل هذا العام . بخصوص مجموعات التقوية ايضا تحملت مجموعة من اهل الخير الى جانب من المدرسين مصاريف فصل بالكامل للتقوية . انا بحكى القصة دى علشان اقول ان ممكن ندى لمصر كتير

كل واحد باللى يقدر عليه وميقلش انا مالى هى جت عليا . يعنى انا اللى هصلح الكون . ايوة انا وانت وهو وهى والكل ممكن نصلح

حاجات كتيرة بس نفكر ونبدا بفكرة ونقوم بتنفيزها .

شكرا اخى الفاضل محمد على موضوعك الرائع الزى اتاح لى ان اعبر عما يجول بخاطرى تجاه مصر بلدى وامى

شكرا على اثرائك للموضوع بما تفضلتى وذكرتيه ، وربنا يقدرك انك تعبرى عما يجول بخاطرك على الطبيعة.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
justtrying عضو جديد

justtrying

بتاريخ:
بتاريخ:

احمد لله على أني لما اتعلم يوما بالمجان في مصر ..

اعتقد والله أعلم بأن السؤال بدى إلى ذهني بطريقة مختلفة وهي كيف تزكي عن نفسك ومالك وحياتك وأن تقرض الله قرضا حسنا فهي زكاة مفروضه على كل مسلم هذة هي النيلة التي يجب أن يتصدق أو يزكي بها المسلم أما غير ذلك فهناك الملايين من الكفرة ممن يهمون بالأعمال الخيرية وما شابه في بلادهم وغير بلادهم فما الفرق بيننا وبينهم ؟ ! هذه واحدة

النقطة الثانية وهي كيفية بناء مجتمع مدني قادر على مساعدة بعضه البعض اعتقد والله أعلم بأنه حينما يأتي الوقت ليكون هذا المجتمع مجتمعا إسلاميا يأمر بالمعروف وينهي عن المنكر وأن يكون مجتمعا منتجا في نفس الوقت ولو بالقدر اليسير لاكتفائه ذاتيا سيكون هناك بادرة أمل وأراها بعيدة كل البعد في الأمد القريب.

والسلام عليكم

رابط هذا التعليق
شارك
nash عضو جديد

nash

بتاريخ:
بتاريخ:

والدتي وبلا فخر..جمعت كل السيدات صديقاتها ..وكلهم ماشاء الله علي درجه عاليه من التدين والأخلاق الكريمه والتفرغ التام نتيجه ظروف اسريه...وقرورا عمل مشروع مساعده الفتيات علي مواجهه تكاليف الزواج وتحمل تكاليف الجهاز والاجهزة الكهربائيه اللازمه في البيت...وفتح باب التبرعات للحالات المرضيه العاجله...طبعا من الناس المعروفه ..تحريا للمصداقيه...

ياريت لو فيه اي افكار جديده....نتشارك فيها....وياريت نبعد عن نغمه الكفار في المجتمع لإن اصحاب الديانات الاخري مواطنين مصريين لهم حق المواطنه كامله وحق الحياة بحريه وحق العباده بالطريقه التي يرونها..وحتي حق التبرع ومساعده بلدهم...ومساهمتهم باي تكاليف ...

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
Automatic عضو جديد

Automatic

بتاريخ:
بتاريخ:
ووياريت نبعد عن نغمه الكفار في المجتمع لإن اصحاب الديانات الاخري مواطنين مصريين لهم حق المواطنه كامله وحق الحياة بحريه وحق العباده بالطريقه التي يرونها..وحتي حق التبرع ومساعده بلدهم...ومساهمتهم باي تكاليف ...

:closedeyes:

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
والدتي وبلا فخر..جمعت كل السيدات صديقاتها ..وكلهم ماشاء الله علي درجه عاليه من التدين والأخلاق الكريمه والتفرغ التام نتيجه ظروف اسريه...وقرورا عمل مشروع مساعده الفتيات علي مواجهه تكاليف الزواج وتحمل تكاليف الجهاز والاجهزة الكهربائيه اللازمه في البيت...وفتح باب التبرعات للحالات المرضيه العاجله...طبعا من الناس المعروفه ..تحريا للمصداقيه...

ياريت لو فيه اي افكار جديده....نتشارك فيها....وياريت نبعد عن نغمه الكفار في المجتمع لإن اصحاب الديانات الاخري مواطنين مصريين لهم حق المواطنه كامله وحق الحياة بحريه وحق العباده بالطريقه التي يرونها..وحتي حق التبرع ومساعده بلدهم...ومساهمتهم باي تكاليف ...

ماشاء الله ، ربنا يقويهم ويجعل ذلك العمل فى ميزان حسناتهم.

وعلى فكرة موضوع الدين ده أمره عند الله ، والرسول عليه الصلاة والسلام لما اوصانا بالجار ، لم يقل ديانة الجار ده ايه ، لأن حق الانسانية هو مايجعل اللى فى اوروبا واليابان وامريكا يقدموا مساعدات للفقراء والمنكوبين فى افريقيا ومصر والصومال والهند وبنجلاديش.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
  • بعد 1 سنة...
Alshiekh عضو جديد

Alshiekh

بتاريخ:
  • كاتب الموضوع
بتاريخ:

للرفع !

ياترى قدمت ايه لمصر وناوى تقدم ايه السنة دى؟

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
shiko عضو جديد

shiko

بتاريخ:
بتاريخ: (معدل)

يؤسفنى ...

انى ادى لمصر ...خيبة الامل والظلم ...

ليس نبرة يأس ولا هجوم وليست بنبرة سخرية ...

ولكنها الحقيقة المرة التى لاطالما اعتصرت قلبى ....

ليس بيدى ولا بمشاعرى سوى الظلم لاهلك يا مصر ...

فأى قبيح فعلتيه باولادك ..ليردوه اليكى ؟؟

..هاديكى يا مصر طبق خضار مشكل مروى بمية المجارى

هاديكى يامصر ضرايب تحنى ضهور ولادك....

هاديكى يا ام الدنيا عبارة تغرق من ولادك الف

هاديكى يا ارض الكنانة قمح مسرطن يهبش فى لحم عيالك...

هاديكى روحى الميتة ...وقلب عيالك التعبان ...

هاديكى كلاويهم اللى فشلت بمية نيلك ...

هاديكى على اد تعليمك المجانى ومدارسك اللى وقعت فوق روس تلامذتك

هاديكى بس اوعى تقولى لا...

تم تعديل بواسطة shiko

18344710.jpg

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

مصر اديها عيونى بس اضمن حالها ينصلح او حتى يكون هناك بادرة امل

كلام عملى فى الوضع الحالى ما اقدر اقدم شىء سوى تطوير ذاتى واحاول ان اكون مثل صالح للمصريين المغتربين

الى ان يشاء الله امرا , ويكون هناك المناخ المناسب لقبول اى فكرة اوتنمية او تطوير او حتى نفق صغير لمرور اى محاولة ايجابية

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
herohero عضو جديد

herohero

بتاريخ:
بتاريخ:

علاقة النسان بوطنه ليست اخذ وعطاء فمصر لاتنتظر منا ان نعطيها ما صرفته علينا

لكن بجد اللي بحسه هل مصر بتدينا الفرصة ندي يعني باستثناء الاشتراك ف الاعمال الخيرية وما شابه ومحاولة دعم من نستطيع دعمه

لكن ليس منواجبنا ان نقدم لبلدنا ماتعلمناه اليس من حقها علينا ان ننهض بها لكن ياساده المشكلة هي اننا نشعر ف كثير من الاحيان ان البلد مش عاوزانا

يعني مثلا نماذج زي فاروق الباز ومجدي يعقوب الناس ده عاوزة تدي كتير بس البلد فيه ولاد من ولادها مش عاوزين باعدينها من عيالها

اما بلدنامهما اختلفنا مع حكومتها فلازم نقدم لها كل اللي نقدر عليه ع الاقل خالص نقدم سمعه كويسة

عاوزين كده يبقى المصري يشار اليه بالبنان ده اهم شيئ

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:
يؤسفنى ...

انى ادى لمصر ...خيبة الامل والظلم ...

ليس نبرة يأس ولا هجوم وليست بنبرة سخرية ...

ولكنها الحقيقة المرة التى لاطالما اعتصرت قلبى ....

ليس بيدى ولا بمشاعرى سوى الظلم لاهلك يا مصر ...

فأى قبيح فعلتيه باولادك ..ليردوه اليكى ؟؟

..هاديكى يا مصر طبق خضار مشكل مروى بمية المجارى

هاديكى يامصر ضرايب تحنى ضهور ولادك....

هاديكى يا ام الدنيا عبارة تغرق من ولادك الف

هاديكى يا ارض الكنانة قمح مسرطن يهبش فى لحم عيالك...

هاديكى روحى الميتة ...وقلب عيالك التعبان ...

هاديكى كلاويهم اللى فشلت بمية نيلك ...

هاديكى على اد تعليمك المجانى ومدارسك اللى وقعت فوق روس تلامذتك

هاديكى بس اوعى تقولى لا...

السلام عليكم و رحمة الله و بركاته

اسمحيلي يا شيكو اختلف معاكي.....و هقولك ليه

من كام يوم كنت بتكلم مع شخصية رائعة جدا جدا...و قالتلي العبارة دي

"فيه فرق بين الوطن.....المواطن.....الحكومة"

عارفة يا شيكو كل اللي انتي قولتيه فوق.....شيلي كلمة مصر و حطي مكانه كلمة الحكومة ...هتنلاقيها ظبطت اوي.....صح

لكن مصر

التفاصيل الصغيرة

الوشوش الطيبة

الناس اللي بتكافح وسط الفساد

الوطن اللي هو اداني ملامحي.....قبل ما حكومات خايبة تشوه ملامحه

مش هقولك التاريخ.....و لا الغنا و لا المواويل

هقولك.....الزعل اللي جوانا في وقت....هو زعل علي حد بيحبه اوي...و شايفه قدام عينيه بيتبهدل اوي......بيزعل عليه اكتر...و قلبه بيوجعه....بس برضه بيفضل يحبه....و يخاف عليه

و عشان كده

لما افكر في سؤال...هتدي ايه لمصر؟؟؟

بحط في دماغي الوشوش للناس البسيطة....

بحط في دماغي و.....ط.......ن......ثري جدا بتفاصيله الصغيرة غير تاريخة الكبير

لاني بعيد جدا دلوقتي....

اكتر حاجة اقدر اديها.....

اني لما اكون في مكان فيه جنسيات مختلفة......و الناس تبتدي تتعرف علي بعضها.....و ممكن لكنة الانجليزي تخلي حد ينخدع فيا...

بكون مبسوطة اوي لما بقولهم.....انا مصرية...

و ببقي مبسوطة جدا لما بيفتكروا اني عشت في الغرب.....بس بقولهم لا...انا تعليمي في الصعيد......

و ببقي مبسوطة أوي لما بقولهم تعالوا زوروني في مصر......هخليكوا تشوفوا مصر بطريقتي أنا

هدي لمصر........انهم لما امشي من هنا.....اكيد هيفتكروا البني آدم المصري اللي وراهم يعني ايه جدعنة مصر......و يعني ايه اني اقف اتخانق معاكي...مع اني مش عارفة انتي بتتخانقي في مين....بس هو كده....اتعلمنا اني احميكي و اكون في ضهرك...و بعدين ابقي اسال الاسباب

هدي لمصر........العلم...اللي شلته معايا........و الناس ضحكت عليا في تفتيش المطار....و اول ما وصلت علقته في البلكونة.........و شرحت لاصحابي يعني اللوان فيه شكلها ايه

هدي لمصر......لما انزل ان شاء الله........مشروع حلم صغير...فكرت فيه من اصحابي من سنتين.....للاطفال اللي عندهم لوكيميا في الصعيد........ابتدينا....و اتكعبلنا....و سافرنا....بس لما بنرجع......بنصفي النية مرة تاني......و ربنا بيفتحها في وشنا...فوق ما نتخيل

هنقدر ندي لمصر

هنقدر نديها اوي

لو حطينا في دماغنا بس.... الوشوش البسيطة.....ال....و....ط...ن

مسااااااااااااكي.........لا هو أخد...و لا هو عطا....هو حاجة بتربطنا...و مش لازم يبقي ليها اسم

فوتك بكل الخير

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
يؤسفنى ...

انى ادى لمصر ...خيبة الامل والظلم ...

ليس نبرة يأس ولا هجوم وليست بنبرة سخرية ...

ولكنها الحقيقة المرة التى لاطالما اعتصرت قلبى ....

ليس بيدى ولا بمشاعرى سوى الظلم لاهلك يا مصر ...

فأى قبيح فعلتيه باولادك ..ليردوه اليكى ؟؟

..هاديكى يا مصر طبق خضار مشكل مروى بمية المجارى

هاديكى يامصر ضرايب تحنى ضهور ولادك....

هاديكى يا ام الدنيا عبارة تغرق من ولادك الف

هاديكى يا ارض الكنانة قمح مسرطن يهبش فى لحم عيالك...

هاديكى روحى الميتة ...وقلب عيالك التعبان ...

هاديكى كلاويهم اللى فشلت بمية نيلك ...

هاديكى على اد تعليمك المجانى ومدارسك اللى وقعت فوق روس تلامذتك

هاديكى بس اوعى تقولى لا...

لو كل ماذكرتيه هو فعلا مصر ، كان زمان مصر 3 مليون وليس 80 مليون.

مصر ياشيكو ليست حنى وجمال وعلاء مبارك

مصر ليس فتحى سرور وكمال الشاذلى واحمد عز

مصر ليست احمد نظيف ولا يوسف غالى وليست حبيب العادلى

مصر هى الارض والناس اللى عايشين على الارض

مصر هى الفلاح الغنى والفلاح الفقير ومابينهما

مصر هى المهندس والعامل والطبيب والممرضة والبواب والفران والواد بلية اللى ما اخذش حقه من التعليم اللى احنا اخذناه

البسطاء والفقراء من اهل مصر والذين لم تساعدهم امكاناتهم ان ينالوا مانلناه لهم حقا علينا

علشان كده لما نتكلم عن مصر مش لازم نعتبر مصر هى الحكومة.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
مصر اديها عيونى بس اضمن حالها ينصلح او حتى يكون هناك بادرة امل

كلام عملى فى الوضع الحالى ما اقدر اقدم شىء سوى تطوير ذاتى واحاول ان اكون مثل صالح للمصريين المغتربين

الى ان يشاء الله امرا , ويكون هناك المناخ المناسب لقبول اى فكرة اوتنمية او تطوير او حتى نفق صغير لمرور اى محاولة ايجابية

تسلم لمصر عيونك يادكتور

قدم انت بس اللى تقدر عليه ، ولاتستصغر شيئا تقدمه فالنواة تسند الزير

وربنا يوفقك فى عملك وطموحك وتقدم كل مافيه الخير لبلدك واهل بلدك.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
  • كاتب الموضوع
بتاريخ:
علاقة النسان بوطنه ليست اخذ وعطاء فمصر لاتنتظر منا ان نعطيها ما صرفته علينا

لكن بجد اللي بحسه هل مصر بتدينا الفرصة ندي يعني باستثناء الاشتراك ف الاعمال الخيرية وما شابه ومحاولة دعم من نستطيع دعمه

لكن ليس منواجبنا ان نقدم لبلدنا ماتعلمناه اليس من حقها علينا ان ننهض بها لكن ياساده المشكلة هي اننا نشعر ف كثير من الاحيان ان البلد مش عاوزانا

يعني مثلا نماذج زي فاروق الباز ومجدي يعقوب الناس ده عاوزة تدي كتير بس البلد فيه ولاد من ولادها مش عاوزين باعدينها من عيالها

اما بلدنامهما اختلفنا مع حكومتها فلازم نقدم لها كل اللي نقدر عليه ع الاقل خالص نقدم سمعه كويسة

عاوزين كده يبقى المصري يشار اليه بالبنان ده اهم شيئ

علاقة الانسان بالوطن كعلاقة الابن بامه وابيه ، يحتوينا الوطن كما تحتوينا الام ، ونتقرب للوطن عندما نراعى ونتكافل مع اخوتنا فى الوطن كما نتقرب لامنا وابينا عندما نتقارب ونتحاب ونتكافل مع اخوتنا.

وصدقنى لو قلت لك ان الاحساس بأن البلد مش عايزانا هو احساس خاطئ لان البلد لم تمنع عنا شيئ يمكن ان نحصل عليه.

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
الغريب عضو جديد

الغريب

بتاريخ:
بتاريخ:
البسطاء والفقراء من اهل مصر والذين لم تساعدهم امكاناتهم ان ينالوا مانلناه لهم حقا علينا

كلامك على العين والرأس يأستاذ 'Mohammad'

لو كل واحد فكر بسلبية في حل مشاكلنا يبقى مش هتتحل

يجماعة فكر تستثمر شوية في بلدك في أي حاجة

عارف أنك متخوف ليضيع مجهودك في بلد تبتلع الأموال بالضرائب ، لكن بالنية الطيبة والتفكير السليم هتوصل لشئ يساعد بلدك

أنا عن نفسي هفكر في أي مشروع ولو صغير يشغل أتنين شباب يقدرو يفتحو بيوت ويقفو على رجليهم

المهم تفكير إيجابي :roseop:

ehm448.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...