حاتدى إيه لمصــــر؟

[Alshiekh]

من كام يوم كنت بتكلم مع شخصية رائعة جدا جدا...و قالتلي العبارة دي

"فيه فرق بين الوطن.....المواطن.....الحكومة"

عارفة يا شيكو كل اللي انتي قولتيه فوق.....شيلي كلمة مصر و حطي مكانه كلمة الحكومة ...هتنلاقيها ظبطت اوي.....صح

لكن مصر

التفاصيل الصغيرة

الوشوش الطيبة

الناس اللي بتكافح وسط الفساد

الوطن اللي هو اداني ملامحي.....قبل ما حكومات خايبة تشوه ملامحه

مش هقولك التاريخ.....و لا الغنا و لا المواويل

هقولك.....الزعل اللي جوانا في وقت....هو زعل علي حد بيحبه اوي...و شايفه قدام عينيه بيتبهدل اوي......بيزعل عليه اكتر...و قلبه بيوجعه....بس برضه بيفضل يحبه....و يخاف عليه

و عشان كده

لما افكر في سؤال...هتدي ايه لمصر؟؟؟

بحط في دماغي الوشوش للناس البسيطة....

بحط في دماغي و.....ط.......ن......ثري جدا بتفاصيله الصغيرة غير تاريخة الكبير

لاني بعيد جدا دلوقتي....

اكتر حاجة اقدر اديها.....

اني لما اكون في مكان فيه جنسيات مختلفة......و الناس تبتدي تتعرف علي بعضها.....و ممكن لكنة الانجليزي تخلي حد ينخدع فيا...

بكون مبسوطة اوي لما بقولهم.....انا مصرية...

و ببقي مبسوطة جدا لما بيفتكروا اني عشت في الغرب.....بس بقولهم لا...انا تعليمي في الصعيد......

و ببقي مبسوطة أوي لما بقولهم تعالوا زوروني في مصر......هخليكوا تشوفوا مصر بطريقتي أنا

هدي لمصر........انهم لما امشي من هنا.....اكيد هيفتكروا البني آدم المصري اللي وراهم يعني ايه جدعنة مصر......و يعني ايه اني اقف اتخانق معاكي...مع اني مش عارفة انتي بتتخانقي في مين....بس هو كده....اتعلمنا اني احميكي و اكون في ضهرك...و بعدين ابقي اسال الاسباب

هدي لمصر........العلم...اللي شلته معايا........و الناس ضحكت عليا في تفتيش المطار....و اول ما وصلت علقته في البلكونة.........و شرحت لاصحابي يعني اللوان فيه شكلها ايه

هدي لمصر......لما انزل ان شاء الله........مشروع حلم صغير...فكرت فيه من اصحابي من سنتين.....للاطفال اللي عندهم لوكيميا في الصعيد........ابتدينا....و اتكعبلنا....و سافرنا....بس لما بنرجع......بنصفي النية مرة تاني......و ربنا بيفتحها في وشنا...فوق ما نتخيل

هنقدر ندي لمصر

هنقدر نديها اوي

لو حطينا في دماغنا بس.... الوشوش البسيطة.....ال....و....ط...ن

مسااااااااااااكي.........لا هو أخد...و لا هو عطا....هو حاجة بتربطنا...و مش لازم يبقي ليها اسم

فوتك بكل الخير

تعرفى يالماضة

انا كل يوم بيزيد اعجابى بأفكارك وبثقافتك

ربنا يفتح عليكى ويبارك لك وتقدرى تنفذى المشروع اللى نفسك تعمليه

[اغابي]

انا حادى لمصر شيء صعب واااخد منى مجــــــــــــهود كبيــــــــــــــــــر

برغم انى اولادى مولودين بالكويت - وفى خلال ال 9 سنوات - لم نزور مصر الا ثلاث مرات فقط - وكل زيارة ما بين 15 - 35 يوم

ومع ذلك ما قدمته لمصر علمت اولادى ازاى يحبو بلادي ..

غرست في اولادى حب مصر - وان كان زوجى يفعل الشيء نفسه عن دون قصد

خلال مبارايات مصر والتهليل لمصر والخروج فى شوارع الكويت بالعلم المصري عند فوزنا فى اى ماتش كورة

كل داه ساعد اولادى فى الاعتزاز بمصر ومحبتها ..

عندما ياتى ابنى الكبير ويشعر بعدم الرضا انه كل يوم الصبح فى المدرسة ينشد فى طابور الصباح

وطنى الكويت سلمت للمجد

ويشكو من انه المفروض يا ماما نقول بلادى بلادى لكى حبي وفؤادى ..

وانا اقوله لاء كل زمايلك اللى معاك جنسيات مختلفة ومع ذلك بينشدو للكويت لاننا على ارضهم ..

مش فى مصر لكن جوانا فى قلبنا نشيد بلادنا .. . يبقى انا نجحت فى مهمتى . .

لما ابنى الصغير يجرى الشقة كلها بعلم مصر الصغير ويقول بلسانه الملتوت - مصل مصل تحي مصل ..

يبقي انا نجحت فى مهمتى

لانى للاسف الشديد ما عنديش حاجة اقدمها لمصر غير انى اعلم اولادى يحبوها ويعتزو بيها . . .ولاننا لسه مشوار غربتنا طويل -

ما باليد حيلة - مش عارفة ادى ايه لمصر غير كدا . .

اغابي

تم تعديل 31 مايو 2010 بواسطة اغابي

[Mr MAGED]

موضوع بجد أكثر من رائع ... وعجبني جدا مع اني مشفتوش غير متأخر

أنا ماظنش ان فيه اي حد ممكن يتأخر عن مصر ... وخاصة اللي اتغرب عنها

لأن اللي اتغرب دايما بيحنلها ويشتقلها أكتر

ومتأكد ان معظم الناس المغتربة ليها أفعال واعمال خيرية كتيرة في مصر

لكنها غير منظمة ... عشوائية يعني ... وده يمكن اللي مش بيظهر نتيجتها بشكل فعال

كلنا نتمني التعليم يتحسن ... وكلنا نتمني ان يكون التعليم في مصر أفضل تعليم في الدنيا

احنا كلنا بنتمني كده ... وعندنا استعداد كامل نساعد في كده ... بس يا تري الحكومة عندها استعداد !!!!!!!

مواطن مصري بسيط ... اتعلم في مصر لحد ما خد الجامعة ... واتخرج وسافر وهاجر واتمرمط لحد ما وصل لأعلي درجات العلم والشهرة

أكيد كلكم عرفتوه ... دكتور زويل .... لما حس انه وصل لأعلي الدرجات العليمة .... وحس انه جه الوقت اللي يرد فيه الجميل لبلده

وقدم مشروع علمي مالوش مثيل ... وهو انشاء جامعة التكنولوجيا .... لأ وايه كمان .. ده كان من خططه ان يجيب كل الاساتذه

والعلماء اللي اشتغلوا معاه واللي يعرفهم يدرسوا فيها ... انتو متخيلين ده معناه ايه !!! معناه ثروة علمية محصلتش في مصر ولا هتحصل

لدرجة ان الجامعة الأمريكية في مصر سعت بكل السبل انها تتبني المشروع لكن دكتور زويل رفض .. وقال انها جامعة مصرية وليست اميريكية

كان رد الحكومة ايه !!! عندك حتة أرض في أكتوبر روح ابنيها !!!

طبعا لا تعليق !!!

احنا كلنا عندنا استعداد ... وكل مواطن صالح شريف بيحب بلده عنده استعداد ... بس يا تري الحكومة عندها استعداد !!! هتسيبنا نعمل خير لبلدنا بجد !!!

هو ده السؤال اللي لازم يتجاوب عليه ؟؟؟؟

تحياتي

تم تعديل 31 مايو 2010 بواسطة INVESTOR

[jasmin hamed]

سوال غريب قوى ذى كده لو سالتنى هتدى ايه لامك

اكيد هحاول اخد بالى منها فى مرضها

اكيد هحاول اخد بالى من ولادى ذى ماخدت بالها منى

وذى امى مصر محتاجه انى افكر فى اخواتى الصغيرين الى لسه بيتعلموا

و ذى امى لازم افكر فى اخواتى المرضى ازورهم اساعدهم قد ما اقدر

, و ذى امى لازم اشرفها عشان محدش يقول مصر معرفتش تربى

بس انا كده مش هبقى بدى مصر حاجها عشان ذى امى عمرى ماهوفيها حقها و لا الى عملته و الى هعمله يوازى حاجه من الى عملته

مره قريت مقال لابراهيم عيسى كان بقول فيه مصر مش اجمل بلد فى الدنيا و ان احنا كان بيضحك علينا فى المدرسه بان مصر مافيش ذيها و لا قبلها

بعد ما قريته بصيت لامى

يمكن امى مش اجمل امراه فى الدنيا يمكن فى امهات تانيه اغنى و اجمل شعرهم اصفر و عيونهم زرق

بس امى هى اجمل ام فى عينى عشان هيه امى انا شايفها بعينى انا عين بنتها

اذاى حد يسئل هدى ايه لمصر ماينفعش اديها من الى هو ملكها اصلا

[فركيكو]

سؤال جميل مقدرتش اعدى من غير ما أرد علية !

بس للأسف الرد هيكون بسؤال تانى !!!!!!!!

هوة لسة فية اية ماخديتهوش منى مصر ؟

أو بمعنى أصح اية اللى باقى علشان تأخدو مصر ؟

[صبح]

أنا آسف جدا

مصر ما خلتليش حاجة فاضلة علشان أديها

هيا أخدت مني كل حاجة حلوة

ما فاضليش غير الحاجات المرة التي أتذوق طعمها كل يوم لو ترضى تاخدها تتفضل

تم تعديل 31 مايو 2010 بواسطة صبح

[ابو محمد بن مصطفي]

متقلش ايه ادتنا مصر قول حاتدي ايه لمصر (دي الاغنية)

متقلش ايه حاتدي ايه لمصر قول مصر ادتنا ايه (دي الواقع)

ضرايب ودفعت اول باول

جيش واديت الخدمة

التعليم في المدارس الخاصة

العلاج علي النفقة الشخصية

شقق خاصة

مستقبل مجهول

سؤال هل الانتماء لابد له من عطاء متبادل بين الطرفين؟

اكيد ايون طبعا

العنوان دي فكرني باعلان مالي شوارع القاهرة الان لاحد البنوك الاعلان بيقول

ليه بتحب مصر

[pocy]

معلش يا جماعه كلامكوا والله أثر في قوى لدرجه انى مش عايزه اقول خلاص مصر ازاى طردتنى ويمكن انا حكيت الموضوع ده قبل كده فازاى اقدر اديها وهى اللى رمتنى بره حضنها وعرتنى فى الشتا

بصوا من الاخر كده انا مش هقدر اديها حاجه لان اللى كنت ناويه اديهولها هى رفضته منى وطردتنى كمان

سلام مؤقت الله يسمحكم قلبتوا على المواجع

[اغابي]

لاء - حرام عليكم يا جماعة مش للدرجة يعنى - ايه الكلام داه ...

اللى ما عندهوش حاجة يقدمها - يقول كلمة طيبة احسن

بوسي ايه حكايتك شوقتبنى اعرفها

- حابعتلك على الخاص تحكيلى او ابعتيلي اللينك اللى اتكلمتى فيه عن الموضوع قبل كدا وانا ارجعله .

بس ضرورى اعرف ايه معنى كلمة طردتك - مش فاهمة bv:- ؟؟

اغابي

bv:-

[رضوي]

السلام عليكم ورحمة الله وبركاته

ياجماعة ........... بجد مصر مالهاش دعوة بكل اللي بيحصل فيها ......... مصر للاسف مفعول به ليس فاعل

وبعدييييييييييين ......... ليه هنقلب المواجع

بس سؤال جريء جداً

ياتري يارضوي هتدي ايه لمصر ؟؟؟؟؟؟؟؟؟

- كل خير ان شاء الله

[herohero]

علاقة النسان بوطنه ليست اخذ وعطاء فمصر لاتنتظر منا ان نعطيها ما صرفته علينا

لكن بجد اللي بحسه هل مصر بتدينا الفرصة ندي يعني باستثناء الاشتراك ف الاعمال الخيرية وما شابه ومحاولة دعم من نستطيع دعمه

لكن ليس منواجبنا ان نقدم لبلدنا ماتعلمناه اليس من حقها علينا ان ننهض بها لكن ياساده المشكلة هي اننا نشعر ف كثير من الاحيان ان البلد مش عاوزانا

يعني مثلا نماذج زي فاروق الباز ومجدي يعقوب الناس ده عاوزة تدي كتير بس البلد فيه ولاد من ولادها مش عاوزين باعدينها من عيالها

اما بلدنامهما اختلفنا مع حكومتها فلازم نقدم لها كل اللي نقدر عليه ع الاقل خالص نقدم سمعه كويسة

عاوزين كده يبقى المصري يشار اليه بالبنان ده اهم شيئ

علاقة الانسان بالوطن كعلاقة الابن بامه وابيه ، يحتوينا الوطن كما تحتوينا الام ، ونتقرب للوطن عندما نراعى ونتكافل مع اخوتنا فى الوطن كما نتقرب لامنا وابينا عندما نتقارب ونتحاب ونتكافل مع اخوتنا.

وصدقنى لو قلت لك ان الاحساس بأن البلد مش عايزانا هو احساس خاطئ لان البلد لم تمنع عنا شيئ يمكن ان نحصل عليه

.

لا منعت وابسط شيئ منعت ان نقول راينا سيدي العزيز ابسط شيئ ان اشعر بتفاعل ف المكان الذي اعيش فيه لقد اختذل العديد تقديمنا لاي شيئ لمصر ف منظورمادي

التقديم امادي شيئ لا نقاش فيه ويخضع لمفاهيم التكافل الاجتماعي

لكن اليس من الجميل ان تشعر ان هذه بلدك وتستمتع لك وتاخذ ياراء الصادقين والمخلصين للبلد

الم تمنع عنا البلد حقنا ف ان نقول وتستمع لكلامنا سيدي بتطلع بطاقة انتخاب وبتلاقي الانتخابات مزورة الا تشعر بخيبة امل من هذا

عندما ترى زمرة مسيطرةع مقاليد البلد وهم فقط الاولاد المدللون لهذا الوطن الاتشعر بزعل او بعتب

الم يعاتب الكثير مننا وطنه لانه ظلم فيه الم تعاتب وطنك لما تجيب تقدير ولا تحصل ع حقك ف التعيين ف الجامعه لاسباب ليس لك دخل فيها الم تشعر بزعل وعتب ع وطنك عندما تشعر بان حقوقك ضائعه هذا ما اقصده بتحس البلد والوطن بيلفظك وهذا يحدث ممن تلاقي اسره الاب بفرق بين ابنائه وترى الابن يعتب ويتضايق لكنه مايزال يصل ابوه

هذا ما اقصده سنظل نصلك يامصر وسنظل نحب ونعطي مانملك لكن اليس من حقنا يا وطن ان تبادلنا ولو القليل ان تلقى افكارنا واحاديثنا بال الا ترغب ف سماع صوت ابنئك

وطني العزيز لقد اعطيت حبك وخيرك لقلة ولكنك نسيت الكثير من المحبين الم تصغ اليهم ولم تبادلهم نفس الشعور

ولكن سنظل نحبك ونتفانى ف تقديم مانستطيع لانك باختصار وطن

[tantrum]

لسان حال معظم المصريين يردد مع الشاعر:

مش باقى منى غير شوية ضى فى عيونى أنا هديهم لك و أمشى بصبرى فى الملكوت

..............................................................

..............................................................

..............................................................

http://www.youtube.com/watch?v=G7lWCiPcRWY

و طبعا مننساش إن مفيش أسهل من الكلام.. فبنقرات بسيطة على كيبورد أمام شاشة عريضة على مكتب فخم فى حجرة مكيفة تكون مواطن وطنى و صالح وإيجابى

تم تعديل 18 يوليو 2010 بواسطة tantrum

[Om Zayd]

السلام عليكم و رحمة الله و بركاته

لفت انتباهي ان كتيييير مش قادرين يفرقوا بين الحكومة و البلد

الحاكم المستبد اللي خد مننا كل حاجة حلوة .. والناس اللي زيي و زيك

الناس دي حتى لو تصرفاتهم مش صح و زي ما مصراوية بتقول "بتحركهم غريزة البقاء" .. فده شيئ طارئ و بإيدينا نغيره

[ابو محمد بن مصطفي]

للرفع

اظن ان مصر بعد 25 يناير غير مصر قبل 25 يناير

واكيد كمان مداخلات ما قبل 25 يناير هتختلف عن مداخلات بعد 25 يناير

لقد رحلت العصابة التي كانت تغمض اعيون المصريين عن كل جميل في هذا البلد الطيب

لقد ضحي الشباب بارواحهم من اجلها ..... العروس الجميلة ..... بلدي مصر

مصر رجعت تاني لينا مصر الطاهرة النقية ... الخالية من الفساد

مصر بقت بلدنا يا جدع

تم تعديل 17 فبراير 2011 بواسطة ابو محمد بن مصطفي

[الباشمهندس ياسر]

تحيا مصر