رحلتي الى كندا

[hosiny]

طيب هيتأكدوا ازاي من صحة الشهادات خاصة الجامعية بدون اعتماد السفارة الكندية بناء علي ختم الخارجية المصرية ولا الموضوع ثقة و لا ايه؟

[moheltohamy]

طيب هيتأكدوا ازاي من صحة الشهادات خاصة الجامعية بدون اعتماد السفارة الكندية بناء علي ختم الخارجية المصرية ولا الموضوع ثقة و لا ايه؟

الشهادات يا سيدي تطلعها بالانجليزي من الكلية بتاعتك وتتختم من الكلية (ختم النسر) ، وتطلع بيها على مكاتب الخارجية للتصديق عليها. وبعد كده تقدم صورة الشهادة المعتمدة دي للسفارة الكندية (من ضمن الأوراق المطلوبة في ملف التقديم للهجرة)

أما إذا كان قصدك إنك تاخدها كشهادة هتفيدك للشغل أو إكمال الدراسة هناك ؛ فـــ ده مشوار تاني.

هتدخل على موقع http://www.wes.org وهتبعتلهم أوراقك (تشمل شهادة بتفصيل المواد اللي درستها في كل سنة من سنين الكلية ، وساعات الدراسة فيها) ، وهمه هيدرسو تفاصيل الأوراق ، وهيدولك شهادة منهم بإن البيه المذكور (سعادتك طبعاً) درس في جامعة كذا في مصر ما يعادل خريج كلية كذا في كندا بالمستوى الفلاني. وهيبعتو الرد ؛ نسخة ليك و نسخة لأي شركة أو مؤسسة تكون بتعادل شهادتك بناءً على طلبها. الموضوع ده هيكلفك حوالي 200 دولار (ممكن تدفعهم بالكريديت كارد).

وده لا يغني عن المعادلة الكندية لأي تخصص ، هوه بس بيصابورت كلامك ، وبيدي المعهد أو الكلية اللي بتقدم لها فكرة عن دراستك وتخصصك.

واحب أقول لك إن دي هتفيدك لو حبيت تقدم على تكملة الدراسة في جامعات كندا. أما لو بتفكر إن دي هتفيدك ف التقديم للعمل في أي شركة في كندا ... إنسى!

في كندا لا يعترفون إلا بالخبرة الكندية (كانيديان إكسبيريانص) ، وهتسمعها في كل مكان تروحه! حتى في معظم التخصصات اللي مش محتاجة تخصص (المبيعات مثلاً) ، هيسألوك عنها برضه!

وبالنسبة لاعتماد أي نوع م الأوراق ؛ فالسفارة الكندية بمصر مالهاش أي دور ، ولو - فرضاً - احتجت إعتماد لورقة رسمية (زي شهادة بيانات المرور مثلاً الصادرة من مصر) ، فهيطلبو اعتمادها من القنصلية المصرية في مونتريال.

أتمنى تكون الفكرة وصلت.

[Izzeddin]

السلام عليكم،

بالنسبه لي كل الاوراق التي قدمتها في ملف الهجره كانت صور و من غير اختام، ما عدا شهادات حسن السيره و السلوك من الدوائر الامنيه و شهادة ال IELTS .

و اسمحو لي الان ان اكمل لكم تفاصيل الرحله.

بعد اتخاذ القرار بالسفر و تحديد وجهتنا و هي كالغاري، بدأت بالبحث عن تذاكر السفر و اقل الاسعار و افضل طيران.

و قمت باجرآت الغاء اقامة زوجتي و ابني في قطر و من ثم قدمت استقالتي و قمت بالغاء اقامتي و بيع السياره و الاثاث، و جهزت نفسي للسفر.

سافرنا الى عمان و هنا ايضا كان لدينا خياران للسفر و اختيار خط الطيران و كان الخيار الاول (عمان-دبي-تورونتو-كالجاري) و الخبار الثاني (عمان-مونتريال-كالجاري) و قد اخترنا الخيار الثاني و كان الحمدلله خيار موفق.

اخترت السفر على خطوط الملكيه الاردنيه بدون توقف من عمان الى مونتريال و كون الرحله طويله تستغرق حوالي 12 ساعه، قررنا البقاء ليوم واحد في مونتريال و من ثم متابعة السفر في اليوم التالي الى كالجاري.

طبعا كان لا بد من البحث في الانترنت عن فندق قريب من المطار في مونتريال و كذلك عن سعر مناسب، و قد وجدت فندق مناسب بسعر مناسب في غرفه كبيره بسريرين مزدوجين فقط ب 145 دولار شامل الضريبه.

سافرنا من عمان الساعه 2:30 صباحا و و صلنا مونتريال الساعه: 7:15 صباحا بتوقيت مونتريال.

لحسن الحظ لم يكن المطار مكتظا في ساعات الصباح الباكر، اعطونا نموذج لتعبأته و من ثم ذهبنا الى ضابط الجوازات و تأكد من جوازات السفر الخاصه بنا و اوراق اللاندينج اللتي وصلتنا مع التأشيرات.

و طلب منا التوجه الى مكتب الهجره، هناك قامو بتدقيق الاوراق و الجوازات و سألونا اسئله بسيطه وهي اذا ما حصل اي تغيير على وضع العائله و اذا كان اي منا تم توقيفه لاي سبب من الاسباب، بعد ذلك وقعنا على اوراق اللاندينغ و اعطونا الاوراق الخاصه بال SIN Card و Child Tax Benefit و ختموا جوازات السفر بختم الدخول و ثم توجهنا الى الجمارك customs و انا كنت قد جهزت النموذج الخاص بتعبأة ما نحمل و ما قد يتبع في الشحن لاحقا. http://www.cbsa-asfc.gc.ca/E/pbg/cf/b4/b4-07e.pdf و http://www.cbsa-asfc.gc.ca/publications/fo...ulaires/b4a.pdf

و هذا هو الموقع الرئيسي لدائرة الجمارك. http://www.cbsa-asfc.gc.ca/publications/he...jet/10-eng.html.

ختموا الاوراق و اعطوني نسخه عنها و دخلنا كندا، كل هذا لم يستغرق اكثر من 20 دقيقه.

اعذروني سوف اتابع غدا انشاء الله.

الى اللقاء

[Automatic]

السلام عليكم ورحمه الله.

الاخت المصريه هل حضرتك في كندا وللا لسه مستنيه الفيزا زي حالاتنا.ولوكنتي هناك هل عندك اي معلومات بخصوص العمل في شركات الادويه في كندا ؟وشكرا

مؤهلاتك ايه؟

في موقع علي الأنترنت بيساعد في رد علي المستقبل في عديد من المهنات و المرتبات اللي تتوقعها:

http://www.jobfutures.ca

فمثلآ لو بحثنا علع Pharmacists بنجد:

http://www.jobfutures.ca/noc/3131p4.shtml

ألمرتب : $32.47 بالساعه

نسبه البطاله في هذه المهنه: صفر

أو Medical Technologists and Technicians :

http://www.jobfutures.ca/noc/321p4.shtml

المرتب: $21.87 بالساعه

نسبه البطاله: 2%

أو Chemical Technologists and Technicians

http://www.jobfutures.ca/noc/2211p4.shtml

المرتب: 21.05 بالساعه

نسبه البطاله: 4%

الموقع في معلومات أكثر من بكتير و كل اللي عليك انك point and click

أنا عندي أسأله لك..........و سبحان الله كنت راجع البيت بفكر يا تري في حد حيعرف الرود!

أنا بأبحث في تصدير الأدويه و بالذات فيتامين لمصر ..........

1- مين الي بيشتري الفيتامين و مين بيشتري الأدويه, شركات خاصه ولا مستشفيات ولا وزاره الصحه؟

2- فين أجد شروط أستيراد الأدويه و الفيتامينات لمصر؟

3-كم سعر :

1,000 Vitmain C

Balanced Vitamin E 400 IU Complex

Beta-Carotene 10,000 IU

[hosiny]

شكر خااااص جدا جدا للاستاذ محمد التهامي علي رده الذي اراحني حيث اني كنت ابحث منذ فترة عن اجابة صريحة و قوية لهذا السؤال

ربنا يبارك في حضرتك

تم تعديل 18 يونيو 2008 بواسطة hosiny

[samehelassad]

الاخ اتوماتيك تسلم ايديك على الرد بتاعك الله يخليك ويجعلة في ميزان حسناتك اخيلرا لقيت حد يرد عليا.

بالنسبة لتصدير الادوية لمصر او الفيتامينات ودية طبعا قبل ما تنزل السوق المصري لازم تتسجل في و في وزارة الصحة في مصر اما كمكمل غذائى او كدواء

طبعا مدة التسجيل كدواء اكتر بكتير من تسجيل الفيتامينات دي كمكمل غذائى او زي مابيقول food suplementبالنسبة للتسجيل لازم بيكون الطالب للتسجيل شركة ادوية مصرية ومعاها عقد وكالة من الشركة الكندية لاستيرات الادوية دية وبيعها وتسويقها في مصر.

انا مش عاوز اقولك انصحك بعمل الموضوع دة ولا لاء. بس اقدر اقوللك ان الفيتامينات في مصر المتسجلة واللي في السوق كتيييييير قوي وحاليا بقو يصعبو الامور جامد والرشاوي بتلعب دور في الموضوع دة بردة وقبل نهاية الترخيص بيكون في لجنة تسعير مش بتسعرة على مزاجك ودية ممكن فاجئة تلاقيثها بتؤللك عشان تدخلة في السوق المصري لازم يكون بالسعر الفلاني وتلاقي السعر دة يخسرك فمتعملش حاجة وتبقى خسرت فلوس اجرائات التسجيل والوقت.

في دلوقتي في مصر شركات متخصصة في تاليف ادوية وتسجيلها في وزارة الصحة ويبيعو الرخص للي عاوز يشتريها ويشتغل في مصر.

ارجو اكون افادتك

[hosiny]

سؤال تاني؟

هيا شهادة حسن السلوك اللي هيا الفيش و التشبيه وشهادة الجيش بيطلعوا من هنا عربي وهما بيكونوا عايزينها انجليزي و الاصل ....ازاي بقي؟؟؟ اترجمها يعني ولا ايه؟؟

وبعدين هما المترجمين المعتمدين دول اعرفهم ازاي و يعني ايه معتمدين؟؟؟ يعني معتمدين من السفارة الكندية بمصر ولا ايه؟

تم تعديل 19 يونيو 2008 بواسطة hosiny

[moheltohamy]

سؤال تاني؟

هيا شهادة حسن السلوك اللي هيا الفيش و التشبيه بتطلع من هنا عربي وهما بيكونوا عايزينها انجليزي و الاصل ....ازاي بقي؟؟؟ اترجمها يعني ولا ايه؟؟

وبعدين هما المترجمين المعتمدين دول اعرفهم ازاي و يعني ايه معتمدين؟؟؟ يعني معتمدين من الخارجية ولا ايه؟

بص يا حسيني أفندي

فيه أوراق بياخدوها ف السفارة الكندية بالقاهرة من غير ترجمة ؛ زي شهادة الجيش ، والفيش والتشبيه ؛ تسلمهالهم عربي زي ما هيه كيداهوه ، وبياخدوها أصول (شهادة الــ IELTS والــ TEF برضه نسيت أقول لك برضه بياخدو الأصول ، وتفضل الأخ عز الدين صاحب الموضوع وفكرني).

وبالنسبة للمترجمين ، يكونو معتمدين من السفارة الكندية. إشتري دماغك ، وروح لفؤاد نعمة في مصر الجديدة أدام الحرية مول (الكربة - عند الكاتدرائية اللي ف وسط الشارع هناك دي) ، أوصل بس انتا للمول ، واسأل أي عيل تايه حتى هناك ف الشارع ، وهمه هيشاورولك ع العمارة اللي هوه فيها. هوه كان بياخد في ترجمة الورقة 150 جنيه أيام ما قدمت.

وبالمناسبة ، ترجمة شهادة الخبرة - لو هتترجمها عنده - المفروض تكون اعتمدتها من الخارجية قبل ما تروح له ، وبيدبس لك الترجمة ف الأصل. وانتهى الموضوع على كده.

أما بالنسبة لشهادة الميلاد ، بتطلعها إنجليزي من وزارة الصحة في ش مجلس الشعب.

وشهادة الزواج ، بتطلع إنجليزي من وزارة العدل في لاظوغلي (بيجيبو الأسماء الغريبة دي منين!). :happy:

وبااااس يا سيدي.

تم تعديل 19 يونيو 2008 بواسطة moheltohamy

[الأهلاوي الأصيل]

معلش سؤال

إزاي شهادة الجيش تبقى أصل والواحد معندوش غير شهادة واحدة

نفس الحكاية ال IELTS الواحد ممكن يحتاجها في كذا مكان ، إزاي بياخدوا الأصل ، وكذلك شهادات الخبرة..دا الواحد بيطلع الشهادة الواحدة بالعافية وفيه شهادات خبرة فات عليها سنين...لو الواحد اداهم الأصل يقدر يجيب غيره منين؟

تم تعديل 19 يونيو 2008 بواسطة الأهلاوي الأصيل

[khaledmohammed]

لي سؤال واتمنى ان تساعدوني .. إن شاء الله بأقدم على أوراق الهجرة وأنا أعمل محاسب ولكني بعد ما حسبت نقاطي ولقيتها 67 نقطة بالظبط وهي المطلوبة تماما.. كانت نقاط زوجتي 76 ولكنها في أجازة لرعاية ابنتنا من سنتين أي ليس لها راتب سنوي الآن (لكي تكتبه في أوراق الهجرة ) كما انها بتشتغل بشهادة دبلوما هي عملتها لمدة سنتين بعد البكالوريوس وليست بشهادة البكالوريوس الأصلية . هل يؤثر فرق النقاط على تقديم الأوراق ؟ فأقدم الأوراق بإسم مين فينا ؟؟؟

[moheltohamy]

شكلنا كده مش هنقوم نطبخ لنا لقمة ناكلها بالمنظر ده...

نعم يا ولاد... محتارين ليييه بس؟!

معلش سؤال

إزاي شهادة الجيش تبقى أصل والواحد معندوش غير شهادة واحدة

نفس الحكاية ال IELTS الواحد ممكن يحتاجها في كذا مكان ، إزاي بياخدوا الأصل ، وكذلك شهادات الخبرة..دا الواحد بيطلع الشهادة الواحدة بالعافية وفيه شهادات خبرة فات عليها سنين...لو الواحد اداهم الأصل يقدر يجيب غيره منين؟

بص يا سي أهلاوي... شهادة الجيش تقدر تطلّع مستخرج منها ، وتقدمه سعادتك للسفارة. وأكيد عارف طبعاً ، المستخرج زيه زي الأصل ، وما فيش فرق كبير بينهم بالمناسبة!

والمستخرج بتطلعه من السجلات العسكرية في امتداد عباس العقاد بعد الحديقة الدولية ، بس همه هيحتاجو منك ورقة من مكتب التجنيد اللي سكنك طالع منه ، مش فاكر كان رقمها كام الاستمارة دي. إسأل في مكتب التجنيد ف قسم الشرطة اللي جنبك.

وبالنسبة للــ IELTS فدي سهل تطلب من المركز الثقافي البريطاني نسخة تانية ، وتدفع مصاريفها ، وهمه اللي بيبعتوها بالبريد للمكان اللي تحدده (منهم ليهم). يبقى برضه مش مشكلة.

ثم سيادتك مش هتحتاجها غير للهجرة (كندا - أستراليا - نيو زيلاند). ودي زي ما قلتلك ، الكاونسل هتتصرف وتبعتلهم.

ولو هتحتاجها عشان تكمل دراستك ، يبقى فشنك يا ريس ، لأن الدراسة (البلاب مثلاً) بتحتاج الأكاديميك آيلتس مش الجينيرال!

بالنسبة بقى لشهادات الخبرة ، المفروض من حقك تطلع شهادات خبرة زي مانتا عاوز. أنا مثلاً باروح للمديرية (الحاكومة!) وباطلب شهادة خبرة ، وبتطلع بكل بساطة. ولو رحت تاني يوم (معلش أصلها ضاعت) ، هيطلع غيرها... أنا حر!

أما بالنسبة للشركات الخاصة ، أعتقد المفروض الحياة بتكون أبسط ، والمفروض ما يكونش فيه تعقيدات.

ولو فيه بقى... أهوه ده نظام السفارة ، مالناش يد فيه!

ومش هتحتاج شهادات الخبرة دي تاني هناك على فكرة ، ولا ليها لزوم خالص! ده طبعاً لو كنت جااد في مسألة الهجرة لكندا.

لي سؤال واتمنى ان تساعدوني .. إن شاء الله بأقدم على أوراق الهجرة وأنا أعمل محاسب ولكني بعد ما حسبت نقاطي ولقيتها 67 نقطة بالظبط وهي المطلوبة تماما.. كانت نقاط زوجتي 76 ولكنها في أجازة لرعاية ابنتنا من سنتين أي ليس لها راتب سنوي الآن (لكي تكتبه في أوراق الهجرة ) كما انها بتشتغل بشهادة دبلوما هي عملتها لمدة سنتين بعد البكالوريوس وليست بشهادة البكالوريوس الأصلية . هل يؤثر فرق النقاط على تقديم الأوراق ؟ فأقدم الأوراق بإسم مين فينا ؟؟؟

ويا عم خالد :

صاحب النقاط الأعلى ، والأوراق الأسهل (اللي ما تعملش مشاكل) هوه اللي يقدم برينسيبال أبليكانت ، والتاني هيكون الديبيندانت.

والــ 67 نقطة كافيين جداً ، وده كان السكور بتاعي بالمناسبة! والــ 67 زي ال99 نقطة! الـ 67 ناجح وهيسافر بعد فترة البروسيسينج ، وكذلك أبو 99. بطلو التفكير المصري بتاعنا ده ، ودرجات المستوى الخاص ، وتحسين المجموع دي! :happy:

وبالنسبة للمدام - لو عاوزها هيه اللي تقدم - ، هتقدم شهادة البكالوريوس + شهادة الدبلومة ، وشهادات الخبرة بتاعتها (المفروض في خلال آخر 10 سنين - يعني مثلاً ؛ لو معاها شهادات الخبرة 4 سنين في خلال آخر 10 سنين هتاخد 21 نقطة)

والمفروض الشغل ده يكون مدفوع (مش تطوعي يعني) ، أما بتاخد كام بأه ؟ الله يسترك ، بلاش فضايح! ربنا أمر بالستر! :blush2:

وزي ما قلتلك ، اللي أوراقه سهلة ، ومش هتجر وراها أسئلة واستفسارات ، يقدم!

هوه خلاص ، من كتر تساهيل ربنا محتارين مين فيكو اللي يقدم؟! ما تراعو مشاعر الغلابة التانيين اللي مش عارفين يلمو الـ 67 نقطة اللي مطلوبين! wst::

وبالتوفيق مقدماً

[khaledmohammed]

والله يا عم التهامي الواحد مش عارف يرد جمايلك ازاي clp:: ... ريحت قلبي روح يا شيخ ربنا يريح قلبك ويكرمك و لما اوصل عندكو :happy: سنة 2011 إن شاء الله لك عندي أحلى صينية بثبوثة بالعثل والثكر من عمايل ايديا وحياة عنياومعاها حاجة ساقعة كمان

وبعدين قولي انت عرفت ازاي ان كان نفسي اوي احسّن مجموعي في الثانوية العامية wst:: تعرفليش مدرس خصوصي كويس :wub: ده انت مكشوف عنك الحجاب باين عليك :lol:

وبعدين أنا شامم كده ريـحة قر في موضوع الدرجات مش عارف ليه :blush2:

ربنا يكفينا شر جار له عيووووون mfb: wst::

دعواتي لك بالتوفيق bv:-

[hosiny]

بس موضوع شهادات الخبرة ده اللي هتتاخد بجد رخم.....انا شبه مستحيل اني اقدر اجيب شهادات الخبرة دي تاني و لو فكرت ارجع الخليج تاني بعد ماخد الجنسية هاحتاجها.....مفيش حل تاني؟؟؟؟؟؟؟؟؟؟؟؟؟؟ يعني لو مكتب الترجمة ده معتمد يبقي لزومه ايه ياخدوا اصل شهادات الخبرة؟؟؟؟

ياريت يا جماعه حد يعرف اي حل للموضوع ده يفيدنا بيه

وشكرا يا حج تهامي علي تنويرنا وتفتيح عينينا علي الحجات دي و ياريت تدينا بردو من خبرتك في الموضوع ده و تعمل موضوع خاص بحضرتك علشان الكل يستفيد

[مسافرة]

السلام عليكم و رحمة الله

الاخ Izzeddin

اولا حمد الله على السلامة

حضرتك بتقول انك لم تصدق اى شهادة ؟ يمكن عشان حضرتك قدمت من زمان و كانوا مش بيدققوا ولا لغاية دلوقت التصديق مش ضرورى ؟ انا شهادات الخبرة بتاعتى من قطاع خاص و عملية تصديقها فى الخارجية معقدة جدا !! و محتارة فعلا اعمل فيها ايه خاصة ان اتقال لى ان التصديق من الخارجية اساسى!!

هل اتوكل على الله و ابعتها من غير تصديق و يمكن يعدوها ؟

شاكرة ليك حسن تعاونك و مشاركاتك المفيدة و فى انتظار المزيد

[samehelassad]

الاخت مسافرة انا عاوز اقولك اتطمني خالص انا مقدم عن طريق محامية كندية الاصل وعايشة في مونتريال وهي اللي خدت اوراقي زي ماهي كل اللي عملتة اني ترجمتها من مكتب ترجمة معتمد والكلام دة كنت انا في السعودية وبعتلها كل الورق مترجم وهي قدمتة زي ماهو ولا تصديق ولا وزارة الخارجية ولا سفارة كندا ولا حاجة واخدت فايل نمبر بعد ماقدمت باسبوعين يعني مفيش مشاكل

روحي قدمي ورقك بعد ماتصلي استخارة في موضوع الهجرة وربنا يعملك الخير

[مسافرة]

الاخت مسافرة انا عاوز اقولك اتطمني خالص انا مقدم عن طريق محامية كندية الاصل وعايشة في مونتريال وهي اللي خدت اوراقي زي ماهي كل اللي عملتة اني ترجمتها من مكتب ترجمة معتمد والكلام دة كنت انا في السعودية وبعتلها كل الورق مترجم وهي قدمتة زي ماهو ولا تصديق ولا وزارة الخارجية ولا سفارة كندا ولا حاجة واخدت فايل نمبر بعد ماقدمت باسبوعين يعني مفيش مشاكل

روحي قدمي ورقك بعد ماتصلي استخارة في موضوع الهجرة وربنا يعملك الخير

الف شكر يا دكتور سامح.. ربنا يطمنك .. انا الحقيقة فعلا استخرت ربنا و قدمت من 8 شهور ( يعنى اكتوبر 2007)

و دلوقتى بجمع الورق .. لان نظام التقديم simplified الحالى ابليكيشن فقط و الورق يرسل بعدين لما يطلبوه ان شاء الله..

انا قرات مشاركتك الاخرى بخصوص حيرتك فى موضوع الهجرة . ورايى الشخصى ان تواصل الرحلة بالاتكال على الله عز و جل.. ماحدش عارف رزقه فين .. و على اسوأ الفروض لو احنا ماستفدناش زى ما كتير من الناس بتحذر, كفاية ان اولادنا مستفيدين و كفاية ان متوفر لهم تعليم راقى مش حندفع فيه حاجة.. ما هو برضه كل المتغربين فى الآخر كل اللى بيعملوه هو الصرف على تعليم الأولاد و شراء شقق فى مصر راقية جدا بالمواصفات المصرية, فى حين ان نفس مستوى السكن ممكن الحصول عليه فى كندا حتى لمتوسطى الدخل.

[hosiny]

يعني يا استاذ سامح مخدوش منك اصول شهادات الخبرة و الجيش و ماحتجتش انك تطلع قسيمة جوازك بالانجليزي من مصر و لا شهادات ميلادك انت و الاولاد انجليزي من مصر؟؟؟

طمنا ياريت و ياريت تدينا تفاصيل الورق اللي اتطلب منك بالضبط....معلش انا عارف بنتقل عليك

[samehelassad]

السيد الفاضل تسلم ايديك على ردك وربنا يجيب لينا الخير ويدينا على قد نوايانا.

اما بالنسبة لورقي السفارة مخدتش اي اصل الا شهادة الفيش الجنائي من مصر والسعودية واي بلد قعدت فيها فترة اكتر من ست شهور بعد تمامك 18 سنة. وشهادة الايلتس بتاعة المعهد البريطاني. بس مش اكتر وشهادة الجيش ولا طلبوها حتى ميلزمهمش خلصت جيشك ولا لاء.

[samehelassad]

لو عندك ايها السيد الفاضل الحسيني اي استفسار تاني تفضل وربنا يقدرني واساعدك انا معاك على السايت دلوقتي

[hosiny]

سامح باشا لو ممكن اخد الايميل بتاعك علي الخاص؟؟؟؟