أنا المصري *كتاباتي*

[LioRomio]

أول مشاركة ليا على المنتدى الكريم اللي كان هيحصلي حاجة لما لقيت الأكتيفيشن متبعتش حقيقي

سلامو عليكم

كنت متشوق اني أبدأ هنا بعد مروري بجولة قصيرة في منتدى رأيته مثالا للاحترام والحب والإخاء..

امل أن تعجبكم كلماتي المتواضعة..

ومستوايا الشعري اللي على قدي ....

ويارب نكون ضيف خفيف عليكم...

أنا الـــمـــصــــــــــــــــــري

أنا المصري عايش بقالي سنين

أنا المصري كتيردموع العين

أنا المصري معارفش رايح فين

من كتر ما ولاد الايه مصمصوا دمي

أنا اللي بنى اهرماته ما في لها مثيل

أنا اللي عايش حياته لا كدب ولا تدجيل

أنا اللي كنت حاكم بين قصرين

لحد ما ولاد الايه وهنوا عضمي

أنا اللي شربت مالنيل

وشربت من مر العذاب ألوان

أنا اللي سهرت في الليل

من كتر عذاب و قسوة الحرمان

والسبب معروف مين اللي جاب همي

زجال على باب الله باكتب أغانيا

باقول أشعار على اللي اتعمل فيا

ومش زي اللي عالبر هما المراكبيا

والكل بقى عارف ليه القرف يمي

لا في عشق فالح ولا ف غنى ولا ياللي

ياللي ديارك بعيده سمي وصلي

هتحمد كده ربك عاللي حصلك

لو كنت تعرف يوم ايه اللي حاصلي

مين يبات شايف ظلم وينام مرتاح

ازاي يحس في صدره أي براح

وازاي بقى السوط ميسبش أي جراح

وازاي أكون مبسوط من دون ولاد عمي

وصدق حبيبي يوم ما قال

أنا المصري كريم العنصرين

والباقي ناس تانية عيني مش تمليّ

[المنصوراوى]

بارك الله فيك احساس رائع

بس كبر الخط شويةبالعافية قتدرت اقرا

انا عاوز حق كشف العيون :h!!!h: ش