دجاج كنتاكى !!!

[om marawan]

http://www.youtube.com/watch?v=HP8Q7ZN1IkQ...feature=related

اللينك ده جالى على الايميل عن طرق التعامل مع الدجاج اللى بيستخدم فى مطاعم كنتاكى ويمكن يكون الموضوع نوقش قبل كده فى المحاورات ..مش عارفة

الايميل بيذكر كمان الحملة الى مقاطعة المطاعم دى من قبل الأمريكان للطرق الوحشية اللى بيتم التعامل بيها مع الدجاج المستخدم

الحقيقة الموضوع خلانى أقرر انى ماشتريش غير زى زمان فرخة مدبوحة قصاد عينى :lol: بجد لنى شكيت فى كل انواع الفراخ المجمدة

انا مش عاوزة أروج لشىء مش متاكدة منه فأرجو من الزملاء اللى عنده تفاصيل اكتر يفيدنا بيها

[~Heba~]

شوفى و انا بتصفح المحاورات ولمحت عنوان موضوعك كنت بتصفح موقع اليوتيوب و فاتحة لنك المقطع ده

صراحة عملية تعذيب و تنكيل بخلق الله بشعة فعلا

وانا اتعودت فى الحاجات دى انى آخد موقف محايد

الموضوع ممكن يكون حقيقى او دعاية سلبية من شركات منافسة

ليس هناك دليل واضح ان المقطع تم تصويره فى مزارع كنتاكى

للعلم سمعنا قبل كده انها مهجنة و معدلة وراثيا

تم تعديل 17 يونيو 2008 بواسطة ~Heba~

[om marawan]

الموضوع ممكن يكون حقيقى او دعاية سلبية من شركات منافسة

ليس هناك دليل واضح ان المقطع تم تصويره فى مزارع كنتاكى

للعلم سمعنا قبل كده انها مهجنة و معدلة وراثيا

بالظبط ياهبة والله مافيش دليل على انها فى شركة كنتاكى أو هى حتى المزارع الموردة للمنطقة العربية

ده غير ان موضوع الدعاية من الشركات المنافسة ده وارد جداااااا والموضوع بيوصل لشبه حرب اللى هو كل شىء مباح

الحقيقة انا كمان بيجيلى ايميلات كتييير اوى من النوع ده وباتجنب التطرق ليها او ارسالها لأى حد (فوروارد) عشان كده انا بأكد تانى انى ماعرفش مدى صحته ونشرته يمكن حد يكون عنده معاولمات من زملاءنا فى أمريكا عن الموضوع ده

[علي البدري]

يا جماعه بالعقل كده هل هذه الدجاج بتيجي من امريكا ...... يا جماعه هذه فراخ مصريه والمورد شركه داله في مصر والبطاطس فارم فريتس برضه انتج شركه داله

تم تعديل 25 أغسطس 2008 بواسطة علي البدري

[ابو محمود]

بصراحة لولا الخلطة اقصد اللبخة بتاعتهم كانت تظهر الطعم الحقيقى للفراخ كنتاكى وبعدين لية الناس معظمها مش بتبص كويس الوراك تكون فيها بقع سوداء دليل الدماء ويتم تدبيلها وكرمشتها فلا تظهر الا كسواد بجوار العظم وبرضو الناس بتاكل احيانآ الناس بتاكل من كنتاكى علشان كنتاكى يعنى منظرة وتنسى وتتناسى التعرض للمواد المصنع منها الطعام ويجعلة عامر وتعيش مصر حرة مستقرة

[عادل أبوزيد]

أستمتع جدا بدجاج كنتاكى طوال الخمسة و الثلاثون سنة الماضية بل أطلب من زوجتى أحيانا طهو الدجاج بطريقة كنتاكى - طبعا هناك فارق يرجع لنوع التوابل - و أعرف طريقة إعداد دجاج كنتاكى.

ما سبق كان إستهلالا لابد منه

يتم تقطيع دجاجة كنتاكى - قبل الطهى - إلى تسع قطع بالضبط و يتم تتبيلها بما يسمى الخلطة السرية و هى نفس الخلطة فى مصر أو نيويورك أو موزمبيق ثم يتم طهيها فى قدور ضغط خاصة عند درجة حرارة معينة و لفترة محددة.

و تقوم الشركة بالتفتيش على مطاعمها بطريقة دورية للتأكد من تطبيق نفس الطريقة !! و قد لاحظت أن الطعم غير الذى تعودت ثم عرفت أن العاملين فى هذا المطعم تصرفوا من عندياتهم و غيروا فى طريقة الطهى و أظن وقتها تم تغيير كل العاملين فى المطعم.

كتبت ما سبق فقط لأوضح أن النجاح يتطلب عملا جادا و مستمرا

و للعلم ليس لى أى علاقة بمطاعم كنتاكى سوى أنى "أستطعمها"

[~Heba~]

يا جماعه بالعقل كده هل هذه الدجاج بتيجي من امريكا ...... يا جماعه هذه فراخ مصريه والمورد شركه داله في مصر والبطاطس فارم فريتس برضه انتج شركه داله

ملحوظة تستحق التقدير

طبعا اغلب دعوات المقاطعه تقابل بأن العاملين فى كنتاكى مصريين و اغلب ربحها بيروح لايدى مصرية و ده يدعونى للتسأؤل هل اللى عمل فرع كنتاكى هنا و هنا فى مصر اشترى مجرد الاسم و العلامة التجارية؟؟؟

بالنسبة لكوكاكولا المصانع فى مصر لها حق التعبئة و لا نعلم اين تصنع

كمان خلطة كنتاكى دى (بلاش الفراخ)مصنعه فى مصر و بايدى مصرية؟؟؟ ما هو كده يبقى المفروض اسمه الحج فرج الله مش الحج كنتاكى :D

أستمتع جدا بدجاج كنتاكى طوال الخمسة و الثلاثون سنة الماضية بل أطلب من زوجتى أحيانا طهو الدجاج بطريقة كنتاكى - طبعا هناك فارق يرجع لنوع التوابل - و أعرف طريقة إعداد دجاج كنتاكى.

ما سبق كان إستهلالا لابد منه

استاذ عادل اسمحلى اغبط حضرتك على ثقتك العمياء فيها<<واضح ان حضرتك لا تعتقد فى نظرية المؤامرة

انا اى حاجة داخل فيها اسم امريكا مش بستريح لها

دا حتى تكنولوجيا مايكروسوفت اللى بدرسها مش مطمنة لها :)

طب بتدرسيها لييييه :D

[عفاف سالم]

أنا كنت من محبي كنتاكي بس لاحظت حاجة في السنوات الأخيرة ان الدجاج مش طبيعي خالص عامل زي الكلكيعة بالضبط لا طعم ولا لون ولا ريحة لولا التتبيلة اللي عليها مدياها شوية طعم ده مستحيل يبقى لحم دجاج طبيعي هو اقرب للشيء المصنع ، والله أعلم . مع ملاحظة اني بتكلم عن كنتاكي اللي في السعودية لأن كنتاكي مصر انا جربته مرة واحدة ولاقيته أفضل حالاً.