كيف أصبح رجل اعمال معى 1000 جنيه و عمرى 20 سنه

[الباشمهندس ياسر]

[

حضرتك غاوى تتعبنى بقى؟ :blush2:

انا قلت فى اول كلامى... لو انتا عايز تحوش, هتحوش!

و عموما.. انا رأيى من رأيك.. و لكن بدون اسراف.. يعنى العملية متبقاش سايبة, و بعدين فيه فرق بين انك تكنز و تحوش عشان مجرد التحويش.. و انك بتعمل كده عشان هدف انك تنمى فلوسك.. و تستثمر الفلوس دى فى شىء يفيدك و يدر عليك دخل تصرف منه و تتمتع زى ما انتا عايز.

و النبى قال... اخشوشنوا فإن النعمة لا تدوم (البعض يقول انه حديث ضعيف). يعنى مش كل حاجة الواحد نفسه فيها يعملها.. حتى لو كان قادر, و إلا الدنيا دى هتبوظ بجد.

ابدا و الله .. لا اتعبك و لا حاجة

هو الكلام جاب بعضه مش اكتر

طبعا صدق رسول الله صلي الله عليه و سلم

بس متقلقش ... رجالة جد و حمل جبال ... باذن الله

[ozoozo]

كلامكم عن البورصة لعب فى دماغى بصراحة

بس انا كنت سمعت -مجرد سمع- ان المضاربة فى البورصة حرام او فيه شبه إنه نوع من أنواع القمار

حد يقدر يفيدنى فى الموضوع ده ؟

اولا... المضاربة فى البورصة حلال... مش حرام, و الله اعلم.. طالما انك مابتضاربش فى اسهم البنوك... و اسهم شركات السمسرة بتاعت البورصة. للعلم بالشىء... اغلب شركات السمسرة بتاعت البورصة بتتعامل فى الربا و لعياذ بالله.

الفتوى دى من المفتى على جمعة.. عشان بس محدش يفتكر انى بألف من عندى.

هو انا لما بشترى سهم... تفتكر انى عارف انا هكسب كام؟ و هكسب امتى؟ ممكن الواحد يكسب 20% فى خلال 3 ايام بس... و ساعات الواحد بيستنى شهر بطوله عشان يعمل 5%... و ساعات تستنى شهر و تخرج بخسارة.. يعنى الموضوع مش مضمون... على عكس فوايد البنوك مثلا اللى فيها شبهة الربا؟ لانها مضمونة؟ و الارزاق على الله.

ثانيا... اهم نصيحة انك تحط فلوس انتا مستغنى عنها... و لازم تعرف انك ممكن تخسر 10% من فلوسك فى الاول, لغاية بس ما تتعلم الحياة ماشية ازاى.

البورصة لعبة و ليها قواعد... مشيت عليها و فهمتها هتكسب... استعجلت و استنصحت هتخسر. و طبعا زى ما فيه مكسب فيه خسارة.

لازم تعرف ان مفيش حاجة اسمها ان الواحد يخسر اكتر من 20% - بحد اقصى - من فلوسه فى البورصة بأى حال من احوال... دى حاجة تقنية يطول شرحها.. و طالما انك متابع, يبقى مش هتخسر اكتر من 4% فى اى عملية باذن الله.

بالتوفيق باذن الله.

طيب ممكن مادام الموضوع قلي عن البورصه نسال سؤال كده

الرابط ده بيجيب تداولات البورصه متاخره 20 دقيقه

http://www.tegaranet.com/arabic/prices/stockMarketDaily.asp

هل اقدر افتح حساب في مصر واشتغل من خلال النت وانا بره مصر وادي الاوامر عن طريق الميل او التليفون عن طريق المتابعه من الموقع ده

[waleedss88]

رغم التحفظ على المبلغ لكن انصحك نصيحه

انسى الوظيفه تماما مهما كان مرتبك واشتغل حر وهي بداية رجل الاعمال. ستجد انجح رجال الاعمال تركو وظائف بمبالغ خرافيه او جيده لبدا بزنس من الصفر.

ايا كان تخصصك مهندس طبيب مرشد سياحي. يوجد طريق الوظيفه في القطاع الخاص وتعلي نفسك فنيا جدا. او تشتغل حر وستحتاج لمهارات تسويقه بجانب الفنيات.

ممكن تبدا دلوقتي بمشروع صغير ينمي مهاراتك التسويقيه ويضيف لك نظره واقعيه بطارية ارانب مثلا او مزرعة عيش غراب ستمر بمجوعة مشاكل ستساهم في تقويتك جدا

[اميره]

السلام عليكم

حضرتك ممكن تجرب الرابط ده وتشوف الاعلان الموجود

*************************

تم تعديل 10 يناير 2010 بواسطة عصام
تم حذف الرابط كونه نصب واضح مع حسن الظن من الإدارة بأن هذا لم يكن مقصودا

[Ambitious]

شكرا ماى يوزر نايم على توضيحك ..

على فكرة كلامك لعب زيادة كمان ودخلت على مواقع مهتمة بالبورصة اشوف ايه النظام .. بس واضح ان الموضوع كبير اوى .. تحليل فنى وتحليل مالى وحاجات غريبة كده ..

بس عموما كنت عايز اعرف هل بيبقى فى حد أدنى بتشترطه شركات السمسرة للمضاربة ولا بيقبلوا اى مبلغ ولو حتى 1000 جنيه ؟؟

[myusername]

السلام عليكم

حضرتك ممكن تجرب الرابط ده وتشوف الاعلان الموجود

*******************************

الاعلان ده نصب واضح و باين قوى!!!

انا آسف... بس مضطر ابلغ الادارة :lol:

[myusername]

كلامكم عن البورصة لعب فى دماغى بصراحة

بس انا كنت سمعت -مجرد سمع- ان المضاربة فى البورصة حرام او فيه شبه إنه نوع من أنواع القمار

حد يقدر يفيدنى فى الموضوع ده ؟

اولا... المضاربة فى البورصة حلال... مش حرام, و الله اعلم.. طالما انك مابتضاربش فى اسهم البنوك... و اسهم شركات السمسرة بتاعت البورصة. للعلم بالشىء... اغلب شركات السمسرة بتاعت البورصة بتتعامل فى الربا و لعياذ بالله.

الفتوى دى من المفتى على جمعة.. عشان بس محدش يفتكر انى بألف من عندى.

هو انا لما بشترى سهم... تفتكر انى عارف انا هكسب كام؟ و هكسب امتى؟ ممكن الواحد يكسب 20% فى خلال 3 ايام بس... و ساعات الواحد بيستنى شهر بطوله عشان يعمل 5%... و ساعات تستنى شهر و تخرج بخسارة.. يعنى الموضوع مش مضمون... على عكس فوايد البنوك مثلا اللى فيها شبهة الربا؟ لانها مضمونة؟ و الارزاق على الله.

ثانيا... اهم نصيحة انك تحط فلوس انتا مستغنى عنها... و لازم تعرف انك ممكن تخسر 10% من فلوسك فى الاول, لغاية بس ما تتعلم الحياة ماشية ازاى.

البورصة لعبة و ليها قواعد... مشيت عليها و فهمتها هتكسب... استعجلت و استنصحت هتخسر. و طبعا زى ما فيه مكسب فيه خسارة.

لازم تعرف ان مفيش حاجة اسمها ان الواحد يخسر اكتر من 20% - بحد اقصى - من فلوسه فى البورصة بأى حال من احوال... دى حاجة تقنية يطول شرحها.. و طالما انك متابع, يبقى مش هتخسر اكتر من 4% فى اى عملية باذن الله.

بالتوفيق باذن الله.

طيب ممكن مادام الموضوع قلي عن البورصه نسال سؤال كده

الرابط ده بيجيب تداولات البورصه متاخره 20 دقيقه

http://www.tegaranet.com/arabic/prices/stockMarketDaily.asp

هل اقدر افتح حساب في مصر واشتغل من خلال النت وانا بره مصر وادي الاوامر عن طريق الميل او التليفون عن طريق المتابعه من الموقع ده

ايوة ينفع تفتح الحساب فى مصر, و تشتغل بيه من برة مصر, عن طريق وضع الاوامر من خلال الانترنت.... عن طريق موقع شركة السمسرة, بس مفيش اوامر عن طريق الايميل. انا شرحت التداول الاليكترونى.

20 دقيقة فرق كبير فى البورصة... و عشان كده غالبا شركة السمسرة هتديك برنامج عشان تشوف الاسعار فى نفس اللحظة.

بالتوفيق باذن الله.

[myusername]

شكرا ماى يوزر نايم على توضيحك ..

على فكرة كلامك لعب زيادة كمان ودخلت على مواقع مهتمة بالبورصة اشوف ايه النظام .. بس واضح ان الموضوع كبير اوى .. تحليل فنى وتحليل مالى وحاجات غريبة كده ..

بس عموما كنت عايز اعرف هل بيبقى فى حد أدنى بتشترطه شركات السمسرة للمضاربة ولا بيقبلوا اى مبلغ ولو حتى 1000 جنيه ؟؟

على حد علمى... 10 الاف جنيه هو اقل مبلغ.

[اميره]

الأستاذ myusername

انا حبيت أساعد لا أكتر ولاأقل ومايخصنى بقا اذا كان نصب او مش نصب

وشكرا

[myusername]

الأستاذ myusername

انا حبيت أساعد لا أكتر ولاأقل ومايخصنى بقا اذا كان نصب او مش نصب

وشكرا

الاستاذة الفاضلة أميرة,

انا افترضت حسن نيتك, و لما عملت تقرير... طلبت من الادارة انهم ميدوكيش اى انذارات!!

و لكن هذا لا ينفى مسؤلية حضرتك على نشر لينك لشركة نصابة, و تساعديهم من غير ما تقصدى, و ممكن حد "ساذج" يصدق النصب الواضح جدا ده... و يبقى ذنبه فى رقبة حضرتك, مع ان نيتك كويسة و طيبة.

الدال على الخير كفاعله, و الدال على الشر.. ايضا كفاعله.

و اتمنى ان حضرتك متشيليش اى حاجة من ناحيتى, و لكن المصلحة العامة أولى. :lol:

[suma]

بسم الله الرحيم[

عزيزي السائل والله انت جدع ومشروع رجل أعمال جيد فالتفكير اول مراحل النجاح وانا اؤيدك حتما الجامعة لن تأخذ كل الوقت منك اذا الوقت لا يمثل لك مشكلة ومن خلال عمري الطويل رأيت مئات من شباب مثلك منهم من يقف في كافيهيتعلم فيه ومن يكون مندوب بيع ومن يعطي دروسا لابناء الحي وهكذا تمر الأيام ويتعرف على نمازج يقبل بضها ويرفض الآخر ولن تتخرج يا بني الا وانت وجدت بغيتك وهاك نموزج اعجبني :طالب في كليه العلوم قرأ عن زراعة الفطر واعجبته وطلب المهندس وتعلم منه وهو الآن ينتج وخاصة ان مشروعه لا يتطلب سوى غرفة او اقل .

جرب ياني ولا تحزن ان لم ينجح اول مشروع لك فالقادم احلى وفقك الله تعالى .

[Diab]

و دائما فاكر الجملة القديمة

لو انفق الرجل نصف ماله علي العطر فما اسرف

ما صحة الحديث التالي

(من أنفق ثلث ماله في الطيب لم يسرف)

الإجابــة

الحمد لله والصلاة والسلام على رسول الله وعلى آله وصحبه، أما بعـد:

فهذا الحديث مشهور على الألسنة في هذا العصر، وليس موجودا في شيء من كتب المتقدمين، ولهذا قال العلامة ابن باز رحمه الله: لا أصل له

http://www.islamweb.net/fatwa/index.php?page=showfatwa〈=A&Id=59991&Option=FatwaId

[ahmos1]

طيب يا سى السيد

لو 25000 نعمل إيه

[عادل أبوزيد]

موضوع قديم منذ سنة 2008 و شارك فيه كثيرين  و هو موضوع مشوق و تم رفعة مرة قبل ذلك

[kotb88]

السلام عليكم

 

مش عارف ابدأ منين .. انا صاحب الموضوع ده الموضوع ده كتبته فى 2008 وكنت عندي حماسه غير عادية وطموح كبير جدا ... كان نفسي افتح من نفس اليوزر بس مش فاكر الباسورد بتاعه وكمان مش فاكر اصلا الايميل اللى عملت منه اليوزر

المهم

انا محمد قطب فى 2008 كنت فى سنه اولى كلية وكنت بشتغل فى سيبر باخد فيه 350 جنيه فى الشهر كنت بصرف على مصاريف كليتي ودراستي وكنت فرحان اوى انى جمعت الف جنيه وكان عندي طموح كبييير اوى برغم ان كل ظروفى كانت صاعبها كان والدى مطنشني انا وولدتي واخويا الصغير من وانا فى اولى ابتدائي ولولا اشتغلت وكملت تعليمي كان زمانى شغال تباع ولا سايس ولا اي حاجه مع كامل احترامى لكل شغلانه حلال بس كنت نفسي اوى اشوف نفسي حاجه كبيرة اوى وكمان اساعد كل اللى مر بظروفى

انهرده انا محمد قطب 2015 اتجوزت وبقضي شهر عسلي بشتغل فى شركة كبيرة فى البلد مرتبي اكتر من 3500 فى الشهر الحمد لله ربنا يعلم موصلتلهاش ولا بوسطه ولا بغيره بالعكس من اول ما اتخرجت وانا روحت قدمت فى مجال السياحه وفى كل حته جاتلى شغلانه فى فندق فى الغردقه روحت اشتغلت ب400 جنيه اغسل صحون مع انى معايا شهاده فى نفس المجال ومدير المطعم نفسه ممعهوش زيها بس ميأستش فضلت ادور على شغل تانى لغاية لما راديو شاك كلمونى روحت واشتغلت سنه فى الغردقه برضو تحويشة عمرى وصلت 20 الف قولت هبدأ البيزنس الخاص وروحت حطيتهم فى البورصه وقولت اتعلم بفلوسي جات الفترة اللى قبل ثورة 30/6 خسرت نص المبلغ واضطريت اسحب النص التانى عشان كنت قابلت بنت حبيتها ووعدتها اتجوزها فرمت فى نفسي وبدات اشتغل وانمى من مهراتى وادرس عالنت لغه واقرا فى بيزنس وحاجات كتير وقدمت فى حتت كتير لانى برضو حسيت انى فى راديو شاك هقف عند حد معين شوية وكلمتنى فودافون وعملت انترفيو والناس كانت مبهورة بالشخص الطموح ده قالولى تحب تشتغل فين قولت فى شرم عشان اكون بمارس شغلانتى اللى المفروض هي التعامل مع الاجانب واكتساب لغات وكمان الوضع المادى هيبقا احسن وقررت اعمل بيزنس بعد ماخدت خبرة كبيرة فى مجالات وطرق واستراتيجيات كتير فى ظرف تلات سنين كان رصيدي من شغلى والبيزنس الخارجي 150 الف جنيه صرفت منهم 100 على الجواز واتجوزت فى نفس معاد خطوبتي بعد سنتين بالظبط باليوم والشهر كل الناس كانت شايفه انه مستحيل انجز اللى وعدت بيه فى الفترة دى سنتين بالظبط مزادوش يوم الحمد لله حتى حمايا كان فخور جدا ازاى واحد محدش ساعده بمليم وعد ووفى وان مفيش حد فى سني عرف يوصل للى وصلتله بدون مساعده من حد الوحيد صحبي الانتيم اللى عمل كده ومتجوز بمساعدات من اهله وكمان مديون للبنك ب30 الف

انهرده انا محمد قطب متجوز شقتي تمليك بنيت بيتي فى سنتين بالظبط معايا راس مال مش بطال ابدأ بيه وانا عندي 27 سنه فى عز ان كل اللى حوليا وكل اللى عرفتهم فى سني منهم اللى لسه اصلا مش عاجبه البلد وحالها وبيدور على شغل

انهرده وانا قاعد مع نفسي افتكرت زمان وايام زمان وافتكرت البوست ده وقولت اخش اشوفه لسه موجود ولا لا ولما شوفته وقريت كلام كل الناس ابتسمت وقولت اللهم لك الحمد على اللى وصلتله وبجد بشكر كل واحد حاول يديني دافعه او يتكلم معايا وربنا يجعله ليكم كلكم فى ميزان حساناتكم

نصيحتي لكل واحد فى الدنيا دي اوعى فى يوم من الايام تيأس الدنيا فى كتيبيييييييير اوى ولسه مستنياك اسعى وحط في دماغك انك تكبر مهما كانت ظروفك وساعتها هتلاقي الدنيا بتسمع كلامك غصب عنها وهتطوع كل قوتها تساعدك لان ربك هو اللى هيأمرها بكده لو شاف منك رجوله واجتهاد

[rema]

الف مبروك يا محمد

قرات البوست من اوله

انت فعلا مثال للشاب المكافح

[Guest Khalid]

Mr. Mohamed 

بعد اذنك ممكن اتكلم مع حضرتك انا عارف ان الموضوع ده اديم اوي من ١٠ سنين بس عايز اعرف حاجة 

 

[Guest يوسف]

الاسم :يوسف 

السن: ١٦سنه 

يا جماعه معلش انا عايز افهم موضوع البرصه ده وانا معيا 1000 جنيه بردو بس مش عارف اعمل بيهم ايه وخصوصا بعد غلائ الاسعار و غلائ البنزين  انا عايز اعمل حاجه قبل ما ادخل ٣ثانوى علشان لما ادخل الكليه ال بحلم بيها وطبعا مش هوصلها لان التنسيق والامتحنات صعبه بس المهم لما ادخل الجماعه الاقى المبلغ ال انا عملته ده بداء يكبر ،معلش يا جماعه حد يقولى بسرعه البرصه ديه عباره عن ايه وايه مميزتها وايه عيوبها وهل فى حاجه بديل ليها او حاجه احسن منها  

وشكراً . و السلام عليكم ورحمة الله  .....

[tarek hassan]

يا ترى ألف جنيه من عشر سنين يعادلوا كام بحساب الوقتي 

الموضوع لم يعد ألف جنيه أبدا فالألف مش حاجه خالص الوقتي ولكن رمز لمبلغ ضئيل

 

[andel]

السلام عليكم انا محمد قنديل انا قرأت الموضوع بتاع الأخ الفاضل محمد وفعلا ده حال معظم الشباب اليومين دول .         انا كنت عايز أسأل ا/سيد انا معايه 30 الف بس مش عارف ابدء في ابه انا حاصل علي بكالوريوس تجاره 2016 بس زي ماحنا عارفين دي مجرد شهاده وشكرا لخضراتكم