زيادة اسعار تذاكر الطيران

[bogii]

اخواني وخاصة من مقيمي الرياض

أي حد ناوي يشتري تذاكر طيران لمصر يعمل حسابه ان التذاكر زادت حوالي 250 ريال

انا لما حجزت كنت سألت مكتب الطيران علي سعر التذكره قالي 2100

ولما روحت اشتريتها كانت ب 2350 طبعا كانت صدمه كبيره

واتضح ان الخطوط السعوديه فعلا رفعت اسعار التذاكر تحت مسمي زياده اسعار الوقود العالمي

ووطبعا كان عندي فضول اعرف مصر للطيران سعرها كام بعد الزياده ...

فكانت الاجابه 2450 ريال

فأعملوا حسابكم يا شباب علي الزياده دي علشان ماتتصدموش زيي

[Diab]

اخواني وخاصة من مقيمي الرياض

أي حد ناوي يشتري تذاكر طيران لمصر يعمل حسابه ان التذاكر زادت حوالي 250 ريال

انا لما حجزت كنت سألت مكتب الطيران علي سعر التذكره قالي 2100

ولما روحت اشتريتها كانت ب 2350 طبعا كانت صدمه كبيره :h!!!h:

واتضح ان الخطوط السعوديه فعلا رفعت اسعار التذاكر تحت مسمي زياده اسعار الوقود العالمي

ووطبعا كان عندي فضول اعرف مصر للطيران سعرها كام بعد الزياده ...

فكانت الاجابه 2450 ريال :angrycop:

فأعملوا حسابكم يا شباب علي الزياده دي علشان ماتتصدموش زيي

في الشغل سألوني تحب تسافر علي طيران ايه

ولأني مصري فخوووووور بمصريتي

قلتلهم بكل فخر أحجزولي علي saudiairlines

مصر للطيران دي أقل حاجة يتقال فيها

فقر وعنطزة

ودمتم

تم تعديل 18 يونيو 2008 بواسطة Diab

[capitshino]

حلو الفاصل اللى للتشويق ده .. بس انا كنت حاسس برده انك مش هتقول احجزولى على مصر للطيران

بس سيبك انت . مافيش احسن من ال KLM

[adrianocrespo]

يا جماعة..............انا اخويا لسه مسافر السعودية من اسبوع علي خطوط شركة سما

و اسعارها 1400 جنيه مصري

[محمد ابوعوف]

حتى لو تدكرت مصر للطيران ب 3000 ريال بردة هنزل على مصر للطيران -انا فى الشغل سالونى هتنزل على اية قولتلهم بكر فخر واعتزاز على مصر للطيران -ازاى عايزين العلم يحترمنا واحنا مبنحترمشى بلدنا -مع احترامى لاخونا الفلاحين فى الخليج بس فعلا اساتوا لمصر بسلوكياتكم وشهادتكم مجرد ورق

[bogii]

حتى لو تدكرت مصر للطيران ب 3000 ريال بردة هنزل على مصر للطيران -انا فى الشغل سالونى هتنزل على اية قولتلهم بكر فخر واعتزاز على مصر للطيران -ازاى عايزين العلم يحترمنا واحنا مبنحترمشى بلدنا -مع احترامى لاخونا الفلاحين فى الخليج بس فعلا اساتوا لمصر بسلوكياتكم وشهادتكم مجرد ورق

يعني حكمت علي اي مصري في الخليج بيسافر علي الخطوط السعوديه بأنه فلاح وشهادته مجرد ورق

دا مش اسلوب مناسب في الحوار وياريت تعدله شويه

[أسد]

حتى لو تدكرت مصر للطيران ب 3000 ريال بردة هنزل على مصر للطيران -انا فى الشغل سالونى هتنزل على اية قولتلهم بكر فخر واعتزاز على مصر للطيران -ازاى عايزين العلم يحترمنا واحنا مبنحترمشى بلدنا -مع احترامى لاخونا الفلاحين فى الخليج بس فعلا اساتوا لمصر بسلوكياتكم وشهادتكم مجرد ورق

يعني حكمت علي اي مصري في الخليج بيسافر علي الخطوط السعوديه بأنه فلاح وشهادته مجرد ورق

دا مش اسلوب مناسب في الحوار وياريت تعدله شويه

أولاً .. فلاح مش شتيمة ولا سبة .. بل هي فخر .. وشهادة ونيشان ..

أما حكاية الشهادات اللي مجرد ورق .. فهذا للأسف كلام عشوائي ولا معنى له ..

الأخ محمد أبو عوف .. واضح انك عضو جديد ..

للأسف هذا الأسلوب الذي كتبت به غير معتاد عليه هنا في محاورات المصريين ..

أظن أنك ستراعي ذلك مستقبلاً ..

شكراً

[أسد]

قمت بشراء تذكرة سفري اليوم .. وموعد سفري بعد شهر ونصف تقريباً ..

سعر التذكرة على مصر للطيران هو 1975 ريال .. بعد الخصم ..

علمت أن أسعار الطيران ستزيد على كل الخطوط ..

للمعلومية .. أسعار التذاكر متساوية تقريباً .. والمعروف أن السعر الأعلى للسفر من الرياض للقاهرة هو على الخطوط السعودية .. والخطوط السعودية رفعت الأسعار فعلاً .. أما مصر للطيران حسبما أفادوني .. لسه شوية .. لكن حيرفعوا ..

هذه واحدة ..

الثانية .. منذ سنوات لم أسافر إلى مصر إلا على خطوط مصر للطيران .. وأسافر على الخطوط السعودية إلى أماكن كثيرة في اتجاهات متعددة .. فأنا كثير الأسفار ..

أشهد بأن السفر على مصر للطيران أفضل إقتصادياً .. ونفسياً .. وخدمة أفضل من الخطوط السعودية ... وأنا مقتنع جداً بهذا الأمر ..

ملاحظة على الماشي ..

عدد الطائرات المملوكة لخطوط الشرق الأوسط اللبنانية قليل جداً .. وتعمل الطائرات عليها بشكل مكوكي ... وأسعار الطيران من الرياض إلى بيروت على خطوط الشرق الأوسط اللبنانية أعلى من غيره .. ومع ذلك يحرص اللبنانيين على التكاتف والسفر على طيرانهم الوطني .. بغض النظر عن أن السفر سيأخذ ساعتين أو أن الطائرة ستتأخر ساعة أو نصف ساعة أو ساعتين .. أو أن الوجبة هنا أكبر قليلاً من تلك .. أو تلك الأمور الشكلية التي لا تزيد ولا تنقص من رحلة السفر ..

ولكن العبرة أن ندعم أي شئ مصري .. مهما كان ..

ومن ثم نطلب حقوقنا منهم .. ولا نتنازل عنه أبداً ..

[Modest]

رغم العديد من الملاحظات على مصر للطيران و لكن بمجرد أن تطأ قدماي إحدى طائراتها أشعر انني في مصر و هذا الشعور يكفي لأختار دوماً مصر للطيران.

[زعلان]

سمعت ان طيران مصر للطيران كراسيه الاقتصادية اكبر بكثير من كراسي شركات الطيران الاخرى -- بصراحة مسافرتش عليه من زمان بس عموما الطيران اصبح زيه زي اي باص ارياف وده على اي طيران --- و البزنس كلاس بقت اغلى بكتير من زمان

ولأني بفضل الرحلات المباشرة فبكون محدود في اختيار شركة الطيران و اختيار خطوط الرحلة

عموما واخيرا اخر مرة نزلنا مصر كانت تقريبا في شهر سبتمبر الي فات من دبي على الامارتية

والتذاكر هنا بصفة عامة غالية بشكل مبالغ فيها من دبي لجدة التذكرة خمسة الاف و سبعمائة درهم 5700 درهم

بينما التذكرة لفرانكفورت او باريس اقل من اربعة الاف درهم

التذاكر للقاهرة بتتراوح ما بين 2500- 2800 وهي الأرخص

طبعا ياجماعة التذاكر اسعارها بتفرق بين يوم والثاني حسب الضغط وحسب الغاء الحجوزات يعني اول عشرة بيشتروا تذاكر بيكون سعرهم اقل وبعدين بتزيد كل شوية

فالاسعار بتفرق من يوم للثاني و من رحلة لأخرى على نفس الخطوط

[se_ Elsyed]

لأ إزاي ؟!!!

ده أنا إن ما كنتش أبقى معارض لمجرد المعارضة وأشتم في بلدي وكل ما يتعلق ببلدي .. أبقى إنسان مش وطني

شيء عجيب ... وخصوصاً منك يا دياب ...

طب إعطينا مبرر لمفهومك فقر وعنطزة ؟

إيه ركبت مرة الطيارة وقعدوك على الديل وأضطريت تمسك في الماسورة وتقف طول الرحلة ؟ ولا ما كانش في وجبة في الطيارة وأضطريت تاخد معاك ساندوتشات طعمية ؟ و ما كلمتناش ليه عن الوزن المسموح به في مصر لليطران مقارنة بالخطوط السعودية ؟

يا عزيزي ... دعنا نفكر قليلاً عن مسئولية المثقف والمتعلم تجاه بلده ... هل المفروض يساهم في زيادة السلبيات وكشفها فقط ... ده لو في سلبيات ؟ ام يشارك ولو بكلمة طيبة يستطيع بها تغيير شيء ؟

مصيبتنا في أبناء مصر - إلا من رحم ربي - إنه عايز يقعد في التكييف ويمسك الريموت ويدوس كده تلاقي كل حاجه إتغيرت للأفضل ... بس أهم حاجه إنه يحافظ على صحته وما يبذلش مجهود ويا سلام لو واحد جه داس له الريموت يبقى عظمه على عظمة ...

تماماً مثلما يفعل من يطفش من البلد لأي سبب وينزل إنتقاد وشتيمة في مصر وكل ما هو مصري ... وبعدين يحط كريزة كده على وش توترة الطين اللي عملها بإيده ويقول " أنا كلامي ده من منطلك - منطلق - حبي لمصر ... هو انتو سمعتوني بأقول أنا بأكره مصر ؟ -

وشكراً على المعلومة التي ساقها اخونا أسد عن الخطوط اللبنانية ...

وبالمناسبة شوف اللبنانيين مرسومين إزاي ومحفلطين في الغربة .... لكن حد راح لبنان وشاف الشوارع والأحوال والأوضاع اللي في منتهى السواد إزاي ؟ ومع ذلك لا ولن تجد لبناني يشتم في بلده مثلما يفعل إخواننا الوطنيين الاحرار المصريين ...

المشاعر ليست حقنة تاخدها غصبٍ عنك .. لذا لك مطلق الحرية تنتقد وتشتم وتقول ما في الخمر عن بلدك اللي لم تعطيك أي شيء ولم تستفيد منها اي شيء أصلك كنت بترضع لبن صناعي ...

لكن إ حنا من حقنا نرفض أي كلام سيء وهدام عن بلادنا ...

واللي عايز ينسلخ من مصريته ... يبقى يرحمنا ويسيبنا نحبها بعبلها بطينها بمساؤها .... وهو الله يسهل الله في بلاد الله لخلق الله .. وهنياله أمه البديلة ...

كلامي ليس موجهة لاحد بعينه ... ولكن موجه لكل من كان مصرياً إنه يتقي ربنا في كلامه عن بلده ... ويكيفنا من شره وربنا يسهل له بعيد ...

وأخيراً : العجيب إنك تسمع من بعض المغتربين او المهاجرين أحلى أمثال من بتاعت خالتي بمبه الإنجليزية ويقولك : " لا تبصق في الطبق الذي اكلته منه "

لكن في الحلة والانجر - انجر دي كلمه فلاحي بتطلق على طبق الفتة الكبير اللي بيكفي كل اللي بياكلوا - اللي اكلت فيهم في بلدك ... أبصق وأعمل بي بي كمان .. مانت وطني ومخلص وبتحب بلدك وبتحاول تعمل شيء إيجابي لها ...

[السيد عبد المجيد احمد]

عزيزي ....

اعتقد ان اي مصري بيكون له راي قاسي شويه على البلد مش بالضروري سببه الكراهيه لها لكن احيانا بيكون السبب هو الغيظ والزعل من كل الظروف اللي اوصلت البلد لهذا الحال وعلى راي المثل ادعي على ولدي وازعل من اللي يقول امين... كلنا والله بنحب مصر حتى اللي سابها وهو زعلان منها بعد شويه بيروح الزعل وتتبقى الحاجات الحلوه ومش ممكن اصدق ان فيه مصري بيحب بلده اكتر من مصري اخر لكن كثرة الاخفاقات داخل الوطن مع متاعب في الغربه قد يتعرض لها الانسان تجعل الانسان يتلفظ بعبارات يوحي ظاهرها بكراهيه للبلد لكن اللي في القلب في القلب وده كله حب وحنين ورغبه اكيده اننا نشوف بلدنا احسن البلاد ولذلك تجد ان اكثر الانتقادات تاتي من الناس اللي سافرت او عاشت في الخارج لانهم من حبهم لمصر وغيرتهم عليها نفسهم تكون في مكانة احسن وهي بالتاكيد تستحق مكانة افضل مما هي فيه الان ولكن ذلك لن يتحقق بمجرد النقد القاسي والشتيمه ورفض كل شىء ولكن لازم نفكر كلنا وخصوصا من خلال هذا المنتدى الرائع كيف نساهم في خلق الواقع الجميل الذي نتمناه لمصرنا وبدلا من ان نلعن الظلام تعالوا نوقد ملايين الشموع وهناك الكثير من مشاكل بلدنا يمكننا ان نساهم في حلها لو صدقت النيات وصدقني سوف تجد ان اول الناس الذذين سيشاركون هم اولئك الذين يعلوا صوتهم دائما بالنقد القاسي وتصيد الاخطاء .....فكروا معي اخواني واخواتي اعضاء وزوار هذا المنتدى في حلول لمشكلة تدني مستوى التعليم في مصر بداية من الابتدائيه وحتى التعليم مابعد الجامعي وهذه دعوة صادقة للجميع وليكن هذا الامر هو التحدي الحقيقي لنا الذي من خلاله نثبت لانفسنا قبل الاخرين ان حبنا لمصر ليس اسطوانه مشروخه سئم الناس ونحن منهم سماعها الممل ليكن هذا هو سدنا العالي الذي نبنيه نحن المصريون خارج الوطن وليكن هذا هديتنا للوطن الذي نحبه جميعا مهما زعلنا منه ..... وعلى فكره الكلام ده مش شعارات ولا عواطف سخنت زياده في الفرن لكنها مشاعر حقيقيه يحملها الكثير منكم ..... وشكرا لصبركم على القراءه واكمال هذه الصفحه.

[زعلان]

هو الموضوع اتغير ليه يا جماعة هو صحيح كان في كلام ملوش داعي اتقال بس احيانا تاجهله افضل من الرد عليه

نرجع بقى لموضوعنا و خبراتنا مع الطيران

انا شخصيا زهقت من الامارتية كراسيها ضيقة وخدمتها بقت مش ولابد صحيح هما عندهم ميزات زي سرعة المعاملات و تقديم الخدمات الخاصة بس الوضع على الامراتية اتغير خالص

وده بجد الي خلاني افكر اجرب مصر للطيران - من ناحية الوزن انا عمري ما بيبقى عندي وزن زيادة ايا كانت وجهتي وزني اقل بكثير من المسموح بيه لكن بسمع ان خطوط مصر للطيران لأروبا ممتازة زائد ان الكراسي الاقتصادية فيها اوسع من خطوط الطيران الاخرى زائد السعر بيبقى افضل يعني كذا ميزة

[Diab]

عارفين هوجة الضرايب بتاع الراجل المتفوتر ودي بلدنا ولازم ننميها لو أنت مدفعتش الضرايب هناكل منين :happy:

إيه اللي حصل

الناس طبعا بحكم حبها للبلد كل اللي عنده محل ولو حتي شق في الحيط راح وقدم إقرار عشان يبقي منتظم وغير مخالف القاون وأهي كلها 10 % وهياخد إعفاءات مش بتاع يجي أخمتستناشر سنة ( هما كتير )

الناس وقعت في الفخ

مفيش

هما كام يوم بقت الضرايب 20 %

مش خلاص عرفوا الناس اللي معاها فلوس في البلد

إستلموهم بقي

نفس الكلام علي مصر للطيران

دي الشركة الوطنية وازاي متدعمهاش

تروح يافندم عشان تسافر عليها يقابلوك بمنتهي القرف وتدفع زيادة كما لو كنت بتشتغل عندهم مش بتنفعهم

مع إحترامي لجميع الأراء

الإسلوب العملي لا يتعارض مع إخلاصنا للبلد

[muslim4ever]

الموضوع ليس لع علاقة بالوطنية وحب مصر والكلام الكبير الذى نسمعة

مشكلة مصر للطيران انها تتعامل بفكر حكومى بيروقراطى بحت والنظام المتبع فيها اذا كان عجبك

طبعاً لن اسرد المشاكل التى حدثت لى او لزملائى مع الشركة الوطنية العريقة ولاكن يكفى انى سمعت وشاهدت مضيف يحلف بالطلاق داخل الطائرة لاسترداد غطاء لطفل صغير كان والده يريد ان ينزل به من الطائرة لشدة الهواء بالخارج وطبعاً كانت فضيحة امام اخونا العرب

و طبعاً مهما تقدم الشكاوى تلو الاخرى فلا حياة لمن تنادى

مصر للطيران يجب ان تغير من فكرها وان تتعامل باحترافية وتنافسية مثل الشركات الاخرى لان بمنتهى البساطة ان لم اجد الاحترافية والخدمات الجيدة من بداء الحجز حتى ساعة الوصول لن اتعامل معها وسابحث عن شركة اخرى .. واذا الشركة احست ان المنافسة هى الفيصل سوف تطور نفسها .. وللحقيقة هذا ما المسة الان فى اخر رحلة ..

وياريت نخرج من هذا القالب المشروخ والاتهامات بعدم الوطنية لمجرد ابداء رأي ............... ما دخل الوطنية بركوب الطائرة !!!!!!

مخلصناش من الولاء على الكرة والفريق الفلانى والفن حتطلعلنا الطيارة كمان ....

تم تعديل 19 يونيو 2008 بواسطة muslim4ever

[deemuck]

الضريبة على الخطوط السعودية اصبحت 400 ريال للراشد والطفل

جبت تذكرة ل adult ب 2450 ريال ول child ب 1950 ريال رايح جاي الرياض - القاهرة

[أسد]

تروح يافندم عشان تسافر عليها يقابلوك بمنتهي القرف وتدفع زيادة كما لو كنت بتشتغل عندهم مش بتنفعهم

أصلاً إيه اللي بيخلي أي حد يروح لمكاتب مصر للطيران ..

الطبيعي ان كل الناس بتحجز من خلال وكلاء السفر ولاسياحة .. وتلك المكاتب في العادة تكون أرخص من شركات الطيران نفسها لأنها تمنح عملاؤها نسبة خصم لا تمنحها شركات الطيران سواء كانت سعودية أو أجنبية أو مصرية ..

في المطار .. موظفوا الكاونتر هم من شركة مخصصة لكل شركات الطيران الأجنبية (غير السعودية) هم نفس الموظفين الذين يقدمون الخدمة الوزن والعفش وبطاقات صعود الطائرة .. الخ .. وهؤلاء هم نفس الموظفون الذين يقومون خدمة الركاب حتى لو كانوا مسافرون على الخطوط الألمانية أو السويسرية أو أي خطوط غير سعودية ..

طائرات مصر للطيران في أغلبها الآن طائرات حديثة وجيدة جداً .. وليست رديئة أو سيئة ..

أطقم الضيافة على مصر للطيران تغيروا كثيراً في العامين الماضيين ... وأصبحوا أكثر شباباً وحيوية ..مما سبق ..

أركب سنوياً حوالي 50 رحلة طيران .. داخلية وخارجية ..

أستطيع أن أقارن .. وبحكم تلك التجارب .. أعيد شهادتي للمرة الثانية في هذا الموضوع .. مصر للطيران أفضل .. وأرخص .. وتمنح وزن أكثر من الخطوط السعودية ...

وياريت نخرج من هذا القالب المشروخ والاتهامات بعدم الوطنية لمجرد ابداء راىء ............... ما دخل الوطنية بركوب الطائرة !!!!!!

مش قالب مشروخ ولا حاجة يا أستاذ .. أيوه كل حاجة ليها علاقة بالوطنية .. وحبك لوطنك .. المسألة مش كلام .. بل فعل .. ول لم تصبح فعل .. فهي في تلك الحالة هي القالب المشروح ...

بخصوص السفر إلى مصر في الصيف .. وبشكل موضوعي ... أفضل مصر للطيران للأسباب التالية ..

- لها رحلتان يوميتان من الرياض ..

- يسمحوا بوزن 35 كيلو .. كانوا 50 كيلو .. إلى العام الماضي قط . بعد اعتراض الخطوط السعودية ..

- الطائرات جيدة جداً .. وغالباً جديدة

- طقم الضيافة تحسن كثيراص جداً وهم أفضل من الموجودين على الخطوط السعودية

- تنزل مصر في صالة رقم 1 .. وهي أفضل من صالة 2

- من أكتوبر 2008 ستنزل في المطار الجديد .. أحدث وأكبر وأفخم من مطار الرياض وجده طبعاً .. وأي مطار في السعودية ..

- منضبطة في المواعيد بشكل كبير جداً .. (الآن طبعاً)

- الأموال تذهب إلى مصر

- إذا كنت ستواصل من القاهرة إلى أي بلد أوروبي .. ستحصل على سعر مذهل

- إذا حجزت مبكراً .. ستحصل على تذكرة أقل سعراً عما إذا حجزت متأخراً .. حيث أن في مصر للطيران كما في كثير من شركات الطيران تلك الطريقة.

هذه أسباب موضوعية .. بعيدة عن الهجوم أو التأييد بدون أي موضوعية ..

من لدية نقاط أفضل في خطوط أخرى ..

مفيش مشكلة ..

براحته ..

ولو يحب يفند أسبابه .. أهلاً وسهلاً .. سنستفيد بدون شك

[bogii]

يا جماعه انا شايف ان الموضوع خد منحني اخر خالص غير اللي انا كنت اقصده

مصر للطيران علي عينا وراسنا من فوق ولما باروح احجز التذاكر كل سنه باسأل علي اسعار مصر للطيران والسعوديه

واللي سعره احسن هوا اللي بسافر معاه ...دي أول سنه اسافر علي السعوديه لأني لما سألت علي الاسعار من شهرين لقيت في فرق 100 ريال علي الشخص الواحد

وانا ماشاء الله اسرتي مش صغيره...

وعلي فكره لما كنت انزل علي المصريه كانوا كل زمايلي اللمصريين يستغربوا جدا وبيقولولي ليه تبهدل نفسك ...مافيش احسن من الطيران السعودي ودا كان تقريبا شبه رأي عام للكل اللي اعرفهم هنا

بس للأمانه مصر للطيران ممتازه في خدمتها بس مش عارف ليه ناس كتير مش بتعجبهم

[osmel33]

صلوا على النبي يا خوانا بلاش نهاجم بعض بالطريقة دى واللى هيبقى كسبان خطوط الطيران نفسها أسمحولى أدلى بدلوى وده مش اى دلو أخوكم سافر على خطوط طيران تقريباً كتير ولى رأى أعتقد ان فيه بعض التبرير لعدم اختيار مصر للطيران أولاً أنا مقيم فى قطر وكل انتقالى أغلبه يا إما على القطرية وده الأغلب يا إما على الإماراتية وده فى حالات خاصة المهم انا أتورطت السنة اللى فاتت انى انزل انا وولادى على مصر للطيران مجبرين على الحجز أولاً رأى فى مصر للطيران انها طيران محترم وبتنافس بس اللى انا متأكد منه ان أفضل طيارين هما المصريين عمرى ماركبت مصر للطيران وحصلى اللى بيحصلى فى كل اقلاع وهبوط مع الخطوط التانية كله بيكون مريح الخدمة يعنى مش قد كده وده للأسف وبصراحة الخطوط القطرية أو زى ما بيقولوا طيران الخمس نجوم خدمته أكثر من رائعة نرجع لحاجة مهمة لمصر للطيران مصر للطيران والنزول فى المطار القديم ده هو المشكلة أنا كل ما بانزل واجى افتح الشنط فى البيت الاقى حاجات كانت فى شنط اتنقلت بقدرة قادر فى شنط تانية وحاجات متبهدلة وجالى الظن السنة اللى فاتت ان الشنط بتتفتح قبل ما ناخدها على السير وده اللى بيأكدهولى ان الشنط بتتأخر كتير على ما تيجى على السير والله اعلم وده ظن برده فعلشان البهدلة وقلة القيمة يمكن الناس بتفضل خطوط الطيران التانية

[iloveegypt]

بالنسبة للى بيسافر على حسابه الخاص ارشح له طيران سما فهو الارخص بلامنافس بس اسكندرية فقط مش القاهرة

وبالنسبة للى افضل طيران بلدى مصر للطيران مادام السعرمناسب وحتى لو اغلى بمية ريال ويار يت يا جماعة نخف من نظرية النظارة السوداء (نظرية من اختراعى)وهى جزء كبي من المصريين بمجرد مغادرة مصر تكون كل حاجة فى مصر سوداء زى الاسعار والمواصلات مثال بسيط الارز فى السعودية من 3 سنين تقريبا كان 8 ريال للعبوة 5 كيلو هذا الاسبوع 20 ريال وسوف يصل الى 25 ريال وما سمعتش حد من المصريين بيتكلم عن غلو الاسعار ولما زاد فى مصر من 2.5 الى 3 جنيهه الدنيا اتقلبت هنا فى السعودية وكلام من الل يكرهك فى نفسك زى البللد هتخرب والبلد هتنهار ربنا يهدينى ويهدى الجميع