شكراً أوى . على دعواتكم .......وكفاية لحد كدا .!!!

[badroora]

رجعت من الداوم بعد وردية ليلية وكانت مايعلم بها الا ربنا كانت ماشية كويس وجت ع الصبح وقلبت .......الحمدلله

كعادتى بعد ان اعود الى المنزل واغير ملابسي اتصفح النت واشوف الجديد عشان اعمل فاصل

وانسي الوردية باللى فيها ونام واحلم باخر حاجة كويسة شوفتها .

افتكرت انى من اسبوع وانا باتمشي ع النت وقعت على كنز قولت افرح به اخواتى الكمبيوترجيين

وكمان الجنرال مديست بينقطنا بالجيجا واخويا س س

كل شوية الهارد البورتابول بتاعه يضرب .......قولت يا نجفة حلى ازمة اخواتك واعملى عمل خير

قبل ماتنامى ويا عالم .

كتبت الموضوع وطلبت منكم الدعاءلى عادي يعنى اختكم وفى غربة ومحتاجة لكل دعاء بنية خالصة ........ها :blink:

لسه هنام جالى تليفون من مصر لازم ورق ضرورى ارسله حالا ......قولت كويس المستشفي بين وبينها 3

دقايق هاروح ابعته بسرعه وارجع انام .

روحت الحمدلله وقولت مش هتأخر ركنت عربيتى جنب عربية الاسعاف طبعا دى جريمة لا تغتفر .

المهم حاولت ابعت الفاكس فيما يزيد عن ساعة ومش راضي يوصل او يوصل الامضاء بس

والمضمون مش راضي يوصل

واخويا طلع عينى تليفونات انا تعبت انا زهقت وانا بقي اتعصبت وقولت ايه اليوم الغريب دا ,

وبعدها الموبايل فصل شحن نهائي ومحدش كان معاه شاحن ..الموبايل التانى الكارت طلع منتهى بقاله 4 ايام وانا مش هنا :happy:

وفى الاخر قولت ابعت الورق عبر الاميل عملت اسكان وان الورق يتبعت مافيش فايدة فين وفين

المهم اتبعت .قولت الحمدلله اروح بقي انام عشان انا اتقتلت النهاردة

كل دا بقي وناسية الفرح اللى جنب العربية اللى كانت معايا .....الدنيا مقلوبة ازاى عربية تتركن جنب

الطواريء وتتعارض مع عربة الاسعاف

وعشان ربنا بيحبنى تقريبا واحد منكم بيدعيلي كانت امى بتدعى الجهة الاخرى فتضاد الدعاء

الحمدلله ان اللى كانت معايا مش عربيتى وخصوصا ان عربيتى عليها باتش المستشفي فلو كانوا

مسكوها كنت روحت محاكمة عسكرية . :angrycop:

المهم عملت مش واخده بالى وعن اذنكم يا جماعة دخلت العربية ولاقيته طسنى مخلفة قولت 5 دينار

مش امر مش مشكلة .

طبعا كنت سايبة الكاسيت شغال والانتظار والعربية اشغلها مش راضية تشتغل والناس ملومة حواليا

ع الجريمة اللى ارتكبتها فى حق عربة الاسعاف .

اخر ما زهقت قولتهلم العربية مش راضية تشتغل والحمدلله كان فيهم ناس تعرفنى لغوا المخالفة وشحنولى

البطارية ولسه واصلة البيت حالا .

فقولت لازم اشكركم جميعا على دعواتكم لى بنفس فعلا .............. وبليز .........محدش يدعيلي

ادعوا على موافقة اما دعواتكم شكرا ..........

والنبي يا جماعة انا منحوسة وعاوزة حد يرقينى خلى ربنا يفك النحس عنى ممكن حد يقولى

الروقية الشرعية ازاى :h!!!h:

وكمان عاوزة ارقي عربيتى قبل ما كمل 1000 كم واحدة بحرينية بنت حلال عملت ريفيرس على خبطتها

من الجنب وهى بتتصلح دلوقتى.

وبصراحة مش عارفه هل هى عتبة تويوتا اللى نحس ولا عتبة الكورولا ........... .

.ولا ايكنش انا اللى وش فقر ومش واخدة على الراحة

والله انا باهزر وباخد الموضوع بهزار بس بجد بدات اتعقد من موضوع العربيات والحوادث اللى مش

بلحق ارتاح منها .

لو حد عنده حل بجد يقولى عليه .......حسة ان اخرتى هتكون فى حادثة ومش هاقوم منها :amb:

وبليز بلاش حد يدعيلي قولولى بس اعمل ايه وانا هادعى بمعرفتى ........ wst::

اختكم المنحوسة

نجفة ........نحس او حوادث :happy:

تم تعديل 18 يونيو 2008 بواسطة Badria Mekkawy

[ELSHAMY]

حاضر يا ستى مش حأدعيلك

...روحى ربنا يعمل لك كل خير..... :h!!!h: :angrycop:

دى طلعت دعوة....ماليش دعوة...

باى

[~Heba~]

:angrycop: بدرية يا بدرية..........تعيشى و تاخدى غيرها

فيه احلى من كدا دعوة :h!!!h:

[se_ Elsyed]

داعيلك وأنا كاشف راسي ... ربنا يديكي على قد نيتك .. :h!!!h: :angrycop:

[م.سامح المصرى]

:happy: :blink:

اية بس با بدرية

عشان كام حدثة كدة صغنطتين تتعقدى

لا لا ..... مش انتى الى تيأسى من الحاجات الى تيأس دى

وبعدين فيها اية بس لما يكون الفاكس مش راضى يتبعت

مش تشوفى العطل فين ...... يمكن العطل فى عم عبده البواب :h!!!h:

انتى علشان تتجبنى الحاجات دى كلها يا بدرية تعملى اية بقي

عارف انتى مسلسل lost بتاع حبت العيال الى تاهو دول فى جزيرة منفردة لواحدك

اهو بقي مش هايبق معاكى حد يدعيلك ولا حاجة ولا هاتعرفى حد

بس انا عارف حظك

ممكن يكتشفو الجزيرة دى اول ما تنزلى فيها ويقلبوها دولة ويمشوكى منها

يعنى متحاصرة من كل الجهات

روحى يا شيخة ربنا يكرمك :angrycop: :happy:

[HDarwish]

إوعى عندك .. بلاش حد يتكلم والنبي عن العربيات ومشاكلها

أصل أنا لو إتكلمت مش حتكفيني ولا كمان أربع خمس صفحات

آخر حاجة حصلت إني أروح أفحص العربية سبع ثمن مرات وكل مرة بتاع الفحص يقولي عندك دخانة .. وأجري على الميكانيكية وجميع جراجات الكويت وكل واحد يقولي تمام ياأستاذ إنشاء الله المرة دي هتعدي بإذن الله واروح والراجل يقولي عندك دخانة .. لما كرهت العربيات وكرهت الدخان لدرجة إن آخر مرة طلعت من المرور مش عايز أركب العربية وقعدت أكلم نفسي وأكلم العربية .. وما خلصتشي غير لسه الاسبوع اللي فات وطبعا بالطرق الملتوية (وسطة مع 60 دينار) آه يا جيبي آه ..

اللي يشوف بلوة غيره تهون عليه بلوته

[رمضان]

داعيلك وأنا كاشف راسي ... ربنا يديكي على قد نيتك .. :h!!!h: :angrycop:

معبر قوي السطر ده يا بدرية

مش اقصد حاجة بس بجد عجبني قوي

فكرتيني بنفسي

من اسبوعين كده لقيت اختي بتتصل الساعة 7 الصبح على غير العادة ولقيتها بتقولي روح يا واد يا رمضان انا شايفة لك رؤية كلها خير ربنا يجعلها من نصيبك

ولحد دلوقتي عينك ما تشوف الا النور

الحمد لله

[galaxy]

ياخبر ابيييييييييييييييض........وش مصطفي الكيلاني.

الف سلامه عليكي يا بدور :h!!!h: .......ان شاء الله اللي يكرهك.........عموما مفيش حاجه اسمها نحس بس ممكن تقولي كدا ابتلاء يا بدور وكدهوت...........واهو كله من اللي عليكي. :happy: ........ولو مش عليكي حاجه يبقي في ميزان حسناتك...........بس مفيش نحس :happy: ...........خدي بقي مني الدعوة دي...........ربنا يصلحلك الحال ويعملك اللي فيه الخير ان شاء الله.........ومش هقولك علي دعواتي بقي.......طمنينا بس عليكي كمان يومين :angrycop:

[النجم الثاقب]

الحمدلله الذى لا يحمد على مكروه سواه

أنا مش قادر أمسك نفسى و لازم أدععيلك يا بدرية .. بس خليها بظهر الغيب أحسن

خدى بقى الكام لينك دول للرقية الشرعية .. و ادعيلى :h!!!h:

http://coder.i8.com/roqya.htm

http://www.alroqia.com/printruqia_n/page1.htm

http://www.alroqia.com/printruqia_n/page2.htm

http://www.alroqia.com/printruqia_n/page3.htm

[سهران]

لأ ........... كدة موضوع الحوادث ده ما يتسكتش عليه يا بدرية .......... من شهرين صحّيتلك مدير شركة التأمين من النوم علشان أسأله عن الحادثة اللي فاتت ........ يبدو أن الدعوة المناسبة دلوقتي أن ربنا يكرمك كدة و تجيبيلك سواق ( شوفير ) يسوقلك العربية ... ساعتها مش هايبقى فيه حوادث ...

مضطر أدعيلك بجد .......... ربنا يستر طريقك و ييسرلك كل أمورك لأنك انسانة تستاهل كل خير .

[badroora]

العزيز دكتور الشامي ..........هلا والله شكرا يا فندم على الدعوة الغير مفصودة .!! :P

العزيزة هبة ...........مانا يا هوبا هاعييش وهافضل اخد لحد ماجلى هيكون فى واحدة مهم ...... :happy:

س س ......ليه تكشف راسك يا س س تستهوى ولا حاجة ....... :lol: مبلاش النية دى اصلها احيانا مش

بتكون خالصة فخليها وقت متكون النية خالصة بس .

سولى ........كيف اخبار امتحاناتك ......اصلها يا سولى مش خبطة ولا اتنين دانا سجل حوادث كامل ........

استاذ حسن دارويس .......اهلا وسهلا فى بك فى الحوادث كلاب ............. معقولة فى حد بيحصله اللى بيحصلي دا ؟

ابو صيام ..........يا ريت تقول لاختك هى كمان تسيبك فى حالك ومتدعيش ........... :winner:

الغالية شيكولا ........انا الحمدلله مؤمنه جدا وعمرى مزعلت ولا بكيت حتى يوم ماعربيتى اتكنسلت

قولت الحمدلله انه نجانى .

ثم هو مين يبقي عنده اصحاب زى الورد زيكم كدا ويبقي مش محظوظ :Laie: دا يبقي طمع بصراحة .....شكرا يا قومر

النجم الثاقب ..........انت بالذات خليك بعيد ..انت اول واحد دعيتلى صح ............ :wub:

شكرا كتير على الروقية والله يستر ...............

العزيز سهران ........والله مكسوفة منك كسوف bv:- ولكنها للاسف الحقيقة المرة انا عربيتى شهرتنى

فى جميع مراكز المرور

والجراجات المجاورة ...انا لو اللى بيتجوز واحدة بيسأل عن سمعة عربيتها ........يبقي انا هاعنز :cry:

الحمدلله على كل شيء وشكرا على الدعوة .........وسلملى على النونو الصغير

تم تعديل 19 يونيو 2008 بواسطة Badria Mekkawy

[nash]

هان عليكي يا بدريه تشككي في ذمتي؟؟ wst::

ده أنا دعيتلك وكنت بدعيلك..لغايه ما أتصدمت بالتوبيك ده...

الله يسامحك clp::

طب ايه رايك بأة طالع علي بالي أدعيلك :happy:

روحي إلهي يكرمك ويوفقك ويسعد قلبك وينور طريقك....

غلاسه بأة :blush2:

[badroora]

هان عليكي يا بدريه تشككي في ذمتي؟؟ :wub:

ده أنا دعيتلك وكنت بدعيلك..لغايه ما أتصدمت بالتوبيك ده...

الله يسامحك :wub: wst::

طب ايه رايك بأة طالع علي بالي أدعيلك :wub:

روحي إلهي يكرمك ويوفقك ويسعد قلبك وينور طريقك....

غلاسه بأة

ادعى يا ستى هو انتى خسرانة حاجة .........ناس لها حظ وناس لها تِرتِر ..........

روحى يا شيخة اللهى يكرمك ويديكى ما يحرمك .......... :wub: