الفيزياء محرقة جديدة في الثانوية العامة

[نانا]

قرأت اليوم بجريدة الجمهورية وحبيت أنقلكم بجد واقع إحنا عايشينوا

وما أقدرش أقول غير (حراااااااااااااااااااااام)

[size="6"]الطلاب يقاطعون العلمي والآباء يطلبون ذبح الوزير

الفيزياء محرقة جديدة في الثانوية العامة

آخر فضيحة.. اختفاء 49 ورقة إجابة من الكنترول

الجمل: لا إعادة للامتحانات.. و88% نجحوا في عينة التفاضل

النائب العام في المنيا.. وحبس رئيس لجنة ومدير مدرسة في واقعة التسريب

كتب سيد جاد وباهي الروبي وخالد أمين:

رفع طلاب الثانوية العامة أمس شعار : "وداعاً للعلمي" بعد مذبحة امتحان الفيزياء وتعاهد الطلاب كما توقعت الجمهورية علي التحول التام إلي الأدبي هرباً من حرائق التفاضل والفيزياء وباقي المواد العلمية.. وتعالت صرخات أولياء الأمور خارج اللجان: اذبحوا الجمل.. فقد خلا الامتحان بأسئلته الستة من أي جزئية في متناول الطلاب وقرر د.يسري الجمل وزير التربية والتعليم تصحيح عينة عاجلة من الفيزياء.

وكما انفردت "الجمهورية" تسلم أعضاء مراكز توزيع الأسئلة بكل المحافظات فجر أمس الأوراق الجديدة لأسئلة الامتحانات المتبقية من الثانوية العامة وهو التعديل الامتحاني الذي تشهده الثانوية لأول مرة في تاريخها وتم تحديد ساعة صفر جديدة لفتح مظاريف الأسئلة في كل اللجان حفاظاً علي السرية ولضمان عدم التسريب.. وعاد اختراق الثانوية العامة أمس باكتشاف اختفاء 49 كراسة إجابة تابعة للجنة امتحانية ببني سويف من كنترول مدرسة السنية بالقاهرة في مادة الجبر.

وفي خطوة مفاجئة وصل المستشار عبدالمجيد محمود النائب العام إلي المنيا يرافقه المستشار عادل السعيد رئيس المكتب الفني لمتابعة التحقيقات في وقائع تسريب الامتحانات.. واجتمع النائب العام مع فريق التحقيق للوقوف علي الإجراءات التي تم اتخاذها.

وأمرت نيابة المنيا بإشراف المستشار عبدالرحمن مرزوق المحامي العام الأول بحبس عزت خليل منصور رئيس لجنة أبناء الثورة الابتدائية ببني مزار وصلاح خلف عبدالعليم مدير مدرسة المنيا الإعدادية أربعة أيام لاتهامهما بالضلوع في تسريب الامتحانات وتم تجديد حبس 4 متهمين 15 يوماً هم أحمد منتصر ومدحت عبدالعزيز وحسن علي وإبراهيم أحمد واستأنفت النيابة قرار إخلاء سبيل المتهمين راضي محروس وهشام محمد ومحمد الشيمي ومحمد يحيي بكفالة.

من ناحية أخري أعلن الدكتور يسري الجمل وزير التربية والتعليم أنه لا نية لإعادة امتحان الثانوية العامة للعام الحالي.. مشيرا إلي أنه سيتم التعامل مع تسرب أسئلة الامتحانات بالمنيا بعد انتهاء تحقيقات النيابة العامة في حدود المكان والمادة التي حدث فيها التسريب.. أشار الوزير أمام لجنة التعليم بالشوري برئاسة الدكتور فاروق اسماعيل إلي أن نتائج العينة العشوائية لمادة التفاضل والتكامل جاءت مخالفة لكل ما أثير حول صعوبة الامتحان حيث حصل 88% من الطلاب علي اكثر من 50% و6% أكثر من 90% وحصل 4 طلاب علي الدرجة النهائية.

رفض النواب هجوم لجنة التعليم بمجلس الشعب علي الوزير وسياساته وأشاروا إلي أن تسرب الأسئلة يحدث منذ 20 عاما.. والمشكلة أن وكيل وزارة التعليم بالمنيا أصر علي الإبلاغ عن واقعة تسرب الأسئلة.

وطالبوا الوزير بعدم الاهتمام بضغوط الطلاب وأولياء أمورهم ووسائل الإعلام بشأن صعوبة الأسئلة

[نانا]

أحب بس أضيف حاجة جديدة

الإمتحان ده أنا عيشته لأني علمي علوم وعيشت كمان إمتحان التفاضل مع صحباتي بجد كان فيه عزاء في كل بيت من بيوت صحباتي دول (علمي رياضة)

أنا كنت معاهم على التليفون وببكي معاهم لأني حسيتهم بجد أوي وكنت بهديهم وأقول الفيزياء هتعوض ولازم تيجي سهلة

لكن اتفاجئنا كلنا بالفيزياء كان فيه حالات إنهيار في اللجنة

أؤكدلكم بجد إن الإمتحان معظمه خارج المنهج

جيبت

93% السنة اللي فاتت حطيت أمل السنة دي أرفع مجموعي لأني الكيمياء كان عندي ظروف صعبة فيها ونزلتني 5% السنة اللي فاتت بالرغم إني كنت راسمة عليها الخمسين فيها

ورضيت وطبعا لازم أرضى وما أقولش غير الحمد لله وبجد رضيت من قلبي

لكن دلوقتي بجد خلاص أنا نزلت عن التسعين ما أقدرش أقول غير كدة بعد الفيزياء

يعني حرام ولا حلال لما مدرسي يقولي الطالب الممتاز الفائق يجيب بس 40 من 50

بجد حرااااااااااااااام

أتجمع علمي رياضة وعلمي علوم في لجنتي علمي رياضة خلاص اتدمر (صحابي أتدمروا) بالتفاضل والفيزياء

علمي علوم انهاروا لأنهم أول صدمة ليهم في الفيزياء ولسة الأحياء ربنا يستر

بس ما أقدرش أقول غير حسبي الله ونعم الوكيل

حسبي الله ونعم الوكيل

غصب عني جيت دلوقتي وفتحت وحبيت بس أطلع صرخة حد يسمعها لأني بجد كاتمة على نفسي من إمبارح

بس لازم دلوقتي انتبه لنفسي ولباقي امتحاناتي

أنا آسفة لوكنت زعلتكم بكلامي بس بجد لازم ناخد موقف

على فكرة أنا مش ندمانة على أي حاجة لأني بجد تعبت ومش زعلانة لأني بردو تعبت ومتأكدة إني عملت اللي عليا وبقول الحمد لله على كل شيء وحسبي الله ونعم الوكيل

ادعولي

[se_ Elsyed]

ربنا معاكي يا نانا

إنت بس شدي حيلك واعملي اللي عليكي والباقي على ربنا واللي مكتوب لك هاتشوفيه ..

للأسف شاهدنا ما حدث في مذبحة القلعة بالأمس .. قصدي مذبحة الفيزياء .. وبرضوا جابوا أساتذه مشهورين في الفيزيا والناس ضربت أخماس في أسداس على نوعية الأسئلة ...

وبرضوا مازال الفاعل مجهول .. ومش عارفين مين اللي حط الأسئلة دي وأستند علي إيه ؟

وتذكري دائماً إن الله لا يُضيع أجر من أحسن عملاً ... وغصبٍ عن عين أي حد مُعقد نفسياً .. ربنا هايجازيكي مقابل تعبك ...

[مصري أصيل]

الأخت نانا

كلنا شوفنا اللي حصل في برنامج العاشرة مساءً و الظلم اللي حصل علي الطلبه في أمتحان التفاضل والتكامل و كمان أمتحان الفيزياء اللي كله أجمع أنه من برا المنهج . و شوفنا وسمعنا كمان أتصالات أولياء الأمور وبكائهم و حزنهم الشديد علي اللي حصل لولادهم بعد التعب اللي شافوه كلهم .

معلش خيرها في غيرها المهم ركزي في اللي جاي وما تفكريش في اللي خلصتيه و أنا عندي وجهة نظر في موضوع الأمتحانات و التنسيق يا رب تريح أعصابك شويه .

طالما الأمتحانات كانت صعبة علي الكل يبقي أكيد النتائج هتكون وحشه علي الكل و بالتالي تنسيق دخول الجامعه بينزل هوه كمان و ده المهم . يعني :-

أمتحانات سهلة = نتيجه عاليه = تنسيق عالي

أمتحانات صعبة = نتيجه منخفضه = تنسيق منخفض

ربنا معاكي و مع كل أخوانا و أخوتنا اللي في الثانوية و أبقي طمنينا علي باقي المواد

[Alshiekh]

شدى حيلك يانانا ، وركزى أكثر فى باقى الامتحانات اللى فاضلين

يمكن فى جيلى ماكنش الأمر بالشد العصبى ده ، لكننى عشته مع عيالى الثلاثة ، 2 منهم علمى ، علوم ورياضة ، والثالثة ادبى ، وكنت دائما على اعصابى أيام الامتحانات ،

لكن ،كنت دائما اقول لهم عندما يشتكون من امتحان ما : هناك مقولة تقول " إذا عم الظلم ، فهو عدل "

اذا كان الامتحان صعب على الجميع ، فاعتقد انه لامشكلة فى ذلك ، لان من سيحصل على الدرجات النهائية سيكونون فعلا المتفوقون ، أما ان يكون الامتحان سهلا ويحصل الجميع على الـ 50 من 50 ، فهى فعلا تدفن الموهوبين والمتفوقين ، حاجة كده زى لما اللجنة كلها تغش ، بيضيع مجهود المتفوق ويصبح مثله مثل الآخرين.

ماتزعليش نفسك ، وماتبكيش على اللى راح ، بصى لبكرة ، لان الساعة مابترجعش للوراء.

[Sherief AbdelWahab]

"محرقة"؟

غرابة التعبير إنه جاي في صحيفة حزبوطنية ، ودة يجرنا للي قاله "خالد إمام" رئيس تحرير "المساء" عن أن واضعي أسئلة الامتحانات "معقدين نفسياً"..

الجمل وزير سيء وضعيف سياسياً.. هذه حقيقة.. لكن الجمل لما وقع كترت سكاكينه، هات لي حد قال كلمة على عهد فتحي سرور وعلى مصيبة الغش الجماعي الكبرى اللي أعتقد إنها تستحق موضوع في زاوية "تاريخ المصريين"..

خلص الكلام

[نانا]

ربنا معاكي يا نانا

إنت بس شدي حيلك واعملي اللي عليكي والباقي على ربنا واللي مكتوب لك هاتشوفيه ..

للأسف شاهدنا ما حدث في مذبحة القلعة بالأمس .. قصدي مذبحة الفيزياء .. وبرضوا جابوا أساتذه مشهورين في الفيزيا والناس ضربت أخماس في أسداس على نوعية الأسئلة ...

وبرضوا مازال الفاعل مجهول .. ومش عارفين مين اللي حط الأسئلة دي وأستند علي إيه ؟

وتذكري دائماً إن الله لا يُضيع أجر من أحسن عملاً ... وغصبٍ عن عين أي حد مُعقد نفسياً .. ربنا هايجازيكي مقابل تعبك ...

متشكرة أوي يا أستاذ سي السيد وجزاك الله كل خير

وأنا مؤمنة بإن الله لا يضيع أجر من أحسن عملا

والحمد لله على كل شيء

الأخت نانا

كلنا شوفنا اللي حصل في برنامج العاشرة مساءً و الظلم اللي حصل علي الطلبه في أمتحان التفاضل والتكامل و كمان أمتحان الفيزياء اللي كله أجمع أنه من برا المنهج . و شوفنا وسمعنا كمان أتصالات أولياء الأمور وبكائهم و حزنهم الشديد علي اللي حصل لولادهم بعد التعب اللي شافوه كلهم .

معلش خيرها في غيرها المهم ركزي في اللي جاي وما تفكريش في اللي خلصتيه و أنا عندي وجهة نظر في موضوع الأمتحانات و التنسيق يا رب تريح أعصابك شويه .

طالما الأمتحانات كانت صعبة علي الكل يبقي أكيد النتائج هتكون وحشه علي الكل و بالتالي تنسيق دخول الجامعه بينزل هوه كمان و ده المهم . يعني :-

أمتحانات سهلة = نتيجه عاليه = تنسيق عالي

أمتحانات صعبة = نتيجه منخفضه = تنسيق منخفض

ربنا معاكي و مع كل أخوانا و أخوتنا اللي في الثانوية و أبقي طمنينا علي باقي المواد

متشكرة أوي ستاذ مصري أصيل على كلام حضرتك وإضافتك الرقيقة

لكن أحب أضيف إنه بجد مش في كل الحالات التنسيق ممكن ينزل بس ربنا معانا وأنا مش هفقد الثقة وحسن الظن بالله

دلوقتي أدبي مجاميعها هتعلى عن علمي يعني علمي ولا هيحصل كليات علمي ةلا أدبي

حسبي الله ونعم الوكيل

والله المستعان

شدى حيلك يانانا ، وركزى أكثر فى باقى الامتحانات اللى فاضلين

يمكن فى جيلى ماكنش الأمر بالشد العصبى ده ، لكننى عشته مع عيالى الثلاثة ، 2 منهم علمى ، علوم ورياضة ، والثالثة ادبى ، وكنت دائما على اعصابى أيام الامتحانات ،

لكن ،كنت دائما اقول لهم عندما يشتكون من امتحان ما : هناك مقولة تقول " إذا عم الظلم ، فهو عدل "

اذا كان الامتحان صعب على الجميع ، فاعتقد انه لامشكلة فى ذلك ، لان من سيحصل على الدرجات النهائية سيكونون فعلا المتفوقون ، أما ان يكون الامتحان سهلا ويحصل الجميع على الـ 50 من 50 ، فهى فعلا تدفن الموهوبين والمتفوقين ، حاجة كده زى لما اللجنة كلها تغش ، بيضيع مجهود المتفوق ويصبح مثله مثل الآخرين.

ماتزعليش نفسك ، وماتبكيش على اللى راح ، بصى لبكرة ، لان الساعة مابترجعش للوراء.

متشكرة بجد يا أستاذ محمد على رد حضرتك

لكن للأسف السنة دي حصل كل حاجة وحشة إمتحانات صعبة وتسريب كمان

وفضايح متكتمة بجد لازم علمي يعمل مظاهرة مش معقول السكوت على المهزلة دي بجد مهزلة

وبردو هرجع وأقول حسبي الله ونعم الوكيل والله المستعان

يارب الأحياء تيجي كويسة يا رب ويا رب صبر قلوب علمي رياضة

"محرقة"؟

غرابة التعبير إنه جاي في صحيفة حزبوطنية ، ودة يجرنا للي قاله "خالد إمام" رئيس تحرير "المساء" عن أن واضعي أسئلة الامتحانات "معقدين نفسياً"..

الجمل وزير سيء وضعيف سياسياً.. هذه حقيقة.. لكن الجمل لما وقع كترت سكاكينه، هات لي حد قال كلمة على عهد فتحي سرور وعلى مصيبة الغش الجماعي الكبرى اللي أعتقد إنها تستحق موضوع في زاوية "تاريخ المصريين"..

خلص الكلام

متشكرة أوي لإضافة حضرتك يا أستاذ شريف وعند حضرتك حق في كل كلامك

بجد أنا ما اعرفش احنا ساكتين ليه خصوصا الطلاب المفروض بجد مظاهرات تحصل أنا لو كنت ولد والله ما كنت سكت

يلة بقى الحمد لله

يجد شكرا لكل اللي رد وحاول يواسيني وأتوصوا في الدعاء ليا ولكل الثانوية العامة