الاستعداد لامتحان (IELTS)

[dollina]

فى البداية احب اشكر دكتور زناتي على موقفه ومساعدته تجاه الناس الل بتحاول تذاكر بنفسها

حكايتى فى كلمتين انا و زوجى فى الكويت واتقدم لنا عرض السفر لكندا حلو اوى لحد كده وعرفنا المطلوب والاوراق والمفروض ان تخصصى هو اللى مطلوب حالياً هناك انا شهادتى بكالوريوس تجارة ادارة اعمال و بالتاليى انا اللى حتبقى فى وش المدفع باعتبار ان تخصصى هو اللى مطلوب و اخد زوجى معايا مرافق المهم جينا عند موضوع الكورس ولازم طبعا اخده عشان الشهادة اللى من ضمن الاوراق المطلوبة

مش ح اطول عليكو دورت على النت كتير وبالفعل لاقيت كتب عن الايلتس وحكايات واقتراحات ومنتديات وبصراحة تهت ومبقتش عارفه ابدأمنين وخصوصا انى ب اشتغل يعنى مفيش وقت للكورس يدوبك مذاكرة بس وانا ب ادور كالعادة دخلت الموقع هنا وحقيقى سعدت جدا بالمساعدة الموجودة فتعشمت وتوسمت فيكم خير تساعدونى ابدأمنين وازاى

احب اقولكو ان الانجليزى فى الخليج عجيب مابين الانجليزى الهندى والفلبينى والخليجى حاجة عجب عشان كده احب اقولكو انى تقريبا نسيت اتكلم ازاى والله البلد دى تنسى الواحد العربى مش متخيلين العربى هنا كمان شكله ايه محتاجين مترجم بعد كل كلمه

المهم مش عايزة اطول عليكم

المطلوب بس مساعدتى ابدأ منين الاول قبل ما ادخل فى موضوع الايلتس ده وكتبه وامتحاناته

وشكرا لكم جدا جدا واسفه انى طولت عليكم

[znaty]

السلام عليكم

تحيا جمهورية مصر العربية ............ عاشت مصر حره مستقلة .......... أحلى تحيه على شباب مصر المخلصين لاخوانهم فى رحلة الهجرة لبلاد الثلج

الاخ زناتى أحلى مساء على مجهودات سعادتكم الرائعة أخوك سيؤدى أمتحان ILTES إن شاء الله على خير يوم 30 أبريل 2009 , وعظيمة يا مصر

سؤال : هل المتقدمين من بعد تاريخ 27 فبراير 2008 مطلوب منهم درجة أقل عن المقدمين قبل 27 فبراير ؟؟؟؟؟؟

bv:-

والله يا عزيزي الهامي انت رجعتني لايام الشقاوة ايام سعد زغلول والمظاهرات والحاجات الحلوة دي

كانت ايام حلوة

المهم ردا على سؤالك

اي حد هايقدم نتيجة الامتحان الوقت بغض النظر هو مقدم من امتي هايمشي عليه نظام التقييم الجديد اللي الاخوة وضحوة في نفس الصفحة هذا والله تعالي اعلم

خش على الفتوي اللي بعدها

[znaty]

السلام عليكم ورحمة الله وبركاتة

حاولت اكثر من مرة اعمل دون لود للاديو الاثنين بس للاسف file is broken

يا ترى فية حل؟؟

الفايل كبير واكيد المشكلة عندك في النت

اما ضعبف او فيه نويز لو هو دايل اب موش دي اس ال

انا عن نفسي حملتهم كلهم وماشفيش مشاكل

جرب تاني الله يعينك

بخصوص نوع الايلتس لازم جنرال موش اكاديميك

بس الجنرال يعتبر نوعا ما ارحم بكتير من الاكاديميك

[znaty]

فى البداية احب اشكر دكتور زناتي على موقفه ومساعدته تجاه الناس الل بتحاول تذاكر بنفسها

حكايتى فى كلمتين انا و زوجى فى الكويت واتقدم لنا عرض السفر لكندا حلو اوى لحد كده وعرفنا المطلوب والاوراق والمفروض ان تخصصى هو اللى مطلوب حالياً هناك انا شهادتى بكالوريوس تجارة ادارة اعمال و بالتاليى انا اللى حتبقى فى وش المدفع باعتبار ان تخصصى هو اللى مطلوب و اخد زوجى معايا مرافق المهم جينا عند موضوع الكورس ولازم طبعا اخده عشان الشهادة اللى من ضمن الاوراق المطلوبة

مش ح اطول عليكو دورت على النت كتير وبالفعل لاقيت كتب عن الايلتس وحكايات واقتراحات ومنتديات وبصراحة تهت ومبقتش عارفه ابدأمنين وخصوصا انى ب اشتغل يعنى مفيش وقت للكورس يدوبك مذاكرة بس وانا ب ادور كالعادة دخلت الموقع هنا وحقيقى سعدت جدا بالمساعدة الموجودة فتعشمت وتوسمت فيكم خير تساعدونى ابدأمنين وازاى

احب اقولكو ان الانجليزى فى الخليج عجيب مابين الانجليزى الهندى والفلبينى والخليجى حاجة عجب عشان كده احب اقولكو انى تقريبا نسيت اتكلم ازاى والله البلد دى تنسى الواحد العربى مش متخيلين العربى هنا كمان شكله ايه محتاجين مترجم بعد كل كلمه

المهم مش عايزة اطول عليكم

المطلوب بس مساعدتى ابدأ منين الاول قبل ما ادخل فى موضوع الايلتس ده وكتبه وامتحاناته

وشكرا لكم جدا جدا واسفه انى طولت عليكم

شكرا على ذوقك يا اخت دولينا بس احب اوضح حاجة صغيرة جدا انا موش دكتور : الدكاترة هنا د / قناوي والشامي وهشام انا في صف المهندسين انا و م / بوب

والله موضوع العرض اللي حضرتك بتتكلمي عنه دة محتاج توضيحات لانه لو كان عقد حقيقي موثق هايفرق معاك كتير جدا

هايفرق في طريقة التقديم اولا

وهايفرق في سرعة الانجاز بتاعة الطلب

واخيرا هايفرق معاكي في الايلتس لانه هاديكي درجات توفر عليك الدرجات اللي محتاجاها في الايلتس

عموما بخصوص سؤالك

والله يا اختي كلنا محتاجين مساعدة bv:- وربنا وحدة هو المعين

انا عن نفسي محتاج اللي ينصحني في الايلتس لاني بجد ضايع وعندي رعب منه

لكن بالنسبة ليكي طبعا تبتدي منين دي في حد ذاتها محتاجة نعرف انت اصلا مستواك ايه؟

يعني لو سمعتي انجليزي زي نشرة او برنامج بتفهمي منه قد ايه ؟؟ تعرفي تتكلمي انجليزي او اتكلمت مع حد قبل كدة ؟

لو اجابتك على السؤالين دول اقل من المتوسط يبقي انت محتاجة قبل اي حاجة كورس في معهد كويس يكون بيطبق سمع وكلام وفي نفس الوقت لازم تسمعي كل يوم انجليزي كتير وتحاولي تتكلمي كتير

بعد المرحلة دي لما تحسي انك خدتي ثقة في الكلام وبقيت بتفسري الانجليزي لما تسمعيه

تخشي في مرحلة حفظ كلمات اكتر ومعلومات عامة عن الجرامر

فيه كتابين في التوبيك هنا مهمين اوي في الموضوع دة

واحد اسمه فوكابلري فور ايلتس والتاني جرامر

بعد كدة تبداي تاخدي كتب اللي تعلمك مهارات الامتحان نفسه

زي كتاب انسايت انتو ايلتس بتاع كامبردج مهم جدا

واخيرا المرحلة الاهم حل كتييييييييير جدا من الامتحانات وكانك في لجنة يعني غرفة مغلقة وساعة وتحلي وتقيمي نفسك داخل الزمن نفسة

شفوفي بقة انت تقدري تخشي في اي مرحلة من دول وربنا يعينك ويعينا ان شاء الله

[dollina]

انت صعبت عليا الموضوع اكتر من اللى كنت فكراه المهم انا ح احاول الاول اعرف مستوايا انا اقدر اسمع وافهم م غير ترجمة بس احنا بنتكلم عن الانجليزى بتاع بريطانيا ولا بتاع امريكا الامريكى واضح على الرغم من مخارج الالفاظ المتغيرة غير البريطاني انا محتاجة اسمع البى بى سى كتير

عموما شكرا لردك وبالنسبة لعرض السفر واحد صاحب زوجى هو اللى فتح لنا السكة بس مستنى منى اخد الكورس واحنا ادينا له فرصه سنة عشان الكورس ونرتب امورنا هنا فى الكويت وفى مصر كمان لانها خطوة كبيرة ومحتاجة ترتيب يعنى انا ادامى سنة عشان اذاكر واقدم نفسى لامتحان بس حبيت اعرف شكل الكورس ايه الامتحان زى ما تقول كده اخد كورس من منازلهم بس اعرف طريقة الكورس كام ساعة يعنى الكلام عشان اعيش دور الكورس فى البيت فى غرفة مغلقة

واشكرك مرة تانية

[Spanish Eyes]

الأخ الباشمهندس زناتي

اولا مجهود جبار وفوق الرائع روح يا شيخ الله يكرمك،،،،، سؤال بعد اذنك هل في امتحانات اون لاين تقدرتعرفني مستوايا واية نقط الضعف اللي محتاجة تقوية عشان يكون التركيز في هذة النقاط.

الأخت dolli

انا كمان بالكويت وكمان تجارة انتي مقدمة مع مكتب ولا لوحدك؟

[dollina]

اهلا مروة لا مش مقدمة مكتب واحد صاحب جوزى طلعها فى دماغه تحسين اوضاع والكويت قفلت زى ما انتى عارفة بعد موضوع البورصة المهم انا ادامى سنة اخد الكورس واحضر اوراقنا وارتب امورنا فى مصر عشان كده انا كنت ب اسأل اذاكر الايلتس ازاى والناس هنا مشكورين ساعدونى بكتب

[YUSY]

جزاء الله خيرا على الرد

اتصلت بالمركز الثقافى البريطانى علشان اغير الى جينيرال فكان الرد معندهمش مانع بس ادفع 200 ريال!!!!

بالنسبة لللينك انا بعد ما بحمله وافتح يدينى ميسيج ان الفيل بروكين ,فياريت حضرتك تبعتهولى اتاتشمنت وشكرا لذوقك

[znaty]

الأخ الباشمهندس زناتي

اولا مجهود جبار وفوق الرائع روح يا شيخ الله يكرمك،،،،، سؤال بعد اذنك هل في امتحانات اون لاين تقدرتعرفني مستوايا واية نقط الضعف اللي محتاجة تقوية عشان يكون التركيز في هذة النقاط.

الأخت dolli

انا كمان بالكويت وكمان تجارة انتي مقدمة مع مكتب ولا لوحدك؟

اي خدمه يا اخت مروة وبالتوفيق

بخصوص الامتحانات والتطبيق اون لاين

دي بعض المواقع المفيدة في الموضوع دة , صحيح انا لسة ما دستش فيهم بس انا خدتهم من ورقة من واحد في المركز الثقافي البريطاني

http://international.holmesglen.vic.edu.au/IELTS01.htm

www.aapress.com.au

www.ielts.org

[Bustami]

سلام للجميع

اليوم كلمني صديق مقدم على الهجرة من 11/2006 واخبرني انهم اعتمدوا درجاته في الايلتس على النظام الجديد بتاع 6.5 6.5 6.5 7.5

هو مقدم من 11/2006

الفايل نمبر وصل في 2/2007

الابديت وصل في 11/2008

الايلتس كان في 12/2008

ارسل الورق كله في 20/1/2009

هو تبع مكتب لندن ويتعامل مع مكتب هجرة في كندا

[dollina]

من 11/2006 و لسه مهجرش ليه مستنى ايه كل ده الامتحان يا نهار ابيض وانا عايزة حد يساعدنى فى الايلتس يعنى امتحن على كام مرة ويتعملى ابديت كام مرة ياه ده المشوار طويييييييييييييييييل بشكل اه يا انا يا شورة جوزى يا انا على السفرية دى

[znaty]

من 11/2006 و لسه مهجرش ليه مستنى ايه كل ده الامتحان يا نهار ابيض وانا عايزة حد يساعدنى فى الايلتس يعنى امتحن على كام مرة ويتعملى ابديت كام مرة ياه ده المشوار طويييييييييييييييييل بشكل اه يا انا يا شورة جوزى يا انا على السفرية دى

لاااااااااااااااااااااااااا انت فهمتي غلط خالص يا مدام دولينا :unsure:

ايه دة دا انت خلقك ضيق جدا :lol:)

دة النظام القديم كان بياخد من 3 الى اربع سنين

والراجل امتحن من زمان خلاص موش مستني ايلتس ولا حاجة

كل اللي الاخ المحترم عاوز يقوله بيطمن الناس ان اللي مقدم قبل فبراية 2008 حايتعامل في تقييم الايلتس زي اللي مقدم بعده

يعني من الاخر دة حساب رز قديم بينهم وبين بعض مالناش دعوة احنا بيه :lol:

[ناوية ع الهجرة]

السلام عليكم اخواني المساكين اللي بيذاكروا الايتس وانا بدور لزوجي على مواقع تفيده في الايلتس لقيت الكورس

يارب تستفيدوا بيه

http://www.BLOCKED29/download/1963884/Camb...2-2007.zip.html

[ناوية ع الهجرة]

وادي كمان شوية مواقع فيها امتحانات وبراكتس كتير

http://ielts-blog.blogspot.com

http://www.aippg.com/ielts/ielts-downloads.htm

http://www.world-english.org/ielts_free_tests.htm

http://www.selfaccess.com/sa_ver2_kereru.php?page=samples

http://www.aapress.com.au/ielts/english/dload2.html

[znaty]

جزاء الله خيرا على الرد

اتصلت بالمركز الثقافى البريطانى علشان اغير الى جينيرال فكان الرد معندهمش مانع بس ادفع 200 ريال!!!!

بالنسبة لللينك انا بعد ما بحمله وافتح يدينى ميسيج ان الفيل بروكين ,فياريت حضرتك تبعتهولى اتاتشمنت وشكرا لذوقك

صديقي يوسي

انا عملت اتاشمنت للفايل من الساعة 12 الضهر للساعة 6 وبردة الصفحة ماحملتش الملف

واضح انه تقيل جدا

مافيش قدامك غير انك تحاول تحمله من جهاز تاني يكون فيه نت عالي السرعة وبعدين تاخدة على سي دي

انا اسف والله حاولت اساعدك ولو ان عارف طالما ماعرفتش تحمله من الرابيد شير يبقي نفس المشكلة هتلاقيها من هنا

ربنا يعينك

[znaty]

ايها الاخوة والاخوات :lol:

اقروا الملفين المرفقين فيهم نصايح مهمة جدا لتنظيم نفسك في الامتحان وازاي تتعامل مع الامتحان

صدقوني مهمة جدا

بالتوفبق

ieltssecrets.pdf

Sugestions_for_Ielts.doc

Skills_for_the_Reading_Module.doc

Tips_for_the_Reading_Writing_tests_Dr.Vivek.doc

[YUSY]

ياريت حضرتك تبصلن على الملف دة ايه اخباره؟

IELTS_Avoid_Language_Bias.mht

[abcabc]

الاستماع سيكون المعركة الرئيسية في الأيلتس بعد رفعه إلى 7.5 على العلم أن القراءة هي أصعب جزء على عكس ما يعتقد الآخرين ولكن بعد تخفيض درجتها إلى 6.5 أصبح الأمر أقل صعوبة.

عند الاسـتماع ستحتاج لكـتابة مـا تسـمعه في صفـحة الإجـابة وهنا سـتواجه مشـكلة كتـابة الكلـمات بصــورة صحيحة، فإذا كنت ضعيف في التدقيق الإملائي (spelling) فستفقد درجة السؤال بالتأكيد.

ما هو العمل إذاً ؟

ما هو الحل يا عم ABCABC بعد هذه المقدمة المخيفة !؟

لا تذهب بعيداً ................... هنا في منتدى الهجرة دائماً هناك أمل!!!!!!

أضغط على الرابط التالي ستجد موقع لطيف يساعد في حل هذه المشكلة، ........... دعواتكم.

http://tutpup.com/plays/new/2-word-game

[qenawy]

طب وليه انا اكتب الاجابة في ورقة الاسئلة وفورا وبعدين انقلها مظبوط اظن هما بيدوا كتيب فيه الاسئلة وده مسموح بالكتابة فيه

غير الانسر شيت

[abcabc]

طب وليه انا اكتب الاجابة في ورقة الاسئلة وفورا وبعدين انقلها مظبوط اظن هما بيدوا كتيب فيه الاسئلة وده مسموح بالكتابة فيه

غير الانسر شيت

كلامك صحيح، أثناء الاستماع يسمح لك بالكتابة على صفحة الأسئلة وفي نهاية الامتحان تعطى 10 دقائق لنقل الأسئلة إلى ورقة الإجابة.

وفي الحالتين إذا لم نتدرب جيداً على كتابة الكلمات بصورة صحيحة، سنكتبها خطأ في ورقة الأسئلة وفي ورقة الإجابة.

والموقع أعلاها للتدريب على كتابة الكلمات بصورة سليمة.

مرفق ورقة الإجابة

مع تحياتي

IELTS_Listening_Answer_Sheet.pdf

تم تعديل 26 يناير 2009 بواسطة abcabc