الاستعداد لامتحان (IELTS)

[znaty]

يا اخي يا زنايتي ......

ربي معاك وربي يوفقك ويوفق جميع الاخوة بالنضال .......

وارجو من اللة تعالى ان ينجحك وان نسمع الاخبار الطيبة باذن السميع المجيب......

والسلام عليكم .

والله ماعارف ااقولك ايه يا ابو رقية

جزاكم الله خيرا وربنا يجيب دعائك ليك قبل مايكون ليا

[ابو رقية]

يا اخي يا زنايتي ......

ربي معاك وربي يوفقك ويوفق جميع الاخوة بالنضال .......

وارجو من اللة تعالى ان ينجحك وان نسمع الاخبار الطيبة باذن السميع المجيب......

والسلام عليكم .

والله ماعارف ااقولك ايه يا ابو رقية

جزاكم الله خيرا وربنا يجيب دعائك ليك قبل مايكون ليا

اشكرك اخي من كل قلبي

اقرا شوية وافتح موقعكم الجميل

واللة الموفق

[supersuper]

يا ريت لو نقدر نجمع اكبر قدر ممكن من نتائج الاعضاء في الايلتس

يعني كل واحد قدم يقول كام جاب في اول مرة وتاني مرة وهكذا

ويقول هوة مستواه في الانجليزي ايه؟ يعني متوسط ولا متقدم وهل عمل تحضير للايلتس في احدى المراكز ولا درس لوحده وكام فترة الدراسة وركز على ايه في الدراسة؟

يعني ممكن الواحد يقارن نفسه ويشوف الاقرب ليه

ونشوف لو فعلا الواحد عاد تاني هل بتفرق النتيجة للافضل

ولو ينفع نفتح موضوع جديد فقط لهذه المعلومات يكون افضل

وتكون الاسئلة كالتالي

كم مرة قدمت الايلتس؟

كم النتيجة في كل قسم؟ طبعا في كل المرات مع تحديد نوع الامتحان (جينيرال او اكاديميك)

كم مطلوب منك؟

مستواك العام في اللغة؟

درست الايلتس في مركز للغات ولا لوحدك؟

لو لوحدك كم كانت فترة الدراسة قبل الامتحان وعلى ايه درست اكتر حاجة؟

يا ريت كل اللي قدم يشارك

تم تعديل 27 أبريل 2009 بواسطة supersuper

[melhamy]

فكرة ممتازة حكايت الدرجات دي

حاج زناتى ياعم رن عليا عايز اكلمك انا امتحانى يوم الخميس إن شاء الله و عايز اسألك على كام حاجة ياعم المكالمة على حسابى فى الوقت اللى يريحك و رقمى 0506777404

تحيا جمهورية مصر العربية

[znaty]

فكرة ممتازة حكايت الدرجات دي

حاج زناتى ياعم رن عليا عايز اكلمك انا امتحانى يوم الخميس إن شاء الله و عايز اسألك على كام حاجة ياعم المكالمة على حسابى فى الوقت اللى يريحك و رقمى 0506777404

تحيا جمهورية مصر العربية

والله يا اخي كلمتك يوم الجمعة اللي فاتت بعد صلاة الجمعه ورقمي اخره 1557 وانت اللي مارديتش

هاكلمك تاني ان شاء الله

وابقي ادفع بالكريدت كارد 150 دولار للدقيقة :harp:)

[melhamy]

السلام عليكم و رحمه الله وبركاتة

فى البداية أحب أشكر أخى زناتى على رفع الروح المعنوية قبل دخول الامتحان و أدخل فى الموضوع على طول -----

اليوم الخميس الموافق 30 أبريل 2009 م فى المجلس الثقافي البريطاني بمدينة الخبر تقدم البشمحاسب محمد الهامى بامتحان ال IELTS الوصول فى تمام الثامنة و الربع صباحاً و بدء الامتحان كان فى تمام التاسعة معظم مجموعة المتقدمين للامتحان من أفراد القوات البحرية الملكية السعودية (عساكر وليسوا ظباط )و مطلوب منهم 4,5 للسفر لبريطانيا لتلقى تدريب هناك فرحت ليهم جداً بصراحة و قولت لنفسى عظيمة يا مصر ياأرض اللواء

- أفتكرت اخويا الصغير :wub: بكالوريوس تجارة دفعة 2008 و هو فى معسكر ال 45 يوم فى دهشور و بيقولى الاكل هنا جميل جداً و مرتاح على الاخر - ( عيل حقودى قوي :blink: )

المهم لجنة الامتحان عبارة عن واحدة ست معندهاش 12 بنت الناس فى اللجنة خلوها تشد شعرها و تتكلم عربى و هقولوكم ليه بعد شوية نيجى للمهم وهو الامتحان وكان كالتالي :

LISTENING :

كان متوقع و لاشيئ جديد حوار بين واحدة بتقدم على اشتراك فى مكتبة و بعدها وصف لجامعة و الخدمات اللى فيها و بعدها جزء من محاضرة عن زراعة الفاكهة فى أندونيسا و التصدير

الخدعة و الخطأ انك تفقد أحساسك بالجو اللى حوليك بمعنى تسرح 10 ثوانى يضيع منك على الاقل 4 اجابات و بالذات اللى فى أخر الامتجان بتاع السمع المطلوب من الواحد علشان يحقق مستوى جيد من الحل فى الأمتحان انه يعمل الاتى :

1- يستغل الوقت فى قراءة ورقة الأسئلة قبل ما يبدء الحوار أو الكلام و الحركة دى هتخلى الواحد متوقع الاجابة و متحفز ليها بمجرد نطقها

2- عدم السرحان أحترس الموضوع ده سم قاتل و ساعات بيحصل بسبب التركيز اكتر من الازم فى معنى كلمة أو أجابة و العقل بيوقف عندها

3- ده الامتحان الوحيد من ال 4 أمتحانات اللى مسموح لك تنقل الاجابة اللى كتبتها فى ورقة الأسئلة إلى ورقة الاجابة بسبب أهمية التركيز اللى كنا لسه بنتكلم عليه منذ قليل

Reading

برضة لاشيئ جديد لكن الكارثة كانت فى الوقت تخيل ساعة بتعدي عليك كانها 10 دقايق وأقل وللأسف فى ناس كتير وقت فى فخ الوقت واتسحب الورق بدون ما ينقلوا الاجابات لورقة الأسئلة أو بدون ما يحلوا أخر 10 أسئلة كانت عن قطعة شبة اللى كتبها بتحكى عن تاريخ القلم - أيوة تاريخ القلم :blink: - من أول ما الانسنان كان بيكتب بالعظم لحد عصر مكتبة جرير و خصم 10%

فى واحد لبنانى شكلة محترم و كبير فى السن حوالى أربعين سنة افتكر انه هياخد وقت أضافى زى أمتحان ال LISTENING وكانت المفاجأة ان ورقت الاجابة اتسحبت بدون ما يكتب حرف واحد فيها الراجل اتحول لمنحرف و شتم و مرضيش يكمل الامتحان و قفش على الست الناظرة اللى كانت واقفة علينا بس بصراحة وقفتة عند حده قلت له ( شايف الكرسي اللى كنت قاعد عليه ماتقومش من عليه لحد ما اللجنة تنتهى تكمل ما تكملش براحتك لكن خروج بره اللجنة مافيش ) :sad:

WRITING

معقول أكتب رسالة لصديق ليك هيقعد عندك فى البيت و انت فى الاجازة بتاعتك و قول له يعمل ايه لو حصلت مشكلة و ما يعملش اية فى غيابك و اشرح له البيت بتاعك شكلة عامل أزاى !!!!!!!!! ( صديق ايه ده اللى عمره مشافش بيتى و كمان مسافر و سايب له مكنة يتعامل فيها ) ماشى اللى تقولوا عليه :lol:

هل توافق أو لاتوافق ان البعض يقول أنه عليك تغير مجال عملك و لو مرة فى حياتك

ده يا شباب كل الامتحان واللى حصل واللى كان اه نسيت

SPEAKING

دخلت على الراجل و عامل فيها شاب بيسوا من بتوع فرزاتشى :lol: و بقول له HALLO لقيت الراجل بص عليا بقرف و قالى و عليكم السلام ورحمه الله و بركاتة ( بريطانى من أصل باكستانى) فعلاً يقطع أتخن خميرة من اى بيت - قولت له ( ابوس ايدك يا باشا ) تحيا طالبان ونواز شريف سألنى كالتالى :

اسم و بلدك و اسم مدينتك و اهم الاماكن فيها , قولت له ( جامع القائد أبراهيم ) فى محطة الرمل و جامع ( المرسى أبو العباس ) فى بحرى وجامع كلية تجارة - جامعة اسكندرية دى الأماكن اللى اعرفها فى بلدى غير كده أنا معرفش حاجة فى أسكندرية

أدانى ورقة مكتوب فيها تحدث عن حدث رياضى مهم و مكان الحدث و اللى حصل فيه , لقيت نفسى بقول ( مبارة القمة بين الأهلى و الزمالك ) فى استاد القاهرة و بحضور سعادة رئيس الجمهورية الرئيس محمد حسنى مبارك و بعض السادة الافاضل و تفوق نادى الزمالك بهدقين مقابل لاشيئ حقق الهدف الاول حازم أمام الصغير و الهدف الثانى حازم امام الكبير

ابتدى يكلمنى هل انا بسمع اخبار سواء فى التلفزيون أو الراديو و ساعتها ما كدبتش خبر قولت له ايوة يا سعادة البية حتى الايام دى انفلونزا الخنازير مبهدلة المكسيك و امريكا

وده كل اللى حصل ادعوا لى يا رب اجيب ال 12 نقطة بتوع الهجرة يا أحسن الواحد خلاص حاسس انه قاعد على بيضة دنياصور مش عايزة تفقس و زهقت من القاعدة :lol:

تحياتى مرة تانية لاخويا و حبيبى البشمهندس زناتى اطال الله فى عمره أزمن عديدة و أياماً مديدة والسلام عليكم ورحمه الله و بركاتة

[أحمد سيف]

جزاك الله خير يا حاج محمد إلهامي على الشرح الوافي ده ... وبالتوفيق إن شاء الله

[znaty]

الهامي مع انك حكيلي الامتحان في التليفون بس والله انا مت على روحي من الضحك وانا باقرا

انت مشكلة يا صاحبي

بقي انت ماتعرفش في اسكندرية غير الجوامع ؟؟؟ اللهم ماقوي ايمانك يا شيخ :lol:

فكرتني بهنيدي : ابيع يا باشا ابيع :sad:

على فكرة انا عارف المراقبة دي :هيا قلة كدة ترانزيستور وشعرها اصفر وشكلها فوق 40 سنة وعلى فكرة اسمها جوان ومن الورديان

ان شاء الله هاتنجح والديناصور يتربي في عزك

ايوة كدة يا اخوانا اللي يمتحن يحكي لاخوانه علشا يشيل رهبة الامتحان من قلوبهم

بالتوفيق للكل

[kaza]

ربنا يوفقك وزي ما قال زيناتي و الديناصور يتربى بعزك :wub: اما انا ف امتحاني السبت 9 مايو و ان شاءالله هجيب ال 16 نقطة :cry:

[Tolbas]

امتحاني السبت اللي جاي انشاء الله في مدرسة سانت فطيمة,السكور المطلوب زي ما قولت قبل كدة 4, و الناس اعدت تحسد و تنق هههههه,بس الصراحة انا معملتش بريبراشن خالص عشان مكنش عندي وقت,و فجأه لقيت ان النهارده 30 ابريل , يادي المصيبة السودة دا فاضل 6 ايام بسسسسسسسس

دبروني يا ناس,حتي لو السكور المطلوب مقدور عليه, انا عاوز اعرف نظام الامتحان, و ايه اللي لازم اعملو في ال 6 ايام دوول عشان ابقي كويس

انا عارف اني اتأخرت بس طبعا هي عادت الشعب المصري المأصلة,ما بنلعبش غير اخر 5 دقايق :cry:

و ياريت اعرف ترتيب الكتب اللي لازم انزلها

اخوكو مزنووووووق!!!!!

[masri]

باشمهندس, طبعا انا مقدر الدوشة اللى انت فيها دلوقتى بسبب تاخر الجواب وتجهيز الورق

عموما انا باقترح عليك لو تفتتح توبيك جديد يكون بعنوان

ما بعد جواب الابديت 2009

انا و انت وغيرنا عل ما اعتقد ماشيين فى المرحلة دى بس انت طبعا سابقنا عشان مهلتك اخرها 10 ايام انا فاضللى حوالى 100 يوم بس فاضللى الايلتس كمان ولسة ح ابدا فيه الاسبوع الجاى

ايه رايك؟ كل ما تلاقى شوية وقت خش معانا

مستنى ردك

تم تعديل 1 مايو 2009 بواسطة masri

[znaty]

باشمهندس, طبعا انا مقدر الدوشة اللى انت فيها دلوقتى بسبب تاخر الجواب وتجهيز الورق

عموما انا باقترح عليك لو تفتتح توبيك جديد يكون بعنوان

ما بعد جواب الابديت 2009

انا و انت وغيرنا عل ما اعتقد ماشيين فى المرحلة دى بس انت طبعا سابقنا عشان مهلتك اخرها 10 ايام انا فاضللى حوالى 100 يوم بس فاضللى الايلتس كمان ولسة ح ابدا فيه الاسبوع الجاى

ايه رايك؟ كل ما تلاقى شوية وقت خش معانا

مستنى ردك

فكرة هايلة طبعا يا صديقي بس هيا معمولة فعلا

التوبيك بتاع مدام سمية ملفات بعد فبراير 2008 تقريبا معظم الحالات اللي فيه ورقهم ماشي في 2009

كمان انت فاهم ان الدكتور تهامي بيحاول ينظم المنتدي في موضوعات محددة تسهل على القارئ متابعتها

يعني عايز اسئلة في الاجرائات هاتروح على د قناوي

عاوز مقابلات كيبيك هتلاقي

عاوز ملفات قبل فبراير 2008 موجود توبيك كبير

عاوز خبرات اللاندنج والاستقرار بعد السفر هتلاقي السيرة الذاتية للدكاترة الشامي وهشام والتهامي وغيرهم

عاوز ايلتس او تي اي اف هاتلاقي

كدة يعني

بس هيا عموما فكرة حلوة طبعا

[znaty]

امتحاني السبت اللي جاي انشاء الله في مدرسة سانت فطيمة,السكور المطلوب زي ما قولت قبل كدة 4, و الناس اعدت تحسد و تنق هههههه,بس الصراحة انا معملتش بريبراشن خالص عشان مكنش عندي وقت,و فجأه لقيت ان النهارده 30 ابريل , يادي المصيبة السودة دا فاضل 6 ايام بسسسسسسسس

دبروني يا ناس,حتي لو السكور المطلوب مقدور عليه, انا عاوز اعرف نظام الامتحان, و ايه اللي لازم اعملو في ال 6 ايام دوول عشان ابقي كويس

انا عارف اني اتأخرت بس طبعا هي عادت الشعب المصري المأصلة,ما بنلعبش غير اخر 5 دقايق

و ياريت اعرف ترتيب الكتب اللي لازم انزلها

اخوكو مزنووووووق!!!!!

6 اييييييييييييييييييييييييييييييييام ؟؟؟ :cry: :wub:

ودول هاتعمل فيهم ايه دول يا حسين؟؟

دة انت عاوز 6 ايام تنزل فيهم الكتب اللي في التوبيك

طيب

في وجهة نظري انت مالكش غير حل واحد

الوقت وقت امتحانات بس وانت الحمد لله موش عاوز اسكور عالي

نزل كتب كامبريدج الستة

كل كتاب فيه 4 امتحانات اكاديميك و 2 ريدنج ورايتنج بس جنرال

كل يوم هاتحل 2 ليسننج من الكتاب والاتنين الباقيين مع الجزئيين بتوع الجنرال في ظروف وتوقيت لجنة الامتحان

يعني 6 ساعات مذاكرة يوميا

عارف انه صعب جدا انا عن نفسي كنت بذاكر ساعتين في اليوم وكنت باتعب

بس دول 6 ايام موش شهرين

وامتحانات كامبريدج هيا اقرب امتحانات للايلتس الحقيقي

ربنا يوفقك ان شاء الله

[masri]

باشمهندس, طبعا انا مقدر الدوشة اللى انت فيها دلوقتى بسبب تاخر الجواب وتجهيز الورق

عموما انا باقترح عليك لو تفتتح توبيك جديد يكون بعنوان

ما بعد جواب الابديت 2009

انا و انت وغيرنا عل ما اعتقد ماشيين فى المرحلة دى بس انت طبعا سابقنا عشان مهلتك اخرها 10 ايام انا فاضللى حوالى 100 يوم بس فاضللى الايلتس كمان ولسة ح ابدا فيه الاسبوع الجاى

ايه رايك؟ كل ما تلاقى شوية وقت خش معانا

مستنى ردك

فكرة هايلة طبعا يا صديقي بس هيا معمولة فعلا

التوبيك بتاع مدام سمية ملفات بعد فبراير 2008 تقريبا معظم الحالات اللي فيه ورقهم ماشي في 2009

كمان انت فاهم ان الدكتور تهامي بيحاول ينظم المنتدي في موضوعات محددة تسهل على القارئ متابعتها

يعني عايز اسئلة في الاجرائات هاتروح على د قناوي

عاوز مقابلات كيبيك هتلاقي

عاوز ملفات قبل فبراير 2008 موجود توبيك كبير

عاوز خبرات اللاندنج والاستقرار بعد السفر هتلاقي السيرة الذاتية للدكاترة الشامي وهشام والتهامي وغيرهم

عاوز ايلتس او تي اي اف هاتلاقي

كدة يعني

بس هيا عموما فكرة حلوة طبعا

خلاص ماشى الكلام

طبعا الباشمهندسة سمية و المدام ناوية عل الهجرة ناس محترمين وبيردو كمان فى حدود خبراتهم وتجاربهم

تمام كده ..., بالمناسبة قوللى يا صاحبى انت متوقع كام ايلتس؟

على فكرة انا كانت توقعاتى L6/R5.5/W6.5/S5.5

وكانت النتيجة بالنسبة لى معجزة L6/R6/W6/S6.5

تمنياتى لجميع الناس ب 3-4 هاى

تم تعديل 1 مايو 2009 بواسطة masri

[znaty]

متوقع 2/1 للاهلي

هو ماتش كورة :cry: :wub:

مافيش توقعات طبعا دي حاجة بتاعة ربنا

ايش عرفني انا كاتب غلطات جرامر وسبيلنج قد ايه ؟؟

فهمت صح في الريدنج والا كان فيه تريكات ؟

سمعت الاجابة ح في الليسننج والا كان بيتكلم في موضوع تاني ؟

دي حاجة بتاعة ربنا فعلا وعايمة كدة موش زي الرياضيات والخرسانة مثلا

وبعدين الايلتس اجوان

هانت كلها ليلة

[capitshino]

امتحاني السبت اللي جاي انشاء الله في مدرسة سانت فطيمة,السكور المطلوب زي ما قولت قبل كدة 4, و الناس اعدت تحسد و تنق هههههه,بس الصراحة انا معملتش بريبراشن خالص عشان مكنش عندي وقت,و فجأه لقيت ان النهارده 30 ابريل , يادي المصيبة السودة دا فاضل 6 ايام بسسسسسسسس

دبروني يا ناس,حتي لو السكور المطلوب مقدور عليه, انا عاوز اعرف نظام الامتحان, و ايه اللي لازم اعملو في ال 6 ايام دوول عشان ابقي كويس

انا عارف اني اتأخرت بس طبعا هي عادت الشعب المصري المأصلة,ما بنلعبش غير اخر 5 دقايق :wub:

و ياريت اعرف ترتيب الكتب اللي لازم انزلها

اخوكو مزنووووووق!!!!!

اتاكد ان امتحانك فى سانت فاطيما لانى قولت اعدى كده عالمعهد اشوف الدنيا اخبارهاايه قالو لى انت امتحانك اتنقل وخدو الورقة وادانى خريطة لمدرسة فى القاهرة الجديدة اسمها كايور انجلش سكول والامتحان فيها

اتصل بيهم او اوصل لهم

وربنا يوفقك

[masri]

النهاردة اتكتب in process

عفارم عليك يا هندسة :sad:

[الأهلاوي الأصيل]

مصري

كنت عايز أسألك ... إنت ليه ماشي في استراليا وكندا في نفس الوقت

ولو جتلك الاتنين وأخدت الفيزا هنا وهنا ، هتعمل لاندنج في كل بلد ، ولا هتضحي بواحدة فيهم

[YUSY]

السلام عليكم و رحمه الله وبركاتة

فى البداية أحب أشكر أخى زناتى على رفع الروح المعنوية قبل دخول الامتحان :sad: و أدخل فى الموضوع على طول -----

اليوم الخميس الموافق 30 أبريل 2009 م فى المجلس الثقافي البريطاني بمدينة الخبر تقدم البشمحاسب محمد الهامى بامتحان ال IELTS الوصول فى تمام الثامنة و الربع صباحاً و بدء الامتحان كان فى تمام التاسعة معظم مجموعة المتقدمين للامتحان من أفراد القوات البحرية الملكية السعودية (عساكر وليسوا ظباط )و مطلوب منهم 4,5 للسفر لبريطانيا لتلقى تدريب هناك فرحت ليهم جداً بصراحة و قولت لنفسى عظيمة يا مصر ياأرض اللواء :lol:

- أفتكرت اخويا الصغير :wub: بكالوريوس تجارة دفعة 2008 و هو فى معسكر ال 45 يوم فى دهشور و بيقولى الاكل هنا جميل جداً و مرتاح على الاخر - ( عيل حقودى قوي :blink: )

المهم لجنة الامتحان عبارة عن واحدة ست معندهاش 12 بنت الناس فى اللجنة خلوها تشد شعرها و تتكلم عربى و هقولوكم ليه بعد شوية نيجى للمهم وهو الامتحان وكان كالتالي :

LISTENING :

كان متوقع و لاشيئ جديد حوار بين واحدة بتقدم على اشتراك فى مكتبة و بعدها وصف لجامعة و الخدمات اللى فيها و بعدها جزء من محاضرة عن زراعة الفاكهة فى أندونيسا و التصدير

الخدعة و الخطأ انك تفقد أحساسك بالجو اللى حوليك بمعنى تسرح 10 ثوانى يضيع منك على الاقل 4 اجابات و بالذات اللى فى أخر الامتجان بتاع السمع المطلوب من الواحد علشان يحقق مستوى جيد من الحل فى الأمتحان انه يعمل الاتى :

1- يستغل الوقت فى قراءة ورقة الأسئلة قبل ما يبدء الحوار أو الكلام و الحركة دى هتخلى الواحد متوقع الاجابة و متحفز ليها بمجرد نطقها

2- عدم السرحان أحترس الموضوع ده سم قاتل و ساعات بيحصل بسبب التركيز اكتر من الازم فى معنى كلمة أو أجابة و العقل بيوقف عندها

3- ده الامتحان الوحيد من ال 4 أمتحانات اللى مسموح لك تنقل الاجابة اللى كتبتها فى ورقة الأسئلة إلى ورقة الاجابة بسبب أهمية التركيز اللى كنا لسه بنتكلم عليه منذ قليل

Reading

برضة لاشيئ جديد لكن الكارثة كانت فى الوقت تخيل ساعة بتعدي عليك كانها 10 دقايق وأقل وللأسف فى ناس كتير وقت فى فخ الوقت واتسحب الورق بدون ما ينقلوا الاجابات لورقة الأسئلة أو بدون ما يحلوا أخر 10 أسئلة كانت عن قطعة شبة اللى كتبها بتحكى عن تاريخ القلم - أيوة تاريخ القلم :blink: - من أول ما الانسنان كان بيكتب بالعظم لحد عصر مكتبة جرير و خصم 10%

فى واحد لبنانى شكلة محترم و كبير فى السن حوالى أربعين سنة افتكر انه هياخد وقت أضافى زى أمتحان ال LISTENING وكانت المفاجأة ان ورقت الاجابة اتسحبت بدون ما يكتب حرف واحد فيها الراجل اتحول لمنحرف و شتم و مرضيش يكمل الامتحان و قفش على الست الناظرة اللى كانت واقفة علينا بس بصراحة وقفتة عند حده قلت له ( شايف الكرسي اللى كنت قاعد عليه ماتقومش من عليه لحد ما اللجنة تنتهى تكمل ما تكملش براحتك لكن خروج بره اللجنة مافيش ) :ninja:

WRITING

معقول أكتب رسالة لصديق ليك هيقعد عندك فى البيت و انت فى الاجازة بتاعتك و قول له يعمل ايه لو حصلت مشكلة و ما يعملش اية فى غيابك و اشرح له البيت بتاعك شكلة عامل أزاى !!!!!!!!! ( صديق ايه ده اللى عمره مشافش بيتى و كمان مسافر و سايب له مكنة يتعامل فيها ) ماشى اللى تقولوا عليه :lol:

هل توافق أو لاتوافق ان البعض يقول أنه عليك تغير مجال عملك و لو مرة فى حياتك

ده يا شباب كل الامتحان واللى حصل واللى كان اه نسيت

SPEAKING

دخلت على الراجل و عامل فيها شاب بيسوا من بتوع فرزاتشى :lol: و بقول له HALLO لقيت الراجل بص عليا بقرف و قالى و عليكم السلام ورحمه الله و بركاتة ( بريطانى من أصل باكستانى) فعلاً يقطع أتخن خميرة من اى بيت - قولت له ( ابوس ايدك يا باشا ) تحيا طالبان ونواز شريف سألنى كالتالى :

اسم و بلدك و اسم مدينتك و اهم الاماكن فيها , قولت له ( جامع القائد أبراهيم ) فى محطة الرمل و جامع ( المرسى أبو العباس ) فى بحرى وجامع كلية تجارة - جامعة اسكندرية دى الأماكن اللى اعرفها فى بلدى غير كده أنا معرفش حاجة فى أسكندرية

أدانى ورقة مكتوب فيها تحدث عن حدث رياضى مهم و مكان الحدث و اللى حصل فيه , لقيت نفسى بقول ( مبارة القمة بين الأهلى و الزمالك ) فى استاد القاهرة و بحضور سعادة رئيس الجمهورية الرئيس محمد حسنى مبارك و بعض السادة الافاضل و تفوق نادى الزمالك بهدقين مقابل لاشيئ حقق الهدف الاول حازم أمام الصغير و الهدف الثانى حازم امام الكبير

ابتدى يكلمنى هل انا بسمع اخبار سواء فى التلفزيون أو الراديو و ساعتها ما كدبتش خبر قولت له ايوة يا سعادة البية حتى الايام دى انفلونزا الخنازير مبهدلة المكسيك و امريكا

وده كل اللى حصل ادعوا لى يا رب اجيب ال 12 نقطة بتوع الهجرة يا أحسن الواحد خلاص حاسس انه قاعد على بيضة دنياصور مش عايزة تفقس و زهقت من القاعدة :lol:

تحياتى مرة تانية لاخويا و حبيبى البشمهندس زناتى اطال الله فى عمره أزمن عديدة و أياماً مديدة والسلام عليكم ورحمه الله و بركاتة :lol:

ربنا يوفقك وتجيب الدرجات الى انت عاوزها

يا ريت لو تعرف عناوين مكاتب ترجمة معتمدة فى الخبر او الدمام تقلنا عليها وشكرا

[YUSY]

ياريت حد فى مستوى وديع سوريال بتاع الابراهيميه,ولا الاحسن نترجمها فى مصر وخلاص ياريت تفدنى بالرد