الاستعداد لامتحان (IELTS)

[أحمد سيف]

انا اتسفلت يا جدعاااان

لسه راجع من الامتحان دلوقتى بس مش مركز خالص

مش عارف المشكلة فيا ولا ده غباء من الاخرين

هانام شوية واقوم اكتب لكم الامتحان

خذ راحتك يا باشا ... من حقك

[wafa]

انا امتحاني راح يكون 30 -5 ان شالله في الشيراتون - ابوظبي

قريت فيالمنتدى انه في ناس يحجزون موعدين امتحان ويرسلون للسفارة الامتحان الاخير ؟؟

افكر اسويها .. امتحان 30 -5 وامتحان اخر ستة ..

بس حابة اتاكد انه ما فيها مشكلة .. انا لازم ارسل ورق الابديت على اخر خمسة فاذا ارسلتلهم حجز الامتحان ليوم 27/6 .. اقدر ارسل لهم نتيجة 30/5 لو جبت النتيجة المطلوبة ؟ ولا راح يصروا على استلام نتيجة 27/6 ؟

.((والله تفاجأنا من ورق لاابديت .. المهلة لنا اقل من 120 يوم ..))

الله يبارك فيكم وفي مساعدتكم

ممكن حضرتك ترسل لهم الاوراق كلها مع مصل الامتحان

وبعد لما النتيجة تطلع... بالتوفيق ان شاء الله....ترسل النتيجة

شكرا اختي على الرد ..

بس سؤالي .. وصل اي تاريخ اللي لازم ارسله ؟؟

عادي ارسللهم نتيجة 30/5 اذا كانت مطلوبة وانا اكزن قدمت لهم اصلا وصل شهر ستة ؟؟

شكرا

[znaty]

انا اتسفلت يا جدعاااان

لسه راجع من الامتحان دلوقتى بس مش مركز خالص

مش عارف المشكلة فيا ولا ده غباء من الاخرين

هانام شوية واقوم اكتب لكم الامتحان

وتستمر قوافل الشهداء

وادي واحد تاني اتسفلت

وشكل كاازا كدة خدوه اسير

اثبتوا يا رجال كلنا لها

[znaty]

السادة الاعضاء

الاخت وفاء تحديدا

دة رد السفارة عليا في موضوع تاخير نتيجة الايلتس

ويعتبرهذا الرد توثيق رسمي لمدا قانوني هام في محكمة النقض وهو ارسال الوصل

حقوق النشر محفوظة ليكم كلكم

Thank you for your enquiry.

Please be advised that when we send out letters requesting documents, we take into account the fact that it will take some time for letters to reach their destinations. We believe the time frame given for applicants to submit the requested documents is reasonable and we are not inclined to extend the deadline. You should endeavour to submit your documents within time provided in our letter.

Please be aware that processing realities mean that we are not usually able to review applications immediately after the deadline for receipt of documents has passed. However, do keep in mind that when applications are finally brought before an officer for review, a decision will be taken based on only what has been received by this office at that time. The visa officer will then make a decision, based on the information and documents on your file, to approve your application, refuse it or call you in for an interview. To this end, we strongly encourage you to meet the deadlines we have set.

If you expect delays in obtaining police certificates and language test results, please explain this in a covering letter when submitting your other documents and submit your documents as soon as possible.

[kaza]

والله يازناتي انا فعلا كنت اسير القلق الصبح لكن بعد امتحان الليسينج اللي كان زي الزفت حيث ان 15 اجابة عندي كانت فاضية مسمعتش الاجوبة اساسا لاني معرفش ليييييييه بفكر في السؤال اللي بعديه وبلقى نفسي عديت السؤال اللي قبل وكانت الصاعقة بامتحان الريدينج اللي كان عبارة عن 5 قطع او 6 ومكانش عندي وقت اخلص حيث اني خلصت ولسه باقي عشر اسئلة بتاعت القطعة الاخيرة فوقتها بعت القضية عالاخر فدخلت على الرايتنج بس الحمدلله كان اكثر من رائع الموضوع الاول كان انك لزم تكلم المختصين عن خبر سمعته ان في خطة يشيلوا المكتبة المحلية ويحطوا بدالها سوبرماركت اكتب منين سمعت الخبر وليه لو شالوا المكتبة حاجة مش كويسه وايه اهمية المكتبة و التنية ان الناس بتاكل من برة كتير و بطلت تطبخ قول ايه رأيك في التطور ده كويس ولا لا وليه وهات امثلة .... اما السبيكنج كان لذيذ لكن اجوبتي كان قصييييرة جداااا لاني اساسا في حياتي الحقيقية بجاوب على قد السؤال و اقل فلا تقولي امتحان ولا بطيخ فكنت بجاوب يدوب على اد السؤال ومابطولش و الاسئلة كانت عن الاصحاب ( اصحابي ) وكان عن الطبخ اما التوبك كان عن الزحمة اللي في الشارع اذكر موقف صار فيه زحمة اذكر اين ومتى وماذا فعلت وهل اثر ذلك على يومك وكيف اثر .... انا همي كله في الريدنج الزفت و الرايتنج اللي ازفت ....وسامحوني على الكلمة.

انا عايد عايد الامتحان عاااايد

تم تعديل 9 مايو 2009 بواسطة kaza

[qenawy]

معلش يا كازا برضه اكتسبت خبرة

ربنا يوفقك في القادم ولكن ابدا الاستعداد مبكرا

[kaza]

:rolleyes: شكرا ياقناوي والله وجودكم بجانبي بجد بيهون كتييير عليا الحمدلله عندي اصحاب واخوان في المنتدى حتى لو مش بشفكم احساسكم كفاية والحمدلله على كل شي

[YUSY]

معلش يا كازا

كمنك انك تذاكر تانى دى حاجة كويسة واديك بتحسن اللغة بتاعتك ومتنساش تجدد نيتك علشان تعبك ميرحش هدر

دعواتى ليك بالتوفيق وربنا معاك

[kaza]

ربنا يخليك ومن كل قلبي يوفق الجميع

[masri]

السلام عليكم

اخواني الكرام- شهادة الزوجة دبلوم معهد الصناعة (سنتان دراسية بدوام كامل) بعد الثانوي وهو تابع لوزارة الصناعة والمعادن

-

شهادة الزوجة غير متاكد من عدد نقاطها ......

خلاص حلو كده .., الزوجة 4 نقط بالتمام و الكمال

اوعى تكون ضاربلها شهاده و مقللء :rolleyes:

حتسجل الشهادة فى الخارجية و تجيب ترانكريبت و كمان عدد الساعات اللى يعدى 15 ساعة اسبوعيا و تتوكل على الله

الباشمهندس زناتى جاوب على مداخلة صفحة 100 شبه كده

بس المفروض ان المعهد يكون متسجل تبع وزارة التعليم العالى و تحت اشراف وزارة الصناعة

و بعدين احسبها بطريقة تانية

لو هو ده كان موهللك ..., كنت حتاخد عليه كام

لو اديت نفسك 20-22 هى تديها 4

ا

[znaty]

:rolleyes: شكرا ياقناوي والله وجودكم بجانبي بجد بيهون كتييير عليا الحمدلله عندي اصحاب واخوان في المنتدى حتى لو مش بشفكم احساسكم كفاية والحمدلله على كل شي

عزيزي كازا

ليس الخبر كالشهادة

اديك سمعت كتير لكن لما قعدت في اللجنة وشفت الامتحان ازاي اكيد اتعلمت منها كتييير

ركز بأة على نقط الضعف في السمع وتنظيم الوقت في الرايتنج

وماتزهأش

اهم حاجة ما تزهأش

وادي رهبة اللجنة راحت منك

يعني المرة الجاية اعصابك اهدا ان شاء الله

بالتوفيق يا زعيم ان شاء الله

[dr vico]

السادة الافاضل علي فكرة انا امتحنت في نفس يوم الاستاذ كازا بس في الاسكندرية و جاللي نفس الامتحان بالنص بصراحة انا و واحد صاحبي اتسفلتنا فعلا . الطريف و الحزين في نفس ذات الوقت اني انا و صاحبي برضه طلعنا علي البريتش كاونسيل في كفر عبده بعد المتحان مباشرة نسأل عن اقرب ميعاد لحجز امتحات ايلتس تاني :winner: بصراحة كان امتحان منيل و طويل جدا سؤالي هل المهلة المسموح بها بعد ال120 يوم عشان تجيب نتيجة الايلتس شهر ام اكثر ؟؟ و شكرا و دعواتنا للجميع بالتوفيق علي فكرة التايم مانيجمنت اهم حاجة مع الاعصاب الباردة..

تم تعديل 9 مايو 2009 بواسطة dr vico

[masri]

السادة الافاضل علي فكرة انا امتحنت في نفس يوم الاستاذ كازا بس في الاسكندرية و جاللي نفس الامتحان بالنص

شوفتوه يا اخواننا المراقبين وهم بيتعاملو مع مظاريف الاسئلة

كانها مظاريف ث عامة (مع الفرق طبعا احنا عندنا بتتسرب احيانا :winner: )

الامتحانات واحدة فى كل الدتيا و ف نفس اليوم

اللى بيفرق هو اسئلة الاسبيكنج و هو عبارة عن فايل a4 ,يحتوى على شيميزات كل واحد جواه توبيك معين بالاسئلة المنبثقة منه

و مهمة الexaminer انه يفضل يقللب بين اسئلة التوبيكات عشان يشفوف اللى حافظ من اللى فاهم الاسئلة و بيعرف يرتجل اجابات بغض النظر عن الاجابات دى اذا كانت بتعبر عن راى سليم ولا لا المهم هو التفاعل

خلاصة الاسبيكينج فى كلمتين

ان الواحد يقرا الاسئلة بتاعته اللى فى الكامبرج و يحاول انه يفكر فيها جامد اوى بالعربى

عشان لو حضراتكم عندكم رد حاضر فى زهنكم بالعربى او ثقافة فى النموضوع الى بيتسال فيه اكيد حترد بسرعة

وبعدين فى الامتحان لو حضرتك حافظ اجابة معينة و صادف انها جت ,,,, دائما بتلاقى نفسك بتقول حاجة تانية خالص

بالمناسبة يا دكتور فيكو

انت الاسبيكنج بتاعك كان مع مين ؟ و ياريت تحاول تفتكر التوبيكات اللى اتسالت فيها

و ياريت متجاوبنيش و تقوللى ( اودرى)

و كمان بخصوص الرييدينج

القطعة التالتة كانت توزيع اسئلتها ازاى يعنى ال 13 سوال كانو كام هيدينج+ كام ترو وفولس لو موجود+ كام اكمل لو موجود يعنى التفنيطة كلها يا ريس

و كمان سيكشن 1و 2 ..., كان نسبة الترو فالس اد ايه من 27

تحياتى و نصيحة ليك انك مادمت فى اسكندرية , حاول تعمل crash course مع حد جامد شوية

تم تعديل 10 مايو 2009 بواسطة masri

[supersuper]

يعني اروح الامتحان ولا انسى :unsure:

عادي يا جماعة مفيش مشكلة بيكفي انكم تخلصتوا من رهبة الامتحان اما انا لسة

مع اني مقدم من قبل امتحان اسمه TOEIC بس هوة امتحان تافه مقارنة مع الايلتس وبركز على القواعد ومفيش محادثة والاستماع فيه سهل بس يومها مكنتش بعرف ايه يعني انجليزي :closedeyes: وجبت المطلوب :winner:

بس السؤال للاخوان اللي قدموا مبارح

بخصوص القراءة لاحظتوا الفرق في الفقرة التانية؟ زي ما قالوا انها حتتغير من اول الشهر

وسؤال بشكل عام بخصوص المحادثة

هل يجب الاجابة على السؤال بشكل كامل؟

يعني whats your name

my name is..

هل لازم احط my name is ولا المهم اجاوب وبس؟

لما رحت اشوف مستاوية في اللغة عند احد المعاهد قالتلي لازم تكون اجابة كاملة

وانا كل شوية اجاوب عادي كإني بكلم واحد من الشارع وهية تقول اجابة كاملة وانا متأكد لو كان المهم ان الواحد يتكلم كنت حصلت مستوى اعلى

والله يا جماعة مبارح مدرستش حاجة وكنت بقرأ عن الهجرة لأستراليا ونيوزلندا انا مستعد اروح اي بلد مطلوب فيها الايلتس اقل :wub:

[znaty]

السادة الافاضل علي فكرة انا امتحنت في نفس يوم الاستاذ كازا بس في الاسكندرية و جاللي نفس الامتحان بالنص

شوفتوه يا اخواننا المراقبين وهم بيتعاملو مع مظاريف الاسئلة

كانها مظاريف ث عامة (مع الفرق طبعا احنا عندنا بتتسرب احيانا )

الامتحانات واحدة فى كل الدتيا و ف نفس اليوم

اللى بيفرق هو اسئلة الاسبيكنج و هو عبارة عن فايل a4 ,يحتوى على شيميزات كل واحد جواه توبيك معين بالاسئلة المنبثقة منه

و مهمة الexaminer انه يفضل يقللب بين اسئلة التوبيكات عشان يشفوف اللى حافظ من اللى فاهم الاسئلة و بيعرف يرتجل اجابات بغض النظر عن الاجابات دى اذا كانت بتعبر عن راى سليم ولا لا المهم هو التفاعل

خلاصة الاسبيكينج فى كلمتين

ان الواحد يقرا الاسئلة بتاعته اللى فى الكامبرج و يحاول انه يفكر فيها جامد اوى بالعربى

عشان لو حضراتكم عندكم رد حاضر فى زهنكم بالعربى او ثقافة فى النموضوع الى بيتسال فيه اكيد حترد بسرعة

وبعدين فى الامتحان لو حضرتك حافظ اجابة معينة و صادف انها جت ,,,, دائما بتلاقى نفسك بتقول حاجة تانية خالص

بالمناسبة يا دكتور فيكو

انت الاسبيكنج بتاعك كان مع مين ؟ و ياريت تحاول تفتكر التوبيكات اللى اتسالت فيها

و ياريت متجاوبنيش و تقوللى ( اودرى)

و كمان بخصوص الرييدينج

القطعة التالتة كانت توزيع اسئلتها ازاى يعنى ال 13 سوال كانو كام هيدينج+ كام ترو وفولس لو موجود+ كام اكمل لو موجود يعنى التفنيطة كلها يا ريس

و كمان سيكشن 1و 2 ..., كان نسبة الترو فالس اد ايه من 27

تحياتى و نصيحة ليك انك مادمت فى اسكندرية , حاول تعمل crash course مع حد جامد شوية

انت يا ابني خلااااااااااااااااااااصة

ربنا يوفقك يا مصري :wub:

[capitshino]

مساء الجلاش

انا حاسس انى لسه فايق من غيبوبة الايلتس

بالنسبة للامتحان كان فى كايرو برتش سكور فى القاهرة الجديدة بالظبط بالظبط فى طريق السويس

الامتجان بدء متاخر شوية على ما رتبو اللجان ودخلت انا الكلاس بتاعى مع مراقبة شكل كوندليزا رايس وماعندهاش تفاهم

المهم جربت السماعات وهى على فكرة هيدفون ومش زى ما ناس كتير قالت اتعود على السماع باالاسبيكر ----ا عتقد ان الاحسن هو الهيدفون

وقالت لو حد عنده مشكلة يقول واحد قالها الهيدفون فى مشكلة فغيرته له .

واديت لكل واحد ظرف يضع فيه الموبيل ويكتب اسمه ورقمه على الظرف وواحد لم الموبيلات

بدء الامتحان الساعة 10 تقريبا .

الليسننج

بيتكلم عن متحف ومواعيد الزيارة واسعار التذاكر والخصومات للمجموعات وهكذا وده كان اسهل جزء فى الامتحان ككل

الجزء التانى طالبة وطالبة دخلو للمدرس بتاعهم فى الجامعة وحوار دار بينهم عن مشروعهم فى الكلية ووبرده شوية اسئلة

الجزء مش فاكره اوى من غبوته وزى ما قلت لكم مش عارف العيب فيا ولا ده غباء من الاخريين ...... كانك مشغل مسجل عالسريع

الريدينج مجموعة قطع طويلة جدا جدا جدا وكنت حاسس ان معظم الجلول Not Given

كان منهم قطعة عن الذهب فى استراليا واكتشافه وكده

الرايتنج زى بتاع اخونا كازا بالظبط

اول موضوع 150 كلمة عن المكتبة اللى عاوزين يبنو مكانها سوبر ماركت

تانى موضوع 250 كلمة عن ان فى ناس كتير بقت تاكل غذاء جاهز هل انت شايف ده كويس ولا لا وليه وهات امثلة وعيش بقى مع نفسك

بصراحة مالقتش كلام كتير فهبلت شوية

الاسبكينج كان كويس شوية والحمد لله

1- اسمك ومنين وبتتعلم ولا شغال وشغال ايه

2- اتكلم عن موقف صعب حصل لك خلال سفرك وعملت ايه علشان تحله (اتكلم من دقيقة لاتنين)

3- شوية اسئلة زى اتعلمت ايه من الموقف ده وحكيته لحد قبل كده ولا دى اول مرة تفتكره

وبعدين سؤال هل التكنولوجيا هتخليك تسافر تانى ولا ممكن يبعتو لك عينات وصور من خلال الشحن السريع وصور من خلال الانترنت ولو اه اه ليه ولو لا - لا ليه

المهم انا راجع السعودية اخر الاسبوع ونازل على جدة احجز للامتحان تانى على طول وربنا يكرم ويسهل الحال

والله الموفق والسلام عليكم ورحمة الله وبركاته

:wub: bsh:) wst::

[kaza]

على فكرة الرايتنج و الليسنج هو هو نفسه بالضبط بتاع capitshino يعني الفرق كان بس بالاسبيكنج واذا كنت فاكر كابتشينو ان اخر قطعه في الريدنج كان عن قلعة او قصر او معلم اثري انا ناسي ايه اساسا بس فاكر انه شيء اثري وتكلموا عن العمر بتاع الاطفال و الباص اللي هيخدهم وممكن يشتروا عصير تفاح وياكلوا كيك صح ؟؟

[qenawy]

يبدو ان الامتحان استاندارد

المفروض نستغل فروق التوقيت

يعني الامارات 3 ساعات زيادة

يكونوا اعانوا اخوانهم في مصر

اليست فكرة عبقرية

علي فكرة انا بهزر وضد الغش علي الاطلاق

[capitshino]

على فكرة الرايتنج و الليسنج هو هو نفسه بالضبط بتاع capitshino يعني الفرق كان بس بالاسبيكنج واذا كنت فاكر كابتشينو ان اخر قطعه في الريدنج كان عن قلعة او قصر او معلم اثري انا ناسي ايه اساسا بس فاكر انه شيء اثري وتكلموا عن العمر بتاع الاطفال و الباص اللي هيخدهم وممكن يشتروا عصير تفاح وياكلوا كيك صح ؟؟

صح يا عم كازا

[capitshino]

يبدو ان الامتحان استاندارد

المفروض نستغل فروق التوقيت

يعني الامارات 3 ساعات زيادة

يكونوا اعانوا اخوانهم في مصر

اليست فكرة عبقرية

علي فكرة انا بهزر وضد الغش علي الاطلاق

هو مش غش اوى

بص احنا نتصل كاننا بنطمن عليه ونقوله عملت ايه والكلام بيجيب بعضه

حلوة الفكرة دى؟