الاستعداد لامتحان (IELTS)

[ام محمد]

تحية لجميع اعضاء المنتدى الكرام:

لقد عدت قبل قليل من امتحان المحادثة (speaking) الذي تم في كليات التقنية العليا برأس الخيمة ..الاسئلة حلوة

بداية التعريف بالنفس كالعادة ..ثم هل انت طالبة او موظفة ؟ ثم هل تدريسك للمادة صعب ام سهل .ثم ما هي التجهيزات والمعدات التي تستخدميها في التدريس ؟؟سؤال لم اتوقعه

هل تودين تغيير الوظيفة ؟كم من العطلات لديكم ؟ماذا تحبين ان تعملي في العطلات ؟هل تعتقدي بانكم تحتاجون لعطلات اكثر ؟

هذا كان الجزء الاول ....التوبيك الثاني عن الاصدقاء تحدثي لمدة دقيقتين عن اعز صديقة عندك بعد تسجيل النقاط على ورقة

اما الجزء الاخير ما الفرق بين الصداقة بين النساء والصداقة بين الرجال .هل تفضلي وجود اصدقاء في العمل وهل يفضل العمل كفريق ام فرادى ..مارايك في رئيس العمل هل يجب ان يشجع الصداقة بين اعضاء العمل ام لاولماذا ثم ....اسئلة عن الزوار والضيوف ..هل تستقبلين الكثير من الضيوف ما هي الترتيبات التي تعمليها ..متى بيزوروكم اكثر ؟؟وهل تحبين ان تزوري الناس ام لا وبس انتهت الاسئلة وضعتها حتى يستفيد الاخرين ..والحمدلله جاوبت ولكن احس القواعد اثناء الكلا لم تكن مضبوطة بشكل صحيح ..

[qenawy]

شكرا ام محمد

اخوانا اللي امتحانهم يوم 27 يصحصحوا عشان احتمال يكون السبيكنج زي ام محمد

[sherifhfm]

مفيش اخبار عن نتائج الامتحانات يا جماعة خير ان شاء الله

[ahmedkamal]

اخواني انا كنت امتحنت من شهر ونص وجيبت 6 دلوقتي هنا ف الرياض مشكله مواعيد الامتحان حاليا سالت مش متاح الا 24 اكتوبر فهل ينفع من دلوقتي احجز 24 وكمان امتحان تاني ولو طلعت النتيجه كويسه يبقى مش مشكله لوعرفت استرد فلوس الامتحان ولا تبقى حلاوة النتيجه مش مهم

حد عنده فكرة ينفع احجز لموعدين

[safar]

أود أن أضيف معلومة ربما تفيد كثير من الإخوة وهي أنه عند طلب نسخة أخرى غير النسخة التي أخذتها بعد الامتحان مباشرة تتم مطالبتك بدفع رسوم للشهادة وهذا متوقع ، لكن كذلك يتم مطالبتك بدفع رسوم الشاحن كذلك وهو أغلى مثلاً :

عندنا : يتم مطالبتك بدفع 50 ريال للشهادة ، و 100 ريال للشاحن FEDEX مثلاً وهو أرخصها ، أي تدفع 150 ريال لمركز الامتحان.

وفي رأي أنه إذا أنت لن تحتاج للنسخة الأصلية الأولى التي أخذتها فالأفضل أرسالها مع أوراق الأبديت وبالتالي تكون قد وفرت 150 ريال كانت ستذهب هباءً منثوراً.

:blush2:

مع تحياتي للجميع

[laka]

السلام عليكم

كيف حالك يا خويا يا زناتي؟عامل ايه و وصلت فين؟ياريت تبقى تطمنا على أخبارك و اخر مستجداتك.أخوك في الله لايص و ضايع و مش عارف أعمل ايه في المنيل على عينو الايلتس،أنا امتحاني يوم 11/07.يادوب من اسبوعين ابتديت مداكرة بس، وضعي اسود خااااااالص عشان أنا محتاج 16 نقطة كاملة وشكلي هابقى منضم لقافلة الشهداء ياسيدي ولا تزعل أنتم السابقون ونحن ان شاء الله بكم لاحقون.ياريت الاخوة يفتكرونا بدعوة عن ظهر الغيب والله لا يضيع أجر المحسنين.سلام

[kaza]

:( نتيجة الامتحان الثاني

الاستماع 5.5 المرة اللي فاتت 6

القراءة 5 المرة اللي فاتت 3.5

الكتابة 5 المرة اللي فاتت 6

المحادثة 6.5 المرة اللي فاتت 6

زهئت و طهئت ومليت وعمل ايه هعيد الامتحان تاني في 11.7

[ام محمد]

الله المستعان ...كان الله في عون الجميع ...امتحاني غدا ...دعواتكم

[sherifhfm]

:( نتيجة الامتحان الثاني

الاستماع 5.5 المرة اللي فاتت 6

القراءة 5 المرة اللي فاتت 3.5

الكتابة 5 المرة اللي فاتت 6

المحادثة 6.5 المرة اللي فاتت 6

زهئت و طهئت ومليت وعمل ايه هعيد الامتحان تاني في 11.7

ان شاء الله الامتحان القادم يكون الاخير وتحصل على الدرجات المطلوبة

معلش هوه مشوار الجهرة لازم فيه بعض العقبات وبعدين محدش يعرف الخير فين

الله الموفق

[medopharm]

:( نتيجة الامتحان الثاني

الاستماع 5.5 المرة اللي فاتت 6

القراءة 5 المرة اللي فاتت 3.5

الكتابة 5 المرة اللي فاتت 6

المحادثة 6.5 المرة اللي فاتت 6

زهئت و طهئت ومليت وعمل ايه هعيد الامتحان تاني في 11.7

الاخ KAZA

ربنا يوفقك ويعينك وتعدى الكابوس ده بالسلامه

بس انا عندى نصيحه ليك

لااااااااااااااااااااازم ماتضيعش وقت ودوس فى الفرنساوى

زاكره من دلوقتى عشان تكسب وقت لأن بصراحه الاسكور اللى مطلوب منك كبير اوى وصعب

والدرجات اللى انت جبتها بعيده اوى عن اللى مطلوب

ربنا يوفقنا جميعا ان شاء الله

[medopharm]

اخواني انا كنت امتحنت من شهر ونص وجيبت 6 دلوقتي هنا ف الرياض مشكله مواعيد الامتحان حاليا سالت مش متاح الا 24 اكتوبر فهل ينفع من دلوقتي احجز 24 وكمان امتحان تاني ولو طلعت النتيجه كويسه يبقى مش مشكله لوعرفت استرد فلوس الامتحان ولا تبقى حلاوة النتيجه مش مهم

حد عنده فكرة ينفع احجز لموعدين

ممكن تحجز اى عدد

ولكن خد بالك خلى بين الامتحان التانى وظهور نتيجة اللامتحان اللى قبليه مش اقل من شهر

عشان لوحبيت تلغيه تقدر تلغيه بس فى الحاله دى بيتخصم منك تقريبا200ريال

بالتوفيق

[capitshino]

:( نتيجة الامتحان الثاني

الاستماع 5.5 المرة اللي فاتت 6

القراءة 5 المرة اللي فاتت 3.5

الكتابة 5 المرة اللي فاتت 6

المحادثة 6.5 المرة اللي فاتت 6

زهئت و طهئت ومليت وعمل ايه هعيد الامتحان تاني في 11.7

خيرها فى غيرها يا عم كازا وان شاء الله تجيب الاسكور يا رقيق 9 مايو

انا لسع عاوز احجز بس الابديت اعتقد انه على وصول خلال الايام الجاية

حد عنده فكرة اقرب امتحان فى جده فى مكان متى؟

[الأهلاوي الأصيل]

كازا...حاول في الفرنساوي اعتقد هو أملك الوحيد دلوقتي

واحد صاحبي كان محتاج 12 في الأيلتس مكنش عارف يجيبها وامتحن 5 مرات ، وأقصى حاجة جابها 10

راح أخد دروس فرنساوي وامتحن التيف جاب 6 من 8

أعتقد إنك صعب جدا جدا جدا تجيب 16 في الأيلتس ، فرأيي تركز على الفرنساوي يكملك النقط الناقصة

وبالتوفيق إن شاء الله

[supersuper]

السلام عليكم

انا غبت فترة طويلة بسبب الاشغال بس رجعت عشان اقلكم اني امتحت الايلتس اليوم

بداية الف مبروك لكل اللي جابوا السكور المطلوب وبالتوفيق للي لم يحالفه الحظ

الامتحان بإختصار كان في احدى فنادق الشارقة

coral beach resort sharjah

التجمع الساعة 7 ونص صباحا وبدأ الدخول الى القاعة الساعة 8 بس اخدت وقت لإنه المتقدمين تقريبا 200 واحد

الامتحان بدأ بعد الساعة 9 يمكن 9 ونص وطبعا مع الاستماع

السماعات موجودة في الحائط والامتحان كان اسهل مما توقعت الصوت واضح جدا والكلام مفهوم وحسيت انه كل الاقسام كانت سهلة ومقبولة بس طبعا ضيعت كام اجابة بس لعدم التركيز ومش عارف لو كنت ححصل 7

القراءة كان صعب ومفيش وقت واتزنقت كتير وآخر 6 اسئلة كتبتهم كلهم A

ولسة قبلهم في حجات سبتها فاضية

الكتابة الموضوع الاول عن بناية عايزين يبنوها في المنتزه اللي جنب بيتك وانت حتكتب رسالة لمحرر جريدة تقول ازاي عرفت عن البناية وانت ايه رأيك في الموضوع

والموضوع التاني عن مطاعم الوجبات السريعة ومع انها مش صحية ليه الناس كتير بتروح عليها ونقدر نعمل ايه بخصوص الموضوع ده واكتب عن امور مرت عليك بخصوص الموضوع سواء من اقارب او معارف

يعني حسيت انه منطقي والواحد لقي كلمتين يكتبهم

المحادثة موعدها الآن بعد ساعتين في المركز البريطاني في الشارقة ربنا يستر

ومع اني عارف اني مش حجيب 7 في كل الاقسام اللي فوق بس لازم انسى اللي فات واحاول اجيب اقصى حد عندي

مع اني مدرستش يمكن درست بس ساعتين استماع وساعتين قراءة قبل شهر وبس

عالعموم انا عندي موعد تاني بعد اقل من شهر يعني حاسب حسابي

[ام محمد]

1. [/list مرحبا لقد عدت قبل قليل من الامحان ...الحمد لله على كل شيء الاستماع كان صعب ...الباقي معقول ....لي عودة ان شاء الله

[ام محمد]

يبدو ان الاخ سوبر امتحن نفس امتحاني براس الخيمة في كليات التقنية ولكن احنا امتحنا المحادثة قبل اسبوع بالتوفيق ....

[supersuper]

اهلا بالاخت ام محمد وبالتوفيق ان شاء الله

الآن فقط انتهيت من امتحان المحادثة وطبعا بدأ بالاسئلة العامة وبعدها سألني عن مكان تاريخي لازم اوصفه وكيف عرفت عنه وعن الاماكن التاريخية في بلدي وذكرتله كل الاماكن التاريخية عندنا في الاردن ههههههههه

بس المشكلة لما قلي معاك دقيقة الى دقيقتين وابدأ الكلام كنت كاتب رؤوس اقلام عن البتراء وخلصت كل المعلومات اللي عندي وهوة كان يستنى اتكلم كمان لإن الوقت مخلصش وانا كل شوية اقول كلمتين واسكت لحد ما وقفني

انا قلتله كل حاجة بس بسرعة قلتله هية ايه ومين بناها ومن ايمتة وهية من عجائب الدنيا الجديدة ووصفتله اياها عايز اقول تاني ايه خخخخخخخ

ادائي حسيته متوسط والله اعلم

[znaty]

اخواني واحبائي اعضاء المنتدي والتوبيك الكرام

اعتذر بشدة اني غبت المدة دي كلها

بس بصراحة انا كنت في حالة نفسية سيئة وتعبت جدا الفترة دي بسبب الايلتس

ففضلت الاختفاء لغاية مارسالي على بر

واخيرا رسيت على بر

طبعا انتوا اخر حاجة تعرفوها عني اني قدمت تظلم على النتيجة اللي فاتت

وبعت ورقي كله

وخدت قرار اني هاستني التظلم لو زودني النص درجة خلاص يبقي هاكمل في مشوار كندا لو مازودنيش هابدا في استراليا لان النتيجة بتاعتها تكفي

بعد عدة مكالمات تليفونية من اخويا قناوي وبعد كمية التشجيع الرهيب اللي خدتها منكم كلكم دون استثناء واحد حجزت في امتحانين كمان وقلت نتوكل على الله

بس لو تعرفوا فين الامتحانين مكانهم تعرفوا انا كنت غايب ليه

واحد في البحرين يعني دولة تانية وسفر وطبعا 5 ايام هناك مابين فسحة للمدام طبعا من الحبسة اللي هيا فيها بسبب الايلتس والتاني في جدة يعني 1600 سايق عربيتي رايح وزيهم جاي واسبوع في النص فسحة بردة وراحة

يعني انا كنت في شهر الايلتس

بالاضافة الى ان البوعدا بتوع الخبر اتصلت بيهم علشان اعرف متيجة اعادة التصحيح

كانت المفاجاة انهم ضيعوا الشهادة وبعتوا للندن يسالوهم نعمل ايه

قالولهم اعرضوا عليه يخش امتحان ايلتس مجاني ورجعولو فلوسه

انا اعرف ان الناس تدي تعويض دي في دي كاسيت تلاجة موش امتحان

علشان مطولش عليكم

امبارح بس رجعت من جدة

واالنهاردة من ساعة بس عرفت نتيجة البحرين

ليسننج 7

ريدنج 6,5

رايتنج 7

سبيكنج 6

يعني الحمد لله الحمد لله الحمد لله عدينا 2 هاي و 2 مودرات

وبغض النظر عن نتيجة امتحان جدة اللي لسة ماعرفهاش وامتحان التعويض بتاع بلاوي الخبر

اخوانا الفضل لله وحده ومن بعده

كل اخ واخت فيكم دعالي بظهر الغيب وانا والا عمري شفته

د قناوي و م سمية ومروة الشامي ووفاء في دبي و د بري كانديان والشامي واهلاوي وسوبر و سوسو راني ووووووووو موش هاقدر اسميهم كلهم بجد جزيتم خيرا كلكم

انا هابعت الشهادة السبت ونبدا المشوار تاني وندعوا الله انها تكمل على خير

ادعوا للدكتور قناوي بظهر الغيب وبقية اخوانا وتاكدوا ان ربنا هايكرمنا كلنا ان \شاء الله

هاركز شوية واهاعمل ان شاء الله مداخلة الخص فيها كل كلحاجة اعرفها في الايلتس سواء كانت كتب او طرق حل ومذاكرة

ومع بعض في الايلتس للنهاية

علشان انا اصلا عجبني الموضوع اوييي

هاخد ايلتس كل شهر مزاج يعني

هو الايلتس كدة زي الكميا غدارة بعد كدة تشتغل في الاحياء :lol:

جزاكم الله خيرا

[medopharm]

اخواني واحبائي اعضاء المنتدي والتوبيك الكرام

اعتذر بشدة اني غبت المدة دي كلها

بس بصراحة انا كنت في حالة نفسية سيئة وتعبت جدا الفترة دي بسبب الايلتس

ففضلت الاختفاء لغاية مارسالي على بر

واخيرا رسيت على بر

طبعا انتوا اخر حاجة تعرفوها عني اني قدمت تظلم على النتيجة اللي فاتت

وبعت ورقي كله

وخدت قرار اني هاستني التظلم لو زودني النص درجة خلاص يبقي هاكمل في مشوار كندا لو مازودنيش هابدا في استراليا لان النتيجة بتاعتها تكفي

بعد عدة مكالمات تليفونية من اخويا قناوي وبعد كمية التشجيع الرهيب اللي خدتها منكم كلكم دون استثناء واحد حجزت في امتحانين كمان وقلت نتوكل على الله

بس لو تعرفوا فين الامتحانين مكانهم تعرفوا انا كنت غايب ليه

واحد في البحرين يعني دولة تانية وسفر وطبعا 5 ايام هناك مابين فسحة للمدام طبعا من الحبسة اللي هيا فيها بسبب الايلتس والتاني في جدة يعني 1600 سايق عربيتي رايح وزيهم جاي واسبوع في النص فسحة بردة وراحة

يعني انا كنت في شهر الايلتس

بالاضافة الى ان البوعدا بتوع الخبر اتصلت بيهم علشان اعرف متيجة اعادة التصحيح

كانت المفاجاة انهم ضيعوا الشهادة وبعتوا للندن يسالوهم نعمل ايه

قالولهم اعرضوا عليه يخش امتحان ايلتس مجاني ورجعولو فلوسه

انا اعرف ان الناس تدي تعويض دي في دي كاسيت تلاجة موش امتحان

علشان مطولش عليكم

امبارح بس رجعت من جدة

واالنهاردة من ساعة بس عرفت نتيجة البحرين

ليسننج 7

ريدنج 6,5

رايتنج 7

سبيكنج 6

يعني الحمد لله الحمد لله الحمد لله عدينا 2 هاي و 2 مودرات

وبغض النظر عن نتيجة امتحان جدة اللي لسة ماعرفهاش وامتحان التعويض بتاع بلاوي الخبر

اخوانا الفضل لله وحده ومن بعده

كل اخ واخت فيكم دعالي بظهر الغيب وانا والا عمري شفته

د قناوي و م سمية ومروة الشامي ووفاء في دبي و د بري كانديان والشامي واهلاوي وسوبر و سوسو راني ووووووووو موش هاقدر اسميهم كلهم بجد جزيتم خيرا كلكم

انا هابعت الشهادة السبت ونبدا المشوار تاني وندعوا الله انها تكمل على خير

ادعوا للدكتور قناوي بظهر الغيب وبقية اخوانا وتاكدوا ان ربنا هايكرمنا كلنا ان \شاء الله

هاركز شوية واهاعمل ان شاء الله مداخلة الخص فيها كل كلحاجة اعرفها في الايلتس سواء كانت كتب او طرق حل ومذاكرة

ومع بعض في الايلتس للنهاية

علشان انا اصلا عجبني الموضوع اوييي

هاخد ايلتس كل شهر مزاج يعني

هو الايلتس كدة زي الكميا غدارة بعد كدة تشتغل في الاحياء :lol:

جزاكم الله خيرا

الف مبورك يازناتى

والله انا فرحت لك جداااااااااا

ربنا يكملك على خير

ودعواتكم بقى عشان نعدى منه احنا كمان

[safar]

الف مبروك يا أخ/ زناتي ، فعلاً أنا لما رأيت المشاركة الأخيرة لك فرحت لك كثيراً، وكأنني أنا الذي نجحت، وكأنه يذكرنا ذلك بقول الرسول صلى الله عليه وسلم : " مثل المؤمنين في توادهم وتراحمهم... "الى آخر الحديث، متمنين لك دوام التقدم والنجاح.

علماً أنني قد تقدمت لهذا الامتحان في ديسمبر2008، وكانت نتيجتي كالآتي:

ليسننج 7

ريدنج 7

رايتنج 6

سبيكنج 6

طبعاً الذي اختبرني في السبيكنج أحسست أنه معقد، حيث حذرني أحد المختبرين معه من قبل ولكن كما تعلم ما باليد حيلة.

فما رأيك بنتيجتي وكم نقطة باعتقادك سأحصل عليها؟

مع تحياتي للجميع