الاستعداد لامتحان (IELTS)

[qenawy]

من نفسي اغنية من حق الكبير يدلع

[znaty]

من نفسي اغنية من حق الكبير يدلع

:closedeyes:

طبعا من حقك تتدلع

قلتلك شيل شهادة الطب دي بقة و بروز الايلتس على الحيطة

انا عايز اسيح واذيع

والا اقولك ؟انت صاحب الفرح ذيع انت :happy:

تيجي نخش اتنين كمان تسالي ؟ :wub:

[qenawy]

ذيع يا زناتي ذيع

[znaty]

ذيع يا زناتي ذيع

بناء على المرسوم القناوي السامي

احب ازف الى جموع الشعب البيان التالي :)

قناوي تفوق على نفسة يا عالم

الامتحان التاني

ليسننج 7,5

ريدنج 6,5

رايتنج 6

سبيكنج 7

اوفر اول 7

بالصلاة على الحبيب النبي اعلى سكور شفته بين المصريين في التوبيك

كسر عقدة الليسننج والسبيكنج يا رجالة :lol:

وهيا الارقام القياسية اتعملت ليه ؟؟؟ موش علشان تتكسر؟؟

عقبال الكل يا رجالة

انتهي البيان

الله - الوطن - بالأمر :lol:

[qenawy]

شكرا زناتي شيخ الطريقة مدد

[qenawy]

7 في السبيكنج انا مبسوط بجد يا شباب

واشكر من عميق وجداني مدرسين الانجليزي في مدارسنا العربي النقراشي الثانوية العسكرية والنقراشي الاعدادية

علي معروفهم فينا

جيل لا يعوض كان عندهم ضمير دلوقتي واخ من دلوقتي

امتحنت مع مجموعة مدرسين انجليزي اليتس عشان ايه اسم اله عليهم الوزراة هتبعتهم بعثات لبريطانيا

درجاتهم يا اخواني 3 واربعة وفضايح

والله العظيم زعلت بجد علي حال التعليم في مصر

ده نقد حزين

معقول المستويات السيئة دي لمدرسي الانجليزي

[أحمد سيف]

ذيع يا زناتي ذيع

بناء على المرسوم القناوي السامي

احب ازف الى جموع الشعب البيان التالي :)

قناوي تفوق على نفسة يا عالم

الامتحان التاني

ليسننج 7,5

ريدنج 6,5

رايتنج 6

سبيكنج 7

اوفر اول 7

بالصلاة على الحبيب النبي اعلى سكور شفته بين المصريين في التوبيك

كسر عقدة الليسننج والسبيكنج يا رجالة :lol:

وهيا الارقام القياسية اتعملت ليه ؟؟؟ موش علشان تتكسر؟؟

عقبال الكل يا رجالة

انتهي البيان

الله - الوطن - بالأمر :lol:

يا جامد يا قناوي ... أنا لو منك أبعثلهم النتيجه الثانية كمان عشان يعرفوا إننا ولا بيهمنا لا أيلتس ولا دياولو

[bent misr]

الف مبروك يا د/ قناوي

أنا كنت حاسه ان النتيجه الثانيه هتطلع أحسن من

الاولنيه :lol:

بجد مبروك و عقبال باقي الاجرات :lol:

[laka]

ألف مليون مبروك يا د.قناوي والله النتيجة خيالية بكل المقاييس والكبير يفضل ديما كبير يا كبير باشا.بس طلب صغنن ، هو مينفعش تديني شهادتك أزورها وأحط عليها اسمي؟ ياريت تبقى توصي علينا الحبايب عشان يمشوها معايا في امتحان 27/09 اللي جاي.

سلامات و مبوك مرة ثانية وثالثة ورابعة وخامسة ( انت فاضي عشان تكمل عد معايا أصل أنا ماورياش حاجة) وسادسة يا الله يبقى نكمل المرة الجاية.

[znaty]

ايه دة ؟؟

تصدق يا د قناوي ان انت المداخلة رقم 1000 في التوبيك ؟؟

تكسب معانا فرصة تالتة لدخول الايلتس بالاضافة الى فريب تو بي وحرفين متحركين هدية :lol:

مفارقة غريبة

المداخلة 1000 تبقي بعنوان

قناوي يلقن الايلتس درسا قاسيا ويهزمه بالضربة القاضية في الجولة التانية :lol:

[أحمد سيف]

إلا قولي يا دوك قناوي ... نتيجه الامتحان الثاني بتاعك طلعت إمتى وشفتها فين ... انت مش ممتحن معايا في 11 يوليو وهما قالوا النتيجه يوم 24... أمال نتيجتي مش عارف أطلعها ليه ... كل ما أدخل على الموقع وأدخل البيانات تطلعلي رسالة بتقول

There is no result for this criteria. Please check your details and retry.

تم تعديل 22 يوليو 2009 بواسطة أحمد سيف

[znaty]

إلا قولي يا دوك قناوي ... نتيجه الامتحان الثاني بتاعك طلعت إمتى وشفتها فين ... انت مش ممتحن معايا في 11 يوليو وهما قالوا النتيجه يوم 24... أمال نتيجتي مش عارف أطلعها ليه ... كل ما أدخل على الموقع وأدخل البيانات تطلعلي رسالة بتقول

There is no result for this criteria. Please check your details and retry.

اووه دة انا نسيت انت كمان في نفس اليوم

ربنا يطمنا عليك يا سيف يا رب

خد بالك طلوع النتيجة موش مركزي

كل سنتر وظروفه

يعني القاهرة غير اسكندرية

هما بعتوها للدكتور قناوي في رسالة موبايل وهو عملهالي فوروورد الصبح

كنت سايق العربية قتلني من الضحك لما شفتها

عقبالك يا سيف ان شاء الله

[محمود الكيميائى]

مبروك يا دكتور قناوى يا قاهر الايلتس والكندى ان شاء الله وكيفك يا باش مهندس زناتى يا صاحب المدونة الايلتسية النقشبندية كيفم اخوانى فى المنتدى بصراحة حتى الان لم ابدا مذاكرة عندى كل الكتب

ملخص الكلام عايز اعرف الكتب اللى ابدا بيها 1,2,3,.........

مستخلصة من تجاربكم مع الايلتس

بس ياريت ماحدش يقولى راجع التوبيك راجعته انا عايز منكم الخلاصة

وشكرا

تم تعديل 22 يوليو 2009 بواسطة محمود الكيميائى

[أحمد سيف]

مبروك يا دكتور قناوى يا قاهر الايلتس والكندى ان شاء الله وكيفك يا باش مهندس زناتى يا صاحب المدونة الايلتسية النقشبندية كيفم اخوانى فى المنتدى بصراحة حتى الان لم ابدا مذاكرة عندى كل الكتب

ملخص الكلام عايز اعرف الكتب اللى ابدا بيها 1,2,3,.........

مستخلصة من تجاربكم مع الايلتس

بس ياريت ماحدش يقولى راجع التوبيك راجعته انا عايز منكم الخلاصة

وشكرا

الخلاصه ذاكر من كتب كامبريدج السته + كتاب Grammar for ielts بتاع كامبردج برضه

وادخل الامتحان بقلب جامد

[qenawy]

الأخوة الأعزاء ...........زناتى و سوبر سوبر .........أنا متشكر جدا

على ملاحظاتكم القيمة .......أنا رحت النهاردة للبريتش كاونسيل بتاع العجوزة وحجزت لأمتحان 26 سبتمبر الجاى وربنا يكرم ...ده أول

أمتحان أدخله ويارب النتيجة تطلع مبشرة ......عموما أنا أكتشفت وأنا هناك أن هما عاملين offer أنك ممكن تقدم لجلسة تحضيرية فى

ال سبيكنج و ال رايتنج بهدف التقييم وهاتستلم منهم خطاب يقولك على مستواك بس من غير مايديلك باند سكور ......ودى ممكن

تبقى فرصة كويسة لتقييم مستواك وعرفة أيه اللى ناقصك قبل دخول الأمتحان ...........عموما تمنياتى بالتوفيق للجميع وشكرا .

ما انصحكش بحكاية التقييم دي

دي اشتغالات لم فلوس

ما دام مش هيكتب السكور يبقي فايدته ايه كلمتين مثل الجرامر مش عرف ايه والكوهيرنس ما اترك ايه

وفر فلوسك وذاكر

[moheltohamy]

ذيع يا زناتي ذيع

بناء على المرسوم القناوي السامي

احب ازف الى جموع الشعب البيان التالي B)

قناوي تفوق على نفسة يا عالم

الامتحان التاني

ليسننج 7,5

ريدنج 6,5

رايتنج 6

سبيكنج 7

اوفر اول 7

بالصلاة على الحبيب النبي اعلى سكور شفته بين المصريين في التوبيك

كسر عقدة الليسننج والسبيكنج يا رجالة :lol:

وهيا الارقام القياسية اتعملت ليه ؟؟؟ موش علشان تتكسر؟؟

عقبال الكل يا رجالة

انتهي البيان

الله - الوطن - بالأمر :happy:

يا جامد يا قناوي ... أنا لو منك أبعثلهم النتيجه الثانية كمان عشان يعرفوا إننا ولا بيهمنا لا أيلتس ولا دياولو

أولاً ألف مبروك لدكتورنا قناوي على عبور مطب الآيلتس برجله الشمال

بس معلش يا اخواننا بقى... الكاس أنا اللي آخده (وهابقى أشوفك برضه يا د. قناوي :sad: )

والتاريخ يشهد:

إستثمر ف الإنجليزي ، وابدأ ذاكر ، وهات كتب الــ IELTS ، وابدأ اشتغل فيها. وعيش جو الامتحانات بجد ، وحط لنفسك ساعة ، وتايمر ، وكأنك في امتحان حقيقي. وشغل الــ Listening في جو هادي ، وانتا معاه على أسئلة الكتاب. مش هتخدع نفسك. وصدقني ، اللي هتتعب فيه هيعود عليك.

أنا جبت ف الآيلتس 8.5 و 8 و 7.5 و 6.5 ف الــ Speaking مع الأسف! وبالتالي جبت 14 من 16 ف اللغة ، وبالتالي ما كانش عندي اختيار ، كان لازم أجيب نقطتين ف الفرنساوي! وكنت باسمع إنو ممكن شهادة اجتياز المستوى الرابع أو الخامس تديلك النقطتين (إعتماداً على تقييم موظف السفارة) ، لكن أنا ما حبيتش أسيب نفسي تحت رحمة حد!

مش كده ولاّ إيه؟ :blink:

[znaty]

ذيع يا زناتي ذيع

بناء على المرسوم القناوي السامي

احب ازف الى جموع الشعب البيان التالي :happy:

قناوي تفوق على نفسة يا عالم

الامتحان التاني

ليسننج 7,5

ريدنج 6,5

رايتنج 6

سبيكنج 7

اوفر اول 7

بالصلاة على الحبيب النبي اعلى سكور شفته بين المصريين في التوبيك

كسر عقدة الليسننج والسبيكنج يا رجالة :lol:

وهيا الارقام القياسية اتعملت ليه ؟؟؟ موش علشان تتكسر؟؟

عقبال الكل يا رجالة

انتهي البيان

الله - الوطن - بالأمر :happy:

يا جامد يا قناوي ... أنا لو منك أبعثلهم النتيجه الثانية كمان عشان يعرفوا إننا ولا بيهمنا لا أيلتس ولا دياولو

أولاً ألف مبروك لدكتورنا قناوي على عبور مطب الآيلتس برجله الشمال

بس معلش يا اخواننا بقى... الكاس أنا اللي آخده (وهابقى أشوفك برضه يا د. قناوي :happy: )

والتاريخ يشهد:

إستثمر ف الإنجليزي ، وابدأ ذاكر ، وهات كتب الــ IELTS ، وابدأ اشتغل فيها. وعيش جو الامتحانات بجد ، وحط لنفسك ساعة ، وتايمر ، وكأنك في امتحان حقيقي. وشغل الــ Listening في جو هادي ، وانتا معاه على أسئلة الكتاب. مش هتخدع نفسك. وصدقني ، اللي هتتعب فيه هيعود عليك.

أنا جبت ف الآيلتس 8.5 و 8 و 7.5 و 6.5 ف الــ Speaking مع الأسف! وبالتالي جبت 14 من 16 ف اللغة ، وبالتالي ما كانش عندي اختيار ، كان لازم أجيب نقطتين ف الفرنساوي! وكنت باسمع إنو ممكن شهادة اجتياز المستوى الرابع أو الخامس تديلك النقطتين (إعتماداً على تقييم موظف السفارة) ، لكن أنا ما حبيتش أسيب نفسي تحت رحمة حد!

مش كده ولاّ إيه؟ B)

اوووووو سكور العمالقة بتوع زمااان

هيييه راحت ايام زمان

رفاعة الطهطاوي وقاسم امين ومحمد التهامي ...مين محمد التهامي دة ؟؟

وبعدين معلش يا دكتور تهامي

انت موش من ابناء هذا التوبيك

وماخدتش دروس خصوصية عندنا

يبقي يظل المركز الاول ل د قناوي بردة

انت من منازلهم والا بريمتهم ماعرفش :blink:

بس يظل المركز الاول لابناء التوبيك ولا مؤاخذة

وديني لاعملك احمد عرابي هنا :sad:

[qenawy]

خلاص يا زناتي لم التعابين

وانت يا تهامي يا عظيم

انت اول واحد شكرته بس برضه خد المداخلة دي

الله الله الله

بص يا حاج تهامي

حضرتك جبت 14 في الاليتس وانا جبت 14 في الاليتس

انا اسمي خالد

حضرتك محمد

الخاء قبل الميم

يبقي انا الاول

وحضرتك الاول مكرر

ثانيا مدام فيها بقي كده

انت اخدت دروس في البريتش كاونسيل

محسوبك من منازلهم

عموما ولا يهمك يا تهامي

اذا ما كانش المشرف بتاعنا يجيب كده امال يبقي مين

وبعدين فيه اتغيرت في الاليتس في الليسننج وهي ان زمان ما كانوش بيدققوا علي اسبيلنج انما دلوقتي شغل اجرام

تحياتي وحلال عليك الكاس يا عم بس اوعي يكون كاس المر

واوعي ترفدني من المنتدي

[moheltohamy]

أيوه أيوه يا عم قناوي ، مانا واخد بالي طبعاً!

هيّه امتحانات زمان دي كانت امتحانات يا راجل؟! أنا بس عشان كنت واخد دش قبل ما اروح الامتحان ، إدّوني درجة النضافة :happy:

طب تعرف بجد إني نقصت درجة في الليسيننج على الاسبلينج بتاع جينز ، البنطلون الجينز! بقيت مش عارف هوّه بيتكتب بالت g ولاّ بالـ j ؟! وسبتها للآخر أكون قررت بدل ما أضيّع وقت الليسيننج والأوديو شغال ما بيرحمش!

وفي الآخر من خيبتي كتبتها geans! :happy:

هييييييه... كانت أيّام :blink:

وشكلك قابض يا عم زناتي... توبيك مين ده اللي أنا مش من أبناؤه؟ تحب ألغيلك ملكيّة التوبيك ده ، وبعد دئيئة تلاقيني أنا اللي فاتح التوبيك وصاحبه واللي ضارب فيه أوّل مفك؟ هه؟

كلّه رسمي وبالقانووووون يا معلّمين :sad:

إلاّ صحيح... وانا بادعبس كده على شويّة حاجات لقيت أوّل مشاركة كتبتها ليك يا د. قناوي... والله زمان بجد... فاكرها؟ :lol:

سيبوهولي الراجل ده يا جدعان...

د. قناوي أو جناوي زي ما بينطجوها...

بقى التعليم بس هوه اللي مش عاجبك في مصر؟ والصحة؟ والمرور؟ والأسعار؟ والتموين؟ والمباني؟ والشرطة؟ والقضاء؟ والسياسة؟ والنظام؟ والحرية؟ والأمان؟ والتلوث؟ والحب بين الناس وبعضها؟ ولا يمكن جوها الحار جاف صيفا ، دفئ ممطر شتاءً!

واحد محامي صاحبي قالها: البلد مش عارفين رايحة على فين!

هاقول لك حاجة أنا لمستها في كندا... أعصابك دايماً مرتاحة هناك. مش باتنشن وأعصابي بتتشد غير لما بارجع مصر!

باحس إن الناس هناك بتحب بعض... ما باحسش إن فيه عدوانية والناس مش طايقة بعضها غير لما بارجع مصر!

الهدوم دايماً نضيفة في كندا... ما بتتبهدلش وتتوسّخ غير لما بارجع مصر! :happy:

مش خايف على نفسك طول مانتا ف كندا... في مصر لو - لا قدر الله - جالك تيومَر ، هتبيع اللي وراك واللي أدامك عشان تتعالج صح ، وبرضه الله أعلم! (ومش محتاج أقول لك النظام العلاجي في مستشفياتنا عامل ازاي)

الأسعار في كندا عالية شوية (بس متناسبة مع الدخل هناك) ، والزيادات ف الأسعار منطقية ، وبنسب متوقعة كل سنة... الأسعار هنا قليلة (أو كانت) ، بس بيحصل لها جنون حالياً ، واللي بيعلى ما بينزلش ، ومفيش مبرر لارتفاعها أصلاً!

مفيش مشكلة إسكان في كندا... هنا بقى فيه مشكلة إسكان ، ومحدش قادر ع الأسعار ، والمباني كتيييير ، وأسعارها نااار ، وكلها محجوزة مقدماً ، ومحدش فاهم حاجة!

في كندا، ما بتشوفش أفراد البوليس في المعتاد (ممكن واحد تايه بيشيّك على الباركنج) ، أو عربية بوليس مشغلة السارينة ، و واخدة الشارع قص... هنا بقى ، تحس هنا إن فيه عداء بين الشرطة والشعب! ويا ويلك لو احتجت لهم في حاجة!

وبالنسبة لكندا ، إنتا ملاك نازل من السما ، لا بتكذب ولا بتسرق ولا تعرف العيب... هنا بقى ، إنتا متهم إلى أن يثبت العكس ، واثبت إنك ما عملتش! وان قالو للحرامي إحلف!

هناك كل حاجة ماشية بنظام ، والطوابير في كل مكان حتى في تيم هورتونز (مش كده برضه يا إيهاب؟)... هنا بأه مسخرة المساخر لو فيه طوابير! ومش محتاج أقول لك ع اللي بيحصل ، أنتا مننا وعارف اللي فيها!

المصالح الحكومية أتخن مصلحة ممكن تاخد ساعة ، وبتوصلك الأوراق ع البيت بالبوسطة... هنا بقى ، كنت دايماً بابتسامة عريضة ، أقول لبابا الله يرحمه كل ما يسألني إن كنت خلصت إجراءات الأجازة (هيا فيه حاجة ف الحكومة بتخلص)! وخلّصت الإجراءات بعد شهرين!!!

هناك أمن الناس له الأولوية ، والبوليس هناك عنيف جداً لو حد بيمثل خطر ع اللي حواليه... هنا بأه مفيش أي نوع من الإحساس بالأمان ، والبوليس نفسه ساعات ما بيعملش حاجة ، والبلطجية تلاقيه بيتلاشاهم! ماهو ظباط البوليس دول ليهم عيال عايزين يربوهم يا عم الحاج!

هناك كل حاجة نضيفة وصحية ، والأكل في نو فريلز زي ما يكون ناشيونال جيوجرافيك رايحين يصوروه (ولاّ إيه يا إيهاب؟)... هنا بقى قل لي إيه حواليك ما فيهوش تلوث؟! (الجو ، المبيدات ، مياه النيل ، بحر اسكندرية اللي د. الشامي راجع له :lol: ، الألبان ، الدم ومشتقاته ، ...)!

هناك الجو بارد جداً ف الشتا ، لطيف ممطر صيفاً (يمكن تورونتو فيها رطوبة بعض الأيام ف الصيف عشان موقعها بالنسبة لبحيرة أونتاريو) ، وعلى فكرة أنا كنت مستمتع جداً في درجة -29 ، آه والله... هنا بقى ، الجو الحار جاف صيفاً (كنا بندرسها كده والله!) ، فين الجاف ده؟!

واسمع إن الناس في كندا لبست شورتات عشان الجو بقى حر ودرجة الحرارة بقت 21! أروحش انتحر واخلص؟!

الناس هناك بتحب بعض بجد ، وبيتلككو عشان يساعدو بعض! والله بيتلككوا! هنا بقى ، ... قول انتا!

والأمثلة كتير ، وهاتكلم ف الموضوع ده قريب.

أما لو أساس الهجرة هيه إنك تعمل قرشين وترجع ، يبقى خليك في عيادتك ، هنا ممكن تحوّش فلوس ، أو اطلع الخليج ، دي اللي ممكن تجيب منها فلوس! الفلوس مش في كندا ، أو ع الأقل مش ف الأول ، ومش بسهولة.

الأساس من فكرة الهجرة إنك تكسب مجتمع تحبه ويحبك ، وتعيش فيه سعيد ومرتاح وآمن.

على أي حال ، هناك مش الجنة الموعودة... روح وجرب ، مش هتخسر حاجة! لكن نظام اللي تعرفه أحسن م اللي ما تعرفوش ، والبلد دي أحسن من غيرها... ده تهريج.

إمسك يا سيدي العصاية م النص ، ولما يكون ليك جنسية تانية معاك ، مش هتضرك ، ده بفرض إنك رحت هناك وكرهت البلد ، وده اللي أقدر أؤكّدلك إنو مش هيحصل (حسب فهمي لشخصيتك من كلامك - فيها كتير من شخصيتي بالمناسبة).

عموماً ، زي ما دايماً باقول لأصحابي ، كندا مش واقفة مستنية أبو الجناوي يفتتحها. :sad:

الموضوع هياخد وأت. شوية ورق هترميهم ف السفارة ، وانساهم خااالص ، وامشي ف حياتك زي مانتا ماشي حالياً ، ولما السفارة تتصل بيك تقول لك تعالى عاوزينك ، ساعتها ابقى احسبها تاني!

لكن لو البلد حالها ساء أكتر ماهو سيئ اليومين دول ، يبقى فيه عندك بديل ، بدل ما ييجي يوم ، وتقول يا ريتني!

وأتمنى أكون قدرت أفيد... B)

فاكرها دي؟

على فكرة... موضوعك من كام دقيقة كان فيه 7 قراء!!!

[qenawy]

نبوس الجدم

فاكر يا عم كنت كتكوت

مش فرخة انا حوت

والله يا شيخ انا باحاول ارد الجميل

عموما انا لسة بحلم دعواتك يكمل الحلم احسن بقيت خلاص