الاستعداد لامتحان (IELTS)

[NaWiCaNaDa]

السلام عليكم

يا استاذ زناتي,ايه رأيك بمهعد لينغوافون Linguaphone

انا فكرت اسجل بهذا المعهد لانه يعتمد على التعليم السماعي وبالتالي التحدث بلكنة سليمة

بصراحة, انا محتاج 12 نقطة للغة (انكليزي) يعني 2 هاي و 2 وسط

اذا ضمنت الليسننغ والسبيكينغ عن طريق هذا المعهد وبفترة قصيرة 3 اشهر مثلا يبقى الرايتينغ والريدينغ

وشكرا

بصراحة يا صديقي ماعرفش حاجة عن المعهد دة :)

بس يهمني ااقولك انك ماتلعبش على الليسننج هاي

هو من اسهل الاجزاء في الامتحان صراحة بس بالرغم انك ممكن تجيب 6,5 او 7 بسهولة نسبيا بس صعب جدا انك تجيب 7,5 اللي هيا درجة الهاي

لانك لازم تجاوب 35 صح من 40 علشان تجيبها ودة عاوز واحد متمكن شوية

في حين 28 سؤال صح فقط في الريدنج تخليك تجيب 6,5 اللي هيا هاي ودة ممكن جدا

العب على الريدنج اضمن يا صديقي مع التركيز على كل بالتساوي

بالتوفيق

شكرا يا معلم زناتي

انا معاك بالموضع دا "انك ماتلعبش على الليسننج هاي" :winner:

ولكن محتاج 2 هاي اكيد,لو فرضنا انه ركزت على الريدينج لسا باقي 1 هاي

بماذا تنصحني للهاي التاني ؟

طبعا مع دراسة الباقي .

وشكرا مقدما

دة سؤال انت اللي تجاوبه بنفسك

لو بتتكلم كويس يبقي سبيكنج

لو جرامر وحافظ كلمات كتير وفاهم رايتنج يبقي رايتنج

انت قرر

السلام عليكم

شكرا جزيلا استاذ زناتي

انا راح اقرر ان شاء الله

اصلا انا قوي بالانكليزي كتير :winner: بس الواحد يحتاط

الله يستر

[Terminal]

مستر زناتى الجواب 3 انواع

فورمال و سيمى فورمال وجواب لصديق

ممكن توضيح وما هى الصيغة اللى تتكتب فى كل واحد؟

[أحمد بدر]

أنا مش عارف طبعا انه صفحة فى التوبيك بتاع زناتى بس ابتدى من الأول يعنى فى الصفحات الأولى حتلاقى حاجات مفيدة كثير جدا

أما بالنسبة لمدرس أجنبى أنا رحت فى معهد اسمه TEFL فى الاسكندرية و هناك لقيت مدرسين أجانب بيدوا برايفت و الساعة كانت ب75 جنيها و أنا أخذت حوالى 10 ساعات بس بصراحة استفدت قوى قوى

ممكن عنوان المعهد ده فى إسكندرية

[ramyfathalla]

أنا مش عارف طبعا انه صفحة فى التوبيك بتاع زناتى بس ابتدى من الأول يعنى فى الصفحات الأولى حتلاقى حاجات مفيدة كثير جدا

أما بالنسبة لمدرس أجنبى أنا رحت فى معهد اسمه TEFL فى الاسكندرية و هناك لقيت مدرسين أجانب بيدوا برايفت و الساعة كانت ب75 جنيها و أنا أخذت حوالى 10 ساعات بس بصراحة استفدت قوى قوى

ممكن عنوان المعهد ده فى إسكندرية

تأمر يا باشا

معهد TEFL فى ستانلى على البحر فى شارع سد صغير يعتبر بجوار التأمين الصحى على أول الشارع اللى فيه مدرسة جيرار و التأمين الصحى و ده رقم التيلفون 5225872 و أى خدمة

[heba kamal]

انا زميلتكم الجديده فى ايلتس انا لسه ما حجزتش للامتحان انا ناويه انا شاء الله امتحن فى يناير انا تقريبا قرات ال 97 تعليق واستافدت كتير منكم ونزلت معظم الكتب

ورتبت نافسى كالاتى:

لاعداد:

cambridge grammer for intermediate

cambridage vocabury for elementay

cambridage vocabulry for intermediate

cambridage vocabulary for advanced

الامتحانات: cambridage 4 5 6

IELTSHELPNOW

wst:: :wub: :blink: :blink:

[ramyfathalla]

مستر زناتى الجواب 3 انواع

فورمال و سيمى فورمال وجواب لصديق

ممكن توضيح وما هى الصيغة اللى تتكتب فى كل واحد؟

ده كتاب المختصر المفيد للايلتس بس مش كفاية ده بس بيرشدك لطريقة المذاكرة و على فكرة الكتاب ده معروف جدا على النت و معروف بالنسبة للناس اللى بتذاكر ايلتس يعنى ممكن يكون موجود فى التوبيك أنا أرفقته فى المرفقات للناس اللى مش موجود عندها و حتلاقى فيه كل الأجوبة على أسألتك يا Terminal

الكتاب اسمه Ace the IELTS

ACETheIELTS.pdf

[masri]

با ركو للمعلم معايا...

الزناتى وصل كندا يا اخواننا

مليون مبروك يا حبيبى

اتمنى من قلبى ان ربنا يكون سهل لك كل امور الاندنج و ترجع لنا موفق بالف سلامة انشاء الله

اخوك المصرى :blink: :blink: wst::

[sokra]

مبروووووووووك يا زناتي بجد ربنا يوفقك مترح ما تروح

[sokra]

هاي يا جماعة نتيجة الأيلتس بتاعي و طبعا نوكمنت كله جي مع بعضه معايا نكسة الماتش و اللي بيعملوه الجزائريين فينا و كمان جه الأيلتس غطى معايا على الكل

للأسف مش في لوحة الشرف

5.5 speaking

5.5 reading

5 writing

6 listening

و يعوض الله يعوض الله يعوض الله

انا مش هعيده تاني انا كرهت نفسي و كرهت الأيتلس و كرهت العالم كله و كرهت استراليا بالتحديد

[qenawy]

لا ياس مع الحياة ولا حياة مع الياس

الاخت الفاضلة سكرة لا تياسي واكملي

نصيحة صغيورة

انت وبتكتبي الابليكيشن بتاع الاليتس عند السؤال بتاع سبب الامتحان

لا تكتبي الهجرة ولا تكتبي استراليا

اكتبي من اجل self education

ليه بقي ؟

انا شفت غرايب يعني الي عاوز سكور استراليا ينقص عنه بسيط

وللي عاوز كند ابينقص بسيط عن سكور كندا

الصراحة الاسلم مداراة السبب

ملحوظة الامتحان ب850 جنيه عدد اللجان بيوصل احيانا 15 الي عشرين في 20 طالب يبقوا

400

في 850 جنيه

ب350 الف كل اسبوع وفي الاعادة افادة لهم رغم احترامي للبريتش كاونسيل

انما فيه جزر في التصحيح

تصحيح في منتهي العنف والتلكيك

يا راجل انا كنت برسم الحروف مش بكتب وامسح عشان الحرف يبقي كابيتال اخاف يفتكروه سمال

المسافات لا اراديا بحكم العادة نشبك الحروف وساعات بتفصل

كلك نظر

[ramyfathalla]

هاي يا جماعة نتيجة الأيلتس بتاعي و طبعا نوكمنت كله جي مع بعضه معايا نكسة الماتش و اللي بيعملوه الجزائريين فينا و كمان جه الأيلتس غطى معايا على الكل

للأسف مش في لوحة الشرف

5.5 speaking

5.5 reading

5 writing

6 listening

و يعوض الله يعوض الله يعوض الله

انا مش هعيده تاني انا كرهت نفسي و كرهت الأيتلس و كرهت العالم كله و كرهت استراليا بالتحديد

يا سكرة لا يأس مع الحياة و لا حياة مع اليأس

درجاتك مش بعيدة عن المطلوب والله شوية براكتيس و حل امتحانات و تجيبى المطلوب أنا عن نفسى عدت الامتحان 3 مرات و ما عنديش مانع كنت أعيده أكثر

هل تعلمى أن فيه ناس عادت الايلتس 6 مرات و حققت النتيجة فى الأخر

أنا أعتقد ان الايلتس و اعادته كذا مرة مفيد مش مضر ..بناء على تجربتى يعنى ايه المانع الواحد يقوى اللغة قبل السفر أكيد ده فى مصلحتك

ربنا معاك المرة القادمة و مع جميع الأخوة أنا عارف والله الايلتس ده ملل بس حانعمل ايه شر و لا بد منه.

[sokra]

دكتور قناوي ليه الشرف طبعا لتشجيعك ليه انا بجد سعيده جدا لأهتمامك الطيب بحالتي العصيبة مع الأيلتس و خصوصا ما شاء الله لاقوة إلا بالله انت مترأس لوحة شرف الأيلتس بتاع المنتدى.

بس اللي مزعلني ان ليه زمايل جابو 7777 و 8888 في الأمتحان ده من اول مره صدقني

و انا عيدته كذا مره و مش عارفه اجيب 6666 انا حاسه اني حماره على الأخر و اني أقل من الناس اللي جابوها من اول مره بالرغم من اني كنت بنصحهم قبل الأمتحان و كنا بنتبادل المتاريل.

بس اللذيذ في الموضوع اني المره اللي فاتت كنت جايبه 4 في الليسننج و الحمد لله اتحسن كتير بفضل نصيحة ناس كتير ليه منهم الله يكرمه زناتي بتعويد نفسي على سمع ال BBC و طول ما انا اعده في الشغل مشغلها.

انا زعلانه على الريدينج عشان انا كنت بعمل بركتيس قبل الأمتحان كتير و كنت بجيب ستة و كنت حسه اني هجيب 6 في الأمتحان ده

الرايتنج انا مش زعلانه خالص عليه لاني انا وصلت في الأمتحان اني مش قادرة اعد في الأمتحان اكتر من كده كنت عايزة اخلص بأي طريقة و طبعا معرفتش انظم وقتي ولا افكر فا انا اللي وقعت نفسي في الرايتنج

السبيكينج الست كانت رخمه و سألتني سؤال غبي جدا اسمك ايه قولتها كذا قالتلي و المفروض اندهلك بإيه و انا سمعت السؤال ده غلط اصلا بجانب اني جيت في الأخر و كررت بعض المصطلحات في نفس الموضوع . على فكرة اللي كانت بتمتحني مصرية

يالا قدر الله و ما شاء فعل

[medopharm]

الحمد لله النتيجه ظهرت

وجبت الاسكور

والحمد لله

listening 7.5

reading 6

writing 6.5

speaking 7

بكده يكون 3 هااااى وواحده موديوريت

وانا كنت محتاج اتنين هاااى واتنين موديوريت

الحمد لله رب العاالمين

كان فعلا كابووووس

معلش انا مادخلتش التوبيك من اسبوعين

وطبعا ماعرفش ايه اللى حاصل حاليا

يارب يكون كل الاخوه بخير

وتكون الاخبار كويسه

انا دخلت من سيبر عشان افرح معااااكو

وان شاء الله هحكى عن تجربتى بالتفصيل مع الايلتس

راجع من السعوديه من اسبوعين

ولسه ماعنديش نت

[medopharm]

ها جبت كام وفين

مصر

ولا سعودية

ولا بحرين

حيب قلبى

المحترم جدااا

دكتور قناوى

متشكر جدااا لأهتمامك

والحمد لله وفقت وطبعا كان ليك دور كبير انت والاخ العزيز المهندس زناتى

انا كنت دخلت اخر مره فى الرياض

وطبعا كان الاسكور مش كويس

list 7

read. 6

writing 6

speaking 6.5

قمت طبعا حجزت ميعادين ورا بعض فى الاسكندريه

كان الاول يوم7 نوفمبر الماضى وده اللى الحمد لله وفقت فيه وجبت النتيجه المطلوبه

والميعاد التانى بكره وطبعا هروح

عشان اجرب نفسى وانا اعصابى هاااديه

عشان يعنى مش اضرب الرقم القياسى

ولكن عشان اتحط فى الجدول تحت الزعماء الكبااااار

احمد سيف -وانت وزناتى ( هههههههههه )

طبعا عشان اتأكد ان الايلتس ده بيعتمد جامد على العامل النفسى

بس ملحووووظه

انا النتيجة وصلتنى على الموبايل

ولسه الشهاده هجيبها بكره

وخاااايف يكون فيه غلط

هل فعلا ممكن يكون فيه غلط؟

ربنا يستر

[hijaz]

ميدو

الف الف مبروك :)

انا حكايتي تشبه حكايتك

استفسار بسيط

انتهى عندي الup date في 1/9

ولم استطع ان احصل على النتيجه المطلوبه في الاختبار الذي ارسلت ايصاله للسفاره

في 26/10

هل استطيع عمل اختبار اخر ؟ ولا خلاص

[eaglsson]

يا جماعه ياللي ناويين على الايلتس

انصحكم جميعا بالسايت ده

امتحانات كامله ...تعليمات الاجابه ...ارشادات عن طريقة حل كل جزء ...امثله واقعيه ل reading , writing and listening

الموقع افادني للغايه في دخول الامتحان

بالمناسبه الموقع مجاني بالكامل.

[eaglsson]

ههههه

اسف نسيت اضيف السايت

عفوا

http://www.ielts-exam.net/

[حسام يوسف]

الف الف مبروووووووووك يا عم ميدو

معلش لو أتأخرت

ربنا دايما يكتبلك النجاح والتوفيق

[masri]

يا مصري اسكندرية دي وشها حلو والله علي ناس كتير

الناس هييا اللى نواياها طيبة و عزيمتها قوية

فيعمللوا اللى عليهم وربنا بيكرمهم ويوفقهم لغايتهم

وكمان شرف لينا ان الناس بتقهر الايلتس فى اسكندرية

(و التجربة بيسيب ذكرى حلوة حتى لو كانو بايتين فى شقة فاضية ورايحين الامتحان بدون فطار :lol: )

لا ما فيش اخطاء في الرسايل

مظبوطة مية في المية مبرمجة علي رقم 0105757 حاجة زي كده فاكرها كان يوم سعيد في حياتي

[/quote]انا ومان يا دكتور لسسه محتفظ بالرسالة على الموبيل وبفضل اشوفها من وقت للتانى

عقبال يا رب متيججى الرسالتين اللى مستنيينهم عن قريب انشاء الله

[masri]

أخوانى الاعزاااااااااء

باركوووووووووووووووولى

انا نحجت

الف مبروك يا سيد ميدو على الايلتس بالاسكور الرائع ده

وكمان اطمن بالنسبة للملف اكيد حيتقبل رغم تاخرك

على فكرة انا مقدم ملفى بعد المهلة ب 12 يوم

ربنا يوفقك فى جميع المراحل القادمة

مصرى