الاستعداد لامتحان (IELTS)

[Tarek Abdellatif]

الإخوة الأفاضل رامي فتح الله ، ناوي كندا، نهر النيل، بنت مصر، محمود الكيميائي،

أشكركم جميعاً على مشاركتي فرحتي و اتمنى لكم جميعاً التوفيق و النجاح في جميع ما تتمنوه.

ما شاء الله الف مبروك لحضرتك

بس كنت عايزة اسالك اخدت اد ايه وقت عشان تحضر للامتحان لحسن مهندس زناتى متوصى اوى فى الكتب مش عارفة دى ها تخلص امتى

والف مبروك ليك وان شاء الله تكمل باقى الاجراءات على خير

أنا هرد على حضرتك رد مفصل بس لو ممكن حضرتك تديني شوية وقت صغيرين لإني بصراحة عندي بعض الإلتزامات اليومين دول و مش بقدر أدخل على المنتدى فترات طويلة ......

الاخت الفاضلة ريم رجب،

معذرةً للتأخير في الرد و اتمنى أن تجدي إجابة لسؤالك في مشاركتي هذه.

الإخوة الأفاضل رفقاء الكفاح ضد هذا الملعون ال ايلتس،

كان فيه كم نصيحة كنت عايز أقولهم أو يعني كام حاجة عملتهم أثناء المذاكرة شايفهم ممكن يكونوا مفيدين بس قلت استنى لغاية لما النتيجة تطلع، و أهو الحمد لله النتيجة طلعت كويسة عقبال الجميع إن شاء الله.

المهم من وجهة نظري المتواضعة أنا شايف إن قصة ال-IELTS دي تنقسم إلى قسمين، قسم عن مستوى الإنسان في اللغة و القسم الأخر عن كيفية إدارة الامتحان.

يعني أنا شايف إن لو جه واحد إنجليزي ناتيف من بلدهم على الامتحان عدل يمكن ميفلحش غير في ال Speaking و شوية Listening.

يعني تخيل إن إمتحان ال IELTS دة بالعربي و أي حد فينا دخل بدون تحضير، تفتكر هيعمل إيه في قطع القراءة إللي محتاجة Skimming and Scanning واللا اسئلة True/False/Not Given ولا إختر الجملة دي بتعبر عن أنهي paragraph و كذلك بعض اسئلة ال Listening ، واللا مين يقدر بدون تدريب يكتب قطعة ٢٥٠ كلمة بلغة سليمة نحوياً وإملائيا و ذات بناء لغوي متماسك في ٤٠ دقيقة؟؟؟؟؟!!!!!!

يعني أعتقد إن فيه ناس كتير بتركز قوي على تحسين اللغة بتاعتهم قبل الامتحان يمكن على حساب التحضير للامتحان نفسه. أنا عن نفسي لغتي جيدة و الحمد لله و كنت متخيل اني هراجع على شوية جرامر على كام قطعة أمشي أيدي في كتابتهم و أدخل الامتحان، و لكن هيهات، أول لما فتحت أول قطعة Reading لقيت نفسي محتاج أكثر من ضعف الوقت عشان أحلها غير إن نوعية الأسئلة نفسها كانت بتلخبطني في الأول. المهم لقيت ان الامتحان ده محتاج تحضير خاص بيه هو و غير مشابه لأي إمتحان عدى علي قبل كدة.

و أنا هنا هاتكلم عن الجزء الخاص فقط بالتحضير للامتحان و ليس رفع مستوى اللغة.

فيما يلي بعض القناعات الشخصية إلي أنا وصلتلها أثناء مذاكرتي لهذا الامتحان و التي قد يستفيد منها البعض.

أولاً ال Speaking :

هنا باقترح إن إلي بيذاكر للامتحان، غير التدريب العادي على التحدث في موضوع معين، إن هو يعود نفسه في الفترة اللي قبل الامتحان إن هو يفكر بالانجليزي. يعني بدل ما الكلام يدور داخل دماغه بالعربي طول اليوم، لأ يخليه يدور بالانجليزي، يعني لما ييجي يفكر هو هياكل إيه أو هيخرج فين ...إلخ يفكر بالانجليزي مش بالعربي. دة ممكن يكون صعب في الأول و ممكن الانسان يبدأ بالتدريج، و لكن دة من وجهة نظري بينقل الإنسان نقلة نوعية في ال Speaking و بيساعد شوية في ال Writing بردو.

من الفوايد العظيمة للأسلوب ده إن مهماً كان مستوى المتحدث في اللغة بيخليه يتكلم بسهولة أكثر و بيخلي لغته فيها تماسك مهماً كانت بسيطة و كذلك بيخليه يستعمل أكبر قدر من الكلمات اللي هو يعرفها، على عكس الأسلوب الطبيعي اللي الإنسان بيستخدمه إنه يفكر بلغته الأصلية و يحاول يقول نفس الكلام دة بلغة تانية، يطلع الكلام بصعوبة أكثر و قد يكون الأسلوب ركيك و بيحاول يدور على كلمات معينة ممكن يكون ميعرفهاش باللغة الأجنبية في حين إن هو يعرف كلمات تانية تؤدي إلى نفس المعنى.

ثانياً ال Listening :

مش هقدر أضيف كثير هنا أكثر من اللي الإخوة الأفاضل وضحوه قبل كدة، إسمع كتير كل يوم من غير ترجمة و حاول تفسر الكلام

أثناء الامتحان التركيز التركيز التركيز ....... اوعى تسرح....و لو حاجة وقعت منك انساها لغاية لما القطعة تخلص

حاجة اخيرة في موضوع ال-Listening ده ممكن تنفع بس بتحتاج وقت شوية.

زمان أيام المدرسة و قبل ظهور الانترنت كنا لما نحب نعرف كلمات أغنية إنجليزي بنحبها كنا بنطلعها بنفسنا. يعني نجيب ورقة و قلم و الكاسيت (مكنش لسة فيه CDs) و نسمع الغنية كلمة كلمة و نرجع و نقدم و Play و Pause لغاية لما تطلع كلمات الاغنية أو تطلع عينينا أو طبعاً عينين الكاسيت المسكين و ممكن تفضل كام كلمة كدة محتارين فيهم ممكن نعمل كونسلتو مع بعض أو حد يكون بالصدفة عنده ال Lyrics بتاعها جايبه من بره مع الشريط يبقى فرح طبعاً. طبعاً دلوقتي كل الأغاني موجودة و كذلك كل ال Lyrics، فلو فيه وقت دي وسيلة أكثر من رائع للتدريب على السماع.

ثالثاً ال Reading :

ده أكثر قسم أخذ مني وقت و مجهود في التحضير. بصراحة موضوع ال-Skimming & Scanning ده أخذ مني وقت كبير جداً عشان أتعلمه و أعرف أطبقه بسهولة. ولكن للحق أنا من الناس اللي بيزهقوا بسرعة من المذاكرة و مبيقدروش يركزوا في مذاكرة حاجة وحدة لمدة طويلة، يعني كنت بتدرب على قطعة وحدة فقط في اليوم (قطعة وحدة و ليس إمتحان كامل) من الكتب إلي أنا هاتكلم عليها حالاً، و لكن كنت بتدرب كل يوم لمدة حوالي شهرين.

أنا ذاكرت ال-Reading من كتابين إثنين فقط لا غير، الكتاب الأول إسمه "How to Prepare for IELTS" وده الكتاب الخاص بال-British Council وهو كتاب قديم (لونه أزرق) كان بتاع واحد صاحبي إمتحن الايلتس من حوالي ٥ سنين، والكتاب الثاني بتاع البريتش كونسيل بردو ألي هو "Official IELTS Practice Material" (لونه أحمر ) وده جبته من البريتش كونسيل و أنا بحجز للامتحان وكان تمنه ١٠٠ جنيه مصري، و بالمناسبة الامتحان شكلا وموضوعاً كان أقرب ما يكون للكتاب ده "Official IELTS Practice Material" في كل الأقسام مش ال-Reading بس.

المهم الكتاب القديم (الأزرق) ده كتاب صعب جداً و مفيش فيه Academic و General يعني تقريباً كله مستوى ال-Academic، و الكتاب نفسه بيقول أن القطع الموجودة فيه أصعب من الامتحان الحقيقي، يعني كتاب تقطيع، لكن ألحق يقال فيه كل حاجة خاصة بال-Techiniques بتاعت الامتحان و ازاي تعمل Skimming & Scanning ....إلخ.

أنا لما بدأت مذاكرة ماكنتش لسة اشتريت الكتاب التاني، يعني أغلب مذكرتي كنت من الكتاب القديم، و هو ده إللي عقدني في الأول ولكن بردو هو دة إللي خلاني اركز جامد جداً في المذاكرة و أخد وقتي قبل الامتحان ومستعجلش.

المهم موضوع ال Reading ده في رأيي ليس إلا تدريب على نوعية الأسئلة و ال Skimming & Scanning، بس على الرغم من كدة أنا بصراحة عمري ما قدرت أحل القطعة الأخيرة في الامتحان (إللي هي بتكون أطولهم و أصعبهم و عادةً اسئلتها غير مباشرة) غير لما اقراها كلها، بسرعة ولكن كلها، أنا معرفش ده صح واللا غلط ولكن ده اللي كان مناسب بالنسبة لي. اللي هيلاقي نفسه زيي ومحتاج يقرا القطعة الأخيرة كلها يبقى لازم لازم لازم تكون سريع جداً في القطع الاخرى وتسيب وقت زيادة جداً للقطعة الأخيرة. أنا الحمد لله بعد التدريبات الشاقة على ال Skimming and Scanning في الكتاب القديم الصعب قدرت في الامتحان من فضل الله اني أخلص كل القطع الأولى في ٣٠ دقيقة و أسيب ٣٠ دقيقة كاملين للقطعة الأخيرة و المراجعة .مرة أخرى أنا معرفش دة صح واللا غلط بس دة إلي كان مناسب بالنسبة لي.

رابعاً و أخيراً ال Writing،

في وجهة نظري ده أصعب قسم لإنه لازم تكتب رسالة ثم موضوع و كل واحد له حد أدنى في عدد الكلمات و لازم تكون الكتابة في صلب الموضوع و كذلك يكون الاسلوب جيد مع مراعاة ال Grammar و ال Spelling .

و لكن الشئ الجيد إن ده من أكثر الأقسام اللي التدريب و التحضير الجيد بيضمن فيه حد أدنى من الإجابات الجيدة.

لازم طبعاً التدريب على كتابة مواضيع مثل مواضيع الامتحان من أي كتب من كتب التحضير المعروفة، و لازم التأكد من عدد الكلمات و الوقت لإن هما دول في اعتقادي أصعب حاجتين في ال Writing.

من الحاجات المهمة جداً و التي ذكرت من قبل من الإخوة الأفاضل هنا في المنتدى، إنه لازم الواحد يكون عامل Plan للي ناوي يكتبه يعني مثلاً مقدمة و نهاية و مجموعة من ال Paragraphs . و المقدمة ممكن يكون شكلها عامل ازاي و طولها قد إيه و كذلك النهاية. و يكون محضر مجموعة من الكلمات و التراكيب المتداولة، و يكون بيعرف يستخدمهم طبعاً، أمثال not only، but also و on the contrary و in my opinion حاجات زي كدة يعني. افتكر إن الدكتور قناوي كان له مداخلة مفصلة عن الموضوع ده.

فيه حاجة كمان أنا عملتها و كانت مفيدة جداً جداً بالنسبة لي، الأول عملت تقييم لنفسي أثناء الكتابة يعني شفت نفسي أقدر اكتب Paragraph عن نقطة محددة بسهولة و يكون طوله كام سطر أو كام كلمة، و من عند النقطة دي قدرت أعرف أنا محتاج كام Paragraph غير المقدمة و النهاية في كل موضوع عشان أوصل للحد الأدنى من الكلمات أو أزيد منه حاجة بسيطة (مش أزيد منه بكتير عشان الوقت ممكن ميكفيش).

وبناءً على ما سبق قررت إن كل تركيزي لما أشوف عنوان الموضوع اني أفكر في عدد من النقاط اللي ممكن أتكلم عليهم مساوي لعدد ال Paragraphs اللي أنا محتاجهم غير المقدمة و النهاية، و كل نقطة أتكلم عنها في Paragraph، يبقى كدة قدرت انظم تفكيري و أعصابي تكون مستريحة في الامتحان.

ملحوظة: موضوع انك تقسم الموضوع إلى Paragrpahs منفصلين عن بعض ما بين كل واحد و التاني سطر فاضي ده بيفرق مع المصححين.

الخلاصة:

- التحضير التحضير التحضير.

- هدوء الأعصاب و التركيز (إقتباس من الدكتور قناوي)

- لو رجع بي الزمن تاني حاعمل زي الأخ هيما ما عمل و أروح أخد كورس تحضير مع الBritish Council إلى جانب ال Self Study يعني مش واحدة فيهم بس لأ الاثنين، لإنه إلى يومنا هذا فيه اسئلة في ال Reading و الListening لسة بتلخبطني.

أتمني للجميع التوفيق و الموضوع مفتوح للتعليق أو الإضافة للاستفادة.

تم تعديل 29 يناير 2010 بواسطة Tarek Abdellatif

[kodo]

السلام عليكم و رحمة الله بركاته

الف شكر يا استاذ طارق فعلا ملاحظات مهمه والتجربة ليها فائدة واضحة في فهم اسلوب الامتحان

وبصراحة عندك حق في موضوع ان الواحد لازم يجمع بين دورة التحضير في ال British و بين ال Self Study

بس لا يزال امتحان القراءة اصعب شئ بسبب ضيق الوقت ليس الا

اما باقي الامتحانات فمع كثرة التدريب ممكن ان الواحد يحسن مستواه فيها

دعواتكم بالنجاح للجميع و الشكر موصول لكل من ساهم باي معلومة او دعوة

في رعاية الله

[heshothman]

الف مبروك يا أستاذ طارق و شكرا على المعلومات القيمة و دعوات الأخوة الأفاضل لى ، أنا عندى أمتحان الزفت يوم 20 فبراير فى جدة ........ دعواتكم

[drbeso]

استاذ طارق اولا الف مليوون مبرووووووووووك على الاسكور الجامد الي انت جبتوو في الايلتس و عقبالنا

خصوصا انا هخش في مارس امتحان اكاديمي وما ادراك مهواا بس انشالله خير

انت اخدت كورس البريبارتورى بتاع البرتش كونسل ولا اعتمد فقط على نفسك

الصراحه يظل الريدنج هو العقبه الصعبه و متهالي زي مانت قلت السكيمنج و السكاننج اهم حاجه وياريت حد يفسرلنا ازاى الواحد يعملهووم صح

ربنا يوفق الجميع و مبرووووووووك ل مصر :happy: :egyflag:

[bent misr]

شكرا شكرا شكرا بجد لك يا د / ايهاب

لسه شايفاهم و جاري التحميل يا فندم

بس دول تقال قوي :lol:

الاستاذ / طارق الف شكر لك على سرد

تجربتك المفيده جدا و يا ريت توضح لنا

بالنسبه للقراءه هل الصح نقرأ الاسئله الاول

و بعدين ندور على الجابه ده بالنسبه للجزء الاول

يعني هل ده فعلا بيوفر في الوقت

و الف مبروك لك مره تانيه :blush2:

[ehabtaher]

انا عن تجربه شخصيه

الديسك الخاص بالبريتيش كاونسل كان مفيد جدا وكنت باعيد وازيد فيه لان انا ماكانش عندى وقت اذاكر قبل الامتحان غير شهر واحد كنت نازل فيه اجازه مصر من السعوديه وكان الاولاد عايزين يتفسحوا فى البحر الصبح وانا كنت بافضى يا دوب ساعه او ساعتين بعد الظهر علشان ابص فى حاجات الايلتس

كنت باحل النماذج الخاصه بالاستماع فقط لا غير

وكانت الدسك دى مساعد لانها تحتوى على نماذج القراءه والجرامر والفوكابيولارى المطلوبه

وبصراحه انا كنت عايز اجيب 7 فى التقديرات بس ما عرفتش اجيب الا 6 ونص وعلشان كده موضوع الهجره لاستراليا اتكنسل

بس انا لكندا ما كنتش محتاج اكتر من كده

والحمدلله

ربنا بيختار للواحد السكه الافضل وان شاء الله كندا تكون افضل

[hiema]

A cigarette is always an essential need for any smoker, especially in some certain situations such like being under stress or after having a heavy meal…….etc. smokers believe that cigarettes can help in relief of work and daily life stress.

Nowadays in most of the developed countries, governments are taking some serious procedures and action plans in order to force their people to quit smoking. I believe that the United states of America have taken a leading role in war on smoking and achieved an outstanding results.

For example, I remember when I was in NY City back in 2003, the city passed a bill which prohibits smoking in restaurants, local bars and night clubs. The decision was tough and many people protested against it, but the city did not change it's position and eventually people had to follow the new rules. Currently in most cities of USA, no person can smoke a cigarette unless he is in an outdoor area. It became a habit and a common practice for most of the Americans.

Personally, I argue that all the nations and especially the developing ones are encouraged to take the same path which was taken by USA in their battle against smoking. However, it will not be an easy mission in some certain countries, and governments shall face many problems in implementing these rules. For instance, here in Egypt people are used to smoke anywhere and it will be difficult to change that culture, but I think that if the rules are strict and in the presence penalties and fines, people shall adjust to the new situation.

To sum up, smoking is a very dangerous habit because of all the damage it can cause for the smoker and individuals surrounding him. This is the main reason for all the nations around the world to start declaring war on smoking.

ده كان Task 2 writing topic about war on smoking

[hiema]

Nowadays, the entire globe is suffering the financial crisis on a different scale. the most influenced country is the United States of America, where many major companies are going out of business in a rapid succession , and in spite of all the efforts taken by the government to bail out those companies , the recession is spreading all over the nation.

Personally, I think that this crisis has started because of the financial institutions policies and precisely funding banks; because they have given money away to every individual without getting enough guarantees that this person would be able to pay off his debt. Unfortunately, at some point people were not able to keep up with their debts due to having all their needs on a loan starting from their houses and up to education of kids at college.

Accordingly, funding banks were not able to fund the companies and different developing projects, and this has led to the collapse of many of those companies and projects. As a result, many companies started to take some measures of cost reduction such as laying off hundreds of employees and trimming any additional unnecessary expenses. However, some of them were not able to survive the recession, especially automotive companies such like General Motors.

To sum up, I am sure it is a hard time for most of the people around the globe; therefore people are encouraged to change their habits and try to minimize their expenses as much as they can, in order to be able to survive this tough period.

و ده كان موضوع عن The impact of recession on private sectors, and how should peopel adjust to it

[hiema]

Nowadays, the developed countries have taken wide steps in many aspects of science, technology, economics and industry, while developing countries are still having a long road to accomplish.

Developed countries such like United States of America and Japan are offering a high standard of living for their citizens. People in the 1st. world countries do not have the same concerns of the people in the 3rd. world countries. For example, in Egypt which is a developing country, one of the main concerns for any person is how to save enough money to secure a residency place such like a house or an apartment. On the other hand, in America people could be more concerned about when to change their car or where to spend the summer vacation, in other words people in 1st. world countries do not worry about the essential needs in their life because their level of income is securing these needs for them.

Personally, I believe that developed countries must assist developing countries in all aspects, and this is to prevent any further increase in the gap between the two worlds, because this gap could lead to many serious global conflicts and world destruction. For example, developed countries can allocate a portion of their budget to fund the infrastructure and industrial projects in developing countries, and they can also create student ex-change programs in order to enhance the level of education in developing countries.

To sum up, we must understand that we all live in one world, therefore, the rich have to help the poor and the strong must help the weak, in order to keep our world in peace and to maintain it balanced.

موضوع عن The gap between first and third world countries and what measures should be taken to reduce it

[hiema]

Most of us had to travel abroad either to live, study, work or pleasure. But, when people travel to another country for a period of time they often suffer badly from homesickness.

The phenomenon of homesickness is a result of individual trials to acclimatize with different cultures, languages and atmosphere. For instance, I have went through a similar experience two years ago when I was in the United States of America and I had to spend the month of holy Ramadan there, I wasn't able to find any of the traditions, customs or rituals which I used to celebrate back home with family and friends in the favor of this great month. This is when I felt terribly far away from home and hoped that I could have been home by that time.

In my own point of view, I believe that one of the best ways to reduce this feeling of homesickness is creation of social community centers for and by foreigners from different nationalities who are living abroad. In those places individuals may practice their own traditions and different activities which can help them to reduce their feeling of homesickness.

This measure has proved to be very effective and successful for Arabs who are living in America, in states like Michigan and New Jersey. Where Arab community managed to get rid of homesickness feeling through imitation of the atmosphere they used to live in back home.

Finally, I think that nowadays in this world of globalization it will be easier to find more ways to reduce feeling of homesickness for those who are living abroad and miss their home and memories.

موضوع عن ال Homesickness

[المصريه]

الأخوة الأفاضل فى حد عنده فكرة عن كيفية الأمتحان فى البريتش كونسل بجدة السعودية؟ بمعنى تانى ايه نظام الممتحنيين؟ انا عارفة ان مركز الرياض صعب و رخم بس ماعنديش فكرة عن فرع جدة............

[Tarek Abdellatif]

استاذ طارق اولا الف مليوون مبرووووووووووك على الاسكور الجامد الي انت جبتوو في الايلتس و عقبالنا

خصوصا انا هخش في مارس امتحان اكاديمي وما ادراك مهواا بس انشالله خير

انت اخدت كورس البريبارتورى بتاع البرتش كونسل ولا اعتمد فقط على نفسك

الصراحه يظل الريدنج هو العقبه الصعبه و متهالي زي مانت قلت السكيمنج و السكاننج اهم حاجه وياريت حد يفسرلنا ازاى الواحد يعملهووم صحربنا يوفق الجميع و مبرووووووووك ل مصر bngn::

جيت على الجرح يا باشا.

أعتقد إن الباشمهندس زناتي كان عمل مداخلة ممتازة بخصوص الموضوع ده، عامةً لو لقيتها هبعتهلك و لو ملقيتهاش حبقى اشرح لحضرتك خبرتي المتواضعة في الموضوع ده لإنه بصراحة مكنش مريح بالنسبة لي على الإطلاق. و لكن كلمة واحدة أقولها التدريب التدريب التدريب.

بالتوفيق في الامتحان إن شاء الله.

[Tarek Abdellatif]

شكرا شكرا شكرا بجد لك يا د / ايهاب

لسه شايفاهم و جاري التحميل يا فندم

بس دول تقال قوي bngn::

الاستاذ / طارق الف شكر لك على سرد

تجربتك المفيده جدا و يا ريت توضح لنا

بالنسبه للقراءه هل الصح نقرأ الاسئله الاول

و بعدين ندور على الجابه ده بالنسبه للجزء الاول

يعني هل ده فعلا بيوفر في الوقت

و الف مبروك لك مره تانيه

الاخت بنت مصر ،

فيه طريقة مذكورة في الكتاب إلي كنت بذاكر منه، إن الواحد ياخد فكرة عن الموضوع كله خلال وقت لا يتعدي الدقيقتين عن طريق إن هو يقرا أول جملة أو أخر جملة في كل برجرف و بعد كدة يقرا الأسئلة و بعد كدة يبتدي يدور على الاجابات.

حاجة إتعلمتها بالخبرة اني أفر القطعة في دقيقتين زي الكتاب ما بيقول و بعد كدة أفر الأسئلة بسرعة جداً و لو مفيش سؤال اللي هو أنهي برجرف بيعبر عن كل جملة، عادةً الأسئلة بتكون ماشية بترتيب القطعة، يعني أخد أول سؤال و أبدأ skimming and scanning لغاية لما ألاقي اجابته، لقيته أخش على اللي بعده و مرجعش ورا تاني في القطعة. أنا مش متأكد إن كل الأسئلة بتكون مرتبة بالشكل ده لكن ده إلي أنا شفته في المذاكرة و الامتحان.

بالتوفيق إن شاء الله.

[يوتوبيا]

جزاك الله كل خير يا استاذ طارق

[Tarek Abdellatif]

استاذ طارق اولا الف مليوون مبرووووووووووك على الاسكور الجامد الي انت جبتوو في الايلتس و عقبالنا

خصوصا انا هخش في مارس امتحان اكاديمي وما ادراك مهواا بس انشالله خير

انت اخدت كورس البريبارتورى بتاع البرتش كونسل ولا اعتمد فقط على نفسك

الصراحه يظل الريدنج هو العقبه الصعبه و متهالي زي مانت قلت السكيمنج و السكاننج اهم حاجه وياريت حد يفسرلنا ازاى الواحد يعملهووم صحربنا يوفق الجميع و مبرووووووووك ل مصر :roseop:

جيت على الجرح يا باشا.

أعتقد إن الباشمهندس زناتي كان عمل مداخلة ممتازة بخصوص الموضوع ده، عامةً لو لقيتها هبعتهلك و لو ملقيتهاش حبقى اشرح لحضرتك خبرتي المتواضعة في الموضوع ده لإنه بصراحة مكنش مريح بالنسبة لي على الإطلاق. و لكن كلمة واحدة أقولها التدريب التدريب التدريب.

بالتوفيق في الامتحان إن شاء الله.

دي المداخلة اللي كان كتبها الباشمهندس زناتي قبل كدة. كنت عملها Save على الكمبيوتر.

اخواني الاعزاء

خلاصة الريدنج من وجهة نظري

1- عدوك في الريدنج الوقت ..ماتحاولش تاخد في اي قطعة اكتر من الوقت المخصص ليها على الاطلاق ..اتنقل للي بعدها ولو كان عندك وقت ارجعلها بعدين ..ماتعرفش جايز السهل ورا

2-ماتضيعش وقت كتير في الاسئلة السهلة المضمونة ..استثمر جزء منوقتها للاصعب

3-ماتحتاولش تفهم كل كلمة علشان موش هايحصل ..امتحان الريدنج امتحان يختبر فهمك العام وازاي تصطاد المعلومة

4- اي قطعة تبدأها بقراية العناوين والصور الاول وبعدين تفتيش سريع لا يتجاوز دقيقتين ..بعدين اقرا الاسئلة الاول كويس جدا ..وبعدين اقرا القطعه سريعا بحثا عن الاجابات

5- عينك في القراءة لا تتوقف عند كلمة كلمة ولكن اقرا مجموعه مجموعه

6- اصعب سؤال بيضيع دلرجات هو الصح والغلط ...ماتفتكسش ..الصح صح صريح والغلط الصريح ومابينهما نوت جيفين

7-وانت بتقرا القطعة لاول مرة ..في ايدك قلم ..حط خط تحت الاسماء والتواريخ واماكن البلد والكلمات اللي ممكن تحس انها كي ووردز ..فلما تلاقيها في الاسئلة تقدر تفتكر بسرعة هيا كانت فين

8- كالعادة مراعاة الجرامر وراس السؤال ..لانه ممكن يشترط ان الاجابة من القطعة او بعدد محدد من الكلمات ..وممكن الكلمة تحتاج اعادة صياغة جرامر لتتناسب مع السؤال

اللي عنده اضافة من واقع خبرتة يتفضل يا اخوانا

[drbeso]

استاذ طارق اولا الف مليوون مبرووووووووووك على الاسكور الجامد الي انت جبتوو في الايلتس و عقبالنا

خصوصا انا هخش في مارس امتحان اكاديمي وما ادراك مهواا بس انشالله خير

انت اخدت كورس البريبارتورى بتاع البرتش كونسل ولا اعتمد فقط على نفسك

الصراحه يظل الريدنج هو العقبه الصعبه و متهالي زي مانت قلت السكيمنج و السكاننج اهم حاجه وياريت حد يفسرلنا ازاى الواحد يعملهووم صحربنا يوفق الجميع و مبرووووووووك ل مصر :wub: smk:

جيت على الجرح يا باشا.

أعتقد إن الباشمهندس زناتي كان عمل مداخلة ممتازة بخصوص الموضوع ده، عامةً لو لقيتها هبعتهلك و لو ملقيتهاش حبقى اشرح لحضرتك خبرتي المتواضعة في الموضوع ده لإنه بصراحة مكنش مريح بالنسبة لي على الإطلاق. و لكن كلمة واحدة أقولها التدريب التدريب التدريب.

بالتوفيق في الامتحان إن شاء الله.

brth)

----------------------------------------------------------------------------

كلامك معقول جدا اخي طارق لكن سبحان لله لكل شيخ وله طريقته انا برتاح اكتر او تقدر تقول اتعوودت على انى ابدا اقرا اول سؤال واجيبه وارجع اشوف تاني سؤال وهكذا

انا عندي بس يا باشا استفسارين اولهم عن اليسسنج و التاني عن الكورس بتاع البرنتش كونسل بص يا سيدي :lol:

في الليسننج مثلا لما الست تقول اسم شارع وكان في احد التدريبات (black roselane)

وهيا مقلتووش بالسبيللنج هيا قالت كده بالضبط( بلاك روزسليين) جيت حليتها black roselen هل ده انا اتحاسب عليها غلط؟؟؟

حاجه تانيه برده في اليسننج لما الاجابه النموزجيه 3 كلمات مثلا زي:Brown leather jacket لكن انا كتبتها brown jacket هل ديه برده تتحسب غلط؟؟

معلش انا يمكن بتقل عليك لكن متهيالي الحاجات ديه لازم الواحد ياخد بالهه منهاااا وخصوصا متوقف ادا ناس كتير وانا منهم

بالنسبه للكورس هل انت خدته او سمعت انه كويس؟ ولا مش كافي اصل في واحد صاحبي دخله قالي مش فارق اووى

ناتي للنقطه الاخيره وهيا ال تصحيح اكيد العالم الانجليز دول بيحابيكووها شويتين بس مثلا لو واحد جاب في باند 6.6 هل بيحسبوها 7 و لا 6.5 ؟؟؟

معلش يا طاروقه زودتها حبيتين بس معلش اخوك بقا في ورطه الايلتس ابن ال ايه ده

شكرا يا جميل ربنا يخليك bv:- jdw::

[Tarek Abdellatif]

كلامك معقول جدا اخي طارق لكن سبحان لله لكل شيخ وله طريقته انا برتاح اكتر او تقدر تقول اتعوودت على انى ابدا اقرا اول سؤال واجيبه وارجع اشوف تاني سؤال وهكذا

انا عندي بس يا باشا استفسارين اولهم عن اليسسنج و التاني عن الكورس بتاع البرنتش كونسل بص يا سيدي :closedeyes:

في الليسننج مثلا لما الست تقول اسم شارع وكان في احد التدريبات (black roselane)

وهيا مقلتووش بالسبيللنج هيا قالت كده بالضبط( بلاك روزسليين) جيت حليتها black roselen هل ده انا اتحاسب عليها غلط؟؟؟

من قال لا أدري فقد أفتى. و لكن في اعتقادي بالنسبة للأسامي لو ينفع ليها أكثر من طريقة في الكتابة بيمشوها.بس خلي بالك من ال-Capital Letters يعني Black Roselane مش black roselane. الشوارع و شهور السنة و أيام الأسبوع ...إلخ لازم أول حرف كابيتال. :lol:

حاجه تانيه برده في اليسننج لما الاجابه النموزجيه 3 كلمات مثلا زي:Brown leather jacket لكن انا كتبتها brown jacket هل ديه برده تتحسب غلط؟؟

لأ دي صح إن شاء الله. bv:-

معلش انا يمكن بتقل عليك لكن متهيالي الحاجات ديه لازم الواحد ياخد بالهه منهاااا وخصوصا متوقف ادا ناس كتير وانا منهم

يا باشا و لا تتقيل و لا أي حاجة، احنا كلنا هنا إخوات. الحاجات ديه في قمة الأهمية، و فيه ناس بتضيع عليهم درجات كتير جداً بسبب ال Spelling و ال Capital Letters و ال Punctuation ....إلخ mfb: mfb:

بالنسبه للكورس هل انت خدته او سمعت انه كويس؟ ولا مش كافي اصل في واحد صاحبي دخله قالي مش فارق اووى

لأ أنا مخدتش الكورس، لكن الأخ هيما اخده، ممكن هو يفيدك أكثر مني.

لكن أنا بقول لو رجع بي الزمن هاخد الكورس ده جانب المذاكرة العادية بتاعتي، لأن الكورس المفروض إن هو بيغطي كل الحاجات الصغيرة ديه اللي بتضيع درجات كتيرة، إلى جانب إن هو بيدربك على جو الامتحان على حسب ما أعرف، و الأهم إن فيه حد بيصححلك المسار لو ماشي غلط و ممكن تسأله و يجاوب عليك.

ناتي للنقطه الاخيره وهيا ال تصحيح اكيد العالم الانجليز دول بيحابيكووها شويتين بس مثلا لو واحد جاب في باند 6.6 هل بيحسبوها 7 و لا 6.5 ؟؟؟

الصفحة ديه فيها الإجابة بالتفصيل.

http://www.ielts-test-practice.com/ielts-band-scores.html

معلش يا طاروقه زودتها حبيتين بس معلش اخوك بقا في ورطه الايلتس ابن ال ايه ده

و لا يهمك يا باشا، أنا لما كنت بذاكر كان فيه حاجات كتيرة جداً كنت بسأل فيها أهل الخبرة، و لولاهم كان ممكن اتبهدل في حاجات صغيرة جداً، و قريت كل صفحات الموضوع ده،و استفدت منه إستفادة كبيرة جداً، ربنا يبارك لجميع الإخوة اللي اشتركوا فيه و على رأسهم الباشمهندس زناتي.

شكرا يا جميل ربنا يخليك kis)-

[hiema]

انا شايف ان الكورس مفيد جدا و بيختصر لك وقت كتير بجانب بقي و دي المهمة انه بيخليك تبقي داخل الامتحان و انت عارف الRange بتاعك ايه و ده بسبب التدريب الكتير علي جو الامتحان و الاسئلة , اللي انا بس عايز اوضحه ان الكورس مش الغرض منه رفع المستوي في الانجليزية و لكن الغرض الاساسي منه هو الاعداد للامتحان او بمعني اخر لكيفية التعامل مع الامتحان و تفادي اي pitfalls ممكن الوقوع فيها..... و طبعا الرأي ده عن تجربة شخصية

[يوتوبيا]

ادخلوا على الرابط ده فيه 20 امتحان ايلتس باجابتهم

http://www.bramjnet.com/vb3/showthread.php?t=800447

والرابط ده فيه اسطوانة تدريبية لمهارات الانجليزية من البريتش كاونسل

http://www.bramjnet.com/vb3/showthread.php...589#post8416589

بالتوفيق ان شاء الله

[prince]

الاخوة والاخوات الاعزاء السلام عليكم ورحمة الله وبركاته

بخصوص اختبار تحديد المستوى فى البريتش كونسيل .... لا انصح اى واحد انه يروح يعمله واليكم القصة

انا كنت فى جدة من يومين فقلت اروح البريتش كونسيل واعمل اختبار تحديد مستوى عشان اعرف انا عامل ايه عشان استعد للامتحان المهم رحت هناك فى الفارسى سنتر الدور الرابع .... 10 دقايق وقابلت الموظف قلتله انا عايز ايه اخد شوية بيانات وبعدين هات 50 ريال اتفضل طيب روح رووم 5

واحد انجليزى قاعد هناك بينش ادانى ورقتين وش وضهر تكتب بياناتك وبعدين تجاوب على كام سؤال عادى و فقرة اخيرة تتكلم عن نفسك والمهم فى اخر الورقة بيقولك لو حبيت تسأل الاجزامينر 3 اسئلة هتسئله فى ايه طبعا كان اول سؤال هل نتيجة امتحان تحديد المستوى تعكس المستوى فى امتحان الايلتس والسؤال الثانى سألته عن تقييمه الشخصى لمستوايا والتالت مش فاكر وبعدين 5 دقايق سبيكنج سألنى اثنائها عايز امتحن ليه وبعدين لقيته بيقولى الكورس يوم كذا الساعة كذا طب مفيش نتيجة ولا تحديد مستوى لا مفيش ده بس تحديد انت محتاج انهى كورس وخلاص وحتى لما حاولت اسئله عن الكتب لم يعطينى اجابة مباشرة طبعا حسيت انه كلام فاضى واستهبال وضحكوا عليا واخدوا 50 ريال وخلاص بس انا اخدت القلم الرصاص وانا ماشى ...

بالمناسبة الرسوم 825 ريال وانا حجزت للامتحان فى ابريل ان شاء الله وربنا يكرم الجميع