الاستعداد لامتحان (IELTS)

[drbeso]

ادعولى امتحانى بكره 19 مارس هيكون الاسبيكنج اما الباقي هيبقا تاني يوم 20

يارب خيير :rolleyes:

[medopharm]

ادعولى امتحانى بكره 19 مارس هيكون الاسبيكنج اما الباقي هيبقا تاني يوم 20

يارب خيير :rolleyes:

ان شاء الله موفق يا د بيسو

[arora]

ربنا معاك وفرحنا بالنتيجة الحلوة

[bent misr]

ربنا معاك يا د/ بيسو

و ان شاء الله تفرحنا بالنتيجه

[ramyfathalla]

ربنا معاك يا drbeso و تعدى على خير من الكابوس اللى اسمه الايلتس

بنت مصر منورة المنتدى أنت فينك مش باينة ليه و ايه أخبارك طمنينا عليك

[Alshiekh]

hello,

any body wanna practice English with me ? wst::

السلام عليكم

تصدق انى على الرغم من تنقلى بين عدة ولايات مابين الشمال والجنوب لم يطرق سمعى كلمة " wanna " الا فى بعض الاغانى ، وجميع من تعاملت معهم يقولون " Want "

شاهد هذا المقطع وقل لى رأيك

[drbeso]

انا متشكر جدا جدا لمشاعركم الجميله ديه ربنا يكرمكم اشكرك دكتور ميدو فارم و الاخت بنت مصر and aroraو الاخ رامي

انا امتحنت الاسبيكنج و عاوز اقولكم طبعا منمتش غير ساعتين من القلق لكن الحمدلله عملت كويس و ده من دعواتكم ولله عقبال بكررره انشالله

هحكيلكم كده سريعا على الاسبيكنج بالتفصيل لانه لسه في راسي

اولا في حوالى ست او سبع قاعات امتحان في برتش العجوزه كان الممتحنين معظمهم بريطانين ماعدا اتنين فقط انا كنت مع واحده ممتحنه مصريه اسمها مها

دخلت اول واحد في الكونسل وده كان شئ سترس شويه ليا لكن الحمدلله

في اول برت طبعا اسئله عاديه عن مدينه الي انت قاعد فيها

زي كده

where you recently live in

Do you feel excited being there

Do you find good transportation to it

Do you plan to change your residence in coming few years

Ok Now I would like to ask you about Painting & Drawing

Did you take courses in them when you were in school

In your opinion why most people keep the paintings in their houses

------------------------------The Second Part-->>>

Card was about a movie which you have seen it

when u saw it

why you chose it

what are unique features about it

-----------------------------------------third part>>>>

Which type of Movies do you think is popular in egypt?

In what way do u think movies has been changed from past to nowadays?

When you were a kid what differences between kids`favourite movies and in your time?

وبس كده ده كان الاسبيكنج تيست وبصراحه مدام مها الامتحنتني كانت بشوشه جدا و عسوله ربنا يكرمنا يارب

ملحوظه بسيطه : اوعى تكون فاكر ان الشخص الممتحن ده هو الي هيديك المارك لالالالالالا

بيتم تسجيل المحادثه بالكامل و بعد كده بيسمعوها ممتحنين بريطانين وكل واحد بيحط درجه الي شايفاها وطبعا بسبب اختلاف تقدير من شخص لاخر بياخدو رنج ما بينهم

كده كان الاسبيكنج تيست اتمنى لكم كل خير ونجاح يارب وكملو دعااا :lol: :lol: لبكره

تم تعديل 19 مارس 2010 بواسطة drbeso

[محمد الششتاوي]

hello,

any body wanna practice English with me ? :blush2:

السلام عليكم

تصدق انى على الرغم من تنقلى بين عدة ولايات مابين الشمال والجنوب لم يطرق سمعى كلمة " wanna " الا فى بعض الاغانى ، وجميع من تعاملت معهم يقولون " Want "

شاهد هذا المقطع وقل لى رأيك

انا اول مرة والله اعرف انهم بيقولو على ax : ask

وماكنتش معتقد انهم ممكن يحاربوا التجديد في اللغة زي العرب رغم ان لغتهم مالهاش قدسية زي ماللغة العربية قدسيتها عند العرب

لكن الغريب انهم يغيروا من المعنى او بيغلطوا , زي الفرق بين teach me , learn me

الجزئية اللي معظم اللي بيتعلموا الانجليزي بيتلخبطوا فيها , لانها كلمة واحدة في العربية

انا بشوف اننا المفروض نتعلم اللغة بلهجة اصحاب اللغة , ودي حاجة انا حريص عليها في تعليم اللغات

لو حضرتك تأملت اللهجة اللي بنتعملها في المدارس المصرية ولهجة الامريكان او البريطانين هتلاقيها مختلفة تماما

يعني مثلا لو تسمع الكلمات دي مننا ومنهم

apple , people , first , three , Micheal 

هتلاقي فرق كبير جدا في النطق

وكمان الكلمات دي

beautiful, got it, city,

هتلاقي فيه اختلاف الاسبلنج والنطق

اعتقد لما بنتعلم اللغة بشكل تاني عن اللي بيقولوه مش هافهمهم لما اكلمهم

خاصة اللهجة الامريكية

انا مش قوي جدا في الانجليزي بمعنى اني مش متعمق في المفردات

لكن بالقدر اللي بعرفه بحاول اني استخدمه بأقرب ما يمكن كأهل اللغة مابيستخدموه عشان اقدر افهمهم

كلمة wanna دائما بسمعها في الاغاني , انا مش بتابع افلام امريكية عشان اقدر احكم عليها

لكن مش بتتسخدم بس في الاغاني لكن في اللهجة العادية في كلام معظم الناس في الشارع , ممكن يكون اللي قابلتهم حضرتك من مستوى ثقافي عالى وينأى بنفسه عن التحدث لهجة الشارع او اللهجة العامية المعاصرة للشباب , اذا صح التعبير

واعتقد اللي خلى كلمة ax دارجة ومش عارفين يقولو ask اكيد wanna اصبحت بالنسبة من الكلاسيكيات

لو حضرتك عملت بحث بكلمة wanna هتلاقيها مستخدمة في المنتديات , مما يعني انها كلمة دارجة

خالص تحياتي

تم تعديل 19 مارس 2010 بواسطة محمد الششتاوي

[drbeso]

صباح الفل يا احلى شباب الحمدلله انا خلصت الايلتس بكل عياله سبيكنج و ريدنج و ليسننج و رايتنج

الحمدلله بجد ربنا بيسمع دعانا يارب تبقى النتيجه حلوه خصوصا ان الريدنج بتاع النهارده كان حلو ولله رغم انه اكاديميك لكن كان كويس

الريدنج كان 3 قطع

اول قطعه كانت بتتكلم عن الrenowable energies وانواعها و كانت كويسه بصراحه يعني

تاني واحده كانت عن علاقه parents involvement in school educational progress واراء العلماء و تطييبقات الكلام ده في دول كتير

تالت واحده كانت برده معقوله كانت بتحكي قصه اختراع جهاز اسمه phonogrm وده جهاز اخترعه انشتاين ((فينك يا انشتاين وحشتنا وايه اخبارك في تورنتو))

الرايتنج اول تاسك كانت عن تغيرات في الtelephone calls minutes in billions الي بتستهلك في بريطانيا من 95 لغايه 2002 وفيه كذا محور

1-عمود يمثل المكالمات المحليه

2-عمود يمثل المكالمات الدوليه

3-عمود يمثل مكالمات عبر الموبايل

التاسك التاني بيحكي عن اراء الناس في السجون وان فيه البعض بيشوف ان للسجون وظايف تانيه غير كونها عقوبه للمجرمين

اليسننج كان معقول برده

لكن السيكشن وان عاوز اقولكو انه كان مش سهل في 3 اسئله جاب وانت بتملاه و الباقى (7 اسئله) عباره عن ملتي شويز وانتو عارفين انها بتبقا رخمه عشان الوقت مش بيسعف لقرايه الاختيارات حتى لو بسرعه

بس كده اديه حكايه الايلتس ولله مش صعب حتى احب اطمن كل الناس الي هيدخلوه مهما كان جنرال او اكاديميك ولله مع التدريب التدريب كل حاجه هتتحل باذن لله

احب اشكركم كلللللللللللكم وربنا يبارك فيكم و كل سنه وكل ام طيبه :roseop:

[أحمد سيف]

ربنا يوفقك يا دكتور بيسو ... بس قوللي انت دخلت الأكاديمك ليه مش الجينيرال ... ناوي تكمل دراستك بره

طيب وبالمقارنة بالتوفيل ايه أخباره ... يعني الأسهل الواحد مثلا يجيب 100 في التويفل ولا 7 ونص الأيلتس أكاديميك

[drbeso]

لله يبارك فيك يا اخ احمد لا انا مش ناوى لكندا اساسا انا بعمل معادله استراليا وهما طالبين شرط رخم حبتين هو انك تجيب سبعه ونص اوفر اول و متقلش عن سبعه في اي باند

بالنسبه للتويفل بصراحه مش عارف لكن واحد صاحبي راح يدرس في جنيف خده وجاب 95 تقريبا فاكر انه قالي مفيش حاجه سهله انت بس انوى وركز في اللي اختارته وحاول تدي لروحك وقت كافي للتحضي سواء كان تويفل او للايلتس بالنسبه هل ممكن الواحد يجيب 7ونص اوفر اول فانا لسه معرفش نتيجتي هتبقا كام ولي قلقان منه مش هتصدق انا قلقان فقط من الاسبيكنج لانى كنت سترس شويه لانى اول مره اخشه

لكن احب اقولك ان سبعه ونص ده مش مستحيله خااااااااااااااااالص ولله وبعدين اعمل الي عليك والباقى على ربنا يعني وانت بتزاكر حاول تحط 9 في بالك مش سبعه و فكر في المستوى ده خلى طموحك عالى صدقني هتجيب احسن مما كنت تتوقع انشالله

[أحمد سيف]

شكرا للاهتمام يا أخي الفاضل

الحقيقة أنا عملت التويفل والأيلتس جينرال لكن ما جربتش الأكاديمك علشان كده حبيت أسألك عليه ... أصلي ناوي أقدم على منحة دكتوراه ومحتاج سكور عالي فكنت متردد بين التويفل والأيلتس أكاديمك. التويفل كانت مشكلتي معاه في السبيكنج لإني بحب أبقى شايف اللي بتكلم معاه مش مجرد باتكلم في سماعه ... والأيلتس الجينيرال كان سهل جدا لكن سمعت إن الأكاديمك أصعب منه بكثير.

تحياتي

[heshothman]

ممكن سؤال لأهل الخبرة

فى تصحيح الليسيننج

لو مثلا أجابة سؤال على سبيل المثال

a care

وانا جاوبت

car

كده تتحسب الأجابة صح أم خطأ

[drbeso]

لاسف غلط

[drbeso]

قدر لله و ماشاء فعل

نتيجتي بانت النهارده جت بدرى عن المتوقع المهم لاسف مجبتش الاسكور بس الحمدلله على كل شئ

الريدنج 7

رايتنج 5 ونص

سبيكنج 7

ليسننج 6 ونص

عالعموم الحمدلله وكله هيعدي انشاالله

برده انا بشكركم جدا واتمنى كل النجاح والتوفيييييييييق يارب

[bent misr]

د / بيسو

النتيجه حلوة مش وحشه

انت كده جايب 12 و ده ممتاز

بس انا مش عارفه هل انت محتاج 16

على العموم ربنا يوفقنا جميعا :rolleyes:

لا يأس مع الحياة و لا حياة مع اليأس

[drbeso]

اهلا اختى بنت مصر الحمدلله على كل شئ

انا زي ما زكرت قبل كده ان الاسكور لمطلوب بنسبالي مش ل كندا لكن لاستراليا و للعلم انهم طالبين اوفر اول سبعه ونص ومتقلش عن سبعه في اي بند (اكاديمك) :happy:

مش عارف بصراحه ايه حكايه كندا اانا كنت متعلق بيها من زمان لكن بعد ليسته نوفمبر كبرت دماغي

انا سمعت ان جايز يبقا في ليسته جديده في ابريل بس لله واعلم

انا معرفش ان كنتى حضرتك ماشيه في موضوع هجره كندا برغم اليسته و لا انا فاهم حاجه غلط

يارب خير

انا قررت اعيد الايلتس مره تاني و يارب اعيديه المره ديه

وربنا يوفقنا كللللللنااااااا :rolleyes:

[ramyfathalla]

د/ بيسو درجاتك تعتبر ممتازة من أول مرة

بس أنت حاتعمل أكاديمك ليه هو أنت رايح لدراسة معينة فى استراليا

أنا حسب معلوماتى البسيطة عن اتراليا انهم بيطلبوا overall 6.5

و على العموم عاجبنى قوى العزيمة اللى عندك انشاء الله ربنا يوفقك المرة اللى جايه

و يمكن اللستة بتاعة كندا تتغير و ساعتها الاسكور بتاعك يكون هو المطلوب و ربنا يوفقك ان شاء الله

[Nour moaty]

انا خلاص زهقت

دخلت امتحان الايلتس تلات مرات فى ابوظبي

اول مره يوم 21 -11-2009

الريدنج 5.5

رايتنج 4.5

سبيكنج 5.5

ليسننج 5

تاني مره يوم 6-3-2010

الريدنج 5

رايتنج 5.5

سبيكنج 6

ليسننج 5

تالت مره يوم 20-3-2010

الريدنج 6

رايتنج 5

سبيكنج 6

ليسننج 5.5

يعني 7 نقط بس وانا عايز 14 علي الاقل عشان الهجره

المهم اعمل ايه ؟اذاكر ازاي؟اخد كورسات فين و ابتدي من فىن الكورسات و شكلها ايه الكورسات دي؟

علي العلم اني فى ابوظبي و مقدم فى مكتب و ملفى اتقبل و طلبو مني الايلتس و باقى الاوراق و اخر ميعاد يوم 21 مايو

انا فى مصر دلوقتي لمده شهر اخد كورس فين؟

عايز اجابه شافيه و مرضيه من الخبره و الناس الكرام

[drbeso]

شكرا جزيلا اخي رامي ولله انا دخلت الاكاديمك عشان معادله استراليا للصيادله بتطلبه وهيا الي حطه الاسكور العالي بتاعهم مش الهجره

ثم من بعد المعادله تاتي خطوه الهجره بعد ماتكون جمعت النقط المطلوبه وانا شايفها بصراحه ميزه انك تضرب عصفورين بحجر واحد انك تهاجر وتعمل نص مشوار المعادله وانت في بلدك ده ميزه مهمه جدا بالطبع

ولله انا بخص بالشكر للاخ طارق وهو انسان رائع وساعدني بجد واتشرفت بمعرفته وكذالك الاخ ميدو فارما وكل النااااس بامانه ولله

انا انشالله هخش اخر الشهر ده 24 ابريل والواحد عرف مشكلته الاسياسيه في الرايتنج ولله المستعان

اما بالنسبه للاخ نوور احب انصحك الايلتس مش بعدد مرات دخوللك الامتحان

لو هتلاحظ اكيد كان في امتحان الليسنجج صعب مره ويبقا الريدنج سهل والعكس صحيح وده الي حصل معايا

عاوز اقولللك انى ضد اي كورس في البرتش كونسل كتحضير للايلتس انت لازم تعمل الاتي بمنتها الدقه :

1-التدريب من كتب امتحانات مثلا زي المجموعه من واحد ل 7 وكتاب اسمه تيست بيلدرر وان و تووووو

2-زود الكلمات بتاعتك انشالله لو بكتب مخصصه لذلك لو كل يوم حفظتلك حبه هتبقا كويس جدا جدا وده هيفدك في الاسبيكنج و الريدنج و رايتنج

3-الصبر ثم الصبر ثم الصبر انا كنت بجيب خمسه وخمسه ونص في الريدنج وبصراحه هو صعب جدا في الاكاديمك لكن متياسش نهائيا على الاطلاق

باماانه الصبر مفتاح الفرج وحاول تحط الايلتس هدف واكيد انت لما دخلته عرفت انه مش مستحيل لكن انت متدربش لامتحان بدخولك له لان برده حرام فلووسك و نفسيتك

ادرب صح قبل الامتحان وانشالله هتبقا زي الفل وبكره تطمننا :)