مطبخ العُزاب .........عفوا ممنوع دخول الغير عُزاب .!!!

[deemuck]

طبق كبدة سريع وانت واقف

ضح الكبدة بعد التقطيع مع قدر بسيط من الزيت داخل طاسة وسويها على نار هادية قبل مرحلة النضج ضع البصل المقطع.

انتهى - والساندوتش ب 3 ريال.

ممكن تضع مع البصل الفلفل الخضر وتبقى – كشة – مع ملاحظة ان الكبدة اولا وبعدها البصل.

[badroora]

النجم الثاقب ايه اندومى دي ...... wst::

ديم مق كل ماتقول كشة احسن انك كنت عاوز تكتب كرشة وغلطت .

ايه بقي الكشة دي . wst::

ديم مق نصيحة متكترش من الكبدة ......بصل كتير وطماطم كتير كبدة قليل عشان الكبدة اكلها مش صحى

مرررة

[النجم الثاقب]

النجم الثاقب ايه اندومى دي ...... wst::

wst:: معقول مفيش إندومى فى البحرين .. و لا شوفتى إعلانتها فى التليفزيون !!؟؟

على العموم مفيش مشكله ، الإندومى دى شعرية سريعة التحضير و بنكهات مختلفة ، بس إيه .. إدمااااان

ممكن نتصرف و نلم من المقيمين فى السعودية و نبعتلك كرتونة لو عايزة تجربيها wst::

[moheltohamy]

هاهاهاهاهاهاها ... إنتا صورتها لبدرية؟ wst::

هيه أكيد موجودة في كل مكان ، بس يمكن النودلز ليها أسماء أو ماركات تانية في كل بلد!

هيه بصراحة إدمان فعلاً ، و3 دئايئ وتنجز ف المصلحة ، ويا سلام بقى لو تزود عليها صوص المكرونة بتاع هاينز ، والصوي صوص ، ولو شوية تاباسكو صوص (الفلفل الاخضر) ... يبئى انتا كده ميت فل و 27 wst::

تم تعديل 23 يونيو 2008 بواسطة moheltohamy

[النجم الثاقب]

هاهاهاهاهاهاها ... إنتا صورتها لبدرية؟ wst::

ياباشا كل حاجة لازم تكون موثقة :blink:

هيه بصراحة إدمان فعلاً ، و3 دئايئ وتنجز ف المصلحة ، ويا سلام بقى لو تزود عليها صوص المكرونة بتاع هاينز ، والصوي صوص ، ولو شوية تاباسكو صوص (الفلفل الاخضر) ... يبئى انتا كده ميف فل و 27 wst::

حبيبى ... إيه الحلاوة و الطعامة دى ... جامدة قوى الإضافات دى .. تسلم إيدك wst::

[se_ Elsyed]

سعادة رئيس مجلس إدارة مطبخ العُزاب ...

تحية طيبة وبعد ،،،

أتقدم لسعادتكم بأرق وأحلى التبركيات متمنياً من الله ان يدوم عليكم نعمة العزوبية وان يجعلكم تنعمون بطعم الاكلات الخزعبلية ...

وأرجو قبول عضويتي .. كعضو عامل - عامل عمله - في نادي العُزاب اللي كله عذاب ....

على ان تصل لسعادتكم حوالة مستعجلة تشتمل على صينية بطاطس بالدندورمة وهي تُمثل قيمة الإشتراك لمدة 3 شهور الصيفية اللي بأكون فيها عُزابي والتي تبدأ من اليوم ....

والسلام ختام ..

اخوكم العُزابي المُعذب ... س س .... متزوج سابقاً وأعزب واعول حالياً .... وبدأت أول خطوة اليوم بوضع قدمي على اعتاب المطاعم ... وبدأتها بمطعم صيني بأحب أكل فيه بس بأجيب جاز وبأزهق بعد يومين تلاتة وأقول " فينك يا مراتي .. فين فتة الكوارع ... وحلة الممبار .... والطاجن الكبير اللي بنسلق فيه راس العجل ... كل الأكلات الخفيفة دي بتبقى في العشا عشان الواحد ما يجيلوش كوابيس كل ده هايوحشني وأرجع للمسلوق والمحروق والمسحوق وبوزي يبقى في بوز هاندي كرافت اللي ما بيعرفش يسلق البيض ونفضل نلف وندور على المطاعم زي المتسولين )

[badroora]

الابن البار .......العُزابي المُعذب س س .......اهلا وسهلا بك بين اخواتك واخوانك فى العُزاب CLUB :D

مبدئيا وقبل الخوض فى تفاصيل اشراكك و مدة اقامتك لدينا .

قول الحق لو سمحت ....الدعوة اللى دعتها علينا دى خالصة من قلبك ...ودعتها بنيه صافية .ولا لاء.. :rolleyes: ؟

ثانيا .......بخصوص الاكلات الخفيفة التى كنت تتناولها فى العشاء فعلا قطعت قلبي انت يا بنى بضيقها على

نفسك ليه وماسك على نفسك كدا , انت صاحب عيال ماشي بس مش معنى كدا انك تقسي على نفسك

وتوفر من اكلك .......تلاقيك يا حبة عينى هفتان من الاكل اللى بيمسح الزور دا .

عموما لا داعى للمطاعم ....والاكل مجهول المصدر .

هنحاول نشوف وجبات خفيفة لشخص يعمل 6 ايام فى الاسبوع وان شاء الله تقضي مدتك معانا وتكون

اقامة سعيدة موفقة ......وموضوع الاكل سيبه علينا والله الموفق .......ولكن

اللى قلقنى ........هتعمل ايه

فى الغسيل .....وتنضيف البيت ......وتزعيفه ......وكل الحاجات وكمان شكلك تقريبا

هترمضن لوحدك ........عموما ابقي اوفينا بتقرير يوميى عشان نساندك .

مرة اخرى اهلا وسهلا بك .....ونتمنى لك اقامة سعيدة .

وبخصوص صنية البطاطس .....اللحمة من غير دهن وشغط .. انت عارف الكوليسترول ومشاكلة

مع تمنيات نادى العزاب

باقامة سعيدة مريحة

عنهم

نجفة الضب :lol:

تم تعديل 30 يونيو 2008 بواسطة Badria Mekkawy

[badroora]

..

ممكن نتصرف و نلم من المقيمين فى السعودية و نبعتلك كرتونة لو عايزة تجربيها :wub:

اقولك على سر بس متضحكش ........ :lol:

مرة جبت حاجة شبهها كدا ومش فاكرة هى دى ولا لاء وفكرتها شوربة وغليت الماية وحطيت الكيس فيها

........وبعد شوية كدا ......لاقيتها بتعلب فى الحلة فكرتنى بالبلهارسيا ولا الديدان الشريطية إرفت منها

ورميتها ومن ساعتها لا شوفتها ولا حتى فكرت اجبها كل ماروح سوبر ماركت واجى جنب حاجة زى كدا

اغمض عيونى وامشي :D

لكن لو مصر على موضوع الكرتونه دا ........ممكن اجرب عشان بس مش اقدر اكسفكم :rolleyes:

والاي بي ادرس بتاعى لدى الادارة ممكن تبعتلوى الكرتونه عليه

وكتر خيركم :sad:

[se_ Elsyed]

هتعمل ايه

فى الغسيل .....وتنضيف البيت ......وتزعيفه

بدون الخروج من موضوع الطبيخ ... هاحكيلك على ومضات من حياة عازب كان متجوز في يوم من الأيام ..

- أنا بأصحى الصبح زي أي واحد ما بيصحى ... طبعاً ما بأفطرش وده سلو عيلتنا ... بجد ... كلنا بنقوم من النوم ما لناش نفس نتكلم حتى .. والله حتى العيال ولادي طالعين كده هما كمان ولو كلمتي حد عندنا لسه صاحي من النوم ممكن يطلع المطوه ويغز اللي قدامه ... بس على ما بأروح الشغل واقعد واترستق ممكن اكل حاجه خفيفة بسكوت أو أي حاجه من دي .

- الغدا .... يا مطاعمك يا رياض وأي حاجة في رغيف وكل عام وأنتم بخير .... ويوم الخميس والجمعة بنتجمع نحن معشر العزاب وبنضرب أكل جامد غالباً ما بيكون مصري

- العشا ... يوك .... أي حاجه في التلاجة من البواقي والفُضل ومشي حالك .. وغالباً ما بيكون شيبسي .. أو فاكهة من اللي بأفتري فيها وبأنزل أشتري صناديق كرز ومشمش وحركات وأفضل أحش فيها طول مانا قاعد في البيت .

بالنوسبة لإقامتي في البيي ... ده لو روحت ..

فحضرتك سيادتك

انا باجيب المرتبة وبأفرشها في الأوضة اللي فيها التليفزيون .... وبانام وأصحى وأتقوقع في الأوضة دي وجنبي لاب توبي عن يميني ... وقزازة مية ساقعة عن يساري ... وطبق فاكهة فوق راسي .... والمٌنبه قريب من كتفي كده بشوية .

غسيل ملابس ... لا يحدث ولم يحدث ... لإن هدومي والحمد لله كتير والغسالة ما بأعرفش طريها منين ولو تقرائي حاكوي القهاوي بتاعتي هاتعرفي إني عندي عقدة من الغسالة التوماتيكي اللي حتى الان بأشعر إني لو شغلتها في مره فهاتنفجر فيه أو تشفطني وتشطفني زي أفلام الكارتون بحيث لو بصيتي من بابها القزاز اللي في الجنب هاتوشفيني وأنا بادوخ زي الواحد لما يركب لعبة الـ Top Spin اللي في دريم بارك ... ولما الأستوك بيقرب يخلص بأودي خلجاتي عالمغسلة وبأستلمها مغسولة ومكوية وملبوسة كمان ..

تنظيف بيت .... حد الله .... وكل فترة كده باجيب الحارس بيظبط المسائل ...

وباعمل حاجه ظريفة ومبتكرة وما أعتقدش حد بيعملها في حياته .... بدون مبالغة جميع هدومي بأخرجها من الدولاب وأرصها على السرير جنب بعض وفوق بعض لإني بأكسل أفتح الدولاب وأنزل الهدوم من على الشماعة

وبالتالي لو حد أقتحم شقتي وانا مش موجود وأخد صور فوتوغرافية مدعمة لمنظر الشقة بالشكل ده وبعتها لمراتي .... يبقى أتوقع قيام حرب عائلية تالتة لا يعلم مدى خسائرها إلا الله .

لإني قبل موعد وصول العائلة .. بأقوم بإخفاء أي أثر لجرائم الحرب اللي كنت بأرتكبها في الشقة وبأحوال أرجع كل شيء إلى ما كان عليه قبل عيشة العزوبية .... اللي أنا شخصياً بأسميها عيشة المعيز .

[النجم الثاقب]

..

ممكن نتصرف و نلم من المقيمين فى السعودية و نبعتلك كرتونة لو عايزة تجربيها wst::

اقولك على سر بس متضحكش ........ :lol:

مرة جبت حاجة شبهها كدا ومش فاكرة هى دى ولا لاء وفكرتها شوربة وغليت الماية وحطيت الكيس فيها

........وبعد شوية كدا ......لاقيتها بتعلب فى الحلة فكرتنى بالبلهارسيا ولا الديدان الشريطية إرفت منها

ورميتها ومن ساعتها لا شوفتها ولا حتى فكرت اجبها كل ماروح سوبر ماركت واجى جنب حاجة زى كدا

اغمض عيونى وامشي :D

لكن لو مصر على موضوع الكرتونه دا ........ممكن اجرب عشان بس مش اقدر اكسفكم :rolleyes:

والاي بي ادرس بتاعى لدى الادارة ممكن تبعتلوى الكرتونه عليه

وكتر خيركم :wub:

انا عمرى ما شفت الاندومى أو أى نودلز بيلعبوا فى الحله يا بدريه :sad: :wub: :wub: بس هبقى أركز المره الجايه

[badroora]

طبعا ولا عمرك هتشوفها بتلعب ...لانى ببساطة شوفتها بعين مهنية ..مش بعين مطبخية ....... :rolleyes:

[badroora]

هتعمل ايه

فى الغسيل .....وتنضيف البيت ......وتزعيفه

بدون الخروج من موضوع الطبيخ ... هاحكيلك على ومضات من حياة عازب كان متجوز في يوم من الأيام ..

- أنا بأصحى الصبح زي أي واحد ما بيصحى ... طبعاً ما بأفطرش وده سلو عيلتنا ... بجد ... كلنا بنقوم من النوم ما لناش نفس نتكلم حتى .. والله حتى العيال ولادي طالعين كده هما كمان ولو كلمتي حد عندنا لسه صاحي من النوم ممكن يطلع المطوه ويغز اللي قدامه ... بس على ما بأروح الشغل واقعد واترستق ممكن اكل حاجه خفيفة بسكوت أو أي حاجه من دي .

- الغدا .... يا مطاعمك يا رياض وأي حاجة في رغيف وكل عام وأنتم بخير .... ويوم الخميس والجمعة بنتجمع نحن معشر العزاب وبنضرب أكل جامد غالباً ما بيكون مصري

- العشا ... يوك .... أي حاجه في التلاجة من البواقي والفُضل ومشي حالك .. وغالباً ما بيكون شيبسي .. أو فاكهة من اللي بأفتري فيها وبأنزل أشتري صناديق كرز ومشمش وحركات وأفضل أحش فيها طول مانا قاعد في البيت .

بالنوسبة لإقامتي في البيي ... ده لو روحت ..

فحضرتك سيادتك

انا باجيب المرتبة وبأفرشها في الأوضة اللي فيها التليفزيون .... وبانام وأصحى وأتقوقع في الأوضة دي وجنبي لاب توبي عن يميني ... وقزازة مية ساقعة عن يساري ... وطبق فاكهة فوق راسي .... والمٌنبه قريب من كتفي كده بشوية .

غسيل ملابس ... لا يحدث ولم يحدث ... لإن هدومي والحمد لله كتير والغسالة ما بأعرفش طريها منين ولو تقرائي حاكوي القهاوي بتاعتي هاتعرفي إني عندي عقدة من الغسالة التوماتيكي اللي حتى الان بأشعر إني لو شغلتها في مره فهاتنفجر فيه أو تشفطني وتشطفني زي أفلام الكارتون بحيث لو بصيتي من بابها القزاز اللي في الجنب هاتوشفيني وأنا بادوخ زي الواحد لما يركب لعبة الـ Top Spin اللي في دريم بارك ... ولما الأستوك بيقرب يخلص بأودي خلجاتي عالمغسلة وبأستلمها مغسولة ومكوية وملبوسة كمان ..

تنظيف بيت .... حد الله .... وكل فترة كده باجيب الحارس بيظبط المسائل ...

وباعمل حاجه ظريفة ومبتكرة وما أعتقدش حد بيعملها في حياته .... بدون مبالغة جميع هدومي بأخرجها من الدولاب وأرصها على السرير جنب بعض وفوق بعض لإني بأكسل أفتح الدولاب وأنزل الهدوم من على الشماعة

وبالتالي لو حد أقتحم شقتي وانا مش موجود وأخد صور فوتوغرافية مدعمة لمنظر الشقة بالشكل ده وبعتها لمراتي .... يبقى أتوقع قيام حرب عائلية تالتة لا يعلم مدى خسائرها إلا الله .

لإني قبل موعد وصول العائلة .. بأقوم بإخفاء أي أثر لجرائم الحرب اللي كنت بأرتكبها في الشقة وبأحوال أرجع كل شيء إلى ما كان عليه قبل عيشة العزوبية .... اللي أنا شخصياً بأسميها عيشة المعيز .

س س انت كأنك بتوصف غرفتى بالظبط ......مع فرق التليفزيون وطبق الفاكهة :D

الله يستر عليك والظاطا لايت ميوصلش الصورة دى للجماعتكم ويحصل مشاكل .....

وبخصوص الهدوم هاقولك على طريقة احسن

عندك مثلا هدوم الخروج والشغل والحاجات دى . ممكن دورف الدولاب الاربعة ترص عليهم

الهدوم من فوق وتخلى درفة للهدوم النضيفة والتانية للملبوسة

لحد ما تنتهى مدة لبسها وتأرشفها فى الغسالة :rolleyes:

والحاجات التانية ممكن اى كرسي وليكن فوتيه وارميهم عليه وبكدا تبقي سهلت الدنيا عليك .

والله يستر طريقك ان شاء الله :lol:

[aimen]

سى السيد بما انك اصبحت واحد من اعضاء النادى مؤقتا يبقى لك بعض الميزات الحصرية ( ربنا يرجع لك ام عمر بالسلامه )

تحب تتفرج على مسلسلات اجنبية عندى حلقات lost - prison break -my name is earl - the class - friends ويجى كده 70-80 فيلم اجنبى وحاجات كرتون

قلت ايه ؟ لو عاوز نتقابل اى يوم وتستلم الجثة ( الحاجات على هارد 800 GB يعنى جهز مساحة محترمة )

[aimen]

الأخت بدرية

شوفى لك حل كلامكم هنا خلانى اشترى ميكرويف علشان اطبق التمارين العملى والنظرى اللى هنا بس ولا مرة استعملته خايف منه ؟.

مش عارف لازم اطباق معينة ومش عارف درجات حرارة وتوقيت ....يا نهار دا الموضوع طلع معقد ....انا انضحك على يا رجاله ...

فياريت تكثفى لنا الدروس الخاصة بوصفات الميكرويف ....ماهو حرام عليكم اروح اشتريه واقعد اتفرج عليه ... والإ حدعى لك ؟ وانتى عارفه تأثير الدعاء ....وقد اعذر من انذر ولا اقولك تشتريه منى وتريحى نفسك

[iloveegypt]

بسم الله ماشاء المنتدى بقى عنصر مرة للسيدات فقط ومرة للعزاب فقط

طيب والمتزوجين الرجالة زى حلاتى يروحو منتدى محاورات تل ابيب ولا ايه :closedeyes: :unsure:

على العموم لما كنت عزوبى كنت باعما احلى اكل كالاتى باختصلر طبع

1: تونة بالخيار

2-تونة بالطماط

3-تونة العيش

4-تونة بالتونة

[se_ Elsyed]

قلت ايه ؟ لو عاوز نتقابل اى يوم وتستلم الجثة ( الحاجات على هارد 800 GB يعنى جهز مساحة محترمة )

ربنا يجعل هارديسكات المؤمنين عمار ...

هارد 800 جيجا ؟!!!! إنت قصدك سيرفر صن وعليه يونكس أوبريتنج سيسم ؟ :lol:

عامة يا عم أيمن يشرفني معرفتك وبإذن الله ننسق مع بعض واجيب التريلا و4 عمال بنغاليين ونيجي نستلك السيرفر بالراك بتاعه ... بس أنا ما بأعرفش يونكس :lol:

[جويرية]

انا يا بدرية يا اختي مش بحب أعمل الأكل خالص ، يعني ممكن أنضف او اغسل اطباق ، لكن اني اطبخ لا أحتي هيا اللي متولية الموضوع ده

وده كويس عشان انا بؤمن بمبدأ التخصص

يعني الواحد لما بيتخصص في غسيل الأطباق بيبدع فيها و ممكن يدخل في مسابقات لغسيل الأطباق و يفوز بالمركز الأول كمان

بس ماما بقي مش عاجبها الموضوع ده و بتشكك في قدراتي و تقولي أنتي مش بتعرفي تطبخي ، أنا طبعا بقولها لا يا ماما مش فاكرة الأكل الحلو اللي كنت بعمله في بيتي طول فترة حياتي الزوجية الطويلة جدا اللي هما 6 شهور بحالهم ،

[desert_eagle70]

بجد فرحان فيكم .. مش عارفين تاكلوا ومشاكل وطبيخ .. انا عندى اتنين أصحابى ربنا ميحرمنى منهم محسسنى ان امى فى البيت وعليهم طبيخ مشفتش ولا هشوف زية أستاذة وخصوصاً فى السى فوود دكتوراه .. لما تسافروا أو تبقوا عذاب أختاروا أصحابكم .. قولى من تصاحب أقولك من من انت وبتاكل ايه.

[badroora]

الاخ العزيز أيمن ........الف الف مبروك الميكرويف ربنا يديك خيره ويكفيك شره :unsure:

ازاى تشغله

شوف هتلاقى معاه 2 كتالوج واحد مختصر والتانى مطول ..خليك فى المختصر .

واقرا طريقة تشغيله ونوع الاكل اللى بينطبخ على انهى درجة .

انا عن نفسي لا احبز طبيخ الميكرويف الا القصير منها يعنى شوى وسلق والحاجات دى

لا انا اخاف من الاشعة الكهرومغناطيسية اللى مسئولة عن التسخين .

مبدئيا

شوف اللوحة الامامية للميكرويف هتلاقى

مكتوب ....زى استارت .. ميكرويف ولا جريل ولا اكسبرس

عند التسخين مثلا اختار ميكرويف واختار التايم من اللوحة انا بتكلم على اللى عندى

بقولك ايه اقرا الكتالوج او هتلى صورة الميكرويف والموديل بتاعه وانا اجيب قراره من ع النت واقولك تتصرف زاى

لان المكيرويفات تختلف عن بعضها .

والف الف مبروك ........ :sad:

تم تعديل 1 يوليو 2008 بواسطة Badria Mekkawy

[مصري جدا]

الأخوة الأعضاء

اتقدم بطلبي هذا للأشتراك في النادي علما بأني اعزب لمده شهر فقط ....طبعا انتم اكيد حسيتم من تواجدي بصفه دائمه من أسبوع .....بالنسبه للمطبخ انا بأحب ادخل المطبخ زأعمل حلويات وأكل ...يعني ممكن أطبخ أعمل بيتزا من الأف للياء.....من أول العجين يعني......بس عندي مشكله خطيره

مش بأقدر أطبخ إلا لما يكون فيه حد ياكل معايا ...وأنا حاليا اعزب ..أذن مش بأطبخ حاجه...لكن لو حد عاوز أي وصفه أو إستشاره أنا في الخدمه....

دي وصفه جميله وسريعه لعشاء صحي ولذيذ

فيليه دجاج مشوي مع خضار مسلوق

قطعه من صدر الدجاج فيليه مخلي...تتبل بالملح والفلفل الأسود وعصير أو بشر البصل

كوسه +جزر مسلوق أو أي خضار تفضله

يتم شواء الدجاج علي الشوايه الكهربائيه أو هوت جريل ويتم أضافه عصير ليمون قبل انتهاء عملية الشوي مباشرة

يتم تتبيل الخضار بقليل من زيت الزيتون والملح والفلفل والليمون

وبالهنا

أرجو الموافقة علي العضويه ولو حتي شرفيه